Monday, December 28, 2009

عام سعيد


مضى عام وحمل معه افراحنا والالامنا مضى عام وحققنا فيه بعض امنياتنا
وترك لنا بعض الذكريات والصور التى نحتفظ بها فى هذا الالبوم كباقى الصور من السنين السابقه
وهكذا تمر السنين السنه تلو الاخرى ونحقق بعض الامنيات ونوجل الاخرى الى عام ات
الى ان نشبع رغابتنا فى تلك الحياه ونحقق ما تمنيناه وما حلمنا به وما كنا نبغى تحقيقه

Monday, December 21, 2009

هو احنا مالنا جرالنا ايه


هو احنا مالنا جرالنا ايه
اوقات بنفرح واقات بنجرج
واقات ما نعرف احساسنا ايه
هو احنا مالنا جرالنا ايه
بنحس اوقات ليه بوحده
مع اننا فى وسط لمه
بنحس خوف مالى قلوبنا
اوقات منعرفش نجرايه
هو احنا مالنا جرالنا ايه
اوقات نشوفها ابيض واسود
واقات نشوفها بالالوان
اوقات نحس بشوق ملينا
واقات نحس بشوق حيران
هيقول ايه ولا ايه
هو احنا مالنا جرالنا ايه

Saturday, December 19, 2009

موجه بحر


زى موجه بحر تايهه
عايزه ترسى فى اى شط
زى نسمه حب خايفه
عايزه تلحق اى حد
عايزه تشكى ع اللى بيها
للى بيداوى جروجها
نفسها حد يدويها
نفسها تفرح بروحها
عايشه من غير اى سد
زى موجه بحر تايهه
عايزه ترسى فى اى شط

Tuesday, December 15, 2009

فقط لحبيبتى


صعبٌ أبادِلُكِ الهوى وأنا لغيركِ بالمشاعر أنتمي
صعبٌ أعيش بعالمٍ بعد السماء عن عالمي
أنا قد نذرت مشاعري وعواطفي لحبيبتي
صدري أنا أنفاسُه ملكٌ فقط لحبيبتي

Wednesday, December 9, 2009

يكفى انتى معى

ساذهب بك الى عالمى الذى تمنيته دوما
وتمنيت ان اعيش فيه معك
ساذهب الى قصرنا الذى بنيته لك
لكى تكونى فيه الاميره
فيه الاسيره
فيه المحبوبه
تكونى عالمى فقط
فدعينا نعيش اجمل اللحظات
ويكفى انك معى


Sunday, December 6, 2009

مين انا ؟

مين انا ؟
مين انا عايز اعرف
ليه انا ؟
اختارت الدنيا الميعاد
و اختارو اسمى فى الميلاد
لا كان بايدى بدايتى
و لا كان بايدى نهايتى
لاشايف ضى مع فجرى
و لا بسمه فى طريق عمرى
عايز اعرف
مين انا ؟
.....................
نجومى فى ليلى ضى حزين
ورودى شايفهم دبلانين
وضاعت كل احلام السنين
يا هلترى انا اللى اتغيرت يا دنيا ؟
ولا انتى بقيتى حاجه تانيه
عايز اعرف
مين انا ؟
مين انا ؟

Saturday, November 28, 2009

بحلــــم بيوم




بحلم .. أحلم .. أحلم

وياريت ياريت .. أحلامي دي تبقي حقيقة

ياريت ياريت .. تتحقق كل دقيقة

بحلم بيوم .. أشوف الشفايف بتتكلم كلام فيه حب

أحلم بيوم .. أشوف الناس ما عرفوش الجراح ف القلب

بحلم بيوم .. أشوف الدروب ما فيهاش دموع أحزان

أحلم بيوم .. أشوف بكرة بيزرع ضحكة للإنسان

أحلم بيوم .. يوم

تشوف عينيا فرحة قلوب الصابرين

وأشوف الحيارى في طريق الامل ماشيين

وأشوف اللي هاجر راجع هنا .. راجع هنا لمكانه

وأشوف اللي يائس .. جفت دموع أحزانه

بحلم بيوم .. أشوف الدنيا نور علي كل البشر

وأشوف سما ما يغيبش يوم عنها قمر

عنها قمر

Tuesday, November 24, 2009

عيد سعيد ...يا مصر


عيد سعيد................. جاى علينا
على كل مصـرى............. ومصريه
عيد سعيد............. بالفـرحه ملينا
على كل مصــرى............ ومصريه
عيد سعيد............ علـى كل
مصر
واللى هيجى........... يا مصر علينا
نعصره ليكى ............. بايدينا عصر
عيد سعيد............ بالفــرحه ملينا
عيد سعيد....................جاى علينا
عيد سعيد...... وانتى يا مصر طيبه
عيد سعيد....... وانتى ارضك حنينه
عيد سعيد...... وانتى يا مصر غاليه
عيد سعيد وانتى فى سمانا عاليه
عيد سعيد....... وانتى حضن يضمنا
عيد سعيد........ وانتى كلمه تلمنا
كلمه................ فى حبك يا مصر

Thursday, November 19, 2009

كان نفسى


كان نفسى النهارده
البســك تــوب الفرح
كان نفسى النهارده
احقق معاكى الحلم
كـــان نفســى اداوى
قلبــــى اللـــى انجرح
مــن اى شـــــــــــــئ
حاســين معاه بالظلم
بس القـدر قال كلمته
واحنا راضــــين بالقــدر
بكره ياخـــدنا لجـــــنته
لان فيـــــنا اللى صـــبر
فينا اللى راضى بالنصيب
و الصـــبر دا مـش غريب
بكره هتكــــمل فرحتك
والامل شــــــجره طرح
كان نفســـى النهارده
البســــك تــــوب الفرح
بتدمعى لا دموعك غاليه
عندى بلاش دمـــــوع
انتى الحياه والحزن راح
مفيـــــهوش رجـــــوع
يلا ابتــــدى مـــــــعايا
وعـــــــدى ازمـــــــتك
مــــــــــــانا قولتــــــلك
بكره هتكـــمل فرحــتك
دا كـــل يــــوم بتــــزيد
فى قلــــــبى محبـــتك
يــــــلا ابتــــــــــــــدى
وبــــــــــلاش خضـوع

Sunday, November 15, 2009

بحـــــــــبك يــــا مصـــــــــــر


نفسى اقولك علّى فى قلــبى
بس كـلامى دا مش هيــكفى
هـقولك ايه......... انا ولا ايه
احساس بحبك ما اقدر عليه
احساس بفرحه جــوايا نطقت
قالت..... بحبك كتير يامصـر
بحـــــــــبك يــــا مصـــــــــــر

بالرغم إنى اوقات بعــــــانى
بحـــــــس بحــــــبك بــــقول
واعــــــيد احــلى معــــــانى
وحــاســـس......... فى يـوم
هلاقى حنانك هلاقى امــانك
دا مـــــــــــــــــالى حيــــــاتنا

