Saturday, July 18, 2009

ذكريات بحر

السلام عليكم
اليوم وكل يوم بمناسبه الصيف والمصيف
والناس اللى صيفت والناس اللى لسه
افتكرت اغنيه كنت بسمعها من 20 سنه
اتغير فيهم حجات كتير واحاسيس كتير
اتشال من الخريطه بلاد واتحط بلاد
لكن الشيء الوحيد الاي متغيرش في
ال20 سنه دول هو حبي ليكي يا نوال
نوال مين بس يا رومنسى انت بتتكلم
عن الصيف .. وعلى العموم المسلسل دا كان بيتذاع
فى رمضان من 12 سنه تقريبا كان على
اذاعه الشرق الاوسط بمناسبه الذكريات
لازم نقوله .. وبمناسبه الصيف والمصيف
كنت زمان بحب اسمع اغنيه لايمان البحر
اسمها فى البحر سمكه وع الشط واقف
صياد بشبكه كنت بحب فيها البنوته الصغيره
وكنت بسمع الاغنيه علشانها وغير كده
انا من زمان بحب البحر و بحب
اروح عند الصخور واحب اجمع القواقع
من الرمل وكنت بلعب اعمل حفر
فى الرمل وكنت بملاها ميه
يااااه كانت ايام جميله قوى
ودلوقتى اسيبكم مع الاغنيه
بس بقى ملقتش الكليب الاصلى
مش مشكله بقى نحس بالذى مضى

114 comments:

شباك موارب said...

اول تعليق
يااحمد

شباك موارب said...

في البحر سمكه
تاني تعليق

شباك موارب said...

بس ايه الذكريات بتاعتك دي يااحمد
بس جميل الكلام اوي
فعلا المصيف ايام جميله
وخصوصا لما نبقى ضغيرين ونعمل القصر لازم بالرمل وبابا يجي يدوس عليه برجله ويهده

شباك موارب said...

بمناسبه المصيف بقى
فاحنا كنا مره في راس البر
وتهت عنهم
وفضلت تايهه يجي سبع ساعات
دي بالنسبه لي ذكري مش حلوه خالص
لاني خدت علقه وقتها تمام
هههههههههههههههههههههه

الفراشة الصغيرة said...

ماليش دعو04314ه

انا اول تعليق

يا شباك موارب

هه

كل مرة تضحكوا عليا وتاخدوا التعليق الاول

الفراشة الصغيرة said...

احجز تانى تعليق

يا شباك موارب سامع هه

ده انا مدرسة قد الدنيا

ومشى العيال فى المدرسة على عجين متلغبطهوش

مش هعرف امشى مدونه وتعليقاتها

الفراشة الصغيرة said...

هقرا بقى واجى

الفراشة الصغيرة said...

الله يا احمد على الاغنيه دى

بس بجد الاصل منها احلى

البنوته اللى بتغنى


الى شبهى انت عارف يعنى

بحبها جدا عموما هصورلك الكليب انا بصورتى هيبقى احلى
ههههههههههههههههه

وش بيطلع لسان

صوت من مصر said...

مش هقولك غير انى لسه جايب اسم الاغنيه مع حد من ساعه زمن
بجد هايله

mimi said...

في البحر موجة

موجة

بتزق موجة


عالشط واقف

واقف

صياد وهوجة

mimi said...

لو الفراشة هتصور الكليب ده

انا ساعتها ممكن أمثل دور سمكة

ونقلب المدونة مصيف


ماشي؟

mimi said...

انا بحب الزكريات أوي ...

فاكر اوبريت الصابونة بتاع صفاء أبو السعود؟

فاكر أغنية حصالتي ليها كرش ؟

فاكر أغنية مع إني خشب في خشب ... انما أستاهل تقلي دهب ؟


فاكر أطفال كعبول كعبول الكلب الأكول يتبع عبقرينو المخترع المهول؟

mimi said...

رجعتني لسنين كتير اوي فاتو

انا مبسوطة اني عديت من هنااااا


لو عاوز الكليبات دي كلها عندي ..


تحياتي

ميمي احتلال


نيااااااااااهاااااااااا

عاشقة الأحزان said...

