نــنــســــى الـلــــى فــــــا ت

يلا بقى ننسى اللى فات
ومنفكرش غير فى حاجات
تتحقق لينا
نبتدى أجمل امنيات
نبتدى أحلى امنيات
والأحلام مابتتحقش الإبإيدينا
يلا بقى ننسى اللى فات
ومنفكرش غير فى وطن بس يجمعنا
كلمه حب دى تملى حياتنا
وتبقى حياتنا فى يوم ليها معنى
وننسى كل القسوه علينا
يلا بقى ننسى اللى فات
ومنفكرش غير تبقى ازاى احلامنا حقيقه
وازاى نقدر نحققها
ونفكر فيها بكل طريقه
علشان نوصل بقى لهدفنا
ونحب كل الناس حوالينا

دمـــوع وحـــرب ودمــا ر

دموع وحرب ودمار
وسنه جديده علينا والقلب نار
ولا عارفين ازاى نتهنى
وغزه عايشه فى موت وحصار
دموع وحرب ودمار
واتنين عساكر قالوا احنا لازم نصوم
علشان دى هجره نبينا
ونارنا قايمه فى القلب قوم
وهندعى ساعه فطارنا
يبعد عنا عدو غدار
دموع وحرب ودمار
وام شايله ولدها
بتقوله بكره هتشيل سلاح
وتاخد بتار ابوك واخوك
وكل فلسطينى حلمه راح
عاوزك تبقى يا ابنى
عندك عزيمه واصرار
دموع وحرب ودمار
واب واخد ابنه فى ايده
بيقولوا احنا فى غزه الحزينه
فى بيت لحم اتولد المسيح
والقدس يابنى اطهر مدينه
دافع عنها يا ابنى
وخلى الدم يسيل انهار
دموع وحرب ودمار

ســــؤال بــيــجــيــب ســــؤال

سـؤال بيجيب سـؤال
ومين يـقدر يـجاوب
ويقولوا مـفيش مـحال
لما نلاقى الحبايب
وندور ع اللى فاتـنا
ونقول دا فاتـنا ليه؟
ونعيش كدا طول حيـاتـنا
نسأل إمتى نلاقيه؟
وسـؤال بيجيب سـؤال
إمتى نلاقى الحبايب؟
واما نلاقى الحبايب
تبقى دنـياتـنا صـعبه
نلقيه فى القلب سـايب
فُرقه وأشـواق وغـربه
وأتارى إللى سابنا
بيسأل نفس السـؤال
وندور ع اللى فاتنا
ونقول دا فاتنا ليه؟
ونعيش كدا طول حياتنا
نسأل إمتى نلاقيه؟
وسؤال بيجيب سؤال
ولا حد عارف يجاوب
ونعيش نسأل ونسأل
إمتى نلاقى الحبايب؟

دا عــيــد جــانــا

بهنيكوا وأهنى نفسى
أنا معاكوا بعيد جانا
يدب الفرح فى قلوبنا
ويروى الروح دى عطشانا
لحب الخير
ياريت تصفى بقى روحنا
ونداوى قاسنا وجروجنا
ونحب إللى خلانا
نحب الغير
نعيش نحلم يجى بكره
نحقق فيه أما نينا
وننسى همومنا ننساها
ونعيش بقلوبنا مليانا
بحب كبير
دا عيد جانا بيملا حياتنا بالزينه
يخلى الروح كده أحلى
وتبقى الناس دى فرحانه
بخيره كتير
ياريت يبقى دا كل يومين
ويملا أشواقنا بالفرحه
ويحس الحب جوانا
لحب الخير

تــــــاجات.........تــــــاجات

دول تاجين تاج السعاده من محمد
اللى انا متاخر عليه
ومن La RoSe
وتاج من مدونه احنا حبايب
من اختى امل

