قلبك هو قلبى
حتى إسمعى دقاته
يقولك ع اللى حسه
يقولك ع اللى حسه
ويشكيلك اهـاته
يقولك ع اللى شافه
يقولك ع اللى شافه
لما بعد عـنـك
واللى حسه فى قربه منك
واللى مقدرش كمان يقوله
بس اسمعى دقاته
هتلاقيها غير كل قلب
دقه تنطق بإسمك
واللى حسه فى قربه منك
واللى مقدرش كمان يقوله
بس اسمعى دقاته
هتلاقيها غير كل قلب
دقه تنطق بإسمك
ودقه تنطق بحب
إسمعيها هتلاقى
إسمعيها هتلاقى
اسم جديد عليكى
اسم كله حنان وطيبه
فرحه طله من عنيكى
وقصر فيه انتى الحبيبه
بس إسمعى دقاته
إسمعيها لو مره واحده
اسم كله حنان وطيبه
فرحه طله من عنيكى
وقصر فيه انتى الحبيبه
بس إسمعى دقاته
إسمعيها لو مره واحده
هتحسينى بالأمان
إسـمـعيها
إسـمـعيها
وغيرى زمانى اللى كان
واللى عشته من غيرك
بس اسمعى دقاته
واللى عشته من غيرك
بس اسمعى دقاته
149 comments:
اول رد ليا
اسلوبك حلو اوي
يابختها
احمد يارومانسي
انت بتحب في قصه حب.,؟؟؟
ايه الكلام الخطير ده؟
بجد بجد ميه ميه
احييك يا رومانسى
دايما كده احساسك عالى اوى وكلامك بيوصل قلوبنا بسرعه
لااااااااااااااااااااااااااااااا
بدون تعليق
ايه ده
ربنا يا عم ما يحيب زعل
انا كنت بهزر علي فكرة
انت صدقتني ولا ايه
متبقاش انسان غريب كده
ده انت شكلك عاوز تتدبح ولا تتسلخ ولا اجيبلك ابو صوابع متاكلة يكمل عليك
روح كده
وبعدين ما تسيب البنية في حالها
مصمم يعني انها تسمع دقات قلبك
ما خلاص
تكونش عاوز علاج للقلب وبتحنن قلبها عليك
عاوز ايه منها
سيبها في حالها بقه
رومانسى
معلش سؤال
انت متابع مدونه قطه الصحراء؟
وبتأيدها؟
اصل انا لقيتك حاطط مدونتها عندك فى الريدر بتاعك
واستغربت
ايه ده بجد
انا روحت شوفت ردك علي تعليقي الاخير
ده انت كده بتهزر ولا بتتكلم بجد
انت شكلك كده يا حاج عاوزني اوريك فعلا جو الدراكولات بحق ربنا
اياك وحذاري وبتاتا وحاشا وماشا
ان تتكرر العملية دي وتفتكرني بتكلم جد تاني خالص
روح كده
يا عم روح كده
ده انت اللى طلعت دراكولا يا غريب
بس علي فكرة
حلوة اوي القصيدة اللى انت كتبتها عندي دي بتاعت امنا الغولا والدراكولا
لا وربنا جامدة كده في نفسها
هع
مين هناك
عاشقه وغلبانه
لتالت مره التعليق
الاول
فيه ايه
بايته هنا
طيب يلا قومى النهار طلع
عاشقه وغلبانه
صباح الخير يا عاشقه
نورتينى
اكيد القلب بيحب دايما
بيحب كل الناس
تحياتى
يا رومانسي هي مبتسمعش ولا ايه
عمال تقولها اسمعي وهي مبتسمعش
وبعدين لما قلبك هو قلبها المفروض بقى تحس بالحب وتسمع
ريمان
اهلا يا ريمان ايه اخبارك نورتينى
الكلام اللى من القلب بيوصل للقلب
ربنا يسعدك كده يا ريمان
تحياتى
Nasimlibya
ايه بس اللى مزعلك
الكلام مش عجبك
لااااااااااااااااااااا
تعليق
تحياتى يا نسمه
maha zein
طب الحمد لله انك مش زعلانه اصل مش متعود ازعل حد منى على فكره
بقى انا اللى عاوز اندبح
عرفتى بقى اللى كلامى صح
علشان بس تصدقينى
وبعدين انا عاوز علاج للقلب
اكيد عاوز
بس انا مش هسيبها فى حالها
خليكى فى القتل بتاعك
وسيبى مدونتى فى حالها
يلا بقى من غير مطرود
ههههههههههه
ريمان
