يارومانسى فوق من الخيال
كفياك رمانسيه بقى
تعبتنا ووعدتينا وعشمتنا بيوم اللقا
كفياك تكون انسان غريب
عايش فى دنيا من الخيال
كفياك بتتمنى حبيب
وبتبنى قصر من الرمال
فوق يا رومانسى من الخيال
فوق يا رومانسى من الخيال
عيش شويه فى الحقيقه
هتلاقى حب يكون محال
وحب عاش بميت طريقه
والدنيا ماشيه على اى حال
يارومانسى فوق حرام عليك
ضيعت عمرك راح هدر
ف وهم صنعته انت بيديك
عايش ملاك بين البشر
كفياك رمانسيه بقى
تعبتنا ووعدتينا وعشمتنا بيوم اللقا
كفياك تكون انسان غريب
عايش فى دنيا من الخيال
كفياك بتتمنى حبيب
وبتبنى قصر من الرمال
فوق يا رومانسى من الخيال
فوق يا رومانسى من الخيال
عيش شويه فى الحقيقه
هتلاقى حب يكون محال
وحب عاش بميت طريقه
والدنيا ماشيه على اى حال
يارومانسى فوق حرام عليك
ضيعت عمرك راح هدر
ف وهم صنعته انت بيديك
عايش ملاك بين البشر
132 comments:
الله عليك يارومانسى
دايما كلماتك روعة
دمت بكل الود
دائما من ينتقدون يفقدون ما لديك
يصعب عليهم امتلاكه
فيعوضوا ذلك النقص بكثرة الكلام
ولكن ما دمت مقتنعا بما تفعله وما تملكه
لا تنصت اليهم
كلماتك معبرةاوي يا رومنسي
دمت بكل ود
:)
يا رومانسي حرام عليك بلوجك دايما بيهنج
طلع عين اهلي بيعلق ومش بيفتح الكومنت وييييييي كوسه بقى
انا مفروض اكون اول تعليق عشان شفت عل ريدر عندي اتنين دقيقه يعني انا الاول بقى
نرجع بقى للبوست
انا بنصحك وبشده انك تعيش كل احلامك في الخيال وتمتع بجمالها بس حققها في الحقيقه طبعا
ربنا يكرمك يارب
تحياتي
ياعم انا كان نفسي ابقي اول تعليق لكن
عموما كلمتك روعه بس الدنيا مش ابيض واسود
ومالنا لا نعيش الخيال !!؟
لـمَ لم نتخلى لحظة عن قسوة الواقع ونهرب الى روعة الاحلام ..!!؟؟
هناك
من ينعت احلامنا
وهناك
من يدعونا بشفقة الى ان نفيق
فلا تذهب الا هناك ولا هناك
فقط
اهرب وحدك
الى احلامك
رسمك وخيالك
ولا تنظر اليهم
او تنصت الى همهمات ثرثراتهم
=====
تحياتي وتقديري لك يا أحمد
دمت بخير دائما
انت تكون رومنسى اى ان تكون انت
فيكفيك انك تعيش فى عالمك لتتنفس هواءك الخاص
ان تكون مختلفا لا يعنى ان تكون مخطئا
تحياتى دوما
مى .. لحظة تأمل
وحب عاش بميت طريقه
مش عارفة الجملة دى فيها اية
شدنى معاها وخلانى افكر فيها اوى
بس سيبك
مفيش ملايكة ع الارض
خدها منى كلمة
بيس
يا رومانسى خليك رومانسى واوعا تتغير وتبقى غير رومانسى
انسانيتك فى رقة وطيبة ودفء مشاعرك واليى بيخلقوا منك رزمانسى
ومتخليش اى شوية عاصفه رمليه تغيرك
اثبت كما انت انا بقلك يا دسوقى اهه
خليك رزمانسى كما انت
كلامك حسيته قوي
بس مش كل حلم بنحلمه بيكون حقيقة نقدر نصنعها
بس على الاقل مش تحرم نفسك من الحلم
احلم
يمكن في يوم تصحى من حلمك تلاقي نفسك محققه
عيش زي العندليب
اللي اتكلم عنه جاهين
يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي
ده مش وهم
ده حلم
لو بطلنا نحلم نموت
احلم على كيفك واتمنى تلمس احلامك
لا يارومانسى متسمعش كلام محاسن
خليك رومنسى مع اللى يستاهل بس وكمان فالوقت المناسب للرومانسيه مش طول الوقت ومع اى حد
لالالالالالالالالالالا يفوق ايه احنا ماصدقنا لاقينا واحد رومنسي في الزمن ده
ههههههههههههه
تسلم ايدك يا احمد
علي راي الست شرين
ومن الغباء انك تعيش زي الملاك بين البشر
الكلام اللي انت كاتبه ده هاخده لنفسي
ههههههههههههههه
يا رومنسى
بصراحة مش عارفه اقول ايه
هى كلمة وحدة
روعة
مى
يا رومانسى اوعى تفوق من الخيال