نحل الاول تاج السعاده
السؤال الأول:ماهى السعادة من وجهة نظرك؟
انا بقى يا سيدى شايف السعاده فى انى اسعد اللى حواليه
ودى اهم حاجه علشان برغم احساسك انك مش سعيد
ستبقى سعيد
السؤال الثانى: كيف تصل إلى السعادة؟
هو الصراحه يا محمد الوصول ليها مش بالسهل
ممكن تقدر تسعد اللى حواليك بشئ بسيط
بس الانسان محتاج وقت كبير على ما يوصل للسعاده المطلوبه
السؤال الثالث: هل السعادة وهم أم أنها حلم صعب؟
هى مش وهم ولا حلم صعب
لانها موجوده بالفعل بس مش بالقدر الكافى
السؤال الرابع: هل السعادة طريق للنجاح ؟وضح؟
حاضر
هوضح
السعاده مفتاح كل شئ
لان بابتسامه ممكن تخلى اللى قدامك يفتح لك قلبه
بس تكون الابتسامه صادقه
السؤال الخامس: ماهى أكثر اللحظات التى شعرت فيها بالسعادة؟
مش فاكر بجد هما كام لحظه بالضبط بس اهم لحظه فاكرها ومش ناسيها
لما الاقى كلمه حلوه من الناس اللى نحبهم
السؤال السادس:هل ممكن أن تحقق كل شىء؟
ممكن ليه لا طالما موجود الاراده جوانا
السؤال السابع: السعادة تجعلك تقبل على الحياة أم لا؟
لولا السعاده مكنش فيه حياه توقع كده العالم من غير ضحكه يبقى شكله ايه
السؤال الثامن: هل أحسست يوما انك وصلت لقمة السعادة؟
بخاف اوصل للقمه علشان عارف انى مش هقدر احافظ عليها
السؤال التاسع: لماذا تمر أوقات السعادة بسرعة؟
السؤال دا اسال عليه الساعات ليه هى بتلف بسرعه
السؤال العاشر: هل ترى السعادة فى التدين؟
السعاده فى التدين ممكن بس احنا مولدين على دين الاسلام يعنى دا فرض علينا
اننا نقوم بواجبنا تجاه ديينا
السؤال الحادى عشر: هل أنت متفاؤل وعندك أمل؟ وضح؟
اكيد لازم الانسان يكون عنده امل وتفاؤل لان دا من تعاليم دينا
السؤال الثانى عشر: إذا شعرت بالحزن ماذا تفعل؟
مش عارف مش بقدر ابكى ولا بقدر ابوح لحد
السؤال الثالث عشر: هل يستمر معك الحزن فترة ام ينقضى فى الحال؟
كل حاجه فى الدنيا بتاخد وقتها بس الحزن دايما بيبتدى كبير ويصغر مع الايام
السؤال الرابع عشر: ما رأيك فى الأفراد المتشائمين؟
الله يسامحهم بقى


التاج التانى من امل (مدونه احنا حبايب) نبتدى
أول سؤال: من أنت؟
انابقى انسان عادى جدا جدا ممكن يكون اوقات بيحس انه لوحده
واوقات بيحس ان الناس دايما حواليه بيحاول يكون
نفسه بس مش حد تانى
السؤال الثانى:بطاقتى الشخصيه؟
ايه يا امل هو احنا فى قسم
بس ماااشى مفيش مشكله
الإسم:احمد الدسوقى
السن:27 سنه و23يوم
الديانه: مسلم
العنوان: المنوفيه
الوظيفه: مراقب جوده انتاج
الحاله الإجتماعيه :اعزب

السؤال الثالث :ماهى أحلامك ؟؟؟؟؟
احلامى بسيطه جدا احلام شخصيه انى انجح فى حياتى
ويكون العالم سعيد حواليه
واحقق اللى انا دايما بتمناه
السؤال الرابع :من أقرب شخص إليك؟؟؟؟
اقرب شخص ليه هو احساسى بس مش عارف ليه الايام دى بحس انه بيبعد عنى
السؤال الخامس :تهدى التاج لمين؟؟؟؟؟؟؟
انا مش هعزم اللى عاوز ياخد التاج يتفضل
انا مش هديه لحد مليش دعوه

حــــيــــره قـــــمـــــر

فين الحبايب اللى كانوا بيسهروا يبصوا عليه
مين اللى خلى الدنيا غير الدنيا
ليه زمان تدى حب تلاقى حب
دلوقتى تدى حب تلقىَ قسيه
فين الحبايب اللى كانوا بيسهروا يبصوا عليه

فين الحبايب المستنين أخرج لهم
فين اللى خلوا حياتى جنه بحبهم
كنت بسعد لماأكون أنا جنبهم
دلوقتى راح فين الحنين والإشتياق والحب ليه
فين الحبايب اللى كانوا بيسهروا بيبصوا عليه

لما كانت عبله تسهر تبصلى وتقول كلام
وأما كان عنتر يفكر فى اللى شافه من الآلام
كنت بقدر ليه اوصّل ازاى هيا جبال حنيه
فين الحبايب اللى كانوا بيسهروا يبصوا عليه

لما كنت زمان بتسال عن حبيبك لما غاب
كنت بقدر انى أجاوبك وأرحم قلبك من العذاب
دلوقتى فين راحوا الحبايب ولا عاشوا فى دنيا تانيه
فين الحبايب اللى كانوا بيسهروا يبصوا عليه

مستــــــغربه لــــيه

مستغربه ليه! إنى بـحـبك
!مستغربه لـيه

من قبل ما أشـوفـك وأسـمعلك
وأنا ذنبى أنا ايه

يمكن تكون أرواحنا إتقبلت فى السما
ولاأكون أنا شفتك مره فى منام

ولا تكونى نسمه مرت من هنا
مليت علينا الدنيا حب وسلام

ولا تكونى حمامه بيضا مروّحه ساعه الغروب
هو أحنا يا حبيبتى بنتحكم فى القلوب

!مستغربه ليه

عيد ميلاد سعيد يا رومنسى

النهارده من سبعه وعشرين سنه
انا جيت للدنيا
شوفت نورها وحبـيته من اول ثانيه
معرفتش ايه هى عيوبها
شوفت بس مميزاتها
ومش بإيدى اختار انا دنيا تانيه
النهارده من سبعه وعشرين سنه
انا جيت للدنيا
جيت بحب وشوق مالينى
عشت بيه انا طول سنينى
دا غصب عنى ومش بإيدى
أسعدبيه اللى حواليه
النهارده من سبعه وعشرين سنه
انا جيت للدنيا
لفت بيه سنين وايام
عشت الحب وشفت احلام
شوفت الدنيابلونها الوردى
كنت بنام ودموعى على خدى
لكن فى الاخر كملت
وقدرت أخلى الشوك حنيه
النهارده من سبعه وعشرين سنه
انا جيت للدنيا

