Friday, March 26, 2010

كام مره تحب ؟


كام مره حسيت انك بتحب؟
مره واحده فى حياتك ؟
ولا مرات فى مره واحده ؟
حبيبت كام مره ؟
ممكن تحب اتنين او تلاته فى وقت واحد ؟
وهل دا يبقى حب ولا اعجاب ولا احتياج للحب ؟
انا من وجهه نظرى ان الحب الحقيقى هو اللى بيكون
عايش طول العمر جواك ومبتقدرش تنساه ابدا ابدا ممكن
يكون الحب الحقيقى هو الحب الاول لانه بيعيش الى مالا
نهايه حتى لو حبيبت بعد كده او اتجوزت بيعيش جواك
حتى ولو بنسبه بسيطه قوى لانه زى الزرعه اللى
بتكون جذوزها متشعبه فى باطن الارض وحتى لو خلعتها
بيفضل بقايا جذور حتى لو ماتت الجذور دى بتفضل برضه
فى الارض الحب الحقيقى هو الاحساس كانك طاير لما تشوف
انسانه تملى عليك حياتك تيجى فى احلامك لما تشفها بتجرى كل
ساعات الدنيا الوقت معاها بيعدى بسرعه جدا هى الانسانه اللى
تفهمك من غير ما تتكلم تفهمك من نظره عين من لمسه تحس
بوجعك قبل ما تقول الاه هى الانسانه انك بتحس قدامها انها
كل حياتك بتحس بحنيتها وتحس بصداقتها وتحس برعايتها ليك
فيه اغنيه لمحمد فوزى" فاطمه وماريكا وراشيل دول جوه قلبى كوكتيل
تعجبنى فى واحده خفتها والتانيه حلاوه لفتتها والتالته دلالها وقساوتها
"والرابعه ادوب ادوب ادوب من بسمتها
وفيه كمان استعراض لفؤاد المهندس وشويكار بيقول قلبى يا غاوى خمس قارات
اعقل اعقل اعقل وارسيلك على قاره
اما بقى المطربه شاديه قالت رايها فى اغنيه ان راح منك يا عين هيروح من قلبى فين
دا القلب يحب مره ميحبش مرتين
وقال عن الحب ابو تمام نقل فؤادك حيث شئت من الهوى ما الحب إلا للحبيب الأول
كم منزل في الأرض يألفه الفتى وحنينه أبدا لأ ول منزل
وقال العلوي الاصبهاني في خلاف ذلك
دع حب أول من كلفت بحبه ما الحب إلا للحبيب الآخر
ما قد تولى لا ارتجاع لطيبه هل غائب اللذات مثل الحاضر
وقال اخر فى خلاف الاتنين
قلبي رهين بالهوى المقتبل فالويل لي في الحب إن لم أعدل
أنا مبتلى ببليتين من الهوى شوق إلى الثاني وذكر الأول
وفى النهايه اقدر اقول ان القلب ممكن يعشق مره ومرات
بس الحب الحقيقى والعشق مبيجيش غير مره واحده بس






63 comments:

زى الهوا said...

احجز الاول

علشان لو قعدت اقرا

مش هابقى الاول

زى الهوا said...

اقتباس :

ان القلب ممكن يعشق مره ومرات
بس الحب الحقيقى والعشق مبيجيش غير مره واحده بس

سؤالى بقى :

انا على فكره مش فاهمه الفرق بين الحب والعشق

romansy said...

زى الهوا
سمحااااااااااااوى والتعليق
الاول
نورتى

romansy said...

بقى سيبتى كل دا وقريتى اخر سطرين
لحقتى
بس على العموم انا هرد عليكى
الحب درجات
اقلهم الحب واعلاها العشق
العشق حاله كده تحسى انك مجنونه باللى بتحبيبه ميهمكيش حد ولا يهمك اى حاجه ولا فاكره اى حاجه غير انك معاه بس
لما تعشقى بتشوفى الوحش حلو وتشوفى الليل نهار والشتاء ربيع
هتتغير حياتك مليون فى الميه

لاسع افندى said...

الحب حاله غريبه يصعب تفسيرها
بس حاله لذيذه


تحياتى

Sad Angel said...

هى كميا
معادله صعبه يعنى

بس مش بيبقى غير مرة واحده فى العمر
بس نجيبو منين
مبقاش حد بيقدروا

romansy said...

لاسع افندى
اهلا يا استاذنا ايه اخبار
ومين بقى يقدر يفك الالغاز دى

romansy said...

