Saturday, December 21, 2013

مع السلامه 2013


لقد انتهى هذا العام بكل مافيه من اشواق وعذاب وحب وجفاء  -
وسوف يبتدى عام جديد نود ان نبتديه بكل حب وشوق وسلام  
  اختلفنا ام اتفقنا فنحن فى اخر اليوم فى مكان واحد لابد ان يملاه الحب -
 اختلافى مع بعض اصدقائى ليس لاننى احب دائما نقدهم ولكنى لانى احبهم -
تقصيرى مع بعض اقاربى غصبا عنى فسامحونى فانا لا استغنى عنكم -
كلما مر عام تلو العام يكثر فى شعرى اللون الابيض . هكذا تمضى الحياه -
كل ما يسعدنى فى عامى القادم هو ان تكبرى امامى لحظه بلحظه احبك -
كل ما يقلقنى فى عامى القادم هو الخوف من المستقبل  ولكن اعلم -
 ان الله على كلشئ قدير وسوف ابذل قصارى جهدى باذن الله 
اخشى عليكى كثيرا كثيرا من نفسك فحافظى عليها لاننى اعشقك كثيرا -
رحمك الله يا والدى فانت دائما معى فى كل لحظاتى وحياتى فى جنه الخلد-
رزقك الله الزوج الصالح يا من تسكنين بخاطرى احبك كثيرا-
شفاك الله يا اغلى من فى الوجود اعشق الجنه تحت قدمك -
فى النهايه اللهم حقق لى امالى واحلامى وارزقنى الخير حيث كان -

Sunday, December 15, 2013

كيف لى حبيبتى


 كيف لى حبيبتى ان امتلك ؟ كيف لى اميرتى ان اصبح عاشقك؟
 كيف لى ان امتلك شمسا تضئ الدنيا باسرها ولا يصل للعالم حبك؟
كيف لى ان امتلك قمرا منيرا ويصبح العالم مظلم ينتظر نورك؟
 كيف لى ان امتلك حبات اللؤلؤه فى عينيك وخيوط الذهبيه بشعرك؟
ولكنى حبيبتى ساحاول واحاول حتى اصل الى ما اريده 
 فساكون يوما ما ملكا على عرش قلبك  ارتوى من حبك
واسكن وريدك الى ان يشاء الله 

Sunday, December 8, 2013

الفين مبروك


كل اللى اقدر اقولهولك الفين مبـــــــروك
بس اوعاك تنسى فــــــ يوم ناس حبوك
بس القدر والظــــروف....... مقدرتش تلمهم 
وانت حبك مهما كان.............. ساكن قلبهم
ولو مرت سنين وايام انت اللى شاغل فكرهم
وعلى راسهم يا.............. غالى شـــــــالوك
كل اللى اقدر اقولهولك الفين مبـــــــروك
اتمنالك تفرح دايما....... وتعيش مبسوط
وتفضل ضحكتك الحلوه وبعلو الصوت
كده ماليه الدنيا سعاده مش ورد وشوك
بس اعرف دايما يا حبيبى اللى اتمنوك
كل اللى اقدر اقولهولك الفين مبـــــــروك

Wednesday, December 4, 2013

سكنى هو قلبك



لكل عاشق سكن وسكنى هو قلبك


Monday, December 2, 2013

مازلت احبك


بعدما غبتى عنى كل هذه الايام والسنون 
مازلت احبك فانا لك عاشق مجنون 
اعشق تلك ........الاهداب والعيون 
اعشق هذا الوجهه .....والجفون 
فانا لا اهتم ....... بما يقولون 
لاننى فقط عاشق مجنوووون 

Sunday, December 1, 2013

فينك يا ملاك



فينك يا ملاك ...دورت هناك
على احلى كلام انا شوفته معاك
بدور عينى......... هنا وهناك
يمكن ...................تلقاك
فينك................... يا ملاك
ولا يمكن مره... فى يوم انساك
متغبش................. علينا
ولا انت................. هواك
كده بعدك .................عنا

