Wednesday, December 23, 2015

يا رسول الله أجرنا


يا رسول الله أجرنا
يا رسول الله أجرنا
يا رسول الله أجرنا
الغوث رسول الله
الغوث رسول الله
أوقفت العمر عليه بمديح بين يديه
فوضت الأمر إليه فاختار لي رسول الله
يا رسول الله أجرنا يا رسول الله أجرنا
الغوث رسول الله الغوث رسول الله
ومدحت بطيبة طه ودعوت بطه الله
أن يحشرني أواهَا بلواء رسول الله
يا رسول الله أجرنا يا رسول الله أجرنا
الغوث رسول الله الغوث رسول الله
ووقفت على الأعتاب وبكيت له بالباب
وبصفح دون عتاب قد جاد رسول الله
يا رسول الله أجرنا
يا رسول الله أجرنا
الغوث رسول الله
الغوث رسول الله
وشكوت إليه ذنوبي فاستغفر لي محبوبي
ورجعت بدون عيوب من عند رسول الله
يا رسول الله أجرنا يا رسول الله أجرنا
الغوث رسول الله الغوث رسول الله
هللت له تهليلا كم كان الصفح جميلا
داوى قلبي العليلَ ترياق رسول الله
يا رسول الله أجرنا يا رسول الله أجرنا
الغوث رسول الله
الغوث رسول الله

Thursday, December 17, 2015

وسمعت ضحكتها


وسمعت ضحكتها بتلالى ف العالى
يارب خليها ....واسمعها طوالى
انا ليا مين غيرها احكيلها تحكيلى
هى اللى حبيتها واهى ليها مين غيرى
هى اللى حفظانى لما احاول اكدب
عجنانى خبازانى ومعاها بس احسب
عمرى وحياتى محتاج انا اشوفها
وتضم احساسى محتاج لضحكتها
اسمعها طوالى ...والدنيا ساعتها
دايما بتحلالى ..دايما بتحلالى

Wednesday, December 16, 2015

فى عينيك الحياه

ورأيت فى عينيك الحياه وفى يديك الامان.. فتمسك بى ولا تفلت يداى.. فأنا اريد الحياه والامان

Tuesday, December 8, 2015

صباح جنه


صباح شتوى ونسيم بارد
على الناس اللى جوه القلب
صباح يفرق مع الواحد
ويملى الدنيا حب ف حب
صباحك حته من الجنه
وليه يا حبيبتى نتعاند
بلاش عينيك ونظرتها
انا خوفى عليك زايد
وليه تقسى وليه اقسا
وانا شوقى اليك قايد
بلاش البعد وكفايا
تعيش العمر واتمنى
وتضحك احلى ضحكايا
واعيش العمر ف الجنه
والحب ما بينا يكون سايد

Friday, December 4, 2015

اياك تفكر فى الماضى


احمد ازيك اخبارك ايه الاحوال
انا دايما بقرا ف اشعارك حزينه ليه اومال ؟
بتفكر ف الحب الاول ؟ ما تسيبوا ف حال
اهو ربنا خدلك كده حقك شوفت اللى اتصاب
م انا ياما نصحتك ونصحتوا تبعدوا عن بعض
وبعدتوا واهى روحك كسبت وقضيتها بود
فكر فى ايامك اوم عيشها من غير ما تغش
فكر ف حبايبك واخوانك من غير دا الوش
واياك هتفكر فى الماضى ابدا ياجميل
انا عاشق صدقك وكلامى لك بس دليل
اانساه واهو حاول بالمره تصفح وتميل
علشان الصبروايامه نبراس بيشيل
الروح الحلوه وجمالها هى الاسباب
هتعيش وتكتر احلامك وف وسط احباب

Thursday, December 3, 2015

حبـــــها

حبـــــها ...واياك تكسر قلبها
كونـــلها...بحر يغسل همها
خليك صديقها وبختها
واياك تتسلى بوقتها
دى البنت رقه بطبعهاا
خليك قريب من همها
لما تناديك
تلقاك بسرعه جنبها
خليك قريب من حضنها
افهمها من نظره عينيها
قبل ما تقولك حسها
وكون لها انت ابوها وامها
ايوه امها فضفض معاها
ردها .. لصواب ف شوقها وعمرها
واوعاك تحسر قلبها
وان غلطت الغلطة البريئه
اصفحلها
جايز تكون متوتره
او حتى يوم متحيره
وف حضنك انت ضمها

