Friday, April 24, 2009

اعــتـــذار ووفـــــــاء

السلام عليكم على كل اخواتى اللى بيزورونى وبيسئلوا عنى
انا اسف جدا جدا جدا لانى مقصر مع كتير منكو قوى
بس غصب عنى حاسس لو علقت هبقى رخم قوى
حاسس انى حيران شويه قلقان شويتين معرفش ليه
بس الحمد لله انا بخير
ندخل بقى فى الموضوع اللى هكلمكوا فيه النهارده
فى الايام دى بتمر ذكرى صديقين عزيزين علينا قوى
انا عن نفسى بحبهم قوى وكنت اتمنى يكون فى الدنيا اصدقاء زيهم
عارفين مين الصديقين دول
شاعرنا الكبير صلاح جاهين
وملحنا الكبير سيد مكاوى الله يرحمهم ويرحم كل امواتنا واموات المسلمين
الاتنين كانوا بيتعملوا دايما بالحب بينهم
والبساطه المتناهيه فى الكتابه واللحن
وبالمناسبه دى
هقدم جزء بسيط قوى من اوبريت اللبله الكبيره
وبالذات الجزء اللى فيه الارجوز
وكمان قبل ما انسى
كل سنه وانتم طيبين
بمناسبه اعياد تحرير سيناء
ويارب دايما نعيش فى عصر مليان بالحب والخوف على بعض والخوف على بلدنا قوى
ونحافظ عليها دايما يارب
ودلوقتى بقى اسيبكوا مع الاوبريت
واسف لو طولت عليكوا



47 comments:

كيــــــــــــارا said...

مش فيه اعتذار ولا حاكه اكيد كل واحد عنده ظروف

ام هند كول سنه وانت طيييييييييب

وردة said...

رخم ليه بس مالك
ايه اللي محيرك وقلقلك
ربنا معاك ويوفقك
اكيد محدش حيزعل منك
مش مهم تدخل وتعلق
المهم نحس انك بخير
وربنا يرحم الجميع
صلاح جاهين وسيد مكاوي دويتو ناجح في الصداقة والشغل وكمان الحب
دايما اختياراتك موفقة
وقدوتك كمان هايلة
عاوز اسمع عنك اخبار كويسة
اوكي
ربنا معاك
سلام

قطرات من شواطئ الحياة said...

الليلة الكبيرة !!!! كلنا بنحبه أوي
مفيش اعتذار و لا حاجة
المهم تكون بخير إن شاء الله

Tshandny said...

الله يرحمك يا سيد يا مكاوي
انا بموت بجد في كل الحانه واغانيه

طبعا صلاح جاهين شاعر الشعب
المعاني اللي زي العسل وبيكون جواها سم الحقيقة

امما عن حالتك
فبكرة اكيد احسن
غدا تشرق شمس نهار جديد
عيش واحلم
وافضل لو سمحت رومانسي

ايوشة said...

كل الناس بتمر عليها لحظات بالشكل ده المهم انها مش تتطول
بحب صلاح جاهين جدا بحس انه شاعر لكل العصور
ربنا يرحمهم ويغفر لهم

الازهرى said...

اهم حاجة عندنا انك بخير

وكل سنة والجميع بلف خير وسلام
احلى اوبريت سمعته كان الليلة الكبيرة ومن بعده الملك العريان لاحمد حلاوة

yoyo said...

صباحك سكر يا أرق أحمد
مش فى اعتذار بين الاخوات و الاصدقاء
الحمد لله انك بالف خير
ويارب دايما منور مدونتك ومنور كل المدونات

مش هاختلف معاك انى بالفعل من عشاق الرائعين صلاح جاهين و سيد مكاوى و سبحان الله الاتنين ذكراهم فى يوم واحد
الاوبرات دا له ذكريات جميلة اوى اوى يا احمد تسلم يارب
يارب كل سنة وكل لحظة وانت بالف خير يارب

تحياتى
يويو

صوت من مصر said...

الليله الكبيره ياعمى والعالم ؟؟؟؟؟؟؟؟؟؟
روعه تسلم ايدك

عاشقة الأحزان said...

السلام عليكم
إذيك يا احمد
معلهش ولا تعتذر ولا حاجه بيبقا فى ظروف غصب عننا
الله يكون بالعون
وبصراحه الاوبريت ده أنا بعشقه قووى
ربنا يكرمك
هااااااااااااااااايل
دمت بألف خير
تقبل تحياتى

احساس طفلة محبة للرومانسية بس واقعية said...

ويارب دايما نعيش فى عصر مليان بالحب والخوف على بعض والخوف على بلدنا قوى
ونحافظ عليها دايما يارب

الكلمات ديها معناها عالى اوى يا رومانس
التجمع على حب البلد والخوف عليها
احساس عند الكل بس محتاج يصحى

مفيش اعتذار بالعكس دا المفروض يحصل وتطمنا عليك

يارب دائما بخير
تقبل مرورى

princess said...

