حـب وحـنية

لية دايما افكر فيك

وانت مابتفكر فية
لية دايما احس عينيك

انها مش سئلة علية
لية دايما احس كلامك
وبدوب ف كلام الهمس
وعيونى دى حسا بك
وعيونك مش بتحس
دا اللى ف عينيك يا حبيبى

كلة حب وحنية
لية دايما افكر فيك

وانت مابتفكر فية
شغلانى عنينك وجمالها
ولا حد ف دنيتنا بحالها
يستاهل منك رمش
دا اللى انت عنيك بتقولة
انا برضة عنية تقولة
وياريتك ماتفكرش
دا اللى ف عنيك ياحبيبى

كلة حب وحنية

انا حته منك

هضيعى ليه الفرصه منك
مش هتلاقى قلب زيي
ولا هلاقى قلب زيك
يبقى ليه البعد ليه
انا علشان اقدر اكمل
محتاج قلبى يضم قلبك
محتاج قلبى يحس بيكى ويحس حبك
فكرى بس شويه فى حبى
هتلاقينى انا حته منك

اول حب

مين اللى قال ان اول حب دا وهم كبير
مين اللى قال ان اقدر اعشق بعدة كتير
دا زى الوردة اللى تدبل وشوية مية تحييها
وكل يوم قلبى يسأل لو لحظة ناسيها
وازى ياقلبى تنسى وانت ف هواها اسير
دا مين اللى قال ان اول حب دا وهم كبير

حـــاولـت كثيرا

حاولت كثيرا ان اكون ذلك الفتى الذى سكن خيالها
حاولت ان اكون ذلك المصباح الذى يحقق امنياتها
حاولت ولكن لم استطيع ان استمر
فقد استطاعت بحسنها ان تستغل حبى لها
استطاعت ان تمتلك كل شئ ولكنها
لم تستطيع ان تمتلك قلبى
فقد قرر ان لا يكون زينتا ً فى يديها
ولكنه اختار ان يكون فى يد من يستحق ذلك القلب
نعم قرر ان ينفصل عن هذا العالم
قرر ان يسكن فى مغاره الاحزان
حتى ياتى من يفتح تلك المغاره بكلمه حب

عــشــقــك

عشقك وعاشق
كل كلمه حب حلوه
عشقك وعشقك
ازاىانا اقدر اوصفه
لو قولت اكتب
يا حبيبتى الف غنوه
مقدرش اقول غير
اللى قلبك يعرفه
واللى قلبك حس بيه
واللى عايش بيداريه
دلوقتى قولى ساكته ليه
خلى حبك وردتين
عن العيون ما يختفوا
عشقك وعاشق
كل كلمه حب حلوه
عشقك وعشقك
ازاى انا اقدر اوصفه

كل ما اقرب

ليه كل ما اقرب تبعدى والله حرام
مفيش فى العمر باقى نعيش احلام
كفايه اللى شوفته وكفايه اللى عشته
مش ناقص ان اعيش اوهام
الحكايه انى خلاص نفسى استقر
احب اعيش حياتى والدنيا تمر
عليا فى سلام
ودا حلم بسيط من ضمن احلامى
يامه حلمت بيكى تحلى ايامى
وتحسسينى بالامان
ليه كل ما اقرب تبعدى والله حرام

تـــــاج وزاره التربيه والتعليم

احنا انكتب علينا نجاوب تاجات كتيره
والتاج النهارده جانى من مين
من الاميره احساس طفله محبه للرومانسيه
و اميره الرومانسيه يــويــو
والاميره الفراشه الصغيره
نبتدى منين الحكايه
كان يا ماكان كان فيه امير قاعد فى حاله
فى الديسك الاخير
معرفش ايه بقى جراله
لما لقى الميس بتسال
ميس احساس
ميس يويو
ميس فراشه
وانا عليه انى اجاوب
خلاص هجاوب يا ميس
وامرى لله
بس على فكره ممنوع الضرب
والا هبلغ الوزاره تاخد حقى
انا قولت اهو
نبتدى بقى
ايه اول سؤال يا ميس
إسمك ؟
يانهار ابيض يا ميس انا بقالى سنتين فى المدرسه
ومش عارفه اسمى اللى واخد عقلك يا ميس هتفتكرى ايه ولا ايه
اسمى احمد يا ميس
رقم 20 فى الكشف
سنك ؟
انتى فقدتى الذاكره يا ميس ولا ايه
لا حول ولا قوه الا بالله
حاضر هجاوب من غير زعيق
سبعه وعشرين سنه وخمس شهور