Tuesday, November 19, 2013

المشكله فى الضمير


المشكله كده مش رئيس ولا فى النظام 
المشكله كده فينا......... من غير كلام
الحلو فينا مستخبى........... م الزمن دا 
والوحش ظاهر........ وباين زى اللئام 
مستنى بس الفرصه تيجى عشان يشيلك
من مكانك................ وياخد هو المكان 
المشكله بقت الضمير اللــــــــــــــى انعدم
ف الزمن دا.......... وخلاص يلا السلام 
المشكله كده مش رئيس ولا فى النظام 
المشكله فى الفهلوه ولا كلام طار ف الهوا
ولاَ الوعود ولا الروتين اللى فينا من زمان
المشكله فينا احنا والدليل ع الكلمه دى
اننا عايــــــشين................. فى محنه 
الغنى عايش بماله والفقير عشاه احلام 
المشكله كده مش رئيس ولا فى النظام 
يلا خاف عليا يلا واخاف عليك 
منا برضه من .......لحمك ودمك 
وايديا اهى............ ممدوده ليك 
نعيش حياتنا............ونبنى بيتنا 
ونعيش سوا فى...... هدؤء وامان

Saturday, November 16, 2013

البوم صورك



افتح البوم صورك هتلاقى نفـــسك وانت صــــــغير
عمال تتنطط تتــشاقى ومش عــارف ان انت بتتغير 
فى كل لحظه وكل ساعه وهيمان ف الدنيا اللى تحير
لعبك جنبك بين احضانك نفسك تفضل لحد ما تكبر
افتح البوم صورك هتلاقى نفـــسك وانت صــــــغير
وانت فى حض امك وابوك ولا تعـــــرفش ايه متقدر
ولا تعرفشى ايه متدارى ولا على بالك ان انت تـفكر
وادى صوره كمان وانت بتجرى والدنيا بتشتى وتمطر 
وانت فى وسط اصحابك ماشى ومين يا صحبى معاك هيوصل
افتح البوم صــــورك هتلاقى لسه هتتــــصور وتــــصور 

Sunday, November 10, 2013

يا رومنسى عيد ميلاد سعيد

فى عيد ميلادى الاتنين وتلاتين
احب اقول............. لكل الناس 
ان قلبى         ......مليان احساس 
ولو عدى كتير......... من السنين
فى عيد ميلادى الاتنين وتلاتين
اتغير بيا الحال من حال ل حال 
وبقى عندى............ اغلى هديه 
ولا عمرها.......... تخطر ع البال 
ملاك على.... الارض اهو ماشى 
ومعاه اتغيرت..............الاحوال 
وفلبى معاه ............بيزيد حنين 
فى عيد ميلادى الاتنين وتلاتين
معنى الحب فى قلبى اتغير بقى بيزيد
كل هدايا الدنيا معايا وانت يا غالى
مش معايا...............طب ايه يفيد
مش عاوز من............ الدنيا كفايا
انى اكون ...............فى قلبك وحيد 
انت حياتى......... وروحى وعمرى 
يبقى فى قربك.............. قلبى سعيد 





Tuesday, November 5, 2013

هجره نبينا


من مكه للمدينه 
هجرت يا نبينا 
ودا عشان تهدينا
للطريق المستقيم
سيدنا على ضحى بروحه
وسيدنا ابو بكر دارى جروحه
ومعاك مطرح متروحوا
ربنا الكريم 
وستنا اسماء شايله الطعام
والغلام مسح الاقدام 
والرحله صعبه صعبه
بس ربنا رب رحيم
وفى المدينه لقيت الفرحه هله
ودا كله بفضل الله
والاسلام ف المدينه خلا
الغنى زى الفقير 
من مكه للمدينه 
هجرت يا نبينا 
ودا عشان تهدينا
للطريق المستقيم
الْلَّهُم صَلِّي وَبَارِك وَسَلِم عَلَى سَيِّدِنَا مُحَمَّد وَعَلَى الِه وَصَحْبِه وَسَلِّم

