Saturday, January 30, 2010

لقاء ولا اروع


حدث فى مثل هذا اليوم التاسع والعشرين من شهر يناير
لقاء مدونى القاهره - المنصوره -الاسكندريه- المنوفيه
دووول بس اللى حضروا وحمل اللقاء مشاعرالحب والالفه
وكاننانعرف بعض من سنين وحضر اللقاء كل من
شمس النهار
كيارا
الدكتورة ستيته حسب الله الحمش
شيما الشعب لابد له من حكومة تشكمه
صوت من مصر
محاسن صابر
abo ali
وسوووووووووو
خالد همس الأحباب
داليا قوس قزح
عادل
محمد غاليه
منامينو
شاب فقرى
دودو عاشقة الرومانسية
احمد الهامى
ميرا
ورده
منوش
فاتيما
سها سكرة
ومواطن شوجاع
ووليد الدوغرى
وهانى أبو زيد الهلالى
وعمود نور
وأم بتول وإبنتها
i'm the Crazy one
و كأنى أتكلم
وصبرنى يارب وزوجها
وضياء بيوتيفول مايند
وappy
وبنت خيخة وأى كلام

والصراحه بقى دوقت احلى فطير النهارده شكرا ليكى قوى قوى يا صبرنا يارب
كان يوم جميل قوى قوى حسيت فيه انى مع اخواتى واتشرفت بمعرفه مدونين كنت اتمنى انى اشوفهم
بشكر كل اللى ساهم اننانتجمع كده فى يوم جميل كده
ويارب دايما نتجمع على خير

58 comments:

MISS\GH said...

اول تعليق يالا بقى كتير هيزعلوا منى بس معلش متعوضه المره الجايه



يارب فعلا تكونوا اتبسطوا فى اللقاء الجميل ده وفكره جميله جدا انكم تتجمعوا وتتكلموا وجها لوجه كده وتعرضوا اقتراحاتكم وافكاركم


بس ان شاء الله المره الجايه اكون فى وسطكم واتشرف بمقابلتكم

أميرة الرومانسية said...

يارب يا احمد تتجمعوا كدا علي كل خير
ويكون في ذكريات حلوة مشتركة
بس المرة الجاي لازم اعرف قبلها عشان اقدر اجي
عشان انا فعلا زعلانة اوي اني معرفش الميعاد من قبلها
حاسة اني خسرت كتير اني مكنتش موجودة معاكم
وخسرت اني اتعرف علي كل الناس الجميلة ديه

إبتسامة ملاك said...

يارب دايمآ متجمعين مع بعض

mony said...

كنتوا عملتوا عيد ميلاد
للذكرى الحلوه دى
وان شاء الله تكرروها تانى
كل سنه وانتم طيبين

I'm The CraZy One said...

بجد فعلا اليوم كان جامد اوي و انا اتشرفت بمعرفتك :]

ستيته حسب الله الحمش said...

تشرفت بيك يا احمد باشا وان كان لقاء الأتوبيس حرمني الكلام والمعرفة الجدية لناس كتير
ان شاء الله نكررها ونسعد بصحبتك
انا انبسطت النهاردة جدااااااااااا
تحياتي

أم .. بوبه said...

إيه بقى حكاية الفطير دى إنتوا عمالين تغيظونا ولا إيه
إنتوا مش فاكرين حاجة من اللقاء غير الفطير إيه المدونين المفجعوين دول

راعوا شعورنا برده وصبرنى حسابها معايا بعدين

My Hope$ said...

الله حلو التجمعات دي
والتعليق هنا وحشني
المهم انك كنت مبسوط وتكون استفدت منة حاجات جديدة

سلام

ABOALI said...

روماااااااااااانسى

مع انك منوفى بس دخلت قلبى يا انسان
قيمة ومعنى من غير كلام
ربنا يديم المعرفة والمحبة بدون كلام
وتعش سعيدا مبتسما وتحقق كل الاحلام


السعااااااااادة والرومانسية شعرنا بها فى وجودك انت


تحياتى الصافية

صيدلانيه طالعه نازله said...

