Monday, March 9, 2009

رومانسى فى عالم انسان عاشق حر

من عشر سنين فاتوا عرفته لما لقيته بتغنى اغنيه بحبها قوى
وكنت انا كمان بغنيها وكان معاه ديوان شعر لنزار قبانى
وبعدها لقيته بيحب نفس الحاجات اللى بحبها واللى بعشقها
ودا كان اول لقاء بينى وبين
تامر الحسينى
والبدايه اللى ابتدينا بيها سوا وكان ليه انا وتامر ذكريات كتيره قوى
واحلام كبيره حلمنا بيها من زمان لكن تامر عودنا على الترحال
ولكن مهما بعدنا بنرجع نتلاقى من جديدوامبارح كان اللقاء
بعد تمن شهور كامله مشوفناش بعض
بدا اللقاء دافى واسترجعنا فيه ذكريات جميله وبدات رحله رومانسى فى عالم انسان عاشق حر
وبدانا لقاءنا بمشهد غروب الشمس على النيل وطبعا المشهد كان رائع وجميل
وبيفتح باب لعالم تانى ساحر وجميل وطبعا مقدرناش نقاوم سحر النيل وجماله
ونزلنا ركبنا مركب واتكلمنا عن الاحلام اللى حلمناها زمان سوا وفرحنا باللى اتحقق منها
واللى لسه هنحققه ان شاء الله واتكلمنا عن الحب
ازاى هو بيجى فجاه؟ وامتى بنحس بيه؟ وهل فعلا لقينا حب حقيقى ولا لا؟

ومن سحر الليل لسحر الفن والثقافه فى ساقيه الصاوى ولقينا هناك اصدقاء تامر
واتكلمنا فى قضايا كتير وانضم لينا مجموعه من الشعراء وحولنا اللقاء لامسيه شعريه
وبدا كل واحد فينا يقول قصيده وابتدى تامر وبعدين كل واحد ابتدى يرد على التانى بشعر
بشكل جميل قوى ورائع وبالرغم من بروده الجو كان فيه احساس جميل بالدفء
وبعد غذاء العقول لا يبقى الا غذاء البطون
تامر عزمينى على بيتزا ودخلنا بعد كده سينما وشوفنا فيلم ميكانو لتيم حسن
وكان بيحكى قصه شاب مش بيقدر يقول اللى جواه لانه كان انسان خجول جدا
الا انه قابل انسانه جميله وحبيته واستمرت معاه بحبها اللى خلاه يقاوم مرضه
وخجله تجاه حبيبته وبينجح فى حياته وبعيشوا حياه سعيده لان فعلا الحب بيقدر يصنع المعجزات

وبعد كده خرجنا اتمشينا واحنا بنتكلم عن الحب والذكريات وغنينا اغنيه كنا زمان بنغنيها سوا
كانت بتقول

مشيت وطالت خطوتى
والريح جريح فى سكتى
ماشى فى طريق

من كام سنه ماشى فى طريق
تعب الطريق ماتعبت انا تعب الطريق
وبصبر نفسى وبدوس على ياسى

وبدوب حيرتى مع طلعه شمسى
واتوه واتوه وسط الزحام

واكمل واكمل رحله الايام

واتمنى دايما ان رحلتنا تفضل مستمره وانها متنتهيش

113 comments:

الفراشة الصغيرة said...

هيييييييييييييه

اول تعليق

اول تعليق


رودى

اول تعليق

الفراشة الصغيرة said...

اروح اقرا بقى

واجى

بسرعه

ShiMOo said...

ربنا يخليكوا لبعض :)

EMMY BABY said...

ياعينى ياعينى ياعينى

ايه الرومنسية دى

طبعا من حقى احقد عليكم نيل وحب وشمس وشعر وكمان بيتزااااااااااااا

باللهوووول

ربنا يخليكم لبعض يارب

تحياتى

ايمى

الفراشة الصغيرة said...

الله يا رومنس

بجد بوست جميل

سرحت معاه

جامد قوى

فكرنى بيا انا وانتمتى
هى برضه بعيده عنى لكن
كل فترة لازم تظهر وتسال عنى

ونقضى يوم لذيذ كده

بجد ربنا يخليكوا لبعض

حررروووف said...