بالضبط

مجال دراستك ؟
انتى يا ميس مش عارفه كمان انتى بتدرسى ايه
دا الموضوع كبر قوى
انا مجال دراستى تكنولوجيا انتاج
بشتغل فى مجال الجوده وشكلى كده
مش هاحضر تانى فى المدرسه دى هحول منها
إسم مدونتك ؟
من ساعه ما دخلت المدرسه يا ميس وانا مدونتى
اسمها رومنسى بس حاولت اغيرها بس قولت لا
خليها كده جايز اعجب
ههههههههههههههههههه
صورتك الرمزية فى المدونة بتعبر عن إيه؟
هو انتى يا ميس بتدى حصص رسم كمان
طيب صورتى بتدل على اتنين مصدقوا يلقوا
بعض ورايحين البحر يغرقوا همومهم
بعد ماقالوا اللى جواهم
هل فكرت فى إغلاق مدونتك؟ و السبب؟
انا يا ميس من غير كدب فكرت للحظات
بس قولت لا ممكن مكتبش الواجب
بس مهربش من المدرسه دى فيها اخواتى
اللى هما عشره عمر
اوليمبك
إيه رد فعلك لو حد قل أدبه عليك فى المدونة ؟
الصراحه يا ميس بتعامل بهدوء جدا
بس لو الموضوع كبر بروح للمديره بقى
تجيبلى حقى
أسوأ مدونة دخلتها ؟
هو طبعا كل شئ فى الدنيا فيه الحلو وفيه الوحش
بس دا علشان الحلو يبان ويكون دايما هو اللى عالى
بس طبعا فيه مدارس بتهين البشر والاسلام
ودى اسوأ مدونات
هيحصل أيه للإيميل بعد ما تموت؟
علمتينى يا ميس ان لكل شئ فى الدنيا عمر
يبقى اكيد الميل برضه هيبقى عمره انتهى لغايه كده
عطيت الباسوورد لحد قبل كده؟
هى اسمها عطيت ولا اعطيت يا ميس
احنا بنقول اديت يا ميس بس مش مشكله
المعنى مفتكرش يا ميس انى اديته لحد خالص
السفر بالنسبة لك؟
الصراحه يا ميس تفرق السفر مع مين وايه الغرض منه
يعنى لو كان غرض شغل بيبقى مرهق جدا
اما بقى لو غرض فسحه مع اللى بنحبه ان شاء الله اروح معاه المريخ
هيبقى سفر ممتع قوى
المود بتاعك ايه؟
انتى يا ميس بتسالينى اسئله زى ما تكونى مش معانا فى الفصل اصلا
بس اقولك انا متقلب المزاج لما بكون سعيد بحس انى عندى طاقه تكفى الدنيا بحالها
اما بقى وانا زعلان مش بعرف افكر لانى القلق بيكون زى الشوكه اللى مش بتخلى الانسان يفكر فى حاجه خالص
بتعمل أيه في وقت فراغك؟
مش هكدب عليكى يا ميس لاما بكتب الواجب اللى عليه يا اما على الكمبيوتر
والنت بجيب دروسى من عليه شوفتى بقى انا شاطر ازاى
الأكلة المفضلة؟
انا بحب اى حاجه والدتى بتعملها من ايديها
بس بحب قوى الفراخ
والسمك المشوى
الصفات التي أخذتها عن والدك؟
والدى الله يرحمه انا ورثت منه الطيبه والقلب الكبير يا ميس
اظن دلوقتى بعانى منهم قوى بحس انى فى عالم تانى
بس يا ميس انا مش هتغيير انا زى ما انا
الصفات التي أخذتها من والدتك؟
اخدت منها حاجات كتير بس اهمها انى اكون انسان رحيم بالناس
اقدر ظروفهم واقف جنبهم واساعدهم على قد ما اقدر
اكثر ست حاجات بتحبهم؟
والدى الله يرحمه ووالدتى واخواتى
الشغل والحبيبه اللى منتظرها
وكوبايه شاى تقيله ساعه العصريه
اكتر ست حاجات بتكرههم؟؟
مش بحب القلق بالرغم انه شئ اساسى
النفاق اللى كتر فى الفصل والمدرسه كلها
انى اشوف حد محتاجنى وانا مش قادر اساعده
وبكره الحصه اللى مستفدتش منها خالص
شخصيتك نوعها أيه؟
يعنى ايه يا ميس فهمينى بالراحه
اللى اعرفه انى شخصيه بيقولوا عليه انى طيب متقلب المزاج احيانا
اجتماعى بحب الناس
ملتزم بعمل الواجب ممكن غلط بس بعمله
لماذا دخلت عالم التدوين من الأساس؟
اللى يعيش يا ميس هيشوف انا دخلت عالم التدوين علشان اتعلم
اعرف افكار جديده احس ان ليه اخوات واصدقاء غير الكدابين اللى فى المدرسه دول
أحلى جملة قيلت في وصف مدونتك؟
الصراحه الكلام اتقال كتير انها جميله وعالم تانى بعيد عن الارض
أهمية التعليقات بالنسبة لك؟
اه يا ميس اهميتها
دى بقى زى بقى كراسه التحضير بالنسبه للمدرس
ميقدرش يستغنى عنها ابدا
احلى بوست كتبته؟ وضع اللينك ثم أذكر السبب؟
دى مقدرش احدها لانى بحس بكل كلمه حاسس انهم كلهم حلوين
وبعدين يا ميس انتى شوفى بنفسك واللى يعجبك ادينى عليه درجه
افضل مدونة قرأتها؟
انا قريت مدونات كتير بس افضلهم دى صعب لان كل انسان شاطر فى مجاله قوى
الشغل بالنسبة لك؟
حياتى
الأنترنت بالنسبة لك؟
وسيله جميله لربط الافكار والحصول على المعلومات والحاجات اللى عمرى ما عرفتها
تمرر التاج ده لمين؟
ليه بس كده يا ميس
اكيد لزمايلى فى الفصل اللى بيبصولى دول
اسئليهم يا ميس براحتك بقى ماعدا زميلى اللى نايم جنبى دا
ومش عاوز ياخد التاج ولا اصلا يحله
ايوه يا ميس دا زميلى وصديقى
تامر الحسينى
سبيه نايم يا ميس
وبعدين لو عاوز يجاوبه بقى يجاوبه

بس انا هديه لميس

MISS\GH

والدكتوره

ايمى

والدكتوره

سفروته

واللى مجاوبش على التاج يتفضل

**********************
الحمد لله يا ميس انا خلصت الواجب
عاوز النتيجه بقى بسرعه ومش تستقصدينى تانى يا ميس

اعــتـــذار ووفـــــــاء

السلام عليكم على كل اخواتى اللى بيزورونى وبيسئلوا عنى
انا اسف جدا جدا جدا لانى مقصر مع كتير منكو قوى
بس غصب عنى حاسس لو علقت هبقى رخم قوى
حاسس انى حيران شويه قلقان شويتين معرفش ليه
بس الحمد لله انا بخير
ندخل بقى فى الموضوع اللى هكلمكوا فيه النهارده
فى الايام دى بتمر ذكرى صديقين عزيزين علينا قوى
انا عن نفسى بحبهم قوى وكنت اتمنى يكون فى الدنيا اصدقاء زيهم
عارفين مين الصديقين دول
شاعرنا الكبير صلاح جاهين
وملحنا الكبير سيد مكاوى الله يرحمهم ويرحم كل امواتنا واموات المسلمين
الاتنين كانوا بيتعملوا دايما بالحب بينهم
والبساطه المتناهيه فى الكتابه واللحن
وبالمناسبه دى
هقدم جزء بسيط قوى من اوبريت اللبله الكبيره
وبالذات الجزء اللى فيه الارجوز
وكمان قبل ما انسى
كل سنه وانتم طيبين
بمناسبه اعياد تحرير سيناء
ويارب دايما نعيش فى عصر مليان بالحب والخوف على بعض والخوف على بلدنا قوى
ونحافظ عليها دايما يارب
ودلوقتى بقى اسيبكوا مع الاوبريت
واسف لو طولت عليكوا

