Tuesday, December 28, 2010

دعينا نطوى


دعينا نطوى ما مضى ونبدا من جديد
دعينا نستقبل معا.. عامنا سعيد
دعينا نحقق معا.... ما نريد
دعينا نحلم معا .ونحقق الحلم البعيد
دعينا نبحر معا .ونصل لبر الامان
دعينا نجتهد ..ونبذل ما بالامكان
فتمسكى بى ..ولا تتركينى وحيد
فسوف نطوى ما مضى ونبدا من جديد

Saturday, December 25, 2010

مهما يكون


غمض عيونك وافتكرْ
مين اللى ضحى ومين صبرْ
مين اللى شال ف يوم همومك
مين اللى خان ومين غدرْ
غمض عيونك وافتكرْ
ان انت اغلى الناس عليا ليه تخون
هى عشره يوم دا سنين ليه تهون
برضه شارى مهما بينا فى يوم يكون
غمض عيونك وافتكرْ
انى عارفك مهما تبعد
انى عاشقك مهما تعند
ان دا كان غصب عنك
انى هفضل اقول بحبك
وانى شارى مهما بينا فى يوم يكون

Wednesday, December 22, 2010

انسى وعدى


انسى وعدًى يا قلبى الصعب انسى وقولى حكايتك ايه
مره تقول مش قد الحب ومره تقول انااقوى عليه
ارسى يا قلبى واهدى شويه بكره تلاقى اللى نفسك فيه
انسى وعدى يا قلبى الصعب انسى وقولى حكايتك ايه

Saturday, December 18, 2010

اللى انتى بتحبية


دورى ف اللى انتى تحبية
على اللى كنتى بتمنية
فــــتى احلامك
هتلاقى قلبة تسكنى فيه
وتبقى انتى ضى عنية
ويضحى بكل حياتة عشانك
كلمة جميلة بتخلية
لو تعبان ف يوم تشفية
لمسة ايد منك تكفية
يفضل جنبك بين احضانك
لو فهماة تبقى ملكتية
يزعل لو يوم فية سبتية
وتبقى كيانة وهو كيانك

Tuesday, December 14, 2010

من اقوال سيدنا على بن ابى طالب رضى الله عنة



من أقوال علي بن أبـي طـالـب
رضي الله عنه
إن النعمـة موصولـة بالشكــر
والشكــر متعلـق بالمزيـد
ولن ينقطـع المزيـد من الله حتى ينقطـع الشكـر من العبـد
*******
راحــة الجسـم في قلّـة الطعــام
وراحــة النفـس في قلّـة الآثــام
وراحــة القلـب في قلّـة الاهتمـام
وراحــة اللسـان في قلّـة الكــلام
*******
وقال رضي الله عنه
من ينصب نفسـه للنـاس إمامـاً
فليبـدأ بتعليـم نفسـه قبل تعليم غيــره ..
و ليكـن تأديبـه بسـيرته قبل تأديبـه بلسـانه
*******
وقـــال
العلم خير من المال
لأن المـال يحرسـه و العلـم يحرسـك
والمـال تفنيـه النفقــة و العلـم يزكـو على الإنفـاق
والعلـم حاكــم و المـال محكـوم عليه
مـات خازنـو المـال وهـم أحيــاء
والعلمــاء باقـون مابقـي الــدهر
أعبائهم مفقودة و آثارهم في القلب موجودة
*******
علمت أن رزقي لا يأخذه غيري .. فاطمأن قلبي ،
وعلمت أن عملي لا يقوم به غيري .. فاشتغلت به وحدي

Friday, December 10, 2010

غيرتك زايده


غيرتك زايده وباينه ف عينك
اهدى شويه ياللى عيونى دول عاشقينك
انتى اللى عارفه ان دولا ف يوم زمايلى
وانتى اللى عارفه اد ايه بينى وبينك
اهدى شويه ياللى عيونى دول عاشقينك
فكرى بس بعقل شويه هو انا خبيت عنك حاجه
حبك مالى عليا الدنيا ولسه ورود الكون محتاجه
حنى عليها وحنى عليا فكرى بس بعقل شويه