اية اية دة 4 تعليقات قبلي
طب مش لاعبة معاكم

Meme said...

الله واضح انكم انبسطو مافيش حاجه احلى من جمعه الاصحاب
بس ماكنت اعرف ان الشباب بيتكلمو على الرومنسيات
يلا ربنا يخليكم لبعض

EMMY BABY said...

وبجد الاغنية اللى كنتم بتغنوهااااااااااااااااا تحفة اوى

ربنا يحققلكم احلامكم يارب

جارة القمر said...

كل سنة وانت طيب يارومنسي
وربنا يخليكوا لبعض بجد مفيش اجمل من الصداقة
تحياتي لك

ماء تشرين said...

ده انا لسه متقالى انو انت بتكتب البوست
اى هو ده
هما قاعدين على باب المدونه
ولا بيتين فيها

ماعلينا

عموما بجد احلى يوم بتقضيه يوم ماحد كده بتحمل انت وهو ذكريات مشتركه ويسلام لو دماغو زاى دماغك بجد جميله الصداقه المبتفرقهاش الوقت ولا السنين

جميله اوى الخاطرة بتاعت الطريق
وهنفضل مشينا مهما تعب الطريق ملناش غيرو


تحياتى

Desert cat said...

ربنا يديم الود والصداقة بينكو

شخـا بيــط مـحـجـوب said...

ادام الله الصداقة والود والحب بيننا وبينكم

والمرء مع من احب

تحياتى ليك يارومانسى

شخابيط mahgoub

Nasimlibya said...

ربنا يخليكم لبعض تدوينة منعشة بنسائم النيل الساحر


لمة الاصحاب زي اللي وصفتها احساسها شفاف ورائع

هنيئا لك بصحابك يا رومانسي ويارب دائما تكونو بخير وسعادة يارب

marmar said...

رومانسي اولا كل سنه وانت طيب
ثانيا ربنا يخليكم لبعض ويخلي صداقتكم وروحكم المتقاربع لبعض
ثالثا معرفش ايه بقى هو

سلام بقى

صوت من مصر said...

ياعم ربنا يجمعكم على خير

اعترافات قلب said...

وااااااااااااااااااو
ايه الجمال ده يا رومنسى

كل ما ادخل مدونة النهاردة الاقيها كاتبة عن الصداقة
لقاء الأصدقاء ده لقاء مفيش زيه بيبقى كله مشاعر جميلة

ربنا ما يحرمكم من بعض وسلملى على ساقية الصاوى علشان ما رحتهاش من زمان

تحياتى
شيمو القمر

mohamed ghalia said...

ربنا يجمعكم دايما
ربنا يسعدكم

GiGi said...

ياااااااااااااااااه على الصداقه والذكريات والمشاعر الجميله
ياسلام لو الدنيا تبقى كده بس

maha zein said...

هو هي ها
ها هو هي

مركب
وكورنيش
واغاني


هأو هأو
وجاي تمسك في خناقي
ده انا اللى همسك في خناقك
وهعورك النهاردة في اليوم المفترج ده

بقه مين يا جدع اللى بيتمشي علي الكورنيش
اه منك يا راجل انت

اوعه تكون ركبت المركبة اللى بالي بالك
اوعه

لا وايه
اكلت بيتزل كمان
اقول ايه
واعيد ايه
وعاملي رومانسي عشان تغلوش

وكمان بتمشي تغني في الشوارع
ناقص تسند علي عامود وتمسكلي كاس بوظا وتغنيلي تخونوه
لا بقولك ايه
اصحا كده
انت محدش قالك
اني سامحت كل الناس
الا انت

اتحايل عليا شوية
يلا بسرعة انا مش فضيالك

طيب خلاص
كفايا قطعت قلبي
روح يا شيخ
كشفت راسي ودعيت عليك
ربنا يسامحك

الاهم يكون اللقاء ده كان حلو واسعدك
وسيبك بقه من اي شىء تاني
مش غنيت
واشعرت
واتبسطت
ورقصت
خلاص
تفيد بأيه يا ندم
كل سنة وانت طيب

سفروتة said...