وترجعلنا تانى مصــر الجميله
وايـــــدك فــــــــــى أيـــــدينا
ايديك فى ايدينا يلا يا مصــــر
نعيش حيـــــــــاتنا نصر لنصــر
نعيش بحب وخوف على بعض
هنــبنى بيت.وهنـبنى قصـــر
بنحــــــــــبك يــــا مصــــــــــر

Friday, November 13, 2009

هرسمك


هرسمك ورده جمــيله
بين الجــــناين والــورود
هرسمك نسـمه رقيقه

تحييى برقـــتها الوجـود
انا هرســـــمك وياريتى

هعــــرف ارســـــــــمك
ابدع وصور ربنا له الخلود
هرسـم على ورقه بيضا

تشبه فى بيضـها قلـــبك
هرسم براءه هرسم حنان

هرسم كلام بتقوله شفايفك
هرســـم وسيبنى ارســم

دا انا قلـــــــــــبى حــــــبك
يا اجمل حبيـبه فى الوجـود




Tuesday, November 10, 2009

عيد ميلاد سعيد يا رومنسى

يااااااااااااااااااااه.....بقى عدت سنه بالسرعه دى
تانى مره احتفل بعيد ميلادى مع كل اخواتى المدونين
انا سعيد جدا جدا انى بطفى الشمع معاكوا لتانى مره
واتمنى ان شاء الله انى السنه ديه تبقى سنه سعيده عليا
وعلى كل اخواتى المدونين وعلى كل الناس المقربين
وكل امه المسلمين يارب دايما
بما ان عارف بقى ان فيه مدونين بيحبوا التورته
وعلشان اعرفهم انى منوفى اصيل وكريم كماااان
احلى تورتهات هتكون موجوده من افخر المحلات














Friday, November 6, 2009

ابتسامتك


كم هو جميل أن تشـــرق شمس
ابتسامتك علــي شاطــيء عمري
وكــــم هو جمـــــــيل ان تمــــتلكٍ
بوجـــــهك البـــــرئ أمــــــــــــرى
وأن تكــــونى شمســـــى وقمرى
فانشــــرى دفئــك بين الزهـــــــور
وكـــــونى لـــــــــى عـــطـــــــرى
فرؤيه عينـكى تشـــرح لى صدرى
واعترف باننى اكـتب لكــى شعرى

Wednesday, November 4, 2009

وليت العشـــــق يكفينى


وهـــذا اليــــوم يأتــينى
ولسوف اقول يا عمرى
مــافى قلــبى فدعــينى
الــم العشـــــق حــبات
وليت العشـــــق يكفينى
لاهــديه لكــــى طــوقا
مــن الازهـــار تروينى
وهل للعشــــق درجات
فهل انتـــى تحــييـنى
اراك العــمر فى قـلبى
فى دمــى وشــــــريانى
ولسوف اقول يا عمرى
مــافى قلــبى فدعــينى
احـــبك فـلا أنســـــــى
فهل أنــتى ستنســــينى
معا نحـــــارب اعداءنا
وأفــديكى... وتفـــدينى
احـــبك ......يــامـن
بعـــيونك ســـحرتــــينى
احـــبك فهل تحـبـيـبــنى

Thursday, October 29, 2009

حوار اعجبنى


قال :: ماهي اجمل صفات المرأه ؟

قلت :: الحنـــــــــــان

قال:: واجمل صفات الرجــل ؟

قلت ::الرحمــــــــــــة

وقال ::واجمل مافي الطفـــــل ؟

قلت :: البـــــــرأءة

وقال ::واجمل مافي الشيخــوخه ؟

قلت :: التقـــــــــــــوى

وقال :: واجمل مافي الرجـــــوله ؟

قلت :: الحكمــــــــــــه
وقال :: ماهي ارقى انواع الصبـــر ؟

قلت :: حينما يجتمع الصبر والرخــــاء

وقال :: هل للقناعه درجــــــــات ؟

قلت :: نعم هناك قناعة الاكتفاء وقناعة الصبر وقناعة الزهد والاخيره ارقى الانواع

وقال :: ماذا يعني الحنان ؟

قلت :: ان يستريح الانسان الى الشاطئ بعد رحله سفر متعبه وان يجد صدر يلقي عليه متاعبه

دون خوفا او استجداء او ثمــــــن

وقال :: ماهي ارقى انواع الحب ؟

قلت :: الامومه لانها حب بلامقابل وعطاء بلا ثمن

وقال :: ماهي اعلى درجات الاخلاق ؟

قلت :: ان ينزه الانسان نفسه عن الصغائر ليس خوفا من احد ولكن تقديرا لذاته وسموا بنفسه

وحبـــــــــــــــــــــــــــــا للفضيلـــــة

وقال :: ايهما اعلى درجه العفو او التسامح ؟

قلت :: العفو اعلى درجه لان العفو يقترب بالمقدره ولكن التسامح يقترب بالضعف

وقد يتسامح الانسان مكرها ولكنه لا يعفوا الا اذا كان راضيا

وقال :: ماذا عن النجــــــاح ؟

قلت :: انسان يجفف عرقه مع نسمة صيف منعشه اجمل مافي النجاح انه يشعرنا بقيمة

مانفعل وانه اوسع الابواب الثقه وربما يكون ايضا اوسع ابواب الغرور

وقال :: كيف تثبت اشجار الغرورفي الانسان ؟

قلت :: مع اشخاص صنعتهم صدفه او فرصه عابره والصدفه والفرصه هما اقل الدرجات

في سلـــــــــم النجـــــــــــــاح

وقال :: ما الفرق بين الاصرار والعزيمــــه ؟

قلت :: الاصرار ضيف عابر والعزيمه صديق مقيم والاصرار يسانده الطموح والعزيمه تساندها

الاراده والطموح يتغير بأختلاف الايام والاشخاص والظروف لكن الاراده فوق كل الظروف

وقال :: من انـــــــــت ؟


قلت :: انسان ضيع عمره في البحث عن حقيقة الاشياء واكتشفت ان الحقيقه الوحيده المؤكده

هي الموت وكل شي بعد ذلك يتحمل التأويل ألم اقل لك انها صفقه خاسره ولكننا

نلعبها حتى النهايه مهما كان حجم خســـــــــــــــارتنا فيهـــــا

Sunday, October 25, 2009

فرصه تفكرى


يعنى خلاص نويتى تمشى وتهجرى
بعــد كل الحب ليا
مـانا قولتلك ع اللى ف قلبى وقدّرى
متجيش انتى عليا
انا محـــتاج بس فـــــرصه.. واصبرى
بكره هتشيلك عنيا
هتــعرفى اد ايه احســاسى بيـكى
بس برضه حسى بيا
اتـــفـقـنا ......... ولا عايزه فــــراقـنا
ولا خـلاص اديــكى فــــرصه تفكـرى
آدى دبـلتــــك........ يــلا البســـيها
وفـرحى اسـمى المنقوش علـــيها
مـــانا لــو هـــــــلـف الكـــون بحـاله
مــش هـــــــــلاقى واحـــــده زيــك
تحـــبيـى الحــب ده
حنــيــنه زيـــك كـده
دا انتـــــــى حبيبــــــى وكل حــاجه
فى الـــدنيا ليــــكى بس اؤمــــــرى