يا بنى العباقرة هما اللى خيالهم واسع
اوعى تفوق حلوة الرومانسية دى غيرك مش طيلة
تحياتى
لا يارومانسي
اوعي تفوق
تفوق ليه
هي الرومانسية عيب
ولا حاجة نتمني تروح مننا
الرومانسية شرف
وميزة يتميز بيها
زوي القلوب العامرة
كلماتك جميلة
ولكن ارجو الا تنفذها
سلام
رومانسي
احنا اتعودنا علي رومانسيتك الجميلة واحساسك العالي
اوعي تتخلي عن رومانسيتك دي
وكمان انا مع سفروتة في كلامها
لانهم مش عارفين يبقوا زيك بينتقضوك
خليك معانا رومانسي للابد
تحياتي لك
وصلت انت لحاله انا بقيت فيها دلوقتى كل مره كنت بقول لازم اتغير وافضل بنفس رومانسيتى بس ارض الواقع هو الى فوقنى ومش كل الناس كويسين مش حقولك زى كل الناس مش تفوق من رومانسيتك حقولك فوق مع البشر خليك عايش على ارض الواقع وخلى الرومانسيه دى للى يستحقها لو كان فى حد يستحقها
هووووووووووووي
جايه بهرج انا صح مقصرة في حقك جدااااااااااااااااااااااااااااا
عارفه معلش سامحني بس والله باجي اقري
بس تقريبا جيلي حاجه زي خرس تدويني شوفت اهه الكلام الغريب الي بقوله ده
بس اعلق بقي
احسن شئ في الدنيا انك تعيش برومنسيه ونظرة حالمه اينعم ساعات بنتصدم بالواقع المرير
بس قلوبنا بتبقي نقيه زي الاسفنجه تمتص الصدامات بتقدري نعدي
سيبك من اي حاجه مدام مقتنع بنفسك يبقي انسي اي حاجه
سلام ومش تزعل مني لتقصيري
نقد حلو للنفس والله
لا يا رومانسي الواقع حلو برضو
لسة البوست اللى فات قلت على يوم قضيتة مع صديقك دا كان واقع وكان سعيد
دا مش معناه انك تفوق من الخيال والاحلام والرومانسية
محدش يقدر يبعد عن رومانسيتة مادام هى طباعة
عبرت عن نقدهم بطريقة جميلة
واتمنى انه يكون نقدهم مش نقدك انت
تقبل مرورى
طب ايه التغيير المفاجئ دا بقى
هو انا فاتني حاجة ولا ايه
انا صحيح بقى لي فترة بعيدة حبتين
بس انا اعرفك رومانسي ومتفائل
ايه اللي حصل؟
عموما لابأس من بعض التغيير
بس لازم ترجع تاني
دا انت بتنقذنا من قسوة ومرارة الواقع
تحياتي
مافيش احلى من الوهم والخيال
على الاقل مش هتلاقى اللى يخنقك
بس السيءاللى فى الوهم ان الواحد يضيع عمرة هدر دى هى الحقيقة المؤلمة
تحياتى
رومانسي الرائع
شوف ياعزيزي
ساعات الواحد يمل من نمط حياته
يمل من طيبته
يمل من رومانسيته
والله حتي ساعات ممكن تمل من اخلاقك
هي مراحل نمر فيها تمل شويه ونطلب اللي مش فينا
بس بعدين القالب غالب
والطبع غلاب
نرجع لطبعتنا
يعني يا رومانسي
عادي اللي انت تمر فيه
شويه وترجع لنفسك
ولرومانسيتك
وطيبة قلبك
ونقد النفس ظاهره صحية
لانه بعض النقد مفيد لصحة
:)
عمر إلي كان بيحب بأخلاص ورمانسي عايش في الأوهام
ودا طبعا ميمنعش أن الواحد يقف مع نفسه شويه ويشوف هو عايز أيه ويشوف الصح ويعمله
بس علي فكره عمر الملاك بيزعله أفعال البشر
تقبلي مروري
مجنووون
عجبني اوي الكلمات دي
الدنيا فيها الابيض والاسود والرمادي
وياريت علي طول نفضل في الابيض
حتي لو في حلم او كلام في قصايد
حلو نعيش حبه كده مع نفسنا لا ش وحش انك تكون رومانسي
بس احنا حياتنا كلها بقت واقع صعب فمفيش مانع نهرب شويه ونأخد أحلمنا وضحكه بريئه واحساس جميل شويه معانا ولووحدنا يمكن ده يخفف عننا حجات ياما
تحياتى لرومنسيتك البتنسينا حجات كتير
ماء تشرين
عارف يا رومانسى
كنت حاسه انك فى يوم هتقول كده
هى الرومانسيه مش وحشه هى بالعكس جميله جدا بس لو كانت رومانسيه واقعيه
تحيياتى لك
كلماتك كالعاده معبره وجميله
شوية كدة شوية كدة!
