Saturday, August 1, 2009

التسامح


سامح انسان جميل
كل همه فى الحياه انه يسامح
انه ينشر كلمه حلوه
ويداواى كل قلب جارح
بس مين اللى يداويه
طول عمره يتمنى الحياه تبقى جنه
طول عمره عايش بيتمنى ويتمنى
تبقى قلوب الناس كده صافيه
انه يلاقى كلمه دافيه
تجمع شملهم
سامح انسان جميل
بيتمنى حبهم
بيتمنى والحلم دا مش بعيد
بس نبدا من قلبنا ونعلمه
ازاى يكون فى يوم سعيد
السعاده فى حب الناس هنلاقيها
ونفرح بيها اكيد اكيد
دا حلمنا دا مش بعيد

129 comments:

طوبة ذهب وطوبة فضة said...

sahl awy ank tsam7 bs ya tra kol anas htkon kda msh htkon anta bs el msh tby3e 3la el3mom da3wa gamila fayam agmal yarab tkon fmezan 7snatk

ماء تشرين said...

انا تانى تعليق

ماء تشرين said...

لا مش مصدقه

ماء تشرين said...

وكمان المدونه فاضيه


لا لا ممكن يجرالى حاجه

ماء تشرين said...

الناس اكيد في المصيف كلهم عندنا والله يارومانسي مش عارفين هيمشو امته

ماء تشرين said...

مرسي اوى على سؤالك بجد

ماء تشرين said...

احجز بقه للناس المتأخره الى لسه نايمين

ماء تشرين said...

مش عارفه انا وهو شركاء ازاى وهو نايم كده ومبيعملش شغل

ماء تشرين said...

ماعلينا كفايه كده بقه اروح اقرا الموضوع

ماء تشرين said...

ياترى سامح ده عايش في مصر يااحمد؟ ولا فين؟؟؟؟؟؟؟؟؟؟؟؟


اصل مصر خلاص مبقاش فيها ناس جميله وطيبه الصفه دى خلاص اتلغت عند المصريين الناس اتغيرت ياما

مي said...

كل مرة ادخل الاقى احتلال يلا مش مشكلة اهم اخواتى ده ببات على باب المدونة بتاعتك عاااا ماليش دعوة
جميلة اوى الخاطرة دى وياريت نكون حد جميل زى سامح ونسامح بعض بجد التسامح شىء جميل لو بين الناس مش هيكون فى كراهية ياريت نفتح صفحة جديدة

عندى صاحبتى خطيبها اسمه سامح كل ما اشوفها اقولها سامح عمره ما هيسامح نفسة ابداااا ههههههههه
تحياتى ليك يا جميل

7annen said...

جميله اوى يا احمد

تسلم ايدك بجد

كلامك كدا بيوصل المعنى بسهوله

راااااااااااائع تسلم ايدك


حنين

فراشة said...

سامح ده انسان رائع واسمه على مسمى

ياريت كل القلوب تكون زيه
وياريت كل القلوب تكون زييك انت يارومنسى
عندك الحب والتسامح ولون الحياة جميل

والله بجد انت ماشاء الله عليك ربنا يجعل الحياة الجميلة اللى دايما بتبان فى سطورك تدوم عليك على طول
قد ايه دايما محتاجين التفائل والتسامح

كعادتك مبدع يا رومنسى المدونات

ليس فقيرا من يحب said...

يا بختك يا سامح
ياريت كل القلوب
طاهرة ونقيه كده

وتسلم ايديك يارومانسى
على كلماتك الجميله

تقبل تحياتى

سلوى said...

حلم مش بعيد
بس صعب شويه
لأننا على الأرض

بس ياريت يتحقق

آيوشة said...

التسامح شئ مش صعب بس احنا اللى مش بنحاول نتغير ونتعلم ازاى نسامح غيرنا
كلمات جميلة تسلم ايديك

الفراشة الصغيرة said...

منمن كفايه كده احتلالات حرام عليكى

ارحمى الناس

الفراشة الصغيرة said...

