Friday, April 24, 2015

عيد تحرير سينا

عيد تحرير سينا عيد الفرحه وعيد البهجه
وعيد النصرورجوع الارض لحض الشعب 
ياما شقينا واتمنينا نعمر سينا وترجع لينا
بس دا كله بفضل الله....... بيهون الصعب

حاربنا سنين وسنين من اجلك لاجل تعودى
واما رجعتى يا سينا لاهلك.... ليه سابوكى 
بعد مات الالاف.... والوف من شهدائنا 
عاوزين نبنى فيكى ونعمر دا احنا بداءنا
نمشى على الطريق المظبوط ونهد الصعب
عيد تحرير سينا عيد الفرحه وعيد البهجه
وعيد النصرورجوع الارض لحض الشعب
الحرب دلوقتى اتغيرت مبقتش بالدانه والسلاح
الارض بدمانا اتحررت ومندمش على اللى راح
يلا نبدا بسم الله يلا حى على الفلاح
يلا حى على الفلاح

Thursday, April 23, 2015

نكمل المشوار

انا حبيت واتحبيت............. واتمنيت اكون جنبك
اعيش جنبك فى اجمل بيت اكون روحك اكون قلبك
يا اجمل حب بيه حسيت ....وفيه نفَسى تكون نفَسك
تعالى نكمل المشوار...... يا اجمل عمر انا قضيت

Saturday, April 18, 2015

بحلم واكمل حلمها

بحلم واكمل حلمها ...........وتحلم تكمل حلمى 
ودى انا مستغربلها معقول تكون خلاص حبى
قلبى دايما بيشتاقلها....... وعاوزها دايما جنبى 
بحلم واكمل حلمها ...........وتحلم تكمل حلمى
قلبى بيكون محتاجلها........ ويفكر دايما فيها
قوام يقوم يحلم بها........... ويخاف جدا عليها
خلاص يا قلبى بوحلها .....وروح اجرى اليها
داانت اللى عاشق سحرها..... وانطقلها بحبها
بحبها.....واحلم وكمل حلمها...وتحلم تكمل حلمى

Thursday, April 16, 2015

راجع تانى

ليه بس تجرحنى يا اغلى الناس ف قلبى 
بدل ما يوم تفرحنى وتفضل العمر جنبى 
تسيبنى قوام وتبعد وتنسى بسهوله حبى
خلاص براحتك........... ...عيش حياتك
بس اوعى ف يوم لتنسى ان انا كل حياتك
روح وجرب حب تانى .....حضن تانى
بس عارفك مش هتنسى.... حبى وحنانى
وعارف ان انت راجع .....لحبك تانى

Thursday, April 9, 2015

مرتاحه فى حياتها

سيبها وابعد عنها يا قلبى 
خليها مرتاحه فى حياتها 
واياك تقولى انا ايه ذنبى 
خليها تفكر فى اللى فاتها
لا يا قلبى.... احب اقولك 
انا بتمنى ف يوم سعادتها
سيبها وابعد عنها يا قلبى
خليها مرتاحه فى حياتها
اللى يحب عمره ما يكرهه
واللى يكرهه يبقى محبش
اصل الحب دى حاجه جميله
ومين يقدر بيه ميحسش
خليها مرتاحه فى حياتها
بس ف غيرها متفكرش

Sunday, April 5, 2015

الرجوع للماضى


فى ناس شايفه ان رجوعك كده للماضى دا فعل حرام 
بس انا شايف ان الماضى بكل تجاربه بيدى دفعه لقدام