الله عليك يارومنسى


عسل والله تعرف بجد بحب نيموووووووو ده


ربنا يروق بالك

وجميل قوووى البوست
تحياتى

انوسه

mahasen saber said...

اممممممممم عارف يا دسوقى فغعلا الاغنيه دى ليها ذكريات مرتبطه بطفولتنا بشكل جميل

بيرو بيحبها جامد قوى الاغنييه دى

بس برضه قولى هنا مين نوال دى

مهى مش الزغبى اكيد

mahasen saber said...

بس سيبك انتا بجد وحشنى البلوج بتاعك قوى

مدونه تحس فيها براحة القلب...

اه والله بتكلم بجد مش مجامله

اسماء واحلام فى وجدانى said...

تقريبا يا احمد انت مكلف بتصوير كليب بطولة ميمى والفراشة الصغيرة

وبمناسبة الاغانى القديمة الجميلة اوى دى انت فكرتنى باغنية كان فى فراشة ضغننة لنيلى وانا عندى بغبان
حقيقى كلام زمان راح فى الكازوزة دلوقتى

وردة said...

اه يارومنسي
لو الايام ترجع تاني
كانت الدنيا بقيت اخر جمال
الصيف صيف وفسح ولعب
والشتا يعني مدرسة ومذاكرة ومفيش لعب غير يوم الخميس
ويوم الخميس نتفرج علي ماما نجوي وبوقلظ والبرنامج الرخم بتاع البرلمان الصغير
والجمعة الصبح سينما الاطفال
الله علي ديه ايام
ورمضان بقي
بوجي وطمطم والنينجا ساعة الفطار
بس علي مين
والله لغاية دلوقتي الكارتون ده شئ اساسا في حياتي
واي شئ يخص الاطفال تلاقيني
واغنية انا عندي بغبغان عملها رنة موبيل
"لو االاستاذ احمد عاوزها يعني ممكن افكر ابعتهاله بس تدفع كام واديهالك"
محدش يقول عليا عيله
انا حذرت اهه
ههههههههههههه
مرسي يارومنسي علي اللحظات الجميلة ديه
ربنا يكرمك
سلام

ghorBty said...

السلامـ عليكمـ

ذكريات جميلة فعلا

ومنظر البحر دائما ما يريح ما داخل الانسان فسبحان الخالق العظيمـ

norahaty said...

ماقلتش مين نوال
وما تحاولش تنكر
كل شىء انكشفن وبان!!

سفروتة said...

افتكرت اغنيه كنت بسمعها من 20 سنه
اتغير فيهم حجات كتير واحاسيس كتير
اتشال من الخريطه بلاد واتحط بلاد
لكن الشيء الوحيد الاي متغيرش في
ال20 سنه دول هو حبي ليكي يا نوال
نوال مين بس يا رومنسى انت بتتكلم
عن الصيف ..
ــــــــــــــــــ
انا الحتة دي هلكتني من الضحك
هههههههههههههههههههههههههههههههههههههههههههههههههههههههه
لا بجد تحفة
مش نوال دي برضه بتاعة المسلسل بتاع نور الشريف؟؟
ايوة انا صح
:D

المهم
الاغنية دي بجد تحفففففففففففففففففففففففففففففة والله يا رومنسي كل حاجة كنا بنسمعها زمان واحنا صغيرين كانت جميلة ولسة ذكرياتها باقية معانا...
حاجات زمان غير دلوقتي خالص
فعلا كان ليها رونقها
انا كمان رجعتلي عدوي الطفولة تاني من يومين واتيت علي كل اغاني الاطفال اللي ع اليوتيوب
يااااااااااااااااااااااااااااااااااه
ايام بقي
لكن هنفضل فاكرينها مهما عدي الزمن عليها

ايون كده يا رومنسي ابقي فكرنا من وقت للتاني بالحاجات الحلوة دي

اما عن المصيف فشئ طبيعي اني كنت اقعد ع الشط وابني بيوت بالرمل ويجي واحد غلس رخم يعدي من فوقها ولا كأنه شايف
بجد كانت ناس تنرفزززززززززززززززززز

هههههههههههههههههههههههههههههههه
ايه الرغي ده كله
صدعتك

امشي احسن بقي
سلااااااااااام
دمت بخير سيد رومنسي

فراشة said...

