Saturday, November 28, 2009

بحلــــم بيوم




بحلم .. أحلم .. أحلم

وياريت ياريت .. أحلامي دي تبقي حقيقة

ياريت ياريت .. تتحقق كل دقيقة

بحلم بيوم .. أشوف الشفايف بتتكلم كلام فيه حب

أحلم بيوم .. أشوف الناس ما عرفوش الجراح ف القلب

بحلم بيوم .. أشوف الدروب ما فيهاش دموع أحزان

أحلم بيوم .. أشوف بكرة بيزرع ضحكة للإنسان

أحلم بيوم .. يوم

تشوف عينيا فرحة قلوب الصابرين

وأشوف الحيارى في طريق الامل ماشيين

وأشوف اللي هاجر راجع هنا .. راجع هنا لمكانه

وأشوف اللي يائس .. جفت دموع أحزانه

بحلم بيوم .. أشوف الدنيا نور علي كل البشر

وأشوف سما ما يغيبش يوم عنها قمر

عنها قمر

86 comments:

اسماء واحلام فى وجدانى said...

اول تعليق

عندك يا رومانسى

اسماء واحلام فى وجدانى said...

الاحلام كتير وكتير بس تفتكر ازاى نحققها وفى ناس هدفها تدفن الامل الصاحى فى كل حلم ،، فى كل قلب مليون حلم وحلم

اسماء واحلام فى وجدانى said...

انا كنت باحلم فى يوم بجد انى اكون اول تعليق عندك شوفت الحلم رغم البساطة اللى فيه لكن والله يا احمد كنت مستبعده خالص لان سيتك متراقب
وطبعا فرحة لامة انقذك من الرقابة
ممكن بقى اعيد على شريكتى من هنا
كل سنة وانتى طيبة يا شريكتى

donya said...

مساء الخير
انا كمان بحلم باليوم ده
ان ماحدش يجرح والا يفارق حد

لكن تفتكر ده هيحصل
تحياتي

donya said...

رومنسي تسمح لي ارد علي اسماء واحلام

ده في ناس محترفه ازاي تاخد اللي هي عيزاه وتجرح وتمشي
وان ماعرفوش ياخده حاجه برضه يجرحوا ويمشوا
دي ناس محترفة ومريضه نفسيا

خواطر شابة said...

الدنيا اللي انت بتحلم بيها دي تلاقيها في المدينة الفاضلة لافلاطون أما في عالمنا تعتبر صعبة لكن مع ذلك الحلم مشروع به نستطيع مواجهة واقعنا مهما كان مرا
تحياتي لك وعيد سعيد

Sometimes said...

عجبانى الموسيقى بتاع الاغنية جداااااااا
وعلى فكره انا بحلم بكل حاجه
اللى يتحقق منها خير وبركه واللى ميتحققش يبقى كفايه عليا الحلم اهم حاجه عشتها حتى لو فى خيالى


كل سنة وانت طيب

لاسع افندى said...

حلمك رغم جماله
صعب علينا نواله


كل سنه وانت طيب وبتحلم احلام جميله

تحيه لاسعه

مي said...

يارييييييييييييييت تتحق احلامك قد يكون تحقيقها هو حلم ذات نفسه
للاسف مش بحب احلم دلوقتى عشان بنصدم على ارض الواقع
دعنا نترك الاحلام ونحاول ان نغير من انفسنا ونلامس الواقع بحلاوته ومرارته

نهر الحب said...

الاحلام ما دام سميت هكذا يبقي من حقها تاخد نسبة عشان تتحقق

حلوة الاغنية وحلوة كلماتها اوي
وان شاء الله احلامك تتحقق
عيد سعيد ان شاء الله

romansy said...

اسماء واحلام فى وجدانى
اهلا اهلا بيك يا حبيب قلبى

تنور الدنيا
يا غالى

romansy said...

اسماء واحلام فى وجدانى
والله يا احمد بيك ليه نسمع للناس اللى بتحاول تتقتل الامل جوانا
اكيد اللى قدامه هدف مش بيبص غير عليه بس
ومش بيزكز غير فيه بس

romansy said...

اسماء واحلام فى وجدانى
ياعم احمد يا انجليزى المدونه دى بتاعتك انت
وغير كده انت حققت حلمك
اهو
وادعلينا بقى كل واحد فينا
وفى كل الناس الطيبين
يحقق حلمهم

romansy said...

donya
اهلا دنيا
وليه لا
كل شئ ممكن يتحقق
الاحلام مش بتتحقق الا بايدينا
بس نصفى قلوبنا

romansy said...

donya
طبعا اسمحللك
بس احب اقولك برضه
وليه نسمح لنفسنا اننا نسمع كلام الاشخاص دوول
ربنا ادانا عقل نفكر بيه
ونميز بيه الصح من الغلط

romansy said...