يعنى لا رومانسية على طول
ولا واقعية على طول
بس مين اللى يضبطها بقى؟
قولى انت بقى؟
ايه ده؟
ايه ده؟
ايه ده؟
هو انا نسيت
اقولك ان القصيدة
حلوةاوى اوى
طيب معلش :(
القصيدة حلوووووة
اوووووووووووووووووى
النقد شئ جميل خصوصاً لما الواحد ينقد نفسه .. بس النقد لما يكون فى شئ خطأ يجب ان ننقده .. ولكن فما هو الشئ الخطأ فى الرومانسية .
فالرومانسية ليس خيال لكى تفوق منه بس واقع يجب العيش بيه وفيه
لقد اعتادنا ايها الرومانسى على رومانسية حالمة واقعية فأين هى ؟؟؟
دمت بكل خير وتقدير ،،
نفرتارى
حلو الكلام بس ده مش خيال عشاان الحب موجود بينا
واكيد هتلاقى الحب
مش مجرد خيال ولا كلام
ايه ده ده نقد للنفس ولا بتديها قلمين
هو ليه لما بنقف قدام نفسنا بنبقي محضرين ليها كل ادوات التعذيب الممكنة واللي مش كمان
رومانسي هي دي تهمة يعني لا مش تهمة ولا عيب
المهم انك فعلا متقفلش علي نفسك قصور الخيال وتعيش اسير ليها
عيش رومانسي بعقل لآن مش كتير رومانسيين
خليك رومانسي لأن خيالك حديقة غناء من المشاعر متنفس للكثيرين
لكن كون واقعي وقت ان تحتاج للواقعية
النقد خطوة كويسة وموازنة الأمور الخطوة القادمة إن شاء الله
تحياتي للرومانسي
حلوة
الحياة محتاجة واقعية مع شوية رومانسية
تحياتي :)
ينفع تكتب كلام رومانسى تحس بيه قوى
لكن مينفعش تعيش فى رومانسيه على طول
فى مجتمع ميعرفش يعنى ايه رومانسيه
مينفعيش تعيش برومانسيه
فى المطحنه اللى احنا فيها دى
لولا وجود الرومانسية فى الحياة لفقدنا إحساسنا بروعة وجمال الأشياء وأصبحت الدنيا بلا طعم ولا لون ولا رائحة
الرومانسية تغذى الروح والعقل وترقى بالنفس
تحياتى
دمت رومانسياً إلى الأبد
عاشقة الورد
علي رأي شيرين
ومن الغباء انك تعيش زي الملاك بين البشر
بس انت عايز تفوق ليه
هو في حد طايل يكون كده
مش احسن ماتعيش بلا مشاعر اصلا
ياريت الناس كلها تبقى ملايكة مكنش حد تعب
يااااااااا اخيرا
السلام عليكم الاول
عزاب على ما عرفت ادخل ياعم غير الباب ده بيعلق معى ههههههه
المهم انى دخلت خلاص وشفت الكلام الجامد ده بس ده مش نقد وبس ده بقد بناء اكيد هيخليك افضل مع انك انسان جميل ماشاء الله بشهاده الجميع
ولا تندم على انك ملاك فى وسط البشر لا
اكيد انشاء الله فى يوم من الايام تجد الملاك الذى يجعلك تعيش فى الجنه تقبل مرورى تحياتى
((***ســونه***)) .
وليه تتغير
خليك بس وسط
فلا لين فتعصر
ولا صلب فيكسر
ربنا يحفظك
لالالالالالالا يارومانسى
اكيد هزار
تحياتى ليك
شخابيط mahgoub
وااااااااااااااااااو
حتى وأنت زعلان كلامك جميل
بص يا رومنسى لازم نحلم بالحاجة علشان نعرف نحققها ، ولو مش عارف تحلم يبقى مش هيكون عندك هدف.
وإحنا كده لو بطلنا نحلم نموت.
بس الغلط إن إحنا نعيش فى الخيال ومانتحركش للأمام علاشن نحقق الحلم ده.
