Tuesday, January 27, 2009

التـــــاج العصرى




اهلا بيكوا كلكم
بناء على طلبات المدونين التاج دا جالى من
البرنسس وكمان هاجر
قولت مبدهاش بقى نحله يلا
لو كان ينفع تختار عصر تعيش فيه هيبقي انهي؟ ومين الحاكم؟
فيه شويه عصور كان نفسى اعيش فيها مش عصر واحد كنت اتمنى انى اعيش عصر النبوه واكون اول مؤذن لاذان
وكمان كان نفسى اعيش فى عصر صلاح الدين علشان اقدر احرر القدس وانا فى جيشه
وكمان كان نفسى اعيش فى عصر عنتر بن شداد
اول أولويه في حياتك؟
دى بتتغير حسب الحاله والعصر اللى الواحد عيشه يعنى لو فى الشغل اخلى شغلى هو هدفى الرئيسى ولو فى البيت يبقى البيت دا كل اولوياتى
أكتر حاجه بتحبها في رمضان؟
بحب حاجات كتير قوى انى اسمع دايما مدفع الافطار
احب اللمه والعيله
والكنافه بمووووت فيها والحلويات عامتا
أوصف أجمل فطار ممكن تفطره؟
اجمل فطار اى حاجه من ايد امى بتبقى جميله قوى
لو انت حاكم هتكون عادل؟ وهتعرف ازاي؟
لا طبعا انا مش عادل انا احمد
هههههههههه
مش عارف ساعتها ممكن اعمل ايه اصل السلطه بتغير الانسان اكيد
مين أكتر اعلامي بتحبه؟
انا من هواه سماع الرايو قوى
علشان كده بحب طاهر ابو زيد
فاروق شوشه
اسامه منير
محمود سعد
عمرو خالد
لو ممكن شغلانه تانيه تختار ايه؟
كنت احب اكون حاجات كتير قوى وقولت قبل كده انى كان نفسى اكون دكتور ودلوقتى لاعب كوره قدم
تاني بلد تحب تعيش فيه بعد مصر؟
ايه ايه ايه؟
ابو ظبى ليبيا باريس وممكن الوادى الجديد

اوصف ترتيبات أجمل فرح ممكن تحضره؟
نفسى احضر فرح فى قطر يطلع من محطه مصر ويروح اسوان علشان نقضى شهر العسل هناك
بتراعي كلام الناس والقيل والقال؟ وليه؟
اكيد باخد النصيحه وبسمع ليهم بس برضه بنفذ اللى شايفه صح

صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
بس المهم تكون حبيبتى معايا فى اى عصر دى حتى عصر رومانسى قوى
السعاده هي ... ؟
رضا ربنا والوالدين وراحه البال والصحه واللمه الحلوه وحبيبه تفهمك

عندك أمل؟ وأسبابك؟
اكيد عندنا امل والا كنا نعيش ازاى
لما تحب تهرب من كل حاجه بتروح فين؟
ممكن اروح فى عالمى اللى اتمنيت اعيش فيه اعيش فى الخيال شويه بجد دا احلى مكان احب روحه
امتي أخر مره أخدت فيها نفس وقلت ياااااه أنا كبرت؟
بحاول مخدش النفس دا واعيش اليوم بيومه بس بفكر فى بكره وبستفاد من الماضى
بتشرب سجاير ولا لا؟ وايه رأيك في الستات والرجاله اللي بيشربوا؟
لا مش بشرب سجاير .... بيقولوا حريه شخصيه وبتعدل الماغ بس انا شايف ان دى اوهام
بتعرف ايدك الشمال ازاي؟
اللى مش باكل بيها
أكتر آله موسيقيه بتحبها؟
بحب عامتا الالات الوتريه
العود- الكمان-الجيتار-حتى الربابه
ليه الذوق والنخوه اتعدموا؟
مش قوى يعنى موجودين بس ممكن قليل
ايه الحاجات اللي لو حصلت هتبقي سعيد؟
طبعا لما افتكرها ببقى سعيد -لما احقق حلم وامنيه ببقى سعيد -لما اقدر اسعد انسان ببقى سعيد
تحب أرض زراعيه ولا اجنس عربيات ولا كام عماره ولا فلوس في البنك؟
بحب الارض الزاعيه وبيت صغير فيها مع انى مش بعرف ازرع
تحب البحر ولا النيل؟
بحب البحر لما اكون عاوز اغرق همومى - واحب النيل وبالذات وانت فى مركب صغننه كده فى لحظه غروب
مركب ولا طياره؟
مركب طبعا
شخص مجنون ولا عاقل؟
فيه ناس بتقول كده وكده على حسب الحاله يعنى
تقرا كتاب ولا تتفرج علي فيلم؟
اوقات بحب القرايه لما اكون مضايق او بفكر فى حاجه واتفرج على فيلم كوميدى فى نفس ذات الوقت
تهدى التاج لمين؟
تامر الحسينى

EMMY BABY

طوبة ذهب وطوبة فضة

nasimlibya

Meme

Gigi

holyday

may

عاشقه وغلبانه

My Hope$

بنت مصريه
واللى عاوز ياخد التاج يتفضل

131 comments:

Nasimlibya said...

