Tuesday, April 21, 2009

بتغيبى ليه


بتغيبى ليه وبتظهرى زى القمر
ياللى مليتى الدنيا بالخير والسلام
بطلتك بتفرحى كل البشر
وبضحتك تملا الدنيا الامان
انتى بعيده والدنيا ديه صغيره
اكيد هتبقى زهره حلوه منوره
وتنورى البيت السعيد
وتفرحى بقربك حبيب
وانتى عروسه فى يوم سهر
بتغيبى ليه وبتظهرى زى القمر

76 comments:

ShiMOo said...

هيه هيه هيه هيه هيه هيه هيه
عشت وبقيت اوووووووووووول كومنت عندك
لالالالالالا انا خلاص مش عايزة حاجه من الدنيا بعد كده
هحلم بإيه تاني يعني !!!
ههههههههههه
هروح اقرا واجي بقى

roody hanem said...

مهى بتغيب عشان ترجع تظهر زى القمر

سؤال بقى

هى البطيخه اللى كانت فوق مين اكلها؟؟؟

صمت المشاعر said...

جميله اوووووووي الكلمات بجد\

ان دلت فتدل علي الحب الصافي

دمت بكل خير وسعاده دائما

ShiMOo said...

معلش اللاب ياعيني من الفرحه
عمل ريستارت من نفسيته كده :D

قمر وعروسه وبيت
عقبــــــــالي يــــــــارب :(

لالالا بجد رائعه كالعاده

:)

holyday said...

تعليق الخامس
لفتاة
من
من اخر

احساس طفلة محبة للرومانسية بس واقعية said...

بطلتك بتفرحى كل البشر
وبضحتك تملا الدنيا الامان

دى اكتر حاجة بتعجبنى فى كتاباتك انها بتلمس نبض الطبيعة
بتصف مشاعر رائعة

اكيد هى ليها جمالها عشان بتغيب
وعشان كدا بتسعد قلوب كل البشر بطلتها ى القمر

رائعة بجد
تسلم ايدك

تقبل مرورى

جــــوه القـــلـب said...

طيب كويس انها بتغيب وترجع زى القمر فى غيرها مابيرجعش تانى .......rock

صدى الصمت said...

جميلة قوى روح التفاؤل والسعادة والأمل فى البوست دة
كنت قافل التعليقات وكنت بس عاوزة أقولك إن اللوك الجديد رائع ورقيق ويناسب الربيع ويناسب أيضاًالمحتوى الرومانسى للمدونة أكتر بكتير من البطيخة ال كانت موجودة قبل كدة
كل عام وانت بخير

holyday said...

السلام عليك
تعبير علي ماكتبت اروع من رائع



اختك
فتاة من زمن اخر

شمس النهار said...

الكلام جميل طبعا
بس عايزه اقول
ان اللي بيحب حد مايقدرش يغيب عنه ويعذبه
صح
القرب حب
والبعد جفا
واللي يقدر يغيب عن اللي المفروض انه حبيبه يبقا مابيحبهوش

صوت من مصر said...

الناس الى بتطلب معاهم محمد فؤاد الايام دى

عاشقة الأحزان said...

السلام عليكم
ايه ياعم الجمال ده
بجد انت هايل
وكويس إنها لما بتغيب بترجع قمر
هههههههههه
مبروك حضرتك غير مود المدونه
تحياتى

MaNoOoSh said...

ان شاء الله تنور البيت السعيد ويمون اسعد واجمل بيت بحبكم

وردة said...

اولا مبرويك ياسيدي علي النيولوك
الورد بجد يجنن
اما البوست بتاعك جميييييل جدا ومتفائل علي الاخر
واكيد بتغيب علشان تشوقك للقمر
ههههههههه
بس ايه ده بقي
تنور البيت
عروسه
وزي القمر كمان
طيب انا معزومة علي الفرح ولا لاء
ههههههههههههه
ربنا يسعدك ويفرحك يارب
سلام

وردة said...

اما البوستين اللي فاتو بتوع محمد فؤاد
روووعة
محمد فؤاد له عندي معزة خاصة
واختيارك للاغنيتين دول بجد مميز جدا
هاه مش تعترف بقي
نقول مبروك يعني
ههههههه

kemet said...

السلام عليكم ورحمة الله وبركاته

بتغيبي ليه وبتظهري زي القمر

لو القمر موجود طول الشهر والشمس موجوده طول اليوم ماكناش هانحس باحتياجنا ليهم
لانسان مش بيحس بالشئ الا لما بيفقده او يغيب عنه
يبقى الغياب نعمة بتعلمنا قيمة اللي بنحبهم واحيانا بتنبهنا اننا بنحب

تحياتي
الى اللقاء

gogo!sf said...

اجمل ما فى بوستاتك انها صغيرة اوى
بس كلماتها بتشمل معانى كتير جدا
انا بحسها كده

وبجد كلماتك اكتر من رائعه

تحياتى يا مان

hasona said...