Monday, November 4, 2013

عيد الحب المصرى

كل سنه وكل اصدقائنا المدونين بخير وحب وسلام وطيبه 

what can i do
what can i say
just two word
happy valentine to you

كل ليله حب عيد
وانت جنبي ومش بعيد
واحنا عايشين الغرام
شوق وفرح و إيد في إيد
..
يا حبيبي خدني ليك
ياللي يا ما حلمت بيك
دفى بقلبي بالغرام
بين رموشك بين عينيك
..
حبك قمرة ليل مصاحبني
والاشواق مش عايزة تسيبني
كل ما بابعد بتقربني
قواااام
حبك غنوة وعشت انا فيها
عشت السحر اللي في معانيها
وينام قلبي ويصحى عليها
غرام


what can i do 
what can i say 
just two word
happy valentine to you


Friday, November 1, 2013

مش قولتلك


مش قولتلك لما نزعل يبقى بزعل انا من نفسى 
مش قولتلك لما نزعل يبقى دا من خوفى ويأسى 
 مش قولتلك ولا انتى ايه مبتسمعيش 
غير بس كلامك اللى يقسى 

Tuesday, October 15, 2013

لبيك اللهم لبيك

لبيك اللهم لبيك 
لبيك لا شريك لك لبيك 
إن الحمد والنعمة لك والملك
  لا شريك لك لبيك 

Monday, October 14, 2013

كمل جميلك


كمل جميلك بقى وخليك كريم 
دا اللى انت بتعمله دا شئ عظيم
شئ بيعلى قدرك عند ربنا الرحيم 
لما تساعد ناس غلبانه وناس مسكينه
وتخاف عليهم ما احنا نفس الطينه
ما كفايه الدعوه الحلوه اللى طالعه م القلب
وتبقى حياتنا جميله ويملاها الحب 
وتسعد قلوب كتير وكتير 
كمل جميلك بقى وخليك كريم 

مين فينا


يا ترى مين فينا الجــــــــانى ؟
اللى طول عمره مستنى هواها
وهيه مستنيه التـانى 
ولا اللى طول الوقت يفكر فيها
وهيه  يدوب فاكراه لثوانى
يا ترى مين فينا الجــــــــانى ؟
اللى ضحى بكل ما يملك 
وعاش بروحه اشواق وامانى
ولا اللى يفكر بس ف نفسه
ويطلع شخص انانى 
يا ترى مين فينا الجــــــــانى ؟






Sunday, October 13, 2013

صاحب السعاده




كلنا عايزين سعادة
بس اية هى السعادة
ولا اية معنى السعادة
قولى يا صاحب السعادة
قولى قولى
ناس قالولى ان السعادة بالفلوس
حاجة سموها الجنية
قول فضلت اجمع واحوش
فى الفلوس لحد ما حسيت انى بية
كل ما امشى فى اى حتة
ابتسامة
واللى يمسحلى الجاكتة باحترام
واللى يشتم فى فلان
واللى يعمل بهلوان
واللى يفتحلى البيبان
واللى يمسحلى المكان
كل دى ..كانت اونطة
مش باخلاص او ارادة
اى ضحكة ..ابتسامة..
عليها اجرة
تبقى فين هى السعادة ؟
قولى يا صاحب السعادة
قولى قولى
ناس قالولى ان السعادة فى الغرام
ويا احسان او نوال
نظرة ثم ابتسامة
واخوك قوام طار فى شرك الجمال
الهوا شعلل فؤادى باللهيب
وفى هدايا فضلت اهادى لاجل اطيب
وانطفت نار القليل..لما بلتلى الحديد
وحلفتنى ميت يمين انى اكون مخلص امين
بعد حلفانى بيومين شوفت الحبيبة
وياة واحد ..والاكادة
انة صاحبى ..وهى عارفة
تبقى فين هى السعادة
قولى يا صاحب السعادة
قولى قولى
قولت احسن لما اشوف بنت الحلال
دى السعادة فى الجواز
قول نهايتة رحت دافع مهر عال
للعروسة وللجهاز
يوم كتبنا ويوم دخلنا عالزفاف
بعد جمعة خاب املنا بالخلاف
اشتيكلها فى الغرام ..تشتكيلى بالقليل
خياطتها ..والهدوم طلعوا مش اخر موديل
فكرها مشغول بصيدناوى وموباكو..والمقلم واللى سادة
اما جوزها مش ضرورى ..واجباتة
تبقى فين هى السعادة ..قولى يا صاحب السعادة
قولى قولى

