Saturday, September 20, 2008

اجمل من ف الحفلة مين


اهلا بكل زوار مدونتى ..........انا مش عارف ليه الايام دى

افتكرت اغانى كنت بسمعها زمان وعلقت معايا لغايه دلوقتى
بقى معقول بعد كل السنين دى ارجع افتكرها كده كامله زى ماسمعتها وانا صغير
هى اغنيه يارب تكونوا فاكرينها زى




اجمل من ف الحفلة مين
دبدوبة
التخينة
اللى لابس فستان وى
فستان وجيبونة
نط نطه يا دبدوبة
هه هه
هه هه
دا انتى تؤلك تؤل الطوبه
هه هه هه هه
وكمان نطه
نطه كمان
وعشان خاطرى نطى يا شيخه
سبع نطات
واحد
اتنين
تلاته
اربعه






71 comments:

بنت مصريه said...

رومانسىفيه فطار للمدونين ف ساقيه الصاوى يوم الجمعه 26 وهيحضره خالد الصاوى كلنا رايحيين نتمنى نشوفك هناك
لوعايز تعرف التفاصيل زور مدونه عليا حلييم
http://aliahlim.blogspot.com/

nona said...

و مالها اغانى الطفولة يا رومانسى و الكارتون و ماما نجوى و بقلظ كلها كانت ايام جميلة يا رايتها ترجع
بس تفتكر لو رجعت احنا كمان هنرجع زاى ما كنا ما افتكرش

ضى القمر said...

والله الأغانى دى كان ليها متعه كبيرة واحنا بنسمعها ..
يمكن لأن اغانى الاطفال وقتها كانت بسيطه ..
أو لأن الأهتمام بالطفل بوجه عام كان بسيط .. ممكن

أما الآن فاغانى الاطفال يا كثرها .. فى الوقت اللى الاطفال عايزين يسمعوا عمرو وتامر ..

هههههههههه

شكرا لك على البوست اللى رجعنى للماضى يا اخى
تحيتى لك

كيارا said...

هيييييييييييييييييييييييييه

واحلي من في الحفله مين دبدوبه التخينه هيه هيه هيه

ونتنطط بقي ونزقطط

هيييييييييييييييييييييه

نيولوك جديد مبروك عليه

وبوست حسيت اني عاوزه اكل مصاصه بقي وانا صايمه

اعمل فيك ايه

دلووووقتي

عااااااااااااااااااااااا

smilyrose said...

على فكرة يا أحمد ا\لأغانى دى ليها ذكريات جميلة معانا

لأنها بسيطة وكلنا كنا بنحبها

وتلاحظ حتى الكرتون بتاعنا كان ليه جمال خاص

انا بحب المابتشو ومازلت بتفرج عليه

ومازنجر وجرين دايز

وكل حاجة جميلة كنا بنتعلق بيها

وبعدين اشمعنا دبدوبة التخينة

ههههههههههههههه كانوا بيغنوهالى فى عيد ميلادى عشان كنت مقلبظة وانا صغيرة هههههههه

دايما رائع ورومنسى

smilyrose

روح الحب الصادق

fire bird said...

ومين منا يا احمد ما كبرش مع اغنية زى دى

كل ذكريات طفولته

بتمر زى شريط قدام عنيه

لما بيسمع الاغنية اللى كان بيحبها وهو صغير

وعمرها ابدا ما بتروح عن بالنا

لانها علمت جوانا

ممكن نسهو عنها شوية

او نفتكر ان احنا نسيناها

لكن فجاة ممكن تفتكرها وانت قاعد سرحان

او لما تسمعها فى اى مكان

--------------------------
كل سنة وانت طيب

Purplewaves said...

اجمل من في الحفلة مين ..........دبدوبة التخينة ههههههههههه
حلوة اوي ذكريات الطفولة دي بتفكرني لما كنت لسة بريئة ومش فاهمة حاجة في اي حاجة :))))
فعلا الاغاني دي بحس انها جزء مني ومن ذكرياتي عارف كمان في اغنية بتاعة نيللي اللي بيقولوا فيه متشدش متشديش انتي ههههههههه

تحياتي

yoyo said...

صباحك سكر يا رومنسى

اخبارك ايه يارب تكون بالف خير

يااااااااه دا انت رجعت الواحد لايام الطفولة والذكريات الجميلة

والله هى دى الاغانى اللى احنا عرفنها واحنا صغيرين ومش هيجى زيها ابدا ولا فى كلامتها البسيطة الغفوية اللى خارجة من القلب

تـحياتى
يويو

Tamer Alhosiny said...

