Wednesday, January 20, 2010

مخدتش بالك


مخدتش بالك انى بحبك
بعد دا كله مخدتش بالك
انت حبيبى وقلبى يحبك
وكل الدنيا ابـيعها عشانك
ازاى تقــــدر تبعد لحـظه
عن انسان بقى كل كيانك
عن انسان ساب كل الدنيا
كل الدنيا بحـــالها وجــالك
بعد دا كله مخـدتش بـالك
مهما تقسى عليا حبيبى برضه
الروح على طــول تصفالك
ماللى يحب لا يعرف يكره
وانت ف قلبى وقلبى دا شالك
ياللى ملــيت عليا حيـاتى
بس ياريتى اخطر على بالك
بقى بعد دا كله مخدتش بالك


80 comments:

زى الهوا said...

اول رد

:)

زى الهوا said...

بس كده اتطمنت انى الاولى

جميل اوى كلامك

رومانسى رومانسى يعنى

يارب تحس بيك يابنى , دا انت صعبت عليا والله

( وش مطلع لسانه )

اصلى فرحانه فيك

romansy said...

زى الهوا

زى الهواااااااااا
عندى هنا
يا مرحبا يا مرحبا

شمس النهار said...

اكيد بعد الكلام الجميل ده
لازم ياخد باله

:)

سلامي

romansy said...

زى الهوا
يعنى لازم تحجزى الاول
ماشى يا سمحااااوى
بقى كده
بس ع العموم يعنى مش هنويك كده انك تشمتى فيا واتعذب كده بسهوله لا
احنا منايفه
وبكره ليكى يوم برضه

romansy said...

شمس النهار
اهلا اهلا شموسه
ساعات يا شموسه بتكون فيه حاجات حلوه قدامنا بس احنا مش واخدين بالنا

promise is promise said...

انا فعلا مش هتجمل

المدونه جميله وهاديه وحالمه وفعلا رومانسى

اول مره وش الاخيره ان شاء الله

وشكرا على زيارتك ليا نورتنى

زى الهوا said...

لأ حضرتك هشمت

دى مافيهاش منايفه

البنت مش واخده بالها

( وش مطلع لسانه )

مش واخده بالها

وبالها مش واخده


وبعدين

سبع ردود موضوع مابقالوش خمس دقايق

romansy said...

promise is promise
نورتينى
يا استاذه
بشكرك جدا جدا على زيارتك الجميله واتمنى فعلا انها مش تكون الاخيره

romansy said...

زى الهوا
هههههههههه
زكمان بتحسدى اهو الحسد دا اللى مودينى فى داهيه يا مدرسه اخر الخط
بتعرفى تقرى ولا تطاش
ولا ايه بالظبط
هههههههههههه

زى الهوا said...

اخر الخط دا اللى هوه زى الاتوبيس يعنى ؟
طب والله مش فاهماها

يلا اسيبلك بقى الكومنتس لحسن تقتلنى علشان بوظتلك الرومانسيه خالص

وبعدين علشان البنت تدخل وتاخد بالها


( نفس الوش وبرده مطلع لسانه )

pepsi said...

المدونه رقيقه جدا
وعجبنى جدا الكلام رقيق ورومانسى فعلا
ربنا يوفقك

سمكه واحده said...

اعتشبر ده وعد؟


لا رومانسي رومانسي
يعني مفيش كلام
(.

Mona said...

ياريت حقيقى ياخد باله وبسرعه
هذه لاساله مسجله :)

جميله اوى بتعبر عن حالى الان

عاشقة القمر said...

كلمات رائع جميل جدا

لاسع افندى said...

ازاى تقــــدر تبعد لحـظه
عن انسان بقى كل كيانك


الله على كلامك


تحيه لاسعه

gogo!sf said...

