Friday, June 11, 2010

اجابات اجبارى


جاءتنا تلك الاسئله من مدونه زى الهواااااااااا بالرغم من
هذه الاسئله غير مقرره بالمنهج ولكن لاننا مش رخمين هنجاوب مجبرين

رتب الاتى حسب اهميتها بالنسبه لك
الصداقه _ الحب _ العائله_ المستقبل _ المال

الاجابه هى الترتيب الافضل بالنسبه ليا انا رومنسى
هو
العائله
الحب
الصداقه
المستقبل
المال

اما اجابه السؤال التانى
عرف الحب فى جمله صغيره حب الحبيب و الحبيبه
وهل يمكن ان نعيش بدون حب (الحبيبه او الحبيب برده ) ؟؟؟
2_ ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟
دول اولا مش سؤال واحد دول شويه اسئله فى بعضيها
بس كل اللى نجدر نجوله ان الحب دا زى القدر مفيش حد يقدر يقف قصاده ولو ليا نصيب فى حبيبه ان شاء الله هتكون شريكه حياتى
ممكن ان نعيش بدون حب بس هتلاقى فرق كبير قوى قوى قوى بعد ما تحب
هتحس ان الدنيا مش هيا الدنيا دنيا الوقت فيها بيعدى بسرعه لما بكون معاها
بنحس ان كل شئ جميل اللى بنكره بنحبه
واللى بنحبه بنحبه اكتر حاجات كتير بتتغير
اما بقى عن الرساله هقدر اقولها انى بحبها قوى وهحبها اكتر واكتر فى كل يوم بيعدى علينا
من جوازنا مقدرش اقول ان الحياه هتبقى وردى بس معاها الصعب يعدى
يا اغلى ما عندى فى الدنيا
اظن كده خلصنا الواجب يا ميس

8 comments:

MISS\GH said...

لgاول تعليق



والتقدير المناسب ................امتياز بنسبه95%

ميس \غدير

فتافيت said...

مممممممممممم

كلام جميل .. كلام معقول
ماقدرش اقول حاجة عنه

سؤالين كلابيظ صحيح
بس اجابتك حلوة بجد

كلام من قلبي said...

اجبات حلوة
وكلام جميل
واكيد محدش يقدر يعيش من غير الحب

عالم ماريونت said...

اجابات رائعة يا رومانسي

انت عندك حق فعلا
محدش بيموت من قلة الحب بس فعلا شكل الحياة بيختلف تماما

انا مع اني محسيتش الاحساس ده بس انا متأكدة انه هيفرق معايا كتير

بوست مميز كالعادة

رنا

yasmina said...

هاااااااى ازى حضرتك رجعت بعد غياب وبجد المدونة دى وحشتنى جدا

وبجد وحقيقى البوست جميل اوى واسئلته حلوة جدا والاجابات احلى كمان

تحياتى دايما

ميرا ( وومن ) said...

يا إجاباتك يا رومانسي

لا والله ما قصرت وحليت الواجب تمام التمام

gogo!sf said...

النتيجه

عشرة على عشرة

برافو يا احمد طلعت الاول على الجمهوريه فى الاجابات

وطبعا احنا بنخيرك تحب مكان عش الزوجيه فى اى مكان

وليك مطلق الحريه انت وشريكه حياتك

بجد اسئله جميله واجاباتك صح جدا
واجمل حاجه انك اختارت العائله الاول والمال الاخر

ولكن ليه تعقيب بسيط ارجو ان تتقبلو

الحياه الزوجيه مع الانسانه اللى انت بتختارها بتكون اجمل حياه فعلا وكل الاوقات بتكون وردى اذا كانتم بتتبادلو الحب والاحترام والتفاهم

واذا ده تم بتكون الحياه الزوجيه والحب دايما فى المركز الاول

بكرة تجرب وتقول ان جوجو عندها حق

ربنا يسعدك ويوفقك ان شاء الله

سامحنى انى طولت عليك

انت اخبارك ايه يا رب تكون بخير يا قمر

جوجو

زى الهوا said...

جميل

ممتاز

اهه خلصت الواجب تمام

وتاخد عشره على عشره

اجاباتك حلوه جدا

برافو عليك

(وش بيصقف)