سيدي يا سيدي
ربنا يخليكوا لبعض يا رومنسي
وتفضلوا اصحاب لاخر العمر

بجد نادر قوي لما تلاقي صاحب بجد
صاحب ترتاح معاه
صاحب قريب منك قوي
وانت وياه سعادة الدنيا كلها مش بتكفيك

بجد ربنا يديم عليكم صداقتكم
ويخليكوا لبعض
:)

Tshandny said...

ربنا يديم عليكم الصداقة
والحب

سمكه واحده said...

هههههههههههه
ايه في ايه متسبني اضحك شويه مالك حاجه غريبه !وده مزعلك في ايه يا سبحان الله لقيت بتنا كلهم نيمين وعوزت اضحك بصوت عالي لقيت مدونتك منوره قلت جري عليها واضحك برحتي بدل ما حد يسمعني ايه بقي بتشخط ليه بس طيب طيب متزقوش انا ماشيه اهو
بس كنت عايزه اقلك كنت بضحك ليه
افتكرتك بتقول تامر حسني عارفه بتاع
طب أ أ ووكل مره اشوفك فيها وكده يعني
انا كل ما اشوف تعليق اقول غريبه محدش بيجيب سرته معقول كله يعرفه ما عدا انا وكلمهم صحابه والحكايه عادي كده طب مفيش بنات بتسرخ علي باب المدونه ولا بيغمن عليها حاجه غريبه رجعت برجلي وري وبصيت علي باب المدونه واليافطه اللي مكتوبه اشوفني دخلت غلط يعني

سمكه واحده said...

عايزه اقلك مفيش اجمل ولا ارقي ولا اسمي من علاقه الصداقه والذكريات الجميله اللي فيها ولا الاصدقاء الاوفياء
احلي حاجه في الدنيا وخاصه لما تاكل وخاصا اوي لما تكلوا بيتزا
وخاصا اوي اوي بقي لما تروحوا ساقيه الصاوي اللي عمري ما روحتها عايزه اشوفها بسمع عنها كتير
خاصا بقي جدا اوي اوي لما تركبوا مركب بس اوعي تكون مركب من بتاعه مهاميهوا اوعي انا بقلك اهو هبلغ عنكوا نفر نفر
ربنا يخليكوا لبعض وديما تفضل الصداقه بينكم وديما تتجمعوا في الخير
وبس خلاص
متزوقعش بقي حضرتك حاضر هطلع بالزوق
ايه الناس دي هو الواحد ميعرفش ياخد رحته في مدونه شويتين ياستر
علي ظلم الانسان الاخيه الانسان
تحياتي

wafaa said...

ربنا يديم الصداقةوالصدق بينكم

”*°•.˜”*°•..سونه..•°*”˜.•°*”˜ said...

السلام عليكم .
يااااااااا هى دى فعلا الصداقه الحقيقيه الجميله .ربنا يجمعكم يارب فى الجنه ان شاء الله .
وصحيح ايه الحكايه الكل بياكل بيتزا
بس ليه فين كنتاكى ههههههههههه
تحياتى
((سونه)) .

احساس طفلة محبة للرومانسية بس واقعية said...

اية دا كله يا رومانسى
اكيد كان يوم جميل
وبعدها بتحس انك عندك طاقة عشان تكمل حياتك بكل نشاط
ربنا يديم صداقتكم وتحققوا كل احلامكم وتكونو سعداء دئما

gogo!sf said...

كل سنة وانت طيب

حنان الشافعي said...

ادام الله عليكم نعمته وجمعكما معا في بيته الحرام وفي جنته
كل عام وانتم بخير

zainab said...

السلام عليكم

أحلى شئ لمة الأصحاب و النيل والبيتزا ربنا يجمعكم على خير ان شاء الله
احساس جميل قوى

تحياتى

smilyrose said...

مش قلتلك قبل كدا

ربنا يديم عليك الصداقة دى

ولا يحرمك من تامر

ولا يحرمه منك

وربنا يسعدكوا يارب

اختك

وردشان

smilyrose

روح الحب الصادق

salwa said...