Sad Angel موجود يا انجل
بس بقى نعمل ايه للى بيحبوا كام مره

E73 said...

بسم الله الرحمن الريحم
السعليكم ورحمة الله وبركاته

طيب الحمد لله اني محبتش حد قبل كدة
وربنا يجلع الأول هو الأخير عندي

حياة said...

فعلا
القلب يحب مرة ميحبش مرتين

حياة said...

فعلا
القلب يحب مرة ميحبش مرتين

ريمان said...

ممكن الواحد صح يا رومنسى يحب الف مره

لكن فى مره بس من الالف مره دول هو اللى كان فعلا حب حقيقى

فعلا الحب الحقيقى ده مش بيتكرر هو بس بيبقى رمه واحده فى العمر وساعتها الحب الحقيقى ده لو كان المره التالته او العاشره بيبقى بمثابه الحب الاول بالظبط لانه حب حقيقى


للحب فلسلفه مش كتير يقدروا يفهموها




تحياتى ليك

Tshandny said...

الله الله يا عم رومانسي

حمد لله على السلامة

و الله المدونة كانت حزينة

حلمى البعيد said...

الحب الحقيقي بيجى مره واحده

ممكن الإنسان يعيش يحب مره واتنين وعشره كمان

لحد ما يلاقي إنسان يدخل قلبه وميخرجش تانى بيبقي هو ده الحب الحقيقي

لان الإنسان لما بيحب حد بجد أوى بمعنى الحب مبيقدرش ينسي وإن حاول ينسي ميقدرش يكون مع حد غيره

يبقي الحب اللى بجد مره واحده وبس

وياريت كلنا نلقاه

تسلم أفكارك يا رومانسي

just waiting said...

هو الواحد ممكن يحب مرة واتنين وتلاته والف كمان بس بيفضل الحب الاول ليه ذكرى ماتتنسيش لأنها اول احساس واول كلمه حب واول نظره وكدا لو حب بجد عمره مايتنسي اما لو كان مراهقه وصادف حب بجد بينسى معاه الدنيا كلها والماضي كمان وبيبقى حبه دا كأنه اول حب في حياته
تحياتي ليك يارومنسي وتسلملنا افكارك

سوسو الاموره said...

ربنا لما بيكتب حاجه لازم تصير ليك نصيب فيها هتعشق وتحب وتكون نصيبك بس في مرات بيوصل حالة العشق لدرجه كبيره بس بالاخر ربنا مش رايد يكون في نصيب بتستغرب انوا ايه الي جرى ليه ربنى حطه بطريقي مدام مش من نصيبي بس حكم ربنا اعلم بكل حاجه حاولينا واعلم منى فين الصح وفين الغلط وربنى يديك يا رومنسي الي يعشقك ويحبكك ويحترمك تحياتي الك عجبتني كلماتك

Dr_Love said...

الى المدون الرومانسى
والمدونه الرومانسيه
اهديك سلامى
ومقال اكثر من رائع
اعجبنى تعليقك

الحب درجات
اقلهم الحب واعلاها العشق
العشق حاله كده تحسى انك مجنونه باللى بتحبيبه ميهمكيش حد ولا يهمك اى حاجه ولا فاكره اى حاجه غير انك معاه بس
لما تعشقى بتشوفى الوحش حلو وتشوفى الليل نهار والشتاء ربيع
هتتغير حياتك مليون فى الميه
زى المثل المشهور الى بيقول الحب اعمى
و مرايه الحب مكسورة

*** حور- نور*** said...

الحب عذاب وسهر ودموع الحب صوت قوى ومش مسموع
الحب حب والحبيب زى الشمس تنور درب المحبوب

حلو ه أوى الاسئلة دى والله انا سألتها كلها لنفسى وجاوبت على شوية منها
لك تحياتى

ستيتة said...

يا عزيزي مسيو الرومانسي المنوفي

اصحح لك المعلومة
من جعل الله له الإخلاص أحد صفاته
ده ممكن يحب مرة
ويفتكر تفاصيلها
وتفضل لها حتة جوا نفسه محدش يقترب منها

لكن الإخلاص نادر جدا
وأكثر ندرة في الرجال لطبيعتهم العقلية
فتجد قلبه يحب مرة
ومرة
ومرة
ومراااااااااااااااااااات

عادي خالص :)

ميرا ( وومن ) said...

