Monday, January 4, 2010

الهوى هوايا


الـــــهـــــــوى هـــــوايـــــا
ابـنيــلـــك قصــر عـــالــــي
واخــطـــف نـــجــم الليـالـي
واشغـــلك عقــد غــالــــــي
يضوي يااحلى الصبايــــــــا
انا الـــــهـــــوى هـــوايــــا
مش محتاجه القصر العالى كفايه تشيلنى جوه عيونك
مش محتاجه نجوم بتلالى كفايه اكون انا كل نجومك
مش محتاجه غير حبك انت يبقى اعيش ازاى من دونك
مش محتاجه غير حبك انت كفايه تشيلنى جوه عيونك

الـــــهـــــــوى هـــــوايـــــا
يبقى القمر قاريبنـــــــــــــــا
والليل بحر مهاودنــــــــــــا
والنسمه اللي تاخذنـــــــــــا
ترجع شايله الحكايـــــــــــه
انا الـــــهـــــوى هـــوايــــا
انت اللى اقرب من القمر انت منور دنيتى
انت الحبيب كل البشر بحرى وسمايا ونسمتى
لو غبت بس لحظه عنى تغيب عنى بسمتى
مش محتاجه غير حبك انت كفايه تشيلنى جوه عيونك

الـــــهـــــــوى هـــــوايـــــا
ندخل كتب الحكـــــــــــاوي
واروي سنينك غنــــــــاوي
واعمل طبيب مـــــــــداوي
واشيل حبي دوايــــــــــــــا
انا الـــــهـــــوى هـــوايــــا
ياما انكتب عنا كتير ياما قالو علينا اساطير
ياما حكيت عنك لليلى ياما حكيت لجوليت
قولتها انى بحبك انت يا اغلى ما حببت
دا انا ليك اجمل اميره وانتى ليا اجمل امير
مش محتاجه غير حبك انت كفايه تشيلنى جوه عيونك

الـــــهـــــــوى هـــــوايـــــا
افي عنيكِ يا حبيبتــــــــــــي
تتوه مني سفينتــــــــــــــي
وكفايه انك انــــــــــــــــــتِ
اللي فضلتي معايـــــــــــــــا
نا الـــــهـــــوى هـــوايــــا
انا معاك دايما يا قلبى ولا اقدر ابعد عنك
ليه الحيره بس ليه وكفايا انى حلمك
وادينى اهو انا بين ايديك انا حته منك
نبنلنا قصر عالى
نخطف نجم الليالى
وننور بيه حياتنا
وكفايه انك انت
اللى عندى غالى

48 comments:

(Joudy) said...

حلوة حلوة بجد لأقصى حد الكلام كميل والأغنية حلوة بجد مش عارفة أقول ايه غير الله على اختيارك وكلماتك

دمت بكل الخير والسعادة

حنين said...

الله عليك يا رومانسى
جميله يا عندليب

لاسع افندى said...

كلمات كلها رومانسيه

كل سنه وانت رومانسى


تحيه لاسعه

Wish I were a Butterfly ... said...

حلوة الكلمات :). دايما بتخيل الرد من الطرف التاني على أغاني بحبها،و لقيتك كاتبها بطريقة جميلة فعلا

عجبتني الفكــرة أكيد

تحياتي

شمس النهار said...

لطيف جدا الاسلوب ده
بجد عجبني كلماتك لطيفه
وقاطعه مش محتاجه نقاش
:)

سلامي

صوت من مصر said...

مش بحب عبد الحليم

الشعب لابد له من حكومه تشكمه said...

حلوه جداااااااااااااا بجد, واخترت اغنيه ملهاش حل وتعليقاتك فظيعه بجد.

ABOALI said...

ده ايه الدويتو الجامد ده يا رومنسى........
جميله طبعا كلماتك واحاسيسك اللى فعلا رومانسيه .وكل واحد فينا له طريقته فى التعبير عن احاسيسه .
بس المهم تكون دايما معبر وصادق الاحساس واكييييييد الاحساس ده هيوصل لمن امامك كما تريد......

