Friday, June 19, 2009

اســلامنا نجـاتنا

السلام عليكم اخواتى المدونين
فى الفتره الاخيره ظهرت عندنا مشكلات كتيره
منها اللى جديد على مجتمعنا ومنها اللى موجود ولسه متحلتش
ظهر مشكلات اقتصاديه ومشكلات مرضيه ومشكلات اخلاقيه
نيجى ندور على الاسباب نلاقى اسباب كتير لحدوث المشكلات دى

المشكله الاولى اللى اح اتكلم عنها مشكلتنا الاقتصاديه والخساره الكبيره اللى مجتمعنا خسرها
شركات قفلت موظيفين استغنوا عنهم ودا بسبب الاقتصاد اللى انهار فجاه وطبعاالسبب الرئيسى
للمشكله دى اننا لاسف مش متبعين تعاليم ديننا كويس
التعامل بيكون بالربا -عدم الاتقان فى العمل
دى بعض الاسباب لانهيار الصناعه فى مصر والدول الاسلاميه
قال الله تعالى فى كتابه الكريم
{يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنْ الرِّبَا إِنْ كُنتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ} [البقرة: 278-279].

المشكله التانيه احب اتكلم عنها مشكله الامراض والاوبئه اللى ظهرت فجاه
دا بسبب ايه بسبب اننا برضه مش متبعين تعاليم دينا فى الحفاظ على النظافه بالرغم ان النظافه من القيم الجميله
اللى يجب ان نحافظ عليهاوالنظافه مش النظافه الشخصيه بس دى تنقسم الى نظافه الطرق والنفس واللبس
قال رسول الله صلى الله عليه وسلم
"إن الله طيب يحب الطيب، نظيف يحب النظافة، كريم يحب الكرم، جواد يحب، الجود، فنظفوا أفنيتكم ولا تشبهوا باليهود ".
المشكله التالته مشكله موجوده فى بيت عربى واسلامى مشكله كل الشباب وبنات المسلمين بيواجهوها
مشكله الجواز مشكله ارتفاع تكاليف الزواج بصوره عامه دا ادى الى مشاكل كتير بنشوفها دلوقتى
منها مشاكل الاغتصاب اللى بتزيد وارتفاع اعداد البنات والشباب من غير جواز
وبرضه السبب فى دا اننا مش متبعين تعاليم ديننا كويس

قال رسول الله صلى الله عليه وسلم
" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير

نيجى لتكاليف الجواز اللى بقت ميزانيه بلد بحالها دلوقتى الشباب اللى مش لاقى شغل يجيب تكاليف دى كلها منين شبكه بكام الف جنيه وشقه بكام الف جنيه طب داكله ليه

حدثنا ‏ ‏علي بن عبد الله ‏ ‏حدثنا ‏ ‏سفيان ‏ ‏سمعت ‏ ‏أبا حازم ‏ ‏يقول سمعت ‏ ‏سهل بن سعد الساعدي ‏ ‏يقول ‏
إني لفي القوم عند رسول الله ‏ ‏صلى الله عليه وسلم ‏ ‏إذ قامت ‏ ‏امرأة ‏ ‏فقالت يا رسول الله إنها قد وهبت نفسها لك فر فيها رأيك فلم يجبها شيئا ثم قامت فقالت يا رسول الله إنها قد وهبت نفسها لك فر فيها رأيك فلم يجبها شيئا ثم قامت الثالثة فقالت إنها قد وهبت نفسها لك فر فيها رأيك فقام رجل فقال يا رسول الله أنكحنيها قال ‏ ‏هل عندك من شيء قال لا قال اذهب فاطلب ولو خاتما من حديد فذهب فطلب ثم جاء فقال ما وجدت شيئا ولا خاتما من حديد فقال هل معك من القرآن شيء قال معي سورة كذا وسورة كذا قال اذهب فقد أنكحتكها بما معك من القرآن
الحمد لله انه وهبنا نعمه الاسلام ونتمنى اننا نكون مسلمين قولا وفعلا

وفى النهايه لا نملك الا الدعاء

اللهم اهدنا فيمن هديت.. وعافنا فيمن عافيت.. وتولنا فيمن توليت.. وبارك لنا فيما أعطيت.. وقنا واصرف عنا شر ما قضيت. اللهم قنا واصرف عنا شر ما قضيت.. فإنك سبحانك تقضى بالحق ولا يُقضى عليك.. وإنه لا يذل من واليت.. ولا يعز من عاديت.. تباركت ربنا وتعاليت.. فلك الحمد يا الله على ما قضيت.. ولك الشكر يا الله على ما أنعمت به و أوليت.. نستغفرك ونتوب إليك

اللهم استحب يا ارحم الراحمين

87 comments:

زهرة الجنة said...