رومنسى المشاعر الفياضة

ايوه عندك حق زمان اللى الواحد حاسس انه كان لسه من قريب
فجأة بقينا كبار كده ليه مش عارفه

بس الذكريات دى جميلة قوى

على فكرة يا احمد البنت اللى انت بتحبها اللى كانت فى الكليب دى بنت ايمان البحر درويش
بنته حقيقى
ولو اتفرجت على كليب ولا عمرك وحشتينى حتلاقيها هى واخوها هما الاتنين ولاده

تحياتى لرومانسى الماضى والحاضر والمستتقبل بكل رومانسياته

نهر الحب said...

وعليكم السلام ورحمة الله وبركاته
جميل الذكريات وبالأخص الأغنية أنا بحبها جدا وبحب البنوتة الصغيرة أوى.بتقول من زمان بحب أروح,إنت مازورتش البحر من زمان معقولة؟
على فكرة البحر جميل الايام ديه إلحق بقى صيف فبل رمضان .كل سنة وانت طيب.بس نصيحة لو عايز تصيف إنزل باليل عشان الهدوء بعيدا عن المصيفين الكثيرين والضوضاء
هههههههههههههههههه

تحياتى

نهر الحب

زى الهوا said...

ههههههههههه

عايز تحس بإحساس المصيف وخلاص

حقدددددد

_____________

كنت بحب الاغنية دى اوى ومازلت


وبالنسبة بقى للرمل فكان فيه ولد عامل اشكال تحفة على الرمل وانا صورتها بالموبايل بس انزلهالك ازاى زى مانزلت الايس كريم كده ؟؟ واهى تبقى دى قصاد دى وماتقوليش فلوس الايس كريم تانى

7annen said...

بجد ذكريات جميله

وانت اجمل علشان بتفكرنا باجمل ذكريات

حنين

احساس طفلة محبة للرومانسية بس واقعية said...

الله يا رومانسى
بتقتنى كدا حاجات ليها معنى وقيمة
اهى دى اغانى الاطفال والذكريات بجد

واكيد كلنا بنحب البحر
والاغانى بتاعت زمان

شكرا ليك
تقبل مرورى

الازهرى said...

تعرف
صعب أٌول انى بأعشق البحر قد ايه ؟
مش لانه كتير
بس لانه محير
البحر بالنسبة لى احلى ذكريات عشتها فى حياتى
والبحر
على شطه تلقيت اسوأ خبر مر أو سيمر على أذنى

صراحة لا ادرى

(Joudy) said...

قول كده بقى علشان البنوتة ماشى يا سيدى

بس بجد الغنوة جميلة وانا بحبها مووت وبحب أدندن بيها ساعات

بس ايه الذاكرة الحديدية دى بسم الله ما شاء الله عايزين بخور يا جماعة

دمت بكل الخير والسعادة

holyday said...

السلام عليك
بمناسبة الصيف
ان شاءالله يعود عليك بالخير
سلامي
اختك فتاة من زمن اخر

وردة said...

رومنسي
كل سنة وانت طيب
بمناسبة ليلة الاسراء والمعراج
ربنا يكرمك
سلام

ريمان said...

بحب اوى اوووووووووى اغنيه فى البحر سمكه


رائعه بجد يا رومنسى

fL0weR-giRL said...

السلام عليكم
***********
ايه دا بس الأغنيه دي بردو كنت بحبها وانا صغيره ههههههههههههه

ف البحر سمكه علي الشط واقف صياد بشبكه

الله عليك دا انت بتفكرنا بحجات ليها العجب

هههه
**تقبل مروري

romansy said...

شباك موارب
اهلا اهلا
ومبروك عليكى اول تعليق

romansy said...

شباك موارب
التانى فى البحر سمكه
ايوه وكمان بتزق سمكه

romansy said...

شباك موارب
اهلا بيكى يا منار
مش بابا بس اللى بيدوس عليه
دا امه لا اله الا الله
بتدوس عليه

romansy said...

شباك موارب
توهتى عنهم سبع ساعات
دول اكيد كانوا احسن سبع ساعات فى عمرهم
ههههههههه
وبعدين خدتى العلقه برضه علشان مغبتيش اكتر

romansy said...