دويتووووووووو ناااااااااجح وكل عام وانت رومانسى.

تحياتى لك

سوسو الاموره said...

نيالوا يا عم الي واخد هواك ههههه بس انا بحب الاغنيه دي تسلم ايديك

نهر الحب said...

حلوة اوي ومميزة ان الهامها من اغنية عبد الحليم الجميلة اوي

دمت بكل هذا الحب

ساره said...

فكره مميزه
جميله جدا والله

mimi said...

الله هايلة بجد
تسلم أفكارك.. أبدعت في الوزن والقافية والمعني ..
والاغنية كمان اختيارها موفق
م الأخر بوست هايل

زهور الامل said...

ازيك يا احمد

اخبارك ايه
طبعا انت مش محتاج اني اقولك ان الغنوة دي تحفة تحفة جدا وانا بعشقها بجد

وكمان كلماتك اجمل واجمل واثرت فيا جدا

دومت مبدع
وكل عام وانت بالف خير وهنا بمناسبة السنة الجديدة

تقبل مروري

MISS\GH said...

حلو اوووووووووووووووووووى البوست يا احمد
الاغنيه تجنن اول مره اعرف ان كلماتها حلوه اوى كده طبعا شىء مش غريب عليك التميز دايما والرومانسيه فى كتاباتك

كل ما اقرى شىء يزيد احترامى وتقديرى واعجابى لقلمك


عايزه اقولك بجد انى حسيت اوى الكلام من الحبيبه اوى وخصوصا فى تصويرك فى اخر كوبليهين


ياما حكيت لليلى وياما حكيت لجوليت..........روعه التصوير والله بجد بحسدك على العبقريه الجميله دى

ربنا يحفظك ودومت بكل الحب والرومانسيه والسعاده

ريمان said...

وااااااااااااو


جميله اوى الفكره دى

جديده

عجبنى اوى ردك على كلمات اغنيه الهوا هوايا


بجد توحفه يا رومنسى

يمكن انت عبرت عن عمق الحب والمشاعر والشوق والحنين اكتر من عبد الحليم

gogo!sf said...

مساء الخير يا عمنا

فكرة رائعه وجميله اوى تسلم ايدك

الاغنيه حلوة اوى وكلماتك رائعه وانا متاكده لو كانت لوحدها بردو هتكون اروع

مبدع دايما يا احمد

جوجو

أم .. بوبه said...

الفكرة نفسها أروع حاجة فى الموضوع

والكلام بجد مش محتاجة إنى أقول انه جميييييييييييل جدااااااااا

نهر الحب said...

مازلت متألق ومبدع

يارب مزيد من جمال الكلمات والتعبير
تحياتى لك

نهر الحب said...

التدوينة السوداء ادعوا كل المدونين الشرفاء الى عمل تدوينة سوداء يوم 15/1 اعتراض على الجدار الفولاذى جدار العار والخزى

ليس فقيرا من يحب said...

حلوة الفكرة دى يا رومانسى

تسلم ايديك يارب

الشموع السوداء said...

واضح انك رومانسي فعلا

romansy said...

(Joudy)
اهلا اهلا يا جودى
اوقات كتير بنحن لاغانى زمان والحاجات الجميله اللى علقت معانا طول عمرنا
انا حاولت ارد بسطبعا مفيش كلام جميل
اجمل من الاغنيه

romansy said...

حنين
عندليب حته واحده
اهو مجرد محاولات بس يا حنين اننا نكون اى شئ فى اى شئ
نورتينى

romansy said...

لاسع افندى
والله يا استاذى دايما بتحسسنى ان الدنيا بخير لسه
كل سنه وانت طيب يا طيب

romansy said...

Wish I were a Butterfly ...
اهلا بيكى
دايما الواحد فينا بيكون جواه حاجات كتير ه بس بيحاول بقى باى طريقه يعبر عنها
الاغنيه جميله قوى وحاولت انى ارد عليها
بارق منها بس الاغنيه احلى بكتير

romansy said...

