Sunday, April 4, 2010

مهما روحتى


مهما روحتى أبعد بلاد
مهما طـــال بينا البــعاد
برضه قلبى لسه فاكرك
لســه فـــاكر كل كـــلمه
لســه فـــاكر كل همسه
لسـه فـــاكر سعادته جنبك
روح ف صــحرا او فى مينا
هتلاقى قلبى ف بحرك سفينه
هتلاقى حبك جواه زاد
مهما روحتى أبعد بلاد
ومهما طال بينا الــبعاد
انتى قلــبى وانا قلبك
وبرغم بعدى انا اقربلك
روحـــى مهـــما تروحى قلبى
مستنى برضه فى الميعاد

72 comments:

مجرد فتاة said...

اول تعليييييييييييييييييييييق

مجرد فتاة said...

مهما طال بينا الــبعاد
انتى قلــبى وانا قلبك
وبرغم بعدى انا اقربلك

تسلم ايدك
فعلا انا مش عارفة انت بتجيب الكلام دة كله منين

SHAPE YOUR LIFE (ABOALI) said...

استنى برضوا فى المعياد
بس خلى قلبك مفتوح
خليه دايما"
قلب عاشق
قلب فى وسطه كروان
عرف السماح وبقى قلب راشد

يا عينى على الناس الرومانسية قلبهم فعلا نابض

كما تعودت منك مهما روحت ابعد بلاد
الحرف مع الحرف فى ايدك من السعداء

تقديرى
بس منوفى برضوا

مجرد انسان said...

احساسك العالى ظاهر اوى فى كلماتك بجد جميله ويتحس فيها بالجديه مش مجرد كلام مكتوب بالتوفيق دايما

Nasimlibya said...

6th
سااااادس تعليق

شن يا رومانسي شن القصة والتفاصيل؟؟؟
خليك متفائل ورومانسي زي معرفناك يا بوقلب ابيض

Just waiting said...

جميلة يا رومانسي
وبرغم بعدى انا اقربلك
روحـــى مهـــما تروحى
هستنى برضه فى الميعاد
عجبني روح تمسكك بحبيبتك رغم البعد
ولو سمحت هاتلي من دا كمان
لو مش لاقي دول ماليين الكافيهات
ماتضحكش عليا زي المرة اللي فاتت

منــار فايد said...

جميل أوي يااحمد
انت فنان متميز كالعاده
صدقني بحب اقرالك جدااااااااا

تمنياتك لك بكل جديد

wasf_elahsas said...

مهما طال بينا البعاد
حتي لو قاسيه الزكريات
ولو نسيتي كل ال فات
عمر ال في قلبي عمره ما مات
مهما طالت بينا السنين
ولا زاد جوانا الحنين
ليكي في قلبي لهفة شوق وتعب سنين
حب ولا عمر ولا جرح لسه ما نام
مقدر لحظة علي الالام
تعبت وبتدور السنين
شايله ريحتك في كل لحظة في كل ساعة جايه جواها انين
لسه شايلك حاجات
حكايه عمر عدا من غيرك فات
مستني يوم تحن القلوب
وتروي عطشي من هم السنين

جميله الخاطرة تسلم ايدك

تحياتي

هي وظروفها said...

حلوه كمشاعر محب لحبيبته وفرقت بينهم الظروف كشعر
او غنوه حلوه

انما كواقع واسال مجرب اللي عايز يمشي بمزاجه الباب يفوت جمل

واللي بييع انهارده

بكره يعرف قيمه اللي باعه

انما قولي ياااد يا احمد

انت بتحب اليومين دول ولا ايه نشاطك العاطفي

اعترف بسرعه؟؟؟؟؟؟؟؟؟؟؟

زهور الامل said...

الحب الحقيقي بيدوم حتى لو زاد وطال البعاد
واللي بيحب حد بجد عمره ما بينساه مهما كانت الظروف وحتى لو كان بينهم الاف الاميال

بس انت يا احمد اليومين دول قلبك اخضر ومنعنع اوي شكلك غرقان في الحب لشوشتك
هنيالك ياعم

تحياتي

صوت من مصر said...

يا بختها بيك يا احمد

E73 said...

بسم الله الرحمن الرحيم
السلام عليكم ورحمة الله وبركاته

قصيدة جميلة كما عودتنا

ولكن هتفضل مستني لأمتى؟

norahaty said...