اسالى براحتك يا ريمان
هى عندى فى الريدر
اوقات بشوف واعرف
تحياتى
maha zein
يعنى انتى بترجعى فى كلامك طفله يعنى
بس اجمل طفله انا معرفش ان دراكولا اتحول كده
وبقى عنده قلب طيب
هههههههههه
خلاص يا بسطاويسى
صحيت المدونين
هههههههههه
مع السلامه بقى
عندك مدونه علقى فيها زى مانتى عاوزه
Lady E
ههههههههههههههه
اصلها يا ليدى راحت كشفت عن الدكتور الكبره وقعد ينصحها شويه نصايح وبلاش تخلى السماعات فى ودنك
بس يا ليدى
اكيد انا حاسس بيها
بس لما اسمعها منها تفرق كتير قوى
تحياتى
السلام عليكم
بوست جميل يا احمد كعادتك
احلى جملة قريتها بد هى دى
بس اسمعى دقاته
هتلاقيها غير كل قلب
دقه تنطق بإسمك
ودقه تنطق بحبك
تحياتى
ياستى اسمعى دقاته بقى
بجد بجد رووووووووووعة
نفسى اعرف مين سعيده الحظ دى
بجد كلامك جاامد اوى
تحياتى
بسمة
كلمات حلوه اوي طالعه من الب رقيق بجد شدتني الكلمات برافوا ويهنيها فيك بنت الحلال دي ههه برضه مش مدياك حققك بالرد تقبل مروري
رومنسى
انت يابنتى ازاى كدا رومنسى
مفيش ناس كدا تقريبا
او على الاقل الناس اللى بشوفهم
ربنا يباركلها بقى
مش لاقيه كلام اقوله
غير انك رومنسى بجد
انت طمنتنى ان لسه فى حب ورمانسيه
يارب تفضل كده على طول
كلامك جميل جدا
كله احساس ورقه
جامدة آخر حاجة يا رومنسى
يا أخى غريب هذا الحب
الحبيبة دائما تشتكى من الحبيب الذى دائما لم يحسها ،
والحبيب يشتكى حبيبته بأنها لم تعنى لمشاعرة أية اهتمام ،
أين من يحب وأين الحقيقة لم أجدها حتى الآن
كرمك جميل قوى
أتمنالك السعادة
تحياتى
شيمو القمر
قلبك هو قلبي
منتهي الصدق
منتهي الحب
وكما يقال
لا يبدأ الحب الصادق حتي يقول احد الحبيبين للاخر
يا أنا
فحتي ذاك فقته
فقلبك قلبها
ينبض بنبضها
يشدو باسمها
لا اكل ولا امل من زيارتي لتلك الواحة الغناء الغنيه بالحب والمشاعر الصادقه
دمت اخي العزيز بذاك العالم الغالي
تحياتي
بصدق
السلام عليكم
لديك احساس صادق و صريح
اسلوب جميل,شكرا لك
سلام
يا عينى يا عينى
ماشى يا رومنس
الله يسهله
بس بجد حلوة قوى
والكلمات تحسها جدا
كعادتك
مبدع دايما في كل ما يخط قلمك
كلمات جميله
واحساس مرهف
تقبل مروري :)
اممممممممم
طب استني كده يمكن اسمع
لازم يعني تقولي اسمعي ومتسمعيش ادام الناس الكبره دولطيب طيب هسمع اهو استني كده
توء بردو مش سامعه حاجه يمكن بقي عايزه سماعه
بجد بقي
كلام جميل بقي مش رومانسي
تحياتي لكلماتك المعبره
وارجو استحمال غلاستي
سمكه
كلماتك جميله اوى ومعبره فعلا
بس هى ممكن فعلا تكون محتاج سماعه
اشتريلها واحده والمشكله تتحل
هههههههه
بهزر
بجد اسلوبك رائع
تحياتى
رومانسي علي الحق
اكيد انا مش ببالغ لو قلت ان احساسك وكلامك هو منهج اهل العشق
واللي بيخليك مميز اكتر انك بتعرف تنسقه وترتبه عشان مش بس نقول الرومانسي هنقول كمان شاعر الحب
بحييك علي الرقه والاحساس
تحياتي
فراشه الشتاء
حاسه انى حد بيغنيها فى ودانى وبسمعها لو تامر يقرا الكلام ده ويغنيه
ولا اى حد صوتو جميل
هيترجم الكلام الجميل ده
لو حبيتنى حقيقى صحيح
كنت جريت على ابويا يافصيح