السلام عليكم
ما اجمل الصداقة و الاخلاص
ادامها الله عليكم
سلام

زوجة عنيدة said...

يا بختك انا نفسى فى خروجة زى دى مع صحباتى

بس خلاص بقى مش بقى ينفع

انا مش بأر ولا حاجة انا بحسد بس

ههههههههههههه

تحياتى

saragebaly said...

اجمل حاجة في الدنيا الصداقة

ربنا يديم الصداقة والحب بينكم

بس

نيل ,, وشعر ,, وكولانيش
ممكن نعديهم

لكن البيتزاااااااا

لالالالالالالالا

مستحييييييل

لا يمكن ابدااااا

Lola said...

يااااااااااااه هو لسه فى صداقه ؟؟

حسستنى ان الدنيا لسه بخير .

ربنا يسعد ايامك ويحوطك ديما بناس بتحبك ...

ساره said...

لية ما اخذتني معاك
عشان اغير جو
:(

الله يسعد قلبك ويتم عليكم صداقتكم الحلوه

طوبة ذهب وطوبة فضة said...

ربنا يخليكم لبعض ويديم عليكم الصداقه دى ديما وما يحرمكوش ابدا من بعض

romansy said...

الفراشة الصغيرة

اخيرا اول تعليق للفراشه

مبروك عليكى الاول

romansy said...

الفراشة الصغيرة
الحقى اقرى بقى
واقرى براحتك خالص حالص

romansy said...

ShiMOo
اهلا يا شيمو
ايه اخبارك

اللهم ااامين يا شيمو
مفيش لسه عمر تانى علشان نلاقى صديق


تحياتى

romansy said...

EMMY BABY
ايمى اخبارك ايه وعامله ايه لسه بتدورى على نفسك
بطلى قر وحسد وصفى قلبك شويه خللى ربنا يكرمك
ههههههههههه
لالالالالالالالالالا
بلاش دموع انتى جايه تعيطى هنا
خلاص خلاص
المره اللى جايه هنعزمك على بيتزا معانا

ماتزعليش

romansy said...

الفراشة الصغيرة
قريتى يا فراشه شكلك سرحتى فعلا لانك اتاخرتى شويه
ربنا يقرب البعيد يا فراشه الصداقه مفيش احلى منها وربنا يسعد لجميع دايما بصديق يفهمك من غير تتكلم

تحياتى يا فراشه

romansy said...

حررروووف
مش عاوزه تلعبى هنا
كنتى تيجى معانا امبارح وانا العبك مع السمك

ههههههههههههه

بس كنتى هتصعبى عليا

romansy said...

Meme
ياهلا فيكن اخت ميمى

طبعا انبسطنا اكيد
ليه لا الشباب دول مش بشر وليهم قلب ومشاعر وبيحسوا برضه والله

بس تقريبا بقت الحاجات دى غريبه
الايام دى

romansy said...

EMMY BABY
انتى لسه فاكره

دى اغنيه بنحبها انا عارف ان زوقنا قديم شويه
بس برضه بنحب اغانى جديده

تحياتى

romansy said...

جارة القمر
اهلا بيكى
كل سنه وانتى طيبه
ويارب دايما نتلقى على خير
ونعيش حياه سعيده

blue-wave said...

طيب تصدق انى من غير ماعرف انكم اصحاب كنت بحس ان فيكم حاجات من بعض؟؟؟
ربنا يديم عليكم المحبه

Habiba said...

ربنا يخليكوا لبعض يااحمد

تعرف ان برضو يوم حفل انا انثى انا وصحبتى الانتيم كنا بنتمشى واحنا راجعين وعالنيل برضو وساعتها قالتلى كده لفينا مصركلها مع بعض مابقاش مكان اللى ولينا مع بعض ذكرى فيه
انا كمان بحبها اوى وهى بتحبنى
يارب تفضلوا ونفضل احنا كمان مع بعض دايما

romansy said...

ماء تشرين
اهلا اهلا بيكى منوره المدونه
اكيد بقى اللى قالك قالك متاخر المره اللى جايه بقى تبقى فى الاول
دايما الانسان بيدور على اللى يشبهلو فى كل حاجه
حتى الواحد لما يفكر يجى يتجوز برضه بيفكر فى انسانه تفهمه وتحسه وتكون قريبه منه فى التفكير

شكرا لزيارتك ودايما تنورينى

e_emy said...