انتوا اكيد عاوزين البوفيه يتفتح

مش قبل ما نطفى الشمع

دى بقى اكبر حاجه ساقعه لاقتها مش عارف هتكفى ولا لا

ودا بقى النسكافيه علشان محدش ينام

قبل ما تمشوا اوعوا تنسوا الهدايا يعنى مش مكلف عيد الميلاد وف الاخر مفيش هدايا

شكر وتقدير فى اول عيد

على مدونتى الثانيه

امنيات

رســـــاله حـــــب فى عــيــد الحـــــب

رساله حب....بَعتْ
ورده......وقَلبْ
بيعبروا عن حبى ليكى
قلب يحكى عن عذابى
ورده طبّها يداويكى
ويعبروا عن كل ثانيه
بعدت فيها عن عنيكى
مرت عده شهور واكتر
فكرت فيها اكون ناسيكى
طلعت ناسى روحى خالص
لإن روحى مرهونه بيكى
بـحــــــبـــــك
ولو نسيتى إفتكرى انى إتاسفلك
ولو بعدت لحظه عنى إشتقتلك
بــحـــــبــــك
عـيونك تسحر الفرسان
رومــوشك دليل حيران
وشـعرك منه الحرير ما يبان
وبشفـيـفك يرتوى العطشان
وقلــبـك دا دليل حيران
حبيبتى إدينى كل أمان

Happy valentine day

4/11/2008

تــــاج ســــبعاوى ايـــماوى تــيارى

اولا التاج دا وصلى من ايمى
ومن ضد التيار
وانا اتاخرت كتير عليكى يا ايمى
وشكرا ليكى يا ضد انك اهتديتى ليه التاج
بس كل حاجه فى ميعادها
نبدا بقى

أذكـــــــــر ستة أسرار قد لا يكتشفها من يقابلك لأول مره
انا مش عارف ولا حاجه من السته اشياء بس كل اللى انا عارفه ودا اللى بيقولوا عليه اصداقائى
اوقات كتير بتكون طيب بس لما تضايق بتبقى شرير قوى
وكمان زى ما بيقولوا اتقى شر الحليم اذا غضب
بس انا فعلا اللى بيضايقنى ان اشوف مظلوم مش واخد حقه ودا بيضايقنى اكتر فى مجال شغلى
لما احس ان فيه حد انظلم

سبع حاجات نفسك تعملهم
دول بقى مش سبع حاجات بس دول كتير قوى
من ايام طفولتى
اولا من زمان قوى وانا لسه طفل كنت بحلم اكون دكتور
ايوه دكتور لان المهنه دى جميله قوى بس للى بيحبها ومهتم بيهاممكن تبذل شويه مجهود تقدر تعالج انسان محتاج ويدعيلك وكمان الناس
كلها بتحبك لانك انسان مخلص فى عملك
وكمان يا بختك بقى لما تشوف مولود بيتولد قدامك بتحس ان فيه لحظه شروق جديده
تملى الكون كله سعاده ودى بتبتدى لما تشوف سعاده امه وابوه
ثانيا فى مرحله المراهقه ما اكدبش عليكوا كنت بحب وانا فى تلته اعداى
وكانت دى بدايه انى اكتب شعر صحيح كان كلام خفيف كله
بس الصراحه انا كنت حاسه وكنت ببقى سعيد قوى وانا جنب حبيبتى
هى كانت زميلتى فى المدرسه اصل المدرسه كانت مشتركه
ثالثا اما بقى فى مرحله الشباب انا نفسى اكون نفسى نفسى احقق ذاتى
نفسى اجتهد مع ربنا قوى ونفسى اجتهد فى شغلى ونفسى اكمل مملكتى بنفسى
وكمان الاقى الاميره اللى تكون ملكه فيها

سبع حاجات معرفتش تعملهم
دول بقى مش سبع حاجات بس دول برضه كتير قوى
معرفتش اكون منافق ولا كداب فى العالم اللى فيه المنافق هو اللى بيوصل لاعلى الدرجات فى الدنيا
ودا لانه بيتكلم اكتر ما بيشتغل مش عارف دى عيب ولا ميزه
وكمان معرفتش اكون دكتور
وكمان معرفتش اكون غير احمد بس

سبع حاجات دايما بتقولهم
والله
حسبى الله ونعم الوكيل
توكلت على الله
اهلا
يانهار ابيض
خليك هادى
ركز فى شغلك

سبع مشكلات فى حياتك ممكن تحلهم بالفلوس
ممكن الفلوس تحل مشاكل كتير الا انها ترضى صاحبها