Tuesday, December 1, 2015

وصل احساسك للناس


اقرى كتير علشان تكتب شعرك جد
ومتكتبش غير لما تكون
عاوز تكتب عنه لحد
عود ودنك ع الاوزان
عيش ف الجو
اعشق شعرك
واوعى تقول اهو كله كدب
وصل احساسك للناس
وصل احساسك وخلاص
وزى ما تحب انت كلامك
برضه الناس هتزيدك حب
وواعى تقول دا خيالنا محال
لولا خيالك عمر ما كان لوجدك بُد
وافتح قلبك واسعى لفوق وادعيها بقلب

Wednesday, November 25, 2015

نفسك تدوقى البعد


نفسك تدوقى البعد طب دوقى 
نفسك نتوهه من بعض طب روقى
فكرى بحكمه شويه فكرى بعقلك شويه
احسن تلاقى البعد خدنا وعلى مصيبه هتفوقى
نفسك تدوقى البعد طب دوقى 
البعد صعب وانتى مش قادره عليه
والجرح اصعب وانتى بس اللى تداويه
 فكرى بعقلك شويه يمكن تلاقى الحل فيه

Friday, November 20, 2015

معا لابد

لا أريد سوى تلك اللحظات التى نكون فيها سويا
أنظر اليكى واتلمس يديكى ........تتلاقى عينينا
اتمنى ان تقف كل الازمنه على تلك اللحظه
حتى تشبع عينى ويديا ويمتلا قلبى بحبك اكثر
ولكنى اعلم انها لا تشبع من رؤيه النور 
أرى تلك العصافير تحلق هناك بعيدا فى الفضاء
تعزف اجمل الالحان ومع دقات قلبى تكتمل السيمفونيه
وسأظل احبك الى ابد الدهر فلا تملى ولا تكلى
فساكون مثل فصول العام يتغيير لكى يرضيك

Thursday, November 19, 2015

حاجات تتقال

مش جوايا حاجات تتقال 
اللى ف قلبى دا كله خيال
......اسكت احسن 
يمكن تتغير الاحوال

Tuesday, November 10, 2015

النهارده عيد ميلادى


النهارده من 34 سنه اناجيت للدنيا جيت من عالم الارحام الى عالم مايرحم
ومعرفش مخبى ليا ايه بس الحمد لله لولا دعاء امى وابويا ليا ورضا ربنا عليا
النهارده من 34 سنه كنت على ميعاد مع اول قبله فى حياتى من امى حبيبتى 
واحضانها الجميله اللى حولت صراخى وخوفى م الدنيا الى حب وامان وطمانيه
اما بقى والدى الحبيب الله يرحمه عمرى ما هنسى سجوده لله شكر على عطيته
وشكرعلى سلامه امى وقوامها بالسلامه وحضنه الدافى ليا ولما ادن فى ودنى
وسمعت الله اكبر ... الله اكبر حسيت بان جسمى كله قشعر وخوفت جدااا
بس لما قام فى ودنى التانيه حسيت بالامان وحسيت ان بابا بيهنينى لبدايه
حياه جديده اقضيها فى حب الله وسعى ورا مرضات ربنا سبحانه وتعالى
والنهارده وبعد 34 سنه لسه جوانا الامل فى ربنا اننا نحقق اللى نتمناه

Thursday, November 5, 2015

ابقى معاه

الحب اللى اتمناه .. انسى العالم وابقى معاه
انسى الدنيا بكل ما فيها بس الفرحه تتم معاه

Sunday, November 1, 2015

قلبى قصور وبيوت


انا قلبى قصور وبيوت
والحجز فبه ياناس بشروط
تعالا اتفرج بس وشوف
يمكن تلقى مكان مضبوط
تسكن فيه كده من غير خوف
وتكون فيه على طول مبسوط
تعالى هتلاقى الذوق الراقى
تعالى هتلاقى احلى جيران
يمكن تسكن قصرى العالى
وتعيش فيه وف احلى مكان
تعالى واتحدى اى ظروف
تسكن فيه كده من غير خوف
يمكن تسكن قلبى لوحدك
وتملك قلبى قصور وبيوت