بتغيبى ليه

بتغيبى ليه وبتظهرى زى القمر
ياللى مليتى الدنيا بالخير والسلام
بطلتك بتفرحى كل البشر
وبضحتك تملا الدنيا الامان
انتى بعيده والدنيا ديه صغيره
اكيد هتبقى زهره حلوه منوره
وتنورى البيت السعيد
وتفرحى بقربك حبيب
وانتى عروسه فى يوم سهر
بتغيبى ليه وبتظهرى زى القمر

مــعـــقــــول

معقول..لا مش معقول معقول..لا مش معقول القلب اللى

اتمنيته يا قلبى معقوله اتمناك واللى انت حلمت فيوم بيهم يا

قلبى معقول يبقى معاك القلب اللى اتمنيته يا قلبى معقوله

اتمناك واللى انت حلمت فيوم بيهم يا قلبى معقول يبقى

معاك اللى يلاقى حبيبه مقرب منه واللى يلاقى حبيبه

بيسأل عنه لا لا لا ملهوش حق يخاف عيش الحلم حقيقه

عيشه فى كل دقيقه عيش الحلم حقيقه عيشه فى كل

دقيقه واياك تانى تخاف او اشوفك خواف واياك تانى تخاف او

اشوفك خواف لا لا لا اوعى تخاف اوعى تخاف يا قلبى عايز

تعرف ايه تانى يا قلبى مهو قالك بعينيه واللى انت خفت

تقوله يا قلبى قالك هوه عليه عايز تعرف ايه تانى يا قلبى

مهو قالك بعينيه واللى انت خفت تقوله يا قلبى قالك هوه

عليه اللى يلاقى حبيبه مقرب منه واللى يلاقى حبيبه بيسأل

عنه لا لا لا ملهوش حق يخاف عيش الحلم حقيقه عيشه

فى كل دقيقه عيش الحلم حقيقه عيشه فى كل دقيقه

واياك تانى تخاف او اشوفك خواف واياك تانى تخاف او اشوفك

خواف لا لا لا اوعى تخاف اوعى تخاف يا قلبى

أوقات يا دنيا

أوقات يا دنيا معاكى بعيش
وساعات مبفهمكيش
و إنتِ ولا فهمانى

أوقات بحس إن أنا مجروح
عايش حلاوة روح
ودمعتى محاوطانى

صابر عاللى بيجرى لى
و إنتِ لا ليكى عزيز ولا غالى


أوقات فى عز العتمه بشوف
و ساعات بموت مالخوف
و غصب عنى بدارى
بحلم يعدى عليا الليل
من غير عذاب ولا ويل
و تحسى مره بنارى

صابر عاللى بيجرى لى
و إنتِ لا ليكى عزيز ولا غالى


أوقات بتاخدى أعز الناس
و أقول نصيبه خلاص
و اصبر على أحزانى
أوقات بحب قلوب بتبيع
و فى الف لحظه بضيع
و برده مش حسانى أه


صابر عاللى بيجرى لى
و إنتِ لا ليكى عزيز ولا غالى

اشــتـقت الـيك

اشتقت اليك

الان فعدْ
اشتقت لقلبك

يحيى النبضْ
اشتقت لرؤيا عينيكى

فى شتى الارضْ
اشتقت لحبك سيدتى

وهل يكفى الشوقْ
فانا هاهنا انتظر الوعدْ
انتظر قدومك سيدتى

انتظر الحبْ
انتظر النظره من عنيكى

لتحيى القلبْ
فتعالى الان واطفى

نار السنين
فكم احتاج اليكى

لتروى الحنين
فهل تستطيعى

ان توفى الوعد؟

بــيــن ايـديــك

ساعات كتير
وانا بين ايديك
بحس انـك
انسان غريب
بحس خوفك
واحس قلقك
واحس دمعك
منك قريب
طب قولى ليه ؟
خايف فى يوم
لابعد عنـك
مقدرش ابـعـد
دا انا حته منك
مشتاقه ليك
مشتاقه حسك
مشتاقه لمسك
مشتاقه تشكى
منك اليك
طب خدنى ليك
قربنى منك
توهنى يلا فى
بحور عنينك
ومتخفش منى
مقدرش ابعد
دا انا روحى فيك

جـــســر الاحلام

بـحـبـك

اقولها لكى وانا أحتاج الى من يفهمنى
احبك وانا أحتاج الى من يكون لى الدليل
نحقق ما تمنيناه سويا عند تلك البحيره
وفوق ذلك الجسر الذى نتمنى ان نعبره
لكى نستطيع تحقيق احلامنا ونبنى عش

حبنا ونرى العاشيقين مثلنا هناك
فتمسكى بيدى جيدا لان عبور الجسر ليس بالسهل
فلا تتركينى وحيدا فى منتصف الطريق
وتذكرى عندما تلاقت عينى بعينك

وعندما تشابكت يدى بيديك
اتذكرين حينها شعرت بماذا؟
شعرت وكانك امتلكتى روحى وجسدى
وكنتى انتى التى تتحكمى فيه شعرت حينها
وكاننى مسلوب الاراده وكانك قوه مغناطيسيه

هائله تجذبنى اليكى ساعتها اشرقت الشمس
وادركت اننى الان مولود جديد ولد على يديكى
يحمل بين يديه باقه من الورد رحيقها انتى
وجمالها انتى ولونها الجميل الرائع انتى
احبك يا من ملكتى قلبى احبك يا من ملكتى روحى
فعند الجسر التقينا وعند الجسر نعبر صعوبات الحياه
فهاتى يديكى فى يداى لنعبر سويا الى عالم مليئ بالصعوبات
ونحطمه ونحقق احلامنا

رجـــع الربــيــع

عدت سنه ورجع الربيع يضحك لنا
تانى من جديد
يملا حياتنا بالهنا
وبحبنا الخير يزيد
ننسى الخريف بقسوته ويا الشجر
ننسى اللى عدى من حياتنا وراح هدر
ومنفتكرش غير بس بكره
ان فيه الخير اكيد
عدت سنه ورجع الربيع يضحك لنا
تانى من جديد
رجع الربيع جايب لنا الورد الجميل ومعاه امل
وازاى هتمشى المركبه فى وسط نيل من غير عمل
راجعلنا يتمنى تصفى له القلوب
ونهدى ورده لامنا اغلى حبيب
ورجع الربيع يضحك لنا تانى من جديد