هههه
اول


تعليق



ل


نسوم
مع اني مزال مقريت شئ

استني تاني تعليق بعد منقراه كوووويس
:)

فــاتن said...

نسيم سبقتيني..
شفت التدوينة ليها 13 دقيقة والله ماشاء الله عليك

Nasimlibya said...

فتون اهلا اهلا انتي هني


رومانسي باذن الله لو في العمر بقية غدا لي بوست علي التاج



انتظرني غدا تحياتي

لحظة تأمل said...

يا احمد مش عادل
اجاباتك حلوة
وحلو الفرح الموفر ده

دمت بسعادة

وومن said...

رومانسي حتي في التاج

حلو قوي وإجاباتك جميلة ولو ان مش بحب حكاية ساعات ساعات دي بس اكيد دي طبيعتك

بتعرف تتكيف مع الوقت اللي انت فية كويس

بجد برافو

maha zein said...

تمام تمام
يعني محصلش وواحدة اسمها مها زين اهدتك التاج ده
يعني انا لما اهديهولك يبقه وحش ولما غيري يهدهولك يبقه حلو
ماشي ماشي
اربوك متحاولش تصالح فيا
اربوك مش عوزة هدايا
لاب توي ايه بس
مش للدرجة
طيب ممكن تجيبلي طقم توزيع وطقم الصيني بس
http://enahaelhaya.blogspot.com/2008/12/blog-post_14.html
في البوست ده لو تفتكر اهديتلك التاج
بس اقول ايه
لا سيبني يا حاج الموضوع مأثر فيا
يا شيخ بلا بتاع بقه
روح كده يا عم
عاوز تقضي في فرحك فى قطر
طب روح كده روح
ومش هتفرق معاك الدنيا لو اتفنجرت
اهم حاجة عندك الغالية تبقه معاك!
ماشي هعديهالك
واللى اداك يدينا يا سيدي
اللى رماك يرمينا يا عم

بس بردو انا مش هسامحك غير لما تجيبلي العربية
بس بقه

mohamed ghalia said...

دايما إجاباتك هايلة يا رومانسى
ربنا يزيدك ويكرمك
وبالتوفيق فى حياتك
دمت بكل الود
فى حفظ الله

عاشقه الرومانسيه said...

اجاباتك هايله
وفيها كثير من الرومانسيه يارومنسى

ربنا يحقق احلامك مع اللى اختارها قلبك

تحيــــــــاتــى

ساره said...

فرح يكون فى قطار عمري مافكرت فيها
بس بجد فكره كوووووووووول

:)))

اجاباتك كانت اكثر رومنسيه يارومنسى

Tamer Alhosiny said...

اجابات تحفة يا احمد

انت ذكرت فيها انك كنت بتحلم تبقي لاعب كورة

علي فكرة يا جماعة احمد لاعب كورة من الدرجة الاولي ولعب في مسابقة النادي الاهلي بس للاسف كان اكبر من 17 سنة علشان كدة مش بقي لاعب كورة

كمان اجاباته عن المركب والعصور الاي يحب يعيش فيها
كلها بتعبر عن احمد الانسان الاي اعرفه
والاي اعرف قد ايه هو انسان طيب
ورقيق

علشان كدة انا اطلقت عليه رومنسي
وسعيد ان اسم مدونته كان اختياري ليه
لانه بجد اقل ما يستحقه هذا الاسم

تحياتي
تامر الحسيني

gana magde said...

إجابتك هايله يا رومنسى

تقبل تحياتى

princess said...

ابو ظبى ههههههه ايه البلاد التحفة دى
وبعدين قطر ؟؟؟ هيا هتتجوز كمسارى يا ابنى:)))
بس خلى بالك القطارات بتولع هيا والعبارات بتغرق هههههه
لا بجد شوية بقى اجابات لذيذة:)
تحياتى

salwa said...

السلام عليكم
فعلا شخصية محبة للخير و الناس تدل عليها هذه الاجابات
سلام

مقتطفات من حياة فتاة said...

اسئلة حلوة واجبات احلى بجد

dramaqueen said...

اجاباتك حلوة خالص

10 من 10

حروف (دلو مرة ثانية وجرح ثاني سابقا) said...

15 تعليق قبلي دية مهزله
ولن اقبل بهذا مبروك عتاج ياسيدي
سلام
المرةاللي جاية حقف احجز اول تعليق كدة مينفعش

dina said...