ومهما طالت الايام
الحب الحقيقى ما يتناسش
ابدا يااستاذ رومنسى

norahaty said...

كلماتك جميلة
يارومنسى زى
ماعودتنا دايماااا

Sad Angel said...

كما اعتدت
احساسك بالكلمات بيديها معنى فوق الرائع

emymony said...

احساسها جميل اوى
لما قرتها افتكرت اغنيه لاصاله اسمها قد الحروف
حسيتها اوى فى كلامك
تسلم ايدك
تحياتى

romansy said...

مجرد فتاة
اول تعليق
اتارى الدنيا منوره

romansy said...

مجرد فتاة
اهلا اهلا بمجرد فتاه منورانى
وبعدين الكلام دا بيجى لوحده كده

romansy said...

SHAPE YOUR LIFE (ABOALI)
اهلا عمى ابو على الغالى
اخبارك ايه
رومانسيه ايه يا عمونا والله ادينا عايشين كفايه علينا الستر
يا غالى

انا منوفى برضوا بس افتخر انى منوفى
وبعدين حبيبنا رجع بالسلامه
واللحمه غليت والبلد ولعت
عادى خالص

romansy said...

مجرد انسان
اهلا بيك يا باشا منورنى
هو دا احساس كل شاب

نفسه يتاهل بقى

منورنى يا ريس

romansy said...

Nasimlibya
اهلا يا نسمه
كل حاجه حوالينا بتتغير عادى خالص بس احنا بنحاول نكون زى ما احنا بنحارب يا نسمه
وان شاء الله هنقدر

تحياتى

romansy said...

Just waiting
اهلا اهلا اهلا
بالدم الخفيف
اجيبلك من ايه بس يا بنتى دا شئ نادر اصلا انك تلاقى حد متمسك بحد انا عن نفسى بحلم بكده والله لو عندك انتى هاتى

وبعدين اللى فى الكافيهات دول مضروبين صينى
وانتى لسه فرع اخضر
خليه اخضر كده
ومنور

romansy said...

منــار فايد
ماشى يا دكتوره اضحكى عليا بكلمتين حلوين
بس برضه بعيده ليه عننا

romansy said...

wasf_elahsas
اهلا بيكى
خاطره مين اللى جميله تعلييقك انتى اللى اجمل اندمجتى مع كلامى
تشرفت بيكى يا وصف
واتمنى دايما مزيد من التواصل
بشكرك جدا جدا
على زيارتك الكريمه

romansy said...

هي وظروفها
يا اهلا اهلا بعمى وليد منورنى يا استاذى
انت بتحسسنى انك عشت مليون تجربه قبل كده مش تلاته بس
انما حته الباب يفوت جمل مش معاك فيها ساعات الانسان بيصعب عليه حلم السنين كده يتهد فى لحظه
ههه
اعترف بايه يا بيه
بس
لا نشاط عاطفى
ولا قانونى حتى
حبه تخاريف نتيجه ضغط الشغل بيس
وباجى ادوشكوا بيها

بس



منورنى يا غالى

romansy said...

زهور الامل
اهلا اموله
احنا قلنا حاجه بيدوم بس لو حقيقى لو عارفه ان حبيبها بيحبها وهو دا الانسان اللى هيقدر يسعدها
غرقان ايه بس يا امل
الله لا يوريكى التعب اللى احنا فيه حبه تخاريف كده بس لغايه لما نلاقى بنت الحلال اللى تريح الواحد بقى

romansy said...

صوت من مصر
اهلا بيك يا عم كيمووووو
اول مره احس انك بتقولها من قلبك
بس ادعيلى يا كيمووو الاقيها الاول

romansy said...

E73
يا اهلا بيكى
هستنى امتى بقى
انا اتعودت على الصبر
وادينى صابر لغايه لما الاقيها علشان انا عندى احس سنه واحده سعيده على انى اعيش عشره تعيس

romansy said...

norahaty

اهلا يا دوك
نورا

ادينى مستنى اهو وهشوف هيتنسى ولا لا

romansy said...

norahaty

الله يخليكى يا دوك


مش عارف بقى هتستمر ولا لا

romansy said...

Sad Angel
والله انتى اللى عيونك جميله وطيبه علشان كده شايفه الدنيا كلها جميله

romansy said...

emymony
ومين بس مش بيحب اصاله ياريت بس اقدر اكتب ربع الكلام اللى بتغنيه بشكرك جدا جدا

كيكى عوووووو said...

