Saturday, June 27, 2009

كنتى شبه الملايكه

ممكن اقولك حاجه
انا حلمت بيكى
وانا كمانحلمت بيكى قبل ما اشوفك
او جايز علشان
كان نفسى اشوفك
مش عارف
حلمت بايهحلمت ان انتى كنتى نايمه
وكان شعرك مفرود
جنبك كده على المخده
ووبس
غمضى عنيكى كده
كان شكلك كده
كنتى شبه الملايكه
فى كتير من الاحيان نحلم باشياء واشخاص دون ان نعلم
ماذا تكون تلك الاشياء ولا من هؤلاء الاشخاص
فكل منا يحمل فى قلبه امنيات واحلام حفرت فى ذاكرته
منذ الصغر كبرت معه وكبر معاها وتمنى لنفسه
فى يوم من الايام ان يتحقق ذلك الحلم فالحلم هو روح
الانسان الذى يعينه على صعوبات زرعت امامه
كثيرا منا حلم بتلك الفتاه التى تكون كل شئ فى حياته
تكون امه التى تعطى له الحنان حبيبته التى تسعده
صديقته التى يحكى له كل ما يجول بخاطره
فقد رايتها اليوم فى حلمى واتمنى ان يتحقق ذلك الحلم
حتى تاخدنى معها الى عالم اخر بعيدا عن عالم البشر
فقط احتاجها هى لتعزف على اوتار قلبى اجمل الالحان

108 comments:

فــاتن said...

first comment frm libya fatooon

فــاتن said...

لحظة حلوة .. قدرت توصلها بوصفك الرقيق ..

جميل احساسك العالي

دمت بالف خير

سلوى said...

مقطع حلو

كمان
إذا أردت شئ بشده فاطلق سراحه
فإن عاد لك فهو ملك لك
وإن لم يعد
فهو لم يكن لك من البدايه

تصدق أنا فعلا كنت محتاجه أفتكر الجمله دي الوقت :)

شمس النهار said...

فعلا الحته دي من الفيلم جميله جدا
ايه اللي فكرك بيها يارومنسي

E73 said...

بسيطة وجميلة
السهل الممتنع

سادس تعليق حلو برضه مش وحش

كيــــــــــــارا said...

رقيقه اوي يااحمد

انا بموت في الجزء دا من الفيلم

فراشة said...

بتحصل والله يا احمد

زهرة الجنة said...

جميلة جدا وفي غاية الرقه
تسلم ايدك يا فنان
ربنا يرزقك بالخير والسعادة

MISS\GH said...

على فكره الحته دى كانت من اجمد فقرات الفيلم هى مصطنعه لكن جميله اوى على فكره

زوقك حلو اوى
ويمكن ده اول بوست اقراه كلماته فقره من فيلم
بحييك على افكارك يا رومانسى

ندا منير said...

كتير بنحلم بناس مش عارفينهم بس عشان بيبقى نفسنا نقابل ناس زيهم

ديالا said...

حلوه اوي

بس فين الحبيب الي يقدر يوصل ويقول الاحساس ده لحبيبته

يلا اهو كله خيال علمي

holyday said...

السلام عليك

حلو ماوصفت
دائما شعورك تنتقل من كلاماتك لنا
سلامي
اختك
فتاة من زمن اخر

ماما أمولة said...

احساسك جميل يا رومنسي

may said...

السلام عليكم

احساس جميل

يا رومنسى

يا بختها

وخلاص

مى

maioya said...

اكتر جزء بحبه في الفيلم كله بجد
الحلم طبعا مهون علينا حاجات كتير اوي
الواقع بمره وكل الزهق اللي بنشوفه
بنعوض ولو جزء بسيط من اللي مش بنقدر نحققه بالحلم
كفايه ان اننا نحلم عشان نحس ان احنا عايشين
وعلي راي محمد منير لو بطلنا نحلم نموت
:)

حاسوباتيه said...

يارب يتحقق حلمك ده وكل احلامك يارب امين

لاسع افندى said...

فكرتنى بالفيلم الجميل ظرف طارىء

ربنا يوعدك بفتاة احلامك اللى بتحلم بيها وياريت ما يتحولش كابوس


تحياتى

yoyo said...