سبع أماكن بتحبها
بلدى
واسكندريه
والقاهره فى ساعه الفجر
وسريرى
والمكان اللى بحبه اكتر هو خيالى

سبع أشخاص بحبهم غير بابا وماما واخواتى
زمايلى فى الشغل
جيرانى
وكل اللى بيحبنى
انا بحبه

سبع حاجات بتحبهم قوى
القلم
الورقه
الكمبيوتر
الشغل
النوم
العصافير

سبع مدونات بتحب تقرالهم
فى دى بقى هما ناس كتير
كل اللى بعلق عنده بحس بكلامه
وبالذات مدونه تامر الحسينى

اهدى التاج لمين بقى؟
بصراحه انا مش بهديه لحد معين
بس فيه اشخاص نفسى اديلهم التاج
بس لاسف مش بيحبوا التاج خالص
ورافضين الفكره دى وانا طبعا بحترم وجهه نظرهم

وكفايه اسئله بقى عاوز انااااااام
تصبحوا على خير

تــــوضيح عن الوثــقيه

الوثيقة التأسيسية للمدونين
أثارت زوبعة بين المدونين

منهم من وافق
منهم من ناقش وأبدا الاعجاب بها
ومنهم من رفض بعض البنود
والبعض رفضها جملتا وتفصيلا
لم أكن أخال أنه بيوم سأضطر أن أشرح موقفي من شيئ
وخصوصا في مدونتي
المبدأ والفكره جميله ولاكن نقصها بعض الترتيب
لذا
أرجو من كل من صادق على الفكره الرئيسية
أن يستمر بوثيقه أو من دونها
بالنسبه لي شخصيا
فأرى أني أنتهج ما أراه يوافق
عقيدتي ...وتربيتي....وعقلي
منذ أن بدأت تدوين
أحببت الوثيقة كونها ستقرب بين المدونين
وستضع لنا صوره حيه لأفكار ورأى قد نتعب كثيرا
لايضاحها وفهمها
بالطبع ستوفر الوثيقة الوقت علينا

ولكن للأسف لم يحدث
بما أن الوثيقة الآن بحاله حرجه
فسنظل نحن بمبادئنا التي بدأنا بها التدوين
وسنبحر بعالم التدوين
كل بوثيقته الخاصه
والله الموفق
أختكم M.K
و أخوكم romansy

عناصر الوثيقة التأسيسية للمدونين

عناصر الوثيقة التأسيسية للمدونين
1- عدم المساس لأي دين أو مذهب بالتجريح وعدم نشر العداوة بين المذاهب المختلفة
2- عدم نشر روح الأنهزاميه بين المدونين ومحاولة السمو بالأفكار والإستفادة منها للصالح العام
3- البعد عن المصلحه والأطماع الشخصية وجعل التدوين نزيه وله هدف سامي
4- المحافظة علي شرف التدوين ومحاولة الأرتقاء به لأعلي الدرجات
5- البعد عن تعليقات المجاملة والعمل علي النقض البناء الذي يهدف إلي تصحيح المفاهيم والتقريب بين الأفكار
6- نشر روح المحبه والأخوه بين الناس
7- البعد عن الأفكار الهدامه والتمسك بالقيم والمبادئ الإسلاميه الحنيفه
8- عدم التخلي عن التدوين قدر المستطاع ومحاولة التواصل حتي ولو علي فترات متباعده
9- مساعدات أخوننا المدونين علي قدر المستطاع ونشر الخير بينهم
10- عدم التعرض بالآساءة أو الألفاظ الجارحه لمن يقوم بالرد علي مدوناتنا
11- التضامن مع أخوننا في كل انحاء العالم وأظهار لهم روح الترابط والأخوة عن طريق التواصل عبر المدونات
12- متابعة تعليقات من نقوم بالرد في مدونتهم لكي يتم الاستفاده من هذا النقاش
13- عدم التسلط أو التطاول علي من يقوم بنقضنا ، ومحاورته بكل حب وتفاهم لكي يتم تصحيح المفاهيم
14- مقاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم
15- عدم نشر العادات السيئة والتقليعات الغريبة التي لا تمت بأي صله للإسلام ولا للعادات والتقاليد الشرقية
*******
اقسم بــالله الـعـظـيم أن احــــافــظ عــلــي شـــرف التدويــن وأن أعـمــل جــاهــدا عــلــي ان أرتـقـي بـهــذا
الـمـجـتـمع الإلكتروني لـكــي يـــكــون صـــوت الـناس وللناس وأن أقـــوم بنشر روح الأخـــوة والـمحبه بـيـن الـنـاس
وأن أعمـل جـــاهـــدا عــلــي رفـــع الـمـعـنـويــات لــدي الـمـدونين لــكــي يبدعــوا وأن نقف بجــانـب كـــل مــــن
يـحـتـاج الــعــون وأن نتـعـامــل مــع أخــوانـنـا الـمـدونـيـن بــالــحسنه والأخـــوه وأن التزم
أعضــاء اللـجـنـة الـتـأسيسية للـمــدونـيـن
********