نــــفـــسى اقـــولك

نفسي اقولك احلي كلام

بس بخاف من الاوهام

وهم يجبني ووهم ياخدني

ووهم تروح معاه احلام

نفسي اقولك احلي كلام

صعب اقول انساكي ازاي

دانتي اساسآ شي نساي

صعب اصدق تاني كلامك

صعب اكون من تاني مجروح

صعب ازاي وانا كلي جروح

انا مش عارف اقولك ايه

حتي الكدب فشلت انا فيه

حتي الدمع ملوش تأثير

شي معتاد واخدت عليه

رومنسى الصغير

نــــقـــــد

يارومانسى فوق من الخيال
كفياك رمانسيه بقى
تعبتنا ووعدتينا وعشمتنا بيوم اللقا
كفياك تكون انسان غريب
عايش فى دنيا من الخيال
كفياك بتتمنى حبيب
وبتبنى قصر من الرمال
فوق يا رومانسى من الخيال
فوق يا رومانسى من الخيال
عيش شويه فى الحقيقه
هتلاقى حب يكون محال
وحب عاش بميت طريقه
والدنيا ماشيه على اى حال
يارومانسى فوق حرام عليك
ضيعت عمرك راح هدر
ف وهم صنعته انت بيديك
عايش ملاك بين البشر

رومانسى فى عالم انسان عاشق حر

من عشر سنين فاتوا عرفته لما لقيته بتغنى اغنيه بحبها قوى
وكنت انا كمان بغنيها وكان معاه ديوان شعر لنزار قبانى
وبعدها لقيته بيحب نفس الحاجات اللى بحبها واللى بعشقها
ودا كان اول لقاء بينى وبين تامر الحسينى
والبدايه اللى ابتدينا بيها سوا وكان ليه انا وتامر ذكريات كتيره قوى
واحلام كبيره حلمنا بيها من زمان لكن تامر عودنا على الترحال
ولكن مهما بعدنا بنرجع نتلاقى من جديدوامبارح كان اللقاء
بعد تمن شهور كامله مشوفناش بعض
بدا اللقاء دافى واسترجعنا فيه ذكريات جميله وبدات رحله رومانسى فى عالم انسان عاشق حر
وبدانا لقاءنا بمشهد غروب الشمس على النيل وطبعا المشهد كان رائع وجميل
وبيفتح باب لعالم تانى ساحر وجميل وطبعا مقدرناش نقاوم سحر النيل وجماله
ونزلنا ركبنا مركب واتكلمنا عن الاحلام اللى حلمناها زمان سوا وفرحنا باللى اتحقق منها
واللى لسه هنحققه ان شاء الله واتكلمنا عن الحب
ازاى هو بيجى فجاه؟ وامتى بنحس بيه؟ وهل فعلا لقينا حب حقيقى ولا لا؟

ومن سحر الليل لسحر الفن والثقافه فى ساقيه الصاوى ولقينا هناك اصدقاء تامر
واتكلمنا فى قضايا كتير وانضم لينا مجموعه من الشعراء وحولنا اللقاء لامسيه شعريه
وبدا كل واحد فينا يقول قصيده وابتدى تامر وبعدين كل واحد ابتدى يرد على التانى بشعر
بشكل جميل قوى ورائع وبالرغم من بروده الجو كان فيه احساس جميل بالدفء
وبعد غذاء العقول لا يبقى الا غذاء البطون
تامر عزمينى على بيتزا ودخلنا بعد كده سينما وشوفنا فيلم ميكانو لتيم حسن
وكان بيحكى قصه شاب مش بيقدر يقول اللى جواه لانه كان انسان خجول جدا
الا انه قابل انسانه جميله وحبيته واستمرت معاه بحبها اللى خلاه يقاوم مرضه
وخجله تجاه حبيبته وبينجح فى حياته وبعيشوا حياه سعيده لان فعلا الحب بيقدر يصنع المعجزات

وبعد كده خرجنا اتمشينا واحنا بنتكلم عن الحب والذكريات وغنينا اغنيه كنا زمان بنغنيها سوا
كانت بتقول

مشيت وطالت خطوتى

والريح جريح فى سكتى
ماشى فى طريق

من كام سنه ماشى فى طريق
تعب الطريق ماتعبت انا تعب الطريق
وبصبر نفسى وبدوس على ياسى

وبدوب حيرتى مع طلعه شمسى
واتوه واتوه وسط الزحام

واكمل واكمل رحله الايام

واتمنى دايما ان رحلتنا تفضل مستمره وانها متنتهيش

الدنيا أنت مليتها عليا

الدنيا أنت مليتها عليا ده الحب اللي محدش داقو
قرب مني شويه شويه قلبى وقلبك سوا يتلاقوا
الدنيا أنت مليتها عليا و كأنك مخلوق علشاني

اتـــذكرك

من قال لك هذا ؟ من قال اننى لا اتذكرك
فانا اتذكرك ليلا ونهارا وابعث اليك الصباح مع اشراقه الشمس
فيكفى ما قالته لك تلك النسمه التى عبرت شعرك الطويل قالت ما اريد ان اقول من رغبه فيكى وان اتلمس هذا الشعر الطويل
وانا ارى تلك العيون التى تشبه القمر فى نوره فصدقينى
ياتينى القمر كل ليله ويوصف فيكى ويقول لى كل ما تفعلينه
وكيف لم يطيق تلك النظره منك فاحمر خجلا تحت السحاب
ما احب ان اقوله لكى اننى لا انساكى ابدا ولا انسى ما رايته منك
برغم بعد المسافات فانا الان داخل هذا القلب يتحسس اركانه
ويكتشف ما به من حب وحنان وحيره وقلق على من احببت
فها انا الان بجوارك فافعلى ما تريدين وما حرمته منا الايام