رومنس

حلو قوى كلمه تسامح

بس ياترى لسه فى ناس تسامح بعض

اتمنى اننا نكون متسامحين

ونحاول نحب بعض

Nasimlibya said...

مساء الخيرات يا رومنسي

مفيش احلي من المسامح والتسامح

بس برضو منركزوش عليه هلبة يولي بعدين استغلال

:) دمت بكل خير يارب

عاشقة الأحزان said...

جميل قووى ياقمر التسامح ده شىء جميل قووى بس للاسف فى ناس كتير قووى بتجرح وجرحها بيسيب اثر جوانا ومش ينفع نسمحهم خالص مهما حصل

جميل قووووووووووووووووووووووووى

تحياتى

Butterfly said...

حلوة أوى

جــــوه القـــلـب said...

جامد اوى البوست وجميل اننا نسامح ونكون بنحب الناس وبنحب بعضنابس اكيد سامح ده مافيش حد يكون بيكره ده انسان قلبه جميل وصافى واكيد حب الناس هيديله سعاده بس ياترى هما هيكونو بيعملوة زى معملته .....
rock......

نهر الحب said...

ياسلام على احساسك رائع يارومنسى

فوق الوصف.

جميل لننا نسامح اللى بنحبهم .

دا حلمنا دا مش بعيد


خالص تحياتى


نهر الحب

نهر الحب said...

جميل الاحتلال بس حظى كده جيت متأخرة والنت كان فاصل

تقبل مرورى

نهر الحب

شباك موارب said...

احمد هو سامح ده موجود؟؟؟
طيب هو فين؟؟؟
دلني عليه...
بوست مافيش بعد كدا
سلامي يااحمد ويارب تكون بخير

EMMY BABY said...

ياريت فعلا نعرف نسامح من قلوبنا

كان اكيد فى حاجات كتير اتغيرت

بجد جميلة اوى يا رومنسى

تحياتى

ايمى

(Joudy) said...

سامح اسم جميل والأحلى الأصل اللى جاى منه التسامح يارب يجعله بينا ونسامح نفسنا أولا ونسامح الناس كلها مهما كا اللى بيحصل منهم

دمت بكل الخير والسعادة والتسامح

نهر الحب said...

الانسان المتسامح اقوى بكثير من الانسان الغاضب الثائر
سملت اناملك يا فنان

kimo said...

محتار انا ومش عارف
هو رومانسي غير اسمه وبقي اسمه سامح
ولا كان في الاصل اسمه سامح
اصل التسامح..واحب والخير
دول بتوع رومانسي مش سامح
ايوه ..ايوه ..خلاص شكله استلفهم منه
وحيرجعهمله من تاني
بعد الناس متقول عليه ده بيحب التسامح

دعاء مواجهات said...

تعرف بقى ان دا احلى كلام كتبتة من ساعة ما فتحت المدونة

بجدالبوست جميل اوى والاجمل انو يتطبق فى الواقع

تحياتى

Selfmeaning said...

انت انسان جميل اوى يا رومنسى

طـــائر الليــــل الحـــــزين said...

بجد موضوع التسامح ده فى منتهى الجمال ويارييت فعلا كلنا نحاول ننفذه من غير تردد
ومن قلوبنا بجد
تحيااااااااااتى يا رومانسى على الموضوع الجميل ده

marmar said...

الله عليك يا حبيب والديك :d
اهو التسامح ده اللي بيخرب علاقات كتيره اوي وكل واحد بيكون مش عايز يسامح التاني الا لما يجيلو هو الاول ويسامحو
لازم كلنا نسامح ونسامح ونسامح لحد ما نتعب

تسلم ايدك يا رومانسي عل كلام الجميل ده واعذرني عل تأخير في ردي والبوستات اللي راحت عليا بجد انا مش عارفه ادخل نت هنا خالص :(

marmar said...

