Wednesday, January 27, 2010

حبك ف قلبى


ميهونش علـيا تزعـلى
دا انتى حبك جوه قلـبى
بس زعلك دا يبين
اد ايه غاليه عندى
وانتى عارفه حبى ليكى
يبقى ليه بقى تخبى
ساكنه قلبى وساكنه روحى
وف حياتى انتى سكنتى
اتمنيت من الدنيا اكون
بحر وفيه انتى سفينتى
ميهونش عليا تزعلى
دا انتى حبك جوه قلبى

60 comments:

فراشة said...

اول تعليق انا ولا تهيؤات

فراشة said...

ايه ده دى مش تهيؤات ده بجد وبحق وحقيقى
لاول مرة فى التاريخ
انا اول تعليق مش ممكن

فراشة said...

تفتكر يا رومنسى بعد العزومة الجميلة اللى على البحر دى ممكن بعدها تزعل ابدا
وبعد الكلام الرائع ده حتفتكر انها زعلانه اصلا
كفايه عليها بس الجملة دى

ساكنه قلبى وساكنه روحى وف حياتى انتى سكنتى
اتمنيت من الدنيا اكون بحر وفيه انتى سفينتى

مبدع ورائع كعادتك

لاسع افندى said...

تانى تعليق

علشان ماتزعليش
انا مش مهم اعيش
ياللى حبك حياتى
انا هبعد ماتخافيش


تحياتى

dramaqueen said...

حلوة اوى كلماتك
يا بختها يا عم رومانسى

همسة حب said...

السلام عليكم
جميله اوي
ربنا يوفقك
في رعاية الله
السلام عليكم

Romancia said...

جميله اوى

gogo!sf said...

جميله اوى يا احمد
وعجبنى اكتر

امنيتك بأن تكون بحر وهى سفينتك

على فكرة الصورة حلوة اوى اوى

ربنا يوفقك بجد يا احمد

ليس فقيرا من يحب said...

يا سلام على الرقه والجمال

والصوره العسل دى

تسلم ايدك يا احمد

سمكه واحده said...

اتمنيت من الدنيا اكون
بحر وفيه انتى سفينتى

مش المفروض
تمنيت من الدنيا اكون بحر وفيه انتي سمكتي(: او ياسيدي بلاش خليها مرساي
المرسا يعني ارسيلك علي بر من الاخر
طب علي الاقل لو سمكه وجعت هتلاقي حاجه تاكلها مش بزمتك بردو انا عندي حق
اما انتوا يا اخي عليكوا حجات ياله بقي هنعمل ايه
لا بس الخلفيه حلوه اوي حلو نظام الشموع ده والجو ده لالا حلو
استني كده انا هدور علي حاجه اربط الفيل واجيلكوا اصلي لسه راجعه من الهندانا كمان عشان بس اشوف فين المشكله ونحلها ثم يعني شموع وحركات وبتاع وعاوزها تزعل منتا عارف البنات اي كلمه بتثبتهم بيضحك عليهم يعني
ولا ايه؟؟؟؟؟
بس يعني يعني منعدكوش اي حاجه للفيل يعرف ياكلها اصل علي لحم بطنه وسكه السفر كانت طويله

لــــ زهــــــراء ــــولا said...

ايه الرومانسيه دى كلها
بجد تحفه تسلم الايادى

الصوره مالهاش اى حل قمة الرومانسيه بجد

فى انتظار الجديد منك

زهراء

مي said...

روووووعة روعمة يا رومنسى عجبتنى جدااااااااااااااااا
ايوة كده ياعم
احنا محتجين شوية حب

ريمان said...

ايه الحنيه دى


بجد جميله


حلوه اوى اوى الصوره رومانسيه جدا جدا

تحياتى ليك يا رومنسى

على فكره البوست ده ينفع يبقى كلمات اغنيه

شاب فقرى said...