تحياتى
شيمو القمر
امممممممممممممممممم
مالك بقه
جد ده ولا كده وكده
طيب عموما يا عم رومانسي
هستغل فرصة انك مثلا تكون متضايق
وهدلك علي شريط والله لو سمعته قبلك هيرتاح قلبك وهترضا بحالك اوي
خد يا سيدي
http://www.way2allah.com/modules.php?name=Khotab&op=Detailes&khid=684#UP
هتلاقي والله اصلا الدنيا دي لا ليها لزمة ولا بتاع
وكل حاجة متقدرة عند ربنا
روق يا عم انت ومتخنقنيش
ايه يا ختي ده
عزيزي رومانسي
الخيال قد ما بيكون لذيذ بس لازم تطلع منه وتعيش على الارض
تحياتي ليك
رنا
كلام صح
الرومانسيه دى بقت خيال مش حقيقه
يارب يرحمنا من الدنيا دي اصل بجد تعبنا
ممكن تعدل مابين الخيال و الواقع
ده هيكون افضل
لان الدنيا بدون خيال صعبه جدااااا
و الخيال الدائم بدون وجود الواقعيه فى الحياه يبقى عذاااااااااااب
السلام عليكم ورحمة الله وبركاته
اخى فى الله رومانسى
لقد عرفناك بطيبة قلبك وحبك الدائم لمن حولك دون انتظار اى مقابل عرفناك برومنسيتك الحالمة الرائعه النادرة هذه الايام فاصبحنا نذهب اليها وان لم تشعر انت بوجودنا
فكم من مرة ادخل الى مدونتك لا لاقراء كلماتك بل لاحاول ان اتعايش معها
بس بصراحه كل مرة اخجل من ان اضع تعليقا لانى اجدنى وقد تاخرت كثيرا جدا فاتراجع واقول انتظر البوست الجديد فيتكرر ما حدث سابقا بس المرة دى متهيالى متاخرتش كتير
تعرف اخى بجد والله انا ببقى سعيده جدا لمجرد رؤيتى لاسمك فى اى مدونة وبحس بتفاؤل ولا تسألنى عن سبب ذلك لانى حقا لا ادرى
اخى اريد ان اقدم لك شكر خاص لما فعلته معى ولكنى اجد كل كلمات الشكر عاجز عن التعبير عن ما اريد قوله لك فجزاك الله خير الجزاء عنى وبارك لى فى اخوتك وتواصلك
اخى كن رومانسى كما عرفناك دائما بقلبك المحب لكل من حولك دون انتظار مقابل ولا تحاول ان تتغير الا لتكون افضل
اخى تقبل اجمل تحياتى واعذبها
دمت برعاية الله
الرومنسية جميلة اوووي
وبتاخدنا لعالم تاني كله حب
كون رومنسي وعيش بالخيال لكن خد بالك من الواقع بلاش يصدمك بمرة وتكون الصدمة قاسية
اسلوبك رائع جدا
ومدونتك مميزة
بالتوفيق يارب
اولا وقبل اى شى سورى على تأخيرى
وثانيا من الواضح كدة انك دخلت الفيلم بتاع ميكانو لازم تقولى رأيك فيه بصراحة ... انا سمعت عليه كتير كتير زعلنى
ثالثا
عوزة اقولك ليه النقد دا كلو
الرومانسية موجودة وهتفضل موجودة والحب اجمل شى فى الوجود
بس كل شى بوقته .. دى ترتيبات قدر
وبالنسبة لجملة
ف وهم صنعته انت بيديك
عايش ملاك بين البشر
بكرة هتلاقى الملاك اللى زيك وهتلاقى كان برضو بيدور عليك
كلمات جميلة حقا
ولكن لا تستسلم للنقد ... فالرومانسية حقيقة وليست وهم
رومنسى
نفس اللى بيتقالك لو تفتكر اتقلى قبل كده واتكلمت عنه فى مدونه الاحلام الورديه وكان ردك عليا بيثبتى انى استمر على رومانسيتى وماتخلاش عنها
يعنى عايزة اقولك انك اكتر واحد تعرف ترد على هؤلاء المحبطين الفاقدين للرومانسية واقدر اقول عليهم الحاقدين على اصحاب القلوب الرقيقة لانهم اصبحوا نادرين
خليك زى ماانت الرومانسية دى عملة نادرة كنز فى حد عنده كنز ويسيبه
وكنوز القلوب اغلى بكتير من كنوز الاموال والجواهر
رومنسى الرومانسية انا منتظره ردك انت عليهم باجمل مدونه
تحياتى
ايه يابنى اغيب شوية
ارجع الاقيك بالشكل دا
مالها الرومانسية ومالها الاحلام
اه ممكن الواحد يعيش حياته يحلم
وممكن يحقق الحلم وممكن لا
بس الحياة من غير حلم ومن غير
الرومانسية متبقاش حياة يا رومانسى
لسه الامل موجود ولسه حلم الحبيب موجود
دور عليه بقلب صافى وانت مسيرك هتلاقيه
اختك
وردشان
روح الحب الصادق
smilyrose
حتى الحلم بخلان على نفسك بيه ؟؟؟
احيانا الخيال بيكون عوض عن بعد الحبيب حتى يعود
بس بلاش الواحد يسرح مع الخيال اوى احسن يتجنن
:)))
تحياتى ليك
السلام عليكم
رومانسي رد بالك يسيطر عليك الشعور هذا فكنا احنا مستانسين جدا بيك
اوعي تغيب ولا تتغير خليك كيف ماعرفتك
دمت رومانسي وبخير
أستودعك الله
دايما رائع و صعب اوصف جمال كلماتك وتمكنك من وصف احساسك
ودايما ردى عليك متأخر
معلش
السلام عليكم ورحمة الله وبركاته
احمد
طالما انك قادر على الحب وانت انسان
فهناك من هم مثلك ايضا قادرين على الحب مثلك تماما
ولكن لكلٍ طريقته في الحب
تحياتي
الى اللقاء
mohamed ghalia
اهلا بمحمد باشا