Sunday, October 6, 2013

مسامحك


مسامحك مسامحك 
كفايه انى احبك 
ودى عندى بالدنيا 
فى قلبى رسمتك 
فى روحى حفرتك
ولا نسيتك ثانيه
بس دا كان غصب عنى 
كنت لما احس حبك 
جه عليه
بحسى انى خلاص ظلمتك 
واسقيكى ظلمى دا بايديه
بس اعرفى انى كنت بخاف عليكى 
كنت خايف انى اجرح بشوكى ايديكى
بس اعرفى انى هفضل احب فيكى
وانى هفضل جوه قلبك
مسامحك مسامحك
وكفايه انى احبك
  
  

نصر اكتوبر


اربعين سنه يا مصر ع النصر
وانتى عظيمه وارضك  قصر
ارض الشهداء والانبياء
ارض العلماء والاولياء
بس زى ما نفخر بماضينا
برضه نبص لمستقبلنا 
ودايما يا مصر من نصر ل نصر
وبقولها يا غاليه بكل فخر
بحبك ....يا مصر


Monday, September 30, 2013

الايام بتجرى



مش مصدق انه عدى سنتين بالسرعه دى ....مش مصدق ان الحب لسه ساكن قلبى 
مش مصدق بس اعمل ايه فى الدنيا هى كده بس ياريت تفضل كده
 ...اتغيرت حاجات كتير جوايا ...مشاعر ....افكار ....احساس ....ايوهه...اخ....زوج....حبيب...عاشق 
مهندس ...سباك .....نجار.....كهربائى ....مدرس ....دكتور ...طباخ.....بس الغريبه انى كل دول من غير ما ازهق ولا امل
بحب حياتى كده الحمد لله واتمنى انها تفضل كده دايما مع بعض التطورات ان شاء الله فى حياتنا واتمنى من ربنا سبحانه وتعالى 
انه يوقفنى ويحقق اللى اتمناه ويهدينى للطريق المستقيم بس اجمل نعمه ف دنيتى هى بنتى وزوجتى كل حياتى وبيتى ودنيتى 
كل فرحى وبسمتى ويارب يدوم علينا الفرح دايما وياريت اللى يقرى البوست دا يعرف ان المشاعر ملخبطه شويه بس هى دى الحياه احيانا بس بقى وقت الزعل ولو ثانيه واحده بيقى وحش قوى قوىوطويل قوى قوى ربنا لا يدوم الزعل 
اتمنى بعد سنين اقدر اكمل المشوار واقدر اكون زى ما انا نفسى اكون واتمنى لو ظلمت اى انسان يسامحنى 
ويعذرنى واكيد لو بيحبنى بجد هيقدر ظروفى واتمنى التوفيق لكل شخص عرفته 
مع تحيات 
انسان محتار بعد سنين بس 

Thursday, September 26, 2013

لو كان الامر امرى

لو كان الامر امرى ....لو كان فى شئ بيدى 
كنت اقدر اشتريلك جزيره ويخت فضى 
ت احلم اد حلمك ...واقول شبيك لامرك
وافرش فى السكه عمرى واجيب م البدر شمسك
انا زيك فقير..لا انا ساحر ولا امير 
بعيش اليوم بيومه اليل او كتير 