فى مواقف كتير بتمر على الانسان

وهو مش بيكون واخد باله منها

بس اكيد بعد الكلام اللى قالته لازم

يكون اخد باله وبادلها نفس الشعور

الابقى مش عنده احساس


تسلم ايدك يا احمد بجد

كلماتك طبيعيه جدا جدا

e_emy said...

واخد باله بس مطنش :D

حلوة اوووووووووووى بجد

rony said...

يمكن انت ما صارحتهوش ب حبك
ساعات الاحساس مش بيكون كفايه
الكلام برضه له دور

جميله كلماتك ورقيقه
واحلى ما فيها انها بسيطه

ربنا يوفقك
تحباتى

Ana keda said...

هههههههه
مسيرها تاخد بالها
يبنى انتوا ناو بقيتوا قلة قليلة يعنى هتاخد بالها هتاخد بالها
بس الكلام رومانسى اوى يعنى ودى حاجة والله الواحد مفتقدها اليومين دول

MISS\GH said...

بصراحه انت مستحملها ازاى كل ده ومش واخده بالها مدونه بحالها بقالها كام سنه بتكتب ليها وهى مش حاسه بكلامها

تسمح لى اقولك انك مسالم اوى وهى مستعبطه اوى



وشكرا

كلام من قلبي said...

انا قلت اجي اسلم بمى ان مفيش سلامات عندي في المدومنة
واقولك حلو الكلام

romansy said...

زى الهوا
مش بقولك مدرسه اخر الخط الخط
يعنى دا تعبير مجازى عن الركنه
اللى فى عقللك
اصحى كده وفوقى ياللى بتسيبى العيال يغشوا براحتهم
فين الضمير
قوليلى
راح فين
وبعدين بت ايه اللى تدخل وتخرج براحتها
معندتاش بنات تدخل وتخرج براحتها
هما فين هنا
يلا يا سمحااااوى
تصبحى على خير

romansy said...

pepsi
اهلا بيكى
وبزيارتك
بشكرك جدا جدا على زيارتك الرقيه واتمنى دايما مزيد من التواصل

تحياتى

romansy said...

سمكه واحده
يا هلا ميكوووووو
اخبارك ايه
غيرت البحيره اهو خليه سما وقمر
ابقى ورينى هتعومى ازاى بقى
وبعدين بقى البحر والميه والهوا والسما
ما اجملهم من اسكندريه
متعرفيش بحبها اد ايه
اد 2 كيلو سمك بورى
هههه

romansy said...

Mona
اهلا بيكى يا منى
خلاص ياريت الرساله توصله
بقى
ويوفق يارب

تحياتى

romansy said...

عاشقة القمر
اهلا بيكى عاشقه القمر
نورتينى
واتمنى دايما انك تعجبك كلماتى كده

romansy said...

لاسع افندى
اهلا بيك يا استاذى
اتعلمت منك كتير
ومش هاجى جنبك حاجه ابدا
بشكرك جدا جدا

romansy said...

gogo!sf
ايزيك يا جوجو
اخبارك ايه
فيه مواقف كتير بتمر على الانسان وبيرجع يندم عليها تانى انها كانت قدامها وليه ضيعها ممكن يكون مشغول بوهم ممكن
بس فى الاخر لو خد باله من المواقف دى ممكن تغير كتير فى حياته

romansy said...

e_emy
ياهلا ايمى
انتى شايفه بقى انه مطنش
مش ممكن يكون خايف عليها وعارف انه ممكن يتعبها فى حياته علشان كده بيهرب
ممكن

donya said...

مساء الخير

ايه الكلام الحلو اوي ده

لأ دي لازم تاخد بالها

هههههههه

باي

همسات ساكنه said...

لو بعد ده كله ما اخدش باله
يبقى عمره ما حياخد باله أبدا

romansy said...

rony
اهلا بيكى يا رونى
اه يا رونى لو كل واحد فينا قال اللى جواه للى بيحبه
فيه كتير بيفتكروا ضعف
واهدار للكرامه ان مثلا بنت تقول للى بتحبه انها بتحبه
بس انا شايف ان دا ممكن يبقى شئ جميل بنهم بعد كده ان شاء الله

romansy said...