عوضت كده بقى البوست اللى فات وجاى بدرى خالص
تحياتى
سفروتة
اخبارك ايه يا سفروته
واخبار السفاريت ايه
تفتكرى كده يا سفروته هما فعلا مفتدقين الحب والرومانسيه
انا على فكره مش زعلان
دا كويس ان الاقى حد ينتقد ويقول رايه
تحياتى يا سفروته
marmar
اسف يا مرمر
دا اكيد البلوج بيعاندك بس
بس اكيد مش هيستحمل حلاوه تعليقك
انا هحاول اعيش الحقيقه بس برضه هعيش الخيال لا نه اقرب حاجه ليه
تحياتى
صوت من مصر
اهلا يا محمد
يا سيدى تتعوض بقى المره اللى جايه
ربنا يخليك يا محمد
انا شكلى كده هحول سياسه
هههههههههههههه
saragebaly
اهلا يا ساره
ما اجمل الخيال عندما نلاقى الحبيب
ما اجمله عندما يكون لنا جمال
عندما نعشق بصدق
ونحب نحناج للخيال كى يدخلنا فى عالمه
عالم بلا نفاق
لحظة تأمل
اهلا يا مى
انا كل مره بقول امل
لانى شايف انك امل
فى الحياه ويارب تعيش حياتك جميله كده على طول
ان شاء الله هكون نفسى
دعاء مواجهات
اهلا بيكى يا دعاء
الحب بيعيش بميت طريقه بس لو مكتوبه يعيش
ومين اللى قالك بقى ان مفيش ملايكه
اكيد فيه
بس مش بيبانوا
تحياتى
mahasen saber
اهلا بيكى يا استاذه
تقريبا كده يا استاذه مبقاش حد عاجبه حال حد والناس بقت تدخل حتى فى شخصيه اللى قدامها اقولك حاجه انا بحب النقد واحب ان فيه حد ي قولى على عيوبى
مش بيقولوا رحم الله امرئ اهدى اليه عيوبى
بس الاهم اختيار الاسلوب
mahasen saber
حاضر يا استاذه
هخلينى زى ما انا ومش هتغير
تحياتى
Tshandny
اهلا بضوء القمر
والاحلام بالنسبه لى جزء من حياتى اقدر اوصل بيها لكل اللى مقدرتش احققه فى الحقيقهوانا عارف ان لما ابعدعن حياتى دى هتعب قوى
شكرا يا ضوء القمر على كلامك الجميل اللى بيدى روح جديده
wafaa
عزيزتى وفاء
اخبار البحر الاحمر ايه الاول
تصدقى انا محتاج فسحه هناك
ممكن الواحد يقدر يغرق همومه
تقريبا كده النيل مكفاش
تحياتى
انا حره
اهلا يا جميل
ازاى بقى انا نزلت النقد دا علشان اسمع للكل
واشوف الراى انهو اللى قريب من قلبى
برضه دا راى كويس بس تعرفى تقولى مين اللى يستاهل فى الدنيا دى
غير الللى بحبها بصدق
Meme
اهلين ميمى
شلونك
انتى شايفه كده عاوزانى اعيش فى الرومانسيه
الرومانسيه ممعناها الهدوء وصعب ان الانسان مننا يعيش فى عالم من هدوء
تحياتى
عاشقه وغلبانه
اهلا بالعاشقه والغلبانه
طيب يا عاشقه هانم نسمع كلام شرين وكمان خدى الكلام براحتك
دى مدونتك
تحياتى
may
اهلين مى
ربنا يخليكى يا مى واكون دايما عند حسن ظنكم
تحياتى
زوجة عنيدة
تصدقى فعلا انا كنت محتاج رايك واعرف الرومانسيه بيحصلها ايه بعد الجواز
هل يا ترى بتروح زى ما حاجات راحت وان راحت مين السبب فيها
الراجل ولا الست
وهل كل البنات بتحب الرومانسيه
مش عارف
ياريت تقولى
تحياتى
وردة
اهلا بيكى
والله احنا بقينا محتارين فى الزمن دا
صحيح الانسان مبيقدرش بسهوله يغير طباعه
بس فيه ناس تانيه بتسمى الرومانسيه ضعف
شكرا يا ورده على تعليقك
واتمنى اننا نحقق احلامنا دايما
جارة القمر
اهلا بيكى يا جاره القمر
اكيد برضه قمر زيه
خلاص يا قمر
انا هحاول اكون كده على طول
بس ادعيلى
مشمشه
اهلا بمشمشه
انا عارف ان ارض الواقع كلها مشاكل وكلها نفاق وخداع
بس الرومانسيه فى عالمى مطلوبه
علشان اقدر احس بالدنيا وطعمها
وحلوها ومرها
يارب دايما يبعدن عن النفاق
فتاه حالمه
اهلا يا جميل
ولا يهمك الله يكون فى عونك
الف الف سلامه على مامتك يارب تكون بخير دلوقت
والله يا جميل جميل كلامك
الرومانسيه مطلوبه فى العالم الغريب دا
دى احلى حاجه الرومانسية
ولو فوقت هتنصدم وتكتئب
خلىك زى ماانت
واكيد كلمات جميلة كالعادة
ربنا يوفقك
ويفوق ليه
حد يكرة الرومانسيه هو اة الرومانسى بيتعب بس حتى لو عايش فى الوهم اكيد احثن من الواقع
تحياتى لك
ايه دة يا رومانسى؟
انا شامة كدة ريحة يأس مفحفحة من الكلمات
لا بقولك ايه بقى.. أنا متشائمة سابقة وفاهمة الكلام دة كويس
لكن صدقنى بقى أنا مش هقولك لا خيال ولا روماانسية لكن هقولك أمل
خلى عندك أمل ان اكيد الانسانة اللى تستاهلك وتسعدك موجودة ويمكن مش عارفة تلاقيك أو مش شايفاك
أو يمكن انت مش شايفها أو بتدور فى المكان والشخصيات الغلط
اولا خللى عندك أمل انها موجودة وثانيا اسعى انك تلاقيها
وبإذن الله هتلاقيها وهتنور حياتك بالسعادة
أرض الأحلام ..