انا حاعمل نفسى و لا سمعت حكايه فطير و لا حاجه

هههههههههههههههههههه

يارب دايما مبسوطين و متجمعين فى الخير و الفرح

عاشقة القمر said...

يارب داينل متجمعينا علي الخي ر ياري تكون مبوسطين جدا

لاسع افندى said...

كل لقاء وانتوا طيبين


تحياتى

قوس قزح said...

ايه ده .. هو انت كنت موجووود ؟؟
طيب مش تقوووول
ده كلام ؟؟
مفيش نصيب نتقابل المرة دى
ان شاء الله المرة الجاية يكون لنا نصيب فى التعارف

حنين said...

دايما متجمعين على خير
وحب دى حاجه جميله بجد
ربنا يديم المحبه بين الجميع
كان نفسى اكون معاكم
بس النصيب الحمدلله

بنت مصريه said...

الله حلوه قوى الروح دى
ازيك يا روميو والله وحشتنى تعليقاتك
انا كان نفسى اكون معاكوا ف اليوم ده والله بس معلش تتعوض ان شاء الله
اتمنى تنور مدونتى زى زمان

salwa said...

السم عليكم اخ رومنسي
يا رب نبقى دائما احباء بالله
سلام

كيكى عوووووو said...

متجمعين فى الخير دايما

gogo!sf said...

ربنا يدم المحبه والود يا احمد
ويارب تتجمعو على خير دايما

فطير يا مفترى

طيب كنت قولتلى عشان اجى اكل فطير معاكم

بس هو كان حادق ولا حلو

بس يا ترى اتجمعتو فين بقى عايزة اعرف يا احمد

ماشى تتعوض المرة الجايه ان شاء الله

جوجو

عاشقه الاحزان

أمل حمدي said...

إن شاء الله دايما مجمعين في الخير

ربنا يصلح حالك يارب

كيــــــــــــارا said...

رغم ان لقاءات التدوين اللي قبل كدا كانت اجمل الا اني فرحت اوي اني شفتكم واتكلمت مع اني مش كنت مركزة خالص ومش في المود خالص وحاسه اني تاااااااااااااايهه

ريمان said...

يا رب دايما كده مجمعين ومبسوطين


:)

7annen said...

متجمعين عند النبى ان شاء الله

شمس النهار said...

روووووووومنسي
لن انسا لك انك مشيت من غير ماتسلم عليا
ولن انسا اننا مااتكلمناش
مع اني كنت عايزة اتكلم معاك وقلت لك وانا بسلم عليك
تعالي انت ياللي اشعارك متوصلة علية

ماشي المرة الجاية :(

بجد انبسطت جدا اني شوفتكم واتعرفنا المرة الجاية نقعد ونتكلم بقي علي رواقة
بس انا ماشوفتش محمد غالية
وغادة ووردة والا سها ومش عارفة مين مواطن شجاع في اللي كنت معاهم؟؟
والا هاني ابو زيد
مين اللي قالت له انت صعيدي قال لي لا انا منوفي؟؟؟

والكريزي ون برضة كان مين
لا لا لا
كده الزهيمر ابتدي يظهر وانا ست كبيرة
ساااااااااعدني افتكر
ياهادي ياراسي انت:)
سلامي

mohamed ghalia said...

عمى وعم عيالى
أنا الى اسعد بجد بشوفتك
ويشرفنى اننى جيران

أم .. بوبه said...

بما انك رومانسى ممكن تزورنى هنا

http://awraktanbod.blogspot.com/

الشعب لابد له من حكومه تشكمه said...

بص بأأأأه انت بالذات اكتر حد غاظنى!!

بأه يامفترى جاى تسلم وتقولى انا احمد الدسوقى رومانسى وانت ماااااااشى؟!!!!
وجاى على نفسك ليييييه كده وانت ماشى يامفترى؟؟؟؟؟؟؟؟

طب كنت تعالى من بدرى اييه ده بتهرج والله,
بس ان شاء الله متعوضه اعملك ايه وانت كنت ملتزم الصمت كده ال يعنى هنعرف ان انت احمد الدسوقى من نفسينا بنحضر عفاريت مثلا:)

بس كويس انا احسن من غير على الاقل سلمت عليا:)

norahaty said...