Sunday, September 22, 2013

يأسك وصبرك من رباعيات صلاح جاهين

يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر 

عجبي



Tuesday, September 17, 2013

قول احساسك


قول احساسك ..حتى الاحساس مبقاش يطلع
اشكى لناسك ولا نويت  م الناس تقطع
 اشرب كاسك ما كتير داقوا من كاس افظع 
رد وقولى هتعمل ايه 




Thursday, September 12, 2013

المشربيه


عرفت فيها الصبيه
وبكاها م المشربيه
وانكسرت الاميره
علشان دى شافت بعينها
مشفتش دا بقلبها
بس هيجى الشاطر
اللى هيمسح دموعها
علشان القلب صافى
ويفرح يوم رجوعهاا

Monday, September 2, 2013

اهو دا اللى صار


أهو دا اللي صار و أدي اللي كان
مالكش حق
مالكش حق تلوم عليا
تلوم عليا ازاي يا سيدنا
و خير بلادنا ماهوش في ادنا
قولي عن أشيا تفدنا
و بعدها بقى لوم عليا

مصر يا أم العجايب
شعبك أصيل و الخصم عايب
خلي بالك م الحبايب
دول أنصار القضية

بدال ما يشمت فينا حاسد
إيدك في إيدي نقوم نجاهد
احنا نبقى الكل واحد

Friday, August 30, 2013

تعبتينى



تعبتينى دى افكارك كلها عايشه ف الماضى
تعبتينى واسرارك كلها معايا وانا راضى 
تعبتينى وكنت زمان انا السجان وانا القاضى 
تعبتينى واقولك ايه دا كله كلام على الفاضى

Saturday, August 24, 2013

ايوا بحبك


ايوه بحبك .....ايوه بحبك 
ولاعمرى اقدر استغنى عنك
دا انتى الشمس اللى تدفينا 
وانتى القمره تنور لينا 
وانتى الحب يهل علينا 
وانتى حبيبتى وقلبى دا شايلك
ايوه بحبك .... ايوه بحبك
مهما تمر بينا الايام
برضه انتى فتاه الاحلام 
اللى حلمت بيها زمان
وجيت لوحدى لحد عندك
ايوه بحبك ... ايوه بحبك  

احساس


احساس جوايا انا صعب اوصفه

لما تلاقى اللى عرفته زمان طلعت ما تعرفه
والسبب ايه وعشان ايه مشاعره اختفوا
ممكن تكون الدنيا والايام بيغيروا
 بس الوعد كان بينا الصعب بايدينا نغيروا
ايه اللى جرى وايه اللى كان
 ولا نرجع تانى لايام زمان
 ايام ما كنا نحب بجد
 نحب من غير اى حد
 واسيب مشاعرى توصف وتوصف اللى ماتعرفش توصفه

Friday, August 23, 2013

اغلى من حياتى


انتى اغلى من حياتى 
انتى ذاتـــــــــــــــــــى 
انتى كل امنـــــــــياتى 
انتى احلى ذكريــــاتى 
انتى زمانى الحلو الأتى
انتى بتداوى اهــــــــاتى
انتى اغلـــــى من حياتى 

Tuesday, August 13, 2013

انا لما حبيتى هتكبر

انا لما حبيبتى هتكبر
والنعمه لتاكل الجو
فى جمال كده الله اكبر
يادوبك ابربش تحلو
فى كفه والبنات فى كفه 
اتولدت بسبسه فى اللفه
يومها كام بيبى فى المستشفى
وقعوا فبعض ما شفوها فى النو
فى كفه والبنات فى كفه 
اتولدت بسبسه فى اللفه
يومها كام بيبى فى المستشفى
وقعوا بعض ما شفوها فى النو
الف اة انا بحبك 
وبه بموت انا فى عيونك دوول
الشين شقوتك الغين غلوتك 
دى يوم بقيت مشغووول
طمطم
ميم ماكنتش اتصور
طمطم
ياسبحان مين صور
طمطم 
فى قمر كده منور
فى رقه كده معقووول
طمطم
ميم ماكنتش اتصور
طمطم 