ربنا يجمعوا دايما يارب

احلى حاجه رغم ال شهور الكتير دى

انكم لسه زى ماانتم

ربنا يوفقكم
ويحقق ليكم احلامكم

romansy said...

Desert cat
اهلا بالقطه
يارب دايما نبقى احلى واصدق اصحاب واخوات

تحياتى

romansy said...

شخـا بيــط مـحـجـوب
اهلا اهلا بابو حميد الغالى
اه يا اخى لو كنت معانا
بس بقى الموضوع جه من غير ترتيب

يارب دايمايا احمد


تحياتى

romansy said...

Nasimlibya
اهلين فيكن اختى نسمه
خبرينى كيفك انتى وصحاباتك
اكيد برضه مش بتستغنوا عن بعض خالص
ويارب يديم الصداقه بينا يارب وبينك وبين صحاباتك

romansy said...

marmar
اهلا مرمر
اولا كل سنه وانتى طيبه
ثانيا يارب دايما كده نبقى قرييبين من بعض
ثالثا بقى
اخبار ريان ايه
ارقيه يا مرمر

تحياتى

romansy said...

صوت من مصر

مساء الخير يا باشا
اخبار ايه يا محمد عامل ايه
يارب يا اخى دايما نبقى اصدقاء
واخوات وخايفين على بعض صعب قوى فى الزمن دااننا نلاقى حد بيخاف علينا

تحياتى

romansy said...

اعترافات قلب
شيمو القمر
الحمد لله ان لسه فيه خير فى الدنيا
الصداقه دى اجمل شئ ودايما بدوم مع مرور الزمن
هسلملكعلى ساقيه الصاوى بس لما اروح بقى

تحياتى

romansy said...

mohamed ghalia

محمد بيه
ويارب دايما يا عم يجمعنا ببعض فى اى تجمع قريب ان شاء الله
بس ادعى

تحياتى

romansy said...

GiGi

الصداقهشئ جميل وبيستمر مع الزمن

يارب تدوم كده كانت فيه حاجات اتغيرت كتير

تحياتى

romansy said...

maha zein
مين اللى داخل يعملى حركات دا
مين
مين
دى مها
اللى كانت خايفه تمشى على الكورنيش
متخفيش متخفيش مش بيبصوا على البنات الحلوين المحترمين وكمان هيخافوا اصلا يبصوا اصل تخللى دماغهم فى ميه طرشر ولا تحنتتيهم ومين عارف اصل الايام بقينا نحاف نعمل حاجه
اه بقى انا رومنسى او مش رومنسى انا حر يا ستى يا باى
وامشى براحتى واشرب اللى عاوزه مش بدل ما اكون سفاح وقتال قتلا
انا اتحايل عليكى علشان تسامحينى
ربنا هيسامحينى اكيد لانى لا قتال ولا سفاح ولا بدبح قطط ولا بعفرت الدنيا
ايوه يا ستى انبسط
براختى بقى
انا مع اصحابى

romansy said...

سفروته
اهلا بملكه مملكه السفاريت
احنا شوفنا يوم جميل قوى الصراحه الميه والخضره والوجهه الحسن وكمان البسبوسه
كان طعمها يجنن
شكرا يا مسفرته

تحياتى

romansy said...

Tshandny
اهلا بضوء القمر

يارب دايما نبقى احلة اصحاب ونوفى بكلامنا مع بعض ومش نخبى حاجه على بعض
ونصارح بعض لان الصديق من يصدقك القول

romansy said...

سمكه واحده
ههههههههههههههههه
اضحكى وفرشى براحتك
يا سمكمك
بقى البيت يناموا ويسبكوى كده تقلقى الناس فى المدونات وتفهمى غلط كمان
انتى عاوزه المدونه يبقى الدخول فيها بتذكره ولا ايه
انا كنت مع صديقى تامر يا سمكمك
وكنا عايشين فى عالم تانى

romansy said...

