Saturday, November 22, 2008

حــــيــــره قـــــمـــــر



فين الحبايب اللى كانوا بيسهروا يبصوا عليه
مين اللى خلى الدنيا غير الدنيا
ليه زمان تدى حب تلاقى حب
دلوقتى تدى حب تلقىَ قسيه
فين الحبايب اللى كانوا بيسهروا يبصوا عليه

فين الحبايب المستنين أخرج لهم
فين اللى خلوا حياتى جنه بحبهم
كنت بسعد لماأكون أنا جنبهم
دلوقتى راح فين الحنين والإشتياق والحب ليه
فين الحبايب اللى كانوا بيسهروا بيبصوا عليه

لما كانت عبله تسهر تبصلى وتقول كلام
وأما كان عنتر يفكر فى اللى شافه من الآلام
كنت بقدر ليه اوصّل ازاى هيا جبال حنيه
فين الحبايب اللى كانوا بيسهروا يبصوا عليه

لما كنت زمان بتسال عن حبيبك لما غاب
كنت بقدر انى أجاوبك وأرحم قلبك من العذاب
دلوقتى فين راحوا الحبايب ولا عاشوا فى دنيا تانيه
فين الحبايب اللى كانوا بيسهروا يبصوا عليه

140 comments:

M.K said...

أحجز أول تعليق...

M.K said...

الحمدلله أول تعليق ..
من نصيبي بعد عناء...
...........
رومانسي يا أحمد ...
أحمد يا رومانسي..
........
أولا جميل جدا إلي كتبته..
وأكيد مش غريب ...
بالعكس إحساس عالي..
............
فينهم...
لازالوا موجودين..
ولاكن خوفا من الأعين ..
إختبؤا من القمر أيضا..
...........
دمت بخير..
والى اللقاء في خاطره
أكثر أملا..

saragebaly said...

دايما باجي هنا ومش بعرف اعلق بحس ان الكلام بيهرب مني

بس فعلا كلامك جميل رغم الشجن اللي ماليه

بس الناس دي لسة موجودة ولسة فيه ناس كويسة بنقابلهم وهنقابلهم لسة

زي مفيه ناس مش حلوة فيه ناس حلوة برضو

وهتقابلهم في يوم من الايام

ربنا يسعدك ويسعد قلبك

دمت بكل الخير

سارة

Abo 7anf said...

السلام عليكم
الكلام جميل
البنحبهم موجودين
جايز مجاش اليوم النقابلهم فيه
ربنا يوفقك

riri said...

أصبح الحب يشوبه أمور أخرى
غير صافى زى زمان

الحب زمان كان معناه كبير أوى.. دلوقتى دخلت معاه حاجات كتييييير تانية ... مليون حاجة بقينا نحطها فى حسابنا قبل مانحب

فقدنا أسمى احساس فى حياتنا

موضوعك جميل اووووى وجديد

mohamed ghalia said...

لما كنت زمان بتسال عن حبيبك لما غاب
كنت بقدر انى أجاوبك وأرحم قلبك من العذاب
دلوقتى فين راحوا الحبايب ولا عاشوا فى دنيا تانيه
فين الحبايب اللى كانوا بيسهروا يبصوا عليه
الله عليك يا قلبى يا رومنسى
إ‘يه الكلام الجامد ده
دمت مبدعا كعادتك
تحياتى على تلك المشاعر الراقية

انسانةعادية فى عالم مش عادى said...

كالعادة احساس عالى جدا واباع من حضرتك بس ليه الناس بقيت مش بتعرف تقدر معنى الحب فى كل حاجة مش حب بين اتنين حب كل حاجة الظاهر بقينا مش بنعرف نحب

rovy said...

ليه الحزن فى كلامك اليوم يا رومانسى

الحبايب اكيد موجودين مش ممكن يضيعوا و فيه حد بيحبهم بالشكل ده

كلماتك كالعاده غاية فى الرقه و الرومانسيه و الاحساس الصادق

سلمت يداك

تحياتى

شمس النهار said...

غريب ان قمرك يسأل
بعد ما طلعوا القمر ورجليهم داست علي وجهه المنير
علي ماعملوا كده كان كل شئ دخل عصر غريب الشكل
كل شئ فيه اتغير وانداس
ومن الاول المنداسين كان الحب
كتير قوي اللي بيحبوا دلوقتي
بس قليل قوي اللي الحب بيحبهم
كلماتك جميله قوي

طـــائر الليــــل الحـــــزين said...

رومانسى
ايه بس مالك يا قمر محتار لية وايه اللى خلاك تحتار
---------------
فين الحبايب المستنين أخرج لهم
فين اللى خلوا حياتى جنه بحبهم
كنت بسعد لماأكون أنا جنبهم
دلوقتى راح فين الحنين والإشتياق والحب ليه
فين الحبايب اللى كانوا بيسهروا بيبصوا عليه
----------------
اكيد ايها الفارس الرومانسى
الحبايب مبقوش زى زمان مش عارفة ليه
زمان كان مصدر اول كلام للمحبين طبعا القمر
دلوقتى الوضوع اختلف
مبقتش حد كتير بيسهر يبص على القمر
مش عارفة ايه اللى حصل عمل كده حتى فى العشاق
الزمن اللى احنا فيه دلوقتى واضح انه لهى الناس حتى على انها تحب
و تبص على القمر
بس عشان خاطر الناس اللى لسه بتبص عليك مش عيزاك تدايق يا قمر
وقول لنفسك ان لسة ياما ناس بتستنى تطلع عشان تبص عليك
------------------------
زى العادة البوست جاااااااامد ومليان مشاعر وحنين للحب وللحبايب
تحيـــــاااااى
وبعدين تعالى هنا هو انت مخصمنى والا ايه

Lola said...