ولبستنى طرحة تفاريح
ووعدتنى نركب مراجيح
ونجرى نجرى نسابق الريح
واسكن قلبك وترمى المفاتبح
ليس من الجديد عليك يارومانسى
استاذ الرومانسية
تحياتى ليك
اخوك
شخابيط mahgoub
جميله اوى يارومنسى بس مش مستغربين اتعودنا منك على كل الرومانسيه والشاعريه دى تسلم ايدك
جميلة قوي كلماتك
فيها طيبة
ربنا يصلح حالك
دمت بحفظ الله
الله عليك يارومنسى
بجد إنت إحساسك رائع وبتعبر عنه بكلمات اروع
دمت بكل الود أخى الحبيب
اول زيارة لينا فى المدونة دى
ان شاء الله مش هتكون الاخيرة
البوست فوق الرائع
رومنسى وانت فعلا رومنسى
تقبل مرورنا
كان متوقع منك
اسلوبك هايل وكلامات جميلة اوووووي
;)
كلماتك حلوة قوى .. وكلها احساس راقى
تحياتى ،،
نفرتارى
حلو الاسلوب جدا
والاهم انه القلب واحد شكرا لاسلوبك
حلو الكلام يا باشا
تحياتى
رومنسى
ايه ذا كولوه ايه ذا كولوه
ماشاء الله
وحكاية التاج مش نسيها بس المشكلة ان عندى تاج المفرض البسه من اخى عبدالله ليه تقريبا اكثر من 4 اشهر
فاصبر ووحيجى دور تاجك وهذا اكيد
تك تك تك هيا دى الدقات:))
يا بختها بصراحه
الكلمات جميله اوي
تنفع تبقي اغنيه كمان
يا ريت تشرفني بالزياره
ايه ده رومانسي رومانسي يعني
بس بجد نفسي اعرف لو هي موجودة بحق وحقيقي هاطبق الكلام دة اظن انه صعب ولا ايه ؟
أكيد هتسمع دقات قلبك وتحس بيك مدام كلامك صادق وخارج من القلب
تحياتى
كون ايدن
بكنديم يور توبيك أوى تشكرات أفندم
....................
الترجمة: جميل الموضوع اوى وكلماتة حلوة مع أنى بحب الكلمات العربية الفصحى أكتر بس دة معناه حلو
وعلى فكرة ممكن أضيف المدونة عندى ولا اقولك انا ضفتها خلاص
ونالت شرف الوضع فى مدونتى العزيزة (ههههههههههه
تقبل مرورى
تشكورلر
فعلا الحبيب بيبقى ليه قصر فى قلب حبيبة
على العموم يا رب تسمعك وتحس بيك وتكون حنينة كمان علشان تستحق الحب دة كله
تحياتى
سلام
السلام عليكم
هيا بتقولك
قلبي عايش حياته بوجودك}
ونغم دقاته يزيدبحضورك
وأنا بقول
ولو في البلوق حاجه حلوه
أكيد ماتنسجه سطورك
صدقني نادرا من نجد من يستحق كل هذه
المشاعر الفياضه وانت
أجدت تصوير شعورك
انتظر مني شئ عنك
أستودعك الله
بقى خلت قلبك يدق كل ده
يبقى اكيد تستاهل تتمنى تكون معاك بعيد عن العالم كله
جوجو
اهلا بيكى يا جوجو
الحمد لله ان البوست عجبك
ويارب المشاعر دايما تفضل حلوه كده وتعجبك
تحياتى
basma
انتى شايفه انها هتسمع كده
ربنا يسمع منك يا بسمه
نورتينى يا جميل
تحياتى
سوسو الاموره
كله جميل منك الاهم الاحساس اللى من القلب يوصل
تحياتى
Raghda Rashad
ههههههههههههه
مش بمزاجى بقى
انا كده
خلقتى كده
ربنا يخليكى يارب
تحياتى
فراشة
يافراشه الحب والرومانسيه
موجودين بس اللى يدور عليهم
شكرا لكلاماتك
تحياتى
اعترافات قلب
هى دى الدنيا دايما مش بتدى الانسان اللى هو عاوزه تقريبا
اجمل حاجه فى الحب عذابه
تحياتى
حنان الشافعي
التوحد بين الحبيبن مطلوب علشان يقدروا يفهموا بعض بكل سهوله
شكرا على كلامك الجميل والرقيق
تحياتى
salwa
ربنا يخليكى ويسعدك
كلامك انتى اللى ارق اكيد