Wednesday, October 21, 2009

خد دبلتك


خـد دبلتـك
دا احنا مفيش بينا نصيب
انا كنت ليك اجمل حبيبه
وانـت كنــت ليها حـبيـب
استحــملت كتـــير وكتير
بس انت كنت انسان غريب
كنت لما تغلط فى اسمى
احـس دمعى منى قريب
احس روحــى بتتخـــطف
واقول دا بكره تكون سعيد
لما تحس بنبضه قلبى
يطــمنـلك
لما يحس بعينى وشوقى
دى بتنــدهـلك
يمكن تعرف انى بحبك
حب رهيب
دا انا كنت ليك اجمل حبيبه
وانت كــنت ليــها حبـــيب

Wednesday, October 14, 2009

اثبت لى حبـــــك


اثبت لى حبـــــك
بقى وكفايه كلام
نفسى احقق معاك
كــــــل الاحــــــــلام
نفسى الاقى اللى شوفته
فى عيــــونك ييبقى حقيقه
نفســـى احســـك والمسك
فــى كـــل تانـيه ودقيـقــــه
اشتيــــقاك ليــــه اكبر
يبقى اثبــت لى حـبك
كل يــوم حــبك بيكبر
يبقى اثبــت لى حـبك
ان كــــان علــــيا
حبى ليك بيزيد كتير
اد حبــك الـف مره
جوايا ليك اشواق كتير
اد شوقــك ويــزيد
بس يلا اثبت لى حبك

Friday, October 9, 2009

سأقدم لحبيبتي


سأقدم لحــبيبتي
تاجاً مرصعاً من النجوم يزين رأسها
وعـــقد مـن لؤلؤ البحار يزين رقبتها
وكـحل من سواد الليل يزين عينيها
واساور من خيوط الشمس الذهبيه تزين يديها
وخاتما من شعاع القمر يزين اصبعها
وحـزام من كوكب زحل يزين خصرها
ولكــــن هل يكـــفى ما اقــدمه لها
فـــانا لا احتـــــاج الا اليـــها
لتكون اميره على قلـــــبى

Tuesday, October 6, 2009

ليا مين غيرك يا بلدى ... ليا مين ؟؟


ليا مين ؟؟
ليا مين غيرك يا بلدى ليا مين
ياللى علمتينى اية معني الحنين
أنتي اللى ارضك طيبة
والغربة فيكى قريبة
وحنينة على قلبنا
طول السنين

ماشيين يا بلدى فى سكتك
حريتك
هيا الطريق

بالصبر
بالصبر والرأي الجرئ
بالحب يا بلدى
ولادك مخلصين

وشرفك يا بلدى
لتبقى يا بلدى
حياتك هيا عمرى
وقدرك هوا قدرى

حرية على طول الزمان
حب
حب وسلام فى أى مكان


وشرفك يا بلدى
سحابة وتعدى
وبرضة أنتى بلدى

مهما عملوا يا بلدى فيكى
أحنا ليكى
احنا بيكى
دا أحنا ياما خدنا منك ... فيها أية لو يوم نديكى


Monday, October 5, 2009

حـــــوريه


انا سبت كل الدنيا وجيت لك يا اسكندريه
عارفه ليه؟
علشــان ادور فيـــكى عن حــــوريه
قولتى ايه؟
تعبت كتير انا وجيت لك متكسفنيش
اشــــوف البحر بعنيه سبينى اعيش
سـبـينى اعـيـش كـــده واحـــــــلم
بمركب ماشيه فى الميه تذق الموج
كـده وتبعد لابعــد حــد
اذق المــــوج بمجـدافى
انادى باعـــلى الصـــوت
الاقى صوت ضعيف دافى
حـــــــــــــــزين مكــبوت
دى شــــعورها الدهــبيه
دى فى البـــحر حــــوريه
اللى يــامه سمعت عنها
فى ليـــــالى الـــــف ليله
مش عارف اوصف جمالها
قد ايه هــــــى جمــــيله
حــسيت بخـــوفها عــليا
حـــــسيت بشــوقها لـيا
دى اجـــمل حـــــــــوريه
قـــالت سمعت صوتك وانا لبــــيت
يا اجمل انسى انا شوفته انا حبيت
تجينى تعيش فى الميه
تحـــــس بحب حـــوريه
تلاقــــى الحب دا ملكك
وافضـــل عمرى انا جنبك
هسكت يا انسى انا شويه تكون رديت
لقـتيت حبك كده كافى
وخـدانى ليكى مجدافى
ولا اعـــرف لفين روحت
ولا اعــرف لفين جــيت
حــبــيت انـــــــا حــبيت
بس مش لاقى الصدق فى الارض
بس مش لاقى الحب فى الارض
علشان كده انا جيتلك
ادور على قلب زيك
قلب يملا الكون حنان
قلب يملا الكون امان
انا عاشقك يا حوريه
انا عاشــــــــــــــقك
ومش هعيش الا معاكى
فى اى مـكـــــــــــــــان

Thursday, September 24, 2009

ابعد عنى




ابعد عنى عيونك دية
فيها كلام ع القلب يأثر
وانــا لسة جوايا قسية
اكبر م الدنيا دى واكبـر
انا يـامة صبرت ومدارية
ومين يقدر ع القسوة دى يصبر
ابعد عنى عيونك دية
فيها كلام ع القلب يأثر
انــا محتاجة لحد اقولة
حد اشكيلة ع اللى ما بية
حد احكيلة اللى ف قلبى
واللــى ما قالتلوش عنية
حــد يغـــير كــل حياتى
حب دا يملى الكون حوالية
وعلى بعدى لحظة ما يقدر
ابعــد عنــى عيـــونك ديـة
فيها كــــلام ع القلـب يأثر
امشى وسبنى خلاص وف حالى
منش عارف اللى جرالى
انا مش عاوزة انا اظلم قلبك
ولا عاوزك كدة تشغل بالى
انا حسة انى بجد ظلمتك
بس هتفضل انت الغالى
وانت اللى ع القلب هتخطر
ابعــد عنـــى عيــونك دية
فيها كـــلام ع القلـــب يأثر