اجاباتك حلوة اوى بجد..خصوصا القطر دا اللى حيطلع من محطة مصر لاسوان..

maioya said...

عجبتي الاجابات اوي
بس اشمعني عصر عنتر بن شداد
:D
كل تاج وانت طيب

blue-wave said...

جميله اجاباتك يا رومانسى
والتاج دا حلو بصراحه
تحياتى

حنان الشافعي said...

رومنسي رومنسي
في الفرح وفي الامنيات وكله
تمنياتي بكل الخير والاماني المتحققه
دمت بكل رومنسيه

صدى الصمت said...

إجاباتك جميلة وغير تقليدية
تقبل مرورى وتحياتى

عاشقه وغلبانه said...

رومانسي رومانسي يعني مش اي كلام

هههههههههههههههههههههههههه

سهر الليالي said...

اجابات متنوعه مابين الهادي والرومنسي والطريف وعادي والجميل اوي
اجابات حلوه جدا يا احمد

سمكه واحده said...

عايز تتزف بالقطر ماشي ماشي
طب ميكروباص افضل بقي ونقعد نغني ونقول ياللي علي الترعه حود علي المالح
ووله يا وله يا عرباوي ونعملولك احلي جو

لا بجد اجابات رومانسيه رومانسيه يعني
تحياتي

ريمان said...

هههههههههه


دمك خفيف وانت بتجاوب على التاج

التاج ده جديد اسئلته حلوه جديده

وربنا يحققلك كل احلامك يا رب

ماء تشرين said...

عارف يا رومانسي اسم مدونتك بجد لايق اوى على ايجباتك بجد قد كده حد رايق وهادى وايجباتك كلها بتدل قد ايه انت شخص رومانسي مش مجنون ولا عاقل بين البينان فعلا الاجابات كلها بتحمل معنى الدفا والحنان والحب
اتمنى انك تحقق كل احلامك

تحياتى

romansy said...

Nasimlibya

مبروك لنسمه اول تعليق


وباهل ليبيا كلهم كلهم


مستنى

romansy said...

فــاتن

نورتينى يا فاتن


ليبيا كده

مركزين


نورتى المدونه

romansy said...

Nasimlibya
يا سلام على السرعه

انتى ملكه اكيد

علشان بتحب التاجات



مستنى التاج بقى

تحياتى

romansy said...

لحظة تأمل

هو فرح فكرت فيه

بس متخفيش القطر هيبقى مكيف وميه وميه


تحياتى

romansy said...

وومن

منوانى دايما

ساعات ساعات دى لانى مش بعرف فعلا الاحاسيس دى اوقات كتير ممكن تقلب على الانسان


ربنا يخليكى يارب


تحياتى

romansy said...

maha zein

يانهار ابيض
اقولك بقى يا مها يا سياسه فاكره بوست التاج دا امتى؟
انا فاكر بعد بوست السفاح والعصفوره المسلوخهوالسلحفا اللى هربت
وانا خوفت اهوب ناحيه مدونك
وعدانى بوست التاج على فكره ومش قريته اصلا
دا بسببك مش بسببى

وشكرا على التاج يا مها
بس انا معرفش انك طماعه قوى كده يا نهار ابيض

الله يكون فى عون اللى هيتجوزك
بسقى علشان مش قولت اسمك
هتبيعينى اللى قدامى واللى ورايا

الحمد لله انى مش متجوز

romansy said...

mohamed ghalia

حمد الله على السلامه
خلصت امتحانات اخيرا


شكرا يا محمد
ونورتينى يا باشا


تحياتى

romansy said...

عاشقه الرومانسيه
شكرا ليكى يا عاشقه

ياريت يكون التاج عجبك


تحياتى

romansy said...

ساره

ولا حد فكر فيها الصراحه هى جت كده بس علشان الفتره تطول شويه

ونستمع بالطبيعه طول ما احنا ماشين


تحياتى

romansy said...

Tamer Alhosiny
ايه يا تامر بيك
لازم تقول كده يعنى انت عارفنى كويس انى بحب الطبيعه قوى
ربنا يخليك يا تامر

ونحقق احلامنا يارب


تحياتى

romansy said...

gana magde

ربنا يخليكى يا جنه

شكرا لزيارتك

تحياتى

romansy said...

princess

ههههههههههههههه
كمسارى
ماشى يا اميره


انا الغلطان



تحياتى

romansy said...

salwa

دايما تعليقك جميل


شكرا ليكى
تحياتى

romansy said...

مقتطفات من حياة فتاة
فينك بقالك كتير امتحانات بقى

انتى اللى اجمل اكيد


شكرا ليكى


تحياتى

romansy said...

dramaqueen

ربنا يخليكى يارب


بشكرك يا ملكه


تحياتى

romansy said...