تياتى
الفراشة الصغيرة
اهلا بيكى يا فراشه
يا صغيره
طالما الكلام من القلب اكيد لازم يتفهم
ويتحس
تحياتى
اقصوصه
اهلا بيكى يا قصوصه
نورت مصر
الزياره الجايه تكونى مبسوطه اكتر
تحياتى
سمكه واحده
دايما كده بتجى تخلى المدونه تتنطط من الفرحه مش مهم الكلام رومنسى ولا لا
الاهم انه يتحس
تحياتى
roody hanem
هههههههههههههههه
فينك من زمان
جيتى نورتى المكان
تحياتى لزيارتك
سهر الليالي
دا كتير عليه الالقاب دى كلها ان شاء الله اكون عند حسن ظنك يا سهر
تحياتى
البت المشمشية حلوة بس شقية
خلاص بقى ورينا الهمه
مستنى النتيجه
تحياتى
الفراغ
نورتى المدونه بكلماتك اللى دمها خفيف دى
بس انا مش فصيح انا احمد
تحياتى
شخـا بيــط مـحـجـوب
اهلا يا ابو حميد ايه اخبارك
بشكرك على متابعتك ليه ويارب تكون بخير
تحياتى
طوبة ذهب وطوبة فضة
ربنا يخليكى يا دهب وشكرا انك قبلتى التاج
بس اقولك انا عاوز اغير من اسلوبى شويه علشان مش يبقى ممل
تحياتى
ماما أمولة
يا سلام
على اجمل دعوه اللهم اامين يارب العالمين
بشكرك جداجدا
تحياتى
mohamed ghalia
اهلا يا محمد ايه اخبارك
بشكرك دايما على كلامك الاجمل
تحياتى
احلام عمرنا
نورتونا بالزياره الاولى
وان شاء الله دايما اكون عند حسن ظن الجميع ويارب نحقق الاحلام دايما يارب
تحياتى
احلي حياة
شكرا ياللى متباعنى دايما وانتى دايما دايما
احلى حياه
تحياتى
نفرتارى
ربنا يخليكى يارب
بشكرك على متابعتك ليا
تحياتى
صوت من مصر
اهلا بالاستاذ الكبير محمد
بشكرك يا باشا على الكلام الجميل دا
تحياتى
blue-wave
منورنى يا دكتور دايما
ويارب يديم الصداقه والمحبه يارب
تحياتى
may
براحتك خالص المهم انك فاكرانى دايما بشكرك يا مى يا منورانى
تحياتى
princess
اساليها سمعت ولا لا
تحياتى
TAMTAM
مبروك المدونه الجيده يا طمطم
ان شاء الله تبقى مدونه كبيره كده
تحياتى
وومن
اهلا بيكى
عارفه لو موجوده مش لازم اتكلم لانها هتفهمنى من نظره عيونى
تحياتى
دقه تنطق بإسمك ودقه تنطق بحب
حلوة اوي الحتة دي
رومانسي فعلا
تحياتي
صدى الصمت
اهلا بيكى
ان شاء الله تسمع دقات قلبى
بس اكيد هتسمع احلى دقات
تحياتى
shimaa
دا انا ليا الشرف يا فندم
بشكرك على كلامك
ويارب مدونتى المتواضعه تكون عجبتك
تحياتى
shimaa
زورينا فى اى وقت
تحت امر حضرتك
المدونه مفتوحه24 ساعه
تحياتى
MaNoOoSh
اكيد طبعا طالما بيخافو على بعض وبيحبوا بعض اتنى بس
كده وهتلاقى القصر دا اكيد
بس اسمعى كويس
تحياتى
نورت المدونه
Gigi
انتى ترجمتى مشاعرها كده على طول
ماشى يا جيجى مستنى اهو
بشكرك على زيارتك ومتابعتك دايما
تحياتى
الازهرى
انا يا صديقى اللى اتمنى اكون معاها
فى اى مكان صحر ان كان او بستان
تحياتى
kochia
اهلا بيكى
هنعمل ايه للقلب اللى دايما بيدق باسمها ويتمنى انه يدق بيه على طول
تحياتى
كالعاده طبعا
:D
ماهى بعد الكلام الجامد ده
لازم تسمع كويس قوى
يااااابختها
مش محتاجه تسمع دقاته
علشان احساسك لوحده قادر إنه يوصل لها
إحساس قلبك أقوى من أعلى صوت
ودا اللي هي محتاجاه
استناها
أكيد جايه لك
أصدق دعاءي ..