يا احمد الرومانسي
الحبايب راحوا وفى حبايب جايين ..لكن كلامك حيفضل موجود وكله حنين ..

لولا

Enta Omery said...

ده الي هو انا يا احمد
انا قاسيه للدرجه ديه ابقا اسال نفسك الي حصل ده حصل ليه وانتا تعرف انتا الي سيبتي يا احمد وانتا الي بعدت مبقيتش ع اي حاجه مبقتش ع اي حاجه ولو بتتعذب يبقى مش ذنبي
كان ممكن تحاول تاني
أو تحاول تثبتي انك بقيت ع اي لحظه من اللحظات ديه

N.Ali said...

انت تحفةةةةةةةةةةةةةة
رائعة جدااااااااااااااا وهدي مش مجاملة ع فكرة ديما لما نمر من جنب مدونتك نلقي شئ يشدني ونخش نشوف جديدك ونلقي شئ يعجبني نهنيك وخليك باصص للقمر حتي لو مفيش حد تاني

princess said...

بص فى حكمة بتقول "maybe God MAKE US MEET AFEW WRONG PEOPLE IN LIFE SOAS TO APPERCIATE THE RIGHT ONES WHEN WE MEET THEM"
اعتبر اى حد تقابله ويطلع مش زى ما انت متخيل او حتى يتغير فى نص السكة انه حد فائديته بس انك تحس بقيمة اللى هتقابله بعد كده:)
وعلى فكرة الناس الكويسة كتير بس المشكلة انهم مش بيتاقبلوا:)
ودى مشكلة عويصة
بس اكيد فى حكمة فى كده
تحياتى

mahasen saber said...

دلوقتى فين راحوا الحبايب

بصى يا رومانسى حاجه من اتنين لماتو لاما بطلوا يحبونا لاما ركبوا خط مترو غلط.....

blue-wave said...

حلو الكلام
تسلم دماغك

طوبة ذهب وطوبة فضة said...

عزيزى الحب شىء جميل راح مع كل حاجه حلوه راحت من حياتنا بقى فى الف ليه وازاى والف اه وانين بتخرج عشان تقول انك حبيت واحيانا ممكن تكون اضعف من كل ده واقل من انك تواجهه فبتستخبى منه عشان ما تشوفهوش عشان كده مات الحب وانقرض العشاق ولم يعد لهم وجود الا فى الروايات

صفاء said...

حديث جميل للقمر

وان كان القمر حاسس بالاهمال وبفقدان القيمه او شعور بالهجر يمكن

لكن هو أكيد اكتر واقرب رفيق للمحبين على مر الزمن

إنجى said...

ياتري هما كمان بيسألو نفس السؤال؟؟؟؟؟

ولا نسيونا ونسيوا حتي السؤال

تحفة تحفة تحفة
يا رومانسى

تحياتى

MISS\GH said...

الله عليك بجد يا رومانسى فعلا كل كلامك حقيقى دلوقتى تدى حب تلاقى قسيه
موضوعاتك دايما متميزه وواقعيه وفى نفس الوقت رومانسيه
بحييك بجد على احساسك الجميل

صوت من مصر said...

ماشى ياعم نظار
تسلم يا فنان ؟

hager za3bal said...

احساسك عالي جدا زكلماتك رائعه يا رومانسي
دايما كدا مخليني منبهره
ليه زمان تدى حب تلاقى حب
دلوقتى تدى حب تلقىَ قسيه
بس انا ليا تعليق
الموضوع مش متعلق بالزمن
اختار صح حب بجد واتحب بجد هتدي حب وتلاقي حب وعشق..
وهتلاقي الحبايب اللي بيسهروا يبصوا ع القمر وحبوا جمال الليل..

معلش مقصره معاك يا رومانسي ومش عارفه اتابعك زي الاول بس ياريت تعزرني عشان عندي امتحانات ميد تيرم.. ادعيلي
:)

تحياتي

imagine said...

سلام
فين..فين..فين...
جميل جدا..بس مش لازم نفضل نسأل كده دايما...لازم نشفهم ونكلمهم مش يمكن هما كمان بيسألوا علينا؟؟؟؟؟
تحياتي

Selfmeaning said...

بصراحة و انا بقرأ البوست مكنتش مصدقة ان انا فى رومنسى حسيت فجاة التفاؤل بتاعك اختفى و بدأ اكتئابى يأثر عليك

My Hope$ said...