Ana keda
مرحبا بكى فى عالم رومانسى
قله قليه يعنى متاكده انها هتاخد بالها
ولا ايه بقى
وبعدين انها صبرنا طويل قوى قوى

romansy said...

MISS\GH
اهلا بيكى يا استاذه
اخبارك ايه
واخبار الامتحانات
تعرفى بقى
فيه كوبليه من اغنيه لسومه بيقول كان قلبى كبير بيحبك
انما كان قلبك اكبر
انا هستحملها طول عمرى
بس بقى هى ترضى عنى شويه
وبعدين انا راضى انى اكون مسالم
لان الطيبه حاسس انها مش عيب
وبعدين بقى مستعبطه
بكره تعقل يا استاذه
تحياتى

romansy said...

كلام من قلبي
الله يسلمك يا قمر
عامله ايه فى الامتحانات كده يارب تكونى بخير دايما
الحمد لله احنا بخير
بس اجدعنى انتى

romansy said...

donya
اهلا دنيا
اخبارك ايه
دا لازم يكون حلو علشان بس دا ليها
بس تيجى الاول وهتسمع اكتر من كده

romansy said...

همسات ساكنه
اهلا بيكى
ممكن بقى هو مش عاوز يظلمها معاه بس هو بيحبها قوى قوى
بس هل يا ترى هى هتستحمل

زهور الامل said...

لو بعد الكلام الجميل ده والحب الرائع ده كله ماخدش باله يبقى لازم تنصحه يروح يلبس نظارة ويركب قلب جديد

جامدة يا احمد بجد

تسلم ايدك

تحياتي

norahaty said...

أممممممم
كل دا وما
خدش باله:):)
ابقى المرة الجاية
احدفه بطوبة أو دبشة:)
جميلة كلمات ورقيقة يارومنسى

мαησηα said...

اممممممممم مايمكن خدت بالها بس بتدوخك شوية علشان متفرطش فيها بسهولة او يمكن مكسوفة اعد المحاولة مرة اخرى هتجيب معاك المرة دى

يارب يا احمد تحس بيك بقه عايزة افرح يا اخواننا نفسى ازغرط

mony said...

مش يمكن انت الغلطان
يمكن ماتعرفش اد ايه حبك ليها
يمكن مش فاهمه حب العيون والرومانسيه
ياعم الرومانسى

أم .. بوبه said...

بجد حلوة أوى وجميلة

dr.w.krm said...

ويوم مايعرف الحبيب انه بقاله زمن مش واخد باله هيحب نسيانه.. عشان ده خلاك بكل معانى الحب دى تناديه.. خلاك على الملأ تعترف انه هو الحبيب ..وانك من تجاهله خلاص مش قادر تسكت ولو ثانيه من غير ماتقوله انه الوحيد الاول والاخير.. وانك بصمت محسوس كنت بتحب.. وعيون عاشقه كانت ترسل الاسئله وقصائد الحب بس العنوان مكنش غلط ..بس كان الباب مقفول واهو اتفتح بكلمة حب جريئه صريحه بعدها لا يمكن الحبيب يقول انه مخدش باله

نهر الحب said...

ازاي ميخدش باله
ايه ده؟؟

:)
حلوة

mimi said...

حلوة زي كل مرة طبعا

حنين said...

جميل يارومانسى
دايما مبدع
تسلم ايدك

صدى الصمت - عاشقة الورد - said...

جميلة قوى يا أحمد
دمت رومانسى متألق عاشق كعادتك

MaNoOoSh said...

كالعادة طبعا الاشعار جميلة في معانيها وأسلوبها

وساعات في ناس بتحب تتقل وتعمل نفسها مش واخدة بالها

فكرة من الزمن ده said...