على قد ماهي جميله
بيبقى لازم تغادرها في أسرع وقت ..
وبأقل خسائر ممكنه
(:
جميل اللي اتكتب يارومانسي
بانتظار جديدك
تحيـــــــاتي
ولما انت تفوق من الرومانسية هتسيبها لمين يا رومانسي ؟؟
متتغيرش ولا تغير طبيعتك بس متخدعش نفسك
ولا تخلي حد يستغل طيبة قلبك
ده أجمل حاجة فيك رومانسيتك
اجمل حاجة الخيال والرومانسية
بس برضة شوية على ارض الواقع ماشى
على فكرة انا باجى اخد حبة رومانسية من عندك وبعيش هنا اجمل كلمات الرومانسية العذبة الطاهرة عندك
اكتب رومانسى وعيش الرومانسية
دى اجمل حاجة فيك
ولو مجرد نقد ماشى
كلمات على ورق ابيض ماشى
لكن لن استغنا عن رومانسية حروفك مطلقا وابدا
تقديرى
حاسوباتيه
اهلا بعالم الكمبيوتر كله
النقد حلو بيعرفنا ايه اخطاءنا وايه اللى ممكن نقع فيه
تحياتى
احساس طفلة محبة للرومانسية بس واقعيه
اهلابيكى يا قمر
انا بحاول برضه انى ادى فرصه انى اكون فى ارض الواقع واخرج واتفسح مع صحابى واعيش حياتى
بس دايما انا بحب الخيال لانه بيحقق لى اللى مقدرتش احققه
على فكره بقى دا نقدهم
بس باسلوبى
تحياتى
سميرة
اهلا يا استاذه سميره
اخبار الدنيا ايه
واخبار الاطفال ايه
اكيد دول عباقره على فكره هنشوف فيهم ناس عظيمه كتير
ممكن نشوف تامر حسنى و حسام حسن
ورافت عبد الله
ومتسالنيش مين رافت عبد الله
علشان معرفوش
التغيير مطلوب فى كل شئ بس ناس زمايلى انتقدت اسلوبى
واتاثرت وكتبت الكلام دا
gogo!sf
اهلا يا جوجو
طيب وانتى شايفه ايه
مش هنقول وهم
احنا هنقول خيال الخيال بيدى لانسان احلام ممكن يحققها للواقع
لولا الاحلام والخيال ما كانت الوقائع
ساره
اهلا بالجميله
عندك حق اننا فى اوقات كتير مش بنحب نمط الحياه التقليدى وبنحب نعيش فى اجواء مختلفه
علشان كده اتمنى انى اقدر اعيش فى الواقع والخيال معا
تحياتى
مـجـنـووون
اهل يا صديقى نورتينى بزيارتك
والله يا صديقى انا احترت
احترت اكون ايه
منافق عايش على الارض ولا ملاك من السما
احساس صعب قوى لما مش تعرف انت عاوز ايه
maioya
اهلا يا مى
ايه اخبارك
مش بايدينا اننا نختار الابيض ولا نختار الاسود
بس اللى فى ايدينا الاحلام
ماء تشرين
منورانى يا قمر وبتعليقك الجميل
الدنيا والواقع الصعب دا
نعمل فيه ايه بنطر نهرب منه شويه فى الخيال ودى بتبقى احلى لحظات
شكرا على زيارتك واتمنى انك دايما تنورينى
ريمان
اهلا ريمان
اكيد لكل شئ نهايه والرومانسيه احساس صعب انه يتخلق بسهوله فى العالم دا علشان كده ممكن يموووت بسرعه بس الواقعيه احساس صعب بالمرار
norahaty
اهلا نورا
انا بينى وبينك مش عارف اظبطها ازاى
بس سيبها كده اللى مكتوب هنشوفه
norahaty
ههههههههههههههه
ضحكتينى والله
ربنا يخليكى يا نور
وتسلميلى
بزيارتك
نفرتارى
اهلا بيكى
والله مش عارف انا بقول ان الرومانسيه شئ جميل قوى اننا نعيش شويه فيها نحقق احلامنا فيها ونحاول نحققها على قد ما نقدر
والرومانسيهبقى احساس جميل بيخفف علينا صعوبه الواقع
تحياتى
اشوف وشك على خير يا امير الرومانسية
انا بكتبلك وانا طالع على المطار
كل عام وانت طيب
تحياتى ليك بدوام التوفيق
شخابيط mahgoub
البت المشمشية *حلوة بس شقية *
صباح الخير يا بنوته
انا عارف ان الحب موجود بس بقى الناس مش شايفه اننا عايشين فى وهم وخيال وان الرومانسيبه دى مالهاش لازمه