هقولك فين
الزمن دلوقتي غير الزمان
كان زمان حياتهم حلوة
عندهم وقت وراحة بال
مفيش غلاء
مفيش اسعار شقق غالية
مفيش فساد
مفيش بنات مش هاممها حد
كان فية حياء
كان فية نظام
كان فية حب للحب
دلوقتي اي بنت مابتصدق
تلاقي حد
وتقول اهو انقذ نفسي من العنوسة
والحب هيعملي اية
ولا هينفني با اية
زمن المادة
زمن الناس بتبيع نفسها علشان
تجيب فلوس
يبقي مش هيبعو غيرهم
بس المهم ان التساؤلات طالعة منك جميل
وفين فعلا اللي كانو بيصو علية
علي فكرة
انا ببص علية وبحبة قوي
بس للاسف ببص علية لوحدي هههههههههههه
سلامممممم

esraa said...

مش يمكن القمر معدش عنده اجابه
وعشان كده بطلو يبصوله ويسألوه؟

يوميات نائمة في الأرياف said...

حلوة اوي الاغنية دي يا رومانسي
انت مش فكرت تنشرها؟
رنا

enjy said...

دلوقتى حضرتك بيعملوا شات مع بعض او بيبعتوا اس ام اس القمر موضة قديمة

مولان said...

لا لسه القمر الحبايب بيكلموه ويسهروله

القمر هو سر حياه المحبين

بنفضل نناديه وفي النجوم بنعد

والنجمه الشقيه بتكلمنا وبتداعبنا واحنا سهرانين

romansy said...

M.K
اول تعليق من الامارت
اهلا بيكى
يارب تكونى بخير
بشكرك على كلامك
بس انتى شايفه انه موجودين
اومال ليه القمر حزين بس

شكرا عزيزتى
تحياتى

romansy said...

saragebaly
اهلا بيكى يا ساره
ليه بس الكلام بيهرب
انتى عندك القدره انك تقوليه زى ما هو اكيد يا عزيزتى فيه ناس كويسه والا الدنيا بقت غابه اكتر ومش بقت دنيا
بس اكيد فيه حب
بس مش زى الاول

نورتينى يا ساره

romansy said...

Abo 7anf
اهلا بيكى يا صديقى

ممكن يكون مجاش اليوم اللى نقابلهم فيه
بس لما نقابلهم
مش عاوز منهم لف ودوران
عاوز بس الحب منهم
مش اكتر

romansy said...

riri
اهلا بيكى
فقدنا احساس الحب لانه ابتدى يدخل فيه المصلحه
ومش عارف ليه اللى بيحب بيقولوا عليه ضعيف بس

تحياتى

romansy said...

mohamed ghalia
اهلا بيك يا صديقى
شكرا على كلامك الجميل
ومش عارف بس اقدملك ايه
غير كلامى اللى بيعجبك دا

تخياتى

romansy said...

انسانةعادية فى عالم مش عادى
اهلا بيكى يا عزيزتى
مش عارف انا حسيت ان القمر نفسه يسال الاسئله دى
ومش عارف فين الحبايب اللى كانوا بيسعدوا
دلوقتى الحب بقى هات وخد

مش عارف ايه اللى حصل

تحياتى

romansy said...

rovy
اهلا بيكى
اولا انا مقدر مشغلك كويس
ربنا معاكى
اقولك بقى
مش ممكن يضيعوا لو الاتنين بيحبوا بعض بنفس الدرجه
مش حب من طرف واحد
وياريت يحسوا ببعض اكتر
علشان القمر يكون مبسوط

تحياتى

romansy said...

شمس النهار
اهلا بيكى يا شمس
معلش بقى
انا قولت الكلام اللى القمر نفسه يقوله
لما يكون يوم 14 بحس ان القمر مش سعيد مش عارف ماله وبقى بيدارى تحت السحاب بعدد ما كان بيقاومها
مش عارف ليه
اكيد علشان مش زى زمان

تحياتى

romansy said...

طـــائر الليــــل الحـــــزين
اهلا بيكى
انا مقدرش اخاصمك لو خاصمتك كان بخاصم نفسى
انتى كده خدتى بخاطر القمر انا شوفت الفرحه فى عينه بعد ما كلامك اثر فيه
وحس انه مش لوحده
وان فيه ناس لسه بتسهر علشان تبص عليه وتكلمه
وصدقينى بعد كلامك دا مش هيحتار
ولا هيدايق

تحياتى
يا طبيبه القلوب

romansy said...

Lola
اهلا يا لولا

هى الدنيا كده حبايب راحين وحبايب جايين
بس اقولك حاجه الحب موجود فى القلب للحبايب الاولانين وعمره ما هيتنسى
بس احنا مش لازم نزعل القمر


تحياتى

romansy said...

Enta Omery
اهلا بيكى يا عزيزتى
القسوه والحب مش بايدينا
احنا لو بنتكلم عن القمر فالقمر الحقيقى قاسى قوى كله صخور وحجاره ورمل ودى قسوه الزمن عليه والطبيعه
بس القمر اللى انا عارفه من بره يملا الدنيا نور
ويكون صديق وحبيب للى بيحبوه
مهما سافر ومهما لف فى الدنيا الواسعه اكيد القمر معاه ومش هيسبه
مهما بعد عنا القمر
ومهما عاب
هو لسه قريب منى
ومش هنساه ابدا

تحياتى

romansy said...

