Sunday, November 15, 2009

بحـــــــــبك يــــا مصـــــــــــر


نفسى اقولك علّى فى قلــبى
بس كـلامى دا مش هيــكفى
هـقولك ايه......... انا ولا ايه
احساس بحبك ما اقدر عليه
احساس بفرحه جــوايا نطقت
قالت..... بحبك كتير يامصـر
بحـــــــــبك يــــا مصـــــــــــر

بالرغم إنى اوقات بعــــــانى
بحـــــــس بحــــــبك بــــقول
واعــــــيد احــلى معــــــانى
وحــاســـس......... فى يـوم
هلاقى حنانك هلاقى امــانك
دا مـــــــــــــــــالى حيــــــاتنا

وترجعلنا تانى مصــر الجميله
وايـــــدك فــــــــــى أيـــــدينا
ايديك فى ايدينا يلا يا مصــــر
نعيش حيـــــــــاتنا نصر لنصــر
نعيش بحب وخوف على بعض
هنــبنى بيت.وهنـبنى قصـــر
بنحــــــــــبك يــــا مصــــــــــر

72 comments:

سمكه واحده said...

اول تعليق في حب مصر
عشان تعرف اني وطنيه وطنيه يعني
مفيش كلام

Anonymous said...

مبروووووووووووووووووووك لمصر

سمكه واحده said...

اه والله كلامك مظبوط يارومانسي
الكلام اللي بتقوله ده
جوه كل واحد فينا
غرش بس الظروف المقندله اللي بنمر بيها
والمشاكل وحجات وحشه بس ساعه الجد بيظهر المعدن الاصيل والمرجله اللي بجد والرجوله وحجات حلوه كتير مفتقدنها والشهامه
طبعا انا مش بكلم علي ماتش ده يبقي هطل
لان لا مرجله ولا شهامه ولا جدعنه تبان في ماتش
الموضوع مش مجرد ماتش
المضوع اكبر من كده بكتييير حب البلد دي والاتنماء ليها وان احنا مع بعض بيحصل حجات كتير وحشه مهي يا اخي مسرين البطن ببخانق
بس ان حد من بره يجي يلمس ممنا شعره
احنا عندنا كلاب بتعوض يا وديع
ههههن
ههههههههههههه
بجد البلد دي حلوه اوي وناسها حلوين اوي اوي اوي
وفيها خير كتير
بس ربنا يصلح حالنا ويهدي شبابنا
ونبطل هطل في حجات كتير ونفوق بقي
وتتغير علي ايدنا
انهي ايد بظبط الشمال ولا اليمين مش فاكره بصراحه
بس من الاخر
الواحد بيشتم ويزعل ويبقي قرفان
بس
بحب البلد دي
ربنا يحميها

لاسع افندى said...

مبروووووووك فرحة المصريين


تحيه لاسعه

------ said...

ياسيدى ياسيدى

مبرووك لمصر

------ said...

مع انى مليش فى الكورة

بس كنت بشجع :):)

ومبوووووووووك

وكماااااان مبرووك

دا انت لو شفت الجامعة النهاردة ههه
بنات وواد
لابسين علم مصر وراسمين على وشهم واديهم

وطبل وغناء

ههههههههههه

------ said...

بس كلامك تحفة

Aиgel said...


رومنسي

مبرووووووووووووك

ألف مبروك

ايه بس الكلام الحلو ده

تسلم يا أحمد يارب

وربنا يتمم فرحتنا


Angel love

تأثير الفراشة said...

فعلا بنحبك يا مصر

الحمد لله ، ألف حمد و شكر لله

و لسه هندعى تانى و نقول يارب يوفقنا و يوفق المنتخب فى يوم الأربعاء و بعد يوم الأربعاء كمان

ما شاء الله عليهم ، ربنا يحميهم و يحرسهم و يبارك فيهم و يوفقهم

و دائما كده المصريين يفرحوا و يتجمعوا على الخير

ألف مبرووووووك لمصر و لكل المصريين

blue-wave said...

تفتكر اننا فعلا بنحب مصر يا رومانسى؟؟؟
وتفتكر ان مصر تستاهل تتحب اساسا؟؟؟

ليس فقيرا من يحب said...

طب والله الشعب المصرى ده من اروع

الشعوب فى العالم

ربنا يفرحنا دايما

تسلم ايديك يا رومانسى

شبــ اون لاين ـــاب said...

دى مصر دى مصر يا محمد

فعلا كلام جميل جدا لكن ميجييش نص اللى منتخب مصر بيعملوه و الفرحه اللى احنا فيها دلوقتى



عملنها فى القاهره ... و حنصعد من السودان

------------------------
واحد مخه لاسع شويه

TWEETY said...

بابا هيطلع ياعمو

وهيحضر معانا العييييد

عصر الجنون said...

وانا كمان بحبها اوى
ربنا يوفقها وتبقى احسن بلد فى الدنيا

حنين said...

كلام جميل يا رومانسى طالع من مصرى
مبروووووووووووك لكل المصريين
ويارب دايما

جارة القمر said...