خواطر شابة
اهلا بيكى
يا استاذه
والله الحلم شئ مباح نحلم بيه ونحاول على اد ما نقدر نحققه
كل سنه وانتى طيبه
ونتمنى تحقيق الاحلام

romansy said...

Sometimes
اهلا اهلا بالناس اللى غايبه عننا
الشيكولاته باللبن
خليتك فريش
ياريت دايما كده
كل سنه وانتى طيبه
واحلمى اكتر واكتر
كل الاحلام مباحه ونحقق اللى نقدر عليه
ان شاء الله

romansy said...

لاسع افندى
اهلا بيك يا استاذنا الفاضل
والله بالرغم انه صعب الا انى ممكن احققه
مع نفسى
احقق كل اللى اتمناه

بس نحلم

romansy said...

مي
اهلا ميويه
كل سنه وانتى طيبه
الاحلام شئ جميل نحقق اللى عاوزينه منها بايمنا باحلم نفسه
صحيح ممكن نتصدم بس نرجع تانى
واقفين على رجلينا

romansy said...

نهر الحب
اهلا يا نهر
ان شاء الله تتحقق
الحلم مش صعب بس ممكن نفسنا البشريه هى اللى مستصعباه
بس المهم اننا نحلم
علشان لو بطلنا نحلم نموت

ماء تشرين said...

كل سنه وانت طيب ياشريكى يارب

ماء تشرين said...

بس العيد هنا ليه طعم تانى

ماء تشرين said...

احلى حاجه عملتها في العيد انك احتليت رومانسي وهو بيحلم كده

على فكره انا بموووت في الاغنيه دى

Butterfly said...

بيتهيألى ده حلى معظمنا اليومين دول

blue-wave said...

يارب تحقق كل احلامك واحلامنا معاك يا رومانسى

وردشان smilyrose said...

يااااااااااااااااه

على الاحلام كتير بنحلم

وكتير بنتمنى

بس الحياة قاسية

قلوب كانت عايشة بحلم جميل

صابحه عايشة بجرح اليم ملوش نهاية

قلب كان عايش للحب صبح مليان دموع

وياما وياما احلام

ولكن ياترى هيجى يوم نحقق ولو حلم صغير

صوت من مصر said...

بتحلم بايه
اقولك عليه

زهور الامل said...

الله يا رومانسي

بجد بجد تحفة وجميلة وعجبتني جدا الكلمات

تسلم ايدك
وكل عام وانت بخير
تحياتي

rony said...

انا كمان بحلم بيوم التحول ده
وهسميه يوم التحول العجيب
لكن الواقع بيقول انها هتفضل احلام جوانا وبس
وربنا يقدر على كل شئ
تحياتى لك يا ارق رومانسى
وكل سنه وانت طيب

الشعب لابد له من حكومه تشكمه said...

دا انت هتقعد كتير اوى تحلم,,,

Mona said...

ياريت بجد يتحقق الحلم دا
اشوف ناس بتحب بعضها بجد

Soul.o0o.Whisper said...

على فكرة النت دا مستقصدنى

عشان بعد ما كتبت كومنت طويل عريض النت فصل
عااااااااااا


المهم
كل سنة و انت طيب يا رومنسى
و عيد سعيد على الكل يارب


و يارب تتحقق أحلامنا
بس إحنا نصر على تطبيقها
مش نقف عند مرحلة الحلم بس


:)

romansy said...

ماء تشرين

كل سنه وانتى طيبه

romansy said...

ماء تشرين

طبعا طالما فيه احتلال

romansy said...

ماء تشرين
انا مش بحلم بكده وبس
انا بحلم باكتر من كده

romansy said...

Butterfly
اهلا يا فراشه
دا حلم كل الناس
الطيبه

romansy said...

blue-wave

كل سنه وانت طيب
يا عمرو

يارب نحقق كل اللى نتمناه

romansy said...

وردشان smilyrose
ان شاء الله يا ورده
هنحقق كل اللى نتمناه
بس اكيد الصبر
عارفه اوقات كتير بتضايق وبحس انى خلاص الامل راح
لكن بلاقى رحمه ربنا واسعه

romansy said...