غـيـره وتـعـب

كل شويه تسأل عنى
تعبت قلبى الله يهديها
إنت كويس..ايوه كويس
أحسن فى حاجه بينا ناسيها
أنا منستش اى حاجه
بس غيرتك فين اوديها
أنا هخلص شغلى وهرجع
بس الراحه فين الاقيها
إرحمينى والنبى ياحياتى
أما حماتى الله يجزيها
قلبت بيتنا. وجت تعبتنا
وهتهد العماره ع اللى بانيها
دا احنا اتنين عصافير م الجنه
عايشين اللحظه بكل ما فيها
متخليش غيرتك تقتلنا
دا انتى حياتى وقلبى
وانتى الروح اللى بعيش بيها

لو عاتبتى

لو عاتبتى القلب منك مش هيزعل
لو عاتبتى ياحبيتى هفضل أسال
انا قلبى مره عملك ايه؟
مشفش منك غير عتاب
كل كلمه يلاقى حبك عنه غاب
بس ليه يبقى العتاب فى كل كلمه
انا قلبى مره عملك ايه؟

نـــــزهه بالخـيـل والعـربيه

تنويه
بمناسبه ظروف الترميمات والصيانهتم نقل مدونه البنت المشمشيه حلوه بس شقيه
الى العنوان التالى
http://o0mshmsh0o.blogspot.com/


كل ســنه وانتــم طـيبيـن
على كل اللى زارنى
وكل اللى كتب تعليق عندى
بحب ادعـيه لنـزهه بالخـيل والعـربيه
وننسـى همـومنا شـويه ونفتـكر اننـا فى نزهـه
بس لو فيه اى تكـاليف زياده
هتبقى عليكوا طبعا
انا قلت اهو علشان مش دافع جنيه زياده

الان فــقــط

الأن فقط أحسست وكأننى كوكب صغير
يدور فى مدارك يعلم أنه بدونك لاشئ
ا لأن فقط أحسست بأننى أمتلك الدنيا

وأمتلك كل شئ
فصـوتك غناء يبهر
وعـيـونك عيون تسحر
وقـلبك هو نبض الحياه
فـبدونك لن ولم اعيش
فلا تقاطـعـينى
ودعـينى أقول ما أشاء
أقول ما حـرمت مـنه
وصـمت القــلـب عنه
فلا ينطق بها خوفا ٌ ان لا يحسن الوصف
اقول لك أحـبـك فقد سمعتيها من قبل
فقد سبقنى قلـبى وقـالها
وقد سبقتنى عـينى ورمت بها
وبعـثت إليكى فى كل لحظه الف رساله
رساله عشق ورساله حب
ورساله قد تأخدنى الى عالم آخر
عالم ليس فيه سوانا لايسكُنه الا الحب فقط
لانريد من العالم أى شئ أخر
ولا اريد إلا تلك اللحظه
فدعينى اقول ما اشاء
احـــــــبــــــك
I love you
je taime

Happy Valentine's Day

ازاى مـشـاعرى هــانـت

قـابلتنى زى عـادتـهـا
وفـى أخر مره قـالـت
حبـك بقـى عندى عادى
معـرفـش إزاى قـالـتهـا
وإزاى مـشاعرى هـانت
عـلـيهـا للـدرجـادى
قـالت كـلام كـتيـر
مـاخلاص خلـص الـكـلام
مـسمعـتش أى حـاجه
مـانا عـشت فى الاوهام
وأتـارى اللى هـويتها
كـانت شـايفه جـمالها
إنه جـمال مـش عـادى
وأزاى مـشاعرى هـانت
عـليها للـدرجادى
نـسـيت زمـان
لما كـانت يـوم تـقولى
قــولــى كــلام
طــير بـيـا وخـدنى
لـعـالم تـانى
كنت أنا بـطـيبه قـلبى
شـايفها مـلاك قـدامى
وكـانت وهـى جـنبى
بـتبقى بجـد وحشانى
وأتـارى الكـدب فـيها
والكـدب شئ أسـاسى
فى عـيونها والدنـيـادى
وإزاى مـشاعرى هـانت
عـلـيهـا للـدرجـادى

قــــلبــك وقــلبــى

قلبك هو قلبى

حتى إسمعى دقاته
يقولك ع اللى حسه

ويشكيلك اهـاته
يقولك ع اللى شافه

لما بعد عـنـك
واللى حسه فى قربه منك
واللى مقدرش كمان يقوله
بس اسمعى دقاته
هتلاقيها غير كل قلب
دقه تنطق بإسمك

ودقه تنطق بحب
إسمعيها هتلاقى

اسم جديد عليكى
اسم كله حنان وطيبه
فرحه طله من عنيكى
وقصر فيه انتى الحبيبه
بس إسمعى دقاته
إسمعيها لو مره واحده

هتحسينى بالأمان
إسـمـعيها

وغيرى زمانى اللى كان
واللى عشته من غيرك
بس اسمعى دقاته

التـــــاج العصرى

اهلا بيكوا كلكم
بناء على طلبات المدونين التاج دا جالى من
البرنسس وكمان هاجر
قولت مبدهاش بقى نحله يلا
لو كان ينفع تختار عصر تعيش فيه هيبقي انهي؟ ومين الحاكم؟
فيه شويه عصور كان نفسى اعيش فيها مش عصر واحد كنت اتمنى انى اعيش عصر النبوه واكون اول مؤذن لاذان
وكمان كان نفسى اعيش فى عصر صلاح الدين علشان اقدر احرر القدس وانا فى جيشه
وكمان كان نفسى اعيش فى عصر عنتر بن شداد
اول أولويه في حياتك؟
دى بتتغير حسب الحاله والعصر اللى الواحد عيشه يعنى لو فى الشغل اخلى شغلى هو هدفى الرئيسى ولو فى البيت يبقى البيت دا كل اولوياتى
أكتر حاجه بتحبها في رمضان؟
بحب حاجات كتير قوى انى اسمع دايما مدفع الافطار
احب اللمه والعيله
والكنافه بمووووت فيها والحلويات عامتا
أوصف أجمل فطار ممكن تفطره؟
اجمل فطار اى حاجه من ايد امى بتبقى جميله قوى
لو انت حاكم هتكون عادل؟ وهتعرف ازاي؟
لا طبعا انا مش عادل انا احمد
هههههههههه
مش عارف ساعتها ممكن اعمل ايه اصل السلطه بتغير الانسان اكيد
مين أكتر اعلامي بتحبه؟
انا من هواه سماع الرايو قوى
علشان كده بحب طاهر ابو زيد
فاروق شوشه
اسامه منير
محمود سعد
عمرو خالد
لو ممكن شغلانه تانيه تختار ايه؟
كنت احب اكون حاجات كتير قوى وقولت قبل كده انى كان نفسى اكون دكتور ودلوقتى لاعب كوره قدم
تاني بلد تحب تعيش فيه بعد مصر؟
ايه ايه ايه؟
ابو ظبى ليبيا باريس وممكن الوادى الجديد