Monday, September 21, 2009

عيديات ....عيديات مين يقول هاااااااااات

ايها المدونين كل سنه وانتم طيبين معيدين
بس العيد دا ناقصنى عيديه عزيزه عليا
عيديه اخويا تامر الحسينى
ربنا يرجعه لينا تانى بالسلامه يارب
بس المره دى انا اللى هعيد عليه وعليكوا
كل سنه وانت طيب يا تامر
ودى عيديتك
اتفضل
تانى عيديه وهديه لعريسنا
الدكتور عمرو فاروق
كل سنه وانت طيب يا دكتور وان شاء الله ربنا يوفقك فى حياتك العمليه والزوجيه يارب ودى عيديتك وهديتك يا دكتور
اتفضل
تالت عيديه لدهب بس هى سبقت بعيديتها
وبرجعها لينا بالسلامه حمد الله على سلامتك يا دهب ويارب تفضلى دايما معانا يارب
ودى عيديتك يادهب
اتفضلى
رابع عيديه لسمايلى اجمل كلمه بنحسها من ارق قلب كل سنه وانتى طيبه واتمنى ان تلاقى الشئ اللى كلنا بندور عليه
ودى عيديتك يا ارق بسمه
اتفضلى

الخامسه من نصيب اسكندريه ودى هتكون لاجمل وارق ناس عرفتها ناس كلامهم ارق من نسمه صيف واجمل من البحر ساعه الغروب واطعم من كيلو سمك مع السلطه والطحينه
اكيد هما
احمد
اسماء واحلام فى وجدانى
وكيمو صاحب الصيدليه
ورودى الفراشه الصغير
وماء تشرين
وورده نبضات القلب
وفراشه كلمات
وحروف
وحدوته
كل سنه وانتم طيبن
ولو رودى وحدوته اتكلموا كلمه فدا حقهم يا عم احمد ويا كيمو ناس طلعت فى التليفزيون بس يا خوفى احسن يطلبوا عيديه اكبر طبعا بتقولوا ايه الرغى دا
خلاص كل واحد يضغط على اسمه تطلعه العيديه فورا

العيديه السادسه من نصيب امنا واختنا
شمس النهار كل سنه وانتى طيبه يا شموسه وكل سنه وانتى منوره دنيا التدوين ومعانا دايما دايما
ودى عيديتك يا شموسه
اتفضلى

العيديه السابعه لناس غابت عننا طول شهر رمضان ورجعت لينا بالسلامه واقدر اقول ان التدوين من غير الناس اللى بيحبهم ويعزهم بيكون ناقصه كتير
ولحسن الحظ مدرسين وبكده اتاخدوا غياب وبنقولهم ميبعدوش عننا تانى
يويو

زى الهوا
كل سنه وانتم طيبن

العيديه التامنه مين يقول هات خلاص هنشطب مين با بوحميد مين
اكيد مفيش غير عيديه
منار /شباك موارب
هى فى السعوديه دلوقتى
ترجع بالسلامه يارب
ودى عيديتك
اتفضلى

العيديه التاسعه ودى لشخصين مرتبطين ببعض قوى الحب جمعهم اصدقاء لابد
طبعا حنين
همس الاحساس
pink dreams
كل سنه وانتم طيبين
وربنا يدوم الحب بينكم يارب

العيديه العاشره لاختنا ام بيرو
ربنا يسعدها ويخليها بيرو يارب
كل سنه وانتى وبيرو بصحه وخير دايما يارب
ودى
عيديتك
ودى عيديه
بيروو

العيديه الحاديه عشر ودى لاختنا الدكتوره نورا اللى صعبان عليها حالنا كلنا بس نعمل ايه دى الظروف ويارب تعجبك عديتى
اتفضلى


فاصل ونواصل
الناس اللى زعلت منى من غير لزوم
اقولهم انا لسه مخلصتش عدايا دا كان فاصل اعلانى على ما خلص كنت بحضر فرح ابن عمى بس اقولكم برضه انا اسف مكنش المفروض انى انزل جزء واسيب التانى يلا المسامح كريم بقى خلوا قلبكم ابيض
نرجع تانى نكمل العدايا
العيديه الثانيه عشر دى بقى هتكون لمين دا هتكون لناس نسيتنى اصلا بس مش مشكله المسامح كريم بسعيديتهم محفوظه اكيد
كيارا نفرتيتى

ونورا Sweet Violet
ربنا يرجعكم بالسلامه وترجعوا تنورا تانى عالم التدوين بالبوستات العفريتى بتاعه ايام زمااااااااااااااان
كل سنه وانتم طيبن
العيديه الثالثه عشر دى بقى هتكون للطب البيطرى وادب الطب البيطرى وانفلوزا وانفبطه وكل انواع الطيور والحشرات يبقى مفيش غير مين مين
ايمى بيبى

وسفروته
من ساعه مالحكومه عرفت اللى انتم هتتخرجوا البلد بقت مليانه بلاوى علشان تلاقوا شغل يلا ربنا معاكم ايها الدكاتره المنتظرين الله يكون فى عون البلد هههههههههههههه


العيديه الرابعه عشر دى هتكون لمين لمين اكيد مفيش غير اصدقاء عزاز عليه قوى بس مش عارف ليه واحد فيهم خد على خاطره شويه بس بقوله حقك عليك ايوه مفيش غيرك انت يا ازهرى كل سنه وانت طيب وان شاء الله تحقق كل احلامك
اما بلدياتى محمد غاليه صانع السعاده
فانا احترت اعيد عليك بايه بس ياريت عيديتى تعجبك
وطبعا محمد كمال صاحب اعلى صوت فى مصر كل سنه وانت طيب


العيديه الخامسه عشر فدى اديها لمين لمين ودى لازم تبقى لاتنين بقالهم فتره بسيطه قوى اعرفهم بس وكانى اعرفهم من 28 سنه
دول مين
مى

ودموع القمر
كل سنه وانتم طيبن ومتزعلوش انى نسيتكم بس الاخير حظه كبير دايما
العيديه السادسه عشر دى هديها لناس جميله قوى بتزورنى اصدقاء واخوات من اقطار الدول العربيه
ساره السعوديه

مى الليبيبه

نسيم ليبيا

ميمى ليبيا

نهار الامارات

سلوى تونس
كل سنه ودايما احنا اخوات واصدقاء
كل سنه وانتم بخير
العيديه السابعه عسر ودى هديها لمين لاهل المنصوره اللى بعزهم كلهم واللى خدوا على خاطرهم مفيش غير
انوسه ايناس الاحزان

الدكتوره سول Soul.o0o.Whisper
متزعلوش منى الاخير حظه كبير دايما
العيديه التامنه عشر دى لمين لمين دى هتكون لمرمر
اللى كلت العزومه اللى كان وعدنا بيها
وكمان مش هقدر انساكى يا نور يا اجمل قصاقيص حبيبه كل سنه وانتى طيبه
العيديه التاسع عشر دى مخليها بقى لحبيب قلبى لا تشتاق احمد
وكمان مين the giving river

