Thursday, April 22, 2010

انا عمرى ليكى

حلمى اكون معاكى فى كل وقت وكل ثانيه
حلمى تعيشى ليه ويملا حبك الدنيا
حلمى بسيط احلمه وانا بين ايديكى
تعيشى انتى ليه واعيش انا عمرى ليكى
وافكر وافكر ايه تانى اتمنى
واتمنى ايه وانتى ماليه الكون عليا
حلمى اكون معاكى فى كل وقت وكل ثانيه

30 comments:

طوبه فضه وطوبه دهب said...

حلمى ابقى ليك وتفضل العمر ليا
حلمى اخاف عليك وتكون رموشى عليك مدريا
حلمى افضل احبك ولحد اخر دقيقه وثانيه
وتفضل مالى قلبى ومالى الدنيا عليا
استاذ ورئيس قسم والله

romansy said...

طوبه فضه وطوبه دهب
مين بس اللى استاذ يا دهوبه
انتى اللى استاذه ورئيسه قسم
يا ارق قلب دهب

نورتينى
واول تعليق كمان

زهور الامل said...

عارف يا احمد
اللي بيحب حد بجد بيبقى عايز دايما يكون معاه ودايما يسمع صوته ويكون قريب منه ومش يفارقه ابدا

كلماتك حلوة زي قلبك

تسلم ايدك

Nasimlibya said...

4th
ايوة يا عم رومنس


دمت بكل خير يا باشا وخليك متفائل ع طول

حـــــ الــجــنــة ـــــور said...

ربنا يجمع كل المتحابين على الخير

قلمك مبدع زي العادي ياطيب


دمت بخير

rody said...

جميله يااحمد
وعبرت بكلمات بسيطه جدا عن شعور كل حبيب لمحبوبه

.(اجمل ما فيها عنوانها( انا عمرى ليكى
فدائما الحبيب لا يستخسر اى شئ على محبوبه فالواحد منا لايمتلك شئ اغلى من العمر حتى يهديه لمحبوبه
تقبل مرورى
رودى

لاسع افندى said...

رومانسى اصلى


تحياتى

romansy said...

زهور الامل
اهلا يا امل
اللى بيحب حد بيقى عاوزه يبقى حياته وعمره وكل شئ يملكه فى الدنيا دى
نورتينى يا امل
واتمنى ان كل انسان يلاقى اللى يتمناه

romansy said...

Nasimlibya

اهلا نسمه
رومنس زى ما هو وبيحاول مش يتغير
انتى ايه اخبارك واخبار كل اللى عندك

romansy said...

حـــــ الــجــنــة ـــــور
اهلا حوررر
الجنه
قولى اااامين يارب
يجمعنا كلنا على خير وسلام دايما يارب


تحياتى

romansy said...

rody
اهلا رودى نورتينى بزيارتك الجميله
ولو فيه اغلى من العمر كنا نتمنى نهديه لحبيبنا
نورتينى

romansy said...

لاسع افندى

اهلا يا استاذنا

احنا كلنا جوانا الكلام الحلو دا بس لما نحس بيه بيزداد حلاوه

نورتينى يا استاذ

miroooo said...

جميل اوى يا احمد
ربنا يجمعك بمن تحب
مش جديد عليك الومانسيه دى
دمت رومانسيا
تحياتى لك ولقلمك

ليله شتاء said...

السلام عليكم
كلمات بسيطة وجميلة جدااا

دام قلمك

شمس النهار said...

ياسيدي ياسيدي

المختصر المفيد
:))

كلام جميل كلام مظبوط
مااقدرش اقول حاجه عنه
:))

assafo anaroze said...

رومنسي يسعد صباحك
صغيرة بس معبرة
ايه احلى من ان الانسان يعيش مع من يحب اقصى الاماني يا رومنسي
مودتي

فراشة said...

حلمك جميل جدا يا رومنسى
وكله ورود ودنيا جميلة ربنا يحققلك احلامك وبجد تلاقى اللى تملا الدنيا ورود زى ماانت بتملاها كده عليها

منــار فايد said...

ربنا يحققلك كل احلامك يااحمد
وعن قريب كلها ان شاء الله

تحياتي

ندا منير said...

لما بنحب بجد

بيبقى اهم حلم لينا حبيبنا يفضل جمبنا كل ثانية وكل لحظة

أميرة الرومانسية said...

احلام بسيطة اوي لكن فيها الحياة كلها
اجمل ما في الحياة الحب وانك تبقي مع تقضي عمرك كله معاه

لما قرأت كلامك افكرت احلامي لانها برضو بسيطة اوي لكن للاسف عمرها ما بتتحقق وده بجد أصعب احساس

عالم ماريونت said...

عزيزي رومانسي
انا بقالي فترة منقطعة عن التدوين بس الحمد لله رجعت تاني
==========================
بالنسبة للبوست
مميز كالعادة و بهنيك عليه
حاول بقى تشوف طريقك في الشعر الغنائي
وربنا يوفقك يارب

رنا

romansy said...

miroooo
اهلا بيكى يا ميرووووووو
مش انا لوحدى اللى تدعيله الدعوه الجميله دى ربنا يجمعنا كبنا باللى بنحبهم يارب

تحياتى

romansy said...

ليله شتاء

اهلا بيكى

نورتى المدونه ويارب نسعد كلنا يارب

بشكرك على زيارتك

romansy said...

شمس النهار

اهلين اهلين بشموسه اخبار حضرتك ايه
والله دايما بتسعدينى واتمنى اننا نشوفك تانى يارب على خير

romansy said...

assafo anaroze
اهلا بيك
اجمل شئ فى الدنيا اننا نسعد باجمل انسان حبه قلبنا
يارب دايما نفضل كده سعدا ومنحرمش من السعادده ديه


نورتينى

romansy said...

فراشة
ايزيك وايه اخبارك
هتيجى يا فراشه هتروح فين يعنى كله لقا ونصيب منورانى يا فراشه واتمنى بقى انك تكتبى بوست جديد
تحياتى

romansy said...

منــار فايد
ايزيك يا دكتور ايه اخبارك واخبار مذاكرتك وحياتك
ربنا يحقق لينا كلنا اللى نتمناه
وتبقى اكبر دكتوره فى الغربيه كلها واجى اكشف عندك اول كشف مجانا

romansy said...

ندا منير
اهلا اهلا بالصحافه كلها
ولما نحب بجد بيقى كل هدفنا اننا نقدر نسعد حبيبنا ونفضل جنبه دايما

تحياتى

romansy said...

أميرة الرومانسية

اهلا اهلا باميره الرومانسيه
اخبارك ايه الاحلام البسيطه طول ما احنا متوكلين على ربنا ان شاء الله هييعنا نقدر نحققها
بس نتوكل على ربنا
الاحلام ببتجقق بايدنا وبعون الله

تحياتى

romansy said...

عالم ماريونت

اهلا اهلا اهلا بيكى يا رنا

نورتى المدونه والدنيا كلها

كنتى غايبه ليه عننا بقى الفتره اللى عدت دى
على العموم ربنا يوفقك والمهم دلوقتى انك معانا