الفراشة الصغيرة
اهلا يا فراشه
انتى داخله تزوقى ليه كده
براحه على البنيه شويه

romansy said...

الفراشة الصغيرة
لالالالالالالالالالالا
عاوزه تتخنقى استنيها بره
هنا مدونه محترمه ومفيش حد يمشى كلمته غير
كلمتى عمرها ما تنزل الارض ابدا

romansy said...

الفراشة الصغيرة
اقرى على اقل من مهلك
بتعرفى تقرى ولا اغششك

romansy said...

الفراشة الصغيرة
ههههههه
البنوته شكلك كده
دا اكيد الكليب لو بصورتك وصوتك هيبقى اسمه هيغير
هيبقى فى البحر هوجه مليان بهوجه
علشان الفراشه عمله هوجه
الحمد لله
انه متعملش لغايه دلوقتى كان بقى فى البحر سمكه واحده بس

romansy said...

صوت من مصر
اهلا يا كيموووو
عامل ايه دلوقتى
اكيد احساسك جميل وبتحب برضه ايام الذكريات الجميله

romansy said...

mimi
اهلا اهلا
ميمى

اخبارك ايه

اغنيه جميله يا ميمى

romansy said...

mimi
هههههههههه
دى كده ممكن تبقى اخر مره تزورا المدونه دى
وهتبقى مدونه انى اغرق اغرق اغرق


ههههه

romansy said...

mimi
ايه دا كله
يا ميمى
فاكر كل دول
وكنت بحب الاغانى بتاعه زماان كلها
فاكره ابريق الشاى
وكان فى واد اسمه الشاطر عمرو
وتوت توت قطر ضغنطوط
ياااااه

ايام بقى

romansy said...

mimi
طبعا اكيد محتاجها
انا دلوقتى بحملها من اليوتيوب

وماشى يا ميمى احتلال
واخده دور احمد الانجليزى


ماشى

romansy said...

عاشقة الأحزان
اهلا اهلا بايناس
اخبارك ايه
ومين اللى مش بيحب الاغانى الكرتون والاغانى بتاعه الزمن الجميل



نورتينى

romansy said...

mahasen saber
اهلا بالاستاذه
صاحبه اشهر راديو اقوى من الشباب والرياضه

اخبارك ايه
طب كويس ان بيرو بيحب الاغانى القديمه بدل اغانى الاطفال اللى مش ليها معنى الايام دى

هههههههههه
مش عارفه نوال
نوال
اه
نوال
نوال دى بقى كانت فى مسلسل زماااااااااااان
اسمه فين عيونك يا نوال
دا كان مسلسل بيتذاع فى الرايوو
وكان مسلسل رومانسى

romansy said...

mahasen saber
بشكرك جدا جدا يا استاذه على كلامك الجميل
نعمل ايه بقى ادينا بنحاول نهرب من مشاكلنا

romansy said...

اسماء واحلام فى وجدانى
اهلا يا عم الانجليزى
اخبارك ايه فين شريكتك
بتصيف ولا ايه
هعمل ايه بقى يا ابو حميد دى هتبقى اخر مره هكتب حاجهه فى المدونه تانى بعد ما الكليب يتصور
وهتلاقى بقى الطوب بيتحدف من هنا ومن هنا متعرفش بيجى منين
احنا هنضرب ضرب

ههههههه

romansy said...

وردة
ههههههه
لا يا ورده مفيش حد يقدر يقول عليكى عيله
كلنا عاوزين نرجع تانى اطفال دى كانت متعه لما كنت بسمع بقلظ كده يوم الخميس وبرنامج عروستى وبراماج سينا الاطفال والكلبه لاسى
واليس فى بلاد العجائب
ايام جميله قوى يا ورده وبعدين بقى ابعتى النغمه بلوتوث
هفت البلوثوث اهو

romansy said...

ghorBty
اهلا بيكى يا غربتى
الحمد لله رب العالمين على كل شئ
منظر البحر جميل قوى اكيد واتمنى ان اروحه قريب جدا


تحياتى

romansy said...

norahaty
خلاص هعترف
يا دكتوره
هو انتى دخلتى النيابه امتى بقى
وانا معرفش
على العموم
ج
نوال دى اسم مسلسل اذاعى كنت اتمنى ان اكون البطل قدامها مكان نور الشريف
بس يلا بقى المره اللى جايه تتعوض

ضحكات الحياة said...