سمكه واحده
طبعا الصداقه شئ حلو قوى انك تلاقى حد بيحبك وبيفهمك
اه
جيينا للقر بقى
قرى كمان لغايه لما نلاقى محلوالبيتزا والساقيه ولعوا

ههههههههههههههه
لالالالا
احنا مش هنزق ابدا سيبينك براحتك اهو
قرى على ولاد الناس
وكمان بتسميه ظلم
هههههههه

romansy said...

wafaa
اهلا يا وفاء
الصداقه شئ جميل فى دنيتنا لو اكتمل بصدق كانت الدنيا اتغيرت اكيد

romansy said...

”*°•.˜”*°•..سونه..•°*”˜.•°*”˜
اهلا بيكى يا سونسن
ايه اخبارك
الصداقه شئ جميل فى حياتنا
تصورى بقى لما الانسان بيكون بيحب نفسه
عارفه البيتزا بقى الايام دى مشهوره علشان سلاحف النينيجا

romansy said...

احساس طفلة محبة للرومانسية بس واقعية
مساء الرومانسيه يا جميل
طبعا الفسحه دى غرقنا همومنا فى النيل ورجعنا الزهن صافى وفايق ومستعد يكتب لغايه الصبح

تحياتى

romansy said...

gogo!sf

اهلا يا جوجو

كل سنه وانتى طيبه ويارب دايما تحققى احلامك

تحياتى

romansy said...

حنان الشافعي
يا سلام يا حنان على الدعوه الجميله

اللهم اااامين يارب العالمين

تحياتى

romansy said...

zainab
اهلا زينب
اللمه جميله والوقت فيها بيعدى بسرعه وبالذات مع اعز الناس


تحياتى

romansy said...

smilyrose
اهلا سمايلى
قولتى قبل كده وبعد كده ودايما على طول يارب

ويسعدك يا سمايلى

تحياتى

romansy said...

salwa
مفهموم الصداقه دا جميل قوى لما تلاقى حد بيقولك العيوب اللى فيك دايما وبيحاول يخليك دايما كويس وعاقل وبيشاركك حزنك وفرحك

تحياتى

romansy said...

زوجة عنيدة
انا الحمد لله
انا وتامر لسه مش متجوزين علشان كده بقى نخرج براحتنا من غير ما حد يضاقنا ورايح فين وجاى منين

romansy said...

saragebaly
ساره اخبارك ايه
هتعدى كل دا والجو الرومانسى وتدورى على البيتزا خلاص المره اللى جايه اجيبك

كل سنه وانتى طيبه يا جميل


تحياتى

romansy said...

Lola
لولا
فينك من زمان حمد الله على سلامتك
الصداقه موجوده فى الدنيا بس ممكن احنا اللى مش شايفينها

تحياتى

romansy said...

ساره
ياخبر يا ساره المره اللى جايه احجزلك معايا
نغير جو وبلاش الحزن بقى نغرقه فى النيل

تحياتى

romansy said...

طوبة ذهب وطوبة فضة
دهب عيار 24
اخبارك ايه واخبار السواق
لسه نايم برضه
الله يكون فى العون كل يوم حملات واختبارات الفراخ مع الشوربه
وحكايات كتيره
يلا بقى اسيبك بدل علشان ادارى الفراخ اللى فى السطوح

romansy said...

blue-wave
اهلا اهلا بالدكتور المتخصص فى رومانسيه المخفضه للالام
يارب دايما يا دكتور واتمنى اتعرف عليكوتديوم الصداقه بينا يارب

تحياتى

romansy said...

Habiba

اهلا بيبه اخبارك ايه اجمل شئ فى الدنيا الصداقه والنيلواللمه الحلوه هى اللى بتحلى الاماكن
يارب دايما يزيد الحب بين الناس

romansy said...

e_emy
ما تعدى السنين والايام والشهور مفيش صديق او حبيب يقدر ينسى حب له يهمه
فى الدنيا وينسى اللمه الحلوه اللى ممكن متتكرش كتير

تحياتى

طـــائر الليــــل الحـــــزين said...