حروف (دلو مرة ثانية وجرح ثاني سابقا

براحتك يا حروف
اول تعليق

التعليق 15
كويس انى قريت تعليقك شكرا يا جميل


تحياتى

romansy said...

dina

ربنا يخليكى يارب

هى فكره فكرت فيها بس ربنا يستر

على القطر واللى فيه


تحياتى

romansy said...

maioya

وانتى طيبه
انا بحب العصر دا قوى
فيه كل حاجه حلوه الحب والقوه

تحياتى

romansy said...

blue-wave
ربنا يخليك يا دكتور


نحياتى

romansy said...

حنان الشافعي

يارب دايما نقدر نحقق احلامنا وامنياتنا يارب

تحياتى

romansy said...

صدى الصمت

شكرا جزيلا على مرورك وزيارتك


تحياتى

romansy said...

عاشقه وغلبانه
الحمد لله


مفيش

يا



بختها



تحياتى

romansy said...

سهر الليالي
اهلا يا سهر

بوستاتك جميله قوى
بس لاسف انى مش متحيه التعليق بقى

بشكرك يا سهر


تحياتى

romansy said...

سمكه واحده

هههههههههههههههههه
فكرتينى باللى احنا كنا بنسمعه زمان

ربنا يخليكى يارب
وتنورينى دايما

romansy said...

ريمان

ربنا يخليك يارب

اشكرى بقى اللى عمله


تحياتى

romansy said...

ماء تشرين

نورتينى بجدبجد
ربنا يخليكى اخجلتم تواضعنا

تحياتى

Rosie said...

لذيذ \أسلوبك فى الكتابة بس ما قلتش عنتر بن شداد ليه..؟؟
...
و حلوة حكاية البلد التانية بعد مصر...ابو ظبى ليبيا باريس وممكن الوادى الجديد
...الوادى الجدييييييد مسنيك على النار..هاها

زفته وقطران said...

صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
بس المهم تكون حبيبتى معايا فى اى عصر دى حتى عصر رومانسى قوى
السعاده هي ... ؟
رضا ربنا والوالدين وراحه البال والصحه واللمه الحلوه وحبيبه تفهمك


حلوه اوي الاجابه ع السؤالين دول
سعيده اني زرة مدونتك

زفته هانم

حاسوباتيه said...

تاج جميل انا كنت لسه مجاوبه عليه وجميله اجاباتك

norahaty said...

السلام عليكم ورحمة
الله تعالى وبركاته
أجاباتك حلوة يارمنسى
وكلها رومانسية كمان
بس لوسألتنى عن اجمل فرح
عايز تعمل فرح فى القطر يارومنسى!
وتوزع على المعازيم تذاكر على كده
على كده حتوقف فى المحطات:)
ولا تاخده دوغرى لاخر الخط :)
أجمل فرح فى رأيىّ :مفيش معازيم
وكمان ياريت مفيش فرح
والعرسان ياخدوا الفلوس
هم اولىّ الصراحة :):):)

فراشة said...

جميل يا رومنسى ما شاء الله
اجابتك رائعة
ربنا يحقك كل احلامك
وياريت كتير من الرجال يكون عندهم التسامح مع الحياة زى اللى عندك
ربنا يباركلك فى حياتك

جوجو said...

السلام عليكم

ازيك يارومنسى

تاج جميل

اجابات اجمل

ربنا يوفقك
تحياتى

الفراشة الصغيرة said...

طول عمرك رومنسى يا واد يا رومنس

بجد يا بختها

كيكى said...

ربنا يحققلك كل احلامك**
دنتا رومانسى خالص مالص
ويمكن فى يوم تبقى دكتور ماتقدم فى الجامعة المفتوحة...ولا اقولك لاعب كورة احسن على الاقل تاخد فلوس قد كدةونق عليك كلنا!!!
ربنا يسعدك يارب
عوووووووووو

دعوة للأمل said...

اجاباتك اكثر من رائعة
و يارب يحققلك كل احلامك


تحياتى لك

marmar said...

انا مش هتجمل اهو عشان انت كاتب لا تتجمل بس نصيحه متجيش ابوظبي لانها مش حلوة اوي زي ما الكل فاكر
احساس انك تكون ساكن في الدور العشرين التلاتين الاربعين احساس بيخوف مفيش اجمل من بيوت مصر وجمال ودفئ مصر كفايه انك هتكون نايم وانت عارف هتصحى تلاقي اللي بتحبه جمبك اهلك صحابك قرايبك حبيبتك عشان كده احساس الغربه صعب حبتين
تحياتي

Desert cat said...