Wednesday, October 28, 2015

القمر


ايها القمر الجميل فى ليله تمامك 
كم اعشق النظر اليك ولكنى اعلم اننى لم اشكولك منذ زمن بعيد
ولكنى الان عدت عدت لاحدثك مثلما كان 
احدثك عن كل شئ عن حياتى عن حبيبتى 
عن مستقبلى عن كل شئ عن صغائر الاشياء فى حياتى 
فارجو ان لاتغيب عنى لحظه وتختفى تحت السحب
فقد تغير بى الحال كثيرا الم ترى بعض الشعيرات البيضاء
الم ترى بعض الشحوب فى وجهى
الم ترى فقد بدلت ورقتى وقلمى بالتكنولوجيا
الحديثه واعلم انك ايضا تعانى من تلك التكنولوجيا التى اخترقت
خصوصياتك وكشفوا سرك ولكن لا تخف محبيبنك كثيريون
وانا منهم وانك تعلم اننا نعشقك فمهما بعدنا فلابد نرجع
فلابد للحبيب ان يلقى حبيبه مهما طال العمر

Wednesday, October 21, 2015

ﻗﻞ ﻟﻲ " ﺃﺣﺒﻚ"

ﻗﻞ ﻟﻲ
ﺃﺣﺒﻚ " ﻫﺬﺍ ﺍلصباح ﻭ ﺩﻋﻨﻲ ﺍﺗﻔﻨﻦ ﺑﺎﻟﺮﺩ ﻋﻠﻴﻚ"
ﺗﺂﺭﺓ ﺍﺑﺘﺴﻢ ﺑﺪﻻل ........... ﺗﺂﺭﺓ ﺍﻗﻮﻟﻬﺎ ﻋﻠﻰ ﺷﻔﺘﻴﻚ 
ﻓﺎﻧﺎ ﺃﻫﻮﻯ ﺍﻟﺪﻻﻝ ﻛﺜﻴﺮﺍ ، ﻭﻫﻞ ﻳﻌﻘﻞ ﺃﻥ ﺍﻗﻮﻟﻬﺎ ﺩﻭﻥ ﻗﺒﻠﺔ ﺗﺮﺑﻚ ﻧﺒﻀﻚ
ﻭﺗﺰﻟﺰﻝ ﺍﻷﺭﺽ ﻭ ﺍﻟﺴﻤﺂﺀ ﺣﻮﺁﻟﻴﻚ 
ﻣﺘﻴﻤ انا ﺑﻚ  واتمنى ان اكون ف عينيك

Monday, October 19, 2015

حنان وحب


انا كنت بحلم انى .....اكون العمر ليكى
وسمعت عنك كتير حكايات من صغرى
وحلفت انى بكل روحى وحياتى افديكى
مانتى اللى ف القلب سكنتى ودا من صبرى
وكنت عارف ان الوصول ليكى صعب
بس اللى نفسه ف حاجه لازم يخطى بلاد
ماهو طريق الشوق مش مفروش بورد
واللى هيعدى منه هينول كل المراد
والنهارده وبعد ما خضت حرب
هديت كل الحيطان وبايدى جيتلك
شايلك يا قلبى بوكيه مليان بورد
وهو ادرى منى...... يشرحلك
كل اللى نفسى فيه خلاص انا حققته
وكفايه انى اعيش حياتنا حنان وحب

Tuesday, October 13, 2015

من مكه للمدينه

من مكه للمدينة هاجر سيدنا وصاحبه
صاحبه الصديق ابو بكر رضى الله عنه 
هاجر نبينا المصطفى صلوا عليه 
من بعد ما الكفار اتفقوا على قتلوا
جم حاصروا بيته و قالوا جه اوانه
والليله دى هينتهى زمانه
فداه الامام على ونام مكانه
على بن عمه كرم الله وجهه
كان الكفار قاعدين مستنين ظهوره 
مش عارفين ان ربنا هيتم نوره
انزل غشاوة عليهم عمت عنيهم
وخرج نبينا وسطهم ولا حد لمحه
مشيو وراه ولحد الغار وصلوا اليه
كان الحمام والعنكبوت حراس عليه
خاف الصديق و طمنه حبيبى 
قالوا ماتخفش ع الى ربه حفظه
من مكه للمكة للمدينة هاجر سيدنا وصاحبه 
صاحبه الصديق ابو بكر رضى الله عنه 
هاجر نبينا المصطفى صلوا عليه 
من بعد ما الكفار اتفقوا على قتله