احلى حاجة فى الدنيا الصداقة وخصوصا لما تكون عارفة معناها الحقيقى وخالية من اى مصالح بتحس انك بتستمتع بكل حاجة
ربنا يحفظلكم صدقتكم ويحفظكم من كل شر
تحياااااااااااااتى

Gigi said...

السلام عليكم
الجميل ان يكون لك قلب انت صديقه ولكن الاجمل ان يكون لك صديق انت قلبه
دامت المحبه والصداقه
ودمت بخير وكل مولد وانت بصحه وسلامه
أستودعك الله

saragebaly said...

ايه يا احمد

انت مخاصم مدونتي ولا ايه؟؟

كل دة ولسة مش جيت البوست؟؟

نفرتارى said...

ربنا يديم عليكم الصداقة .. ايها الرومانسى الجميلة


تحياتى ،،


نفرتارى

holyday said...

السلام عليك
كيف حالك
مفروض تسميتن فتاة متاخره

ههههههههههههههه
ان انشاءالله تكون بخير
والله يدوم سعاده عليك
والله الاصدقاء لم يتلاقو تبقي تحس ان الدنيا لسه بخير

واحل جملع في اغنيتكم
بدوب حرتي مع طلعت شمسي
حلوه ه ه ه
سلامي
اختك
فتاة من زمن اخر

may said...

رومنسى


اشعر فى كلماتك الصدق الكبير فى مشاعرك

التى اصبحت نادرة الان

ولا نشعر بيها

فى زمن

كثرت فيه الاقنعة

دمت كما انت

مى

زى الهوا said...

ياااااااااااااااااااابختك , نفسى انا اخرج خروجة زى دى على النيل كدة , وابقى مع صحابى برده , او حتى لوحدى , ممكن احقد واقر وانق عليكم ؟

mahasen saber said...

اجمل ما فى الصديق انك تحس انه منك وان هواكم الثقافى والحياتى مشترك

رومانسى ربنا يبارك فى صداقتكوا ببعض

فراشة said...

هنيئا لك يا رومنسى بهذه الصداقه الجميلة
ربنا يخليكم لبعض وتستمر صداقتكم بهذا التفائل دائما
ممكن ماتكنش اتكلمت عن النيل خصيصا لكن رسمت صورة جميلة وانتى بتحكى حسيت انى انا اللى راكبه مركب وبقدف فى النيل وبسمع شعر جميل يعنى من الآخر شعرت ان قضيت يوم او نزهه جميلة زى ناس زمان البسطاء
اللى كانت فسحتهم هى رؤيه النيل
تحياتى لرومانسى الابداع

romansy said...

طـــائر الليــــل الحـــــزين

اهلا يا دنيا
الصداقه لما تكون بروح ومحبه من غير مصلحه بتبقى عامله زى ماتكون بتصاحب نفسك صديقك دا بيكون نفسك متقدرتش تستغنى عنها ابدا
تحياتى

romansy said...

Gigi
اهلا جيجى متفرقش كتير
المهم نكون اصدقاء دايما
يارب دايما
تحياتى

romansy said...

saragebaly

مش ظاهره فى الريدر
وعلى العموم انا قريت البوست

romansy said...

نفرتارى
يا هلا بالملكه

يارب دايما نبقى احلى اصدقاء فى الدنيا

romansy said...

holyday
اهلين فيكن
اخبارك ايه
المهم انك تشرفينى

على فكره الاغنيه دى عبد الحليم حافظ ماشى فى طريق

اسمعيها

romansy said...

may
اهلا يا مى
اخبارك ايه
ربنا يخليكى يارب الصداقه موجوده
بس احنا اللى بندور عليها دايما

تحياتى

romansy said...

زى الهوا
اهلا يا جميل
تصدقى والله بقالى فتره بسمع اغنيه زى الهوى يا حبيبى زى الهوى
اصلها بتبقى جميله قوى باليل
طيب المره اللى جايه نعزمك بقى

وبلاش نق

romansy said...

mahasen saber

اهلا بالاستاذه
اخبارك ايه
الصداقه اسمى شئ فى الوجود احساس جميل قوى وبالذات لما تكون الميول مشتركه بتبقى احلى واحلى

تحياتى

romansy said...