صباحك سكر
ارق و اثر جزء بحبه فى الفيلم
احيانا كتير بتحصل اننا نحلم بناس و بعدين ممكن نصادفهم تانى فى حياتنا
جايز عشان من جوانا محتاجين اننا نقابل الناس دى و نحبهم

الحلم هو الشىء المباح بدون ادنى سيطرة منا عليه ياتى و يشكل فينا و يصنع من مشاعر و احاسيسنا حكايات جميلة

تسلم ايدك و تسلم رومنسيتك الحالمة
تحياتى
يويو

(Joudy) said...

حقيقى جميل بجد يا رومانسى وحقيقى كلك رومانسية هو فى أحلى من انك تحلم حلم جميل تتمنى انه يتحقق ربنا يحقق لك كل أحلامك يارب

دمت بكل الخير والرومانسية

رؤية said...

ستلقاها يوما ما
فلا تتعجل او يصيبك الياس

اسعدك الله وجمعك بمن تحب

تحياتى لك

gogo!sf said...

يارب ....يارب يا رومانسى تكون حقيقه فى حياتك .... بجد انا حصل موقف شبه ده بالظبط واتحققلى بجد

ربنا يسعد اوقاتك كلها

بس انت اسمك وليد ولا احمد

انا محتارة يا جدعان مين محجوز ده
اللى دخل يبلطج علينا

حد يقولى


صباحو جميل يا رومانسى باشا

smilyrose said...

قد الحلم جميل

انت عارف يا احمد ان كتير

قبل ما ااقابل شريك عمرى ونبض

قلبى اللى بقى عنى بعيد

كنت دايما اشوف طيفه فى احلامى

حتى احلام اليقظة وكنت

دايما ااقول لنفسى ان دا وهم

ولما مرت سنين ومش لقيت صاحب هذا

الطيف قلت ان دا حلم العمر اللى مش

ممكن يتحقق بس برده مش هيكون عنه بديل

ولما قدرة الله جمعتنا مكنتش عارفة دا

حلم ولا وهم وبعدة وخفت ليعرف اللى

جوايا ولما مرت الايام وقربتنا

ولقيته معايا حسيت انى عايشة فعلا

فى حلم جميل ودلوقتى عايشة على الحلم دا

برغمانه بعيد بس كفاية اغمض عينى

وافتكر كلمة بحبك يااااااااااااااااه

ععندى بعمرى كله حتى لو مش هتجمعنا

الايام بس كفاية انه المخلوق الوحيد

اللى قلبى نبض باسمه

طولت عليك

بس اللقطة دى بجد بعيش معاها

احلى لحظات عمرى

شكرا يا رومنسى

وردشان

روح الحب الصادق

7annen said...

برافو عليك انك قدرت توصل للجمال دا تسلم ايدك

حنين

صوت من مصر said...

ايه ياعم عمر ولا طارق
ايه ظرف طارق ده الى انت عايش فيه

سفروتة said...

والله صدق اللي سماك رومنسي
بجد اكتر جزء بحبه في الفيلم هو الجزء ده

اوقات كتير الحلم بيكون سبب في اننا ندور في الواقع ع الحلم ده
من شدة ايماننا بيه واحساسنا بأنه حقنا مش حق حد تاني

دمت بخير
:)

جــــوه القـــلـب said...

ايه ياعم الاحلام دى ... يارب يااحمد فى يوم تلقى البتتمناه لانك بجد شخص قلبه جميل وفيه مشاعر حلوة ....
واكيد فى يوم هتلقاها ماتستعجلش
هتيجى هتيجى هى هتروح فين ...
rock....

شباك موارب said...

في حاجات من الاحسن لها كتير انها تبقى احلام....
عارف الحلم من حق اي حد
اصلا مش بمزاجه
لكن الافصاح عن الحلم يحتاج التفكير

kimo said...

رومانسي
شوفت ريا وسكينه

احنا نلازم نعمل وقفه
من اللي هي دي
..< ,,>
ههههههههه

kimo said...

الحب ده حاجه جميله

خاصه لما بتكون راسم حاجه

من سنين وتقوم
ملاقيها في حياتك
كأنك بتكون بتحبها قبل
ما تشوفها
بس تعمل ايه يابطل


غابت عليك وما جتش

Rosie said...