مجنوووون
محاسن
ضد التيار
ايمي
princess
طوبه فضه وطوبه دهب

amr farouk
ساسو
M.K

mostafa rayan
ahmed_k
البحث عن أنا شىء جنونى
كـيـــارا
********
ملـحـوظـة
********كل من يقراء هذا الموضوع يقوم بنشره في مدونة لكي تعم الفائده وينتشر الموضوعولو حد عنده اي استفسار يتفضل وأن شاء الله يجد الإجابة

هل جـــربتى الرحــيل

هل جربتى الرحيل يوما؟
هل دعاكى احد لرحله حول الارض؟
هل ممكن ان اكون اول من يدعوكى؟
فانا ذلك الرجل الذى يتمنى ان يرحل معكى انتى
وانتى فقط
لاننى مهما شاهدت من جمال واستمتعت به
فان جمالك انتى يمتعنى اكتر
انتى التى تضيفى للمكان روعته
فهل تقبلى ان تكونى رفيقه رحلتى؟
اذا فهيا بنا نرحل
دعينا نزور بلاد الشرق ونرى ما بها من سحر وجمال فتكون وجهتنا الاولى الى فلسطين
نصلى فى بيت المقدس ونرى اشجار الكروم واشجار الزيتون التى طالما سمعت عنها
ونتمتع بجمالها وصمودها منذ الالاف السنين ونرى من هناك لحظات الغروب فما اجملها من لحظات
ودعينا نذهب الان الى العراق لنسبح فى نهر دجله ونرى مالا رايناه من قبل
فدعينا نسبح ونغرق احزاننا هناك ونرى الاثار البابليه وننقش اول حروفنا عليها
ونتركه لازمان مقبله ليشهد اننى كنت معاكى فى هذا المكان
حبيبتى هل جربتى يوما ارتداء السروال المغربى فهيا ارتديه وسيفرح بكى
لانك انتى من لبستيه فدعينى الف حول عنقك اجمل العقود المغربيه التى تلبسها
العروس فى ليله زفافها .الا تريدين فنجان من القهوه المغربيه التى سمعت عنها ولم اتذوقها
فاصنعيها انتى فما اجملها من يدك
تعبتى من الرحيل .فانا لم اتعب طالما معاكى انسى اوجاعى والامى
اتريدين العوده ؟
نعم سيدتى انا طوع امرك ولكن بشرط ان اخدك معى فى احضان الفراعنه
فى حضن الهرم الاكبر الذى حاولوا كثيرا معرفه سره
ولكن معكى انتى سنعرف سره بمجرد زيارته
فدعينى اخذك الى رحله شراعيه فى نهر النيل وتلتف حولنا عرائسه
تزفنا بالعوده الى البلد الحبيب.فانتى بلدى ووجهتى
وكيانى .فدعينى احبك فى اى مكان فانتى حبيبتى

حــــــبـــــك مــــرســــــــــــــــى

بــــحبـــك ومـــش خــــايــف
بــــحبـــك ومـــش شــــايــف
لــــحبـــك مـــــــرســـــــــى

بــــحبـــك وانــتـــى عـــارفة
بــــحبـــك بــشــوق ولـهفـــة
بــــحبـــك ولا مــره انــسـى
بــــحبـــك ومـــش شــــايــف
لــــحبـــك مـــــــرســـــــــى

تــعـالى نـحدد طــريـق نـمشـيه
بـس اوعـــديـــنى نـــكــمــل فـــيه
والــحــب نـوصـل مــعانـيـه
وعـلـى شـط الـــحب نـر ســـــى

بــــحبـــك ومـــش شــــايــف
لــــحبـــك مـــــــرســـــــــى

يا فــــــــــــرحه بعدها فــــــــــرحه

اهلا بيكوا زوار مدونتى الكرام
النهارده حبيت اكتب ليكم اول موضوع بعد (فرحه عيد الفطر ) اللى احنا كلنا عشناها
بموضوع برضه فرحه (فرحه نصراكتوبر) اللى ابئانا عاشوها وفرحوا بيها

كل سنه وانتم طيبين

فى البدايه احب ابعت تحيه
تحية الى كل ابطال اكتوبر من ظباط و جنود
تحية الى كل من ساهم فى معركة اكتوبر و العبور
و ساهم فى النصر
تحية الى كل شهداء حرب اكتوبر و معركة العبور العظيم
تحية الى الرئيس الراحل محمد انور السادات قائد و مفكر الحرب و السلام
تحية الى الرئيس محمد حسنى مبارك قائد الضربة الجوية الأولى
تحية الى كل من ساهم فى تنمية و تعمير سيناء و تقدم جمهورية مصر العربية

نتائج حرب اكتوبر 1973
الاصرار على النصر مهما مرت السنين واعاده الثقه فى قلوب المصريين
واتخاذ القرار وعدم اليأس والتفكير السليم مهما حدث من مشاكل
وكشفت عن طاقه مدفونه داخل الانسان المصرى تحطم كل القيود
وتعبر كل الحواجز بمجرد تحديد الهدف