عدناااااااااا
فعلا والله اسم على مسمى رومنسى
مفروض تغيره وتسمى نفسك the king of romance
هههههههههه وتركب حصان ابيض وتنطلق بقى عبر المدونات
بجد جميلة احساسها عجبنى اوى
حتى بص
هتلاقيها غير كل قلب
دقه تنطق بإسمك
ودقه تنطق بحب
إسمعيها هتلاقى
اسم جديد عليكى
اسم كله حنان وطيبه
فرحه طله من عنيكى
وقصر فيه انتى الحبيبه
بس إسمعى دقاته
تيجى تسمع بقى ههههههههه ماشية معاك ياعم بلا حقد ولا حسد على فكرة
حسابنا بقى على البوست اللى قبله الويل لك
هههههههههههههه والله انا قلت استحالة تكتب اسمى فى التاج علشان قلت زمان المدونين نسيونى وفوجئت باسمى
بس والله تاج دسم واجاباتك حلوة اوى برضه بتدل على اسمك وضيف عليه منتمى تبقى رومنسى منتمى
تحياتى
ايمى
الله كلمات معبره واسلوب بسيط
هو قلبك بس هو اللى قلبى
دا أنت روحى وعمرى اللى لسه هيبدأ
قبلك مش كنت عايشة
كنت بحلم باليوم الا هعرف فيه يعنى ايه أحب
يعنى ايه أعيش فى دنيا من السحر
دنيا مش فيها غيرك وغيرى دنيتنا احنا وبس
كل دقة من قلبى بتدق لك وعشانك
أنت نبض القلب
أنت اللى ملكت القلب
أنت الروح و القلب
أنت حبيبى أنا و بس
أنت أنا وأنا أنت
يا كل عمرى و بس
بجد يا أحمد كلماتك بتلمسنى اوى و بحس بيها الكلمات نابعة من انسان لا مش انسان دا ملاك فى صورة انسان
من غير مجاملة ملك البساطة والرومانسية
دمت دائما وابدا مبدعا
تحياتى
يويو
نفسي مرة ادخل واحط تعليق في الاول
بلاش الاول
في العشرة الاوائل
مش دايما في الاخر كده
شكلي وحش اوووي
بس ايه المرة ديه يارومانسي
جامدة جدااااااااااا
ماشاء الله
كلماتك بسيطة كالعادة ولكنها السهل الممتنع
بارك الله لك وفيك
وادام لك معجبينك
ههههههههههه
واكون الاخيرة مش مهم
سلام
جميل , ويلا ربنا يهنى سعيد بسعيدة هههههههههه
طيب معلش انا بأى عايزه اسمع علشان اصدق كلامك
يااااااااااااااة
دة انا متاخرة اوى
معلش بقى كنت تعبانة شوية
بس بجد كلامك حلو اوى ورومنسى جدا
تسلم ايدك
سيدى ياسيدى
أغيب أرجع ألاقى الكلام الجامد ده؟
بجد بجد يعنى الكلام ده شكله كدة والله أعلم مش كلام خلاص..ده كلام طالع من القلب عشان يدخل لقلب..مش كدة ولا إيه يابشمهندس؟
ربنا يوفقك ويسعدك يارب دايما
دمتى بكل الحب والود .. تحياتى