Sunday, November 28, 2010

نفسى يتغير حالك


كده عينى عينك تكسر قلب كتير حبينك
كده عينى عينك تقسى قلوب كتير فاكرينك
كده عينى عينك تقتل احلام بينى وبينك
ياللى زمان انا كنت حياتك شيلت زمان ليه من حساباتك
كده عينى عينى تقسى قلوب كتير فاكرينك
بتعمل مش عارفنى وبتعمل مش شايفنى
غير لما تكون محتاجلى مكنش العشم كده بينى وبينك
نفسى فى يوم يتغير حالك وابقى بجد انا اكون علشانك
نفسى اصفالك بس حياتى افضل اعيشها انا من غيرك
كده عينى عينك

Tuesday, November 23, 2010

هفضل احبك


جاى دلوقتى بتفهمنى انى
مكنتش بالنسبه لك الا صديق
وان طريقى اللى مشيتهولك
خطوه بقلبى وخطوه
بروحى مكنش طريق
لا يا حبيبى انا حبيتك وانت
صديقى وهفضل احبك
وانت حبيبى

Monday, November 15, 2010

العيد والخير


عيد ورا عيد ورا عيد ورا عيد
تبقى الدنيا بحالها ف عيد
نعيش اللحظه الكل سعيد
يبقى الخير جوانا يزيد
عيد ورا عيد ورا عيد ورا عيد
افتح قلبك وابسط ايد
للمساكين والكل ف عيد
املى حياتهم هنا وسرور
بدَل طاقه ظلمه بنور
خلى العيد فيه الكل سعيد
عيد ورا عيد ورا عيد ورا عيد

Saturday, November 13, 2010

قلبك دارى


قلبك دارى وروحك روحى
اوعى تدارى قولى وبوحى
قولى بحبك عدى وجيلى
جوه ف قلبك ساكن نيلى
املى الدنيا بحب وبوحى
انتى منايا ودوا لجروحى
عاشقك عشق نهارى وضيه
عاشقك عشق ومفيش زيه
قلبك دارى وروحك روحى

Wednesday, November 10, 2010

سنه سعيده عليك وجديده


عدت سنه وراها سنه ووصلوا تسعه وعشرين
وعشت وقلبى انا عاشق وجوايا ليكى حنين
ومهما العمر بيعدى انا ليكى انا بيكى
انا اللى الضئ ف عنيكى يعيش لسنين
انا اللى اتغيرت حياتى لما عرفتك
عشت العمر مستنى وهفضل انا جنبك
هبنى معاك انا عمرى واسلم لك قوام
امرى واعيشلك ضئ لعنيكى
عدت سنه وراها سنه ووصلوا تسعه وعشرين

Sunday, November 7, 2010

مش راح ازعل


مش راح ازعل لو عاتبتى
او راح اتقل لو تقلتى
اصلك انتى ف يوم حبيتى
وعمرى ما ازعل لو زعلتى
قلبى حبك شاف جمالك حبك انتى
ساكنه قلبى يا اميرتى
ومش راح ازعل لو زعلتى

Friday, November 5, 2010

اتسالى من انا


اتسألى من انا وانا الذى احيى بكِ
اتسالى من انا وحبى نادى على حبكِ
اتسالى وقلبى داخل قلبكِ
فكيف تموتى داخل قلبى
وانتى التى تحتوينى بحنانكِ
فكيف تطلبين منى ان ابتعد
عنكى وانا نجم فى سمائكِ
وانا طير يطير ويتنفس هوائكِ
فلا قلبك يموت
ولا قلبى يموت
لانه يعشق روحكِ

Sunday, October 31, 2010

ارسم يا قلم


ارسم ياقلم زهور الأمل
وامسح ياقلب حزن السنين
افرح وخلى يومنا جميل
انا راجع وجوه قلبى حنين
ارسم زهور الامل تضوى وتعلى
دا اجمل يوم اكتمل وحبيبتى جمبى
ارسم خضره وزرع جميل
واميره طله من قصرها بتنادى
على الشاطر حسن
ارسم مركب فى نهر النيل
وحب وعيش خليك انسان عادى
ارسم يا قلم دى قلوبنا صافيه
وبكره الحلم يكتمل

Friday, October 29, 2010

الشاطر حسن


جالك الشاطر حسن اهو بين ايديكى
جالك وكله حنان بيقدمه ليكى
جواه حنين يروى قلوب العطشانين
شايله لقلبك عوضيه عن السنين
اتغرب كتير وعدى الجبال
وشال الهموم وشال احمال
ودا كلو ليه علشان عينكى
بس اؤمرى ودنيته بتحلو بس بيكى