عيد فطر عليكوا سعيد

عيد فطر عليكوا سعيد

على اللى زارنى...... واللى جانى

واللى عدى ولو ثوانى


من قريب او من بعيد


عيد فطر عليكوا سعيد

عيد فطر سعيد يا تامر ..............والدنيا دى هتبقى اجمل


لو تبطل تبقى حزين.................صحيح الحزن له يومه


لكن فرحتك عايشه سنين


عيد فطر عليكوا سعيد


عيد فطر سعيد يا ايمى................عيد فطر سعيد يا كيارا


بفرح جدا بتعليقتكوا.................ومدونتكوا كلها اثاره


عيد فطر عليكوا سعيد


ولما تكون عاوز تتهنى .............روح...... لسمايلى روز..... فى الجنه


ساكنه القصر.......اميره........حبيبه

ونهر الحب .......وفرحه وطيبه


وتلاقى فيه الحزن بعيد


عيد فطر عليكوا سعيد

طوبه دهب وطوبه فضه.............. واوامرك على طول تتقضى

ياللى قلبك كله......حنين

وشيماء......ساكنه فى ضى العين

وشيتوس .........عايشه معانا

وشمس النهار...... وانجى......على طول ويانا

والحب بينا موجود اكيد

عيد فطر عليكوا سعيد

على اللى زارنى........واللى جانى

واللى عدى ولو ثوانى.......من قريب او من بعيد

عيد فطر عليكوا سعيد

على اهل لبيـــــــــــــا ......واهل الســـــــــــــــودان

على ســــمسم.....وجــــوجو.....وريـــمو......وايــــمان....كمان

على.... بنـــت سيناء.....وكنــــارى....ومحــــجوب

على كل.... زهـــــرة...... وكل..... جـــــنه....بتحييى القلوب

عيد فطر عليكوا سعيد

عيد فطر سعيد يا...ســــــــــــاره.....عيد فطر سعيد يا......نــــــــونا

فى كل لحظه تلاقى حب .......وتلاقى ....قلب شــــاعره.....حنونه

عيد فطر عليكوا سعيد

مش هقدر انسى ......هــــــابي هوب

ولا اقدر انسى.....عـــاشق الحب

دا انتوا كلامكوا بيملا القلب

عيد فطر عليكوا سعيد

عيدفطر سعيد يا....هــــــايدى........عيد فطر سعيد يا .....يـــويـــو

تسكنوا بيت اجمل.....انــــسانه.....يوميــــتها فى الارياف

عيد فطر عليكوا سعيد

عيد فطر سعيد يا...... روفـــى.....عيد فطر سعيد يا....ســميره

تسكنى قصر كبير فى.....الجـــنه.... وتكونى فيه انتى.....الامــــــيره

وتكون فيه اجمل......قـــــطرات.....واحزانك فيه......اســــيره

عيد فطر عليكوا سعيد

ولما تكون على طول مهموم.......شوف....امـــــواج....يحلو اليــــوم

ركبه المـــــــركب ومعاها......قـــــوس قزح.....وسندس.....وامل

واحلى مكان تـــــروحه فى الكون

عيد فطر عليكوا سعيد

عيد فطر سعيد يا.....زمـــــرده........عيد فطر سعيد يا.....نـــــــدا

كل زياره لـيكوا احس ان الفرح ..... ابـــتـــدى

عيد فطر عليكوا سعيد

على ....انـــا ودمــــاغى ......وعلى ......الازهــــــرى

وعلى ....البــــرنس.....واســـــــراء

والمــــــوجه الزقـــا......والاشــــــواء

ومعــنى النفـــس .....ازاى انســـــــاهــــا

شـــــاشـــا......وتـــى ووتــــر.....ورانـــــيـــا

فى ....الجنــــــــــه.... جـــــواهـــــــا

عيد فطر عليكوا سعيد

نورتينى يا دكتوره .....ويـــــــــدا........نورتينى يا استاذه.......لـــــــــولا

كل مره اتمنى اعلق بمدونتكوا اللى عـــســــولا

عيد فطر عليكوا سعيد

ولما تلاقى .....صوت من مصر

تلاقى .....امـــــيره....وابله نــظــــيره.....فى قلب القصر

عيد فـــطر عليكوا سعيد

اجمل من ف الحفلة مين

اهلا بكل زوار مدونتى ..........انا مش عارف ليه الايام دى

افتكرت اغانى كنت بسمعها زمان وعلقت معايا لغايه دلوقتى
بقى معقول بعد كل السنين دى ارجع افتكرها كده كامله زى ماسمعتها وانا صغير
هى اغنيه يارب تكونوا فاكرينها زى

اجمل من ف الحفلة مين
دبدوبة
التخينة
اللى لابس فستان وى
فستان وجيبونة
نط نطه يا دبدوبة
هه هه
هه هه
دا انتى تؤلك تؤل الطوبه
هه هه هه هه
وكمان نطه
نطه كمان
وعشان خاطرى نطى يا شيخه
سبع نطات
واحد
اتنين
تلاته
اربعه