إن شاء الله يتحقق الحلم فالاحلام هى التى تجعلنا نحيا من أجل تحقيقها...
و حلو انك اخترت الحتة دى من ظرف طارق..
و عندك حق فى موضوع الأحلام التى تكبر مع الانسان...
فأحيانا يخلق الانسان عالم لأخر له ..عالم وردى جميل..هو عالم الأحلام
...و ماأحلى أن تحقق الأحلام

esraa said...

:)

ربنا يحققلك كل اللي بتحلم بيه

Rannon said...

احساسك جميل
ان شاء الله تلاقيها :)

تحياتي :)

ضحكات الحياة said...

السلام عليكم

فعلا هى من أجمل لحظات الحياة اللى الواحد ممكن يتخيلها فى حياته بس يا رب تتحقق

و متكونش اللى يشوفها عفريتة و تطلعه فى الحقيقة هههههههههههههه

تقبل تحياتى

shimaa said...

ثق بحلمك قدر ما تستطيع
فالحلم يتحقق بقدر تمسكنا به وان طال الغياب

عندما اقرا اشعارى فى الماضى استعجب من ثقتى بقدوم ذلك الرجل يوما ما
لكنه اتى لنحيل حلمنا الى واقع جميل

لك كل السعادة ان شاء الله

romansy said...

فــاتن
اول تعليق
لاهل ليبيا

الله اكبر فوق كيد المعتدى

romansy said...

فــاتن
دا مش وصفى انا يا فاتن قد ما جميله الاحلام لما تتحق قدامنا


تحياتى
ونورتى المدونه

romansy said...

سلوى
اهلا بيكى

المقطع دا انا بحبه قوى مش عارف ليه
حسيته الفتره دى

وكمان جميل اننا مش نفرط راينا على حد ونسيب القدر هو اللى يفصل بينا


تحياتى

romansy said...

شمس النهار
اهلا يا شموسه
اخبارك ايه

اعمل ايه بقى يا شموسه مش بايدينا اننا نحلم ونلاقى الحلم
ممكن يتحقق قدامنا

romansy said...

E73
اهلا بيكى
بس الاحساس دا حسيته من الموقف دا والكلام دا كلام المقطع والكلام دا حسيته قوى

تحياتى

romansy said...

كيــــــــــــارا
اهلا بيكى يا كيارا
وانا كمان بحب الجزء دا

ياريت احلامنا تتحقق

romansy said...

فراشة

اهلا يا فراشه

اكيد بتحصل فى اوقات كتيير

طالما لاحلام موجوده

romansy said...

زهرة الجنة

اهلا يا زهره

اللهم ااامين يارب


تحياتى

romansy said...

MISS\GH
لو مصطنعه مكنش حد حس بيها
اكيد فيها احساس كبير
بشكرك جدا يا استاذه على زيارتك

تحياتى

حنان الشافعي said...

يارب يتحقق حلمك

دمت رومانسي

romansy said...

ندا منير
اهلا يا ندا
اخبارك ايه
لان بالفعل بنكون محتاجين لناس تفهمنا ونفهمهم


تحياتى

romansy said...

ديالا
خيال علمى ايه بس
فيه بس ياريت البنت تقدر تقدر برضه
وتفهم اللى قدمها كويس

romansy said...

holyday
اهلا بيكى وباهل ليبيا

دايما لانسان بيحاول يدور على تحقيق حلمه وادينا بنحاول


تحياتى

romansy said...

ماما أمولة
اهلا بيكى يا استاذه

بشكرك جدا
على زيارتك وتعليقك

romansy said...

may
اهلا بمى

اخبارك ايه

بس تيجى يا مى
مش عارف ليه بعيده كده ومش عاوزه تقرب او خايفه تقرب

تحياتى

romansy said...

maioya
الاحساس الجميل بالحلم واننا بنحاول نحققه
واننا نحاول نعيش لحظه سعاده
دا ممكن يتحقق مع اللى احنا بنحبه ونتمناه حبيب لينا

romansy said...

حاسوباتيه
اهلا بيكى

يارب دايما يحقق كل احلامنا

romansy said...