أنا مبتلى ببليتين من الهوى شوق إلى الثاني وذكر الأول

بصراحة أكتر جملة معبرة الناس فيما يعشقون مذاهب
في حد مريض بمرض الحب الواحد وحد مريض بالحب نفسة

وبين هذا وذاك الوسط ويبقي الحب هو الحب

تحياتي

فراشة said...

صح قوى قوى يا رومنسى
فعلا الحب الحقيقى بيكون مرة واحدة بس مش شرط يكون الاول لكن هو مرة واحدة بس

Tears said...

الاجابة على السؤال محتاجة تعريف اولا لمعنى كلمة الحب

الحب شىء نادر الوجود و اغلب ما يطلق عليه الناس حب بيكون اعجاب و لهفة او اشتياق او رغبه او احتياج او مزيج من كل ده

الحب غالبا قائم على فكرة انانية و هى ان الانسان بيحب حد عشان بيسعده يعنى بيحبه عشان بيحقق له متعه مش عشان شخصه

الحب الحقيقى نادر ان لم يكن انقرض

حنين said...

ازيك يا رومانسى
انا شايفه ان الحب الحقيقى مش شرط انه يكون الحب الاول لانك ممكن تحب ويكون اعجاب او احتياج للحب وتظن انه ده الحب الحقيقى لمجرد انه الاول فى حياتك وانك اول مره تعرف كلمه حب ولكن الحب الحقيقى اللى بيعيش ولا يمكن تنساه هو اللى بتقول عنه الانسان اللى يفهمك من غير ماتتكلم ويحس بيك ويكون حنين عليك وتتمنى لو تعيش العمر كله وانت جنبه هو ده الحب الحقيقى سواء جاء فى الاول او كان فى الاخر مش مهم هو رقم كام ناس كثير بيتقابلو ويحبو كثير لكن مش كل اللى قبلناهم علمو فينا وكان لهم تاثير زى الحبيب اللى بجد حبيب

حـــــ الــجــنــة ـــــور said...

سلام عليكم

أحب علشان أتحب وأحب الحب واحب كل من حب....

احلى حاجة في الدنيا الحب لله ومن غير مصالح

احبك الرحمن

بوست جميل زي العادة

دمت مبدع

هي وظروفها said...

اختلف معاك معاك في اخر فقره

اختلاف كلي وجزئي وهندسي وتنظيمي

بصفتي في عمري البائد حبيت 3 مرات

اقدر اقولك ان كل حب وكل مرحله ليها جمالها

وكل انسان بيبقي ليه مزايا وعيوب ومصطلحات ومشاعر تختلف من حيث القوه منها لشخص اخر

بس ان جيت للحق الحب
في زمانا لازم يكون للزوجه وبس واي كلام قبل كده بيبقي تضييع وقت

والواحد بيخلي مشاعره يوسد علي الفاضي

انا يا معلم ال 3 مرات بفتكرهم وكانهم اول مره

قلبي كبير بقي ويساع من الحبايب الف

اوعي تقول ده مريض لأ نووووووووووووووو
انا قلبي اوبشاناته عاليه شويه

بس يرجع يرجع لاصوله وتلاقيه فاااااااااااااااااااااضي

طوبه فضه وطوبه دهب said...

بجد قلبك جميل ذى الفل يا اجمل رومنسى فى الدنيا

maioya said...

كل حب وليه جمال وشكل يختلف عن التاني
بس في حب بجد بيعلم معاك اوي
طول العمر
بتفضل شايل ذكراه
مهما كانت علاقاتك كتيره
هوا ده فعلا اللي بيبقي الحب اللي بجد
وده اللي بتفضل تدور عليه طول عمرك
ممكن تلاقيه وممكن متلاقيهوش
ويبقي سعيد حظه اوي اللي يلاقيه

SHAPE YOUR LIFE (ABOALI) said...

نحب مرات ومرات
ولكن لا نعشق الا مرة واحدة

فاءن احببت مرة فتعلم العشق منها
فاءن تكاثر الاحباء سيجعل ربيع حياتك هباء


وعجبى

بس كده كده
هاتجوز اربعة ان شاء الله واحبهم
نعمل ايه بقى قلبى فيه اربع غرف غير المنافع


تحياتى يا انسان يا راقى

زهور الامل said...

صح يا احمد
والله عندك حق

الواحد يلف ويروح ويجي ويحب ويتزوج ولكن الحب الاول بيكون ليه عنده طابع خاص والقلب بيفضل يدقله طول العمر

بس برضو القلب يقدر يحب تاني وتالت ورابع لكن مش بعمق وقوة الحب الاول

تحياتي لموضوعك الرائع

Unknown said...