Tuesday, August 6, 2013

تكبيرات العيد


الله أكبر الله أكبر الله أكبر لا إله إلا الله
 الله أكبر.....  الله أكبر..... و لله الحمد
 الله أكبر كبيرا........ و الحمد لله كثيرا
 و سبحان الله............. بكرة و أصيلا
 لا إله إلا الله.......... وحدة صدق وعده
 و نصر عبده و أعز جنده و هزم الأحزاب وحده
 لا إله إلا الله و لا نعبد إلا إياه
 مخلصين له الدين و لو كره الكافرون
 اللهم صلِ على سيدنا محمد و على آل سيدنا محمد
 و على أصحاب سيدنا محمد و على أنصار سيدنا محمد
 و على أزواج سيدنا محمد
 و على ذرية سيدنا محمد و سلم تسليماً كثيرا

Monday, July 29, 2013

ابحث عنك


قد تعرفين حبيبتى ان قلبى لك وحدك 
 قد تعرفين حبيبتى اننى لم اكذب 
 حينما قلت احبك فانا فى بحورك اغـــرق
فانا بحثت كثيراوكثيرا عليكى 
وشوقى يفيض ويفيض اليكى
بحثتت عنكى  بين الالاف القلوب 
فلن اجد الا قلبك اصدق
وبحثثت عن سهام تقلتلنى
فلن اجد الا سهامك اصوب
وانا ها هنا الان قد وجدتك
فانتى بين احضانى وسوف
اقولها ...بحبك ...بحبك



Tuesday, July 23, 2013

صباح الخير يا مصر



صباح الخير يا مصر يا يلادى 
صباح الخير والنصر لاولادى 
صباح الخير...... والقلب بينادى 
على نيلك على هرمك على الوادى 
على فرسانك وابطالك على الظالم على البادى
ونفوله اواعى تفكر تعتدى فى يوم على بلادى
هتلاقى الف شهيد وشهيد 
هتلاقى الف ايد وايد مستعدين لتدميرك
دا مش فضل يا مصر منا دا من خيرك
ونجيب النصر لاولادى 
صباح الخير يا مصر يا يلادى 


Saturday, July 20, 2013

رساله


ببدأ رسالتى واقول 
يا غاليه عندى على طول
ببعتلك اول جواباتى 
واقولك فيه تحياتى 
وادعيلى اللى ف بالى انول
يا غاليه عندى على طول
عمال الف بلاد وبلاد 
والاقى شوقى ليكى زاد
ومش عارف امتى الميعاد
اللى هكون ف حضنك واقول
يا غاليه عندى على طول
هانت وهان عليا الصعب 
علشان كل يوم بحس بقرب
علشان دعاك يا غاليه ليا
اللى فى بالى دايما انول
يا غاليه عندى على طول

Thursday, July 11, 2013

البحر والقمر


في يوم من الايام وقد كان القمر بدرا وكان مطلا على البحر ما اجمله من منظرولكن حدثت مناظره بين البحر والقمر
لهما حق فكل واحد منهما له صفات رائعه وساحره
القمر:هل رايت جمال ضوئي في هذا الظلام الكاحل فما اجملني من قمر
البحر:نعم نعم ولكن هل رايت اعين الناس الحائره عندما ينظرون الي فانا واسع كالحلم الذي لا نهاية له
القمر:انا الذي اذا نظر الناس الي وجدوا الدفء بلوني الفضي
البحر:وانا بلوني الازرق في الصباح ادخل البهجه في قلوب الناس وبلوني الاسود في الليل ينبهر الناس بسحر جمالي
القمر:ولكن الناس ينبهرون بجمالك في الليل بسبب انعكاس ضوئي عليك
البحر:فهل رايت امواجي التي تندفع كندفاع الحصان راكضا ركضا لا يريد ان يتوقف عنه
القمر:نعم ولكن هل رايت بريقي الفضي الذي يخطف الاعين 
البحر:وانا بريقي كبريق الدمع في الاعين
القمر:هل رايت سعاده النجوم وبهجتهم وهم حولي
البحر:وهل تعرف ماهو احساس المخلوقات وهم يعيشون في حلم واسع والجبال تقف من حولي تحرسني 
لا يوجد نهايه لهذه المناظره فهما وصف القمر نفسه لن يعطي نفسه حقه وكذلك البحر