شمس النهار
اهلا اهلا يا شموسه
اخبارك ايه
كل سنه وانتى طيبه
ونهارك اسعد وادفى نهار

romansy said...

صوت من مصر
عادى يا سيدى بتحصل كتير

romansy said...

الشعب لابد له من حكومه تشكمه
فيه اغانى كتير وكتير حلوه
بس دى بقى علقت كده معايا
وبعدين انا اجى جنبك فين بس

romansy said...

ABOALI
اهلا بيك استاذ ابو على
نورتينى وبشكرك جدا جدا على تعليقك الجميل واتمنى دايما ان اكون عند حسن ظنكم
ادينا بنحاول بس نبقى زى الناس الرايقه بتوع زمان
وياريتنا نقدر

romansy said...

سوسو الاموره
ومين اللى مش بيحب الاغنينه دى
زمن الفن الجميل
مفتقدينه دايما

romansy said...

نهر الحب
اهلا نهر الحب
بس يا ريتها فعلا تبقى حلوه زى اغانى عبد الحلبم وسومه وورده
وكل الناس اللى اسعدتنا بفنها

romansy said...

ساره
اهلا اهلا ساره
اخبارك ايه
يارب دايما تكونى بخير وبسعاده دائمه
ياريت دايما تكون كلماتى بتعجبك


تحياتى

romansy said...

mimi
ايه بس يا عم المجاملات دى كلها
انا لا عمرى اجى زيك ولا زى ابو حميد الانجليزى
انتم بجد بجد جامدين قوى

romansy said...

زهور الامل
اهلا يا امل اخبارك ايه
يارب تكونى دايما بخير
اتمنى دايما انى اكون بحاول اقدم شئ جديد

romansy said...

MISS\GH
دايما الانسان الجميل بيحب يشوف كل الاشياء اللى حواليه جميله
الاغنيه جميله بافعل يا غدير
وكمان حاولت بس اقول رائ الحبيبه من خلال تصورى الشخصى وياريت ميكنش بوظ الدنيا

romansy said...

ريمان
لا ازاى
ياريتنا نقدر نعبر زى ما الفنانين عبروا
احنا بنحاول نكون شئ جميل بيوصل الحب والمشاعر لكل البشر

romansy said...

gogo!sf
اهلا اهلا يا جوجو
انتى فينك كده
وحشانا دايما
وبتغيبى دايما عننا
بشكرك على كلامك الجميل

romansy said...

أم .. بوبه
اهلا بيكى نورتى مدونتى المتواضعه
اتمنى دايما انى اكون عند حسن ظنكم
نورتينى

romansy said...

نهر الحب
اهلا يا استاذه
اخبارك ايه
انتى دايما غايبه عننا كده
بس مبسوط انك نورتينا

romansy said...

نهر الحب
هنعترض لا ايه ولا ايه ولا ايه بس

romansy said...

ليس فقيرا من يحب
ايزيك يا رونا اخبارك ايه
بس الاغنيه احلى بكتير

romansy said...

الشموع السوداء
على ادنا كده يعنى
نورتينى يا شموع
بس اتمنى بقى انها تبقى منوره

شموسة said...

روعه الفكره دي
والأروع الاحساس اللي معاها

تحياتي ليك ولحليم

شيتوس الاهلاويه اووووي said...

الله الاغنيه دي انا بحبها اوووووووي
تسلم ايدك

romansy said...

شموسة
هلا بيكى يا شموسه
اخبارك ايه
وليه الغياب دا كله
يارب دايما تبقى بخير
وبشكرك على كلامك الجميل

تحياتى

romansy said...

شيتوس الاهلاويه اووووي
اهلا اهلا يا شيتوس
نورتى المدونه بعد غياب
ومين بقى اللى مش بيحب الاغنيه دى واغانى عبد الحليم

The Queen said...

مدونتك بجد راااائعه

كلماتك كمان جميلة جدااا تنفع اغنية لوحدها

سلمت يداك والى الامام دائما

romansy said...

The Queen
اهلا بالملكه
نورتى المدونه
ويارب دايما نتواصل كده على طول على طول