وان فى الاخر الجواز الصالونات هو اللى ماشى
وومن
يانهار ابيض
انا عن نفسى انا شايف ان الرومانسيه مش عيب ولاخيال
بس اوقات كتير بينى وبينك بعيش فى الخيال كتير
اوقات كتير بحلم اكون انسان احلامه بين ايديه
وبحاول على قد ما اقدر انى احققها وربنا يوفقنا بقى
بشكرك على تعليقك واتمنى موازنه الامور فعلا
Rannon
اهلا بيكى يا قمر
نورتى من ارض العريش
طول ما احنا فى الحياه لازم نكون كل حاجه
بس لولا الخيال ما كانت الواقع
الفراشة الصغيرة
اهلا بالفراشه الصغيره
اللى كلامها كبير قوى
خلاص يا فراشه
خلصت الحكايه
صدى الصمت
اهلا بيكى يا عاشقه الورد
اتمنى دايما ان الرومانسيه تعيش جوان وتصحى الحب فى حياتنا
بس بقى مين اللى يقدرها ويحسسها ومش يفتكرها ضعف
شمس النهار
اهلا يا شموسه
انا تقريبا كده اتعاملت الفتره اللى فاتت على انى انسان ماليش اهداف ولا هوايات ولا اى حاجه احققها
وعايش كده وخلاص
بس الحمد لله
انا بقيت كويس
EMMY BABY
اهلا يا ايمى
اومال يا ايمى انتى بتعملى ايه على الارض
اكيد ملاك برضه
اصلهم يا ايمى معرفين وبيتعرفوا على طول
”*°•.˜”*°•..سونه..•°*”˜.•°*”˜
اهلا يا سونه
والله مش عارف اعمل ايه لو عندك حل قولى
ربنا يخليكى يا سونه
انا اتمنى دايما ان اكون عند حسن ظنكم
ببس ربنا يوفقنا ونحاول نبقى احسن بكتير
سلوى
اهلا يا سلوى
اخبارك ايه
يارب دايما اقدر اكون كويس واقدر اكون وسط واعيش الواقع واعيش الخيال
ومش نهرب منه كتير
شخـا بيــط مـحـجـوب
اخبارك ايه يا ابو حميد
يارب تكون كويس دايما
اعترافات قلب
اهلا بيكى يا شيمو
الاحلام جميله ولو حققنها بتبقى احلى بكتير
احساس جميل قوى اللى حلمنا بيه بيتحقق بين ايدينا
maha zein
اخبارك ايه يا مها
الحمد لله انا كويس دلوقتى
هو كان نقد على الماشى انى بحلم كتير قوى وطموحاتى اكبر من احلامى
بس شكرا يا مها على الشريط
وربنا يهديكى يا جميل
عالم ماريونت
اهلا رنا
الخيال جميل
بس ادينا عايشين هو على ارض الواقع
هنعمل ايه غير اننا نحققه
GiGi
اهلا جيجى
والله بينى وبينك احترت
ومش عارف اعمل ايه
الرومانسيه احلام
والاحلام ممكن نجعلها ملموسه
بس بنحاول
Sweet Violet
اهلا يا سويت ايه اخبارك
هحاول اكون انسان بيحب دا ودا مع انى اصلا بحب الواقعيه والخيال
واحب اعيش فيهم الاتنين
الملاك
وعليكم السلام ورحمه الله وبركاته
اخجلتينى بكلامك ايها الملاك البرئ
حضرتك تشرفينينى فى اى وقت يكفينى زيارتك بس وانك تقرى كلماتى البسيطه
وانا لو كنت عملت اى شئ فدا واجب عليالازم اقوم بيه
ايها الملاك البرئ
شرف كبير ليا انك تقوليلى الكلام دا انا انسان عادى خالص امنيته بس انه يعيش فى عالم خالى من الكدب والنفاق
بشكرك يا ملاك
على التعليق
وان شاء الله هكون احسن من الاول
ঔღঔ نـــوارة ঔღঔ
اهلا بيكى يا نواره
نورتينى فى مدونتى
الرومانسيه والاحلام مفيش اجمل منها بس نقدر باذن الله نحققها
شرفينى
Muslima
اهلا يا مسلمه
اولا مفيش تاخير ولا حاجه
تشرفى فى اى وقت
ثانيا
الفيلم فعلا كان جميل قوى وحسيت ان فى العالم اللى انا بحبه مش مهم تسمعى عنه ايه المهم اننااستمتعنا عنه
اديكى شايفه النقد والكلام اللى اتقالى
انا عارف ان الحب والرومانسيه موجودين فى الدنيا لولاهم اللى زينا مش هيقدورا يعيشوا فى العالم اللى مليان كدب ونفاق دا