اجابتك جميلة
انا احب اوى فى رمضان الوقت اللى قبل الفطار بنص ساعه وكل الناس بتجرى على بيتها علشان تلحق الفطار
وشكل الكنافة وبياعين العرقسوس

كل سنة وانت طيب
:)

shayma said...

حلو التاج اوى
بس اشمعنى ليبيا يعنى

ابو ظبى وباريس مفهومين ده حتى الوادى الجديد هعديهالك انما ليبيا
؟؟؟
بس يرضه تاج حلو

:)))))))

زى الهوا said...

بحس إن التيجان دول مش اسئلة نوهائى , بحس إنه طوب بيتحدف علينا

اجاباتك هنا صريحة اوى

مش عارف ساعتها ممكن اعمل ايه اصل السلطه بتغير الانسان اكيد

وحلوة , كويس انك ماقعدتش تحلم احلام وردية وهدى لكل ذى حق حقه وهاشيل الضرايب واخد من الغنى ادى للفقير , لأن السلطة بتغير فعلا



وعجبتنى برده دى :


أوصف أجمل فطار ممكن تفطره؟
اجمل فطار اى حاجه من ايد امى بتبقى جميله قوى


ربنا يخليهالك

فارس القمر said...

السلام عليكم

ايه ياباشا الجمال دا انت مش عاتق الرومانسيه فى حالها حتى فى التاج العصرى كمان رومانسيات
ربنا يزيدك
بجد اجاباتك زى العسل بس ليا تعليق على سؤال اللى بيقول لو تتمنى تعيش فى بلد غير مصر هيا ايه

هقولك انا من خرج من داروا اتقل مقدارا هيا مصر ومافش غير مصر

مع احترامى لاجاباتك

وايه الفرح اللى انت عاملوا دا من اسكندريه لاسوان طيب تصدق والله عندى صاحبى عملها بس غصب عنوا لان عرستوا كانت من اسوان

والفرح كان فى القطر بقى

وكل سنه وانت طيب

اخوك فارس

smilyrose said...

معلش يا احمد متاخر شوية

بس ظروف كانت ممكن تبعدنى للابد

اجاباتك جميلة وزى عدتك رومنسى


ربنا يحققلك كل احلامك

اختك

smilyrose

روح الحب الصادق

عاشقه وغلبانه said...

ولاتزعل روحك
يابختها..
هههههههههههههه
.
.
.
.
.
.
.
.
.
.
.
.
.
.
.
.
.
.
.
.
.
.
.
.
يافقر
ههههههههههههههههههههه

الازهرى said...

ياااه
فكرتنى بذكريات حلوة

فاكر ايام التاج اياه


وطبعا انت ادبست فى عربية معتبرة
ربنا يكون فى عون

zainab said...

رومانسى

إجابات هاديه و جميلة

بس عندى سؤال معلش

لو عايش فى زمن عنترة بن شداد هتعمل ايه ؟؟؟؟؟

اشمعنه اخترت الزمن ده ؟؟

تحياتى

kochia said...

الاجابات كلها حلوة
وتدل علي شخص متزن

تحياتي

بنوته مرحه said...

السلام عليكم


اجابات ممتازه

ربنا يحققلك كل اللي بتتمناه

بجد هاااااايل

دمت بخير وسعاده

السلام عليكم

بنوته مرحه

همس said...

اجابات ميه ميه

وقربتنا من شخصيتك اكتر

ربنا يوفئك

شمس النهار said...

الاجابات لطيفه جدا
وخصوصا
لما تكون الدنيا من غير اي تكنولوجيا بس حبيبتك معاك
علي فكره العصور القديمه دي هي اكثر عصور الرومنسيه
بدليل ان كل قصص الحب كانت قديمه
هات لي اي عاشقين مشهورين دلوقتي مافيش عشان الموضوع مابيطولش
حتي علي مستوي القصص
مااتعملش اي عاشقين
زي روميو وجوليت والا حتي حسن ونعيمه

Meme said...

نعم؟؟؟؟ يعني عصر النبوه و فهمناه يا سيدي عصر صلاح الدين و معاك حق بس عصر عنتره؟؟؟؟؟؟؟؟؟
عموما اهلا وسهلا بيك في ليبيا اتشرف و تأنس
بالنسبه للتاج شكرا بس انا التاج هدا بالتحديد لبستتهولي حبيبه من قبل يعني مش حينفع اجاوبه مره تانيه
دمت بالف خير و دامت تيجانك

romansy said...

Rosie
كل سنه وانتى طيبه
فينك من زمان مش بتكتبى بوستات ولا شئ ليه لعل المانع خير
ربنا يخليكى ويسعدك
اما بقى حكايه عصر عنتر بن شداد

حسيت انه فى العصر كان لازم اكون معاه علشان ادافع عن حبيبتى واعرض نفسى للخطر علشانها وعلشان اتعلم منه كتير فى فنون الحب والحرب

تحياتى

romansy said...