اللهم امين

بعدنا عن دينا وعدم معرفتنا بيه مش سبب في المشكلات دي وبس

مشكلات كتير جدا
جري الانسان وراء المادة خلاه يتناسي حاجات كتير جدا
الأب طول اليوم بيشتغل والأم اللي المفروض تكون مدرسة مش موجوده
مين هيعلم ومين هيعرف نشأهم بتعاليم دينهم

الربا والأوبئة والأغتصاب والقتل
وغيرها كتير كل ده اصبح بسببنا
وكل جيل جديد بيطلع اغلبه هش واجوف
جيل مش قادر علي بناء نفسه
الأساس في كل شيء هو دينا لانه بيملك حلول كتير جدا للمشاكل في حياتنا

ربنا يهدينا للطريق الصحيح ويردنا اليه ردا جميلا

جزاك الله كل خير للتذكرة

smilyrose said...

السلام عليكم

اخبارك يا أحمد

يارب تكون بخير

جميل جدا انك تتطرق لكل تلك المشاكل

التى نعانى منها جميعا والاجمل

انك وضحت السبب الرئيس لكل هذا

وهو الابتعاد عن امور دينينا القويم

والتشبه بما ليس فينا كمسلمين

ولعل الله يغير احوالنا ويبدلها لكن

ذلك لن يحدث الا عندما نعود الى

الله والى انفسنا ونبحث عن الطريق القويم
فالله لا يغير ما بقوم حتى

يغيرو ما بأنفسهم

فليعينا الله على طاعة ويرحمنا

مما نحن فية

دمت اخى بكل الود واعانك الله

واعاننا على احوالنا

اعتذر عن الغيبة يعلم الله

ما كنت امر به

اختك

وردشان

روح الحب الصادق

ماء تشرين said...

ملحقتش احتل بس مش مهم تلاته كانه واحد
+
واحد
+
واحد

ماء تشرين said...

وده عشان
احمد

اسماء واحلام في وجدانى
اهوه

ماء تشرين said...

وكمان تعليق لناس الغيبين عشان ميزعلوش

ماء تشرين said...

كفايه كده اروح اقرا بقه وارجع

سفروتة said...

موضوع في الجون يا احمد
بجد كل المشاكل اللي تعرضت ليها دي محتاجة بوستات وكومينتات
ربنا يهدي الجميع بجد
الاوبئة اللي بتظهر كل سنة دي وكل واحد العن من اللي قبله دي سخط من ربنا

جميل اوي انك قتحت باب المناقشة في مواضيع شائكة زي دي
جزاك الله كل خير

ماء تشرين said...

صحيح والله عندك حق فعلا الرجوع لدين هو الحل ولكن عارف يارومنسي انو ماده الدين الاسلامى البتدرس للولاد مفيهاش اى حاجه مفرغه من محتوى الدين ده اذا اصلا مدرس الدين شرح حسبي الله ونعم الوكيل

ربنا يتولنا

تقبل مرورى

عاشقة الأحزان said...

السلام عليكم

رومنسى الجميل

جزاك الله كل الخير
بجد موضوع جميل قووى

ويحتاج كلام كتير
ربنا يهدى كل الناس لطريق الخير يارب
تقبل تحياتى
انوسه

Butterfly said...

ربنا يصلح حال الأمه الاسلاميه جمعاء
آمين ...

Bola 7elmi said...

ازيك أحمد

مشاكل مشاكل مشاكل
عارف .. بجد انا مش فاهمه ايه حالة الأويئه اللي جت مرا واحده دي
3 أوبئه ممكن يودو الشعب ف داهيه ونقول عليه يا رحمن يا رحيم
بجد ربنا يستر على العالم الاسلامي



مش عارفه اقول ايه..........




