Tuesday, March 2, 2010

وصيه


اوصيك يا صـاحبى وصيه يامه قالوها اُلـوف
عامل مـــراتك حــبيبتك بالــود والــــمعروف
واوعى يجى يوم عليك تقولها اصل الظروف
وتبهدلها وتجوعها وتقولها دى بصله المحب خروف
دى يامه وقـفوا على بابها صـفوف
واختـــارتك انـــت من ضـمن اُلــوف
دى مراتك بتحبك وتخاف عليك خوف
خلص الكلام فى سطور
ويـــارب يجى عليا الدور

44 comments:

سمكه واحده said...

ههههههههههه
الدور جي جي
مستعجل علي ايه
لا بس وصيه حلوه حلوه يعني مفيش كلام
بس ياتري دي من القلب
وش مطلع لسانه

ال بصله الحب خروف ال
ده المحب نفسه لو اواحد ملقاش اكل هياكله
تاني مره يبقي انا اول تعليق
منا فاضيه بقي بعيد عنك

rony said...

انا تانى تعليق عند زومانسى
انا كده دخلت التاريخ
بيعجبنى عندك البساطه والكلام من القلب
يا رب كلهم بيفكروا زيك كده
بس اوعى انت نفسك تغيرك الايام

تحياتى

ستيته حسب الله الحمش said...

انا عمالة ابربش
وبعدين قرصت نفسي
وبعدين اديتني قلمين
لقيت نفسي صاحية
ورومانسي بيه كاتب كلام حكم ندر أن يجودالزمان بمثله

وعلى لسان راجل مصري اصيل

تحيا جمهورية منوفيا العظمى

كده انت أثبت لي انكم فعلا جنسية فريدة
السادات وحبه لجيجي
حسب الله وحبه لستيته
رومانسي ووصيته لرجال مصر المحروسة

мαησηα said...

يارب يجى عليك الدور وانا بعدك ياخويا يارب اللهم امييييييييييييين

بس بجد ايه الكلام الجامد ده يا ابو حميد بجد بجد يارب كل الشباب يكونوا بيفكروا كده ويطبقوا ده بجد

بتفاجئنى يا احمد هههههه

بس اتخضيت من العنوان ربنا يسامحك عااااااااااا

star in the sky said...

الله حلوة المشاعر دى
فيها احساس بالمسئولية وبان الواحد بقى عنده بيته وان مراته كانها هو بالضبط يعاملها بما يرضى الله

جميلة اووى

7annen said...

ياريت كل الناس تسمع كلامك
ومتستعجلش

الدور هيجى هيجى هتروح منه فين دا زى القضا المستعجل

هههههههههههههههههههه

emymony said...

ههههههههههه ان شاء الله هيجى عليك الدور
ماهو بيقولوا كاس على كل الناس
ههههههههه بس بجد بوست تحفه حلوة النصايح دى
بصله المحب خروف
ههههههههههههه لو قالى كده هقولها هات الخروف وارمى البصله ههههههههههه بس الدور يجى الاول
تحياتى

”*°•.˜”*°•..سونه..•°*”˜.•°*”˜ said...

السلام عليكم
يااااااااا لو كل ادم يعامل حواء كده اكيد العالم كله ظروفه هتختلف
ويارب يرزقك الزوجه الصلحه
تحياتى ليك على النصيحه الغليه دى

Just waiting said...

كلهم بيقولو كدا في الاول والكلام الحلو بيتحول
مستعجل على ايه بكرة تندم ياجميل
كلامك حلو يااحمد وبسيط تحسه طالع من القلب بس تعرف الجواز شكله من بره حلو وفرح ورومانسية وكدا بس المسؤلية بتضيع كل دا في زحمة الحياة دا كفاية العيال وواجب المدرسه
الحمد لله انا ماتجوزتش بس اتعلمت الدرس على ايد اختي الصغيرة

mony said...

مستعجل على ايه ياجميل
هيقولولك
بس المهم التنفيذ

أسمعنى شكراَ said...

القفص للفران والفراخ أنا لأ لأ لأ لأ لأ وألف زيها

ghada mOhsen said...

ياسيدى ياسيدى يااحمد ..

بجد تسلم
كلام خفيف على القلب ...

وراح يجى الدور ماتستعجلش
هاتروح منه فين بس :)

ربنا يوفقك ياااارب ...

... ;) ,,, ;) ...

gogo!sf said...

الله على اجمل وصيه

بجد كلامك صح مليون فى الميه

حقيقى كتير بيقولو كده

لكنى لا استمتع بتلك المعانى الرائعه



يارب لما يجى عليك الدور تعمل بيها

فعلا نصيحه تجنن

ويارب الكل ينفذها

تسلم يا احمد

sony2000 said...

مااسهل الكلام ومااصعب التنفيذ
كله بيقول كدا
يارب بس تثبت علي موقفك لما تلاقي نفسك في هذا الموقف
ههههههههههه
بجد بوست حلو ويارب يشوفو وينفذو
تقبل مروري وتحياتي

لاسع افندى said...

ماشى
حاضر
موافقين



تحياتى

إمرأه من ثلج said...