صحيح هتيجي اللقاء بتاع يوم 8-8 ولا ايه نظامك

ياريت بجد المكان يتيغير عشان بعيد عليا :@:@
مين المسؤول بقى هاتولي المدير :@


تصبح على خير

كاتب مصري said...

صدر العدد السابع عشر من مجلة رؤية مصرية بالمفاجأة القوية الجديدة .. تصميم وبرمجة مختلفين تماما ليواكبوا نجاحات المجلة ويتفقوا مع مادتها وأقلامها
دعوة خاصة مني أنا رئيس تحرير المجلة لزيارة المجلة والتفاعل معنا فيها وإبداء آرائكم .. سجل عضويتك وارسل مشاركتك .. معنا فؤيق كامل من المحررين والصحفيين يقومون لكل أعباء المجلة لتخرج لكم في أبهى صورة وأجمل منظر
ننتظر تشريفكم
دمتم بخير
إبراهيم العدوي

yoyo said...

مسائك سكر يا احمد

و الله وحشتنى مدونتك جدا وكلماتك الرقيقة
انا قولت اجى اسلم و اطمن

yoyo said...

التسامح
قيمة كبيرة اوى يا احمد مش اى حد يقدر يقدرها ولا حتى يتعامل بيها
القلب الصافى هو اللى بيقدر يسامح و يبدا تانى من جديد
ربنا يجمع قلوبنا على كل خير يارب

تحياتى
يويو

ديالا said...

فعلا بجد مااحلي التسامح

يارب يكرمنا كلنا وكلنا نسامح بعض

بوست هايل


عندي ليك سؤال لازم تعمل بوست وتحله في اخر بوست ليا

زى الهوا said...

رومانسااااااااااااااوى :



اولا الصورة حلوة جداااااااا , وعلى فكرة انا هاسرقها واحطها عندى ف الياهو تشات

( وش مطلع لسانه )

مضطرة اعلق بقى :


غريبه إن اسمه سامح وبيحب التسامح : )

بس حلم سامح صعب اوووووى , ماعتقدش إن بقى فى حياة مثالية كدة على الارض , او زى ماتقول من كتر الوحش اللى باشوفه , مابقتش اتوقع ان فى حلو اصلااااااااا

Tamer Alhosiny said...

جميل قوي يا رومنسي ان الانسان يبقي عنده قدرة علي التسامح وان كنت انا شخصيا بحس ان مش كل شيء نقدر نسامح فيه لاكن لابد اننا نقدر في لحظة ما نسامح

تحياتي
تامر اخوك

Meme said...

كلمات بسيطه بس قويه
حلوه جدا
يا بخته اللي بيقدر يسامح

mimi said...

مسامحاكم من قلبي

هههههههههههههههه

بجد حملة جميلة وتستاهل أنكم تتشاركوا علشانها

تسلم أفكاركم

يارب علي الخير دايما

تحياتي يا أحمد

الكلمات عجبتني اوي

لاسع افندى said...

ياريت نكون كلنا سامح
وتكون حياتنا كلها تسامح



تحياتى

fL0weR-giRL said...

السلام عليكم
*************
اللي بيتمني السعاده للناس اكيد هما كمان هيتمنوله السعاده والعكس صحيح طبعا

** تقبل مروري **

جارة القمر said...

جميل ذلك الاحساس

احترامي

gogo!sf said...

بوست جميل وكله تسامح ورضا

يارب الناس كلها تكون قلبها نقى وصافى وجميل زيك يا احمد

التسامح بين الناس بيوجد الخير ورضا النفس

بوست رائع تسلم ايدك

لا تـــشـــتــــاق said...

التسامح هو ان ننسي الماضي الأليم بكامل أرادتنا انه القرار بالا نعاني اكثر من ذلك وان تعالج قلبك وروحك إنه الاختيار ألا تجد قيمة للكره
هو فضيله وضروره بحر لانهايه له
هو الرفعه هو طلب السماح من نفسك والاخرين
انه نتيجه لابد ان تكون ملازمه لكينونتنا البشريه اننا جميعا من نتاج الضعف كلنا هشون وميالون للخطأ
سلاااااااااام يامتسامح

الملاك said...