اللهم اهدنا فيمن هديت.. وعافنا فيمن عافيت.. وتولنا فيمن توليت.. وبارك لنا فيما أعطيت.. وقنا واصرف عنا شر ما قضيت. اللهم قنا واصرف عنا شر ما قضيت.. فإنك سبحانك تقضى بالحق ولا يُقضى عليك.. وإنه لا يذل من واليت.. ولا يعز من عاديت.. تباركت ربنا وتعاليت.. فلك الحمد يا الله على ما قضيت.. ولك الشكر يا الله على ما أنعمت به و أوليت.. نستغفرك ونتوب إليك




آمين يارب العالمين :)

norahaty said...

السلام عليكم ورحمة
الله تعالى وبركاته
كلام جميل يارومنسى
انا حأتكلم على
المشكلة التالتة
رضينا بمن نرضى دينه
فأين يسكنان؟
اقل شقة كم تتكلف ؟
زمان كان ممكن البنت او الولد يتزوجوا مع الاهل الان هذا مستحيل اولا لضيق الشقق وثانيا لاختلاف الطباع زمان كانت البنت او الولد يتزوجوا فى سن صغيرة وبالتالى سهل انهم يغيروا افكارهم او طباعهم للاسرة اللى حيسكنوا معاها اما الان وبعد التعليم وخلافه كيف اقول لانسان او انسانة غيرى من طباعك وانتى او انت على مشارف الثلاثين!
المشكلة معقدة يارومنسى
ولا اقول ان العيب فى ديننا ولكن العيب فينا وفى تطبيق تعاليم ديننا

holyday said...

السلام عليك
اللهم امين
فعلا كلامك
كله من قله اتباع سنة رسوال وكتاب الله
ربي يهدي اجمعين
سلامي
اختك
فتاة من زمن اخر

شمس النهار said...

ايه الكلام الموزون ده

عندك حق لو رجعنا لدينا صح وفهمناه صح وطبقناه صح كل حاجه هتبقا صح
ربنا يكرمك

طـــائر الليــــل الحـــــزين said...

ايه يا جميل
كويس قوووى منك انك حسيت باللى احنا فيه من كل حاجة
بجد تسلم ايدك يا رومانسى
وربنا يسترها معاك ومعانا ومع السامعيين
تحيااااااااااتى

mohamed ghalia said...

اللهم اهدنا فيمن هديت.. وعافنا فيمن عافيت.. وتولنا فيمن توليت.. وبارك لنا فيما أعطيت.. وقنا واصرف عنا شر ما قضيت. اللهم قنا واصرف عنا شر ما قضيت.. فإنك سبحانك تقضى بالحق ولا يُقضى عليك.. وإنه لا يذل من واليت.. ولا يعز من عاديت.. تباركت ربنا وتعاليت.. فلك الحمد يا الله على ما قضيت.. ولك الشكر يا الله على ما أنعمت به و أوليت.. نستغفرك ونتوب إليك

اللهم استحب يا ارحم الراحمين
الهم أمين

mohamed ghalia said...

اللهم اهدنا فيمن هديت.. وعافنا فيمن عافيت.. وتولنا فيمن توليت.. وبارك لنا فيما أعطيت.. وقنا واصرف عنا شر ما قضيت. اللهم قنا واصرف عنا شر ما قضيت.. فإنك سبحانك تقضى بالحق ولا يُقضى عليك.. وإنه لا يذل من واليت.. ولا يعز من عاديت.. تباركت ربنا وتعاليت.. فلك الحمد يا الله على ما قضيت.. ولك الشكر يا الله على ما أنعمت به و أوليت.. نستغفرك ونتوب إليك

اللهم استحب يا ارحم الراحمين
الهم أمين

موناليزا said...

الله عليك

حاسوباتيه said...

اللهم امين يارب البوست جميل جدا فعلا كلامك كله ص ياريت نرجع لدينا وتتحل كل مشاكلنا

جــــوه القـــلـب said...

ايه الجمال ده بجد بوست جميل وفيه فعلا مشاكل حقيقيه وكتير بتحصل وبالذات فى موضوع الجواز والاهالى البتفضل تطلب وتطلب من الشباب هات وهات وهات وطبعا الشاب بيكون اتخنق من كتر لطلبات وبالذات لما يكون مش قادر مديا عليها والاهالى بيكونو مش حاسين بحاجه غير انهم يكونو مرضين وبس وللاسف عمر الشاب العادى ماهيكون اد الطلبات بتاعت اليومين دول ...
بس المفروض الاهالى يكونو حنينين ويقدرو حالة الشباب وبالذات فى الوقت الحاضر
بس بجد انت جيت على الجرح حاجه تخنق.....
rock.....

mahasen saber said...