متجمعين دايما فى الفرح
يارومنسى يارب
والمرة الجاية
على فرحك
بأذن الله
ماتقولش لأ
بأذن الله تلاقى
نصك الحلو التانى
وتجتمعوا فى الحلال بأذن الله.

blue-wave said...

ربنا يجمعكم دايما على خير

MaNoOoSh said...

مبسوطة اني اتعرفت بيك يا رومنسي
ولو انى كان نفسي اللقاء يوفر فرصة للكلام والمناقشات الجماعية اكتر

انت مشيت بدري ملحقتش النص التاني والأجمل من اللقاء

romansy said...

MISS\GH
اهلا بيكى يا استاذه
اكيد لو كنتى عارفه ومجتيش هيزعلوا منك
الحمد لله يا استاذه انا عن نفسى انبسطت انى شوفت اجمل مدونين
واتحول الخيال لحقيقه قدامى

romansy said...

أميرة الرومانسية
اهلا
بالاميره
يارب دايما نتجمع على خير بس الحمد لله انا محتش انى غريب حاسس انى اعرفهم كلهم واتكملت مع بعضهم وكانى اعرف من سنين
يلا بقى تتعوض المره اللى جايه
ان شاء الله

romansy said...

إبتسامة ملاك
اهلا يا ايناس
والله اكيد كنتى هتنبسطى وتخرجى من كل اللى انتى فيه لما تلاقى الضحكه والحب بدون مقابل

romansy said...

mony
هى بالنسبه لى عيد ميلاد لانى شوفت كل الناس اللى اتمنى اشوفهم ودى فرصه جميله قوى مش بتكرر كتير

romansy said...

I'm The CraZy One
اهلا my hearty
انا اللى اسعد يا فندم
ان شاء الله اشوفك فى اللقاءات الجايه

romansy said...

ستيته حسب الله الحمش
انا يا دكتوره اللى اسعد اكتر منك
وسعدت اكتر اكتر لما عرفت انك منوفيايه جميله
تحياتى

romansy said...

أم .. بوبه
اصله الصراحه كان جميل قوى
وليه حق نتكلم عنه
وبعدين بقى عاوزين نتشرف بؤيه حضرتك بقى المره اللى جايه

romansy said...

My Hope$
اهلااهلا بالناس اللى غايبه
اخبارك ايه
الحمد لله
كان لقاء جميل
واستفدت فبه انى عرفت ناس جميل قوى وفكرم عالى قوى
يا بختك
يا مصر بولادك

romansy said...

ABOALI
بما انى منوفى يبقى حقانى
واقول انك انسان جميل ومحبوب جدا جدا انا ومحمد اتعلقنا بيك قوى يا ابو على

ياعم مش قوى كده يعنى
يا استاذ اتغر انا

romansy said...

صيدلانيه طالعه نازله
يا هلا
ماشى احسن برضه اصله خلص كله الحمدلله
من طعامته
ويارب تنورينا اللقاء اللى جاى

romansy said...

عاشقة القمر
اهلا بعاشقه القمر

يارب دايما نتجمع كده فى الخير ونحاول على اد ما نقدر يملا الحب قلوبنا

romansy said...

لاسع افندى
بس بقى الصراحه كان ناقصك
تشرفنا ونتشرف بمعرفتك
يا استاذنا

romansy said...

قوس قزح
ايوه كنت موجود يا استاذه
انا بقيت ادور على كل الىاعرفهم بس بما انى اول مره كنت تايهه حبه
بس انشاء الله تتعوض المره اللى جايه

romansy said...

حنين
لا بقى ان شاء الله تكونى موجوده المره اللى جايه
ونسعد بلقائك
اد ايه الحب فى الله اجمل شئ فى الدنيا

romansy said...

بنت مصريه
على راى استاذنا ابو على سماد عضوى
اتغذينا على الحب والخير والفطير
طيب بقى مجتيش ليه
بس متعوضه بقى المره اللى جاى

romansy said...

salwa
اهلا يا استاذه
ربنا يخليكى
ونسعد دايما فى حب الله

امين
يارب

romansy said...

