Saturday, April 24, 2010

خلاص مسافر


غبت عنك سنين كتير ورجعتك
زاد فــــ قلــبى ليــكى الحـــنين
بس لما رجـــعت ليه مستغربك
هوانتــى مصـــــر؟ ولا انتى مين؟
ولو انتــــى مصـــــــر ودا نـيـلك
يبـــقى لــيه العطــــــشانين
ليـــه وشوش الناس متـغيره
وجــوه عــــــيونهم ليه حزين
دول اللــــى عــابروا القنال
دول اللــــى هـــدوا الجبال
اومال ليــه كده شــــاردين
ياترى شـــايلين همــومك
ولا لهمـــوهم هما شــايلين
طب ايه يا مصر اللى جرى
بقى همـــا دول المــصريين
اللى اتحــــكى عنهم كتير
واللى انكــــتب فيهم اساطير
يا ترى هــــيفوقوا إمتى
ولا هيفضلوا كده تايهين
فين العلــما وفين الادباء
ولا الفن فيه شـــــاطرين
انا هرجع تانى يا مــصر
لغايه لما اعرف انا ابقى مين

Thursday, April 22, 2010

انا عمرى ليكى

حلمى اكون معاكى فى كل وقت وكل ثانيه
حلمى تعيشى ليه ويملا حبك الدنيا
حلمى بسيط احلمه وانا بين ايديكى
تعيشى انتى ليه واعيش انا عمرى ليكى
وافكر وافكر ايه تانى اتمنى
واتمنى ايه وانتى ماليه الكون عليا
حلمى اكون معاكى فى كل وقت وكل ثانيه

Sunday, April 18, 2010

عوم على مزاجك


الفهلوى لتسويق التليفزيونى
يقدم
بمناسبه دوبان الجليد
عرض مش ممكن تقاومه
المايوه السحرى
المايوه السحرى من اجود الخامات الشرقيه
يتحمل اكتر من عشر ساعات فى الميه
ومزود بخاصيه مالتى كلر
فقط اتصل الان 099999999
هيوصلك لحد باب البيت
فقط بــ 399 جنيه + مصاريف الشحن 399 جنيه
برضه فرصه واستغلها كويس محدش ضامن الظروف
فقط البس المايوه وهتشوف اللى عمرك ما شوفته
ومع المفاجاه المايوه السحرى مزود بخاصيه عوم اتوماتيك
ومزود بتلت سرعات يمكنك التحكم فيها كيفما تريد
كما ان المايوه السحرى مزود بنغمه علمنى العوم والنبى يا احمد
فقط احجز مايوهك محدش عارف ممكن بكره يحصل ايه
المايوه السحرى وعوم على مزاجك
اتصل الان سعر الشحن ثايت سعر المايوه ثايت اينما كنت
متوفر بجميع المقاسات
زورونا تجدوا ما يسركم
الفهلوى لتسويق التليفزيونى
واغرق فى شير ميه

Friday, April 16, 2010

مكتوب

مكتوب تتعب معايا
مكتوب اتعب معاك
وتشــــاركنى هوايا
واشاركك فى هـواك
وفى اخـــــر الحكاية
مكتوب امشى خطاك
ومعاك القــــى خطايا
مــــشوار ملوش نهاية
مكتوب انســـي ايديا
والقــاها بيــــن أيــديك
مكتوب تســــــأل عليا
مكتوب اســـأل علــيك
وان غبـــــت عن عـنيا
معـــبش عن عـــنيك
مكتوب بشعور ايديا
بحــــبك اه بحـــــبك
بين أيــــديك
مكتوب لو شئ ندانى
افكــر فــــــــى لقــاك
والقــــــــــــاك والامانى
مرســـومه فى ســماك
بحــــبك اه بحـــــبك
بين أيــــديك

Monday, April 12, 2010

مدى ايدك


خلـيكى زى الـورده زاهيه مفـتحه ومـتدبليش
خليكى زى النسمه هله مفحفحه ومتقلبيش
خليكى زى النجمه عاليه ف السما ومـتغبيش
دا انتى عـندى والله غالــيه ولا انتى متعرفيش
مدى أيــدك يلا قومى حــاولى تانى متـخفيش

Sunday, April 4, 2010

مهما روحتى


مهما روحتى أبعد بلاد
مهما طـــال بينا البــعاد
برضه قلبى لسه فاكرك
لســه فـــاكر كل كـــلمه
لســه فـــاكر كل همسه
لسـه فـــاكر سعادته جنبك
روح ف صــحرا او فى مينا
هتلاقى قلبى ف بحرك سفينه
هتلاقى حبك جواه زاد
مهما روحتى أبعد بلاد
ومهما طال بينا الــبعاد
انتى قلــبى وانا قلبك
وبرغم بعدى انا اقربلك
روحـــى مهـــما تروحى قلبى
مستنى برضه فى الميعاد