هههههههههههههههههه
جميل قوي البوست ده

وكنت بحب قوي الاغنية دي
كنت بقف علي السرير وانط معاها
اصلي كنت كلبوظ شوية
بس مش قوي
علي فكرة
الاغنية دي كانت علطول بتيجي كل يوم سبت في برنامج كرومبة
والاي مش فاكر كرومبة يبقا الله بجد مش شاف برامج اطفال

تحياتي
ليكم يا كل الاطفال صابقا
المدونين حاليا

تامر الحسيني
انسان عاشق حر

طوبة ذهب وطوبة فضة said...

دايما كده ليك موضوعات غريبه بس احلى ما فيها انك لما بيجى على بالك حاجه بتكتبها من غير تذويق فيها عشان كده بتخرج جميله والاغنيه اللى بموت فيها طلع الفجر وذهب الليل المتصوره كارتون وبصوت محمد فوزى بس ما بقتش تيجى الايام دى خالص وبرضو اغنيه ابو الفصاد موعوده بيها كل عيد ميلاد لحد ما بطلت اعمل عيد ميلاد اصلا ايااااااااااام بقى قول للزمان ارجع يا زمانوبرضو مش هيرجع تحياتى

Rosie said...

أول زيارة للمدونة..
جميلة و بسيطة..
فاكرتنا بالأيام الجميلة..أيام الطفولة..طبعا لازم نفضل فاكرنها بكل ما فيها..براءة و نقاء

نيجار said...

رومانسي
بجد نورت المدونه بتاعتي
ومدونتك بجد تحفه
وفكرتني بأيام الطفوله الجميله
وسنتواصل بإذن الله
تحياتي

Sometimes said...

الظاهر انها حاله عامه على فكرة
هههههههههههههههههههههههههههههههههه
انا حاسه انى عجزت والله وقاعده بفتكر ايام زمان

بس كانت ايام جميلة بجد بكل ماتحمل الكلمة من معنى
وكنت بحس ان الكرتون كوتون
ولا برامج الاطفال كانت هايلة
وعروستى
ياااااااااااااه
الحمد لله
طيب ياريت ترجع

ShimaaMahdy said...

يااااااااااااه

انت عارف ان ماما كانت دايما و انا صغيره تشغلى الشريط بتاع الاطفال

و كان من ضمن الاغانى الاغنيه دى

كدا تفكرنى باايام الطفوله

انا عايزها تانى بقى مش ليا دعوة هه

عااااااااااااااااااااا
عاااااااااااااااااااااااا

اغرقلك انا بقى المدونه من العياط دلوقتى عشان تفكرنى كدا؟

عااااااااااااااااااااااا


بس تعرف انى لما بفكر فى ايام الطفوله بتاعتنا و الطفوله دلوقتى

بقول يااما احنا مش كنا اطفال يااما دلوقتى مش هما الاطفال

لو شغلت لطفل الاغنيه دى ممكن يضحك عليك ويقولك ياعم شغل الدنيا خربانه ولا الست لما ولا بقى لو طفل ركيك شويه

يقولك شغل عمرو خليك كووووول

:D

تحياتى



(:

3ashk el7ob said...

ايه يا عم رومنسى
انا حاسس ان انا فى كى جى تو
رجعتنى 20 سنه لورا
بس الحقيقه
انا اتمنى الايام دى ترجع تانى

romansy said...

بنت مصريه
انا مش عارف اشكرك ازاى على الدعوه الظريفه دى
انا بتمنى انى اتعرف اكتر اكتر على مدونين
وعلى عالم التدوين

رومنسى

romansy said...

nona
اولا شرفتينى بزيارتك بس انا ليه راى الانسان اوقات كتير بيحن لايام الطفوله
وطالما هو بيحب الايام دى
برضه الايام دى هتحبه
بشكرك على زيارتك

romansy said...

ضى القمر
انا مبسوط قوى ان البوست عجبك
بس اعمل ايه بس بحب ايام الطفوله قوى
بس انا بختلف معاكى ايام زمان كان الاهتمام بالطفل اكتر من دلوقتى
عشان كده كان فيه برامج مشهورة لغايه دلوقتى
غير الايام دى
بشكرك يا ضى القمر

romansy said...