Tuesday, October 6, 2015

احكى يا شعب

احكى يا شعب واقول وعيد
نصر اكتوبر... دا يوم عيد 
فرحه نصر بعد القهر وسقفه ايد
بفضل الله عبرنا القناه وانتصرنا اكيد
بعد ما قالوا مفيش كدا حرب 
ساعتها اشتد علينا الضرب
واحنا بفضل الله واردته عزيمتنا حديد
يلا يا شعب عيد وزيد
احكى يا شعب واقول وعيد
نصر اكتوبر... دا يوم عيد

Sunday, October 4, 2015

بطلى غيره

بطلى غيره شويه عليا تعبت خلاص 
اصل الغيره دى حاجه مؤذيه 
طب ايه ذنب يا غاليه الناس 
لما تعاتبى عاتبى وقولى 
ومتبقاش يا حبيبى فضولى 
اعمل ايه انا بس فى قلبك
وانا كلى حب واخلاص
بطلى غيره شويه عليا
وانا هرجع مرفوع الراس

Wednesday, September 30, 2015

عيد جوازى

النهارده هو احلى يوم ف عمرى 
يوم ما ملكت القمر دايما ف حضنى 
يومها دخلت القفص كده بدرى بدرى 
عشت طول العمر حر وطليق بس جنبك احلى عيشتى

Wednesday, September 23, 2015

عيد سعيد


كل عام وانتم بخير ...وتدخل قلوبكم الفرحه
كل عام وانتم بخير ...ويديم علينا الصحه
كل عام وانتم بخير ...واشوفك يا غاليه بالطرحه
كل عام وانتم بخير .... ويعم علينا جميعا الخير

Saturday, September 12, 2015

زوجه مطحونه

مش عاوز اشوفك عصبيه
ولا عاوز اشوف متضايقه
انا عوزك من ربى هديه
وعلى طول كده فايقه ورايقه
هتقولى دا طبعى ودا حالى 
ولاعارف اللى بيجرالى
وايدك كده فى الميه البارده
انا عوزك من ربى هديه
وعلى طول كده فايقه ورايقه
مش بعرف انام كده ف ليلى
ويا ويلى م الشغل يا ويلى
والعيال عملالى روشه
وبنظف وكأنى ما أنظف
اعمل ايه تانى ف الشقه
وايدك كده فى الميه البارده
انا عاوزه شويه حننيه
وهكون كده فايقه ورايقه
وتبطل انت العصبيه
وهكون لك من ربى هديه

Friday, September 11, 2015

هقول وأعيد

هقول وأعيد ان معجب بيها خالص هقول وأعيد
وان لما بشوف عيونها اشوف عيونها بكون سعيد
لما عينها جت فى عينى حسيت بشوق الكون مالينى 
وان كل الدنيا ملكى وان يومى دا يوم جديد
هقول وأعيد ان معجب بيها خالص هقول وأعيد
هقول واعيد ومش هخبى ان حبها جوه قلبى
قلبى دا كان قلب فاضى حبها مالها اكيد
هقول واعيد واقول اعيد ان العزول يبعد بعيد

Thursday, September 10, 2015

زعلانه ليه

زعلانه ليه منى كده.... ومبترديش عليا
مكنتش عارف ان زعلك.. هيأثر فيا كتير
انا كنت شايف الكون ف عينك كله ما بين ايديا
دلوقتى حاسس وانتى غايبه عنى عندى فراغ كبيبر
زعلانه ليه منى كده.... ومبترديش عليا
كل حاجه ماليها طعم ولاليها شكل من غيرك
حتى النجوم فى السما شايفهم زعلانين
كنتى بتقولى ان انا بادى حبى لغيرك
تعالى شوفى عيونى وحسى بقلبى الحزين
كنت بكابر واقول ان منغيرك هعيش
لكن الحقيقيه يا غاليه ان كل دا مفيش
وانتى حبيبه قلبى بس ليه مبترديش