اوصف ترتيبات أجمل فرح ممكن تحضره؟
نفسى احضر فرح فى قطر يطلع من محطه مصر ويروح اسوان علشان نقضى شهر العسل هناك
بتراعي كلام الناس والقيل والقال؟ وليه؟
اكيد باخد النصيحه وبسمع ليهم بس برضه بنفذ اللى شايفه صح

صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
بس المهم تكون حبيبتى معايا فى اى عصر دى حتى عصر رومانسى قوى
السعاده هي ... ؟
رضا ربنا والوالدين وراحه البال والصحه واللمه الحلوه وحبيبه تفهمك

عندك أمل؟ وأسبابك؟
اكيد عندنا امل والا كنا نعيش ازاى
لما تحب تهرب من كل حاجه بتروح فين؟
ممكن اروح فى عالمى اللى اتمنيت اعيش فيه اعيش فى الخيال شويه بجد دا احلى مكان احب روحه
امتي أخر مره أخدت فيها نفس وقلت ياااااه أنا كبرت؟
بحاول مخدش النفس دا واعيش اليوم بيومه بس بفكر فى بكره وبستفاد من الماضى
بتشرب سجاير ولا لا؟ وايه رأيك في الستات والرجاله اللي بيشربوا؟
لا مش بشرب سجاير .... بيقولوا حريه شخصيه وبتعدل الماغ بس انا شايف ان دى اوهام
بتعرف ايدك الشمال ازاي؟
اللى مش باكل بيها
أكتر آله موسيقيه بتحبها؟
بحب عامتا الالات الوتريه
العود- الكمان-الجيتار-حتى الربابه
ليه الذوق والنخوه اتعدموا؟
مش قوى يعنى موجودين بس ممكن قليل
ايه الحاجات اللي لو حصلت هتبقي سعيد؟
طبعا لما افتكرها ببقى سعيد -لما احقق حلم وامنيه ببقى سعيد -لما اقدر اسعد انسان ببقى سعيد
تحب أرض زراعيه ولا اجنس عربيات ولا كام عماره ولا فلوس في البنك؟
بحب الارض الزاعيه وبيت صغير فيها مع انى مش بعرف ازرع
تحب البحر ولا النيل؟
بحب البحر لما اكون عاوز اغرق همومى - واحب النيل وبالذات وانت فى مركب صغننه كده فى لحظه غروب
مركب ولا طياره؟
مركب طبعا
شخص مجنون ولا عاقل؟
فيه ناس بتقول كده وكده على حسب الحاله يعنى
تقرا كتاب ولا تتفرج علي فيلم؟
اوقات بحب القرايه لما اكون مضايق او بفكر فى حاجه واتفرج على فيلم كوميدى فى نفس ذات الوقت
تهدى التاج لمين؟
تامر الحسينى

EMMY BABY

طوبة ذهب وطوبة فضة

nasimlibya

Meme

Gigi

holyday

may

عاشقه وغلبانه

My Hope$

بنت مصريه
واللى عاوز ياخد التاج يتفضل

كــــلام الــعيـون

لمحت فى عيونها إحساس غريب لم احُسه من أحد غيرها
ولكنى لم أستطيع تميزه فأحتار القلب فى تفسير هذا الاحساس
وأحتار يفكر ويفكر ألم ترى تلك العيون مسبقآ الم تراها فى حلمك؟
فى واقعك؟ أين؟ متى؟
فجلست افُكر للحظات وأنظر اليها واتأمل تلك العيون
إنها ساحره ! ماكره! لا أعلم
جذبتنى وكأننى شئ حديدى ينجذب إليها وكأننى فى عالم اخر
عالم كم تمنيتُ ان أعيش فيه واحساس لم احُسه من قبل
ولكنها انتشلتنى من دوامات التفكير هذه ولمحتْ الحيره فى عيونى
ياإلهى انها تاتى الى تأتى بخطوات بطيئه وكأنها على إستحياء مما تفعله
إنها لم تفعل شيئآ مثل هذا ولكنها أتت
وتكلمت وقالت رأيت تلك العيون مسبقآ تطاردُنى فى منامى
وفُوجئت بها الأن تنظر الىّ نظرات لم أحُسها من قبل
فكيف لها ان تكون بتلك القسوه وبتلك الحنان فى نفس الوقت
أستمع إليها فى ذهول وأقول لها
أنا الذى رأيتك فكيف لى أن أقسو على تلك العيون يومآ
ولكن لو قسوت عليكى فهذا لغيرتى عليكى وحبى لكى
لقد حلمت بك ايامآ وليالى حلمت بقلبآ يأخذنى فى أحضانه
يسقينى من حنانه يفهمنى من قبل أن انطقْ
فقبلت يداها وجبينها وقولت لها
أهواكى من قبل ان أراكى
ولكنى لم اصدق أنى سألقاكى
سألقى قلبآ عاشقآ مثل قلبك
يعلم ما أحُسه مثلك
وتشابكت أيدينا وتلاقت عيوننا
وكأننا فى حلم لم نريد أن نصحو منه

وصـيــه ام

مهما حاولوا يِهدِوا فيكى إنتى قمه
مهما قِسيوا ف يوم عليكى إنتى امه
امُه رافعه راسها فوق
حُره ولا يِهزمها طوق
إنتى امى
وأدينى ببوس ايديكى
اصل خايف يوم عليكى