صوت من مصر
اهلا بيك يا كيموووو
بحلم بيوم يعدى علنا واحنا كلنا ايد واحده

romansy said...

زهور الامل
اهلا بيكى يا امل
ان شاء الله
نحقق كل اللى نتماه

كل سنه وانتى طيبه

romansy said...

rony
اهلا يا رونى
هو صحيح تحول
بس ان شاء الله يحصل
ودنيتنا تتغير شويه

romansy said...

الشعب لابد له من حكومه تشكمه

اهو
ان الله مع الصابرين

يديك ويدينى طوله العمر

romansy said...

Mona
اهلا بيكى

كل سنه وانتى طيبه
يارب نحقق كل اللى نتمناه

romansy said...

Soul.o0o.Whisper
اهلا يا سووووول
ولا يهمك

كل سنه وانتى طيبه

ويارب نحقق كل اللى نتمناه
ونصمم عليه
وربنا يدينا الصبر دايما يارب

(green eyes) said...

جميلة اوي احلامك دي
يارب تتحقق مع اني اشك في دا
بس خلينا يكون عندنا امل في بكرة

7annen said...

ربنا يحققلك كل احلامك

سفروتة said...

بالرغم ان الاغنية
فيها حلم لحاجات حلوة كتير


الا اني كل اما بسمعها بعيط
:(

إحنا شباب النهارد said...

السلام عليكم ورحمة الله وبركاته
تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .
نتمنى قبول التاج ونشر إجابته بمدونتك مشاركة منك فى افتتاح المدونة
نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة
مع خالص تحيات
أسرة رابطة هويتى إسلامية
فريق عمل إحنا شباب النهارده

صوت من مصر said...

من غير ما هتجمل اسمحلى اقولك كلمه واحده
كلنا بنحلم انت بتحلم بيوم وانا بحلم ب ؟.

سلمى said...

كتب حلمى بقلمك
فحلمى مثلك
يا رب يتحقق ولو جزء بسيط منه
تحياتى

miroooo said...

جميله اوى كلماتك يا رومانسى وحلمك كمان جميل وبالرغم من انى مش باحب الياس وعمرى مافقدت الامل فى حاجه بس الحلم ده بجد يمكن يكون مستحيل وصعب اوى تحقيقه مفيش قدامنا غير نقول يارب ربنا يوفقك يا رومانسى دمت بكل الخير

Somaya Kamal El Din said...

حلوة اووووووى


والجزء ده اكتر

أحلم بيوم .. يوم

تشوف عينيا فرحة قلوب الصابرين

وأشوف الحيارى في طريق الامل ماشيين

وأشوف اللي هاجر راجع هنا .. راجع هنا لمكانه

وأشوف اللي يائس .. جفت دموع أحزانه

بحلم بيوم .. أشوف الدنيا نور علي كل البشر

وأشوف سما ما يغيبش يوم عنها قمر

عنها قمر

تسلم ايدك على الحلويات دى
:D

صوت من مصر said...

http://forshewatan.blogspot.com/
طيب ممكن تحلم معايا بالوطن ده
دى مدونه
مش انا صاحب فكرتها
بصراحه كده
انت

شموع دافئة تحت زخات المطر said...

السلام عليكم و رحمة الله و بركاته

و نحلم ايضا معك
نحلم بان تعلو كلمة التوحيد
نحلم باسترجاع الاقصى و عودة فلسطين
نحلم بالانتشار الخير
و اندثار الاذى

نحلم بان يعيش الناس في سلام
يجمهم الحب و الاخاء


و نحلم ونحلم و تكثر الاحلام

لكن سيأتي يوم
و نرى احلامنا واقعا ملموسا باذن الله
فقط فلنحفظ شموع الامل متقدة بدواخلنا


تقبل مروري

salwa said...

السلام عليكم
و ما اجمله من كلام راااااااائع
و اكيد الكل يوافق معك بهذا الحلم
و لنعمل لتحقيقه
سلام

norahaty said...

(وأشوف سما ما يغيبش
(يوم عنها قمر
ممكن تروح القطب الشمالى
فى فصول الشتا الليل
عندهم 6شهور كاملة:)
حتشبع فيهم قمر
يارومنسى
أحلام حلوة
وجميلة
لكن نرجع نقول
بعضها ممكن يتحقق والبعض الأخر
غير قابل للحقيق!

صدى الصمت - عاشقة الورد - said...

إننا نحلم دة شىء رائع ولما نحاول نحقق أحلامنا بكل طموح وإصرار وإرادة بيكون أروع ولكن ياريت والله يا أحمد إن أحلامنا كلها تتحقق أكيد شكل الدنيا هيتغير
تحياتى

Rosie said...