N.Ali
اهلا بيكى وبنسيم ليبا
ايوه كده ادينى امل
نفسى القمر مش يزعل وعاوز يعرف انى بحاول اصبره واصبر نفسى معاه
واقوله اطمن يا قمر مش تزعل
احبابك فى كل مكان
لبيا ومصر

تحياتى

romansy said...

princess
اهلا بيكى يا اميره
ايه اخبارك
يارب تكونى كويسه
الناس الكويسه بتقابل بس الناس الكويسه
علشان كده ربنا بيجزيهم خير على معاملتهم الطيبه
بس الزمن اللى احنا فيه مش عارف ايه اللى حصل
اختلف فيه حاجات كتير قوى حتى الحب
بقى ليه وقت وليه ميعاد

تحياتى يا قمر
بس القمر السعيد

romansy said...

mahasen saber
اهلا بيكى
نورتينى بعد غياب
تفتكرى كده
يعنى بس ندور عليهم فين كده القمر هيغضب علينا ومش هيطلع تانى
تحياتى

romansy said...

blue-wave
اهلا يا دكتور

شكرا يا دكتور
ربنا يخليك
يارب يكون الموضوع عجبك

تحياتى

romansy said...

طوبة ذهب وطوبة فضة
اهلا بيكى يا دهب
ايه اخبارك وصحتك عامله ايه
مش عارف اقولك ايه غير انى ممكن اكون مختلف معاكى شويه
انا لما القمر بيدور على حبابيه ومش بيسهروا معاه
بس اكيد فيه واحد ولا اتنين
دول لسه بيحبوه
بس ممكن يكونوا جهم غلط فى عالم بقى مليان قسيه

تحياتى

همس said...

اكيد موجودين حوليك

بس دقق

ولا اقلك خلى احساسك يوصلك ليهم

واكيد هتعرفهم


تحياتى

حبيبة الروح said...

اسال الرومنسيه الي ضاعت والقلوب الي اتحجرت والمشاعر الي بردت والعيون الي بقت تعشق اكتر ما بتشوف والقلب الي مبقاش يحس باقرب الناس ليه وحتي لو حس بيقسي عليهم حتي لو قسوته تموتهم
جميله يا رومنسي
تحياتي

د/ رامي شهاب الدين said...

الحب كان ولا يزال موجودا

ولكن .. الحياة لم تعد كما فى سابق عهدها

فقد كثرت المشكلات ، وزادت الأزمات فى الحياة

كل هذا أدى إلى أن يخفت وهج الحب والرومانسيات

وأن يغلب صراخ العقل على همس القلب المحب

هى مجرد فترة أتمنى ألا تطول

دمت بكل الود .. تحياتى

انا حره said...

مش عارفه ليه مبعرفش اعلق على اى كلام رومنسى وحلو اوى كدا

مش بلاقى كلام

EMMY BABY said...

متحترش كتير يا قمر الحبايب مبقوش موجودين والحب بيحاول يخرج بس مبيلقيش اللى يقدره لما خلاص الحب قرر يبعد ويروح للى يقدره

NO LOVE NOW

تسلم ايدك يا رومانسى

تحياتى

ايمى

salwa said...

السلام عليكم رومنسي
كلام رائع
المشكلة ان الوفاء اصبح عملة نادرة
سلام

زُمُرده said...

مين غيري هيقولك راحوا فين
الحبايب بالحب لسه مليانين
اشواقهم جوا قلوبهم مدفونين
واقفين بعيد وعيونهم مستنيين
للحنين والذكريات متشوقين
ياخدوا خطوه ويقفوا سنين
عن عيون الناس مداريين
خوف من دنيا بتجرح العاشقين
وقلوب بشر عليهم قاسيين
وعيون جارحه تدبح المساكين
كل ذنبهم انهم حبايب صادقين
--------------------
بوستك جمييييييل
وكلامك كله احساس لمسني اووي
وخلاني ارد بكلماتي اللي فاتت
واتمنى تقبلها

رفقة عمر said...

المشكله ان الابراج والعاليه وناطحات السحاب اخفت القمر خلفها
يمكن كان له اهميه زمان ايام الصفاء وراحه البال
الكلمات جميله

ضد التيار said...

رومانسى التفاؤل

مال الحزن فى كلامك و الحيره ليه ؟؟؟

بقى انا بقول هاتفائل بالعند

): و اجى الاقي بوست حزين

الحبايب موجودين لكن

ماعدتش الدنيا صالحه انهم يبصوا للقمر و يحكوا ليه

ابقى طمنى عليك

Sometimes said...

:(
ليه كده
عايزة حبة تفاؤل

جوجو said...

السلام عليكم

ازيك يارومنسى

الله بجد بوست رائع وكلام جميل كعادتك

دلوقتى فين راحوا الحبايب ولا عاشوا فى دنيا تانيه

هما اكيد عاشوا فى دنيا تانية

تحياتى

منى said...

راحوا يزودا رصيدهم فى البنك
او يدوروا على اجه جديده يشتروها
او جايز قاعدين على النت
الدنيا بقى فيها حاجات كتير اوى خلت الناس مشغوله ومستعجله بس اكيد لسه فيه ناس بتحب تشوف القمر
تحياتى

اجندا حمرا + هارت بيت said...