كيارا
لا بجد نفسك تاكلى مصاصه تصدقى وانا كمان ممكن يكون الاحساس دا وصلك عشان الاغانى دى كانت من القلب
بشكرك يا قمر على زيارتك

romansy said...

smilyrose
بجد مبسوط لزيارتك قوى وكان انا فعلا بحب الاانى دى قوى ممكن عشان الواحد كان زمان بيتعمله عيد ميلاد
ودلوقتى لا
بس نعمل ايه الحاجه الجميله خلاص بقت ذكرى
بشكرك على زيارتك يا احلى ابتسامه فى الدنيا

romansy said...

fire bird
فعلا عندك حق والله فيه اغنيه بتقول لقتنى فجاه لقيتنى
وانا برضه لقينى فجاه وانا فى مكان شغلى بغنى الاغنيه دى والعجيب ان لقيت زميلى برضه بيغنوا معايا
وبيحبوها زى
بشكرك على زيارتك
يا ملاك
مش طائر النار

romansy said...

Purplewaves
هى دى ايام تتنسى انا برضه فاكر الاغنيه ديه اظن الزمن دا مش موجود غير جوانا احنا بس
اهم حاجه انه موجود

شكا على زيارتك وتعليقك الجميل

blue-wave said...

هههههههههههههههههه
ودى ايه اللى فكرك بيها؟؟
اوع تكون تحنت:))

romansy said...

yoyo
ايوه صدقينى هى وصلت لينا وسكنت فى قلبنا
لانها خارجه برضه من القلب
هى الاغانى دى راحت فين بس
هو انا لو سمعت ولادى انا شاء الله اغانى
اسمعهم مين بالظبط
بشكرك ياقمر

EMMY BABY said...

ههههههههههههههههههه

حلو جدا البوست ده

انا علطول بفتكر الاغنية دى والاغانى الجميلة بتاعت زمان انا كنت بنط معاها السبع نطات رغم انى مفيش علاقة بينى وبين الدباديب اصلا ههههههههههههه

اكيد انت حاليا بتحن لايام زمان وده اللى بيخليك تفتكر حاجات حلوة فيها

مبروك على النيولوك للمدونة

تحياتى

ايمى

romansy said...

Tamer Alhosiny
الى حبيبى الغالى القلبوظه تامر الحسينى
بشكرك على تعليقك وكويس ان البوست عجبك وبس هنعمل ايه يا تامر هى الايام دى تتنسى
على راى مطرب مش فاكره
كانت ايام وعدت
كانت ايام وراحوا

romansy said...

طوبة ذهب وطوبة فضة
ان عارفه اجمل حاجه فيكى اية؟
صراحتك انا فعلا بحب اكتب الحاجه اللى ف بالى على طول وكمان بحب برضه الاغانى ابو الفصاد وذهب الليل
هنعمل ايه بقى يا دكتوره
الحاجات دى جوانا ومش هتسبنا ابدا
مشاعر الطفوله مش هتتنسى ابدا
بشكرك يا قمر ع ذوقك

romansy said...

Rosie
اهلا باجمل روايح هلت علينا صباحك ورد

نورتينى طبعا طبعا
وشكرا على زيارتك
ويارب البوست يكون عجبك

romansy said...

نيجار
اهلا بيكى نورتينى وشرفتينى
على فكره الايام دى مش هنساها ابدا ابدا
دى فى قلبنا

romansy said...

Sometimes
اولا عجرت ايه بس سيبك م الاحساس دا
عيشى فى كل لحظه اللحظه
مهما كانت بقى حلوه مره زى ما تكون
المهم تكونى سعيده
فعلا ايام زمان كانت عمرها ما هتنسى

romansy said...

ShimaaMahdy
خلاص بقى بطلى عياط خلتينى اعيط انا كمان
يعنى قولى اعمل ايه يعنى حاجه وجت على بالى اكتبها ولا لا
بس انتى عندك حق ايم زمان بتاعتنا احنا
كانت غير دلوقتى
هناك فرق

romansy said...

blue-wave
اهلابيك
اعمل ايه بس افتكرتها وخلاص
عشان بحبها ومتخفش ياعم انا مش تخين ولا حاجه
نورت المدونه

romansy said...