عجبنى الصورة والكلام

تسلم صوابعك :)

فقرى

صدى الصمت - عاشقة الورد - said...

كلمات رائعة كعادتك برومانسيتك الجميلة وكتاباتك المتميزة دائماً
أحييك على الصورة كمان رائعة

عاشقة القمر said...

بجد جميل اوي
يسلمووووووا قلمك بكتب كلماترائع معابر

كيكى عوووووو said...

اكيد اكيد
لو قريت الكلمتان دول مش هتزعل

mony said...

بجد وبحق وحقيق
حلوه
والصوره
تجنن

زهور الامل said...

ياعم ياعم على الكلام الجميل

يابختها بيك يا سيدي

اللي ايداها يدينا

جميلة بجد يا احمد

تسلم ايدك

زهور الامل said...

ياعم ياعم على الكلام الجميل

يابختها بيك يا سيدي

اللي ايداها يدينا

جميلة بجد يا احمد

تسلم ايدك

”*°•.˜”*°•..سونه..•°*”˜.•°*”˜ said...

السلام عليكم

اتمنيت من الدنيا اكون
بحر وفيه انتى سفينتى

الله عليك
جميله اوى الجمله دى
بس سيبك انت تعليقك عندى المرادى
قلت لازم اعلق
كنت باجى كتير اقرء وامشى
بس قلت لازم اسلم
تحياتى ليك
اختك فى الله
”*°•.˜”*°•..سونه..•°*”˜.•°*”˜

MISS\GH said...

هههههههههه ياه اخيرا اخدت بالها

مش قلت ك فى البوست اللى فات انها بتستعبط

اهى اخدت بالها بس يا خساره رجعت زعلت تانى هى برج ايه بالظبط وبصراحه ليها حق تتدلع عشان انت مدلعها اوى
تحياتـــــــــــــــــــــــــــى
deroo

romansy said...

فراشة
اول تعليق يا فراشه ومش تهيؤات
بقالك كتير قوى قوى
مش اول تعليق

هاتى بقى خمسه جنيه

romansy said...

فراشة
اه والله دى بجد وجديد
وحق وحقيق
يلا بقى كده بقم عشره جنيه

romansy said...

فراشة
اهلا يا فراشه
يعنى بقى انتى شايفه ان العزومه دى كفايه علشان متزعلش اصلا الملاك اللى المفروض هيزلى من السما مقدرش ازعله ابدا
ابدا
ربنا يخليكى يا فراشه
اتعملت منكم كلكم

romansy said...

لاسع افندى
ايزيك يا استاذنا
اخبارك ايه
انا مدرش يا استاذى انى ابعد عن حبى
انا ماهكون صدقت لاقيته اصلا
ربنا يوفق

romansy said...

dramaqueen
اهلا بالملكه
بس بقى تيجى الاول وبعدين قروا عليها براحتكم
لسه فى علم الغيب

romansy said...

همسة حب
اهلا بيكى يا همسه
نورتينى بزيارتك الجميله واتمنى تكون المدونه عجبتك

romansy said...

Romancia
اهلا اهلا بيكى
نورتينى بزيارتك الجميله
وياريت كل اللى بكتبه يعجبك دايما

تحياتى

romansy said...

gogo!sf
ايزيك يا جوجو اخبارك ايه
بشكرك جدا جدا يا جوجو على كلامك الجميل
بس ياريت بقى كل واحد فينا يلاقى فعلا اللى يتمناه
ربنا يوفقنا جميعا

romansy said...

ليس فقيرا من يحب
يا هلا
برووونا اخبارك ايه
تسلم ايديا يعنى انا اللى هكون رسمتها ولا ايه بس على فكره بقى المفروض تشكريها هى
اللى خليتنى اكتب كده

romansy said...