كيكى عوووووو
اهلا كيكي
يارب دايما متجمعين فى الخير دايما يارب

romansy said...

gogo!sf
اهلا جوجو
يارب دايما يارب
طيب ما كنتى تيجى وتاكلى معانا هو كان سخن وحلو
اتجمعنا فى الدقى
فى نادى الزاعين
بس الحمد لله انبسطت انى شوفت مدونين جمال بقلوب صافيه

romansy said...

أمل حمدي
اهلا يااستاذتنا
يارب دايما متجمعين فى الخير
وعلى حب الله
دايما

romansy said...

كيــــــــــــارا
اهلين كيارا
انتى بقى زى ما انتى متغيرتيش خالص كيارا المدونه هى الحقيقه
مرح وحيويه وشغل جامد قوى وورد كمان
انا اللى اسعد يا كيارا

romansy said...

ريمان
اهلا ريمان الحمد لله
ونتمنى دايما كده اننا نتجمع دايما على الخير
وعلى الحب طالما فى الله

romansy said...

7annen
ان شاء الله يا حنين
بس بقى المره اللى جايه
لو مجتي هنزل اكيد اكيد

romansy said...

شمس النهار
اهلا اهلا اهلا
بالبرنسس شمس
اخبارك ايه
انا عن نفسى استيت علشان اتكلم عليكى بس بقى فكرتينى بنجوم السينما المعجبيبن عليكى كده الله اكبر الله اكبر
يلا بقى علشان ظروفك انتى كمان تتعوض المره اللى جايه ان شاء الله
واحنا والله اسعد يا شموسه وبعدين بقى محمد غاليه لاسف ندل معايا ههههههههه وراجع المعرض ورجع بعد ما مشيت
هما كلهم كلم كانوا موجوين
يا شموسه وكله بتمنى يسلم عليكى بسبقى وقتك كان ضيق
بس المره اللى جايه تتعرفى على كل الناس على رواقه كده
ناس جمال قوى قوى
زهايمرايه بس يا برنسس
احنا اللى عندنا زهايمر

romansy said...

mohamed ghalia
اهلا يا محمد بيك
نورتينى يا غالى وسعيد انى شوفتك مع انك ندلت معايا
بس انتعارف المنايفه طيبين

romansy said...

أم .. بوبه
حاضر يا ست الكل
بس انا بحب كل حاجه واقرى اى حاجه

ضيفت اللينك


بشكرك على الدعوه الجميله

romansy said...

الشعب لابد له من حكومه تشكمه
اهلا اهلا
شيماااااا
اخبارك ايه دلوقتى
الف الف سلامه عليكى
اعمل ايه بقى انا كنت هزعل قوى من نفسى لو مكنتش سلمت وبعدين بقى انا عرفت متاخر انك شيماااا وقولت بقى اسلم عليكى وعلى الكل
هههههههه
اوعاكى تفتكرى ان دا بخل
انا كنت ملتزم الصمت شويه بس على فكره بقى لما عرفت ان سوووو موجوده روحت سلمت عليها
وبعدين بقى عفاريت ايه دى
هو فيه عفاريته هتحضر عفاريت زيها
هههههه
حمد الله على سلامتك

romansy said...

norahaty
اهلا يا دكتور
ان شاء الله يا دكتور
اقول لا ليه
انا اتمنى ان شاء الله ربنا يكرمك يا اسعد نوووووووووا فى الدنيا

romansy said...

blue-wave
اهلا بيك يا دكتور اخبارك ايه
كان اللقاءناقصك
وكانت تكمل فرحتى بيك

romansy said...

MaNoOoSh
اهلا منوش باجمل وارق مخنوقه
وانا كمان سعيد انى اتعرفت عليكى قوى
المره اللى جايه بقى يكون فيه لقاءاحسن
معلش بقى انتى عارفه السفر
وبعدين بقى انا سمعت عنه كلام جميل

ومناقشات جميله قوى

اتشرفت بيكى يا مخنوقه هانم