لاسع افندى

ادعيلى يا عم اللاسع انه يفضل حلم
دا لو بقى كابوس هتبقى ايه
نهايه الاحلام

romansy said...

yoyo
اهلا يا يويو
عارفه يا يويو
ياري ت كتير من الناس مش تزعل من الاحلام مهما كانت لانها بتوصف لحظه نفس الانسان يعيشها ويحسها وامنيه يتمنى يحققها

romansy said...

(Joudy)
اهلا بيكى ايتها الزهره
الجميل ان الحلم اللى حلمنا بيه يتحقق
ويبقى اجمل حلم فى حياتنا

romansy said...

رؤية
اهلا بيكى
نورتينى يا استاذه
ان شاء الله
نتقابل بيها قريب وتسعدنى واسعدها

تحياتى

no promises said...

بالرغم من ان بدون الاحلام مش هيبقى فى واقع حابينه
بس ياخوفى من ان الاحلام تغرقنا من كتر ماحنا عايشين جواها

فى ناس تغنى وتقولك احلم وبتاع
وناس تقول
قبل ماتحلم فوق احلم وانت فايق

يعنى هل الواقع اللى بيحدد لنا احلامنا
ولا احلامنا اللى بترسم الواقع ؟؟؟؟
بجد سؤال محيرنى جدااااااا؟؟؟

شموسة said...

ياريت كل حلم بنحلمه بنحققه

حبيبه سى السيد said...

يا ربى رحت وجيت واحلى كلام فى الرومانسية بلاقية هنا

هقولك سر على موضوع الاحلام دة

انا من صغرى بحب خيالى يأخدنى واحلم بحاجات ناس كتير ممكن تقول انها صعبة تتحق

بس فى حياتى انا بتتحقق

سلام على امير الرومانسية

جحا المصرى said...

حضرتك إحساسك جميل أوووووووووووووووى
بجد ربنا يسعدك

جحا المصرى said...

حضرتك إحساسك جميل أوووووووووووووووى
بجد ربنا يسعدك

MaNoOoSh said...

اكيد هتلاقيها يا رومنسي

كل روح ليها نصها التاني.. سكنها وراحتها وأمانها


اكيد هتلاقيها

انا ودماغي said...

بتحصل كتير أوى

بجد بوست فى الجون و اختيار موفق...أنا بحب الحتة دى أوى من الفيلم و انت استغلتها و وصلت رسالة حلوة أوى

وردة said...

اه علي جمال الفيلم ده
بجد جميل وخصوصا الاغنية اللي في الاخر
تحفة بجد
اما عن الحلم يا استاذ رومنسي
عندك حق طبعا
انت عارف ان ده اجمل حلم في العمر
وخصوصا لو ربنا كرمنا بقي واتحقق
ياااااااااااااااه
ربنا يكرمك يا بني
وحلمك يتحقق يارب
اللهم اميـــــــــــن
سلام

ساره said...

هذا الجزء من اروع المقاطع فى الفلم
واللي زاد فى جماله احساسك يا احمد

engy said...

ماشاء الله احساس رائع
وكلمات معبره

romansy said...

gogo!sf

يا سلام عليكى مش عارفه اسمى يا جوجو
اللى واخد عقلك بقى

يا بخته
ويا هناه


تحياتى

romansy said...

smilyrose
اهلا بيكى يا سمايلى
اد ايه الحلم لما يتحقق ولا نعيش على امل بيبقى احلى بكتير
احساسنا بالحب والامل واننا نغمض عنينا نلاقى اللى بنحبه دا احساس جميل بيعوضنا عن حاجات كتير قوى

romansy said...

7annen
اهلا بيكى يا حنين

ايه اخبارك
بشكرك جدا على تعليقك والتشجيع الجميل دا

romansy said...

صوت من مصر

اهلا كيمو

يا عم طول عمرنا عايشين فى ظرف طارئ
مش جديد علينا يعنى
ربنا معانا يا كيمو و


تحياتى

romansy said...

سفروتة
اهلا
الملكه شرفت الارض يا مرحبا يا مرحبا
ايه التواضع دا بقى
وبعدين بقى
انا اتمنيت امنيه وان شاء الله تتحقق


تحياتى

romansy said...