لو صحيح أنا يابنى امك
كنت اصُبر عليه شويه
دا انت لو أمرى يِهمك
كُنت شيلت عنى القسيه
من ساعه ما الشمس تطلع
استنى حرب جديده عليه
م الهكسوس للتتارمن فرنسا
والانجليز واليهود
بس الحق لازم يعود
وترجع الشمس الجميله للظهور
كدا رافعه راسها
ودا فضل يابنى ربنا وبفضل ناسها
أصلكم خير الجنود
إنت عارف لو فى إيدى
كنت أبنى لكم قصور
بس دا يابنى فى إيدك
حَوّل الصحرا مستنيه نور
وخلى عندك أمل يجرى فى وريدك
وابنى وعّمر يا ولدى
هَتلاقى ربك بالهنا والخير يزيدك
بس كافح وأنا عمرى ما سيبك
وحط إيديك فى إيد أخوك
وحرر القدس الحزينه
وافتكر دايما يابنى إنها مَسرى نبينا
وان فيها الامهات بتفدى ولدها
أصلها عارفه ان بكره دوره
والحق لازم يعود
اصلكم خير الجنود

جـمـيـلة

إنتى جميلة بمعنى الكلمة
كلك على بعضك كدة اجمل
بس هدوءك أجمل سِنه
وطيبتك كدة أجمل وأجمل
يالى مَعيشة قلبى فى جنة
أبعد عنك دا الموت أسهل
دا أنتى جميلة بمعنى الكلمة
وهدوءك كدة أجمل وأجمل
إنتى سكنتى قلبى تملى
شايلك جوة العين والنينى
وإنتى بعيدة قًريبة منى
وكأن قلبى معاك بيرحل
دا أنتى جميلة بمعنى الكلمة
وطيبتك كدة أجمل وأجمل
أبعد عنك لا ولا يمكن
تسكنى قلبى ومين فيه يُسكن
بقى معقولة يكون جنبى أنا قمر
وأبعد عنه بقى دا يحصل
دا أنتى جميلة بمعنى الكلمة
كلك على بعضك كدة اجمل

نــنــســــى الـلــــى فــــــا ت

يلا بقى ننسى اللى فات
ومنفكرش غير فى حاجات
تتحقق لينا
نبتدى أجمل امنيات
نبتدى أحلى امنيات
والأحلام مابتتحقش الإبإيدينا
يلا بقى ننسى اللى فات
ومنفكرش غير فى وطن بس يجمعنا
كلمه حب دى تملى حياتنا
وتبقى حياتنا فى يوم ليها معنى
وننسى كل القسوه علينا
يلا بقى ننسى اللى فات
ومنفكرش غير تبقى ازاى احلامنا حقيقه
وازاى نقدر نحققها
ونفكر فيها بكل طريقه
علشان نوصل بقى لهدفنا
ونحب كل الناس حوالينا

دمـــوع وحـــرب ودمــا ر

دموع وحرب ودمار
وسنه جديده علينا والقلب نار
ولا عارفين ازاى نتهنى
وغزه عايشه فى موت وحصار
دموع وحرب ودمار
واتنين عساكر قالوا احنا لازم نصوم
علشان دى هجره نبينا
ونارنا قايمه فى القلب قوم
وهندعى ساعه فطارنا
يبعد عنا عدو غدار
دموع وحرب ودمار
وام شايله ولدها
بتقوله بكره هتشيل سلاح
وتاخد بتار ابوك واخوك
وكل فلسطينى حلمه راح
عاوزك تبقى يا ابنى
عندك عزيمه واصرار
دموع وحرب ودمار
واب واخد ابنه فى ايده
بيقولوا احنا فى غزه الحزينه
فى بيت لحم اتولد المسيح
والقدس يابنى اطهر مدينه
دافع عنها يا ابنى
وخلى الدم يسيل انهار
دموع وحرب ودمار

ســــؤال بــيــجــيــب ســــؤال

سـؤال بيجيب سـؤال
ومين يـقدر يـجاوب
ويقولوا مـفيش مـحال
لما نلاقى الحبايب
وندور ع اللى فاتـنا
ونقول دا فاتـنا ليه؟
ونعيش كدا طول حيـاتـنا
نسأل إمتى نلاقيه؟
وسـؤال بيجيب سـؤال
إمتى نلاقى الحبايب؟
واما نلاقى الحبايب
تبقى دنـياتـنا صـعبه
نلقيه فى القلب سـايب
فُرقه وأشـواق وغـربه
وأتارى إللى سابنا
بيسأل نفس السـؤال
وندور ع اللى فاتنا
ونقول دا فاتنا ليه؟
ونعيش كدا طول حياتنا
نسأل إمتى نلاقيه؟
وسؤال بيجيب سؤال
ولا حد عارف يجاوب
ونعيش نسأل ونسأل
إمتى نلاقى الحبايب؟

دا عــيــد جــانــا

بهنيكوا وأهنى نفسى
أنا معاكوا بعيد جانا
يدب الفرح فى قلوبنا
ويروى الروح دى عطشانا
لحب الخير
ياريت تصفى بقى روحنا
ونداوى قاسنا وجروجنا
ونحب إللى خلانا
نحب الغير
نعيش نحلم يجى بكره
نحقق فيه أما نينا
وننسى همومنا ننساها
ونعيش بقلوبنا مليانا
بحب كبير
دا عيد جانا بيملا حياتنا بالزينه
يخلى الروح كده أحلى
وتبقى الناس دى فرحانه
بخيره كتير
ياريت يبقى دا كل يومين
ويملا أشواقنا بالفرحه
ويحس الحب جوانا
لحب الخير

تــــــاجات.........تــــــاجات

دول تاجين تاج السعاده من محمد
اللى انا متاخر عليه
ومن La RoSe
وتاج من مدونه احنا حبايب
من اختى امل