السلام عليكم

يااااااااااااه يا احمد فكرتنا بالذى مضى

فعلا انا كنت بحب الاغنية دى جدا و انا صغير و مين ينساها

فعلا رجعتلى ذكريات جميلة جدااا

مشكور على الذكريات

و تقبل مرورى

منى said...

الاغنيه دى من اغنياتى المفضله حتى الان وطبعا على البحر لازم نغنيها
كل سنه وكل صيف وانت طيب

زى الهوا said...

الردود بقت خمسين فى يوم

جوجو said...

السلام عليكم

ياااااااااة رغم ان الاغنية دى من زمان اوى لكن فى اطفال كتير لحد الوقتى بيحبوا يسمعوها اوى

هى فعلا اغنية حلوة اوى

تحياتى

طوبة ذهب وطوبة فضة said...

yah rg3tna lwa7da mn el agml zkrayatna alah 3lek ya ostaz elromansya m3lsh msh fl bet lkn lazm a3lk 3ndk brdo

الملاك said...

السلام عليكم ورحمة الله وبركاته
أخى فى الله رومنسى
اولا اود أن اتوجه اليك بخالص شكرى وتقديرى وودى بارك الله فيك أخى وجزاك كل الخير

----------
كل صيف وانت بكل خير وسعاده ومعانا دايما يارب

على فكرة انت باين عليك عايز تغظنا صح
ههههههه

أصلى بصراحه مابرحش مصايف وانت عمال توصف انت كنت بتعمل ايه هناك

وبعدين انت عمال تقول كنت وكان انت بطلت تروح ولا ايه

اكيد هفرح فيك طبعا

-----------
اتمنى لك كل السعاده أخى

رعاك الله وبارك لى فى أخوتك

سمكه واحده said...

ايون ايون
انا فاكره نوال
اه والله كان مسلسل بسمعه زمان
ياااااااااااااه علي زمان وايام زمان يو جتك ايه فكرتنا باللذي مضي
اما بقي الاغنيه دي فبحبها موت
وخاصه سمكه وكده يعني انت عارفه وكده يعني مش واخد بالك ولا ايه
(وش رايح جي
والسمكه نيمو بحبها جدا لدرجه ان ناس صحابي جابولي سمكه نيمو زي الدبدوب كده
طب وانتوا هتجبلولي ايه؟
بنت خالتي الصغيره 4 سنين كانت قاعده جمبي وانا بشوف المدونات عشان اسكتها قعدت اشغلها الكليب اللي انت حاطه وكل ما يخلص تقولي تاني
دوختني
ياله بقي
تحياتي

مذكرات زوجة said...

انا كمان بحب الأغنية دى وباغنيها لبناتى

Butterfly said...

أنا برده كنت بحب الأغنيه دى أوى :)

Tamer Alhosiny said...

الله عليك يا رومنسي يا جميل وعلي ذكرياتك

بجد 12 سنة وذي العادة بتشترك معايا في الحجات الاي بحبها
حتي حبك لعيون نوال

فين عيونك يا نوال


تحياتي
تامر الحسيني

*** حور- نور*** said...

ايه ده الاغنيه اللى بحبها من يومى أصلى نزلت من بطن ماما شغلوهالى علشان اتولدت فى الشتا والناس كانت بتصيف طبعا مش فاهم حاجه المهم دى اول مرة اعلق عندك وان شاء الله مش الاخيرة مع مزيد من التهييس

تحياتى
صحافيه حرة

7annen said...

ايه مش باين اخبارك ايه يارب تكون بخير

انا قولت اسال بس

حنين

شمس النهار said...

روووووووومنسي

ازيك
عامل ايه
معلش علي التقصير بس الوقت ضيق وبحاول اتابع علي قد مااقدر

انا بأحب شط اسكندريه لفيروز
بحب اسمعها وبتفكرني بالصيف

Rosie said...