Wednesday, October 27, 2010

عارفه


عارفه لفين الريح وخدانى ؟
لبلاد بعيده لحبك
طريق جوايا وف وجدانى
بس اوصل بر قلبك
يا حبيبتى عارفه واديكى شايفه
ياللى هواكى ف كل كيانى
يا مالى الدنيا بكل حنانك
بقول للحزن خلاص انسانى
من يوم ما عرفت يا حبيبى مكانك
يا حبيبتى عارفه واديكى شايفه
ياللى زرعتك حلم جميل
وانا متعلق بين احضانك
بستان فل ف حضن الليل
عمرى وهبته يا غاليه عشانك
يا حبيتى عارفه واديكى شايفه

Monday, October 25, 2010

بحبك


بـحبــك وحــبـك مـالى شريانى وكيانى
اقول انساكى ارجع ليكى من تانى
وكأن سهم القدر بيكى رمانى
حسيت ان وجودك فى الدنيا علشانى
ولو بايدى ما ابعد عن حضنك ثوانى

Saturday, October 23, 2010

محتاج تفكير




فية حاجات محتاجة تفكير
فية غدر صحيح ف الدنيا
بس الحب ياقلبى كتير
فية حب وفية اخلاص
بس دا لبعض الناس
اللى تقدر حبى وعشقى
اللى تقدر سهرى وتعبى
ساعتها يكون لها قلبى اسير

Thursday, September 30, 2010

هتسبنى بكره

بتقول هتسبنى بكره ادينى يوم اخير
وانا ادى القلب فكره علشان دا قرار خطير
بتقول هتسبنى بكره
ادينى يوم وفكر ازاى تقدر واقدر
تسهر ف البعد اكتر ارجوك فكر كتير
بتقول هتسبنى بكره
هتشاور ويا قلبى بصراحه ومش هخبى
لو رحت وسبت حبى هتسبلى فراغ كبير
بتقول هتسبنى بكره
قبل ما تاخد قرار وتزيد اشواقى نار
خلينى ف الاعتبار دا قرار قلبى ومصير
هتقدر تسينى بكره

Tuesday, September 28, 2010

مش قادر انساكى


مش قادر انساكى ساعدينى
ان اقدر انسى اجمل لحظات عمرى معاكى
مش قادر انساكى ولا قادر اعيش
ف الدنيا من غير ما هحب هواكى
ولا بايديا انى احبك ولا با يديا انى اكونلك ولا بايديكى
طب اعمل ايه ما انا قلبى حبك واتعلق بيكى
مش قادر انساكى ساعدينى
ان اقدر انسى اجمل لحظات عمرى معاكى

Sunday, September 26, 2010

ويبقى العشق


ربما يكون العشق كاساً كُلنا أذقناه فبالرغم
من مرارته أحيانا نسيطيع ان نذوق منه مره اخرى
فربما نجد ما نتمناه نجد ما نرغب فيه ان يبقى
طوال العمر ولكن يبقى الطعم الاول هو الباقى

Friday, September 24, 2010

فين ضحكتك


ليه كل يا قلبى ما تمشى تلاقى عقبه فى سكتك
راح فين كلامك راح فين شبابك... ضحكتك
ليه كل ما تبعد ترجع تقولى دى اللى ياما عشقتك
خلاص يا قلبى خلاص كفايه بكره هلاقى محبتك

Friday, September 17, 2010

خايفه تبعد


بتقولى خايفه احسن فى يوم......تتخلى عنى وابقى وحيده
مانا عشت طول العمر اتمنـــى قربك .بس طرقك ليه بعيده
كل ما اقرب الاقى توهه جوه توهه نفسى ابقى ف يوم سعيده
نفســى الاقى جوه حضنك حنان الدنيا يعوضنى عن الحرمان
نفسـى اضمك نفسى احسك نفسى ابقى انا وانت ف اى مكان
بس خـايفه تتخلى عنى .........خايفه تنسى ان انت منى
مع انى عــارفه انى بحبك ..ولا اقدر لحظه استغنى عنك
بس نفسـى فى يوم اكون لك..... احلى اميره فى قصرها
وتكون لها احلى امير............ وانت اللى حارس قلبها
ومعاك تحس بانها فى حضن مليان بالامان وساعتها بس تكون سعيده