وراها وراها
يعنى مفيش مفر
عوووو

7annen said...

تسلم ايدك
حلوة اوى

Haytham Alsayes said...

كلماااااااات جميلة ورائعة





تحياتي

sony2000 said...

بجد كلام راااااااااااااائع جدا جدا وعجبني
واول مره اعلق هنا ومش هتكون اخر مره بأذن الله

salwa said...

السلام عليكم اخ رومنسي
ما اجمل الصدق الاخلاص و الوفاء
ادراج شفاف و معبر
تسلم يدك
سلام

فراشة said...

جميلة قوى يا رومنسى
مااظنش انها حتبعد اول ماحتسمع الكلام ده

حلمى البعيد said...

الله عليك يارومنسي

لا بجد كلام تحفه يسلم مشاعرك وأحاسيسك

وربنا يوفقك يارب

مهما طال بينا الــبعاد
انتى قلــبى وانا قلبك
وبرغم بعدى انا اقربلك

أجمل حاجه إن الإنسان يلاقي حد قريب منه بيحبه ويخاف عليه
ووقت ما يحتاج يلقيه جنبه وحاسس باللي جواه

كلامك جميل وأثر فيا

أنا كان نفسي أجى بدرى عن كده بس مكنتش بدخل

تتعوض المره الجايه

تحياتى لك رومنسي

زى الهوا said...

كلام جميل

بس لو على الواقع بقى :


اكيد الظروف اللى مفرقاكم

انساها وخليها ذكرى حلوه

وابقى ابتسم لما تفتكرها

يارومانسااااااااوى

د/ رامي شهاب الدين said...

تسلم إيدك يابشمهندس .. رائعة بجد

الكلام معبر وإحساسه عالى

الصورة عجبانى جدااااا

دمت بكل الود .. تحياتى

صدى الصمت - عاشقة الورد - said...

روحى مهما تروحى قلبى
مستنى برضه فى الميعاد
--------
كلمات رائعة جداً وإحساسها عالى قوى
تحياتى

إمرأه من ثلج said...

فى مثل بيقول البعيد عن العين بعيد عن القلب انا مش مقتنعة بالمثل دة وكلامك اللرائع بردة اكد على كدة لان الحب مش بقرب الاماكن اوبعد الحبيب
تحياتى لمشاعرك الراقية

romansy said...

كيكى عوووووو
اللى بيصمم على شئ هيوصله
وبعدين دى مش اى شئ يعنى

romansy said...

7annen
اهلا حنين
ايه اخبارك واخبار دراستك

انتى فين غايبه عننا ليه كده

romansy said...

Haytham Alsayes اهلا بيك يا هيثم
منور المدونه المتواضعه
بشكرك جدا جدا

واتمنى ان شاء الله مزيد من التواصل

romansy said...

sony2000
اهلا بيكى يا سونى

طبعا اتشرف انك تعلقى عندى
واتمنى زيارتك والتواصل الدائم

romansy said...

salwa
والله يا استاذه كل مره بتحرجينى بكلماتك الرقيقه

بشكرك جدا

romansy said...

فراشة
اهلا فراشه
ايه اخبارك
والله ما عارف بقى ايه اللى ممكن يحصل اصل البنات دول مش بيعجبهم اى حاجه

romansy said...

حلمى البعيد
ربنا يقرب البعيد يا عم حلمى
ربنا يخليكى

ويسعدك

الاجمل انه يكون الانسان دا حياته وروحه
وبعدين احنا هنيجى جنبك فين بقى

romansy said...

زى الهوا
اهلا اهلا سمحاااااااااااااوى
كلام جميل وقلنا كويس انما لو واقع هيبقى احلى بكتير
ممكن يبقى واقع وليه لا
بس شويه صبر وتفكير
هى من ناحيه الظروف انا مش مقتنع بمبررها
بس مش صعب الانسان ينسى شئ جميل دخل حياته
وبعدين تصدقى بقى
انها قربت منى قوى فى بعدها اه والله
اما من ناحيه الابتسامه بقى انا فعلا بضحك كل ما افتكر هبلها قصدى رقتها وضحكتها

يلا بقى

روحى كده

قلبتى المواجع

romansy said...

د/ رامي شهاب الدين
اهلا بيك يا دكتور

عود احمد ومحمد
وحشنا كلامك انت

ومتغبش عنننا تانى كده
منورانى يا دكتور

romansy said...