السلام عليكم

نعم هي تغيب كالقمر
وتعود كالقمر
فالقمر يغيب لنحس بما يعطينا
ونحس بظلمة من غيره
وعندما يعود لينير سمائنا تعود معه الاحلام والاماني والسهر
فهي تعود لتنير حياتك من جديد
وتبقي اجمل زهرة بها

maioya said...

بتغيب
عشان انت تكتب الكلام الحلو ده
جميل اوي
وحلوه السونج بتاعه فؤاد

salwa said...

السلام عليكم
و بضحكتك تملا الدنيا امان
ما اجملها من عبارة معبرة
ادراج رائع
سلام

فراشة said...

ايه يا رومنسى الكلام الجامد ده
اولا مبرووووك على النيو لوك الجامد
الحالة اللى انت بتكتب بيها بقالك كام مرة حلوة جدا
بس حقيقى كلامك رقيق قوى
تحياتى ودايما بتمتعنا بموضوعاتك

mohamed ghalia said...

دايما كلماتك هايلة
يسلم إحساسك العالى

esraa said...

(:

ঔღঔ نـــوارة ঔღঔ said...

دائما رائع باختيارك للكلمات الرقيقة

سلم لنا احساسك الراقي

دمت بود

طـــائر الليــــل الحـــــزين said...

رومانسى
مع انى زعلانة عشان مخصمنى ومش بتيجى عندى بس برده مش قدرت اقاوم انى اقرى البوست بتاعك
كلماتك جميلة زى ما بتعودنا دايما
بس مش عارفة ليه حسة كده انك عايش حالة حب جميلة
تحيااااااااتى ايها العاشق

e_emy said...

جميل جداااااا

ومبروك ع الثيم الجديد :)

مـجـنـووون said...

مش هقدر ااقول غير الله ينور

طول ما عمرها قست علينا وبتبقي ديما مصدر خير ووفاء

أكيد هتبقي ديما في القلب

تقبل مروري
مجنووون

نـــــــــــــور said...

بتغيب علشان القمر بيغيب وبيظهر
لانه لو ظهر دايما مش هيبقى قمر
ومشهيوحش الناس
مش كده؟

مبسوطه ان مودك اتغير شويه
اتمنى يكون اتغير خالص :)

طوبة ذهب وطوبة فضة said...

استاذ ورئيس قسم الرومانسيه تسلم ايدك واعذرنى على غيابى وتقصيرى

ريمان said...

حلللللللللللللللوه اوى يا رومنسى


بجد دايما بحب اجى هنا اشوف احلى كلام

شيماء جمال said...

واااااااااااو
كالعادة بكل سعادة ويا رب ما يقطعلك عادة

جميلة قوى خالص يا رومانسى
عقبالنا لما نكون كده

تحياتى

شيمو القمر

ساره said...

اكيد خجوله
تغيب ولما تشتاق لك تظهر

shams el7aya said...

كلمات تغمرها الرومانسية كالعادة بسيطة وجميلة وتدل على مدى اشتياقك لرؤية حبيبتك وعند رؤيتك لها تشعر باان الحياة ردت اليك وان العالم اصبح اكثر اشراقا وجمالا سلمت اناملك يارومنس ويارب دايما نشوف منك الكلام الرومانسى الجميل ده

الازهرى said...

بتغيبى ليه وبتظهرى زى القمر

بجد جميلة جدا يا رومانسينا الغالى

تتحياتى دوما للقلم الجميل

princess said...

حلو النيو لوك ده
:))))
وبتغيب ليه عشان تكتب الكلام ده
بس كده

الفراشة الصغيرة said...

ليك تاج عندى

romansy said...

ShiMOo

اهلا يا شيمو منوره اول تعليق
ربنا يطول فى عمرك وتبقى كل مره اول تعليق

romansy said...

roody hanem
نورتى يا رودى
البطيخه بقى راحت لصاحبها دلوقتى
مستنى اشوف بطيخه تانيه تفتح النفس

romansy said...

صمت المشاعر
اهلا بصمت المشاعر
بس سؤال ليه صمت المشاعر خليها تقول كل اللى جواها هتشعر براحه
نورتينى

romansy said...

ShiMOo
اخبارك ايه يا شيمو
عقبالك يارب انتى وكل البنات اللى فى الكون
ربنا يسعدكوا كلكم يارب

romansy said...

holyday

مرحبا بيكى فى عالم رومانسى


نورتى

romansy said...

جــــوه القـــلـب

ليه بس التشاؤم دا
الحمد لله
ان القمر بيظهر كامل تلت ايام فى الشهر

تحياتى

romansy said...

صدى الصمت
الحمد لله انى اللوك عجبك
بشكرك على رايك الجميل
واتمنى دايما انى اكون دايما عند حسن ظنكم

romansy said...