وكمان

اelfattak is back
العيديه العشرون ودى بهديها لمين
قوس قزح

وايوشه

Kmt

وسونه

Mimi

والملاك

عاشقه وغلبانه

دنيا الحب

جوه القلب

نهر الحب

باديه الوادى

زهره الجنه

Selfmeaning

موناليزا

GiGi world

Rosie

ليس فقيرا من يحب

ghorBty

عاشقة القمر

princess

Butterfly
كل سنه وانتم طيبن
العيديه الواحد وعشرون
ودى لكل الناس اللى سنها اقل من 17 سنه كل سنه وهما طيبيبن ويارب يحققوا كل اللى يتمنوا يارب
اتفضلوا

Friday, September 18, 2009

وجانا العيد




وفـات رمضـان وجــانا العـيد
ويـا بخـت اللى كـده اتهنى
وعـاش ايــام فــيها سـعيـد
وفــيها الجــنه اتمـــنى
وجـــانــا العــيـــد
وشــايل فـرحته فى القلب
يــوزعـــها لكــل النـاس
على كـل اللـى ادى الفـرض
على كـل اللـى اسعد فـــرد
ونحـقق كـل احـلامنا وامـانينا
فى يـــــوم العـــيــد
وجــانا العــيد دا نور كـدا الدنيا
بكلمه حب تسعد كل اللى ف الدنيا
ونفـــرح وفــرحنا يـــطول
ويسـتمر الخير على طول
ونتــمنى يــعيــش الحب

ويفضــل لــينا روح تــانيه
وجــــانا العـــيد

Friday, September 11, 2009

واجب عزاء


لتقديم واجب العزاء
يرجى الدخول
على مدونه
تامر الحسينى




بسم الله الرحمن الرحيم

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
صدق الله العظيم

توفي الى رحمه الله تعالى
جد الاخ العزيز/
تامر الحسينى
صاحب مدونه انسان عاشق حر
اسأل الله العظيم رب العرش العظيم
أن يتغمد الفقيد بواسع رحمته ويسكنه فسيح جناته
اللهم اغفر له … اللهم اغفر له وارحمه..
وعافها واعف عنه..
واكرم نزله ..
ووسع مدخله..
واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا..
وبالسيئات عفواً وغفرانا..

اللهم اامين
يارب العالمين

Wednesday, September 9, 2009

ملكا على عرش الحب


اهواك واحبك مهما كنت فانااعشق جنونك
واذوب فيه اعشقه وانتى تحت الامطار تضحكين
احبك وانتى فى القلب تسكنين ترقصين وتفرحين
احبك فى كتب العشق مهما هربتى فانا عاشقك انتى
احبك فى ازمنه الحب المختلفه
احبت فيكى جوليت برقتها
احبت فيكى ليلى بقهرها
واحبت فيكى عبله بصبرها
فانتى ملهمه كل العصور وكل الحضارات
وهل تقوم الحروب الاعلى الشئ الثمين
فانتى الوطن وانتى الكنز وانتى الاستقرار
واحبك كما انتى ولا اعتقد انك تريدى رائ من حولك
فيكفى رايى فيكى فانا احبك كما انتى
فمن يمتلك قلبك يصبح ملكا على عرش الحب

Saturday, September 5, 2009

لا تياس

Wednesday, September 2, 2009

لا تياس




ديننا فيه اليأس كفر؛ قال تعالى:{ وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ} يوسف-آية:87.
لا تيأس.. فالرجل الذي قتل مائة نفس ثم تاب، فتاب الله عليه، وأدخله الجنة.
لا تيأس.. فالرجل عالج قيام الليل عشرين سنة، ثم تمتع به عشرين سنة.
لا تيأس.. فرسول الله صلى الله عليه وسلم بُعث والكفر يملأ أطباق الأرض، وحاول المشركون قتله عشرات المرات بالخنق وبالأحجار وبالضغط على رأسه بالحذاء وبالضرب وبالسم، وما يئس حتى أظهر الله به دينه.

لا تيأس.. لا تيأس أبدًا

قال تعالى: {وَلَقَدْ عَهِدْنَا إِلَى آدَمَ مِن قَبْلُ فَنَسِيَ وَلَمْ نَجِدْ لَهُ عَزْمًا} طه-آية: 115، ولكنه لما نسي ولم يكن له عزم، قال تعالى: { فَتَلَقَّى آدَمُ مِن رَّبِّهِ كَلِمَاتٍ فَتَابَ عَلَيْهِ.. } البقرة-آية: 37؛ الله يرحم ضعفك إذا استعنت به لتستقوي على ضعفك. (اللهم قوّ في رضاك ضعفنا)


.. لاتيأس من رحمة الله أبداً مهما فعلت، يقول عبد الله بن رواحة قلت لرسول الله أوصني فقال لي: لا تيأس إن أسات عشراً أن تحسن واحدة فيقبلك الله .. أرجوك ثق في رحمة الله

Friday, August 28, 2009

ليه بتجرى بسرعه


اتـمنـيتـك تيـجى بـسرعه
بـس ليه بتـجرى بـسرعه
عدى سـبع تيام كـده منك
وانا لسـه مشـبعتش منك
مشبعتش كده من عبداتك
مــشـبعتش مـن حـلوياتـك
مـن فـوانـيسك مـليا بيوتـنا
هتعدى العشره الرحمه تفوتنا
طب ليه بس بتجرى بسرعه


Monday, August 24, 2009

ياخواتى صايم

ريحه صوانى مفحفحـه
وكــوستليتا مـشوحـه
وباميه خضرا مسبكــه
وشوربه فيها اه مستكه
وفــرخه رومى مـحمره
تسلم ايديكى يا سكره
الريحه دى ريحه الجيران
ظابطين فطورهم ع الادان
يـاعـالم ياللــى فــوق
يـاعــالم ياللـى تحت
ياناس ريحتكوا فايحه
هــــاتولكو مــدخـنه
ياناس الدنيـا صايمه
طلعـــــــتوا حــسنا
ياناس حرام عليكم
فـتحـــتوا نفـــسنا

Friday, August 21, 2009

مسحراتى

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي

منقراتي

منجراتي

دواليب زمان

ما تشتكوشي

دقة شكوشي

جت في الاوان

يا ناس حبايب

يا ناس جيران

انا قلبي دايب

على البيبان

عجوز شويه

لكن عيني

روحين حنان

لاظني سئ

ولا جبان

درويش واوسطي

وشيخ كمان

وفي عبي قطه

ازاي حتلعب

فيه الفيران

تسـألني بتعب

اقول صراحه

شقاي راحه

قوة حصان

لاجل وعشان

قبول عيالي

في الامتحان

وانا في بالي

حاجات جنان

من الطبالي

اعمل صيوان

وابني لخيالي

اربع حيطان

دا انا في انتقالي

من اولى ساقيه

لسد عالي

لقيت مكان

سيري يا موجه

بالتكنولوجه

لبر الامان

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

لو ماشي في الصحراء شفت النور اقول انسان

دا انا كل شباك يقيد اشكر لايد انسان

واقول هدتني المناير سبحت للعرش

يا رب من رحمتك مكنت للانسان

يغير الضلمة اما النور ما يتغيرش

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق



سيد مكاوى - فؤاد حداد

Wednesday, August 12, 2009

حوار رمضانى


بتمر سنين وبتيجى سنين
وانـــت بالخير دايــــما جاى
لا تقول دا لمين ولا رايح فين
عــايـش العــــمر كــده ازاى
يا شيخ رمضان مش راح
اســيبك غــير لما تـقول