سمكه واحده
الله الله الله
انتى بتغيرى ولا ايه لا بقى انا الراجل وعمر ماكلمتى تنزل الارض ابدا
سفينتى سمكتى شبكتى
اقول بقى اللى اقوله
بس فى حته بقى انى الاقى حاجه اكلها فعندك حق ماهو مش معقول هنتغدى حب ونتعشى حب بس يا سلام لو كان بالطحينه والسلطات
هههههههههههههه
مصممه برضه على الفيل هيتربط فين هاتى بس الفيل وتعالى اركبها الفيل بس القاعده فى الساقعه دى
وبعدين بقى فيه صخره على ايديا اليمين
نبقى نربطه فيها وخلاص بقى
كله موجود يا ميكوووووو

romansy said...

لولا وزهراء
اهلا بيكم
لولا وزهراء
بس ايه رايك فى النظام بقى دا كله علشان متزعلش يعنى لو زعلت مرتين تلاته فى الشهر هنشحت طول الشهر بقى
هههههههههههه

romansy said...

مي
ايزيك يا ميويه
اخبارك ايه
اكتر من كده اعمل ايه تانى شمع وبحر ونسمه هنيه
يعنى اروح فين تانى استلف بقى
ولا اشحت
هههههههه

romansy said...

ريمان
اهلا بيكى يا ريمان اخبارك ايه
بشكرك جدا جدا واتمنى بقى ان اى حاجه بكتبها تعجبكم كلكم
وبعدين بقى ايديك معانا

romansy said...

شاب فقرى
هههههههههههه
جديده ديه يا كريم
صوابعك على اساس انى شغال فى مطبخ ماشى يا سيدى
نورتينى يا كريم

romansy said...

صدى الصمت - عاشقة الورد -
اهلا اهلا بالاستاذه
اخبارك ايه داما بتحرجينى كلامك الجميل
بس ياريت فعلا ابقى اد المسئوليه دى

بشكرك يا استاذه

romansy said...

عاشقة القمر
اهلا اهلا عاشقه القمر نورتينى ونورت مصر
يارب دايماكده كلامى يعجب

نورتينى

romansy said...

كيكى عوووووو
اهلا كيكى
اخبارك ايه وفينك كده من زمان
طيب خلاص لو تعرفيها قوليها بقى وخليها تقريهم
مشعاوزه تزعل منى

romansy said...

mony
اهلا مونى
بحق وحقيق
بشكرك جدا جدا
وياريت بقى اقدر اكون كده على طول

يا صبر ايوب

romansy said...

زهور الامل

اهلا بالامل وزهور الامل
اخبارك ايه
اولا شكرا على الكلام الجميل دا
ثانيا بقى انتم هتقرى عليها كده من قبل ما تيجى ولا ايه ثالتا بقى انتى تساهلى اكتر من كده مليون مره
هو فيه حد يطول زهور الامل
نورتينى

romansy said...

زهور الامل
غلطه مطبعيه
ان شاء الله ربنا يوفق كل واحد فينا انه يلاقى اللى بيدور عليه

romansy said...

*°•.˜”*°•..سونه..•°*”˜.•°*
ايزيك يا سونه
اخبارك ايه
بقى كده يعنى علشان علقت عندك تيجى تعلقى عندى ماى يا سونه من قلب منوفى كبير بيسامح على طول
نورتينى

romansy said...

MISS\GH
اهلا بيكى يا استاذه
والله بقى مش عارف فيه ايه ومالها يعنى عزومه وبحر وسمك وشمع طيب بقى اعمل ايه تانى يرضيها انتحر يعنى ولا ايه
ولا انا اهون عليها كده بسهوله
هى برج وديع قوى وطيب
وبعدين يعنى عنف مش نافع
دلع مش نافع يعنى اعمل ايه بقى تانى

أميرة الرومانسية said...

كلام جميل اوي بجد يااحمد
ومعتقدش انها بعد كل ده تزعل
اكيد بعد كل الرقة والرومانسية ديه تتصالح علي طول
علي فكرة الصورة تجنن بجد
اصل انا بحب اوووووووووووي البحر والشموع

just waiting said...