msh 3arfa wallhy bs ana shayfa enk matfo2al wallhy rebna yahneek b 7abebtk msh ba7sad aho 5af shawya enta bs 3ashan el 7asd
bs 7lewa
ياعم الرومانسى هتسمع
صدقنى هتسمع
بس هى اية بقى تقلانه شويتين
بس ربنا يكرمك يا شيخ متنساش تدعيلى
اكيد هتسمع نداء قلبك
لانه صادق
كلمات رقيقه
تقبل مودتي
سمعنى كده
:)
احساس راقى وعالى
وكلام بيشع حب
ومش غريبه على حد اسمه رومانسى انه يكتب كده
ولاا ايه
Little Lady
اهلا بيكى
شكرا لزيارتك وتعليقك
تحياتى
عاشقه الرومانسيه
انتى شايفه كده يعنى ربنا يهديها ليا يارب
تحياتى
مدينـة من النسـاء
اهلا بيكى يا مدينتى
انا اتمنى انها تقدر تترجم دقات قلبى دى
تحياتى
EMMY BABY
اهلا اهلا اهلا اهلا
حمد الله على السلامه يا ايمى نورتى المدونه يا جميل عملتلى ايه فى الامتحانات فاكره اننا نسينا مش هنقدر ننسى ايمى طبعا
يامه بعتى تاجات نبعت واحد بقى
تحياتى يا جميل
مثلية تبحث عن ذاتها
شكرا ليكى يا فندم على تعليقك
نورتينى بالزياره الاولى
تحياتى
yoyo
وانتى نور الدنيا كله
انتى كل روحى وعمرى
مش عارف ارد على تعليقك الجميل بصراحه كلماتك الجميله وقفت كلماتى استوب
تحياتى
وردة
اهلا يا ورده مش مهم المره اللى جايه ان شاء الله
بشكرك يا ورده كتير على كلامك الجميل واتمنى ان اكون عند سن ظنكم يارب
تحياتى
زى الهوا
ادعى بس انتى كده
وان شاء الله خير
تحياتى
GHARAM
عاوزه تسمعى
المدونه كلها تحت امرك
اسمعى كل اللى انتى عاوزاه
تحياتى
dramaqueen
الف الف سلامه عليكى يا ملكه
ولا متاخره ولا حاجه
براحتك خالص
تحياتى
د/ رامي شهاب الدين
ياه اهلا بيك يا دكتور
حمد الله على سلامتك
هنعمل ايه بقى فى الحب وسنينه
تحياتى
Ana keda
اهلا بيكى
نورتينى متخفيش انا هبخر المدونه بعد ما اخلص علشان الحسد
تحياتى
BASMA
ادينى مستنى اهو تسمع بس شكلها كده مش عاوزه او خايفه تسمع
تحياتى
DoNyA
اهلا بيكى يا دنيا ايه اخبارك
اتمنى انها تسمع علشان اقدر اقولها كل اللى نفسى
تحياتى
wafaa
حاضر
تك تك تك تك تك تك تك تك
تك تك تك تك تك تك تك تك
تك تك تك تك تك تك تك تك
ت ح ي ا ت ى
mahasen saber
اهلا بالاستاذه ربنا يخليكى يارب
ويسعدك دا انتى اللى استاذتنا
حلوه أوى بجد (:
الله
إحساسك جمييييييييل أوى يا أحمد
الله عليك
هتسمع ان شاء الله بس متضغطش عليها اكتر من كده..