محــتاج الخير كده يملانا
ويـفيــض عــلى طــــول

محــتاج الحــب يجــمعنا
محــتاج الدنيا ليها معنى

ولا انـت مـخبــى لــيه
علــينا بــقى دا معـقول


بقى عاوز تعرف يابنى
انــا ليه جـوايـا ايـــمان
بـــقى عاوز تعرف منى
انـا ليه بالخـــير مـلــيان
عـلشان انا شهر الصوم
وقيـــــام اللـيل بنـــقوم
ونـــدعــــــى بقـــلـبـنا
وكــمان حــــــس الغنى
ازاى عايــــــــــش الفقير
ويحـــــــــــــمـد ربـــــنـا
بتــكــون فــيه النــفــوس
مـلـــــيانا تقــــى وايــمان
انا شــهر الصوم وانا نعمه
وهــــــــــبه من الــرحـمن

يــا شـــهر الصـــوم حـــن
عــــلـينا متـــجيلنا قــــوام
وهــــنعــمل كـل اللــــــى
علــينا صــــــلاه وقــــــيام
دا مــــــعاك بنحـــــس اننا
عشــــــنا فى امان وسلام

حافظ على الخير بقى جواك
واديــنى عـملت اللى عليا
والمــره الجــايه الــقـــــاك
لله كـــده مخـــلص الـــنيه
لله بتــــصــــلى وبتـــصوم
وقيــام اللـــيل كده بتـقوم
والقـــــران دايــــــــما جواك
حافظ على الخير بقى جواك
حافظ على الخير بقى جواك

Friday, August 7, 2009

بتقولى ايه؟


بتقولى ايه انا مش سامعك قوليها تانى
فرحى قلبى اللى حبك ولو ثوانى
بس قولى بعلو صوتك اخرجى بقى من سكوتك
كلمه بحبك دى بتحييى كيانى
بتقولى ايه انا مش سامعك قوليها تانى
عللى صوتك سمعينى اروى قلبى اروى حنينى
انتظرت انك تقوليها مع انى انا قولت كتير
خجلك حبك دا محليها وقلبك دا قلب كبير
الصراحه اشتقت انى اسمعها منك
ولا عمرى اقدر اتخلى عنك
كلمه بحبك دى بتحييى كيانى

Saturday, August 1, 2009

التسامح


سامح انسان جميل
كل همه فى الحياه انه يسامح
انه ينشر كلمه حلوه
ويداواى كل قلب جارح
بس مين اللى يداويه
طول عمره يتمنى الحياه تبقى جنه
طول عمره عايش بيتمنى ويتمنى
تبقى قلوب الناس كده صافيه
انه يلاقى كلمه دافيه
تجمع شملهم
سامح انسان جميل
بيتمنى حبهم
بيتمنى والحلم دا مش بعيد
بس نبدا من قلبنا ونعلمه
ازاى يكون فى يوم سعيد
السعاده فى حب الناس هنلاقيها
ونفرح بيها اكيد اكيد
دا حلمنا دا مش بعيد

Friday, July 24, 2009

انا ولا عمرى نسيتك لحظه


انا ولا عمرى نسيتك لحظه
انا ولاعمرى نسيتك
لسه اناقلبى بيهوى عيونك
برضه انا لسه حبيبك
انا مقدرش انى اتجنى فى لحظه عليكى
وانا مكدبتش لما انا قولت
انى انا توهت فى بحر عنيكى
تقدرى تنسى انا مقدرشى
تقدرى تقسى مستحملشى
واوعى لقلبى دا ملك ايديكى

Saturday, July 18, 2009

ذكريات بحر

السلام عليكم
اليوم وكل يوم بمناسبه الصيف والمصيف
والناس اللى صيفت والناس اللى لسه
افتكرت اغنيه كنت بسمعها من 20 سنه
اتغير فيهم حجات كتير واحاسيس كتير
اتشال من الخريطه بلاد واتحط بلاد
لكن الشيء الوحيد الاي متغيرش في
ال20 سنه دول هو حبي ليكي يا نوال
نوال مين بس يا رومنسى انت بتتكلم
عن الصيف .. وعلى العموم المسلسل دا كان بيتذاع
فى رمضان من 12 سنه تقريبا كان على
اذاعه الشرق الاوسط بمناسبه الذكريات
لازم نقوله .. وبمناسبه الصيف والمصيف
كنت زمان بحب اسمع اغنيه لايمان البحر
اسمها فى البحر سمكه وع الشط واقف
صياد بشبكه كنت بحب فيها البنوته الصغيره
وكنت بسمع الاغنيه علشانها وغير كده
انا من زمان بحب البحر و بحب
اروح عند الصخور واحب اجمع القواقع
من الرمل وكنت بلعب اعمل حفر
فى الرمل وكنت بملاها ميه
يااااه كانت ايام جميله قوى
ودلوقتى اسيبكم مع الاغنيه
بس بقى ملقتش الكليب الاصلى
مش مشكله بقى نحس بالذى مضى

Sunday, July 12, 2009

دعينى احبك


سيدتى اعلم جيدا معنى اختيارك لى
اعلم جيدا انك مشتاقه لى
اعلم اننى منحتك جنونى
ولكن فى لحظه ما قد سحبته منكى
لخوفى عليك من الجنون
فانا مجنون بكى وقد لا تتحملين جنونى
فكم اشتاق انا اليكى
وكم اعشق نظره منكى
وكم وكم
ولكن اقولها لكى ثانيا
الافضل ان نصير عقلاء
لكى نفكر جيدا
كيف وصل بنا الحال
الى هذا الحال
فلو تعشقى نظره عينى
فانا اعشق سهام عينك
التى تاره تقتلنى
وتاره تحيينى
وتاره تروينى وانا فى صحراء خاليه
وتاره تعطشنى وانا فى حضن نهر عذب
فلو اردتى ان نهر عشقنا لا ينضب
فدعينا نحافظ على كل ما بيننا من حب
وكونى امراه غير عاديه
تعرف كيف تحافظ على من تحب
فانى احبك واعشقك
فكيف لى ان لا اعشق
من تحبنى بهذا الحب

Wednesday, July 8, 2009

تكلم بلا خوف

اوقات كتير
بيكون جوانا كلام
مش عارفين نقوله
بس امتى نقدر نقوله
من غير منخاف
نقوله بصدق مره
نقول فيه الحقيقه
مع ان الحقيقه مُره
تتقال بميت طريقه
بس امتى نقولها
من غير منخاف