نحل الاول تاج السعاده
السؤال الأول:ماهى السعادة من وجهة نظرك؟
انا بقى يا سيدى شايف السعاده فى انى اسعد اللى حواليه
ودى اهم حاجه علشان برغم احساسك انك مش سعيد
ستبقى سعيد
السؤال الثانى: كيف تصل إلى السعادة؟
هو الصراحه يا محمد الوصول ليها مش بالسهل
ممكن تقدر تسعد اللى حواليك بشئ بسيط
بس الانسان محتاج وقت كبير على ما يوصل للسعاده المطلوبه
السؤال الثالث: هل السعادة وهم أم أنها حلم صعب؟
هى مش وهم ولا حلم صعب
لانها موجوده بالفعل بس مش بالقدر الكافى
السؤال الرابع: هل السعادة طريق للنجاح ؟وضح؟
حاضر
هوضح
السعاده مفتاح كل شئ
لان بابتسامه ممكن تخلى اللى قدامك يفتح لك قلبه
بس تكون الابتسامه صادقه
السؤال الخامس: ماهى أكثر اللحظات التى شعرت فيها بالسعادة؟
مش فاكر بجد هما كام لحظه بالضبط بس اهم لحظه فاكرها ومش ناسيها
لما الاقى كلمه حلوه من الناس اللى نحبهم
السؤال السادس:هل ممكن أن تحقق كل شىء؟
ممكن ليه لا طالما موجود الاراده جوانا
السؤال السابع: السعادة تجعلك تقبل على الحياة أم لا؟
لولا السعاده مكنش فيه حياه توقع كده العالم من غير ضحكه يبقى شكله ايه
السؤال الثامن: هل أحسست يوما انك وصلت لقمة السعادة؟
بخاف اوصل للقمه علشان عارف انى مش هقدر احافظ عليها
السؤال التاسع: لماذا تمر أوقات السعادة بسرعة؟
السؤال دا اسال عليه الساعات ليه هى بتلف بسرعه
السؤال العاشر: هل ترى السعادة فى التدين؟
السعاده فى التدين ممكن بس احنا مولدين على دين الاسلام يعنى دا فرض علينا
اننا نقوم بواجبنا تجاه ديينا
السؤال الحادى عشر: هل أنت متفاؤل وعندك أمل؟ وضح؟
اكيد لازم الانسان يكون عنده امل وتفاؤل لان دا من تعاليم دينا
السؤال الثانى عشر: إذا شعرت بالحزن ماذا تفعل؟
مش عارف مش بقدر ابكى ولا بقدر ابوح لحد
السؤال الثالث عشر: هل يستمر معك الحزن فترة ام ينقضى فى الحال؟
كل حاجه فى الدنيا بتاخد وقتها بس الحزن دايما بيبتدى كبير ويصغر مع الايام
السؤال الرابع عشر: ما رأيك فى الأفراد المتشائمين؟
الله يسامحهم بقى


التاج التانى من امل (مدونه احنا حبايب) نبتدى
أول سؤال: من أنت؟
انابقى انسان عادى جدا جدا ممكن يكون اوقات بيحس انه لوحده
واوقات بيحس ان الناس دايما حواليه بيحاول يكون
نفسه بس مش حد تانى
السؤال الثانى:بطاقتى الشخصيه؟
ايه يا امل هو احنا فى قسم
بس ماااشى مفيش مشكله
الإسم:احمد الدسوقى
السن:27 سنه و23يوم
الديانه: مسلم
العنوان: المنوفيه
الوظيفه: مراقب جوده انتاج
الحاله الإجتماعيه :اعزب

السؤال الثالث :ماهى أحلامك ؟؟؟؟؟
احلامى بسيطه جدا احلام شخصيه انى انجح فى حياتى
ويكون العالم سعيد حواليه
واحقق اللى انا دايما بتمناه
السؤال الرابع :من أقرب شخص إليك؟؟؟؟
اقرب شخص ليه هو احساسى بس مش عارف ليه الايام دى بحس انه بيبعد عنى
السؤال الخامس :تهدى التاج لمين؟؟؟؟؟؟؟
انا مش هعزم اللى عاوز ياخد التاج يتفضل
انا مش هديه لحد مليش دعوه

حــــيــــره قـــــمـــــر

فين الحبايب اللى كانوا بيسهروا يبصوا عليه
مين اللى خلى الدنيا غير الدنيا
ليه زمان تدى حب تلاقى حب
دلوقتى تدى حب تلقىَ قسيه
فين الحبايب اللى كانوا بيسهروا يبصوا عليه

فين الحبايب المستنين أخرج لهم
فين اللى خلوا حياتى جنه بحبهم
كنت بسعد لماأكون أنا جنبهم
دلوقتى راح فين الحنين والإشتياق والحب ليه
فين الحبايب اللى كانوا بيسهروا بيبصوا عليه

لما كانت عبله تسهر تبصلى وتقول كلام
وأما كان عنتر يفكر فى اللى شافه من الآلام
كنت بقدر ليه اوصّل ازاى هيا جبال حنيه
فين الحبايب اللى كانوا بيسهروا يبصوا عليه

لما كنت زمان بتسال عن حبيبك لما غاب
كنت بقدر انى أجاوبك وأرحم قلبك من العذاب
دلوقتى فين راحوا الحبايب ولا عاشوا فى دنيا تانيه
فين الحبايب اللى كانوا بيسهروا يبصوا عليه

مستــــــغربه لــــيه

مستغربه ليه! إنى بـحـبك
!مستغربه لـيه

من قبل ما أشـوفـك وأسـمعلك
وأنا ذنبى أنا ايه

يمكن تكون أرواحنا إتقبلت فى السما
ولاأكون أنا شفتك مره فى منام

ولا تكونى نسمه مرت من هنا
مليت علينا الدنيا حب وسلام

ولا تكونى حمامه بيضا مروّحه ساعه الغروب
هو أحنا يا حبيبتى بنتحكم فى القلوب

!مستغربه ليه

عيد ميلاد سعيد يا رومنسى

النهارده من سبعه وعشرين سنه
انا جيت للدنيا
شوفت نورها وحبـيته من اول ثانيه
معرفتش ايه هى عيوبها
شوفت بس مميزاتها
ومش بإيدى اختار انا دنيا تانيه
النهارده من سبعه وعشرين سنه
انا جيت للدنيا
جيت بحب وشوق مالينى
عشت بيه انا طول سنينى
دا غصب عنى ومش بإيدى
أسعدبيه اللى حواليه
النهارده من سبعه وعشرين سنه
انا جيت للدنيا
لفت بيه سنين وايام
عشت الحب وشفت احلام
شوفت الدنيابلونها الوردى
كنت بنام ودموعى على خدى
لكن فى الاخر كملت
وقدرت أخلى الشوك حنيه
النهارده من سبعه وعشرين سنه
انا جيت للدنيا

انتوا اكيد عاوزين البوفيه يتفتح

مش قبل ما نطفى الشمع

دى بقى اكبر حاجه ساقعه لاقتها مش عارف هتكفى ولا لا

ودا بقى النسكافيه علشان محدش ينام

قبل ما تمشوا اوعوا تنسوا الهدايا يعنى مش مكلف عيد الميلاد وف الاخر مفيش هدايا