انا رأي ان الحب الحقيقي بيجي مره واحده بس في العمر
وفي ناس كتير بيعشوا عمرهم كله من غير مايقبلوه

Selfmeaning said...

بصراحة انا معاك فى انا الحب الحقيقى

بيجى مرة واحدة بيجى فى الحياة

و تقريبا هو دا الحب الوحيد اللى

بيعيش له القلب

ghada mOhsen said...

الحب الحقيقي مُتاح في أي لحظه ..
حتى لو جه مرتين فى العمر ...

بجد أنا مش مع إن الحب الحقيقي بيبقى فى التجربه الأولى بس ...

لا ده ممكن يتجدد .. ولكل مرحله جمالها وحلاوتها ...

تسلم أحمد ...
... ;) ,,, ;) ...

Unknown said...

تدوينة مناسبة
للربيع وللجو البديع
اللى أحنا فيه دلوقتى
وكمان فى منتهى الرومانسية
يارومنسى أما الحب اللى
فعلاً مابيتنسوش فهم الحبين
الاول والأخير

Unknown said...

ومن فضلك يارومنسى
غير الرابط بتاع مدونتى
لانى عزلت :)ورحت مكان جديد
صعبان علىّ حالنا 2

Anonymous said...

ايه الرومانسية دى

موااااااااااااافقة اوووووووى
ان الحب هو اول حب
بس ممكن برده الواحد يحب مرة واتنين وتلاتة ويبقى بحب بجد ويعشق فى كل مرة بجد
بس اول مرة واول حبيب بيبقى هو الاصل

miroooo said...

عندك حق يارومانسى فعلا ممكن الانسان يحب اكتر من مرة بس الحب الاول عمره مايتنسى حتى لو كان فى القلب بقايا من ذكريات هذا الحب بجد الحب الاول ده احساس رائع لاينسى ابدا
طبعا البوست جميل جدا وموضوعه لذيذ وكمان الاقتباسات جميله جدا جايب حاجات من ايام الفن الجميل
تحياتى لابداعك
دمت رومانسيا

romansy said...

E73
اهلا بيكى
بكره يجيلك الانسان اللى تحبيبه قوى ومتعرفيش حبيته ازاى ويكون الاول والاخير فى حياتك

romansy said...

مجرد فتاة
الصراحه مش عارف مين الصح ومين اللى غلط بس انتى مشيتى على راى فنانتا شاديه بقى

romansy said...

ريمان
اهلا يا ريمان ايه اخبارك
بحترم وجهه نظرك طبعا الحب الحقيقى اللى نتمنى نلاقيه ممكن على رايك يبقى الاول او التانى بس انا شايف ان الحب الاول هو اللى بيتحفر اكتر فى القلب

romansy said...

Tshandny
ايزيك اهلا بيكى
حزينه ليه بس على اد ما نقدر بنقول

romansy said...

حلمى البعيد
اهلا بيكى يا محتله
الحب الحقيقى بيجى بعد ماخلاص الانسان بيكون تعب ويتمنى ان حياته بقى تستقر
وياريتنا نلقاه كلنا نعيش احلى حياه

romansy said...

Just waiting
اهلا بيكى
الحب الاول بيعيش مع الانسان طول العمر مبيقدرشينسى كل موقف وكل همسه وكل كلمه اتقالت واتعلم منها
وكل احساس بيحسه وهو مع حبيبه

romansy said...

سوسو الاموره
اهلا بيكى اخت سوسو
اخبارك ايه
كلنا نتمنى اننا نحب واننا نعيش ونسمع كلمه حلوه ونحس بكل كلمه
منقدرش ننسى كل اللى اى شئ حصل مع حبيبنا

romansy said...

Dr_Love
اهلا بيك
نورتينى جدا وبشكررك على كلامك الجميل
انا عن نفسى اتمنى اعيش حاله من العشق دائمه
ونتمنى نعيشها

romansy said...

*** حور- نور***
اهلا حور
طب كويس يارب تكون لقيتى حلول ليها اصلها بالنسبه لكتير قوى محيره

romansy said...

ستيتة حسب الله الحمش
اهلا يا دكتوره
لا يا دوك بقى الاخلاص موجود فى الرجاله
بس بقى ساعات فيه ستات مش بتحب الصراحه بيحبوا اللى يكدب عليهم
بس برضه النوع دا نادر جدا

romansy said...