السلام عليكم ورحمة الله وبركاته
أخى فى الله رومنسى

من أحب الصفات لدى أغلب الناس هو التسامح فهى نعمة كبيره جدا ان أمتلكتها أمتلكت سعاده دائمة بجانب قلوب الناس إن قدروها حق قدرها
فعلا المهم انك تلاقى الى يقدرها حتى لو مكنتش بنفس الدرجة يمتلكها

انا من النوع الى بسامح كتير جدا جدا يمكن ان يصل الى عشرات المرات لنفس الشخص بس للاسف لو تعبت منه وحسيت انه مفيش امل انه حتى يقدر ده ولو بأشياء بسيطه و يقابله بقسوة بقفل من ناحيته جدا لدرجة انى بحاول والله كتير انى ارجع اسمحه تانى وبعاتب نفسى اشد العتاب بس برده مش بقدر بحس ان خلاص لا مجال لتسامح من جديد يمكن ده عيب فيه بس بحاول اصلحه والله ربنا يعني
على ذلك

دمت أخى متسامح صاحب أروع القلوب وادام الله بيننا طيب التواصل

دمت رعاية الله

اسماء واحلام فى وجدانى said...

انا جاى وبتمختر

طبعا مكانى محجوز من شريكتى

ربنا يكرمها دايما يارب وتحجزلى

واسف على التاخير

بس المواصلات صعبة اوى

وانت عارف شكل المحور فى الشهر ده

اسماء واحلام فى وجدانى said...

التسامح موجود

فى كل مكان

ليه فى ناس بتقول انه بقى نادر وانه

صار عديم الوجود

صوت من مصر said...

كان فى زمان ولد شاعر مسكين وكمان غلبان
اسمه احمد الدسوقى
التسامح فى الحب
اسامه منير
ههههههههههههه

romansy said...

طوبة ذهب وطوبة فضة
اهلا دهب اخبارك ايه
سهل قوى يا دهب اننا نخلق التسامح دا وسهل الانسان اللى قدامنا ممكن يحسه
لما نكون احنا مدينه كل الحب بس فيه ناس بتفتكر التسامح دا ضعف

نورتينى يا دهب وان شاء الله تبقى الدنيا اجمل

romansy said...

ماء تشرين
اهلا
بسكينه
نورتى المدونه

romansy said...

ماء تشرين
لا صدقى
دا حظلك حلو المره دى

romansy said...

ماء تشرين
لالالالالالالالالالالالالالالالا

بعيد الشر عليكى
ومين يحتل تانى المدونات

romansy said...

ماء تشرين
كمان بتطرديهم من اسكندريه

بقى دا ينفع

romansy said...

ماء تشرين
دا واجب عليه انى اسال يا سكينه
الحمد لله انك بخير

romansy said...

ماء تشرين
احجرز لاحمد بقى براحتك
ماهو ياما حجز لك وانتى غايبه عنننا

اخصمى منه تعليقين المره اللى جايه

romansy said...

ماء تشرين
روحى اقرى وتعالى براحتك
مستنى

romansy said...

ماء تشرين
عارفه يا سكينه
سامح دا صفه جميله قوى بحبها واتمنى انها تكون موجوده فى كل الناس
بس مش عاوزين نفقد الامل
تحياتى يا قمر

romansy said...

مي
ههههههههههه
ليه بس كده
دا اسم سامح جميل وصفه اجمل بس اكيد حظه حلو انه خطب صديقتك دا هيعيش ويتهنى احسن عيشه
وياريت نلاقى التسامح موجود دايما بينا

romansy said...

7annen
اهلا حنين اخبارك ايه
الحمد لله يا قمر دى نعمه كبيره من ربنا
ان شاء الله يكون التسامح بينا دايما
ومالى الكون

تحياتى

romansy said...