جــــوه القـــلـب

اهلا بيكى
ايوه كده طمنينى
احنا جوانا حنين اننا نلاقها

وياريت نلاقها فى يوم
مش فى حلمنا بس

زى الهوا said...

بحب الفيلم دا جدا , وخصوصا بقى اغنية هوصلك

بس تعرف إن كلامك صح على غير عادتك يعنى ( وش مطلع لسانه ) , انا كتير بحلم بالانسان اللى هيرتبط بيا , واجى احكى لصحابى يقولولى كان شكله ايه مابعرفش ارد , لأنى ماشوفتوش انا حسيت بيه بس , وبيسخروا منى , بس انت عندك حق , حاول تغمض عينك وتفكر فيها وانت فعلا هتحلم بيها , وابقى احكى شكلها طلع ايه

romansy said...

شباك موارب
اهلا بيكى
الا حلام اجمل شئ فى الدنيا بتعوضنا عن اللى محرومين منه
بس الحاجات اللى مش لازم نفصح عنها دا بيكون احساسنا ليه نخبيه


واحنا عايشين فيه

تحياتى

romansy said...

kimo
يا هلا بكيمووووووووووو

الله يكون فى عونك

عاوزين نبلغ عنهم ونخلص

romansy said...

kimo

ايوه يا كيمووووو
بنرسمها فى خيالنا
ونتمنى اننا نلاقيها فى يوم زى الصوره ونفس الطباع اللى حسينها


تحياتى

romansy said...

Rosie
اهلا بيكى
احنا محتاجين اننا نحلم مهما قابلنا من صعوبات
الاحلام لما بتحقق بايدينا شئ جميل
وبرضه القدر بيكون ليه دور كبير

romansy said...

esraa

اهلا بيكى يا اسراء

اللهم اااامين يارب العالمين




تحياتى

romansy said...

Rannon

اهلا باهل العريش

ان شاء نلاقيها
فى الحقيقه بقى
وتكون معايا فى الاحلام
برضه
لغايه لما تبقى حقيقه قدامى

romansy said...

ضحكات الحياة

ههههههههههه

عفريته ايه يا عم ربنا يستر

الاحلام تتحقق بس مش تخلينا نكره الدنيا

romansy said...

shimaa
اهلا بيكى يا شيماء

نورتينى
الله
ما اجمل ان تتحول الاحلام الى واقع يكسر الملل بداخلنا ويعوضنا عن ما نحن فيه


تحياتى

romansy said...

حنان الشافعي
اهلا بيكى يا استاذه

اخبارك ايه

يارب تتحقق احلامنا يارب


تحياتى

romansy said...

no promises
اهلا بيكى
تعرفى الحيره دى جوانا كلنا
بس اقولك حاجه شخصيه
الحلم دا اللى بيوصل الانسان اللى ممكن يخلى الشئ اللى معاه حقيقه
كتير حلموا انهم يوصلوا القمر وفعلا وصلوا وكتير حلموا انه يطيروا وطاورا
يعنى الحلم هو بدايه لتحقيق احلامنا فى الواقع

نورتينى

romansy said...

شموسة

اهلا بيكى يا شموسه


ياريت
بس احلامنا مش هتتحققالا بايدينا

romansy said...

حبيبه سى السيد
اهلا بيكى يا امينه

عامله ايه مع سى السيد
بدايه تحقيق الواقع الحلم
طول عمرنا بنحلم بس الاجمل اننا نحققالحلم دا مع الانسان اللى يقدرنا ويقدر اد ايه استنينا حبه طول عمره


تحياتنى

romansy said...

جحا المصرى
اهلا بيك
يا حجا
اخيرا هنضحك من قلبنا

نورتينى

واتمنى زيارتك ليه

romansy said...

جحا المصرى

اتمنى تكون المدونه عجبتك


تحياتى

romansy said...

MaNoOoSh
اهلا منوش
الامل والتفاؤل مطلوبين

ان شاء الله نلاقيها

يا منوش



تحياتى

romansy said...

انا ودماغي
اهلا بيكى
انا بحب الجزء دا قوى
واتمنى نحقق كل احلامنا

romansy said...

وردة
اهلا يا ورده
اخبارك ايه
ان شاء الله نتمنى ان حلمنا يتحقق
وحلم كل واحد فينا
نحلم بعالم مليان بالخير

يارب يتحقق

تحياتى

romansy said...