الله ينور عليك يا دسوقى
بس تقول لمين

جزئية الربا دى بالذات عارف كان فيه بحث للشيخ القرضاوى فى موضوع الاقتصاد الاسلامى
اعتقد لو اتطبق حالنا كان هيبقى غير الوضع الراهن اليى بيقع لو ورقه نقديه وقعت فى بلد تانيه

موضوعك قيم وجواه حاجات مهمه كتير

يعنى انتا موهوب فى الشعر والمقالات
ربنا يباركلك فى مواهبك
اللهم امين

عمرو وجيه said...

آمين

صدقت يا أخي


فعلا الدين في النازل

ربنا يردنا إلي دينه ردا جميلا

صوت من مصر said...

عندك حق بجد
ربنا يديم علينا النعمه من عند ربنا
كمان فنان
يارب يديم عليك دينك

salwa said...

السلام عليكم الاخ رومنسي
ادراج رائع
نعم الدين نهج متكامل بكل شقوقه
اجتماعي,صحي,تربوي,..........
و هل يوجد افضل من دستورنا الرباني لنتبعه؟
شكرا لك
سلام

منى said...

اللهم امين
عندك حق يا رومنسى
الدنيا بقى شكلها غريب اوى
ربنا يهدينا جميعا ويكتب لنا كل الخير
تحياتى

صدى الصمت - عاشقة الورد - said...

الله عليك يا رومانسى ربنا يتقبل منا دعائنا جميعاً
وجميل إنك تكتب عن المشكلات المطروحة على الساحة حالياً
تحياتى

MOHAMMED ELBANNA said...

احمد
ازيك ياباشا
اتمنى تكون بخير
موضوعك جميل ومتميز وربنا يبارك فيك
ويجعلك ديماً نصر للدين
محمـد البنا
طريق النجاح

سلوى said...

بوست راااااااااااائع بجد

أنا لسه منزله بوست فيه وجه شبه بسيط للبوست بتاعك

عندك حق في كل كلمه
بارك الله فيك

”*°•.˜”*°•..سونه..•°*”˜.•°*”˜ said...

السلام عليكم

جزاك الله كل خير
بجد موضوع رائع وفى غاية الاهميه
وكلامك صح كتير
ربنا يهدى الجميع الى الطريق الصحيح يارب
تحياتى ليك على الموجود الكبير ده
سلام ســونه .

7annen said...

السلام عليكم

جزاك الله خيرا وجعله فى ميزان حسناتك

اللهم اهدنا واجعل القران ربيع عمرنا
اللهم احمى اسلامنا وارضنا والمسلمين فى كل مكان

اللهم اجزيهم خيرا وارحم موتانا وادخلهم فسيح جناتك

بارك الله فيك

حنين

ماما أمولة said...

تقديري لك يارومنسي ولتدوينتك التي اؤيد كل كلمة فيها

جزاك الله كل الخير وجعل كل حرف في ميزان حسناتك اللهم امين

طوبة ذهب وطوبة فضة said...

بجد اتكلمت فى موضوع فى الصميم ولخصت مشاكلنا فى كلمتين هو الابتعاد عن الدين تسلم ايدك يا احمد وبجد فى قمه الخجل من تقصيرى معاك وغيابى المستمر بس ربنا اللى يعلم اننا بجد مطحونين وعلينا حمل كبير اوى الايام دى يارب تعذرنى اخى الفاضل ودا من عشمى

maioya said...

اكيد طبعا
هوا دينا ساب حاجه الا لما لقي حلها
وكل حاجه مرجوعها ليه
بس تقول لمين
ربنا يهدينا ويهدي الجميع

ساره said...

نحتاج دائما التذكير
الله يجزاك خير
عن كل من دخل مدونتك وقراء بوستك الرائع

شيماء جمال(شيمو القمر) said...

عندك حق في كل ما قلته

جزاك الله خيرا

تحياتى لك
شيمو القمر

الفراشة الصغيرة said...

اللهم امين يا رومنس

عندك حق وكمان بحس ان كل المشاكل اللى بتحصلنا دى غضب من الله

من انفلونزا طيور لخنازير لمرض الطاعون اللى جاى يجرى

ربنا يرحمنا برحمته

romansy said...