زفته وقطران
ليه بس كده
بس اول مره توزرينى الاقى دا كله والاقيكى متضايقه قوى كده
على العموم نورتينى

ويارب تكون المدونه عجبتك

تحياتى

romansy said...

حاسوباتيه
اهلا بيكى

شكرا لزيارتك ومرورك الكريم
تحياتى

romansy said...

norahaty
هههههههههههههه
لاطبعا العزومه مش على تذاكر ولا حاجه
ياريت بس نلاقى قطر فاضى
وتبقى ليله

تحياتى

romansy said...

فراشة
فيه كتير يا فراشه
بس لو احنا بنبص دايما للحياه بحلاوتها ومرها
وبخيرها وشرها

هتبقى جميله مهما كانت

تحياتى

romansy said...

جوجو
اخيرا جوجو
عامله ايه وايه الاخبار
يارب تكونى كويسه الحمد لله
بشكرك جدا على زيارتك

ربنا يخليكى
تحياتى

romansy said...

الفراشة الصغيرة

برضه يا بختها

ماشى بلاش حسد
كفايه
حرام

ههههههههههههه

تحياتى

romansy said...

كيكى
الصراحه انا عاوز اكون لاعب كوره احسن
برضه علشان نعرف نتحكم فى الكوه اللى مدوخه الناس دى


تحياتى

romansy said...

دعوة للأمل

اهلا بيكى

بشكرك على زيارتك ومرورك وكلامك الجميل


تحياتى

romansy said...

marmar
يانهار ابيض
ايه الحكايه
انا طبعا بحب مصر واحب انى اشوف الدنيا ابوظبى وغيرها
اهو برضه تغير جو


تحياتى

romansy said...

Desert cat
ومين بيكره اللحظه دى
دى من اللحظات اللى الواحد بيحبها
واللمه والحلويات


تحياتى

romansy said...

shayma
اقولك حاجه اكيد لازم الواحد هو اللى يبتدى بالحب مهما شاف ومها عرف
اكيد بحب كل الدول العربيه ودايما بنكون معاهم

تحياتى

romansy said...

زى الهوا
يانهار ابيض
الحمد لله انتى مش ملكه بقى

ربنا ستر
ربنا يخليكى يارب
ويخليها ليا

تحياتى

romansy said...

فارس القمر
يا اهلا يا اهلا
ايش الاخبار
وشنو حالك
يارب دايما تكون بخير
طبعا مصر فى دمنا بس اكيد الانسان فينا بيحب التغير شويه
دى طبع النفس البشريه بقى
اما الفرح ايه رايك فيه وكمان فيه حد عمله قبلى
يلا
احلامى اتحققت

تحياتى

romansy said...

smilyrose

ولا يهمك يا سمايلى
يارب يحقق احلامى واحلامك ويدليك اللى انتى عاوزاه يارب


تحياتى

romansy said...

عاشقه وغلبانه
هههههههههههههههه
بقى كده
انا اللى فقر

ماشى ماشى

انا ماشى

romansy said...

الازهرى
سياسه ياناس
فاكر التاج بتاعك اللى فيه الصوره الجميله ايها
ياعم انا كنت خايف اهوب ناحيه المدونه اصلى الاقى دراكولا
وانا مش قد كده الصراحه
عربيه
عربيه
عربيه

عربيه تبقى ليا

تحياتى

romansy said...

zainab
اهلا بيكى
نورتينى
ربنا يخليكى على كلامك
انا اخترت العصر دا لاسباب انى متخيل عنتر الفارس صاحب الاخلاق الكريمه والفروسيه والسماحه والكرم
والحب والتضحيه

تحياتى

romansy said...

kochia
اهلا بيكى
ربنا يسعدك ويخليكى يارب

تحياتى

romansy said...

بنوته مرحه
اهلا بيكى
نورتينى كتير كتير
يارب تكونى سعيده دايما ومرحه كده

تحياتى

romansy said...

همس
اهلا بيكى
اخبارك ايه بشكرك على الكلمتين الحلوين دول

وربنا يخليكى

تحياتى

romansy said...

شمس النهار
ايوه كده يا شموسه فهمتينى انى اجمل حاجه العصور القديمه كان فيها الحب والخير
وكان فيها الشجاعه والنضحيه موجوده دايما بدون مقابل

تحياتى

romansy said...

Meme
منورانى يا ست ميمى
ايه اخبارك يارب تكونى كويسه
انا اخترت عصر عنتر لانى بحب الشخصيه دى قوى وكان نفسى اكون معاه احب زيه واحارب زيه واعمل المستحيل علشان اوصل لحبيبته زيه
بس خلاص


تحياتى

yoyo said...