انااخدت بالي ان الكلام ده كله محسوس جدا
وجميل
جدا
تحياتي يارومانسي

Just waiting said...

ازاي ..... ازاي بس بنت تخرج من غير ماتاخد بالها معاها طب لو مش معاها شنطة تحطه في جيبها او في المحفظه مع البطاقه ههههههههههههههههههههه
بس بجد كلام جميل واحلى حاجه واقعيته لأن دا كتير بيحصل حد يحب ويعمل كتير والتاني مش واخد باله

romansy said...

زهور الامل
يا هلا يا هلا
ايزيك يا امل
اخبارك ايه
طيب ليه مش ننصحه انه يحاول يقرب ليها بقى ويبقى زيتنا فى دقيقنا
هههههههههه

romansy said...

norahaty
هههههههه
طوبه او دبشه
لا بقى فيه لغات كتير لازم يتعلمها الاول وبعدين بقى لسه الامل جوانا ومش هيياس اكيد

romansy said...

мαησηα
ايزيك يا منمن
اخبارك ايه
يعنى انتى شايفه انها بتعمل كده علشان مفرطتش فيها بس هى تيجى الاول ومش هفرط فيها عمرى
وبعدين سمعينا زغرووطه مقدما

romansy said...

mony
انا برضه اللى غلطان
خلاص نعلمها بقى حب العيون ونعمل اللى علينا
بس على فكره بقى كلمه بحبك مش لازم تتقال كفايه اقولها بقلبى
وتفهمها

romansy said...

أم .. بوبه
ايزيك يا ام بوبه
خلاص بقى عروستى عندك
بوبه
خلاص انا حجزت بقى

romansy said...

dr.w.krm
اهلا يا دكتوره
هو جميل قوى ان الانسان يعترف بحبه لانه دا شئ المفروض نصرح به ومش نخبيه
الحب شئ جميل بييحى وجداناوينقى نفسنا

romansy said...

نهر الحب
قوليله بقى يا نهر الحب
بس على فكره بقى هو بيموت فيها
بس بجد بجد بجد نفسه يسمعها منها هيه هتبقى اجمل بكتير

romansy said...

mimi
ايزيك يا ميمى
انتى بس اللى شايفه الدنيا حلوه
شكرا يا ميمى

romansy said...

حنين
اهلا حنين اخبارك ايه
بشكرك جدا جداواتمنى دايما انى كلامى البسيط دا يعجها

ليس فقيرا من يحب said...

معلش سعات الواحد بيصاب بحاله من

التخبط متخليهش يشوف مين بيحبه ومين بيكرهه

بوست رقيق يارومانسى

تسلم ايديك يارب

romansy said...

صدى الصمت - عاشقة الورد -
اهلا بيكى
يا استاذه
اتمنى انى اكون قدرت انى اوصل اللى جوايا

romansy said...

MaNoOoSh
اهلا منوش
ساعات التقل بيعتب قوى قوى
بس احنا ورانا ايه


نورتينى

romansy said...

فكرة من الزمن ده
اهلا اهلا بيكى
طيب الحمد لله ان الكلام عجبك بس عمرى برضه ما هكتب زيك

romansy said...

Just waiting
هههههههههههههه
خلاص بقى المره اللى جايه بقى نبقى نعمل حسابها فى بال مستورد
نورتينى يا قمر

romansy said...

ليس فقيرا من يحب
وجهه نظر لابد ان احترمها
جميل تفكيرك بس اكيد اكيد كل واحد بيحتاج الى حد يفضفض معاه

marmar said...

عجبتني اوي بتاعت اسمعي يا مراتي دي
بعدين رجاله الجيل الجديد يسمعو
مش هما اللي يقولو يعني
نرجع بقى للبوست ده
انا مش متفقه معاك ان مفيش حد مش بيحس او مش بياخد باله ان حبيبو
او ان في حد بيحبو ومهتم بيه
ليه يعني معندهوش احساس يعني

مش عارفه مش متفقه معاك رخامه وخلاص


عامل ايه في البرد ده

صوت من مصر said...