و مين ما بيحبش الاغنية دى..أنا لما بسممعها باحس بالبراءة و الجمال..حلو اوى ذكرياتك..بحر و رمل..أنا عايزة أصيف تانى كده..هههه

جــــوه القـــلـب said...

هاى يااحمد ازيك بجد وحشنى كلامك ومدونتك بس انت عارف الظروف عامل ايه وبجد البحر ده اجمل شيئ فى الدنيا وبالذات بحر اسكندريه انا بعشقه ولما بكون هناك بنسى الدنيا ومافيها فكرتنى بالذى مضى انت دايما بتفكرنا بحاجات ممكن نكون مش واخدين بالنا منها بس بنلقاها عندك .....
rock....

EMMY BABY said...

رومنسى الله عليك

بجد انا كنت بموت فيها الاغنية دى كنت بحب اوى علاقة الاب ببنته

وكنت بحب صوت ايمان مع انه بيكرهنى فى اسمى وبيحسسنى انى ولد ههههههههه

انا على فاكرة عمالة اغنى الاغنية عجبك كدة الازعاج ده

اسفة على التاخير كالعادة انت عارف المواصلات زحمة

تحياتى

ايمى

romansy said...

سفروتة
اهلا اهلا اهلا بملكه السفاريت اللى نورتنا
اضحكى يا سفروته هانم براحتك انا اللى غلطان انى بحكى عن ذكرياتى والايام الجميله دى
ايوه يا سفروته نوال والمسلسل نور الشريف مصطفى فاكره المسلسل دا انا كنت بحب اسمعه فى الراديو ساعه الفطار وانتى عارفه انا من هواه الراديو
وبعدين ياااامه بنينا بيوت من الرمل ويجى بقى الغلس ودا ويهدها ولا مش واحد بس دى امه لا اله الا الله
نورتينى يا سفروته ومفيش صداع ولا حاجه دا فيه ضغط وسكر كماااااااااااااان

ههههههههههه

romansy said...

فراشة
اهلا يا فراشه اخبارك ايه
والله يا فراشه ادينا طول عمرنا بنعيش احلام وبنبنى فى حاجات جميله اساسها موجود جوانا انا اللى كبرنا يا فراشه فجاه كده بس جوانا طفل اوقات كتير بنحب نجرى ونلعب ونط الحبل بحن لايام زمان قوى
ان شاء الله يا فراشه ربنا يعوضنا خير عنها

romansy said...

نهر الحب
وعليكم السلام ورحمه الله وبركاته
ايزيك نهر الحب انا فعهلا بقالى سنتين مروحتش البحر ودا بسب ظروف فى الشغل ومكنتش فاضى خالص بس انا فعلا بحب البحر بليل وبحب اشوف القمر وهو عاكس ضوءه فى الميه
ايام جميله قوى اتمنى ترجع تانى

نورتينى يا بحر الحب

romansy said...

زى الهوا
اهلا زى الهوىىىىىىىىىىىىىىىىىىىىى والميه
اخبارك ايه واخبار البحر على حسك
الصراحه نفسى احس الاحساس دا واشم ريحه البحر حقد انا برضه اللى بحقد انا تعبت من غير ما اروح اصيف اومال لو روحت بقى
وبعدين اشكال دى نزليها خلينا نتفرج على الاشكال دى وبعدين انا جايب لك عربيه ايس كريم بحالها
وكمان مش عاجب طب اعمل ايه تانى يارب

romansy said...

7annen
اهلا حنين
اخبارك ايه
مفيش اجمل من الذكريات فى الدنيا بتحييى الامل جوانا

romansy said...

حساس طفلة محبة للرومانسية بس واقعية
اهلا بيكى يا ميس اخبارك ايه
الاغانى القديمه والذكريات دايما موجوده جوانا وبنحسها اكتر واكتر لانها دى انزرعت جوانا وحسينها قوى ودايما فاكرينها لان الشئ الجميل عمره ما نقدر ننساه

romansy said...

الازهرى
اهلا يا عم الازهرى اخبارك واخبار النتيجه البحر دا شئ جميل محير مش بتعرف حاله ولا ايه اللى جواه ممكن تشوفه هايج بس من جواه متعرفش هو ماله ربنا يبعد عنك الاخبار الوحشه يا ازهرى
ويسمعك الاخبار الجميله دايما


تحياتى
لاجمل صديق

romansy said...

