Monday, March 21, 2016

عيد الام


بيقولوا عيدك النهارده
هو عيدك له ميعاد
انتى نسمه جميله بارده
انتى ميه انتى زاد
انتى ياما اكلت اكلك
انتى ياما شربت شربك
احضنينى بقوه يا امه
طفى شوق جوايا قاد
انتى نسمه وقت ماتكون دنيا حر
انتى مركب عدى بينا لاحلى بر
انتى فرحه مليا قلبى ويبعد عنك كل شر
انتى ساكنه جوه قلبى انتى شوق قد البلاد
مهما اكتب مهما اوصف مش هوفى ف يوم جمايلك
مهما اديلك عيونى مش هنعرف نعمل عمايلك
انتى جنه عايشه ارض
انتى حنه وحنان وورد
انا كنت ارض بور
وبيكى بس اتمليت حصاد
بيقولوا عيدك النهارده
هو عيدك له ميعاد

4 comments:

Gamal Abu El-ezz said...

كل سنة وكل الأمهات بخير
وسنة سعيدة على كل الأمهات

وكل سنة وإنت طيب أحمد باشا

romansy said...

Gamal Abu El-ezz
حبيبى يا جيمى وكل امهاتنا بخير يارب

قمر وليل وغيوم said...

الله يا رومنسى على الكلمات المعبره الجميله
حسيتها تلقائيه اوى طالعه من جوه القلب
ربنا يبارك فى كل الامهات ويعطيهم الصحه والعافيه
امين

romansy said...

قمر وليل وغيوم
انتى فين يا قمر
الام دى حاجه تانيه خالص وانا مهما قولت مش هعرف اعبر

منورانى يا قمر