ميرا ( وومن )
اهلا بيكى يا ميرا
الحب هو الحب بس ياترى بقى الواحد فينا بيؤمن باى حب
الحب بيجى مره ومرات صحيح بس اوقات مبنعرفش نحدد دا حب ولا ايه

romansy said...

فراشة
اهلا فراشه ايه اخبارك الحب الحقيقى
بيجى مره واحده بس بس الانسان برضه برغم دا مش بيطل حب

romansy said...

Tears
مين نادر اللى الكل بيجيب فى سيرته كل شويه
ممكن يكون نادر لانه مش منقرض موجود ودا اللى مخلينا الخير اللى بنعيش فيه فى الدنيا

romansy said...

حنين
اهلا حنين
اي اخبارك انا معاكى انه ممكن يكون الحب التانى او التالت هو اللى بيعيش بس الحب هو الحب بنحس بفرحه وسعاده فى كل مره نحب فيها

romansy said...

حـــــ الــجــنــة ـــــور
اهلا حوووووور
الحب اجمل شئ فى الوجود وبالذات لما يكون فى الله
تعرفى انا حضرت لقاء تدوينى سالت نفسى احنا جايين ليه واحنا منعرفش بعض بس لما قابلت واتكلمت حسيت انى اعرفهم من عشرين سنه هو دا الحب اللى من اغراض

romansy said...

هي وظروفها اهلين عم وليد باشا
اختلف ياباشا ولا يهمك
انا برضه حببيبت يا سيدى مره واحده بس الحب الاول هو اللى بيفضل برضه
وبعدين الصراحه انت ليك الجنه
اوعى حد يسمعك وانت بتقول كده يزعل منك
يا بخت قلبك يا سيدى ويا بخت اللى ساكنه
منورنى يا عم وليد

romansy said...

طوبه فضه وطوبه دهب
اهلا دهوبه ايه اخبارك قلب جميل زى الفل بس بقى بيدور علي الحب ومش لاقيه
منحوس بقى

romansy said...

maioya
اهلا مي
الحب اللى بيعلم معانا هو دا اللى بندور عليه ونتمنى نلاقيه يسكن قلبنا ويملا حياتنا بالهنا

romansy said...

SHAPE YOUR LIFE (ABOALI
اهلا عمى الغالى ابو على باشا ايه اخبارك
الحب شئ جميل يا اخى
وبعدين اللى بيحب مره او اتنين بيتعلم صحيح بيكون جواه حب عايش او جواه حب بيدور على حب زييه
وبعدين جاى تعلن جوازك هنا
يا خوفى عليك من الاكياس والسكاكين يا ابوعلى

romansy said...

زهور الامل
اهلا يا امل

اخبارك ايه
القلب قطعه ما يعلمش بيها غير ربنا ممكن يحب كتير بس اول كلمه اتقالت واول نظره عين علمت فيه اتحفرت جواه متقدرش تتمحى الا بموته

romansy said...

esraa
بس بقى شوفتى حد ييس
كلو بيدور عليه وعنده امل انه يلاقيه برضه بعد كل العمر دا

romansy said...

Selfmeaning
اهلا بيكى نورتينى
الحب الحقيقى دا اجمل شئ بنعيشه فى حياتنا ويا سلام لو جه واحنا جوانا امل فى الحياه
هندى كتير قوى

romansy said...

ghada mOhsen
اهلا بيكى يا غاده
ممكن
بس بالنسبه ليا انا عشت حاله كده حسيت فيها ان الحب الاول هو اللى بيعيش اطول فتره مع الانسان
بس مفيش مانع انه يتكرر
علشان احنا مش بنملك شئ فى قلوبنا

romansy said...

norahaty
اهلا يا دوك
ايه احوال الطقس اللى دخلت علينا دى
على العموم
الحب الاول حاله خاصه بيتفتح الطوارئ على طووول

romansy said...

norahaty
ليه بس كده
عزلتى

طيب ما علينا نغير الرابط


سكن سعيد

romansy said...

star in the sky
وبيقولوا ع الاصل دور
ممكن الانسان يحب مرات بعد كده بس مش بقوه واحساس الحب الاول

romansy said...

miroooo
اهلا ميرووووو
انا معاكى طبعا
ان الحب الاول لا ينسى
انا كنت كاتب حاجه عنه وكنت بقول
دا زى الوره اللى تدبل
وشويه ميه تحييها
وكل يوم قلبى يسال
هل مره نسيها