فراشة
اهلا بالفراشه
النيل جميل قوى ومش بيحلو اكتر الا مع صديق يخاف عليك وتخافى عليه

بس المهم اننا دايما نكون خايفين على بعض

princess said...

الله اجمعكم فى الخير دايما
امين:)))

شمس النهار said...

اجمل حاجه في الدنيا صديق وفي وكمان نتوافق مع بعض فكريا
اما الحب طبعا في حب حقيقي طبعا
انت عارف المشكله ايه ان كل واحد او واحده لما يشوفوا بعض ويعجبوا ببعض يفتكروا ان ده حب
لا لا
في فرق بين الحب والاعجاب
ممكن يكون في حاجه عجبتهم في بعض بس
ولما بيستمروا علي انه حب وتبتدي الخلافات تظهر ويفشلوا يلوموا الحب ويقولوا مافيش حب
لالا
في حب بس الانسان مايستعجلش لازم يتأكد الاول ده حب والا اعجاب

وردة said...

الله يارومنسي
اجمل ما في كلامك
انك لما بتوصف بحس فعلا بكل كلمه واتخيلها
ربنا يكرمك ويتم عليك نعمة الصداقة
بجد هي اللي بتدوم
ماشاء الله ربنا يكرمك
سلام

*البت المشمشية *حلوة بس شقية * said...

ايه يا عم الشقاوة والرومنسية دى
والاغنية بتاعتكو سوا دى جميلة جدااااااااااااا

marmar said...

اول مره اعرف ان ليك مدونتين
هيا التانيه شغاله يعني ولا ايه نظامها بققققى
طب بتسيطر ازاي عل اتنين بتشرب فيروز تفاح اكييييييد
ولا تشيوبس ليمون
ايه ده شكلي بخرف

يلا بقى مش مشكله
زي اختك وبخرف
سلام بقى

mohamed ghalia said...

رومااااااااااااااااااانسى
يالهووووووووووووووووووووووووى أنا جاى متأخر خالص كده
معلش يارومانسى الريدر عندى مضطهدنا ومظهرش الموضوع ده
بس يلا حصل خير

وومن said...

هيييييييييه انما جيت اهو متاخرة كالعادة بس جيت

ازيك يارومانسي عامل ايه بطلت تسأل يعني

بس بجد شكل اليوم كان تحفة والمشاعر اللي بينك وبين صديقك جميلة قوي

ربنا يباركلكم في بعض يارب

romansy said...

princess
اهلا بالاميره
يارب دايما يا اميره وادعلينا كده كتير

romansy said...

شمس النهار
اهلا بشمس الشموسه
الفرق كبير قوى بين الاعجاب والحب
ودا بيبان على طول بعد فتره صغيره جدا
انما بقى الصداقه شئ تانى

romansy said...

وردة
اهلا بالورد
بشكرك جدا يا جميل على كلامك الاحساس لما بيكون من القلب بيوصل للقلب دايما وربنا يديم الصداقه

romansy said...

البت المشمشية *حلوة بس شقية *

اهلا بمشمش

شقاوه ايه بس

انا بحب الاغنيه دى قوى

ربنا يخليكى يا مشمش

romansy said...

marmar

ايوه يا مرمر

واحده بكتب فيها كل شهر

والتانيه رومنسى الاساسيه

بس

romansy said...

mohamed ghalia

ولا يهمك يا محمد باشا

بيتحصل معايا برضه


نورت يا جميل

romansy said...

وومن
اهلا اهلا بيكى
مفيش حاجه
انا موجود
سامحينى ان كنت قصرت معاكى الفتره اللى فاتت
ومش كنت بعلق عندك

شباك موارب said...

كويس جدا انك بتقدر تستفيد من الايام وتحولها لايام جميله
انت شخص محب جدا للحياه

واتمنى يارب تكون حياتك كلها حب وطيبه

وتقبل مروري

romansy said...

شباك موارب
اهلا بيكى
نورتى المدونه
وبشكرك على متابعتك البوست
وشكرا ليكى على كلامك الجميل

romansy said...

شباك موارب
اهلا بيكى
نورتى المدونه
وبشكرك على متابعتك البوست
وشكرا ليكى على كلامك الجميل