صدى الصمت - عاشقة الورد -
اهلا بيكى يا استاذه

بشكرك على كلماتك واتمنى دايما اكون عند حسن ظنكم
تحياتى

romansy said...

إمرأه من ثلج
اهلا بيكى
انا مش مقتنع بيه لا البعيد عن العين بيشغل القلب

تحياتى

ميرا ( وومن ) said...

I LIIIIIIIIIIIIIIK

الراحلة said...

مهما حبيبى ابعد بلاد
حضنك هو بر الامان
قلبك هو بحر الحنان
عيونك نبع من الغرام
انت وبس حبيبى
انت وبس قسمتى و نصيبى
ايوه بحبك ويشهد كل الكون
انى بحبك بحبك بجنون

الراحلة said...

تحياتى لك ياصاحب المشاعر الرقيقة
والكلمات الرشيقة
اتمنى لك السعادة دوما يا احمد

*** حور- نور*** said...

جميلة أوى يا احمد بجد أحساسك عالى أوى
حلوة اوى المقطوعة دى
مهما روحتى أبعد بلاد
ومهما طال بينا الــبعاد
انتى قلــبى وانا قلبك
وبرغم بعدى انا اقربلك
روحـــى مهـــما تروحى قلبى
مستنى برضة فى الميعاد

miroooo said...

تحفه والله يا رومانسى
وخصوصا لما بتقول انتى قلبى وانا قلبك
وبرغم البعد انا اقربلك
بجد اثرت فيا
دمت رومانسيا

Tamer Alhosiny said...

شعاع واحد وبعيد
عمره مكان ياس
في نور بعيد
روح ليه اوصل للنور هتوصل لها
حس بحبك هتحسها

اخوك تامر الحسيني

همسات ساكنه said...

ربنا يقرب البعيد :D
وعلى رأي مجد القاسم
قالو البعيد ع القلب هو البعد ع العين
والله بهادا المثل ما أمنت انا ساعتين

لان اللي في القلب في القلب

”*°•.˜”*°•..سونه..•°*”˜.•°*”˜ said...

السلام عليكم
ياااااا على الاخلاص
يا على الاحساس بمنتها الحب الوافى
هل هذا يوجد الان ام كلام يكتب ويقراء فقط !!!
كلامك كله امل وحياه سعيده يغمرها الحب من جميع الاتجاهات
تحياتى ليك واتمنالك حياه سعيده وحب كبير يكفيك عن اى شىء فى الدنيا


اسفه على التاخير بس انا مريت على كول بوست فات منى ومبدع مبدع مبدع يا رمنسى .

الشموع السوداء said...

احساسك بجد حلو اوي
: )

romansy said...

ميرا ( وومن )
اهلا ميرا
اخبارك ايه

شكرا يا استاذتنا

romansy said...

الراحلة
اهلا بيكى نورتى المدونه
بشكرك جدا جدا على كلامك الجميل

نورتينى

romansy said...

الراحلة
بشكرك جدا على الكلمات الرقيقه ويارب السعاده تملى قلوب كل البشر


تحياتى

romansy said...

*** حور- نور***

اهلين حوووووووور منوره الدنيا كلها

شهاده اعتز بيها ايتها الصحفيه الصغنونه

romansy said...

miroooo
اهلا ميروووووو
دايما الانسان لما يحب بجد حبيبه دايما قريب منه فى كل مكان اقرب من نفسه

romansy said...

Tamer Alhosiny
اهلا بيك صديقى العزيز
ايه اخبارك
عمر يا تامر ما ياست من حاجه انا مقتنع ببيها
وان كان عليه انا حاسس انى اقدر اقدم كل حاجه حلوه علشانها

نورتينى
وحمد الله على سلامتك

romansy said...

همسات ساكنه
اهلا همسات
بس برضه الامل موجود اننا نلاقى الشئ البعيد اللى بندور عليه
تحياتى يا همسات

romansy said...

”*°•.˜”*°•..سونه..•°*”˜.•°*”
اهلا بيكى سونه ايه اخبارك
الاحساس بالوفا موجود ف الدنيا
بس اللى يدور كويس هيلاقيه وغير كده الواحد فينا لازم يكون مؤمن بالنصيب

وان شاء الله ربنا يوفق الجميع


تحباتى
وبشكرك على كلماتك وتعليقك الرقيق

romansy said...

الشموع السوداء

دا بس من ذوقك

منوره المدونه يا شموع مضيئه