اعتذار ليه
امال انا بقى اللى غبت كتير هتعملوا فيا ايه
كل واحد وظروفه
كل سنة وانت طيب

شيماء جمال said...

كل واحد بيمر باللحظات ده
ربنا معاك ومعانا
وانا برده بحب صلاح جاهين قوى
تحياتى
شيمو القمر

انا ودماغي said...

عادى الدنيا مشاغل...أمال أنا أعمل إيه ده أنتوا المفروض تولعوا فيا

إن شاء الله تخرج من الحالة اللى أنت فيها دى ....كلنا على فكرة بنمر بيها بجد نصيحة منى خد يوم أقعده مع نفسك بورقة و قلم و كلم نفسك فيها صدقنى و الله ممكن ترتاح

فراشة said...

ازيك يا رومنسى
ايه بس اللى حصل
بس انا واثقه اكيد فترة كده وحتعدى
وانشاء الله تمتعنا بموضوعاتك وكتابتك اللى بترفعنا بالامل لعنان السماء
اكيد طبعا ذكرى العملاقين دول ماتتنساش وبحييك بتذكرينا جميعا لاننا اصبحنا نفتقد الكلمة واللحن الحلو
تحياتى واسفه طولت عليك

ضحكات الحياة said...

مفيش اى حاجة
كل واحد عنده ظروفة اللى بتخليه ممكن يبعد شوية و ساعات ده بيبقى أحسن

ز ربنا رحم الجميع
و فعلا كان سيد مكاوى و صلاح جاهين من عمالقة الفن فى العالم العربى

و الليله الكبيرة طبعا مشهورة مش محتاجة اى تعريف او كلام عنها

و تقبل تحياتى

mahasen saber said...

مالك يا دسوقى بس زعلان ليه

وبعدين ولاا اعتذار ولاا غيره سيبلى انا الاعتذارات انا اولى بيها

يا رب تبقى فى افضل حال دايما
وشكرا على الاوبريت انا بحب الليله الكبيره جدا جدا وكتير بغنيها مع بيرو

E73 said...

بسم الله الرحمن الرحيم
السلام عليكم ورحمة الله وبركاته

اولا حمد لله على السلامة
ثانيا الله يرحمنا جميعا ويرحم موتانا
ثالثا شكرا على الاوبيريت

Gigi said...

السلام عليكم
الحمد لله علي سلامتك
والله يرحم موتانا أجمعين
وشكرا علي كل شئ
أستودعك الله

الفراشة الصغيرة said...

ههههههههههههههههههه
الله بجد

بحب الاوبريت كله
ومالهوش حل

طوبة ذهب وطوبة فضة said...

ازيك يا احمد ويارب تكون بخير ومعلش كلنا الايام دى تايهين ومضغوطين فى الدنيا ومشاغلها يارب تعدى معاك الايام دى على خير وترجع لنا بالف خير يارب وحلو اوى الوفاء للشخصيات دى وانا بحب الاوبريت دا جدا وليه ذكريات طفوله رائعه تسلم ايدك ومستنين استاذ الرومانسيه

حنان الشافعي said...

السلام عليكم
دوما اخي الفاضل في افضل حال وغني عن السؤال
اشكرك علي اوبريت الليله الكبيره
ولا داعي للاعتذار فمنا يكون العذر
دمت بكل خير وسلام
واقبل مني زهرة بنفسج

romansy said...

كيــــــــــــارا
اهلين خيتى كيارا
شو اخبارك
اليوم
بدى تكونى بخير

مس تعرفى
مس هند اتجوزت

romansy said...

وردة
اهلين ورده
اخبارك ايه
الحمد لله يا ورده انا بخير بس اوقات مش بلاقى كلام اقدر اقوله ويكون كويس

انا بحب صلاح جاهين وسيد مكاوى بحس معاهم انى فى عالم تانى

romansy said...

قطرات من شواطئ الحياة

الحمد لله يا كريمان انا بخير

بشكرك على السؤال وعلى الحكايات العجيبه

romansy said...

Tshandny
اختى ضى القمر
صلاح جاهين وسيد مكاوى فعلا تحس انهم روح واحده اعمالهم بدل على الحب دايما
ان شاء الله بكره تشرق الشمس
وهيبقى كله خير
حاضر هحاول اكون رومانسى
بس مش على طول يعنى

romansy said...

ايوشة

اهلا اهلا
انا عارف انى مقصر معاكى سامحينى
ان شاء الله هيبقى الامور دايما بخير

شكرا على سؤالك يا ايوشه

romansy said...

