Sunday, April 19, 2009

أوقات يا دنيا


أوقات يا دنيا معاكى بعيش
وساعات مبفهمكيش
و إنتِ ولا فهمانى

أوقات بحس إن أنا مجروح
عايش حلاوة روح
ودمعتى محاوطانى

صابر عاللى بيجرى لى
و إنتِ لا ليكى عزيز ولا غالى


أوقات فى عز العتمه بشوف
و ساعات بموت مالخوف
و غصب عنى بدارى
بحلم يعدى عليا الليل
من غير عذاب ولا ويل
و تحسى مره بنارى

صابر عاللى بيجرى لى
و إنتِ لا ليكى عزيز ولا غالى


أوقات بتاخدى أعز الناس
و أقول نصيبه خلاص
و اصبر على أحزانى
أوقات بحب قلوب بتبيع
و فى الف لحظه بضيع
و برده مش حسانى أه


صابر عاللى بيجرى لى
و إنتِ لا ليكى عزيز ولا غالى