اتمنيت اكون بحر وانتي فيه سفينتي
تحفه قوي التشبيه دا بجد تسلم ايدك الي كتبت حاجة جميلة بالشكل دا واعتقد ان حد بيحب قوي كدا مايقدرش يعمل حاجة تزعل حبيبه منه ولو حصل حبيبه مش هيزعل علشان عارف ان دا حب وخوف عليه بس اكيد لازم يتدلع شوية مفيش حد يلاقي دلع وميتدلعش

just waiting said...

ازعل منه ازاي بس وحبه في قلبي ماليني
مقدرش يشوف لحظه دمعتي على خدي والشوق اليه كاويني
جه على طول يصالحني وكان هيموت ويراضيني
سامحته اعمل ايه بحبه وبحنله وبحتاجله ولو كان جنبي وعينه في عيني

أحمد الصعيدي said...

يا سيدي علي الرومانسية

ايه الجمال ده

Unknown said...

مختلفة عما أعتدته
منك ولكنها جميلة

Anonymous said...

السلام عليكم رومنسي
كلماتك رقيقة

هل لي أن أدعوك لقراءة و نشر هذه التدوينة الهامة؟
مع تحياتي
قال تقرير صادر عن منظمة الضمير لحقوق الإنسان المختصة بالمخاطرالبيئية والصحية الناجمة عن القصف والغزو
كشفت أن حوادث الأطفال الذين ولدوا مع تشوهات قد ارتفعت بشكل ملحوظ في قطاع غزة.
ماذا سنفعل؟
May I invite you to check this link
http://shayunbiqalbi.blogspot.com/2010/01/blog-post_28.html

شمس النهار said...

كده تمشي من غير مانتكلم مع بعض

خلصت علي الناس وبدور عليك اتكلم معاك علي رواقه مالقيتكش

وبشكراك اني اتعرفت عليك النهارده

هناء محمود said...

بصراحة الكلام جميل
بس الصورة أجمل .. حلوة اوى

romansy said...

أميرة الرومانسية
اهلا بيكى يا اميره
انتى شايفه انها مش هتزعل يااميره يعنى انا عن نفسى م عاوزا تزعل ابدا ولااقدر ازعلها ابدا ابدا
وبعدين طالما الصوره عجبتك يارب تحققيها مع اجمل حبيب

romansy said...

Just waiting
اهلا بيكى
بس برض طالما عارف انى بحبها خلاص بقى بلاش تزعل قوى كده بس انا عن نفسى ميونش عليا زعلها
ربنا يخليكى على الكلام الجميل

romansy said...

Just waiting

ايه الكلام الجميل دا كله
ياريت تقوله واناابقى اسعد انسان فى الدنيا

بشكرك جدا جدا جدا

romansy said...

أحمد الصعيدي
اهلا بيك يا عم احمد
نورت المدونه ويارب دايما دايما تنورها
تحياتى

romansy said...

norahaty
اهلا يا دكتور
اهو التغيير مطلوب شويه
بس برضه بقى مش عاوزها تزعل

romansy said...

Sonnet
بشكرك جدا جدا على زوقك
وان شاء الله هقرى التدوينه
ونتمنى ان كل واحدفينا بس يوم بالواجب اللى عليه

تحياتى

romansy said...

شمس النهار
ايزيك ياشموسه
انا اسعد طبعا انى اتعرفت عليكى بس بقى لما جيتى لقيت كل الناس نفسها تتكلم معاكى ودابقى لطيبه قلبك وحنيتك بس اناممشتش غير لما انتى مشيتى
تتعوض بقى اللقاءات جايه كتير

romansy said...

أم .. بوبه
اهلا ام بوبه
المهم ان فيه حاجه عجبتك بدل ما تلسعى المدونه فى فرن الكهربا بتاعك
نورتينى يا ام بوبه

تحياتى