اى حاجه فى الحياة ممكن يكون لها بديل الا الحب
وعلشالن كدا ربنا يبارك فى قلبك وقلبها ويجمعكو على خير
ايه الحلاوه دي ياد يا رومانسي
هو الحقيقه انا كوني حرامي
ماليش في الرومانسيه
بس بجد كلام جميل
كلام معقول
واكيد في يوم
هسرق
حاجه منه
انت لازم تشغل قرآن وبخور في المدونه
ياعاشقه وغلبانه
كل ده مااكتشفتيش ان احمد الرومنسي عايش قصة حب امال الكلام الحلو ده كله لمين للحكومه مثلا
كلامك جميل جدااااااااااا
يا هندسه وبما اننا اولاد كار واحد ( حلوه كار دي (
فخد عندك الحته دي
سلام سلمتي علي قلبي بصوت حساس لمس قلبي
سحرني بهمس نبراته
نغم يسحر تقول الحان من الجنه وصوت فنان
كزوق بيها كلماته
لا عمره سمعها من غيرك ولا قبلك ولا بغدك
و لا هيسمعها في حياته
بشوق رد السلام قلبي بدوب فيكي في لياليكي
نده لعنيك بدقاته
تقبل مروري
دعاء على
اهلا بيكى يا دعاء
بشكرك على زيارتك وتعليقك
تحياتى
انا ودماغي
اخيرا خلصت امتحانات
شكرا على زيارتك وتعليقك يا جميل
تحياتى
انا ودماغي
اخيرا خلصت امتحانات
شكرا على زيارتك وتعليقك يا جميل
تحياتى
HAPPY
حاضر يا هابى
مش هضغط عليها
بس بقلى ياريت تحس بيه
تحياتى
Desert cat
ادعى بس انت كده
وربنا يوفق
تحياتى
الحرامي
من اول زياره كده يا حرامى بك
ماشى ياعم
انا هشوف جهاز انذار بقى
تحياتى
شمس النهار
اكيد يا شمس
اصل العين بتفلق الحجر
نورتينى يا شموسه
تحياتى
أبو العريف
اهلا اهلا بيك يا ابو العريف بك
كلاماتك اجمل كتير من كلاماتى
نعمل ايه بقى يخرب بيت الحب اللى مدوبنا دا
تحياتى
تنغع أغنية بجد...
حلوة قوى...
ابداع
حسستني انكم روحين فى جسد واحد
اخى رومنسى
كلماتك جميله و احساسك عالى و الأسلوب حلو
تحياتى
Rosie
اهلا بيكى
شكرا لزيارتك
تحياتى
ساره
ربنا يخليكى يا ساره
بشكرك على زيارتك
تحياتى
zainab
اهلا بيكى
بشكرك على تعليقك وزياتك
تحياتى
الحب ماء الحياة ،وغذاء الروح ، وقوت النفس .
تعكف الناقة على حوارها بالحب ، ويرضع الطفل ثدي أمه بالحب وتبني الحمرة عشها بالحب ، بالحب تشرق الوجوه ، وتبتسم الشفاه ، وتتألق العيون . الحب قاض في محكمة الدنيا ، يحكم للأحباب ولو جار ، ويفصل في القضايا لمصلحة المحبين ولو ظلم
لا أعلم كلمة في قاموس العربية تعبر عن الحب مثل كلمة ( الحب ) ، فليس هناك أصدق من ( الحاء والباء ) في دلالتهما على هذا المقصود العظيم ، فالحاء تفتح الفم فيبقي فارغا حتى تأتي الباء فيضم الفم وتطبق الشفتان ، إذا هنا اجتماع بعد فرقة بعد هجر !.
siraj
اهلا اهلا بيك يا سراج باشا
وبتعليقك الاروع والاجمل
ما اجمل تعبيرك الذى احيى بداخلى الامل من جديد
نتمنى ان يجمعنا الحب والخير
تحياتى
سيبك انت
البطيخة اللي فوق دي زي العسل
كلامك جميل جدا
كلام طالع من قلب عاشق بجد
تحياتي
fahd
اتفضل يا باشا
نعمل ايه بقى
دينا حامد
اهلا يا دنيا
شكرا ليكى
على تعليقك
وزيارتك
تحياتى
و الله يابنى انت من الناس النادره
ايه المشاعر اللى بتتدلق دى
كالعاده وصلها انها يا بختها
ههههههههه و ماسكين الخشب اهه
لاء بجد كلامك جميل و تسلم اديك
الجواز و سنينه
خلاص يا ستى غيرت اهو
شويه كده يارب البوست اللى بعده يعجبك بقى
تحياتى
حلوة قوى..احساسك فيها عالى قوى و صادق جدا...
بس لو ده حصل فعلا..قصدى على الكلام اللى فى القصيدة..يبقى دى حد ما يستهلش تكمل معاه لأن لو الحب خلص هتخلص الحياة و مش هيبقى ليها طعم..
تحياتى
Rosie
اهلا بيكى
عارفه ان العمر الخب ما بيخلص طالما بيكون فيه تجديد دايما له بان المشاعر دايما تبقى مستقره وان الاحساس يتغير ونرجع تانى لفتره الخطوبه
احسسها دايما اننا مع بعض فى كل الاوقات
Post a Comment