Saturday, January 30, 2010

لقاء ولا اروع


حدث فى مثل هذا اليوم التاسع والعشرين من شهر يناير
لقاء مدونى القاهره - المنصوره -الاسكندريه- المنوفيه
دووول بس اللى حضروا وحمل اللقاء مشاعرالحب والالفه
وكاننانعرف بعض من سنين وحضر اللقاء كل من
شمس النهار
كيارا
الدكتورة ستيته حسب الله الحمش
شيما الشعب لابد له من حكومة تشكمه
صوت من مصر
محاسن صابر
abo ali
وسوووووووووو
خالد همس الأحباب
داليا قوس قزح
عادل
محمد غاليه
منامينو
شاب فقرى
دودو عاشقة الرومانسية
احمد الهامى
ميرا
ورده
منوش
فاتيما
سها سكرة
ومواطن شوجاع
ووليد الدوغرى
وهانى أبو زيد الهلالى
وعمود نور
وأم بتول وإبنتها
i'm the Crazy one
و كأنى أتكلم
وصبرنى يارب وزوجها
وضياء بيوتيفول مايند
وappy
وبنت خيخة وأى كلام

والصراحه بقى دوقت احلى فطير النهارده شكرا ليكى قوى قوى يا صبرنا يارب
كان يوم جميل قوى قوى حسيت فيه انى مع اخواتى واتشرفت بمعرفه مدونين كنت اتمنى انى اشوفهم
بشكر كل اللى ساهم اننانتجمع كده فى يوم جميل كده
ويارب دايما نتجمع على خير

Wednesday, January 27, 2010

حبك ف قلبى


ميهونش علـيا تزعـلى
دا انتى حبك جوه قلـبى
بس زعلك دا يبين
اد ايه غاليه عندى
وانتى عارفه حبى ليكى
يبقى ليه بقى تخبى
ساكنه قلبى وساكنه روحى
وف حياتى انتى سكنتى
اتمنيت من الدنيا اكون
بحر وفيه انتى سفينتى
ميهونش عليا تزعلى
دا انتى حبك جوه قلبى

Wednesday, January 20, 2010

مخدتش بالك


مخدتش بالك انى بحبك
بعد دا كله مخدتش بالك
انت حبيبى وقلبى يحبك
وكل الدنيا ابـيعها عشانك
ازاى تقــــدر تبعد لحـظه
عن انسان بقى كل كيانك
عن انسان ساب كل الدنيا
كل الدنيا بحـــالها وجــالك
بعد دا كله مخـدتش بـالك
مهما تقسى عليا حبيبى برضه
الروح على طــول تصفالك
ماللى يحب لا يعرف يكره
وانت ف قلبى وقلبى دا شالك
ياللى ملــيت عليا حيـاتى
بس ياريتى اخطر على بالك
بقى بعد دا كله مخدتش بالك


Wednesday, January 13, 2010

ماتستسلمش


ما تستسلمش يا قلبى بسرعه انت طريقك صعب
محتاج تمشى بجراه يا قلبى محتاج حبه حب
محتاج تعرف ايه اتجاهاتك خلى دليلك قلب
امشى بعون الله ويا قلبى تعرف معنى القرب
ما تستسلمش يا قلبى بسرعه انت طريقك صعب

Thursday, January 7, 2010

اسمعى......!




اسمعى ياللى هتبقى مراتى
ادى شروطى وادى طلباتى
اعملى بيها هتبقى حياتى
اسمعى كل ما هو اتى :

انا طول عمر شديد وغيور
انا مش ممكن اكون طرطور
بودرة واحمر ماتحطيش
و اوعى تحطى عليكى ورنيش

ومن البلكونة ماتبصيش
ولا شباك من ورا الشيش

و اوعى تقولى رايحة للخياطة
ولا معادها الساعة تلاتة
خلى عيشتنا تكون ببساطة
ماشية ورايقة وحاجة الاطة

ومن اديكى الاكل يهون
ولو خالى من الكمون

و اوعى حماتى تيجى فى يوم
وتوريها اوضة النوم
عيب يااخواتى دا اسمه جنون

سمعتى كلامى
ولا كلامى كلام مجنون






"اسماعيل يس"

Monday, January 4, 2010

الهوى هوايا


الـــــهـــــــوى هـــــوايـــــا
ابـنيــلـــك قصــر عـــالــــي
واخــطـــف نـــجــم الليـالـي
واشغـــلك عقــد غــالــــــي
يضوي يااحلى الصبايــــــــا
انا الـــــهـــــوى هـــوايــــا
مش محتاجه القصر العالى كفايه تشيلنى جوه عيونك
مش محتاجه نجوم بتلالى كفايه اكون انا كل نجومك
مش محتاجه غير حبك انت يبقى اعيش ازاى من دونك
مش محتاجه غير حبك انت كفايه تشيلنى جوه عيونك

الـــــهـــــــوى هـــــوايـــــا
يبقى القمر قاريبنـــــــــــــــا
والليل بحر مهاودنــــــــــــا
والنسمه اللي تاخذنـــــــــــا
ترجع شايله الحكايـــــــــــه
انا الـــــهـــــوى هـــوايــــا
انت اللى اقرب من القمر انت منور دنيتى
انت الحبيب كل البشر بحرى وسمايا ونسمتى
لو غبت بس لحظه عنى تغيب عنى بسمتى
مش محتاجه غير حبك انت كفايه تشيلنى جوه عيونك

الـــــهـــــــوى هـــــوايـــــا
ندخل كتب الحكـــــــــــاوي
واروي سنينك غنــــــــاوي
واعمل طبيب مـــــــــداوي
واشيل حبي دوايــــــــــــــا
انا الـــــهـــــوى هـــوايــــا
ياما انكتب عنا كتير ياما قالو علينا اساطير
ياما حكيت عنك لليلى ياما حكيت لجوليت
قولتها انى بحبك انت يا اغلى ما حببت
دا انا ليك اجمل اميره وانتى ليا اجمل امير
مش محتاجه غير حبك انت كفايه تشيلنى جوه عيونك

الـــــهـــــــوى هـــــوايـــــا
افي عنيكِ يا حبيبتــــــــــــي
تتوه مني سفينتــــــــــــــي
وكفايه انك انــــــــــــــــــتِ
اللي فضلتي معايـــــــــــــــا
نا الـــــهـــــوى هـــوايــــا
انا معاك دايما يا قلبى ولا اقدر ابعد عنك
ليه الحيره بس ليه وكفايا انى حلمك
وادينى اهو انا بين ايديك انا حته منك
نبنلنا قصر عالى
نخطف نجم الليالى
وننور بيه حياتنا
وكفايه انك انت
اللى عندى غالى

Friday, January 1, 2010

2010


عشرين عشره من اولها بمد ايديا مدى ايديكى
خلى الفرح يملا حياتنا وشيلينا يلا فى نن عنيكى
نقفل باب الحزن ورانا وافتحلنا بحب قصورك
نزرع فيه الحب نلاقى اجمل زهر دى يبقى زهورك
عشرين عشره من اولها بمد ايديا مدى ايديكى
احكى حكايتى ولا اكيد انتى عرفتيها
اصل حكايتى قولت كتير وكتير قبليها
عشرين عشره حنى علينا وكفايه عذاب
ماهو مش قادر انى اتكلم والقلب اهو داب
انا بتمنى انى نحقق امنياتنا
انا بتمنى ان فيكى نحقق ذاتنا
عشرين عشره املى حياتنا
بحب الخير