EMMY BABY
ايمان انا فعلا بحب ايام زمان قوى
واتمنى انها ترجع تانى وانا كمان كنت بتنطط
على الاغنيه بس انا زى الدب فى شرسته
هههههههههههههههه
شكرك على تعليقك
والله يبارك فيكى على النيولوك

princess said...

وعشان خطرى نطى يا شيخة 7 نطات ههههه
كانت دبدوبة فاضية:)
فاكر كمان بولا بولا:)
وابريق الشاى:)

اغانى كانت حلوة اوى واغنية نيلى بتاعت اللعبة متشدش متشدش انتى ههههههه
ياه فكرتنا بايام الشباب:)
تحياتى

شخـا بيــط مـحـجـوب said...

هههههههههههههههه
الله عليك يا عم رومنسى بس كفاية علشان انا خايف عليك من كتر النط وعاوز ائلك ان فعلا الاغنية دى بالخصوص لية ذكرى رهيبة معايا وعاوز ائلك كمان ان انا كل لما اسمحها حتى لو فى وقت دة بحس بنفس الاحساس او الشعور اللى حسيتة اول مرة سمعت فيها الاغنية دى وهو كان شعور بالخجل والكسوف مش عارف لية بس يمكن هلشان كان سعتها فى



تحياتى
mahgoubشخابيط

prince4ever said...

من اجمل اغاني الطفوله على اختلاف اشكالها
وبعدين ده كيف عند الناس انها تسمع الاغاني القديمة لانها دايما مرتطبع بذكريات قديمه -حلوه وحشه-اهي قديمه والسلام
طبعا احييك عالرومانسيه يا رومانسي
اخوك في الرومانسيه
رامي..حينما تكلمت قلت
اخوك في الواقعيه
رامي...قصاصة ورق
تحياتي

Habiba said...

الله عليك
تصدق انا بحب الاغنيه دى جدا جدا جدا
وكان نفسى اسمعها
والله بجد انا فرحانه قوى
حاسه نفسى رجعت زمان تانى
ميرسى اوى ليك
دمت بخير

romansy said...

princess
اهلا بيكى ايتها الاميره
نورتينى
والله يا اميره الايام دى مش هترجع تانى
كانت اجمل ايام
بس يالله
احنا عايشين

romansy said...

شخـا بيــط مـحـجـوب
لية بس كده انا مش قصدى احسسك بالخجل دا انا بس افتكرت الجاجات الجميله دى قولت ارجعها تانى
منورنى يا مان

romansy said...

prince4ever
منورنى يا رامى
الاغانى دى مش هتعوض تانى
منور المدونه يا برنس

romansy said...

Habiba
الحمد لله انى قدرت افرحك واسمعك الاغانى اللى انتى بتحبيها
يارب تكونى مبسوطه على طول



رومنسى

Lady E said...

كل حاجة في الوقت ده كانت جميلة

وخصوصا اغاني الاطفال

بجد كنت بحب الاغنية دي جدا

بوست جميل ورجعني لأيام جميلة تسلم ايدك

romansy said...

Lady E
ربنا يخليكى انا طبعا بتمنى ان الايام دى ترجع تانى وانا مع اعز الناس اللى بحبهم
تحياتى
نورتى

شمس النهار said...

كل مايمر بنافي الطفوله يحفر في عقولنا وقلوبنا
ودائما مايحن القلب الي هذه المشاعر
البريئه

Happy Hope said...

أغانى الأطفال زمان كانت حلوة أوى
مع الأسف مفيش أغانى دلوقتى على نفس المستوى

بس انا جاى على بالى دلوقتى أغنية الكتاكيت اللى بتغنيها صابرين
:)

سميرة said...

رومانسي
البوست جميل وفكرتنا بالذي مضى
الطفولة وكل احداثها ايام ماكان فينا براءة وبنحب كل الدنيا
بس تعرف انا بحب اوي اغنية محمد فوزي ذهب الليل طلع الفجر والعصفور صوصو شاف القطة قالها بس بس قالت له نونو ..إلخ
تحياتي

زُمُرده said...

اعتقد ده حنييييييين للماض
لاحساس مفقود في حياتك
مش مجرد كلمات وعدت
ويمكن لأ
كل سنه وانت طيب يا جميل

romansy said...

شمس النهار
دايما الماضى افضل من الحاضر
لانه فية الواحد مش عليه مسئوليه
عشان كده الواحد فينا كان طاير من السعادة
بشكرك على متابعتك

رومنسى

romansy said...