دعوة للتفاؤل

بمناسبة شهر رمضان الكريم شهر الخير والبركة


بقدم لكم دعوة للتفاؤل

اولا :ماهو التفاؤل

التفاؤل: وقود الروح وهي حالة إيجابية تجعل صاحبها يرى الفرص المتاحة بدل من الفرص الضائعة وينظر إلى ما يملكه بدل أن ينظر إلى ما خسرة

التفاؤل : يولد سكينة النفس والرضا بقضاء الله وقدره ، التفاؤل بذرة الحياة الأولى وقد ثبت بالتجربة أن النظرالمتفائلة للأمور تحفز العقل الواعي إلى الاحتفاظ بقوته وتحفز العقل الواعى على العمل،قال عليه الصلاة والسلام: "تفاءلوابالخير تجدوة"

عبارات تبث التفاؤل

1. يجب أن تكون قوياً ، وأن تشعر بأنك قوي ، أقوى من أي فكرة تزعزع ثقتك في نفسك
   
2. يجب أن تجعل كلامك دائماً عن الصحة والسعادة والنجاح وعن نجاحك ، وعن نجاح كل إنسان أيضاً


3. يجب أن تجعل كل صديق لك يشعر أن فيه شيئاً ممتازاً ، شيئاً يسره هو


4. يجب أن تنظر إلى الجانب المشرق من الحياة ، وأن تعمل على تحقيق كل آمالك ، وأنت على يقين بأنها ستتحقق بشكل ما
   
5. لا تفكر إلا فيما هو أبسط و أسهل ، ولا تتوقع إلا ما هو أحسن।


6. يجب أن تكون جاداً متحمساً بالنسبة لنجاح الآخرين ، بنفس الدرجة التي تتحمس بها لنجاحك أنت


7. يجب أن تقضي أطول وقت ممكن في تحسين نفسك وبذلك لا يتسع وقتك لنقد غيرك من الناس


8. لا تأسف على ما فات . وكن أقوى من غضبك وكن أقوى من الاستسلام للتعب فسيكون لديك وقت دائماً لشيء جديد
   
9. يجب أن تكون بشوش الوجه وأن تبتسم لكل إنسان تراه

كن متفــائل في جميع الأحوال


من التفـــاؤل يولد الأمــل


ومن الأمـــل يولد العمــل


ومن العمــل يولد النجــاح

تاج .......تاج

كل سنة وانتم طيبين جميعا
خلاص اهو فات تسع ايام من شهر رمضان الكريم
واكيد ف يوم هيخلص الشهر الكريم زى حاجات حلوة كتير ما بتخلص وتعدى
بس الحب اللى بينى وبين تامر الحسينى عمرة مايخلص ولا يعدى
تامر برغم انة حدفنى بتاج كدة على طول بس برضة بحبة
وعشان مطولش عليكوا
انا هدخل فى الاسئلة على طول

الرصاصة الاولي
بدأت تدون امتى و دخلت عالم التدوين ازاى ؟؟؟

انا من عشر سنين بديت حياتى مع الكمبيوتر والنت
وكنت ببذل مجهود كبير علشان اقعد فى اى نت كافية
اتعلمت ازاى اعمل ايميل واتعلمت
ا ية هو المنتدى وازاى اشارك فية
صحيح معظم المنتديات اللى انا شاركت فيها كانت لكاظم الساهر
بس بعد كدة اتعلمت حاجات كتير
وف يوم قبلت صديقى تامر الحسينى وحكالى عن اول مدونة عملها
عجبتنى الفكرة قوى ابديت اعرف من ساعتها
اية هى المدونة و اية هو التدوين

تانى رصاصة
ايه كان انطباعك فى البداية ؟؟

كان ف البداية بالنسبة لى الامر جديد علية
صحيح كنت بدون اشعارى ومذكراتى
واعز صحابى كانوا بيقروها
ومكنتش اتوقع يوم انى هكتب اشعارى وافكارى
وناس تدخل تقول رائيها وكدة يعنى

ثالث رصاصة
مين اكتر واحد بتحب تعليقه على بوستك الجديد ؟؟

هما الصراحة تلاتة
المدونين اللى اول مرة يدخلوا عندى
المدونين اللى بيدخوا باستمرار
المدونين اللى مابيدخلوش خالص
ههههههههه
كلهم بحب تعليقتهم ...... كفاية انة شرف مدونتى بس
وكمان بشكر تامر الحسينى صاحب اول تعليق ف مدونتى
وكمان طوبة دهب وطوبة فضة
وكمان ايمى
وكمان شيماء

رابع رصاصة
ايه اهم حاجة اتعلمتها من عالم التدوين ؟

هما برضة تلت حاجات
لا اتنين
الايجابية
دى اكتر حاجة اتعلمتها من التدوين
ان يكون موضوعك ايجابى وكمان ردك يكون ايجابى اكتر