Saturday, September 11, 2010

عيد سعيد

Saturday, August 28, 2010

ارجع يا زمان



اخواتى المدونين كل سنه وانتم طيبين رمضان عدى علينا زى البرق
بس نعمل ايه بقى هى دى الدنيا يارب يغفر لينا ذنوبنا ويتقبل صيامنا
مش عارف حصل للمدونين ايه وانا كمان حاسس ان حالنا اتبدل واتغير
مش عارف ولا ممكن اكون علشان مش بتابع المدونات من فتره ولا بقيت
اعلق عند اخواتى مش عارف والله بقالى فتره كده حاسس انى اتغيرت
مش بقيت زى الاول بس حاسس انى مش لوحدى فى الحاله دى معظم
المدونين بيختفوا كتير حاسس ان نشاطنا قل كتير عن الاول من اول
رمضان عرفتكوا فيه من تلت سنين حاسس ان فى التلت سنين دول
المنحنى بتاعنا قل كتير مش عارف بقى دى تغيرات فسولوجيه ولا الزمن
قادر يغير فينا كده حاسس انى مش رومنسى بتاع زمان ممكن الكلام اللى
بكتبه حلاوه روح لانى لو مكتبتش هيحصلى حاجه بس كل اللى اتمناه
اننا نكون كويسين كلنا ونحاول نرجع تانى زى زمان فين تامر الحسينى
وفين مولان وفين الفراشه الصغيره وفين طوبه دهب وفين الدكتور عمرو
وفين كيموو وفين اسماء فى وجدانى وفين ماء تشرين وفين فتاه حالمه
وفين وفين نتمنى اننا نرجع زى الاول واكتر ونحاول نصلح اللى انكسر
جوانا لاننا فى الاول وف الاخر ملناش غير بعض مع اننا معظمنا
مشوفناش بعض بس حب بالقلب والروح اكبر نعمه من ربنا
معلش طولت عليكوا بس قولت افضفض معاكوا بقالى كتير مقولتش
اللى جوايا وان شاء الله كده ندعى كده كلنا ان ربنا يلم شملنا
ونبقى ايد واحده واسره واحده فى حب الله
وياريت اللى زعلان منى علشان مش بزوره يسامحنى وياريت اللى
زعلان منى يسامحنى وياريت اللى زعلته من غير قصد يعاتبنى
كل سنه وانتم طيبين ورمضان كريم

Friday, August 27, 2010

هاتى ايديك


مش قادر اوصف واعبر واقولك اى كلام يتقال
غير انى بحبك وبفكر ازاى خليتى حبى جبال
ازاى وانا عمرى ما حبيبت ازاى من غير اى سؤال
ازاى انا اوصف واقولك عن احلى كلام نفسى اقولو
ازاى وانا قلبى محتاجلك محتاج قلبك بس ينولو
محتاج عينك تملا حياتى تنور نهارى وليلى بطولو
هاتى ايديك يلا ف ايدى اى صعب فى طريقنا نزيلو

Thursday, August 19, 2010

حيره وحب


ف لحظه بتقسى وف لحظه بتنسى
وف لحظه بلاقى كده الدنيا وردى
ف لحظه بقولك انا احلى كلام
وف لحظه بضمك يا اجمل غرام
وف لحظه بلاقى كده دموع ع خدى
ف لحظه بتقسى وف لحظه بتنسى
وف لحظه بلاقى كده الدنيا وردى
كلامك يحير وانا احترت فيه
وقلبك يغير ولا اقدر عليه
وحبك كفايه وبالدنيا عندى
ف لحظه بتقسى وف لحظه بتنسى
وف لحظه بلاقى كده الدنيا وردى
حكايتك حكايه وقلبك كبير
قوليلى بحبك قوليها كتير
وعشقك وعايش ف حبك اسير
وحبك دا ساكن دايما فى قلبى
ف لحظه بتقسى وف لحظه بتنسى
وف لحظه بلاقى كده الدنيا وردى

