بيقولوا عيدك النهارده
هو عيدك له ميعاد
انتى نسمه جميله بارده
انتى ميه انتى زاد
انتى ياما اكلت اكلك
انتى ياما شربت شربك
احضنينى بقوه يا امه
طفى شوق جوايا قاد
انتى نسمه وقت ماتكون دنيا حر
انتى مركب عدى بينا لاحلى بر
انتى فرحه مليا قلبى ويبعد عنك كل شر
انتى ساكنه جوه قلبى انتى شوق قد البلاد
مهما اكتب مهما اوصف مش هوفى ف يوم جمايلك
مهما اديلك عيونى مش هنعرف نعمل عمايلك
انتى جنه عايشه ارض
انتى حنه وحنان وورد
انا كنت ارض بور
وبيكى بس اتمليت حصاد
بيقولوا عيدك النهارده
هو عيدك له ميعاد
4 comments:
كل سنة وكل الأمهات بخير
وسنة سعيدة على كل الأمهات
وكل سنة وإنت طيب أحمد باشا
Gamal Abu El-ezz
حبيبى يا جيمى وكل امهاتنا بخير يارب
الله يا رومنسى على الكلمات المعبره الجميله
حسيتها تلقائيه اوى طالعه من جوه القلب
ربنا يبارك فى كل الامهات ويعطيهم الصحه والعافيه
امين
قمر وليل وغيوم
انتى فين يا قمر
الام دى حاجه تانيه خالص وانا مهما قولت مش هعرف اعبر
منورانى يا قمر
Post a Comment