صباحك سكر يا ملك الرومانسية

عجبتى اجابتك اوى يا أحمد
خصوصا فكرة الفرح فى القطر دى لها أجواء خاصة بجد وجديدة

((بس المهم تكون حبيبتى معايا فى اى عصر دى حتى عصر رومانسى قوى))
يااااااااااه يا أحمد على قمة الرومانسية هو فى بجد كدا

السعاده هي ... ؟
رضا ربنا والوالدين وراحه البال والصحه واللمه الحلوه وحبيبه تفهمك

ربنا يسعدك ويسعد قلبك الرقيق يارب و تحقق كل أحلامك وآمالك اللهم آمين يارب

و بالنسبة للاعب كورة دا تمام والله بس يا ترى هتنضم لايه بالضبط خليك اهلاوى كدا عشان أحبك يا أبو حميد هههههههههه و الا انت ايه رأيك فى موضوع الكورة دا

صدقت حين اسميت مدونتك رومنسى فأنت رومنسى حتى النخاع

دمت بالف خير
تحياتى
يويو

احلي حياة said...

مثقف ورمنسي اخر حاجة مش بتهمل جانب من جوانب حياتك علي حساب جانب تاني..في براءة كده...طموح وبترضي بقليله...اصيل ومخلص دمك خفيف وصريح خيالي اوي مرح جدا..حبوب
مش عرفة انا اللي حسيته قلته ممكن في حاجات تطلع صح
بس مش مجاملة صدقني انا ليا شوية في علم النفس وكده ففي حاجات فسرتها نفسيا وعلي اساسها قلت الصفات دي...يمكن معرفتش اطلع عيوب طلعت مزايا بس يعني مع الوقت الواحد هيعرف
ده اول بلوج اقراه ليك
وان شاء الله مش هتكون اخر مرة
وعرفة هتقول عليا رغاية اوووي بس مش عرفة ليه ان كل الكومنت بتاعتي برغي فيها...يعني مع اني في الواقع مش رغاية ولا حاجة
عامتا بلوج هايل
تحياتي

نور الاسلام said...

السلام عليكم

تعليق بداية مائه جديده
ههههه
بجد اجابات متميزه
يا رومنسي

بجد مدونه رائعه

وفقك الله

اتركك في رعاية الله

السلام عليكم

fahd said...

دا ايه الرومانسية اللي مغرقة الدنيا دي

ايه ياعم الحلاوة دي

انت ازاي لسه عايش في الزمن ده

ربنا يرزقك ياعم حبيبة القلب الزوجه الصالحة

التي تحيل حياتك لجنة جميلة

البت المشمشية حلوة بس شقية said...

ماشى يا احمد ايه الرقة فى الاجابات دى والرمانسية دى رومنسى رومنسى يعنى مش هزار

شخـا بيــط مـحـجـوب said...

الله عليك يارومانسى وعلى كلامك التحفة

اخبارك يا جميل وحشنى اوى والله

تحياتى ليك

شخابيط mahgoub

الوردة البيضا said...

صديقي الرومانسي
أعجبتني جدا إجاباتك على الأسئلة، وخاصة ان كلها رقة ورومانسية... يعني اسم على مسمى

تحياتي وتمنياتي لك بكل الخير

fL0weR-giRL said...

السلام عليكم
اسئله جميله
واجابه اجمل
وانا كمان كان نفسي اعيش في عصر الرسول عليه السلام

ولك كل الشكر والتقدير

اتمني زياره مدونتي المتواضعه :)

نهــــــــــار said...

السلام عليكم أخي أحمد
إعذر تأخري
..........
لأول مره أقرأ إجابات رومانسيه في التيجان
.......
دمت بخير أخي

maha zein said...

يخرب بيت كده
ايه اللى انت عاملة فيا ده بجد
ايه الاشعار ووالقصايد دي كلها
انت جاي تتبلا عليا يا عم انت
يعني واحد بعتلي مشكلة منشرهاش
بعدين هو اللى بياكل صوابعه
انا مالى انا بقه
ده انت عجيب
انت عاوز تتخانق وخلاص
انت مالك بيا بقه
اوف
وربنا شكلك ناوي علي الشر
بقولك ايه
خد سيخ اهه
ويلا بينا الميدان واسع وفارس لفارس
منك لله يا شيخ ذي ما انت مشردني كده
وقال نزار قباني كمان بيتكلم عن الصوابع
دي مؤامرة بقه
سم
دم

بنت مصريه said...

معأنك مهديتليش التاج يا احمد يا رومانسى بس بصراحه تاج
جميل جدا واجاباته حلوه كمان
يا عادل اااصدى يا احمد

احلي حياة said...

بجد الموسيقي تحفة جداااااااااااااا
بجد ذوقك حلو اوووووووي
شكلك ليك في الموسيقي والمسلسلات الكوري
انا بعشقها

حنان سعيد said...