(Joudy)
انتى كمان يا جودى مش كفايه زى الهوىىىىىىىى عليه
ايوه كنت بحب البنوته بس ماتقولوش لبابها بقى دلوقتى ودابما على فكره كل شئ جميل جوانا وبيظهر فى الوقت المناسب علشان نحس ان فيه امل فى الحياه

romansy said...

holyday
اهلا بيكى وباهل ليبيا اخبارك ايه
الصيف والمصيف شئ جميل وبالذات مع اللى احنا بنحبهم قوى

تحياتى

romansy said...

وردة
اهلا يا ورده
وباهل اسكندريه
وانتى طيبه
وبعوده الايام الجميله دايما يارب

تحياتى

romansy said...

ريمان
اهلا ريمان
اخبارك ايه يا ملاك
فى البحر سمكه بتزق سمكه ع الشط واقف صياد بشبكه
ومين اللى مش بنحبها

تحياتى

romansy said...

fL0weR-giRL
اهلا بالورد
اخبارك ايه
الطفوله دايما فاكرين حاجات جميله فيها ودايما بتسعدنا دايما وبتدينا امل فى بكره

romansy said...

ضحكات الحياة
اهلا بيك يا هندسه اخبارك ايه
الذكريات عمرنا ما نقدر ننساها ابدا ابدا دى فى دمنا

romansy said...

منى
اهلا منى صاحبه الاحاسيس الجميله الصيف بيحلى دايما بالاصحاب والناس الجميله
والطفوله شئ عمرنا بنتمناه يرجع تانى

تحياتى

romansy said...

زى الهوا
زى الهوىىىىىىىىىىىىىىىى
ليه بقى كده
خمسه
5555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555555

romansy said...

جوجو
انا لغايه دلوقتى يا جوجو بحب اسمعها الاغانى القديمه والذكريات ساكنه جوانا

romansy said...

طوبة ذهب وطوبة فضة
اهلا يا دهب اخبارك ايه
بشكرك جدا جدا يا دهب على اهتمامك انك تعلقى على البوست عمرنا ما ننسى الماضى ابدا عمر ما ننسى لحظه حلوه عشنها بصدق وضحكنا من قلبنا

romansy said...

الملاك
اهلا اهلا بالملاك
اخبارك ايه بتشكرينى على ايه بس انا معملتش حاجه خالص يا ملاك مش قاصد اغيظك ابدا انا الايام دى عاوز اصيف فعلا بس لاسف مفيش وقت زى زمااان
ان شاء الله هروح السنه دى كانت ظروف بس يا ملاك

نورتينى يا ملاك

تحياتى

romansy said...

سمكه واحده
ههههههههههههههه
نوال فين عيونك يا نوال فاكرها طيب ذاكرتك حديديه اهو بسم الله ماشاء الله
شوفتى بقى فى البحر سمكه واحده
ايه رايك انا هجيبك هديه حوض سمك
ههههههههههه
وبعدين خلى بنت خالتك تسمع براحتها
دوخى مره بقى

romansy said...

مذكرات زوجة
اهلا بيكى
طبعاالاغانى دى عمرنا ما ننساها ابدا وجميله بدل الاغانى اليومين دوووول



تحياتى

romansy said...

Butterfly
اهلا بيكى
الاغانى الجميله عمرها ما تتنسى ابدا

تحياتى

romansy said...

Tamer Alhosiny
اهلا اهلا
يا توتو
اخبارك ايه واحشنى مووت
شوفت بقى نوال كانت شئ مشترك بينا
المسلسل كان جميل قوى يا تاتو
يلا بقى ايام


نورت يا تاتو

romansy said...

حور- نور***
اهلا بالمنوفيه وادب المنوفيه
صحافيه بقى ولازم تهيس شويه مش مشكله عادى بتحصل فى احسن المجلات
نورتينى واتمنى زيارتك ليا باستمرار

تحياتى

romansy said...

7annen
اهلا حنين
الحمد لله انا كويس بس دور برد خفيف
الحمد لله
بخير

تحياتى
وشكرا على سؤالك

romansy said...