صدقينى هنفضل نعيش بالرغم من اللى احنا شايفينه
فراشة
اخبارك ايه يا فراشه
انا فاكر فعلا انى قولتلك كده وكمان انا معاكى انا مش هتخلى عنى الرومانسيه هى تقريبا مفهوم غلط فى الزمن دا بس احنا بقى هنغير المفهوم دا ونكون رومانسين وواقعين على قد مانقدر
smilyrose
الحمد لله يا سمايلى انا بخير
بس الكلام دا انا عارفه وانتى عارفانى انى بحب اعيش فى رومانسيه وهدؤء
بس فيه ناسفاهمه الرومانسيه ضعف وانها شئ مش مهم
زى الهوا
اهلا يا زى الهوا
غصب عنى
لما الاقى الدنيا بقت اتغيرت والمصطلحات اتغيرت وبقوا يخلوا كل حاجه مختلفه
والقوانين اتغيرت مش عارف فين الصح وفين الغلط
Desert cat
اهلا يا قطه
ياريت نسرح
حتى الخيال والجنان بقوا مش طالينهم اليومين دول
Gigi
اهلا يا جيجى
منوره الدنيا
ربنا يخليكى يا جميل
ان شاء الله ربنا كريم
ومش هتغير غير لافضل ان شاء الله
تحياتى
متأخره جدا
لكن التمسلي العذر
حاليا مش هقدر اقول الرومانسيه صح ولا غلط تكون ملاك ولا تعيش الواقع
لاني اصلا مبقتش بثق في الرومانسيه
اكتر حد بيجرح اكتر حد تحبه
مش عايزه كلامي يكون هدام او سلبي
بس هقولك املي في ايه
املي في يوم في حد يعوض كل شئ
تكون جروحي واحزاني الان
ثمن بخس لوجود اعظم وامل اوقع
هذا املي
هذا رجائي من الله عز وجل
ان كان سأحيا عمري اشكره علي نعمه
وان لم يكن
فلتكن جنته مطمعي الاهم والابقي
خالص ودي واعتذاري
واصدق امنياتي
dramaqueen
شكرا يا ملكه على كلامك الجميل دا
ومش متاخر ولا حاجه
انتى تشرفى فى اى وقت
kemet
اهلا بيكى
مش عارف هل فعلا لكل انسان طريقه
ولكل واحد بيدور
على اللى بيتمناه وفعلا هيلقيه
طيب ليه الناس دايما مش عاجبها حاجه
e_emy
اهلا يا ايمى
انتى شايفه كده
جايز يكون علشان انتى انسانه رقيقه بس
تحياتى
رئـــــيسـة حزب الأحلام
اهلا بيكى
نورتى مدونتى المتواضعه للغايه
الوهم صعب بس الخيال جميل
والواقعيه صعبه قوى بس لما تتحقق بتبقى اجمل بكتير
MaNoOoSh
اهلا يا منوشه
الحمد لله ان عدى الازمه على خير
يارب دايما تبقى سعيده ومبسوطه
متخفيش عليا الحمد لله
مفيش غير الامل هو اللى نعيش عليه
ميرام
اهلا بميرام
نغادر ارض الاحلام
طيب ونحقق احلامنا ازاى
لازم نعيش الحلم علشان نقدر محققه
doaa
اهلا يا دعاء
ربنا يخليكى يارب
ربنا يسترها علينا
الحياه بقت صعبه قوى
وان شاء الله نقدر عليها
رندا
اهلا بيكى يا استاذه
بجد بفح لما اشوف تعليقك عندى
ربنا يخليكى يارب
اومال بقى كلامك نقول عليه ايه
انا لسه بتعلم منك
ومنكم كلكم
ربنا يخليكى
ويسعدك دايما
شخـا بيــط مـحـجـوب
احمد
توصل بالسلامه يا حبيب قلبى
ربنا معاك
ومعانا يارب
حنان الشافعي
اخبارك ايه يا حنان
مش متاخره ولا حاجه
انتى كمان محتارهتقريبا كده الحيره بقت سلاحنا بس احب اقولك اننا لازمنعيش كل لحظه من حياتنا نعيش رومانسيبه وحب ونعيش الواقع مع اللى نتمناه
يارب دايما نلاقى اللى يقف جنبنا ويعوض كل شئ فى حياتنا
يبقى امنا واختنا وحبيبتنا
وكل شئ
يارب دايما يا حنان
نتمنى نعيش
اممممم
الخيال مطلوب برده عشان تعرف تعيش
Selfmeaning
انتى فينك بس
بقالك فتره من موجوده
الخيال مطلوب
بس زى ماانتى شايفه
كله ضرب ضرب
ههههههههههههههه
Post a Comment