Tuesday, August 30, 2011

عيد سعيد


كل سنه وانتم طيبن يا احلى مدونين
كل سنه وانتم طيبن وكل الناس الطيبن
كل سنه ومصرنا عاليه فى كل حين
كل سنه وانتم بخير وعلى كل اهلى الحنين

Friday, August 26, 2011

ليله القدر


اجمل ليالى الشهر هلت
دا ليله افضل من سنين
مليانه بالخير والامان
غفران لكل المسلمين
نزل فيها القران الكريم
مغفره ورحمه م الرحيم
دا ليله افضل من سنين
ندعى فيها من قلوبنا
اغفر يارب ذنوبنا
وقوينا على نفسنا
واكرمنا بالعفو العظيم
دا ليله افضل من سنين
ندعى فيها يا ربنا
لم شملنا كلنا
واحفظ يا رب مصرنا
ولم شملنا اجمعين
دا ليله افضل من سنين


Wednesday, August 24, 2011

تم البدر بدرى


تم البدر بدري
والأيام بتجري
والله لسه بدري والله
يا شهر الصيام

حيانا هلالك
ردينا التحية
زهانا جمالك بالطلعة البهية
دي فرحة سلامك
والا وداع صيامك
والله لسه بدري و الله
يا شهر الصيام

يا ضيف و قته غالي
و خطوة عزيزة
حبك حب عالي
في الروح و الغريزة
أيامك قليلة
و الشوق مش قليل
و الغيبة طويلة
ع الصبر الجميل
لسه بدري حبة
يتملا الأحبة
والله لسه بدري والله
يا شهر الصيام

بتحلف يتيمك
ما تلمح دموعه
و تسره بقدومك
و تنور شموعه
و تسيب يوم وداعك
فوق الأرض عيد
يا هالل بفرحة
و مفارق بفرحة
والله لسه بدري والله
يا شهر الصيام

تم البدر بدري
والأيام بتجري
والله لسه بدري
والله يا شهر
الصيام


Monday, August 22, 2011

انسى همومك


دور ع الافراح جواك وانسى همومك
خلّى الدنيا سعيده معاك داوى جروحك
اصل الدنيا دى مش مستهله
لازم فيها تنسى الدمعه
اصلك انت حبيبى الغالى شوف بعيونك
دور ع الافراح جواك وانسى همومك
شوف بعيونك راح تلاقينى
ساكن جنبك نهارى وليلى
حبك ساكن شوقى حنينى
نفسى تشيلنى جوه جفونك
دور ع الافراح جواك وانسى همومك
انا وياك يا حبيبى تملى
دا انت حياتى وشمسى وضلى
علّى بحبك شوقى وخلّى
حياتى ماتسوى يوم من دونك
دور ع الافراح جواك وانسى همومك

Friday, August 19, 2011

عبر من التاريخ


اقرأ التأريخ إذ فيه العبر، وتأمل كيف أفنى ملكهم، ضل قوم ليس يدرون الخبر، من على الملك تولَّى وقهر. قال أبو كثير -جرير بن الأثير-: سلوني عن التاريخ، فإني في علمه شيخ.

قلنا: يا أبا كثير، فضلك كبير، فما هو التعليق، على أحداث نذكرها لك بالتحقيق.

قال: تقدموا وتكلموا.

قلنا: مولد النبي محمد .


قال: مولد النور، وإشراق السرور، وهو فتح من الله على هذا الكون، ونبأ عظيم ما سمع بمثله في حركة ولا سكون.

قلنا: فهجرته إلى المدينة.


قال: بداية الانطلاق، وفجر الإشراق، بها قامت الدولة، وصار للإسلام جولة، وللحق صولة.

قلنا: فغزوة بدر.


قال: إثبات صدق الصحابة، واجتثاث تلك العصابة، وقطع الرؤوس الكذابة، وجلال للدين ومهابة.

قلنا: فوفاة الرسول .


قال: نزفت منها القلوب دما، وامتلأت النفوس ألما، وهي دليل على أن لا بقاء إلا للواحد، وما مخلوق بهذه الدنيا خالد.

قلنا: فمعركة القادسية.


قال: مشهد من مشاهد الحق إذا هجم، ونهاية ماحقة ساحقة لدولة العجم، وأن من عادى الرحمن فليس له سلطان، ولا أمان ولا صولجان.

قلنا: فمعركة اليرموك.


قال: فرار الروم كالبوم، ولكل طاغية يوم معلوم، وإن الدين أمضى سيف للمجاهدين.

قلنا: فعين جالوت.


قال: نهاية المغول، ومأساة حظهم المغلول، وجندهم المخذول، على أيدي أتباع الرسول .

قلنا: فـ حطين.