الازهرى
هنعمل ايه يا عم الازهرى
اوقات بقى بنلاقى روحنا ماشين فى طريق غصب عننا
ربنا معانا ياباشا

كل سنه وانت طيب

romansy said...

yoyo
عزيزتى يويو
متعرفيش بكون سعيد قد ايه لما الاقى اخواتى بيسالوا عنى وخايفين عليا
بشكرك جدا يا يويويا قمر
اما بقى عن الصديقين العاشقين فانا بموووت فيهم

romansy said...

صوت من مصر

اهلا محمد بيك

العالم بقى الصراحه كتر قوى
بس يا ترى مين فيهم اللى هيقدر ينفعنا

كيــــــــــــارا said...

ههههههههههههههههههههههههههه

هند اتجوزت من غير مماامها تقولي

لاااااااااااااااااااااااا انا كدا زعلت

romansy said...

عاشقة الأحزان

الحمد لله
اخبارك انتى ايه
مين اللى مبحبش الاوبريت دا
الفن الجميل مش بيتعوض ابدا

romansy said...

احساس طفلة محبة للرومانسية بس واقعية
اخبارك ايه اتمنى دايما اننا نعيش فى عالم مليان بالحب
ودا اقل شئ
ممكن نقوم بيه
بس نحققه ونقدر
بدنا جميله قوى

طـــائر الليــــل الحـــــزين said...

ولا يهمك بس يارييت متغبش اكتر من كده
انا قولت كده بقالك فترة مش فى حالتك الطبيعية
وكل سنة وكل المبدعيين طيبين
اتمنالك عودة سريعة
تحيااااااااتى
ابقى طمنا عليك

romansy said...

princess
اهلين اهلين اهلين
اميره عندنا
يا مرحبا يا مرحبا
واحشنا عمر واخباره
انتى فينك احنا مش هنعمل حاجه
المسامح كريم بقى

وانتى طيبه يا اميرتنا

romansy said...

شيماء جمال
اخبارك ايه يا شيمو
كلنا بنمر بيها
ساعات
بس د ضغط علينا لاننا قلقانين من اللى جاى ربنا معانا

romansy said...

انا ودماغي
اهلا بيكى انا عارف انك بقالك كتير غايبه
واتسجلتى فى دفتر الغياب بس احنا عارفين ان دى ظروف امتحانات
ربنا معاكى
تفتكرى
طريقتك دى ممكن تهدى الاعصاب

romansy said...

فراشة
فراشه طايره فى السما
بشكرك على سؤالك كلامك الجميل
انا مكنتش عارف انى غالى عندكم كده
ربنا يخليكوا يا اخواتى
الحب اللى بندور عليه
نلاقيه مع الحاجات الجميله دى

romansy said...

ضحكات الحياة
اهلا يا هندسه
اخبارك ايه منونى دايما
ان شاء الله نرجع زى زمان نستقر شويه
هنلاقى كل شئ بخير

romansy said...

mahasen saber

ربنا يخليلك بيرو يا استاذه
الحمد لله انا بخير بس انتى عارفه ان الاستقرار بندور عليه فى العمل وفى الحياه دايما
ودا اللى ممكن يكون تعبنى شويه
بشكرك على سؤالك واهتمامك

romansy said...

E73
الله يسلمك
انتى مخفيه فين
ربنا معاكى
ومعانا واتمنى دايما تبقى بخير

romansy said...

Gigi
الله يسلمك يا جيجى
اامين يارب العالمين يرحمنا جميعا

اتمنى تحققى احلامك وامنياتك


تحياتى

romansy said...

الفراشة الصغيرة

اهلين فراشه بس صغيره

بتحبى الاوبريت دا
وانا بموووت فيه
بس خدى بالك
انتى اكيد بتحبى الجزء بتاع
طار فى الهوى شاشى

وانتى متدارشى

بما انك فراشه يعنى
هههههههههههههه

romansy said...

طوبة ذهب وطوبة فضة

استاذ الرومانسيه
عطلان دلوقتى
ملوش شغل غير الشغل بس
مفيش وقت يكتب ولا يقول اللى جواه
ربنا معانا يا دهب

ويوفقك

romansy said...

حنان الشافعي
استاذتى

بحييك
على زهره البنفسج
وكامها الرقيق ممكن اكون خسيتها قوى
لانى كنت عايش حالنها

romansy said...

كيــــــــــــارا

ههههههههههههه
شوفتى بقى

بس انا حضرت الفرح

حتى جوز هند واد زى العسل لسه طازه

ههههههههههه

جــــوه القـــلـب said...

يارب يكون القلق والحيره راحو وتكون دلوقتى احسن وحاول ماتسيبش نفسك للحيره والقلق وابعد عن اى شيئ يضايقك عشان تكتب لنا كلامات حلوه
وكل سنه وانت طيب .........rock

romansy said...

جــــوه القـــلـب
اهلا بيكى
الحمد لله
انا بخير دلوقتى
يعنى مفيش حاجه بتبعد بسهوله كده