Thursday, August 12, 2010

هليت علينا


هليت علينا يا شهرنا وعدى منك يومين
هو كده انت كده بقى من سنين
بتجى بسرعه وتمشى بسرعه
وتفوت يا غالى فى قلبنا ليك الحنين
بالرغم اننا فى نهارك كتير تعبانين
بنتمناك دايما جنبنا
ولا نفضل منك محرومين
هليت علينا يا شهرنا وعدى منك يومين

Tuesday, August 10, 2010

الله اكرم


رمضان كريم الله اكرم
رمضان عظيم الله اعظم
رمضان فى بيتنا منور حياتنا
لما يجلينا بكل الحب
يملا علينا الدنيا سعاده
يخلى القلب يخاف ع القلب
نحى لياليه بقرئنا
ونحى نهاره بصيامنا
فيه الخير دا يكبر ويكبر
رمضان كريم الله اكرم

Saturday, August 7, 2010

اجمل الاقدار


أود أن اشكر القدر الذى قد قدّر لى أن ألتقى بأجمل ما فى الكون

Saturday, July 24, 2010

دايما فاكرها


دايما فاكرها وفاكر كلامها وفاكر جمالها دا عشق القدر
ولا قدرت مره تنساها مره ولا قدرت تنسى يا قلبى القمر
دى ساكنه ف قلبك دى كل حبك و كل حياتك دى اجمل بشر
دى زى الهوا والنسمه دى اجمل صوره ورسمه على قلبى خطر

Monday, July 19, 2010

نروح لايام زمان



يلا بينا تعالو نسيب اليوم فى حالة

وكل واحد مننا يركب حصان خيالة

درجن درجن درجن درجن

هنهرب من النهاردة ونهرب من المكان

ونطير ونطير

نطير مع نسمة شاردة ونروح لايام زمااااااااااان

Monday, July 12, 2010

ما الحب إلا للحبيب الأول


نقل فؤادك حيث شئت من الهوى ..... ما الحب إلا للحبيب الأول


كم منزل في الأرض يألفه الفتى .......... وحنينه أبدا لأول منزل

Thursday, July 8, 2010

مش بالكلام


مش بالكلام انا اقول بحبك دا باحساسى
انتى حبيبى وقلبى يحبك واغلى ناسى
بعشق صوتك بعشق رسمك دا انت انفاسى
ريح بالى يا غالى عليا ولا انت على طول كده قاسى
حبك عندى دا كل الدنيا حبك شئ بقى عندى اساسى

Wednesday, July 7, 2010

هديتك مقبوله


هديتك مقبوله بس والله انتى اجمل هديه
اموره عسوله انتى اجمل ما شوفته بعنيه
لما انتى تكونى جنبى يملا حبك الدنيا
بحس بسعاده وامل وبيغنى الكون حواليه
هديتك مقبوله بس اعمل ايه ف قلبى
لو قدم هدايا الدنيا هيبقى برضه شويه

Friday, July 2, 2010

انتى الغاليه


زعلانه ليه وانتى عارفه اد ايه حبك ف دمى
زعلانه ليه وانتى عارفه لما بفتكرك بنسى همى
زعلانه ليه وانتى الغاليه لاخر يوم ف عمرى

Tuesday, June 29, 2010

حياه جديده



عندما يفكر الانسان فى بدء حياه جديده يحتاج ان يستفاد من الماضى ويعمر الحاضر ويجنى فى المستقبل

Monday, June 21, 2010

مش فاكر غيرك


مش فاكر غيرك مش فاكر
ولا اقدر انساك انا ثانيه
شغلت فكرى ومش قادر
ابقى لغيرك اعمل ايه انا ف الدنيا
حكمت عليا انى بحبك وافضل جنبك
حكمت عليا انى اعيشلك فاكر حبك
حكمت عليا وحكمها دا اجمل حكم ف الدنيا