قال: حطين، تمريغ الباطل في الطين، وهي يوم جلاء الصليب من فلسطين.

قلنا: فموت خالد بن الوليد على الفراش.


قال: دليل على أن الرجل درع حصين، وموته مصيبة للموحدين، وفرحة عابرة للكافرين، وعيد للجبناء الفاشلين. وكأن القتل هاب من خالد، فأتاه على غرة وهو قاعد.

قلنا: ففتنة القول بخلق القرآن.


قال: هي نتاج الفلسفة الشنعاء، التي زاحم بها المأمون الشريعة الغراء، ولكن الله نصر الحق وأتباعه، وهزم الباطل وأشياعه.

قلنا: أحسنت في هذا الحوار، فحدثنا عن بعض ما ورد في التاريخ من الأخبار

Wednesday, August 10, 2011

رمضان كريم


عديت يا شهر الصوم ولا لسه شبعنا منك
يوم بيعدى يوم ومين يستغنى عنك
دا انت الوحيد يا شهرنا بتكون لينا
شهر كريم وياريت ما تبعد عننا
وخليك بينا يا شهر رحيم
فجرك جميل وفيه سكينه
ومدفعك بيحنن قلوب رحيمه
بيحس الغنى بالفقير
دا انت الوحيد يا شهرنا بتكون لينا
شهر كريم
رمضان كريم

Friday, August 5, 2011

ذكريات رمضانيه



اهلا بيكوا اخواتى المدونين كل سنه وانتم طيبن ورمضان كريم
مين يصدق ان النهارده 5 رمضان الشهر كريم دا بيعدى بسرعه
جدا لدرجه ان انا عدى عليا 30 رمضان انا مش مصدق بس
الحمد لله يارب اكون بس اديت فيهم اللى اقدر عليه من
العبادات وربنا غفوررحيم هو المطلع علينا. قاعد بينى وبين
نفسى افكر اشوف صمت كام رمضان فى اللى عدوا
لقيت انى ابتديت صيام وانا عندى خمس سنين طبعا
كنت بصوم شويه كده لغايه الظهر بس كان والدى
الله يرحمه كان بيدينى 10 قروش كنت بجيب بيها
بسكوت وافطر بيه كنت بفرح قوى علشان بصوم
وبصلى الفجر مع ابويا وكنت بفرح قوى قوى
بالفوازير والف ليله وليله بعد العشا بقى كنت انا
واصحابى ناخد الفوانيس بتاعتنا اللى كان فيها شمع
ونحط الفوانيس فى النص ونلف حواليها ونقول وحودى يا وحوى
شويه شويه اتعلمنا ازاى نصوم اتعلمت اصوم لغايه العصر مره وبعدين لما كبرت شويه
صومت طول اليوم ابويا الله يرحمه جابلى هديه
عربيه بمفتاح كده كنت بلف المفتاح دا
العربيه كانت بتمشى بس على البلاط تيجى تمشى ع الارض تقف
ياااااه على الايام الجميله كبرنا شويه كده لما بقى عندنا 10 سنين
كنت بحب اروح العب كوره انا وصحابى بعد العصر نلعب لغايه
المغرب واول ما المدفع يضرب كلنا نسيب اللعب ونجرى نلحق الفطار
قمر الدين والتمر والبلح من اكتر الحاجات اللى بحبها قبل الفطار
والكنافه والبسبوسه من اكتر الحلويات اللى بحبها بعد التراويح
ايام جميله والله ربنا يعود علينا الف رمضان كلنا يارب

Monday, August 1, 2011

دعاء دخول رمضان


اللهم يا حنان يا منان اجعلنا من الفائزين برمضان ولا تحرمنا من أعوام بعد أعوام ، واجعل أيامنا كلها كأيام رمضان فى البر والاحسان، والصلاه والقران، وارزقنا حج بيتك الحرام عاما بعد عام حتى نلقاك وانت راض عنا، ولا تصرفنا من هذا المقام العظيم الا بذنب مغفور ، وعيب مستور،وسعى مشكور، وشفاء لما فى الصدور، وعمل صالح متقبل مبرور، وتوبه خالصه لوجهك الكريم,,و برحمتك يا ارحم الراحمين
اللهم أهله علينا بالأمن والإيمان والسلامة والاسلام والعافية ... ودفع الأسقام والعون على الصلاة والصيام وتلاوة القرأن وتدبره .. اللهم سلمنا لرمضان وسلمه لنا وتسلمه منا متقبلأ حتى ينقضي وقد غفرت لنا ورحمتنا وعفوت عنا .. فمن صامه وقامه إيمانأ واحتسابأ غفر له ما تقدم من ذنبه .. كل عام وأنتم إلى الله أقرب