خامس رصاصة

حاسس ان التدوين له تأثير ؟

بالرغم ان عمرى التدوينى قصير

الا انى حسيت ان حياتى اتغيرت بجد

من بعد ما اتخرجت من الجامعة

ودخلت عالم الشغل اتغيرت حياتى تماما

افتقدت معظم اصحابى

بس التدوين عرفنى اصدقاء كتير وكمان فكر جديد

سادس رصاصة

أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟

خمس احلام بس دا انا حياتى كلها احلام وامال

من زمان وانا صغير وعمرى سبع سنين اول حلم حلمتة

انى اتجوز بنت الجيران وفعلا رحت كلمت امها ههههههه

وكمان حلمت انى اكون مخترع

كنت بسمع مسلسل الكارتون كعبول

كنت بقلد عبقرينو

سابع رصاصة

أذكر 5 أحلام على الأقل تخص مستقبلك؟

اول حلم حلمت بية هو انى الاقى ست الحسن والجمال

اخلف بنتين وولدين

حب وحنين ......... واحمد ومحمد

وانى اعمل حجة او عمرة

ثامن رصاصة

أذكر شخصين على الأقل متواجدين في حياتك حالياكنت تود وجودهم قبل الآن بزمن؟

هما مش شخصين دول صفتين

الحب والتفاؤل وبحب كل الناس اللى فيهم الصفات دية

وكمان كل الناس اللى حوالية

تاسع رصاصة

أذكر شخصين على الأقل غير متواجدين في حياتك حاليا كنت تود وجودهم الآن أو في حياة أولادك مستقبلا ؟

اول شخصية وهى المدرس الى مش موجود فى حياتى دلوقتى وعاوزة يكون موجود ف حياة ولادى يعلمهم كل حاجة حلوة ف الدين والعلم

وتانى شخصية هى المدرب ويكون مدرب كارتية عشان نفسى ولادى يكونوا ابطال

علي من تطلق هذا الرصاص؟

اولا على تامر الحسينى اللى السبب فى التاج

ايمى
هايدى
حبيبة
الشقية الشعنونة
سفروتة
الاميرة بيرى
الاميرة
شيتوش الاهلاوية

طوبة دهب طوبة فضة

واللى خايف يخدلة ساتر

الف ليلة وليلة

بلغنى ايها الملك السعيد

ذوالرأى الرشيد

على هذة الكلمات كنت اتناول افطارى منذ طفولتى
كانت شهرزاد بصوتها الرقيق تطير بى فى عالم من الخيال
كنت اتمنى ان اكون ملك من ملوك قصصها
او امير يبحث عن اميرة يحبها
ومن اشهر اميرات شهر زاد
الاميرة ست الحسن التى طالما حلمت بها فى خيالى
وتمنيت ان القاها فى يوم من الايام

وتعيش معى فى قصر جدرانة من اللؤلؤ والمرجان
لا يفرقنا احد
الا كما تقول شهر زاد فى نهاية كل قصصها

هادم اللذات ومفرق الجماعات
ومازلت بعدكل هذة السنين ابحث فى برامج التليفزيون
كل عام فى رمضان عن تلك الحكايات التى تسعدنى
وتجعلنى اكون من امير على كرسى الامارة
الى عاشق يتمنى الاشارة
'

ملاك احلامى

فينك يا ملاك احلامى

تيجى تسعدى ايامى
دا انا مهما الف ومهما ادور
مش عاوز غيرك قدامى

انا يامة عشقت وشوفت عيون
انا يامة حبيت حبيت بجنون
لكن مش لاقى حبيب لى يكون
فى الحزن يغير احوالى
دا انا مهما الف ومهما ادور
مش عاوز غيرك قدامى

عاشق والعشق مدوبنى
والشوق في القلب بيحينى
ولا شئ فى الدنيا معذبنى
الأ بعادك عن عينى
دا عاوزك دايما يا حبيبى
تكون لى سعادتى والهامى
دا انا مهما الف ومهما ادور
مش عاوز غيرك قدامى

خواطر رمضانية

فى الوقت دا من كل سنة
بيجينا شهركلة خيرات
فاكرة دا شهر كلة بركات
بحبة بجد دا شهر الصوم
فية الناس بتحب بعض
وتخاف على بعض
فاكرة من وانا طفل صغير
فاكر فانوسى
وفاكر الزينة اللى على بيتنا
وفاكر برضة اول حب
دا كان فعلا اول حب
من وانا طفل صغير
بحلم انة يملى القلب
فاكر كورتى
يا سلام .......
على دى ايام
امتى تعود
ياريتها تعود

انا لما بريدك

انا لما بريدك .......انا لما

على اسمى بريدك يتسمى

وفى قلبى وريدك بيجيلي

يظبط مواعيدك على نيلي

ويسيب العالم واللمة

أنا لما بريدك انا لما

انا لما بريدك ما أقد رش

عن حبى وودىمعبرش

وحياتك عندىما بسهرش

الا فى حضن عيونك دولا

وانا لما بريدك انا لما

على اسمى بريدك يتسمى

وفى قلبى وريدك بيجيلى

يظبط مواعيدك على نيلى

ويسيب العالم واللمه

انا لما القااكى باداريكى

جوة عيون قلبى

وفى مركب حبى اعديكى

واقول فى عيونك ميت قولا

وانا لما بريدك انا لما

على اسمى بريدك يتسمى

وفى قلبى وريدك بيجيلى

يظبط مواعيدك على نيلى

ويسيب العالم واللمه

نا لما بريدك انا لما