بنحبك يامصر

mony said...

ياريت ترجع مصر الجميله
لانى بحبها جدا
بس ترجع تانى جميله

زهور الامل said...

بحبك اوي يا مصر

وماليش غيرك بيت ولا قصر

احساسك حلو اوي في حبك لوطنك

ربنا يحميكي يا مصر

تحياتي

لا تـــشـــتــــاق said...

اليكى يا اعظم الامهات
مبارك عليكى نصر اولادك
ونصرك انتى بين الاقطار دايما
بنحبك يامصر

سلمى said...

السلام عليكم
سيدى كلاماتك اكثر من رائعه
تحيه الى قلمك وتحياتك الى اناملك التى ابدعت فأحسنت الابداع
تحياتى

romansy said...

سمكه واحده

اهلا اهلا يا ميكوووووووو
اول تعليق
فى حب مصر

وطنيه وطنيه يعنى

romansy said...

7annen

اهلا حنين
الله يبارك فيكى

يارب نبقى كده على طوووول

romansy said...

سمكه واحده
والله يا ميكووووو
الموضوع مش موضوع ماتش كوره
الموضوع اننا اول مره نكون بالاتحاد دا والقوه دى
المرجله موجوده والشهامه موجوده
جوانا
شعبنا طيب قوى
يا ميكوووووو
واحنا نستاهل كل خير

romansy said...

لاسع افندى

اهلا بيك يا استاذنا

ان شاء الله ربنا يديم علينا فرحتنا
دايما ويجعلنا دايما على
قلب رجل واحد

romansy said...

همســات عــلى ضــوء الــقمر

اهلا منديلى الحلو


الف مبروك
لمصر

romansy said...

همســات عــلى ضــوء الــقمر

الفرحه حلوه قوى قوى
يا همسه
لما تشوف الفرحه فى عيون الناس
اكيد هنحس بالفرحه
وهنكون اسعد الناس

romansy said...

همســات عــلى ضــوء الــقمر

شكرا يا همسه

ان شاء الله

يتمم فرحتنا

romansy said...

Angel
اهلا بيكى يا انجل
اخبارك ايه
ان شاء الله يتمم فرحتنا
وياريتنا نبقى كده على طوووول
ايدينا فى ايد بعض وحاسين بمشاكل بعض

romansy said...

تأثير الفراشة

اهلا بيكى


ان شاء الله هنفوز
ونبقى احلى بلد فى الدنيا
يارب دايما نبقى قلب واحد
ان شاء الله ربنا يكومنا
يارب
ونبقى
كده ايد واحده

romansy said...

blue-wave
اهلا يا دوكتور
تعرف اوقات بقول هو الحب دا كن مستخبى فين
بس والله يا دوكتور
احساس بحبها شديد قوى
بس نكون ايد واحده
زى يوم الماتش كده

romansy said...

ليس فقيرا من يحب

اهلا رووونا

ربنا معانا ودايما نفضل الفرحه والشوق
جوانا

لحب البلد دى

romansy said...

شبــ اون لاين ـــاب

اهلا اهلا
والله يا محمد متعرفش اد ايه الفرحه كانت جوانا احساس بالحب للبلد دى
بس كان فين دا
بيكون فى وقت الشده

romansy said...

TWEETY

الف مبروك
ربنا يخليه ليكى

يارب

romansy said...

Mona
كلنا بنحبها يا متر

وانتى اكتر واحده اكيد هتكون حسه بكده

romansy said...

حنين

اهلا اهلا

كنت اتمنى انى اقول اكتر من كده بكتير

بس اكيد جوانا كل الحب دا للبلد دى

romansy said...

جارة القمر

ومين مش بيحب البلد دى

المعدن الاصيل
بيظهر وقت الشده

romansy said...

mony

ان شاء الله
هترجع جميله زى الاول

بس احنا كمان نكون

جوانا جميل

romansy said...

زهور الامل
بحبك يا مصر
انتى فى دمى
بنحبك يا مصر

ومين بس اللى مش بيحبها

romansy said...

لا تـــشـــتــــاق

بنحبك يا مصر

اد ايه يا احمد الفرحه جميله
ان شاء الله هنفوز الاربع

ونعيش احلى ليله

romansy said...

سلمى
اهلا بيكى يا سلمى
بشكرك على كلامك الجميل

اتمنى لو اننا نكتب كلام اكتر من كده

ameen said...

لن اتجمل

وهقولك انا مش اعرفك فعلا بس الكلام الجميل لابد يلاقى تقدير

verry nice

سوسو الاموره said...

انا كمان بحب مصر اوي ومبروك عليكم الفوز لانوا نصي التاني من عندكم وعشان انتوا اهل كرم وخير وطيبين اوي تستهلوا وربنا انكم تتحبوا وتتشالوا عالراس تحياتي ليك يا رومنسي ولاحلى واجمل مصر

شوية قهوة said...

الف الف مبروك وعبال الماتش الفيصل
يا رب وتفضل مصر على طول فوق

نهر الحب said...