زهرة الجنة
اولا نورتى المدونه اللى بقالك كتير مش بتزوريها
ثانيا
المشكله الاساسيه اننا بعدنا فعلا عن الدين خلانا نحس اننا مش بشر بنجرى ورا الماده بس الرحمه ماتت من قلوبنا
اوقات بنحس اننا تايهين ودا لاننا مش واثقين فى نفسنا ومش عارفين ديننا كويس

نورتينى يا زهره

جارة القمر said...

اللهم اهدنا فيمن هديت.. وعافنا فيمن عافيت.. وتولنا فيمن توليت.. وبارك لنا فيما أعطيت.. وقنا واصرف عنا شر ما قضيت. اللهم قنا واصرف عنا شر ما قضيت.. فإنك سبحانك تقضى بالحق ولا يُقضى عليك.. وإنه لا يذل من واليت.. ولا يعز من عاديت.. تباركت ربنا وتعاليت.. فلك الحمد يا الله على ما قضيت.. ولك الشكر يا الله على ما أنعمت به و أوليت.. نستغفرك ونتوب إليك

**************

آآآآآآآآآآآآآآآمين


بوست كلو ايمان يحببنا بديننا ويقربنا من الله تعالى

جزاك الله كل الخير

شكرا

romansy said...

smilyrose
ايزيك يا سمايلى
الحمد لله انا بخير
اخبارك انتى ايه اتمنى دايما الخير ليكى
غصب عننا يا سمايلى لاننا دايما بنواجه مشكلات اكبر من كده والحل بسيط فى ايدينا بس ليه احنا بنبتعد عنه
ربنا يهدينا يا سمايلى ونعرف ديننا كويس

تحياتى

romansy said...

ماء تشرين
ملحقتيش

الحمد لله

romansy said...

ماء تشرين
انتى اصيله يا ماء تشرين حقانيه بجد

مش ناسيه زميل الاحتلال

طيب

romansy said...

ماء تشرين
كمان علشان الناس الغايبه ماشى ماشى

romansy said...

ماء تشرين
طيب اقرى براحتك بقى


مستنى

romansy said...

سفروتة
اهلا يا سفروته فى مملكتى
اخبارك ايه
انا الحراس عندى محترمين بيقدروا المكوك
قصدى الملوك
معلش غلطه مطبعيه
يعنى علشان الواحد بيكتب كلام بيحسه بس
مش بيحس باللى بيجرى حواليه ربنا يهدينا يا سفروته

ونرجع لاسلامنا وديننا

romansy said...

ماء تشرين
ايوه كده انتى جبتى المفيد دايما ماده الدين مش بتنضاف للمجموع ليه
وفى المدارس كانها ماده اضافيه
ربنا يهدينا


ويهديكى


ااامين

romansy said...

عاشقة الأحزان
السلام عليكم ايزيك يا ايناس
ربنا يخليكى
ربنا يهدينا جميعا يارب
ونتمنى الخير يعم المسلمين

romansy said...

Butterfly
اهلا بالفراشه

اللهم امين
يارب العالمين


نورتينى

romansy said...

Bola 7elmi
اهلا يا بولا
اخبارك ايه
ربنا يسترها علينا المهم اننا نرجع تانى لاسلامنا ونعرف اللى المفروض علينا ونعمله


اللهم اااامين يارب العالمين

romansy said...

norahaty
اهلين يا نورا
وكمان استاذه
هنعمل ايه يا دوك المفروض فيه عادات وتقاليد تتغير علشان نقدر نعيش
ونقدر نحقق اللى نتمناه وربنا كاتبه لينا فى الدنيا


المشكله فينا يا دوك

ربنا يهدينا

romansy said...

holyday
اهلين
بيكى اخبارك ايه
ربنا يهدينا يارب ونرجع لدينا واسلامنا
ويهدينا ويهدى امتنا يارب

may said...

السلام عليكم وحمة الله

رومنسى موضوعك لمرة هذى بصراحة مختلف تماما على كل المواضيع
بجد كلامك زينة العقل

وياريت نفدوه على ارض الواقع

شوف هو لو كل واحد اتخد الدين منهجه والسنه دستوره مكانش حد غلب

بوست اكثر من رائع

ميووش

kimo said...