Friday, July 5, 2013

غنيلى

غنيلى ....غنيلى زى الورود متغنى للفراشات
غنيلى ...زى النسيم الودود يسرى مع النغمات
غنى المحبه وتعالى ........زيدى نيران اشتعالى 
وناجينى بالهمسات 
غنى كأنك حوريه حره وصافيه ورقيقه 
  تبدأ سنينى الهنيه والمس جمال الحقيقه
غنيلى زى المطر ميبوس خدود الشجر
وناجينى بالهمسات 

Monday, July 1, 2013

البحر


 أيها البحر الواسع من يستطيع تفسير غموضك
 أنت و الجمال توأمان...... الجمال من فوقك
و الجمال في أعماقك....و الجمال في وجهك
فما اجملك عندما تذكرنى بالمحبوب وقت الغروب
وفيك اغرق همومى....... والقى اليك اسرارى 
فانت الصديق وقت ....الضيق احدثك بافكارى
احبك يا بحر بقدر خوفى منك وحرثى ان تفاجئنى
بمفاجاتك التى احيانا قد تبدو مزعجه واحيانا اخرى
قد تبدو اجمل المفاجات فى الكون فقد تطفوا على 
سطحك حوريه البحر التى سمعت عنها فى حكايات
الف ليله وليله وبحثت عنها بين امواجك وشعبك المرجانيه
فاليوم احدثك واشهد عليك السماء الزرقاء الصافيه فوقك
ورمالك الصفراء المليلئه بالمحار واللؤلو ومالا نعلمه 
فانا اريد بعد عام ان شاء الله ان احدثك وافرحك باننى 
قد حققت ما تمنيته فى هذا العام 

Friday, June 28, 2013

I LOVE YOU



عندما تعجز الكلمات عن الوصف 

Thursday, June 27, 2013

عاشق بحبك


 مكتوب وانا قلبى انا عاشق مدام عاشقك
 يكون راضى كده بحاله يكون حسك يكون شايفك
 مكتوب الحب جوايا يكون ليكى ولعنيكى عشان املك
الدنيا وجمالها وقلبى دا كله ملكك
مدام حبك كده مكتوب هيبقى خلاص بحبك

Monday, June 24, 2013

عيد ميلادك عيد سعيد


 يااااه......... عدت سنه وانتى يا غاليه حبيتى انا 
حبيبه ساكنه قلبى وروحى حبيبه بتدواى جروحى
 بايديها الصغنونه بتطبطب علياوتقولى بابا
تدمع عيونى وتدمع عيونها واحنا غلابه
 بس لما الحلوه تسكت تبقى ملاك م السما 
يااااه......... عدت سنه وانتى يا غاليه حبيتى انا 
بس لما حبيتى تزعل ...برضه ازعل عشان زعلها
اصل لعبتها يا عينى بازت وعروستها الهوا كسرها
ولا يهمك يا غاليه هجيبلك  ميت الف عروسه بدالها 
تفرح حبيتى وتقولى باباوتشاورلى انا عايزا مندا 
ضحكتها حلوه يا عينى عليها 
وابتسامتها دنيتى بتحلو بيها
وساعتها افرح وافرح كتير وتقولى ....بابا
يااااه......... عدت سنه وانتى يا غاليه حبيتى انا