فراشة
فراشه كتير عليا الكلام الجميل دا
التسامح والحب موجودين يا فراشه
بس نتمنى انهم يكونوا موجودين كتير عن كده ويتحسوا اكتر من كده

نورتينى يا فراشه وشكرا على ذوقك

romansy said...

ليس فقيرا من يحب
اهلا بيكى
ان شاء الله تبقى القلوب اجمل والدنيا اجمل والحب ينتشر بينا يارب


تحباتى

romansy said...

سلوى
اهلا بيكى
ممكن نكون احنا اللى مستسعبينه
بس نتمنى ان يكتر فى حياتنا التسامح والحب
ويكون من جوه القلب

romansy said...

آيوشة
طب ليه بقى
مش بنحاول نتغير
مع اننا لو اتسامحنا جوانا حاجات كتير هتتغير
وتبقى مكانها حاجات جميله قوى

romansy said...

الفراشة الصغيرة
ايه دا
الفراشه تنصح

romansy said...

الفراشة الصغيرة
ان شاء الله يا فراشه
يكون فيه ناس بتسامح بعضعها
وتحس ببعضها وتخاف على بعض
هتبقى الدنيا اجمل بكتير

romansy said...

Nasimlibya
ايزيك يا نسمه
اخبارك ايه
فينك كده يا قمر
التسامح شئجميل بيخلى الحياه دى تبقى جنه
مسامحك يا نسمه

romansy said...

عاشقة الأحزان
اهلا يا انوسه
التسامح جميل بافعل
بس الناس اللى بتجرحنا دى
ممكن نفكر بس شويه هما ليه بيعاملونا كده مش ممكن نكون قسينا عليهم
زعلانهاهم فى حاجه مش مقصوده
بس التسامح شئ جميل

romansy said...

Butterfly
اهلا بيكى
بشكرك على زيارتك
تحياتى

princess said...

ana geeeeeeeeeeeeeeeeeeeeeeet
ahln ahln:D

نهــــــــــار said...

السلام عليكم...
التسامح
نعمه عظيمه
ولكن من ذا الذي يحملها
.....
دمت بخير

وردة said...

رومنسي
مدونتك فيها شئ مميزغير كل المدونات اللي بزورها
فيها روقان غريب
وكمان البوست المرة ديه
حالته جميلة
والحلم مش غريب ولا حاجة
ولا حتي بعيد
طالما في قلوب مليانة خير يبقي خلاص سامح انسان جميل ربنا يباركله
ويكرمك انت كمان يارومنسي
انت مش رومنسي بس وكمان انسان جميل
سلام

romansy said...

جــــوه القـــلـب
اهلا بيكى
مش مهم الناس يعملونا ازاى المهم اننا نحاول نكون كويسين ونعرف نقط الخلاف بينا وبينهم
ونحاول نسامح

romansy said...

نهر الحب
اهلابيكى
اخبارك ايه
ان شا الله نلاقى التسامح مالى الدنيا

romansy said...

نهر الحب
نعمل ايه بقى
ادينا نسامح
بقى

romansy said...

شباك موارب
موجود يا منار
بس ندور عليه
بقلبك بعقلك
هتلاقيه
ان شاء الله

romansy said...

EMMY BABY
اهلا ايمى
اخبارك ايه
ياريت يا ايمى نحاول نتغير
ونسامح بعض ونحب بعض
كانت الدنيا احلى بكتير

romansy said...

(Joudy)
اهلا بيكى يا جودى
اخبارك ايه
التسمح صفه جميله قوى
ياريت نتحلى بيها دايم

ريمان said...

التسامح شىء جميل



بس تقيل شويه ع النفس


يا بخت اللى بيعرف يسامح

ساره said...

جميل فعلا سامح هذا
يارب نكون كلنا سامح

احمد الله يعطيك العافيه
فكره البوست جميله جدا جدا
والله الفكره فاقت الحدود

الله يسعدك يارب

romansy said...