Friday, July 3, 2009

انواع القلوب




ذكر الله سبحانه وتعالى في القرآن الكريم أنواعاً كثيرة من القلوب منها

القلب السليم: وهو مخلص لله وخالٍ من الانحرافات

القلب المنيب: وهو دائم الرجوع والتوبة إلى الله

القلب الوجل: وهو الذي يخاف الله عز وجل

القلب التقي: وهو الذي يعظّم شعائر الله

القلب الحي: وهو الذي يؤمن بالله ويشكره ولا يكفره

القلب المريض: وهو الذي أصابه مرض مثل الشك أو النفاق

- القلب الأعمى: وهو الذي لا يبصر الحق

-القلب الآثم: وهو الذي يكتم شهادة الحق

القلب المتكبر: وهو الذي يتكبر على الناس ويجادل في الحق

القلب الغليظ: وهو الذي نُزعت منه الرأفة والرحمة

القلب القاسي: وهو الذي لا يعرف الله ولا يذكره

القلب الغافل: وهو الذي يغفل عن أداء دوره ووظيفته في الحياة

وقالوا أن من أنواع القلوب



قلب يحب: تتمنى ان يكون من يحبه هذا القلب هو انت لتهنأ به أبد الحياه


قلب يحن: تتمنى ان تلمس حنانه ورقته وخوفه عليك وان تعيش في حنانه للابد

قلب مغرم: تتمنى غرامه ان يكون في هواك حتى لا يذهب بعيدا وتشتاق له

قلب مهموم: يشغلك همه حتى تدخل جوفه وتعيش همومه فقد يكون لديك الحل

قلب مجروح: ما أصعب ان تهرب منه وتجده وراءك ينتظر اقل فرصه منك ليسكنك

قلب حاسد: هو قلب تتمنى ان لا يراك ولا تراه اما يعديك بحسده أو يحسدك

قلب حقود: هو القلب الذي لا يجد من يدخله لانه مظلم طوال العمر


قلب ماكر: هو القلب الذي اختارك وحدك وبعد ذلك تجد فيه عدة قلوب يلعب بها

قلب خبير: تتمنى خبرته في الحياه ولكن تخاف تجاربه فقد ترسب في احدى

قلب طيب: ترجو ان تناله ولكنك ترى انه ينال الجميع ولا يحرم احد من زيارته

قلب ولهان: كثير ما يعذب صاحبه لانه لا يصبر عن الشكوى وقليل ما يرتاح ليرتاح

قلب سعيد : وهذا قلب مؤقت فقط يظل خائف أن يفقد السعاده في أحد الايام


فهل قلوبنا من اى نوع من انواع القلوب






منقول

Wednesday, July 1, 2009

عيد ميلاد سعيد



في ناس كتير قوي بنصادفهم في حايتنا
مش بيسيبوا وراهم اثر مش بنفتكرهم
واحنا بنعيد شريط حيتنا
بس في ناس تانية مميزة ليهم
اسلوب خاص طابع مختلف شخصية مختلفة
له نظرة مختلفة في الامور بتحاول طول الوقت تكتشف
سر نظرة عنيه او تفهم اذاي في حد كدة
النوع ده من الشخصيات بيبقي حالة خاصة قوي
ووجودهم في حياتك ضروري ومميز
تامر الحسيني هو الحالة دي
في ناس كتير بتدخل مدونته ويحسوا قد ايه
ان الكلام وراه شخصية مش عادية لكن
لو عرفت الشخصية دي فعلا هتتاكد انه مش مجرد احساس
وان وراء العيون الحزينة دي انسان بجد عاشق حر

كل سنة وانت طيب يا تامر


Saturday, June 27, 2009

كنتى شبه الملايكه

ممكن اقولك حاجه
انا حلمت بيكى
وانا كمانحلمت بيكى قبل ما اشوفك
او جايز علشان
كان نفسى اشوفك
مش عارف
حلمت بايهحلمت ان انتى كنتى نايمه
وكان شعرك مفرود
جنبك كده على المخده
ووبس
غمضى عنيكى كده
كان شكلك كده
كنتى شبه الملايكه
فى كتير من الاحيان نحلم باشياء واشخاص دون ان نعلم
ماذا تكون تلك الاشياء ولا من هؤلاء الاشخاص
فكل منا يحمل فى قلبه امنيات واحلام حفرت فى ذاكرته
منذ الصغر كبرت معه وكبر معاها وتمنى لنفسه
فى يوم من الايام ان يتحقق ذلك الحلم فالحلم هو روح
الانسان الذى يعينه على صعوبات زرعت امامه
كثيرا منا حلم بتلك الفتاه التى تكون كل شئ فى حياته
تكون امه التى تعطى له الحنان حبيبته التى تسعده
صديقته التى يحكى له كل ما يجول بخاطره
فقد رايتها اليوم فى حلمى واتمنى ان يتحقق ذلك الحلم
حتى تاخدنى معها الى عالم اخر بعيدا عن عالم البشر
فقط احتاجها هى لتعزف على اوتار قلبى اجمل الالحان

Tuesday, June 23, 2009

هل سياتى الامل؟


عندما يصبح القمر وحيدا فى تلك السماء الكبيره
عندما تبتعد عنه النجوم حتى تلك النجمه التى كانت
دائما بجواره يغازلها بنوره ويضئ لها طريقها
عندما يحجبها السحاب فهو يستمد نوره منها
عندما يرى فى عيونها شوق وحب
ويرى فى عيونها قوه تجعله يقاوم تلك السحابه
التى حجبت نوره عنها ولكن عندما تختفى
هذه النجمه من سمائه ماذا سيفعل القمر؟
هل يستطيع ان ينير الدنيا بنفس النور
والتحدى الذى كان مسبقا
ام سيذهب الى كوكب آخر؟
ام ستاتى نجمه آخرى تحيى فيه الامل من جديد؟


Friday, June 19, 2009

اســلامنا نجـاتنا

السلام عليكم اخواتى المدونين
فى الفتره الاخيره ظهرت عندنا مشكلات كتيره
منها اللى جديد على مجتمعنا ومنها اللى موجود ولسه متحلتش
ظهر مشكلات اقتصاديه ومشكلات مرضيه ومشكلات اخلاقيه
نيجى ندور على الاسباب نلاقى اسباب كتير لحدوث المشكلات دى

المشكله الاولى اللى اح اتكلم عنها مشكلتنا الاقتصاديه والخساره الكبيره اللى مجتمعنا خسرها
شركات قفلت موظيفين استغنوا عنهم ودا بسبب الاقتصاد اللى انهار فجاه وطبعاالسبب الرئيسى
للمشكله دى اننا لاسف مش متبعين تعاليم ديننا كويس
التعامل بيكون بالربا -عدم الاتقان فى العمل
دى بعض الاسباب لانهيار الصناعه فى مصر والدول الاسلاميه
قال الله تعالى فى كتابه الكريم
{يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنْ الرِّبَا إِنْ كُنتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ} [البقرة: 278-279].

