يا اهل الهوى دلونى ازاى انا اوصل بركم
جوايا شوق وحنين ف قلبى شايله لكم
شايله بقالى سنين ف قلبى لاجلكم
بس النصيب جاى ليه ضدكم
ارضى اهلى ولا قلبى بالرغم انى اخترتكم
دلونى وانا اجاى مشى لحدكم
جوايا شوق وحنين ف قلبى شايله لكم
شايله بقالى سنين ف قلبى لاجلكم
بس النصيب جاى ليه ضدكم
ارضى اهلى ولا قلبى بالرغم انى اخترتكم
دلونى وانا اجاى مشى لحدكم
10 comments:
اول كومنت
كدا اعلق بقى براحتي
بص دا الصراع الدائم ما بين الحب ورضا الاهل
غالبا الاهل بيكون ليهم نظرة صح لان لما تكون بتحب بتكون مش شايف عيوب الانسان اللي قدامك
الحل بيكون النقاش في محاولة لتقريب وجهات النظر ويا اما تقنعهم برأيك يا اما يقنعوك برأيهم
بس دا ميمنعش ان الاهل كتسر مش بيحاولو يعرفو حتى الانسان اللي انت اخترته وبيحكمو تعسفي كدا
وفي الحالة دي بيظلمو ابنهم او بنتهم
التعليق التالت بقى
انا مجتش هنا من زمان ووحشتني بوستاتك الرومانسية دي
ادعيلي بقى علشان عندي امتحانات عاااااااااااااااا
اكيد الاختيار صعب
بس انا شيفة ان الاختيار الغالبا بيكون اصح هوة الاهل لانهم اعلم
تحياتي
ازيك يا رومانسى
ربنا معاك المعادله صعبه
بس حاول تقنعهم واوعى تتخلى عن حبك
وفى نفس الوقت ارضى اهلك
بس امانه عليك تطمنا عملت ايه
رأيى انك تختار رضا اهلك طبعـــــــــا
عارف انت مشكلتك ايه ؟ انك ما جبتش الموضوع من كل زواياه م الاول وشوفت اذا هينفع ولا لأ . وإذا فى شىء هيعوقه ولا لأ . الجواز والحب بالذات ما ينفعش فيهم المخاطره . ماينفعش اقول انا باحب فلانه وهاعمل ما لا يعمل علشانها . ف حين إن حتى اللى ما لا يعمل دا مش هيفيد بحاجة , دا إذا نفع تعمله اصلا
الاهل ديما بيفكروا صح . بس احنا اللى بنقاوح ف الغلط
انا مش مع حنين خالص , لأن الموضوع اتحسم خلاص , والاهل لازم يكونوا صح
تحياتى .. وعايزه اسمع عنك اخبار حلوه قريب
العقل بيقول ارضي اهلك
والمتطق بيقول موش دايما الاهل على صواب
معضلة حقيقي كان الله في عون كل من وقع بين فكيها تحياتي
السلام عليكم اخ رومنسي
كلام بسيط و معبر يوصل الفكرة بسهولة
تسلم يدك
سلام
يا عينى عليك يا باشا
لسه جميل وهادى زى ما انت
حبك من نوع خاص ونادر ومختلف اوي يا احمد
دايما بتبهرنا بكلماتك
هي بيطة وقليلة بس في قمة الروعة وبتحمل معاني جميلة
تحياتي
Post a Comment