رومنسى رومنسى يعنى

salwa said...

السلام عليكم اخ رومنسي
لتكتمل السعادة يجب التكامل
تسلم يدك ادراج جميل
سلاااام

ঔღঔ نـــوارة ঔღঔ said...

مخدتش بالك انى بحبك
بعد دا كله مخدتش بالك
انتى حبيبى وقلبى يحبك
وكل الدنيا ابعــيها عشانك
ازاى تقــــدر تبعد لحـظه
عن انسان بقى كل كيانك
عن انسان ساب كل الدنيا
كل الدنيا بحـــالها وجــالك
بعد دا كله مخـدتش بـالك
مهما تقسى عليا حبيبى برضه
الروح على طــول تصفالك
ماللى يحب لا يعرف يكره
وانتى ف قلبى وقلبى دا شالك
ياللى ملــيت عليا حيـاتى
بس ياريتى اخطر على بالك
بقى بعد دا كله مخدتش بالك

احسسسسسسسساسك خطيررررر

تلاقيه واخد باله بس بيتقل :]

Butterfly said...

حلو اوى ما شاء الله :)

أميرة الرومانسية said...

جميلة اوي يا أحمد بجد
بس تعرف اكيد هي حاسة وواخدة بالها عارف ليه
لان الحب بيوصل وبيتحس
طالما انت بتحبها بصدق صدقني المشاعر ديه بتوصل للطرف التاني
بس يمكن هي منتظرة لما تتأكد اكتر من مشاعرك ومشاعرها
كلمات رقيقة فعلا

فراشة said...

مخدش باله يانهار
اكيد زمانه طبعا اخد باله بعد الكلام الجميل ده

romansy said...

marmar
ايزيك يا ريمووووو اخبارك ايه
مين اللى قال كده رجاله هما الرجاله برضه ولا يمكن كلمتى هتنزل الارض ابدا
لا بقى يا ريمووووفيه كتير مش بياخدوا بحالهم ممكن بقى علشان مش عاوز ياخد باله ولا علشان ظروف متعرفيش وبعدين بقى انتى عاوزه ترخمى وخلاص على العموم واحشتنى رخامتك
وبالنسبه لسؤالك عامل ايه فى البرد
لابس تقيل طبعا وبضرب نسكافيه وسحلب على طووووول

يلا نورتينى يا ريمووووووو
وطمنينا على الامتحان

romansy said...

صوت من مصر
يا هلا يا كيموووو
يا عم عديهابسابقى خد بالك المره اللى جايه

romansy said...

salwa
اهلا يا استاذه
بس بقى الاخ دا ياخد باله وفعلا هو بيحبها بيس بيكابر ولا ايه

نورتينى يا استاذه

romansy said...

ঔღঔ نـــوارة ঔღঔ
ايزيك يانواره
اخبارك ايه
ممكن بقى يكون عاوزها تقوله بحبك
ممكن يكون عاوز يحسحبها دا ويفيض حبها ودا اللى عاوز يحسه
بس هو اكيد واخد باله
نورتينى

romansy said...

Butterfly
اهلا يا بشمهندسه
اخبارك ايه
بشكرك جدا على زيارتك
تحياتى

romansy said...

أميرة الرومانسية
اهلا اهلا اهلا باميره الرومانسيه
اخبارك ايه
شكرا قوى قوى على كلامك الجميل دا يا اميره واكيد اكيد هى واخده بالها
وغير كده منتظره انى اقولها بحبك
وتحس بيها وبصدقها اكتر
ربنا يخليكى يا اميره ويسعدك يارب


تحياتى

romansy said...

فراشة
اهلا بيكى يا فراشتى اخبارك ايه
واخبار ورده ايه
طمنينا عليها
هو بس بيشوف رد فعله اكيد
عاوز يحس بكل كلمه بتتقال