Friday, June 18, 2010

كفايه نورك عليا


كفايه نورك عليا نورلي روحي وقلبي

خلاني شفت بعنيا اللي انكتبلي في حبي

قريت على ضيك كلام جميل زيك

كفايه نورك عليا

ازاي قابلتك وازاي عرفتك وفين وامتى

نسيت زماني ونسيت مكاني وفاكرك انت

نسيتني همي نستني اسمي

عملت ايه انت فيا

كفايه نورك عليا نورلي روحي وقلبي

خلاني شفت بعنيا اللي انكتبلي في حبي

قريت على ضيك كلام جميل زيك

ان كان ده حلم يبقي جميل خليني احلم بيه على طول

بلاش تصحيني وتصحي اوهامي

سبني يانور عيني عايش في احلامي

والعمر ليله حلوه وجميله

لاقيتها في الليل هنيه

كفايه نورك عليا نورلي روحي وقلبي

خلاني شفت بعنيا اللي انكتبلي في حبي

قريت على ضيك كلام جميل زيك

كفايه نورك عليا

Monday, June 14, 2010

ازاى انا اوصل


يا اهل الهوى دلونى ازاى انا اوصل بركم
جوايا شوق وحنين ف قلبى شايله لكم
شايله بقالى سنين ف قلبى لاجلكم
بس النصيب جاى ليه ضدكم
ارضى اهلى ولا قلبى بالرغم انى اخترتكم
دلونى وانا اجاى مشى لحدكم

Friday, June 11, 2010

اجابات اجبارى


جاءتنا تلك الاسئله من مدونه زى الهواااااااااا بالرغم من
هذه الاسئله غير مقرره بالمنهج ولكن لاننا مش رخمين هنجاوب مجبرين

رتب الاتى حسب اهميتها بالنسبه لك
الصداقه _ الحب _ العائله_ المستقبل _ المال

الاجابه هى الترتيب الافضل بالنسبه ليا انا رومنسى
هو
العائله
الحب
الصداقه
المستقبل
المال

اما اجابه السؤال التانى
عرف الحب فى جمله صغيره حب الحبيب و الحبيبه
وهل يمكن ان نعيش بدون حب (الحبيبه او الحبيب برده ) ؟؟؟
2_ ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟
دول اولا مش سؤال واحد دول شويه اسئله فى بعضيها
بس كل اللى نجدر نجوله ان الحب دا زى القدر مفيش حد يقدر يقف قصاده ولو ليا نصيب فى حبيبه ان شاء الله هتكون شريكه حياتى
ممكن ان نعيش بدون حب بس هتلاقى فرق كبير قوى قوى قوى بعد ما تحب
هتحس ان الدنيا مش هيا الدنيا دنيا الوقت فيها بيعدى بسرعه لما بكون معاها
بنحس ان كل شئ جميل اللى بنكره بنحبه
واللى بنحبه بنحبه اكتر حاجات كتير بتتغير
اما بقى عن الرساله هقدر اقولها انى بحبها قوى وهحبها اكتر واكتر فى كل يوم بيعدى علينا
من جوازنا مقدرش اقول ان الحياه هتبقى وردى بس معاها الصعب يعدى
يا اغلى ما عندى فى الدنيا
اظن كده خلصنا الواجب يا ميس

Tuesday, June 1, 2010

اتمنيت


لوحدك ليه يا حبيبى
ما اتمنينت انا افضل جنبك وانت بعدت
اتمنيت انا اسكن دمك وانت رفضت
اتمنيت بس ياريت اقدر اتمنى
لقيتك فجاه منى هربت
واتمنيتك انت لوحدك
لافيه قبلك ولا فيه بعدك
عاشقك مهما تبعد عاشقك
ترجعلى ولا ما صدقت

Saturday, May 22, 2010

هل تبحث عن السعادة


حاليا بالمكتبات
كتاب هل تبحث عن السعادة


كتاب هل تبحث عن السعادة
حاليا بمكتبات
اليا بمكتبات
البلد
عمر بوك استورز
سندباد
سنابل
ليلى
حنين
مدبولى
ادم المعادى
الكتب خان المعادى
مدبولى البحوث
فرشة قصر النيل
بوك اند بينز المنصورة
جارى استكمال التوزيع وقريبا بجميع مكتبات القاهرة وباقى المحافظات
ومكتبات الشروق وديوان

Friday, May 21, 2010

بيعيش عشانك


ايه اللى جابنى فى سكتك وايه اللى جابك
ايه اللى خلى تجرحى قلبى اللى صانك
قلبى اللى اتمنى مره يدوق حنانك
ايه اللى جابنى فى سكتك وايه اللى جابك
معرفشى امتى ولا فين خدنى الحنين لحد بابك
قلبى قالى انه بيعيش بس عشانك
انتى نور الكون بحاله ولعشانو قلبى دا جالك
ايه اللى جابنى ف سكتك وايه اللى جابك
عمرى ما فكرت مره بالخيانه
عمرى ما فكرت حبك اهانه
دايما اشعر بالسعاده معاكى انتى
دايما انتى نور حياتى ليا حبيبتى
مهما فرقت بينا الظروف
تعالى نمحى اى خوف
دا قلبى اللى اتمنى مره يدوق حنانك
وميقدرش يعيش الا عشانك