Happy Hope
ههههههههههههه
دى الاغانى دى كانت ممتازة والله
ومفيش زيها دلوقتى فعلا
ممكن يكون عشان دلوقتى مفيش اطفال
فيه عفاريت
بشكرك

على رقتك


رومنسى

romansy said...

سميرة
احنا فعلا لينا حظ اننا نستمتع بالاغانى دى
الحمد لله انا فى حياتنا حاجات حلوه كده
بشكرك
ونورتى المدونه

رومنسى

romansy said...

زُمُرده
نورتى المدونه
دا حنين لكل حاجه حلوه جوايا
ايام اللعب والتنطيط
والحريه
ياةةةةةةةةة
ايام جميله فعلا
شرفتينى

قلب شاعره said...

هههههههههههه طبع فاكره الاغنيه دى كانت جميله اوى .. رغم ان الدبدوبه تقلها تقل الطوبه ... هههههههه

سلوى said...

:)

فاكراها

كانت أيام

كل سنه وانت طيب وبخير وسلام أنت وكل الأسره

شخـا بيــط مـحـجـوب said...

ولا يهمك يا قيصر عادى جدا عاوز ائلك مبروك على تحديث المدونة بجد جميلة اوى ويارب تكون ديما جميلة على طول وديما فى ابداع مستمر

romansy said...

قلب شاعره
وكمان نطه ونطه كمان
وعشان خاطرى
تزورى المدونه تانى يا قلب شاعره
بشكرك

romansy said...

سلوى
اهلا بالقمر
نورتينى ونورت المدونه
يارب يكون الموضوع عجبك
والمدونه عجبتك

romansy said...

شخـا بيــط مـحـجـوب
ايه يا حبيبى
الصداقه بقى هى اللى تجبرك على بينا
نورتنى يا غالى

Selfmeaning said...

مفيش احلى من الاغانى ديه

فكرتنى بايام البراءة و الطفولة المشرده

:)

romansy said...

Selfmeaning
الحمد لله انها لسه موجوده
البراءه والحب دول عمله نادره دلوقتى

شخـا بيــط مـحـجـوب said...

ربنا يخليك ليا يا جميل انت فعلا انسان جميل والصداقةالحقيقية فعلا هى اللى بتئربنا لبعض حتى ولو احنا مش مع بعض

romansy said...

شخـا بيــط مـحـجـوب

بشكرك يا حبيبى على تواصلك معايا

EMMY BABY said...

انت يا رومنسى فى حاجة بتعملها غلط ايه هى مش عارفة

بس بيجيلى اسم البوست اللى انت ناوى تعمله قبل ماتعمله

يعنى البوست الجاى هيكون عيد فطر عليكوا سعيد

ههههههههههههههههههههه

حرقت المفاجاءة طول عمرى غلسة

يلا زى بعضه

تحياتى

ايمى

romansy said...

EMMY BABY
انت فينك واحشانى
الحركه اللى بتحصل دى مقصوده
انا بقصد بيها التشويق للموضوع الجديد
تكنولوجيا بقى

EMMY BABY said...

ايه ياحمد انت عملت كمان تعديل فى البوست الجديد هههههههههههه اخبارك بتوصلنى اول باول احترس

romansy said...

EMMY BABY

انتى فى المخابرات
وانا مش عارف
دا كده كتير عليه
بس شكرك على اهتمامك بجد

.. نرمين زين الدين .. said...

السلام عليكم ورحمة الله و بركاته
رومانسي

أحب أن أقول لك أن أجمل الأحاسيس
هي أحاسيس الطفوله
و أجمل ما شعرت به وأصفاه هو ما تذكرته من أغاني تمس فترة الطفوله بقوة ....

أدام الله عليك صفاء الأحاسيس هذه
كل عام وأنت بخير

romansy said...

نرمين زين الدين
كل سنه وانتى طيبه
وفعلا اجمل احساسيس هى الطفوله
دايما كده منورانى

أحلى حياة said...

ههههههههههههههههههههه

عاقلة علي ارض الجنون said...

ههههههههههههه

ذاكرة أذني تحوي نصفها علي أغاني الطفوله المشرده :)

:)

تحياتي انا بحب الاغنيه دي انا كمان :)

romansy said...

أحلى حياة

اجمل ضحكه

بشكرك

romansy said...

عاقلة علي ارض الجنون
وانا كمان بموووووووووت فيها

شكرا على متابعتك