يقول الله عز وجل
ظهر الفساد في البر والبحر بما ))
كسبت ايدي الناس
صدق الله العظيم
فلو صلحنا نفسنا من جوه
اكيد حاجات كتير حتتغير
في حياتنا
اكتر من رائع
يا صديقــــي

blue-wave said...

امين يا ارحم الراحمين

GiGi worled said...

ربنا يباركلك ويكرمك يارب
اه والله اسلامنا نجاتنا
يارب تبقى مسلمين صح يارب

romansy said...

شمس النهار
اهلا بيكى يا شموسه
اخبارك ايه
لو فعلا اتبعنا اسلامنا كويس مكنش كل دا بيحصل فينا نحاول نغير اللى فى نفسنا
علشان ربنا يكرمنا


تحياتى

romansy said...

طـــائر الليــــل الحـــــزين
اهلا بدنيا الحب
كل انسان فينا جواه مشكل وحاجات كتير بيحس بيها بس بيحاول يداريها

ربنا يهدينا يا دنيا

تحياتى

romansy said...

mohamed ghalia

اهلا ببيك يا محمد اخبارك ايه
وعامل ايه فى الامتحانات


ربنا يوفقك
ويستجيب يارب

اللهم ااامين

romansy said...

mohamed ghalia


اللهم اااامين

romansy said...

موناليزا
اهلا بيكى

شكرا على زيارتك


ربنا يوفقنا


تحياتى

romansy said...

حاسوباتيه
اهلا بيكى
اخبارك ايه
عاوزين نحاول نغير اللى جوانا
علشان نقدر نعيش فى سلام وفى خير

romansy said...

جــــوه القـــلـب
اهلا بيكى

يا جوه القلب اخبارك ايه

المشكلات كتير بس فيها ايه لما نحترم الشباب ونحترم كل اللى يقدر يقدمه لبنتى او اختى
كانت الدنيا اتغيرت وكل انسان خد اللى يتمناها تملا دنيته

وربنا يعفنا من عنده ويسترها معانا


تحياتى

سميرة said...

ربنا يهدينا جميعا للصواب والحق

النفس أمارة بالسوء

ربنا يرحمنا ويزرع الرحمة في قلوبنا

دايما جميل يا رومانسي

romansy said...

mahasen saber
اهلا يا استاه اخبارك ايه
مشكله الاقتصاد لو نتعامل بالمعاملات الاسلاميه كانت الدنيا اتغيرت وعشنا فى عصر مزدهر مش هتلاقى بطاله هتلاقى حب بين الناس وكل انسان فى حاله وفى شغله بس


ربنا يخليكى يا استاذه دا من ذوقك


تحياتى

romansy said...

عمرو وجيه
اهلا بيك يا استاذ عمرو

اخبارك ايه

اللهم ااامين يا رب العالمين

romansy said...

صوت من مصر
ياهلا بمحمد بيك

يارب يديم علينا نعمه الاسلام

وفنان انا برضه اومال مين اللى هيرسم وطن



تحياتى

romansy said...

salwa
اهلا بيكى يا استاذه سلوى اخبارك ايه

الدين هو الحل لجميع مشكلانا يارب يهدينا الى الاسلام يارب

romansy said...

منى
هلا بيى يا منى

اخبارك ايه
الدنيا شكلها غريب
والبشر بقى شكله اغرب

ربنا يهدينا

romansy said...

صدى الصمت - عاشقة الورد -
اهلا بيكى عاشقه الورد

اشياء كتير شغلانه بس المهم نكون نعرف ازاى نقول مشكلتنا ونعرضها
يارب اهدينا يارب

romansy said...

MOHAMMED ELBANNA

اهلا اهلا بمحمد اخبارك ايه
ان شاء الله يا محمد نتمنى نرفع رايه الاسلام ونقدر نكون مسلمين بحق


تحياتى

romansy said...

سلوى
اخبارك ايه
انا قريت البوستين
جمال قوى يا سلوى دول احسن من كتابتى يا سلوى

ربنا يهدينا



تحياتى

romansy said...

”*°•.˜”*°•..سونه..•°*”˜.•°*”˜

اهلين سونه
اخبارك ايه
ربنا يهدينا يارب
ونرجع لاسلامنا لانه طوق النجاه لينا باذن الله


تحياتى

romansy said...