المشكله التانيه احب اتكلم عنها مشكله الامراض والاوبئه اللى ظهرت فجاه
دا بسبب ايه بسبب اننا برضه مش متبعين تعاليم دينا فى الحفاظ على النظافه بالرغم ان النظافه من القيم الجميله
اللى يجب ان نحافظ عليهاوالنظافه مش النظافه الشخصيه بس دى تنقسم الى نظافه الطرق والنفس واللبس
قال رسول الله صلى الله عليه وسلم
"إن الله طيب يحب الطيب، نظيف يحب النظافة، كريم يحب الكرم، جواد يحب، الجود، فنظفوا أفنيتكم ولا تشبهوا باليهود ".
المشكله التالته مشكله موجوده فى بيت عربى واسلامى مشكله كل الشباب وبنات المسلمين بيواجهوها
مشكله الجواز مشكله ارتفاع تكاليف الزواج بصوره عامه دا ادى الى مشاكل كتير بنشوفها دلوقتى
منها مشاكل الاغتصاب اللى بتزيد وارتفاع اعداد البنات والشباب من غير جواز
وبرضه السبب فى دا اننا مش متبعين تعاليم ديننا كويس

قال رسول الله صلى الله عليه وسلم
" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير

نيجى لتكاليف الجواز اللى بقت ميزانيه بلد بحالها دلوقتى الشباب اللى مش لاقى شغل يجيب تكاليف دى كلها منين شبكه بكام الف جنيه وشقه بكام الف جنيه طب داكله ليه

حدثنا ‏ ‏علي بن عبد الله ‏ ‏حدثنا ‏ ‏سفيان ‏ ‏سمعت ‏ ‏أبا حازم ‏ ‏يقول سمعت ‏ ‏سهل بن سعد الساعدي ‏ ‏يقول ‏
إني لفي القوم عند رسول الله ‏ ‏صلى الله عليه وسلم ‏ ‏إذ قامت ‏ ‏امرأة ‏ ‏فقالت يا رسول الله إنها قد وهبت نفسها لك فر فيها رأيك فلم يجبها شيئا ثم قامت فقالت يا رسول الله إنها قد وهبت نفسها لك فر فيها رأيك فلم يجبها شيئا ثم قامت الثالثة فقالت إنها قد وهبت نفسها لك فر فيها رأيك فقام رجل فقال يا رسول الله أنكحنيها قال ‏ ‏هل عندك من شيء قال لا قال اذهب فاطلب ولو خاتما من حديد فذهب فطلب ثم جاء فقال ما وجدت شيئا ولا خاتما من حديد فقال هل معك من القرآن شيء قال معي سورة كذا وسورة كذا قال اذهب فقد أنكحتكها بما معك من القرآن
الحمد لله انه وهبنا نعمه الاسلام ونتمنى اننا نكون مسلمين قولا وفعلا

وفى النهايه لا نملك الا الدعاء

اللهم اهدنا فيمن هديت.. وعافنا فيمن عافيت.. وتولنا فيمن توليت.. وبارك لنا فيما أعطيت.. وقنا واصرف عنا شر ما قضيت. اللهم قنا واصرف عنا شر ما قضيت.. فإنك سبحانك تقضى بالحق ولا يُقضى عليك.. وإنه لا يذل من واليت.. ولا يعز من عاديت.. تباركت ربنا وتعاليت.. فلك الحمد يا الله على ما قضيت.. ولك الشكر يا الله على ما أنعمت به و أوليت.. نستغفرك ونتوب إليك

اللهم استحب يا ارحم الراحمين

Monday, June 15, 2009

لم اعد ادرى



لم أعد أدرى إلى أين أذهب
كل يوم أحس أنك أقرب
كل يوم يصير وجهك جزءاً
من حياتى ويصبح العمر أخصب
إعتيادى على غيابك صعب
واعتيادى على حضورك أصعب
كم أنا أحبك حتى إن
نفسى من نفسها تتعجب

Thursday, June 11, 2009

مــدونات...مـــدونات


مدونات ....مدونات
وناس عايشه فى دوامات
وناس بتقول وتعيد وتحكى
وناس خايفه من السكات
مدونات... مدونات
فى مدونه بتقول كلام حلو ومفيد
ومدونه بتحس
فيها انك سعيد
ومدونه بتحس روحك تتخطف
وتفكرك بالذكريات
دى مدونات ....مدونات
فى مدونه بتسرق كلام
وتقول عليه دا اقتباس
وتقول كلام وتعيد كلام
بدون احساس
دى مدونات ...مدونات

Wednesday, June 3, 2009

مــــجـــــنـــون


عاشق مجنون مجنون عاشق
مقدرش اكون لغيرك عاشق
حبيت بجنون قلبك دا حنون
مقدرش اكون لغيرك عاشق
حسيت بهواك مقدرش انساك
سحرك خلانى اكون عاشق
ادينى عنوان او حبه حنان
ولا امشى وراك واعرف بيتك
وهدق الباب تفتحلى قوام
وهتلاقى بالهنا جيتك
حسيت بهواك مقدرش انساك
مقدرش اكون لغيرك عاشق
بتقولى مجنون مانا مجنون
وزت جنون لما رائيتك
حسيت الكون بقى كله سكون
حسيت بهواك مالى الدنيا
وفجاه بقيت بيكى مفتون
وايه اللى جرالى بقى فى ثانيه
دا العشق جنون والحب والجنون
وانا راضى اكون بيكى المجنون



Thursday, May 28, 2009

حـب وحـنية


لية دايما افكر فيك
وانت مابتفكر فية
لية دايما احس عينيك

انها مش سئلة علية
لية دايما احس كلامك
وبدوب ف كلام الهمس
وعيونى دى حسا بك
وعيونك مش بتحس
دا اللى ف عينيك
يا حبيبى

كلة حب وحنية
لية دايما افكر فيك

وانت مابتفكر فية
شغلانى عنينك وجمالها
ولا حد ف دنيتنا بحالها
يستاهل منك رمش
دا اللى انت عنيك بتقولة
انا برضة عنية تقولة
وياريتك ماتفكرش
دا اللى ف عنيك ياحبيبى

كلة حب وحنية

Friday, May 22, 2009

انا حته منك


هضيعى ليه الفرصه منك
مش هتلاقى قلب زيي
ولا هلاقى قلب زيك
يبقى ليه البعد ليه
انا علشان اقدر اكمل
محتاج قلبى يضم قلبك
محتاج قلبى يحس بيكى ويحس حبك
فكرى بس شويه فى حبى
هتلاقينى انا حته منك

Saturday, May 16, 2009

اول حب



مين اللى قال ان اول حب دا وهم كبير
مين اللى قال ان اقدر اعشق بعدة كتير
دا زى الوردة اللى تدبل وشوية مية تحييها
وكل يوم قلبى يسأل لو لحظة ناسيها
وازى ياقلبى تنسى وانت ف هواها اسير
دا مين اللى قال ان اول حب دا وهم كبير