يارب يجى عليك الدور

ماشاء الله كلامك حلو جدا

ياريت كل الرجالة يقفوا عند الكلمات دى شوية

أنامش عايزاهم يقرؤها أنا عايزاهم يفهموها ويحسوها

دمت فى تألق

دى أول زيارة ليا فى المدونة الجميلة دى
أرجو منك دوام التواصل

فاطمة

أميرة الرومانسية said...

فعلا وصية من ذهب
وكلام موزون اوي
بس بجد ياريت كل واحد يعامل نصه التاني كدا
يااااااااااااااااااه بس مين بقا يا باابني اللي يحس ولا يفهم
هههههههههه

الازهرى said...

فى الحكاية دى بقى أنا معترض
لإن صعب الحياة تكون جميلة دايما ولازم ييجى وقت ويقول لها بصلة المحب خروف
لإن لو كدب تبقى مصيبة اكتر هيضطروا يعيشوا اعلى وتبقى ديونهم أكتر

كيــــــــــــارا said...

بس الحياه مش بمبي يعني ممكن يكون بيحب بس الظروف مش مسعداه انه يلبي طلباتها

دا بيت وحياه يعني لازم هيمر عليهم الصعب والسهل الفرح والحزن والقوة والضعف

بس برده وصية حلوه

زى الهوا said...

وصيه حلوه جدا

عوقبالك لما تكون مكانه وهوه بيوصيك

romansy said...

سمكه واحده
يا مفجوعه
انتى سمكه واحده انتى
انتى شادر سمك
وبعدين يعنى هستعج على الامله
يجى براحته

romansy said...

rony
كل جوه راجل فينا قلب طيب بس بقى مين اللى يقدر يتعامل معاه

romansy said...

ستيته حسب الله الحمش
اها اهلا اهلا يا دكتوره
لا صدقى
احنا معشر الرجال طيبيبن قوى وبالذات بقى المنايفه

romansy said...

мαησηα
با هلا
يارب يا ختى يارب
وبعدينالشباب بيفكروا زيي بس بقى البنات بتفكر ازاى

romansy said...

star in the sky
كلنا الحمد لله عندنا احساس بالمسئويه
وكتير من البيوت ناجح علشان التفاهم الموجود بينهم

romansy said...

7annen
ياريت
يا حنيين
دى كانت اتغيرت حاجات كتير قوى فى حياتنا

romansy said...

emymony
الدور هيجى ان شاء الله
وبعدين بطلى طمع من اولها كده
مشيها فى الاول
على ما تفرج

romansy said...

Just waiting
لالالالالالالا
دا طيب وابن طيب
بس انتى مش واخده بالك
هندم ليه بقى
عمرى ما ندمت على خطوه اخترتها بنفسى

بكره تتجوزى
وتطبقى الدرس اللى اتعلمتيه

romansy said...

mony
والحمد لله
المنايفه على اد كلامهم
عاوزين يعدوا البحر بيعدوا
بلانش

romansy said...

أسمعنى شكراَ
اهلا بيك

بكره يا سيدى مش هتلاقى احلى من قفص الزوجيه

romansy said...

”*°•.˜”*°•..سونه..•°*”˜.•°*”˜
اهلا ايزيك سونه

ادم طيب قوى يا سونه
بس فين بقى حوا اللى تقدره

romansy said...

ghada mOhsen
يا هلا
اخبارك ايه والامتحانات
يارب تكونى بخير دايما
عاوز بقى الدور يجى مره واحده مع الانسانه اى اتمنيتها
مش عاوز
ادور كتير

romansy said...

gogo!sf
اهلا
جوجو
ليه بس فيه ايه
احنا بندور دايما عى اانسان الى يريحنا ونريح ونديله عمرنا كله فداه
وان شاء الله هتاقى اى بينفذ النصيحه وبيعمل بيها

romansy said...

sony2000
كلو بيقو اه
بس الحمد لله
احنا من النوع اللى بيقول وينفذ

romansy said...

لاسع افندى
ايه رايك يا استاذى
مش هتبقى الدنيا احلى

romansy said...

إمرأه من ثلج
الموضوع دا مرتبط بزوجه تكون متفاهمه ومطيعه
هتخلى الحياه احلى بكتير

romansy said...

أميرة الرومانسية
اهلا اهلا
اميره الرومانسيه
ايه الغيبه دى
فيه والله يا اميره
فيه كتير بيعاملو كده
بس بقى
ياريت برضه الزوجه تتعامل كده برضه

romansy said...

الازهرى
اهلا اها يا صاحبى
اخبارك ايه
بس بقى الصعب بيكون اجمل لما نلاقى حد بيقف معانا
وبالذات اللى نحبها

romansy said...

كيــــــــــــارا
ايزيك يا كيارا
بس بقى اللى بيفرق الاختيار من الاول
الازمات بتحدد مين اللى بيحبنا بجد ومين اللى عاوز يعيش فى حلو الحياه بس

romansy said...

زى الهوا
يا هلا

ايه العقل الى نزل عليكى فجاه دا

كيــــــــــــارا said...

اكيييييييييييد طبعا

romansy said...

كيــــــــــــارا

ربنا يوعدك بزرج زى العسل

كيــــــــــــارا said...

زرج ازاي يعنى

romansy said...

كيــــــــــــارا
بجوز زى العسل

وتخلى عيشته هنيه

مليانه فرحه ومتهنيه

دعوه حيويه ساعه عصريه