نهر الحب
اهلا بيكى يا نهر
اخبارك ايه
وحشانا قوى وحشانا لقاءتك
الانسان المتسامج انسان بيحب الخير لكل الناس ان شاء الله يكون موجود فى حياتنا

romansy said...

kimo
اهلا يا كيموووو
التسامح دا موجود فى بعض الناس نتمنى انه يعم الدنيا وتبقى الدنيا اجمل بكتر

romansy said...

دعاء مواجهات
اهلا يا دعاء
اخبارك ايه
دى حاجه كويسه ان استاذه كبيره زيك تشهد بكده
انا على العموم سامحت
بس بقى فيه ناس قلبها قاسى
نعمل فيهم ايه

romansy said...

Selfmeaning
اهلا بيكى
ايتها الغائبه الحاضره
انتى اللى اجمل فى طباعك
كل سنه وانتى طيبه
وان شاء الله عاوزينك زى الاول
معانا مش تسبينا كتير كده

romansy said...

طـــائر الليــــل الحـــــزين
اهلا بدنيا الحب
اخبارك ايه
كلنا نتمنى ان التسامح يبقى مالى قلوبنا وحياتنا ومش نشيل فى قلوبنا غير الخير والحب

romansy said...

marmar
اهلا ريموووو
اخبارك ايه
بما انى بتكلم عن التسامح
يبقى مسامحك من قلبى على التاخير
وبعدين كل واحد يصفى قلبه وهتبقى الدنيا كلها خير ان شاء الله
بقى مش عارفه تدخلى نت فى مصر خالص مش مشكله الاهم انك تكونى سعيده
فى مصر

romansy said...

marmar
ان شاء الله ربنا يسهل
واجى اللقاء
بس طبعا مش فى ايدى تغير المكان
مش بعيد ولا حاجه يا ريموووو
اهو يوم
تبقى فيه سعيده لما تلاقى اخواتك جنبك
وبعدين بقى
مش كان نفسى فى الحسين والازهر
اهى جت لوحدها
حظى بقى

romansy said...

كاتب مصري
اهلا بيك
يا استاذ ابراهيم
الف مبروك النجاح الكبير للمجله
وبالتوفيق دوما

romansy said...

yoyo
اهلا يويو
اخبارك ايه
الحمد لله انا بخير
انتى اللى فينك

romansy said...

yoyo
التسامح شئ جميل قوى يا يويو
لو قلوبنا صافيه كنا بنعيش ايام اجمل من الايام اللى احنا عشناه دلوقتى
ياريت تبقى قلوبنا صافيه
ونعيش حياه فيها تسامح
نورتينى يا يويو

romansy said...

ديالا
اهلا ديالا
اخبارك ايه
التسامح صفه جميله ياريت كلنا نتحلى بيها
ان شاء الله يا ديالا
احل السؤال

تحياتى

romansy said...

زى الهوىىىىىىىىىىىىىىىىىىىىى

اولا انا معاكى ان الصوره حلوه قوى وانا بهديهالك
اعمل ايه بدل الايس كريم

الصراحه يا سمحااااااااااااااااوى
انا اخترت اسم سامح اكتب عنه علشان الصفه الجميله دى صفه التسامح
مفيش حاجه صعبه
يا سمحااااااااااااوى
بس ادينا بنحاول نخللى حياتنا جميله
بس على فكره فيه حاجات حلوه كتير فى حياتنا بس احنا نبص ليها نظره جميله

romansy said...

Tamer Alhosiny
اهلا يا تاتو
اخبارك ايه
على قد ما نقدر يا تامر نحاول نسامح
المهم اننا نخللى قلوبنا صافيه ومش بتشيل حقد ولا غل لحد ابدا
ان شاء الله يا تامر يكرمنا كده
ونسامح ونلاقى دنيتنا جميله

romansy said...

Meme
اهلا ميمى
اخبارك ايه
شكرا ليكى على كلامك الجميل واتمنى ان شاء الله ان التسامح يعم علينا ونملى الدنيا حب وتسامح

romansy said...

mimi
اهلا ميمى
التسامح فضيله جميله ان شاء الله نتحلى بيها كلنا
بس اهم حاجه انك تسامحينا

نورتينى

romansy said...