عزيزي رومانسي

كلمات رقيقه و حساسه و فعلا ياصديقي الزمن مابقاش زي الزمن الجميل القديم
الماديات طغت علي كل حاجه حلوه في حياتنا لكن طول ماحنا عايشين اكيد فيه امل في بكره احلي
تحياتي و امنيات بكل الحب لك

وردة said...

القمر مبينقلش غير الاحاسيس الصادقة بين المحبين
علشان كده القمر بيغيب من سما الممثلين او اللي بيدعو الحب
واظن ان واحد بمشاعرك المرهفة واحسيسك الجميلة ديه حيكون القمر دليله في اي مكان

HAPPY said...

رومانسى
لسه الحبايب اللى بيبصوا للقمر ويحكوا للقمر ويشتكوا للقمر موجودين..
الفكرة عجبتنى
تحياتى

romansy said...

صفاء
اهلا بيكى
اكيد القمر مش لاقى محبيبه زى زمان
بس ليه كده
اكيد لازم يزعل لغايه لما يكون فيه محبيبن

تحياتى

romansy said...

إنجى
اهلا بيكى انجى
ايه اخبارك
السؤال هيخليه محير قلوب كتير
لما يكون فيه حب هتلاقى القمر ينور حياتنا بحب زى زمان

تحياتى

romansy said...

MISS\GH
اهلا بيكى يا استاذه
شكرا ليكى على تعليقك الجميل
وانتى كمتن موضوعاتك اجمل بكتير
ومتميزه
تحياتى

romansy said...

صوت من مصر
اهلا بيكى يا محمد
يا عم مش نزار ولا حاجه
انا على قدى خالص

شكرا يا باشا

تحياتى

romansy said...

hager za3bal
اهلا بيكى يا هاجر
ايه اخبارك
ربنا معاكى فى الامتحانات
كفايه بس كلاماتك
اللى شرفتينى بيها
وعلشان نختار صح اعمل ايه
انا بختار اللى حبها قلبى
واللى حس بيها
تحياتى

romansy said...

imagine
اهلا بيكى
مش عارف هنفضل لغايه امتى نحب والقمر غايب عنا
هو الحب يحلى الاعلى ضوء القمر

تحياتى

romansy said...

Selfmeaning
اهلا بيكى
لا ابدا يا عزيزتى
التفاؤل موجود دايما
بس دا حيره القمر فيها
ممكن تكون حيره علشان يشوف حل للحبايب
اللى مش بقوا حبايب

ويتمنى انهم يرجعوا تانى

ياريت يا عزيزتى اتاثر بيكى
واكيد هكتب كلام احسن من دا بكتير

تحياتى

romansy said...

My Hope$
ههههههههههههه
اهم حاجه مش تزعلى القمر ابدا
احنا مش عاوزين نزعلوا
نخليه ينور طريقنا بنوره الجميل
وبعدين فعلا الماده
والحياه شغلت الناس عن حاجات كتير حلوه فيهم
تحياتى
يا عزيزتى

romansy said...

esraa
اهلا بيكى
لا ابدا ياعزيزتى
القمر عنده اجابه لكل التساؤلات
ويتمنى انه بس حد يساله
ويجاوبه
هتلاقى عنده اجابه
وان مش جوابك
اكيد هيسال النجوم
احسن هو ديمواقراطى قوى

تحياتى

romansy said...

يوميات نائمة في الأرياف
اهلا بيكى
رنا
ايه اخبارك
ربنا يخليكى
دى مشاعرى
مش بحب انشرها الا للناس اللى بحبهم بس
وانا كتبتها علشان
القمر حيران
تقدرى بقى تجاوبى على سؤاله

تحياتى

romansy said...

enjy
اهلابيكى
ههههههههههه
يعنى مفيش حد فاضى ولو لحظه
اقولك حاجه اسالى القمر
وانتى على البحر كده
هتلاقيه زعلان مووووت
القمر وانتى على البحر شئ تانى

تحياتى

romansy said...

مولان
اهلا بيكى يا مولان
اقولك
بقوا نادرين قوى اللى بيكلموا القمر ويعدوا النجوم
مش عارف ليه
بس اللى اقدر اقوله انى اتمنى اننا نرجع للقمر فرحته تانى

تحياتى

romansy said...

همس
اهلا بيكى
همس
موجودين حواليه
اتمنى انهم يكونوا موجودين هناك
حول مدار القمر
يمشوا معاه فى كل لحظه
يدخلوا تحت السحاب معاه
يشوفوا بيتعذب قد ايه
علشان يقاوم السحاب ويظهر لهم
بس اتمنى انهم يكونوا موجودين
تحياتى

romansy said...

حبيبة الروح
اهلا بيكى حبيبه
ما القمر زعلان علشان كده
بس يعمل ايه ويشتكى لمين بس
عمال يشكى
بس فيه حد لسه بيص عليه
بيتمنى

تحياتى

romansy said...

د/ رامي شهاب الدين
اهلا بيك يا دكتور
يارب الفتره مش تطول
علشان نرجع للقمر فرحته تانى
انا عارف ان ضغط الحياه
اثر علينا
بس مفيش مانع اننا نبص على القمر ولو نظره كل يوم 14 فى الشهر

تحياتى

romansy said...