لو عيشت اليوم ده يا ريت تقولنا...أحلام وردية لكن الحقيقة مدية على بنفسجى شوية..هههه...

حنين said...

السلام عليكم
ازيك يا رومانسى اخيرا عرفت اكتب تقريبا من اول يوم كتبت فيه البوست وانا بحاول اعلق بس مش عارفه الصفحه عندك فيها مشكله انا طولت عليك معلش
اختيارك للكلمات رائع وفكرتنى باغنيه كنت بحبها اسمها بحلم على ادى بشراع يعدينى الاحلام فعلا جميله وياريت تتحقق كلنا بنحلم دى ابسط حاجه لكن الصعب هو تحقيقها

الزنارى said...

السلام عليكم
فلنحلم
اذ لا توجد خطوط حمراء للأحلام
فالحلم يكون بداخلك و لا يطلع علية أحد سواك
مع خالص الاحترام و التقدير
أحمد الزنارى

ليس فقيرا من يحب said...

خير يا رومانسى

قافل التعليقات على البوست الجديد ليه

يارب تكون بخير

e_emy said...

يااااااااه

ياريت الحلم يبقى حقيقه يارب

جميييييييل جداااا

ربنا يزيدك :)

norahaty said...

ايه يارومنسى
سلامتك من الحزن
قافل التعليقات
وجايب أغنية لحليم عمرى
ما سمعتها قبل كده الصراحة
سلامتك يارومنسى يارب اللى يكرهك
هو اللى يزعل ويحزن.

بنت مصرية said...

كلام جمييييل رومانسي اسم على مسمىّ

جارة القمر said...

مين أنا ؟

كلمات تقطر ألم لم أتعود عليه منك

لذلك كن بخير

romansy said...

(green eyes)
الامل موجود دايما فى حياتنا
بس نحاول نوصله

romansy said...

7annen
ان شاء الله يا حنين


تحياتى

romansy said...

سفروتة
اهلا سفروته
جايز علشان انتى انسانه حساسه قوى

romansy said...

إحنا شباب النهارد

مبروك على المدونه الجميله
وشكرا على التاج الجميل
تحياتى

romansy said...

صوت من مصر
اهلا كيموووو
بس يا ترى بقى هنحقق احلامنا امتى


قول يااارب

romansy said...

سلمى
ان شاء الله
يا سلمى


تحياتى

romansy said...

miroooo
الحمد لله
طول ما عندنا امل ممكن كل شئ يتحقق

romansy said...

Somaya Kamal El Din
نورتى المدونه
اشكرى اللى كتب الكلام الجميل دا وامتعنا بيه

romansy said...

صوت من مصر
ماشى يا سيدى
نحلم بالوطن

اللى ممكن يرفعنا

romansy said...

شموع دافئة تحت زخات المطر
نتمنى دائما ان لا تنطفئ تلك الشموع

romansy said...

salwa
اهلا بيكى يا استاذه

ان شاء الله نحقق كل اللى نتمناه


تحياتى

romansy said...

norahaty
اللى يتحقق يتحقق
بس المهم انننانحلم
وخلاص
مش مشكله نروح القطب الشمالى
وايه يعنى
طالما فيه قمر
وفيه الحياه اللى نتمناها

romansy said...

صدى الصمت - عاشقة الورد -
ان شاء الله
نقدر نحقق احلامنا
طول ما معانا ربنا نقدر نعمل كتير قوى قوى

romansy said...

Rosie
ههههههه
مش مشكله
هبقى اعزمك فى يوم من الايام
فى الجنه اللى هنبنيها

romansy said...

حنين
اهلا حنين
ولا يهمك
انا برضه بحب الاغنيه دى قوى قوى

الاحلام شئ مشروع نتمنى نحقق كل اللى نتمناه
دايمات

romansy said...

الزنارى
نتمنى تحقيق ما نريده دائما

romansy said...

ليس فقيرا من يحب
الحمد لله
خير
يا رونا

romansy said...

e_emy

قولى يارب يتحقق

اهو بنحاول

romansy said...

norahaty
الله يسلمك يا دكتوره
الاغنيه دى هى اللى وقعت قدامى
معلش ظروف بس
الحمد لله انا بخير

romansy said...

بنت مصرية
بشكرك جدا جدا

تحياتى

romansy said...

جارة القمر
اهلا بيكى
بشكرك على سؤالك
الحمد لله
انا بخير