Wednesday, September 9, 2015

واحد صحيح

الكسر ممكن نقربه.... لواحد صحيح 
لكن اللى انكسر جوايا مين بس يقربوا
عشت عمرى اداوى ف قلبى الجريح
وف كل مره حبابيه....... منه يهربوا
جايز يكون العيب........ فيك يا قلبى 
جايز يكون علشان انت صريح
ابتدى وابدا من جديد وعيش حياتك فوق بقى
وخلى عزمك من حديد.... وانسى ايام الشقى
جايز تعرف بحنانك اللى فات ترجعوا


Sunday, August 30, 2015

طبطب عليا


لا بقيت بحس بطبطبتك عليا 
ولا بقيت بحس بيك انا اصلاً
تعبت انا كل ما امدلك ايديا 
ترجع حزينه من صدتك ليا 
انت ليه بس بنفسك دى متحصن
اخرج وبص بحب شويه ع الدنيا
وخليك حنين وعيش فى الدنيا واسكن

Friday, August 28, 2015

تكون بخير

هروح واجى مسافه السكه هرجعلك 
دى اخر كلمه سمعتها منك من سنين
حضرت حالى وف كل مكان بفتكرك 
وخلاص بقى فاض جوايا الحنين 
ممكن تكون قابلت الصعب ف حياتك
وخلاص نسيت ان ليك حبيب يحبك
لكن انا عمرى ماانسى ف يوم غرامك
ولا عمرى انسى كل ايامى الحلوين
هروح واجى مسافه السكه هرجعلك
دى اخر كلمه سمعتها منك من سنين
مش مهم لما ترجعلى نعيش سوا
المهم انك انت........ تكون بخير

Thursday, August 27, 2015

خليها على الله


قلبك مخنوق .......مخنوق قلبك
اهدى وهتروق.........وتنول حبك
هتعيش مرتاح .....وتكون افراح 
وتعيش ف براح ....والكون عجبك 
خليها على الله........... وسلملهاله

Tuesday, August 25, 2015

زى الحلم


زى الحلم ماعدى ثوانى 
نفسى احلم....... بيك تانى 
تيجى ف حلمى ...تنسيلى همى 
تزرعى جوه فى قلبك حنانك 
اصلا قلبى دا يبقى مكانك 
ياللى سكنتى جوه الروح
.نفسى احلم بيك تانى
لما صحيت من نومى رسمتك
اميره جميله جوه القصر
ضحكه ما تفارقش شفايفك
ياللى جماله ماله حصر
طول اليوم مبسوط متهنى
عمال ارسم وشويه اغنى
قولت ياريتى اشوفك تانى
كل شويه تغمض عينى
يمكن تلمح وتشوف طيفك
نظره جميله تحلى سنينى
وتعيشى العمر على كيفك
نفسى احلم بيك تانى

Sunday, August 23, 2015

اتهنيت كام سنه

اليوم بيعدى معاك الف سنه ضوئيه 
شوف بقا ياحبيبى انا اتهنيت كام سنه 
كفايه انك يا حياتى على طول بتحس بيه
وكفابه انى وانا معاك بعبش فى سعاده وهَنا
مش محتاج حاجه.............. تانى م الدنيا
غير اننا بس....................... نكون سوا
اليوم بيعدى معاك الف سنه ضوئيه
شوف بقا ياحبيبى انا اتهنيت كام سنه
ربنا يخليك يا حبيبى واقدر احقق احلامنا
ونهد الصعب نخلى طريق الامل قدمنا
اصل انت الفرحه اللى قلبى وانت نور عنيه
مش محتاج حاجه.............. تانى م الدنيا
غير بس نحقق احلامنا ...........انتى وانا

Wednesday, August 12, 2015

قالو عن الحب

الحب الحقيقي : هو أن تحب الشخص الوحيد القادر على أن يجعلك تعيسا
أجمل ما في الدنيا: الحب والرغيف والحرية
الإهمال يقتل الحب ، والنسيان يدفنه

الحب لا يقتل ا حد إنما يعلقه بين الحياة والموت
الحب سلطان ولذلك فهو فوق القانون
أنت لا تعرف قلبك حتى تفشل في الحب
الحب كالقمر له وجهان: الغيرة هي الوجه المظلم
الحب يقضي على الكثير من الآلام لأنه أعظمها
أن تحب: صدفة ان تستمر هذه إرادتك