انا حره
اهلا بيكى
احسن حاجه انك مش تتكلمى
لانى بالفعل حاسس انك عاوزه تقولى ايه
كفايه وجودك
بس
تحياتى

romansy said...

EMMY BABY
اهلا بيكى يا قمر
بس انتى القمر اللى دايما مخلص
وبينور الدنيا بحب وعلشان بس ينورها
مش عارف اقولك ايه
هما اكيد الحبايب موجودين
بس مش زى الاول
رومانسين بس مش زى الاول
بيحاولوا ممكن
بس لاسف مش قادرين ينجحوا
اتمنى انهم ينجحوا
تحياتى

romansy said...

salwa
اهلا بيكى
سلوى
الوفاء
والاخلاص
ومعظم الصفات اللى اندثرت مع الزمن
تحياتى

romansy said...

زُمُرده
اهلا بيكى زمره
ايه الاخبار
انتى كويسه دلوقتى
ليه بس خايفين يا زمرده
ليه مش يخافوا على بعض بس
اكيد هيبقوا اقوى
بكتير من ان كل واحد خايف على مصالحه الشخصيه بس

اكيد فيه حاجه لازم ترجعهم تانى
ياريت نقدر نشيل الخوف من جواهم
علشان نسعد القمر

تحياتى

romansy said...

رفقة عمر
اهلا بيكى
مش عارف ممكن يكون كلامك صح
بس ليه مش نحول الابراج الى مكان نبص فيه للقمر اللى بيحاول يظهر بس احنا قافلين عليه الطريق

تحياتى

romansy said...

ضد التيار
اهلا بيكى
ايه اخبارك
فين بقى ياقمر
ومش فاضين ليه
مش فاضين ساعه فى كل شهر
علشان يفرحوا الملاك الحزين
اكيد يبقوا مش بيحبوا بعض
تحياتى

انا الحمد لله كويس
بس الشغل بقى

romansy said...

Sometimes
اهلا بيكى
التفاؤل موجود
بس يعنى مش هنضغط على الزرار هنخرجه
كل شئ محتاج شويه تفكير
دى مجرد حيره شوفتها فى عيون القمر

تحياتى

romansy said...

جوجو
اهلا بيكى يا جوجو
ايه اخبارك وفينك من زماااان
ومفيش بوستات جديده ليه
ياريت تكونى كويسه
الحبايب اكيد عايشين فى دنيا تانيه
بس مش يزعوا بقى القمر اللى هناك احسن تبقى مشكله كبيره
نعقد بيها اقمار الارض والكواكب
كلها
تحياتى

romansy said...

منى
اهلا بيكى يا منى
لو بيذوا رصيدهم فى البنك
طب ليه مش بيذودا رصيد مشاعرهم
يملوها حب شويه
اكيد هيحس بتغير تانى

تحياتى

romansy said...

اجندا حمرا + هارت بيت
اهلا بيكى
ياريت يكون فعلا فى امل فى بكره ومش نزعل القمر اكتر من كده
تحياتى

romansy said...

وردة
اهلا بيكى ورده
صديقه عزيزه
ياريت القمر يكون دليلى
بس ايه الفايده ان يكون دليلى فى دنيا مش فيها بشر كويس
تحياتى
يا عزيزتى
ونورتينى

romansy said...

HAPPY
اهلا بيكى
ياريت يا عزيزتى
يكونوا موجودين ومش يزعلوا
وهو هيطلع احسن منهم
ويكون لهم نور الدنيا
وجمالها


تحياتى

دعاء مواجهات said...

كلمات الاغنية حلوة اوى يارومانسى باشا

لية مش تنشر اغانيك على الملحنين؟؟

عاوزين نسمع عنك خير

بيس

DoNyA said...

الحبايب دايما في القلب
مهما طال البعاد
ومهما بعد المكان
داما مكانهم في القلب

كلمات جميله
خارجه من قلب اجمل

مودتي

MAKSOFA said...

يااااااااااااااااااااه

تعالى شوف الوجه اللي عندي كمان

قلب شاعره said...

تفتكر فين الحبايب الى كانوا بسهروا يبصوا عليه ؟؟
تفتكر همه فين ؟؟ ماتوا ولا لسه عايشين ؟
سؤال طارح نفسه ؟
جميل الكلام ويثير شيئا من الحيره ومحاولة البحث عن الاجابه ...
تقبل تحيات قلب شاعره ....

Selfmeaning said...

بلاش تتمنى انك تبقى زى حالتى
لانك لو بقيت
مش تعرف تكتب اى حاجة
من الاحسن خليك كده
رومنسى

الراجية عفو الله said...

السلام عليكم ورحمة الله وبركاته
لدي مشكلة عرضتها في مدونتي
http://la7zat200.blogspot.com/
ارجو اعاطئ رأيك

شكرا

مـجـنـووون said...

كلمات رقيقة وأحساس فوق الوصف


****************

الدنيا بتتغير وبقي من السهل الناس تبيع وعلشان حاجت رخيصة

*****************

والله انت قلبها حزن قوي

ومن الأخر انت بالبوست ده غلبتني في الغم والنكد

تقبل مروري
مجنووون

My Hope$ said...