حلوه اووووي اجباتك بجد يارومانسي
والرد الي بجد ماكنتش متوقعاه يكون كده
وعجبني جدا لانه غير متوقع

صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
بس المهم تكون حبيبتى معايا فى اى عصر دى حتى عصر رومانسى قوى

حلو اوووي اوووووي

rovy said...

السلام عليكم
اجاباتك كلها بتؤكد رومنسيتك يا رومنسى
بجد انت شخصيه جميله و رومانسيه فى زمن اصبح نادر جدا اننا نلاقى الشخصيه الرومانسيه فيه .. احييك جدا على الاجابات
دمت بكل الخير

تحياتى

romansy said...

yoyo
كلامك بيحسسنى انى ملكت الدنيا بحالها
ربنا يسعدك ويسعدنا يارب دايما انا كنت اتمنى العب فى الاهلى وابقى مشهور كده

نورتينى يا يويو

بشكرك على زيارتك اللى اسعدتينى

تحياتى

romansy said...

احلي حياة

دا كله من اول زياره ربنا يخليكى يارب الصفات فيها كتير صح
نورتينى باول زياره

وتبقى دايما احلى حياه

تحياتى

romansy said...

نور الاسلام

نورتينى ونورت المدونه باول زياره
ربنا يخليكى ويكرمك
دا من ذوق حضرتك

تحياتى

romansy said...

fahd

يا سلام عليك يا عم فهد
نورت ياباشا وشرفتنى بزيارتك وكلامك الجميل

يارب تكون المدونه عجبتك

تحياتى

romansy said...

البت المشمشية حلوة بس شقية

انا برضه انتى اللى رقيقه يا مشمشه


نورتينى
تحياتى

romansy said...

شخـا بيــط مـحـجـوب
اهلا يا احمد
ايه اخبارك
تمام
الحمد لله انا كويس وبخير
ربنا يخليك ليا ياباشا


تحياتى

romansy said...

الوردة البيضا
العزيزه ورده
بشكرك جدا على تعليقك وعلى ذوقك وكلامك الجميل


تحياتى

romansy said...

fL0weR-giRL

اهلا بيكى فى عالمى المتواضع
يارب تكون المدونه عجبتك

واتمنى لك حياه سعيده

تحياتى

romansy said...

نهــــــــــار
اهلا باجمل نهار

بشكرك على اهدائى البوست
وبشكرك على رقتك وذقك فى الكلام


تحياتى

romansy said...

maha zein
طالما زعلتى خلاص مش هتكلم تانى
بس انتى اللى قولتى مش انا على حكايه العصفوره المسلوخه

انا ماليش دعوه


لو فيها زعل بلاش

تحياتى

romansy said...

بنت مصريه

خلاص ماتزعليش انا اهديت لك التاج اهو
انا احمد مش عادل

تحياتى

romansy said...

احلي حياة

الحمد لله ان الموسيقى عجبتك

انا بحب الموسيقى لانها غذاء الروح

تحياتى

romansy said...

حنان سعيد

منورانى دايما يا حنان
بشكرك على كلامك
وبعدين هى الحياه تكون حياه اللى لما اكون مع الانسان اللى بحبه

تحياتى

romansy said...

rovy

بشكرك على كلامك دا بفضل ربنا
الحمد لله

تحياتى

hager za3bal said...

اجاباتك جميله اوي بتبين انت اد ايه شخصيه جميله ولذيذه .. بعاكسك :D :D

بس قلي بقي
ايه موضوع ليبيا دا..!!
هتعمل ايه بس هناك
حرام عليك نفسك والله
:))

دمت بكل خير وود
وميرسي اوي انك قبلت التاج وحليته

تحياتي

romansy said...

hager za3bal

عكسينى زى ما انتى عاوزه ياهاجر
عارفه بقى عاوز اروح ليبيا ليه
علشان احس اننا كويسين قوى وكمان قلبنا كبير مع كل الناس
بنحبهم وبيحبونا

holyday said...

سلام عليك
تعرف رومنسي جاني تاج نفسه من ميمي وسمته تدبيسه من ميمي

http://holyday08.blogspot.com/2008/12/blog-post_27.html

تلقيه واجب محلول
تسلم بس تاج حلته مسبقا
لانكي درتني في بالك

holyday said...

سلام عليك
بصراحه اجابتك حلوه
عجبتني تبع
انا احمد مش عادل

هههههههه
ضحكتني
سلام
علي فكره
جيجي و ميمي
جالهم تاج من زمان
سلام

اختك
فتاة زمن اخر

romansy said...

holyday
خلاص يا جميل
انا هبقى هاخد بالى وانتم دايما فى بالى
وبشكرك يا جميل على تعليقك

تحياتى