احساس طفلة محبة للرومانسية بس واقعية
اهلا بيكى
دايما منورانى مع انى عارف انى مقصر معاكى ومع كل الناس
جميله فى نظرى دايما بشوفها القمر ودنيتى بحالها
اتمنى انى اسعدها

romansy said...

holyday
اهلين فيكى
عزيزتى
نورتينى
اتمنى دايما اكون جنبكم

محاولة لكسر الصمت said...

هو طبع القمر.....
تحياتي

romansy said...

شمس النهار
مش بايدينا يا شموسه
نختار امتى نبعد وامتى نقرب
كل شئ مكتوب

romansy said...

صوت من مصر
معلش يا محمد بيك
اعذرنى بقى
اهى طلبت بس

aidy said...

كلمات بجد جميلة جداااا

فيها نوع من الرومانسية الجميلة

تحياتى ليك

romansy said...

عاشقة الأحزان
الله يبارك فيكى
وشكرا على زيارتك الكريمه
وسامحينى لو كنت مقصر معاكى

romansy said...

وردة
اهلا ورده عجبك الورده يا ورده
الحمد لله
انى اللوك عجبك
معزومه اكيد تشرفى
بس بقى لما يكوون

romansy said...

وردة

انا برضه بحب محمد فؤاد جدا وبحب اغانى كتير بتاثر فيا قوى
يلا بقى
مشتركين فى حاجه

romansy said...

kemet
اهلا بيكى
كل شئ لما بيبعد عننا شويه معزته بتزيد فى قلوبنا
دى النفس البشريه منقدرش نحكمها

romansy said...

MaNoOoSh
اهلا بيكى منوش
ان شاء الله يبقى احلى بيت

romansy said...

gogo!sf
شكرا يا جوجو
على الكلمتين الجمال دول
يارب دايما اقدر اسعدكو

romansy said...

hasona

اهلين
نتمنى دائما ان تكون لنا كالقمر المنير يضئ لنا كل شئ
يضئ الطريق يضئ القلوب

romansy said...

maioya

اهلا ميويه
انتى شايفه كده
تغيب براحتها بقى

romansy said...

salwa
منوره يا سلوى
اخبارك ايه
اتمنى دايما اكون عد حسن ظنكم

romansy said...

فراشة
اها يا فراشه
مع انى مش فى حالتى اصلا
بس الحمد لله ان الكلام كويس

romansy said...

mohamed ghalia
اهلا يا محمد بيك
ايه اخبارك
شكرا يا جميل على تعليقك

romansy said...

esraa

عجبك
الكلام الحمد لله

romansy said...

ঔღঔ نـــوارة ঔღঔ

اهلا نوراه مدونتك انتى الى اجمل
وفيها زوق راقى

romansy said...

طـــائر الليــــل الحـــــزين

ااااااااااه
مقدرش على زعلك خالص يا دنيا
بس غصب عنى
انا مقدرش اخاصمك لانى بكده هخاصم روحى
سامحينى

romansy said...

e_emy

اهلا ايمى
منوره
وكل سنه وانتى طيبه

romansy said...

مـجـنـووون

اهلا يا صديقى

بتغيب علشان تعرف اكيد حبها قد ايه
بس اتمنى انها تفضل جنبنا
على طول

romansy said...

نـــــــــــــور

صح كده يا نور

الحمد لله يا نور

انا بخير

romansy said...

طوبة ذهب وطوبة فضة

اهلين دهب

دا كله انتى بتجاملى
واستاذه كبيره

بشكرك جدا جدا

romansy said...

ريمان

احلى كلام عندك انتى يا ريمان

كل سنه وانتى طيبه

romansy said...

شيماء جمال

انتى احسن من كده يا شيمو

يارب اكون دايما عند حسن ظنكم

romansy said...

ساره

اهلين ساره

انتى شايفه كده يا ساره
دا يبقى خجلها جميل قوى

romansy said...

shams el7aya
اهلا شموسه
منوره
شكرا جدا جدا
على تعليقك وكلامك الجميل

نورتينى

romansy said...

الازهرى

اهلا يا صديقى

اخبارك ايه

انتى بقيت مجامل ولا ايه
ربنا يخليك يا مان

وتبقى اسعد انسان

romansy said...

princess

وانتى بقى

دا كله غياب

حمد الله على سلامتك

romansy said...

الفراشة الصغيرة

اهلا يا فراشه
شكرا على التاج الجميل دا

ان شاء الله هحله

Rosie said...

أولا حلوة أوى الصورة الى أنت حاطتها..ندخل بأه فى الكلام
.....بتغيبى ليه و بتظهرى زى القمر..
يمكن عشان الحاجات الحلوة لو فضلت علطول مش هنحس بقيمتها..
..............

.كلماتك مميزة كالعادة

romansy said...

Rosie
اخبارك ايه يا قمر
الحاجات الحلوه
دايا بتبقى احلى وهى جنبى
عاوزه جنبى دايما