عملتلي هيصة وعيد ميلاد بجد بجددددددددددددد


مش عارفة اقول اية لان شكرا كلمة بسسسسسسسسسسسيطة وشوية قوي


بس فرحتني جدااااااااااااااا بالهدية ربنا يكرمك يااااااااااارب

وانت طيب
واحنا زمل في
شهر واحد اةةةةةةة



نووووووووووورت بجد


مبسوطة ككككككتير وفرجتها لماما واخوية اتبسطو قووووووووي


سلاممممممممممم

حـــــ الــجــنــة ـــــور said...

السلام عليكم
أخي الفاضل بجد كلماتك عذبه وإحساسك فيه شجن وصلني مع كل حرف بس الأحباب مايتشافوش بالعين دول يتحسو ويتشافو بالقلب الطيب خلي إحساسك بقلبك قوي علشان تقدر تشعر بوجود كل حبيب غالي وتقدر تعيش الحب بكل سعاده والهنا لأن مش مهم نحب بس مهم جداا نحس الحب ونغرق في همسات الحنين الموجوده بكل قلب بريء بجد لسه الدنيا بخير
دائما عودتني تضفي رونق الجمال والإحساس بعباراتك على فيض خواطرنا تسلم
في إنتظار إبداعاتك يا رومنسي باشا
دمت بكل خير وصحة
تقبل مروري وخالص تحياتي لشخصك الكريم وقلمك المبدع

حـــــ الــجــنــة ـــــور said...

على فكره القمر حيران علشانك إنت لأنو بيحبك جداا وشايفك في حيرة وتعني علشان كده هو زعلان ياريت تبطل تزعل وتفاؤل لأن زي ما إنت حد كويس وطيب حتلاقي حد زيك لأن في ديننا الحنيف الطيبون للطيبات وأكيد حتلاقي السعاده بيوم ما عايزه منك صبر وبلاش تقهر القمر معاك لأنو إشتكالي منك هههه
عذراا على الإطاله

نيرة و منةالله said...

جميل
طيب هما فين
:)

mahasen saber said...

انتا لسه فى بوست القمر
افتكرتك رحت عطارد
يعنى افتكرتك كتبت بوست جديد

PrInCeSS BeRy said...

الرومنسى العثل ما اجمل كلماتك المتلحنة واحساسك الجميل بجد كلها احساس ويارب يرجعلك الامل فى الحب اللى يعيشك سعيد

تحياتى لرقة احساسك

مقتطفات من حياة فتاة said...

جميل اوي الكتبو
والموضوع حلو اوي

Foxology said...

جميلة والله خصوصا الجملة المتكررة

فين الحبايب اللى كانوا بيسهروا يبصوا عليه

هتلاقيهم اكيد يا رومانسى بس مش الكومنتات فى البلوجات :)

تحياتى :)

dina said...

الله
بجددددد كلام رائع و مؤثر و الاحساس عالى جدااااااااا
تحياتى

kochia said...

الموضوع حلو بس موده لتحت شوية
بس حساس
وساعات للاسف ناس بتحس الشعور ده
فين الحبايب

مشمشه said...

يا رب لو ليك نصيب مع الحبايب دول تلاقيه ولو مش فى نصيب تلاقى حبايب يحبوك اد الحب الى بتديه واكتر ربنا يكرمك بالخير دايما يا رب

عازفة الأوتار said...

فين الحبايب يا قلبى يا سايب جرحك يقدر عليك
بيع اللى باعوا دول هما اللى ضاعوا و امسح دمعة عنيك

دى أغنية لخالد سليم اسمها فين الحبايب
اسمعها بجد ماشية مع البوست جدا

تحياتى

تائهه في بحر الحب said...

..... رومنسي
جمميل قوي انك تحكي وتعيش مع القمر لانه اكتر حد ممكن يرد عليك من غير خداع كفايه عند ضيقك انك تنظر اليه وتري وجها يبتسم بالرغم من انه يري كل مساؤ البش في كل مكان وكانه يقول هناك بريقه امل اعتقد ان هناك متحدثين كثيرين له من منا لا يريد ان يبعد عن تزيف وخداع البشر فليس لنا مكانا الا القمر
بحييك بوست رائع

shamosa said...

كلمات جميلة تسلم ايدك عليها

البحث عن أنا شىء جنونى said...

يله ضيف / ضيفى مدونتك حسب القسم بتاعك وخلى العالم يتعرف عليك

وادى لغيرك فرصة يقرا خطوط قلمك

خلى البحث عنك اسهل

اتبع اللينك ده

مدونه كل العرب

http://arabwriters.blogspot.com/

اقصوصه said...

هذه هي الحياه

دائما تبعد عنا من نحب

ودائما تبخل علينا بلحظات السعاده

فلا توهبنا منها سوى القليل

تقبل مروري

romansy said...

دعاء مواجهات
اهلا بيكى يا دعاء
ربنا يخليكى
بس انا لما بكتب حاجه مش بفكر اديها لحد
المهم تكون ليه وبحس بيها


تحياتى

romansy said...

DoNyA
اهلا بيكى يا دنيا
اوقات القلب مش بيلاقى حد يواسيه
وحد يقف جنبه
بس بيحاول يقف تانى
ويفكر
ان يكون قلب قاسى
بس لاسف دايما بيفشل
تحياتى

romansy said...