7annen
اهلا حنين
اخبارك
نورتينى يارب

دايما يهدينا ونقدر نرجع لاسلامنا تانى


امورنا هتتحل ان شاء الله


تحياتى

romansy said...

ماما أمولة
اهلا بيكى يا استاذه اخبارك ايه

شكرا يا استاذه
بس كنت اتمنى ان اسلامنا يبقى المثل الاعلى

romansy said...

طوبة ذهب وطوبة فضة

اهلا بيكى يا دهب
اخباركايه انا عارف شغلك ومشغولياتك ربنا يوفقك يا دهب
ان شاء الله ربنا يهدينا يارب

romansy said...

maioya

اهلا بمى
اخبارك ايه
نتمنى ان دينا يبقى مثلنا الاعلى اللى نقدر نمشى عليه

ربنا يهدينا يارب

romansy said...

ساره
اهلا ساره
اخبارك ايه
ربنا يوفقنا ويهدينا ودايما نتذكر اسلامنا ونعمل بيه يارب


تحياتى

romansy said...

شيماء جمال(شيمو القمر)
اهلا يا شيمو
اخبارك ايه
ربنا هو اللى فى ايديه يهدينا اللهم امييين



تحياتى

romansy said...

الفراشة الصغيرة
اهلا يا فراشه اخبارك ايه

غصب من ربنا
اللهم ارفع مقتك وغضبك عنا


اللهم ااامين

romansy said...

جارة القمر
اهلا بجاره القمر

ربنا يهدينا يارب

اللهم استجب اللهم استجب

يا ارحم الراحمين

انا ودماغي said...

الله على البوست ده

وهممممى بجد

جزاك الله خيرا عليه

عارف...

احنا الدين ده مسبش حاجة اللا لما اتكلم فيها و كل سبل النجاح متوفرة فى اتباعه لكن مين يقرا و مين يسمع..دايما بنمشى ورا الناس التانية عشان فاكرين انهم احسن و دايما بنبعد عن تعاليم دينا

و البركة فى بعض الإعلاميين و الممثلين اللى محسسين الناس ان اللى يشمى ورا دينه حيكون شخص مقرف و الناس كرهاه

زى الهوا said...

امين يارب العالمين

gogo!sf said...

اول مشكله مش بس الربا يا احمد

ده الربا والقروض اللى مش بتترد تانى
وغيرها كتير واللى بيدفع التمن الناس اللى بتقعد فى بيوتهم ومش بتلاقى تصرف على البيت وفى الاخر مضطرين لاشياء تانيه اسوء وده الخروج عن الدين فعلا

والمشكله التانيه اسمها بلاء

لان ربنا سبحانه وتعالى بيبلى كل انسان اخطاء عشان يفتكر ان فى ربنا ويذكرة دايما

والمشكله التالته دى عمرها ما هتتغير بل بالعكس بتزيد اكتر فى ارتفاع اسعار الحاجه وعدم قدرة الشباب على فتح البيت واللجوء الى المساوء

وفى الاخر المحصله واحده وهى الخروج عن الدين وعدم الالتزام

ربنا يلطف بينا يا احمد

وبجد عجبنى جدا اهتمامك بمشاكل عامه تخص الجميع

دومت بكل الخير

جوجو

dr_samarmar said...

أمين ياااااااارب

للأسف هى دى فعلامشكلتنا الكبيرة

يارب ربنا يعافينا يارب :(

و يهدينا

و يرجعنا ليه من غير ما نتعذب فى الدنيا

romansy said...

انا ودماغي

اهلا بيكى
عندك حق ممكن الاعلام عليه جزء من المشكله بس المشكله الرئيسه الاخلاق لو وجدت كانت اشياء كتير اتحلت
بنا يهدينا
يارب
ونرجع لاسلامنا تانى من جديد


تحياتى

romansy said...

زى الهوا
اهلا بيكى زى الهوى

اللهم اااامين يارب العالمين

romansy said...

gogo!sf
اهلا يا جوجو
انتى حللتى المشاكل واختصرتى الموضوع بس نتمنى لو كل انسان فينا قدر يحافظ على اسلامه وكيانه
هنلاقى حاجات كتير اتغيرت

ربنا يهدينا يا جوجو

اللهم ااامين

romansy said...

dr_samarmar

اهلا بيكى يا دكتوره

ربنا يهدينا يارب

وينعمنا بنعمه الاسلام

يارب العالمين