شمس النهار
اهلا اهلا
شموسه
شط اسكندريه يا شط الهوىىىىىىىىىىىىى
بحر اسكندريه ورمل اسكندريه
نعمه كبيره قوى من ربنا
نورتينى
وحمد الله على سلامتك

romansy said...

Rosie
ههههههههه
طب ما تصيفى تانى
لسه البحر موجود الذكريات اجمل شئ فى الدنيا وبالذات لو لحظه جميله سكنت جوانا

نورتينى

romansy said...

جــــوه القـــلـب
اهلا جوه القلب
اخبارك ايه واخبار الامتحانات
يارب تكونى بخير دايما
الكريات واسكندريه والصيف ونسمه الهوا وريحه البحر
ياااه
كلها حاجات جميله قوى بنتمنها ونتمنى نعيشها

romansy said...

EMMY BABY
اهلا اهلا
بالدكتوره
ايمى اخبارك ايه كل سنه وانتى طيبه ومدونتك طيبه
الصيف والبحر والهوى شئ جميل والاغانى الجميله اللى فى ذاكرتنا ودايما بنفتكرها مع كل وقت
غنى وافرحى شويه فكرى عن نفسك


تحياتى

صدى الصمت - عاشقة الورد - said...

جميلة قوى الأغنية يا رومانسى
وفيلم نيمو كمان من أحلى الأفلام
تحياتى وكل صيف وانت طيب

مدحت محمد said...

انان برضه بحب الاغنية دى جدا

mimi said...

والليلة الكبيرة يا عمي والعالم كتيرة


ماليين الشوارع يابا و...


الفيديو ده رائع

برافو عليك

لا تـــشـــتــــاق said...

ايوووووووووووووووووووووو
فاكرتينا بايام زمان ايام البحر والشمس الجميله النسمه الدافيه والهدؤء وراحه البال

zay _zaman said...

جميلة الاغنية

دومت بخير

kimo said...

بجد الفيلم رائع
واحلي من الاغنيه ده بالنسبه ليا
هههههههههههههه
متألق دائم

شبه إنسانه .....( سهوره ) said...

ياه تصدق الواحد ساعات بيحتاج لحظة للتذكر

نفسى كده اعمل زيك وزمان زمان وانا طفله

بس بقيت أحس انه صعب

تحياتى لك على هذه المدونة الرائعه

romansy said...

صدى الصمت - عاشقة الورد -

اهلا بيكى يا عاشقه الورد

الصيف مع البحر والهوا الميه
احلى جمال طبيعى فى الدنيا

romansy said...

مدحت محمد
اهلا ياعم مدحت اخبارك ايه
دايما بنحن لايام الطفوله تانى


تحياتى

romansy said...

mimi
انتى لسه شايفاه دلوقتى
انا الليله لالكبيره دى حاجه خاصه عندى


بحبها كتير قوى


تحياتى

romansy said...

لا تـــشـــتــــاق
اهلا
بيك نورت المدونه
ومين يقدر ينسى زمان


تحياتى

romansy said...

zay _zaman
اهلا بيك

الاغنيه الصيف والمصيف
كله جميل



تحياتى

romansy said...

kimo
اهلا يا كيموووو
اخبارك ايه
نعمل ايه بقى يا كيمو ايام الطفوله فى دمنا دايما


تحياتى

romansy said...

شبه إنسانه .....( سهوره )
اهلا بيكى
وليه الاحساس دا صعب دا الاحساس اللى بيدينا امل فى بكره ودايما بنحاول نجمع اجمل لحظات العمر فى حياتنا
وونخليها تنور لينا الطريق


تحياتى

Gigi said...

السلام عليكم
الصيف جميل ببحره الحمد لله علي النعمه
ان شاء الله ربي يعطيك ويكرمك
أستودعك الله

romansy said...

Gigi
اهلا يا جيجى
اخبارك ايه
الصيف والطبيعهاجمل شئ

hager za3bal said...

انا بحب الاغنيه دي

لذيذه اوووووووووووووووي
:)))))))))))))

romansy said...

hager za3bal
اهلا هاجر
اخبارك ايه
الف مبروك على الجروب الجديد
بترجعنا الاغانى القديمه للزمن الجميل


تحياتى