Wednesday, May 19, 2010

بتعلم ف حبك


مش بعرف اوصف احساسى وانا جنب قلبك
كل اللى بعرف اقوله انى بتعلم فى حبك
بتعلم اكون انسان رقيق من رقتك
يضحك ويفرح وتبقى عاليه ضحتك
تسمعها كل الدنيا تفرح تتمنى تسكن جنتك
بس اعرفى انى الوحيد اللى بترجم بسمتك
بحبك وكل يوم بتزيد فى قلبى محبتك

Tuesday, May 18, 2010

لو تعرفى


لو تعرفى ايه الحكايه هتعذورينى
لو تعرفى اد ايه انا قلبى حبك
انا كنت جايلك والهوى والشوق مالينى
دلوقتى خايف انى اتسبب فى جرحك
ادينى فرصه اقولك واسمعينى
بس النهارده من غير كلمه بحبك

Monday, May 17, 2010

محتار


لو تعرف انا مين قولى اصل انا مش عارف
عايش مش عايش هو انا شجاع ولا انا خايف
عايش محتار بين جنه نار هو انا عميت ولا انا شايف

Sunday, May 16, 2010

اعمل ايه


ف عنيكى طلاسم حليتها
والدنيا ف قربك حبيتها
احلامى معاكى انا لقيتها
طب اعمل ايه؟

Saturday, May 1, 2010

على قيد الحياه


عندما تتغير حياتنا فجاه وبدون اى مقدمات
الى جنه نسكنها. ماسر هذا التغير؟
ومن استطاع ان يقتحم حياه قد فقد فيها الامل ؟
من استطاع ان يقتلع اشجار الياس من جذورها ؟
لابد وان يكون ساحر قد آتى بعصاته السحريه
وغّير كل ما راه سيئا فى تلك الحياه ام هى تلك
الاميره التى اضافت بلمساتها السحريه الرقيقه
رونقا جديدا اضاف للحياه حياه مليئه بالامل والحب
حياه تمناها القلب ولكنه لم يصدق انه بالفعل
يعيش فيها فقد تعود ان الاشياء الجميله نادرا ما تبقى
فى حياته ولكنه قد يستطيع ان يعيش هذه اللحظات
الجميله التى تمر به حتى يصدق انه على قيد الحياه

Saturday, April 24, 2010

خلاص مسافر


غبت عنك سنين كتير ورجعتك
زاد فــــ قلــبى ليــكى الحـــنين
بس لما رجـــعت ليه مستغربك
هوانتــى مصـــــر؟ ولا انتى مين؟
ولو انتــــى مصـــــــر ودا نـيـلك
يبـــقى لــيه العطــــــشانين
ليـــه وشوش الناس متـغيره
وجــوه عــــــيونهم ليه حزين
دول اللــــى عــابروا القنال
دول اللــــى هـــدوا الجبال
اومال ليــه كده شــــاردين
ياترى شـــايلين همــومك
ولا لهمـــوهم هما شــايلين
طب ايه يا مصر اللى جرى
بقى همـــا دول المــصريين
اللى اتحــــكى عنهم كتير
واللى انكــــتب فيهم اساطير
يا ترى هــــيفوقوا إمتى
ولا هيفضلوا كده تايهين
فين العلــما وفين الادباء
ولا الفن فيه شـــــاطرين
انا هرجع تانى يا مــصر
لغايه لما اعرف انا ابقى مين

Thursday, April 22, 2010

انا عمرى ليكى

حلمى اكون معاكى فى كل وقت وكل ثانيه
حلمى تعيشى ليه ويملا حبك الدنيا
حلمى بسيط احلمه وانا بين ايديكى
تعيشى انتى ليه واعيش انا عمرى ليكى
وافكر وافكر ايه تانى اتمنى
واتمنى ايه وانتى ماليه الكون عليا
حلمى اكون معاكى فى كل وقت وكل ثانيه