لاسع افندى
اهلا بيك
يا استانا
سامح صفه اخدتها وياريت تبقى فينا كلنا التسامح

romansy said...

fL0weR-giRL
اهلا بيكى
صح اللى بيحب الخير للناس اكيد الناس بتتمنى له الخير

ويارب دايما نعيش حياه مليانه تسامح


تحياتى

romansy said...

جارة القمر
اهلا بيكى يا جاره القمر
احساسك انتى اللى اجمل
وانا عاوزك بقى تسامحينى لانى مقصر فى زيارتك

romansy said...

gogo!sf
اهلا يا جوجو
اخبارك ايه التسامح بين الناس مطلوب دايما علشان نعيش حياه مستقره حياه جميله

* Alwaan * said...

انا وحثه ومجتش من زماااااان اووووى

بس لاسف مش لقيت لينك ليك احطه عندى عشان اعرف الجديد قلت هبقى القطك من اى كومنت d:

اتمنى تكون بخييير

شمس النهار said...

ازيك
عامل ايه
ياريت كل الناس تتعلم تسامح
الدنيا هتبقا حلوه
فعلا

romansy said...

لا تـــشـــتــــاق
اهلا بيك
تعليقك جميل قوى
احنا كلنا ضعفاء النفوس محتاجين ناخد ايدينا فى ايد بعض
نتمنى الخير لبعض
وهتبقى حياتنا اجمل

romansy said...

الملاك
وعليكم السلام ورحمه الله وبركاته
كلنا كده بنحاول نجاهد نفسنا على فعل الخير وعلى التسامح بس فيه فعلا ناس مش بتقدر التسامح دا وتفتكره ضعف بس برضه لما تكون نيتنا صافيه من تجاه الشخص الاخر اكيد فى يوم من يوم هيقدر يحس
باللى جوانا

تحياتى

romansy said...

اسماء واحلام فى وجدانى
ماشى يا ابو حميد
اتمختر براحتك ياسيدى
من لاقى اصحابه

romansy said...

اسماء واحلام فى وجدانى
موجود يا ابو حميد التسامح
بس نتمنى ان يكون بصدق وبخوف على بعض ودايما نحب الخير لبعض بقى دا صعب دا

romansy said...

صوت من مصر
ههههههههه
اهلا يا كيموووووووووو
ياعمونا انا مش اسامه منير ولا حاجه
وكمان بتكتب شعر ليا
ياسلام عليك يا سيدى
قولى ايه اخبارك واحوالك دلوقتى
يارب تكون بخير

romansy said...

princess
اهلا بالاميره
والف الف مبروك
على النجاج
عاوزين الحاجه الساقعه بقى

نورتى البيت

romansy said...

نهــــــــــار
اهلا بيكى يا نهاااااار
اخبارك ايه
نتمنى كل الناس تحملها دى نعمه من ربنا هدخلنا الجنه لو حفظنا عليها
ان شاء الله


تحياتى

romansy said...

وردة
ايزيك يا ورده
ايه يا ورده الكلام الجميل دا بتحرجينى بذوقك وادبك بشكرك جدا جدا
تعرفى ان التسامح نعمه نتمنى ربنا انه يهديلنا
التسامح صفه من صفات النبين
ان شاء الله نتمى اننا نكون كده ونمشى على وتيرتهم يارب
تحياتى

romansy said...

ريمان
اهلا ريمااااان
نحاول بقى نجاهد نفسنا
علشان نقدر نسامح بحب وبصدق
مش صعب بس علينا المحاوله

تحياتى

romansy said...

ساره
اهلا ساره
اخبارك ايه
نتمنى كلنا اننا نحمل صفه التسامح
وتبقى فى قلوبنا دايما
ربنا يخليكى يا ساره وبشكرك على زيارتك
تحياتى

romansy said...