ايه الجمال والروعة ديه؟
يارب تكون بخير ؛
كل عام وانت بخير؛


خالص تحياتى

نهر الحب

Selfmeaning said...

بجد جميلة جدا

مع ان صعب ان حبها يتوصف فى كلام

مبروك لمصر

عبال يوم الاربعاء

و ربنا يكرمنا

ان شاء الله

donya said...

مساء الخير
ياريت يااحمد
نترجم الحب ده لعمل
نراعي بعض علي الاقل نحب بعض نفعل الضمير نحافظ علي الملكيه العامه

نشيييييييييييييل الزباله علي الاقل


تحياتي علي القصيده الجميله

مهرة سالم said...

السلام عليكم...
الدنيا عندنا مولععععه
دا علم مصر منور كل الشوارع

Unknown said...

ازيك يا رومنسى
يارب عقبال يوم الاربع
مبروك لمصر
ومازلت عذب الكلمات

Unknown said...

مــــصــــر!!
we love it

صوت من مصر said...

تعالى نرسم وطن

MOHAMMED ELBANNA said...

احمد
فعلاً جميلة
وربنا ينصر مصر ديماً
محمد البنا
طريق النجاح

حـــــدوتـــــة said...

السلام عليكم

مبروك يا سيدى
مع انى بصراحة شديدة
مبقتش احس بأى اغنية وطنية
الايام دى

سلالالالالالالالالالالالالالالالام

romansy said...

ameen

اهلا بيك وبزيارتك الاولى
للمدونه
واتمنى ان شاء الله
دوام التواصل بينا

romansy said...

سوسو الاموره
يا هلا يا هلا
فيكن
ومين مش بيحب مصر يا سوسو
وكمان النص التانى من عندنا
يا بخته بيكى

romansy said...

كلام من قلبي

يارب دايما يبقى النصر لمصر
ان شاء الله
هنلاقى الخير طول ما احنا ايدينا بايدن بعض

romansy said...

نهر الحب

اهلا نهر الحب
كل سنه وانتى طيبه
اتمنى بقى ان ربنا ان شاء الله
يتتم فرحتنا
ونلاقى الخير والسعاده مليا حياتنا

romansy said...

Selfmeaning
اهلا بيكى
صعب نوصف جمالها وصعب نوصف احساسنا بيها
اد ايه بنحبها قوى
وان شاء الله يجمعنا دايما على خير

romansy said...

donya
ان شاء الله نقدر نترجم الحب دا لعمل
ان شاء الله هنلاقى الخير
بس لما نحس اننا ايد واحده

هتبقى حياتنا سهله

romansy said...

نهــــــــــار
اهلا نهاااار
مش علشان الماتش بس
الموضوع مش موضوع كوره اد ما هو حب وايد واحده
ان شاء الله

romansy said...

نهر الحب
ان شاء الله هنفوز والتغيير دا
هيبقى شئ ايجابى
كلنا نعمل بيه

نتمنى الخير دايما يارب

romansy said...

norahaty

كلنا بنحبها يا دوك

بس ادعلينا

romansy said...

صوت من مصر
اهلا يا كيمووووو
اخبارك ايه

ياعم اجدعن شويه

وتعالى نرسم وطن جميل

romansy said...

MOHAMMED ELBANNA
اهلا يا محمد اخبارك ايه
كلنا نتمنى النصر لمصر فى كل المجالات
مش فى الكوره بس
عاوزينها تبقى احسن بلد

romansy said...

حـــــدوتـــــة
اهلا بيك
ليه بس
صحيح الاغانى الاوطنيه مش زى زمااان
بس اكيد الاحساس واحد
ان شاء الله
هنلاقى الخير
والحب يجمعنا

sweet angel said...

وانا كمان
بحبك يا مصر

شفـقــة و إحســــان said...

الله ايه الكلام الحلو ده؟؟
كله ده لمصر
يا بختها بيك
بجد بوست حلو اوى

منــار فايد said...

احمد البوست جميل اوي اوي
واحساس الفرحه باين في كلامك جدا
مبروووووووووووووووووك
وعقبال بكره يارب
وتسمعنا بعدها احلى كلام


تحياتي

الزنارى said...

كلنا بنحب مصر
لكن مبنحبش العنف
و نفسنا مباراة السودان تمر بسلام و أمان
أحييك على الموضوع
أحمد الزنارى

romansy said...

sweet angel
ومين يقدر ميحبهاش
وهى ساكنه فى دمنا
دى امنا
كهما السنين بتضمنا
ومهما الفرحه معنهاش

romansy said...

شفـقــة و إحســــان

كل دا واكتر كمان

ملناش غيرها فى الدنيا

romansy said...

شباك موارب/منار

كان نفسى

بس كل اللى اقدر اقوله

قدر الله وما شاء فعل

romansy said...

الزنارى
دا اللى كان نفسنا فيه بس لاسف

حسبى الله ونعم الوكيل

تحياتى لزيارتك