Friday, July 31, 2015

الفرج


ولرب نازلة يضيق لها الفتى ..... ذرعا وعند الله منها المخرج
ضاقت فلما استحكمت حلقاتها ..... فرجت وكنت أظنها لا تفرج

Sunday, July 26, 2015

بلاش احزان


يا عمرى الدنيا ما تسوى تنام زعلان 
ولا اى شئ يستاهل... ان انت تعانى 
ابعد شويه كتير ..........عن الاحزان 
وافرح وامرح وعيش ف الدنيا امانى 
مش عاوز اشوفك تانى حزين حيران 
بكره تلاقى قلبك ......ونصك التانى

Saturday, July 25, 2015

الحب


ﺍﻟﺤﺐ ﻛﻠﻤﺔ ﻣﻦ ﻧﻮﺭ ﺧﻄّﺘﻬﺎ ﻳﺪ ﻣﻦ ﻧﻮﺭ ﻋﻠﻰ ﺻﻔﺤﺔ ﻣﻦ ﻧﻮﺭ قلب


Friday, July 24, 2015

تاه الكلام

تاه الكلام منى كل..... ما قربت منك
ابعدى عيونك شويه علشان اقدر اقول
ان ف حياتى ودنيتى مقدرش استغنى عنك
وانتى ف حياتى كلها اللى بتمنى انول
تاه الكلام منى بس اوعى تفتكريه خوف
دا اللى يشوفك يعرفك يتحدى كل الظروف
دا انت اجمل شئ ف عمرى

Thursday, July 23, 2015

بكدب عليكی


لو قولتك انی بحيك يبقی بكدب عليكی
 لانی بكل بساطه انا بمووووت فيكی
 حرام بقی كفايه تعبت من الكدب
قلبك ياغاليه حكايه قلبك غير كل قلب 
دقاته عزف الكمان واوتاره نظره عنيكی

Thursday, July 2, 2015

على إسم مصر


عـلى إسـم مصـر التـاريـخ يقدر يقول ما شاء
أنـا مصـر عنـدى أحـب وأجـمـل الأشـيـاء
بـاحبـها وهـى مالـكه الأرض شـرق وغـرب
وبـاحـبها وهـى مـرمـيـه جـريحـة حـرب
بـاحبـها بعـنـف وبـرقـة وعـلى استـحيـاء
واكـرهـهـا والـعـن أبوهـا بعـشق زى الداء
واسيـبها واطفـش فى درب وتبـقى هى ف درب
وتلـتـفـت تـلقـيـنى جنـبـها فـى الكـرب
والنبـض ينفـض عروقـى بألف نغـمة وضرب

صلاح جاهين

Saturday, June 27, 2015

في رمــضــان


أغلق مدن أحقادك واطرق أبواب الرحمة والمودة
فارحم القريب وود البعيد وازرع المساحات البيضاء في حناياك
وتخلص من المساحات السوداء في داخلك
صافح قلبك ابتسم لذاتك صالح نفسك وأطلق أسر أحزانك وعلّم همومك الطيران بعيدا عنك 
أعد ترتيب نفسك لملم بقاياك المبعثرة اقترب من أحلامك البعيدة 
اكتشف مواطن الخير في داخلك واهزم نفسك الأمّـارة بالسوء

Sunday, June 21, 2015

Saturday, June 20, 2015

محلى صيامك


محلى صيامك....مهما يطَول
دا انت حبيبنا يا شهر الصوم
نتمنى تتعاد............م الاول
ياللى فيك بنصوم..... ونقوم 
بعشق صوت المدفع لمــا
وساعتها....... نتجمع لمــه
بعد تعبنا ........طول اليوم
محلى صيامك....مهما يطَول
ومحلى سحورك مهما يكون
صوت الفجر مميز دايما
صوت كله جمال وحنون
بنصلى الفجر ويرجع قلبى
خالى من....... كل الهموم
دا انت حبيبنا يا شهر الصوم

Friday, June 19, 2015

رمضان كريم


كل سنه........وانتم طيبين 
على اغلى الناس والمدونين
ونفضل طول الشهر صايمين 
وف صلاه التراويح ساجدين
وعلى اجمل فطار فاطرين 
كل سنه ........وانتم طيبين