* Alwaan *
اهلا اهلا
نورتى المدونه
متقوليش على نفسك وحشه
انا فى البوست دا بتكلم عن التسامح
يعنى خلاص مسامح يا رودى

كل سنه وانتى طيبه

romansy said...

شمس النهار
اهلا بيكى يا شموسه
يارب كل الناس تتعلم التسامح
هتبقى الدنيا اجمل
ونحس بالخير مليها
حمد الله على سلامتك سا شموسه


تحياتى

assafo anaroze said...

يسعد مساك
على فكرة بوست جميل
التسامح صفة اخلاقية جميلة و قليل من يتصف بها
التسامح لا يتصف به غير الكرام
اتمنى دوام التواصل بينا
دي اول مرة ازورك و يا رب يدوم تواصلنا
مودتي

Selfmeaning said...

متخفش انا خلاص بدات ارجع

بس خلى بالك انت و تابع

:)

شموسة said...

ممكن الواحد فينا يسامح بسرعه خصوصا لو كان هيسامح أعز اناس له ،،،
بس برده زى مابيقدر يسامح في أوقات ، في أوقات مش بيقدر يسامح فيها
وبيبقي نفسه يسامحه بس لا عارف ولاقادر عشان ساعتها بيكون الجرح اكبر من اى شئ

تحياتي ليك

منى said...

مش عارفه افرح ىبسامح عشان قادر يحلم ويسامح
ولا اشفق عليه من اللى حواليه
ربنا كلنا نقدر نبقى زيه طول الوقت ويا ريت الناس تفهم ان التسامح ده نابع من الايمان والحب مش من الضعف

سلمت اناملك اخى
تحياتى

mira said...

ازيك يا رومنسى
التسامح اجمل ما فى الدنيا
ومذكور فى القران والشخص اللى دايما بيسامح بيكون وجهه كله نور برضاء ربنا سبحانه وتعالى
بس للاسف المتسامحين مش كتير خالص
الناس بقى فى قلوبها الحقد اكتر من التسامح ممكن تكون ظروف الحياه عموما او قله الايمان مش عارفه بس هوة المفروض ان مافيش حاجه تأثر على علاقتنا بربنا ودايما نحاول نعمل ما يرضيه وربنا يتقبل منا اعمالنا ويطهر قلوبناويجعلنا متسامحين على طول
تحياتى

فراشة said...

رومنسى ليه بقالك فترة غايب
اول مرة تعملها

طمنا عليك

صدى الصمت - عاشقة الورد - said...

التسامح من الصفات الجميلة جداً
وفى بعض الأحيان يكون التسامح صعب تنفيذة جداً ومحتاج قوة إرادة وعزيمة حتى يكون الإناس صادق مع نفسة ومع الآخرين
تحياتى

romansy said...

assafo anaroze
اهلا بيك
منور المدونه
التسامح صفه جميله قوى
ياريت كلنا نتحلى بيها

romansy said...

Selfmeaning
اهلا بيكى
حاضر انا متابع
منورانى

romansy said...

شموسة
اهلا يا شموسه
المهم ان الواحد فينا يحاول مره واتنين وتلاته
مش يياس كده


تحياتى

romansy said...

منى
اهلا يا منى
لا افرحى بسامح وبغيره المهم يعمل اللى عليه
وغير كده هو بيعامل ربنا
فى العلاقات بينه وبين الناس

romansy said...

mira
اهلا يا ميرا
ان شاء الله ربنا يستجاب الدعاء
ان شاء الله يسود التسامح بينا ويملا حياتنا كلها

تحياتى

romansy said...

فراشة
اهلا فراشه
الحمد لله انا كويس
شكرا على سؤالك يا قمر


تحياتى

romansy said...

صدى الصمت - عاشقة الورد -

اهلا بيكى
ان كان على الاراده محتاجين اراده صلبه من حديد
علشان نقدر نسامح بس دا مش يمنع ان التسامح شئ جميل ومحتاج صبر وحلاوته فى كده

تحياتى