MAKSOFA
اهلا بيكى
فى اول زياره ليكى
حاضر
هروح اشوف
تحياتى

romansy said...

قلب شاعره
اهلا بيكى
مش عارف هما فين
لو تعرفى
ابقى قولى
ليه


تحياتى

romansy said...

Selfmeaning
بجد بجد
اتمنى ان اكون جزء من احساسك

الجميل اللى مش تلاقيه عند كتير زيك
بس اكيد الفرج جاى

تحياتى

romansy said...

الراجية عفو الله

اهلا بيكى


حاضر هنشوف المشكله

تحياتى

romansy said...

مـجـنـووون
اهلا بيك يا صديقى العزيز
مش حزن
بس نفسى يكون الحبايب زى زمان
وياريتنى
زيك يا باشا
انا اطول

تحياتى

romansy said...

My Hope$
عيد ميلاد سعيد
وكل سنه وانتى طيبه
يارب الهديه تكون عجبتك
يارب

تحياتى

romansy said...

حـــــ الــجــنــة ـــــور
اهلا بيكى يا عزيزتى
مش عارف اقولك ايه
القمر حيران علشان مش لاقى حد يواسيه
وكمان لانه حاسس انه بقى وحيد
مفيش حد بيسال عليه زى الاول
تحياتى

romansy said...

نيرة و منةالله
اهلا بيكى
نورت البلوج

شكرا ليكوا

تحياتى

romansy said...

mahasen saber
اهلا بيكى سيدتى المشهوره
انا مش رايح اى كوكب تانى
غير لما اصالح القمر واشوفه ماله
لانه شكل كده الزعل هيطول

تحياتى

romansy said...

PrInCeSS BeRy
اهلا بيكى
يا اميرتنا
يارب يا اميره
ربنا يديم السعاده علينا يارب

تحياتى ليكى

romansy said...

مقتطفات من حياة فتاة

اهلا بيكى
نورتينى
ذاكرى
علشان تيجى مصر

تحياتى

romansy said...

Foxology
اهلا بيك
يا احمد
ايه اخبارك
انت عارف
نفسى الاقيهم
بس القمر زعلان قوى يا احمد
تحياتى

romansy said...

dina

اهلا بيكى فينك من زماااان

منوره بعد الغيبه الطويله دى
شكرا ليكى على كلامك الجميل

تحياتى

romansy said...

kochia
اهلا بيكى
موده دا ياريت تسالى القمر عليه ليه هو كده
وليه دايما حزين
وبرضه القمر بيسال سؤالك
تقدرى تجاوبيه

تحياتى

romansy said...

مشمشه
اهلا بيكى
اه الموضوع موضوع نصيب
بس ليه بقى نزعل القمر منا
ياريت دايما نكون كلنا فى سعاده ونسعد القمر معانا

تحياتى

romansy said...

عازفة الأوتار
اهلا بيكى
نورتينى
حاضر هسمع الاغنيه
اكيد جميله
واحس بيها قوى
تحياتى

romansy said...

تائهه في بحر الحب
اهلا بيكى
ليس لنا مكان الا القمر
نحكى له ما جرى لنا
فان القمر يتمنى من يشتكى له
ويحكى له مثل الماضى
تحياتى ليكى

romansy said...

shamosa
اهلا بيكى
وبزيارتك الاولى
يا اجمل شموسه


تحياتى

romansy said...

البحث عن أنا شىء جنونى

جارى التنفيذ

تحياتى

romansy said...

اقصوصه

وما نحنتاج منها الا القليل
لانها لا تعطى غيره

تحياتى

شخـا بيــط مـحـجـوب said...

اخبارك ياعم رومانسى عامل اية يارب تكون بخير
لية كدة ياعم الكلام دة اكيد كل الحبايب موجدين حواليك ممكن الواحد يفتكر ان مفيش حد موجود جمبة بس لو شاف جمبة اكيد هيشفهم
تحياتى ليك
محجوب

romansy said...

شخـا بيــط مـحـجـوب
اهلا بيك يابو حميد ايه اخبارك
ربنا يوفقك يا احمد

تحياتى

ANGHAM ALLAM said...

كلامك جميل اوي يا رومنسي

كل سنه وانت طيب ياجميل

romansy said...

ANGHAM ALLAM
يا سلام على احلى انغام

كل سنه وانتى طيبه
كلامك اجمل بكتير


نورتينى

Muslima said...

رائعة يا ورمانسى بجد
فعلا معاك حق
فين الحبايب اللى كانوا بيسهروا بيبصوا عليه

مع تحياتى

romansy said...

Muslima
بشكرك يا مسلمه على اهتمامك بمواضيعى
كل سنه وانتى طيبه

فراشة said...

هايل يا احمد بجد جميل
دائما كنت اشعر اننى كلما نظرت للقمر فهو يهمس فى اذنى
لكنى كنت حائرة لا اعلم بالضبط ماذا يريد ان يقول اما الآن فعرفت ماذا يقصد عندما قرأت كلماتك الرقيقة
فراشة

romansy said...

فراشة
اهلا بيكى وبزيارتك الجميله
بشكرك على كلامك الجميل
بس ابقى اسالى القمر هما راحوا فين

تحياتى