ساره
اهلا يا ساره
نورتينى
شكرا يا ساره على كلامك الجميل


تحياتى

romansy said...

engy
اهلا بيكى
نورتينى بعد غياب كبير

ان شاء الله كل احلامنا تتحقق


تحياتى

romansy said...

زى الهوا
اهلا بيكى وبالناس اللى غايبهولا بتصرفى فلوس الكافاه وتتفسحى براحتك بقى اسفسحى هتلاقيكى صيفتى
يا بختك ياعم
بقى انا كلامى غلط ماشى يا زى الهوى
ىىىىىىىىىىىىىىىىىىىىىىىىىىىىىىىىىىىىى
اه
طب انا بحلم بالانسانه اللى هرتبط بيها
جايز تكون ملاك من السما والملايكه مش بيتوصفوا
اما بقى اغنيه هاوصلك ففيها تحدى
وهى اغنيه جميله فعلا
انا غمضت عنيه
وطلعت بقى خير اللهم اجعله خير
لابسه ابيض فى ابيض
شكلها شغاله دكتوره ولا ايه

ههههههههه

تحياتى
يا زى
الهوىىىىىىىىىىىىىىىىىىىىىى

عمرو وجيه said...

الاحلام هو الامل القادم

الذي نحي لاجله

و لولا الامل لعاش الناس في جحيم

لمحة حلوة منك يا رومنسي

تحياتي لك

اسماء واحلام فى وجدانى said...

شكلك يا انجليزى دعيت عليا امحتل

فربنا رزقنى بكذا محتل

ربنا يكرمك

يا عم الحاج

دردشة على الماشى said...

أجمل شىء فى الحياة هو أن تحلم
والأجمل أن تستطيع تحقيق هذا الحلم
أتمنى أن تحقق كل أحلامك
تحياتى
سلام

salwa said...

السلام عليكم الاخ رومنسي
يا رب تلاقي نصفك الاخر كما تحلم
سلام

الفراشة الصغيرة said...

فعلا الحته دى انا بحبها قوى

وخصوصا مع الموسيقى اللى كانت شغاله دى


احساسك حلو قوى يا احمد

mira said...

الاحلام هي الامل للحياه
وياب يتحقق حلمك الجميل بان تجد فتاة حلمك التى تكون لك الام بالعطاء والحنان والحبيبه التى تكون لك كل شئ جميل فى عالمك
تحياتى

جارة القمر said...

الحلم

والاحساس


والشعور بأنك قريب من شخص ما

هي أشياء نشعر بأننا انتظرناها طويلا


مودتي

د.آيه said...

بسم الله الرحمن الرحيم
أنا بحب الجزء ده جدا من الفيلم ..
أحلام جميلة نتمنى تحقيقها .. لكننا لا يجب أن نوغر في هذه الأحلام كى لا نصطدم بالواقع..
تحياتى

romansy said...

عمرو وجيه
اهلا بيك
الحياه من غير احلام شئ ممل
الاحلام دايما بتساعدنا اننا نعيش


تحياتى

romansy said...

اسماء واحلام فى وجدانى

مقدرش ادعى عليك
يا باشا
دا حظك كده

romansy said...

دردشة على الماشى
ان شاء الله
الاحلام تتحقق
ونتمنى من ربنا انا نحققها دايما

romansy said...

salwa
اهلا بيكى يا استاذه سلوى

ان شاء الله نلاقى الحلم دا

romansy said...

الفراشة الصغيرة
اهلا يا فراشه

نعمل ايه بقى
الاحلام نتمنى تتحقق
مع اللى احنا بنحبه ونعزه

romansy said...

mira
اهلا بيكى يا ميرا

يااااه لو حلمنا اتحقق هنشعر بالسعاده اللى مش حسناها ابدبا ابدا


تحياتى

romansy said...

جارة القمر
اهلا بيكى يا اجمل من القمر

الانتظار الحلم شئ جميل لانه لو جه بعد الانتظار بيبقى ليه طعم تانى
واحساس تانى

romansy said...

د.آيه
اهلا بيكى يا دكتوره

نورتينى وان شاء الله اتمنى تزورينى دايما


تحياتى