Friday, March 12, 2010

يا اغلى الناس


لو ســـالوك الناس
عنى متتـــحرجيش
قوليلهم حبيى ومن
غيره مقدرش اعيش
قوليــــلهم انـــــــى
بحبه ومتتكسفيش
ولا اقوللك متقوليش
فى عينيـــكى باين
كل حاجه متـخبيش
مانا قلـــــبى حبك
ونفســــــه يعيش
مع قلــــب زيـــك
متحــــــــــرمنيش
يا اغــــــلى الناس
دا ميــــــــــكفيش
شــــــوق الدنـيا
كله عشـــــــانك

76 comments:

SHAPE YOUR LIFE (ABOALI) said...

تست تست تست
تعليق اول
تست تست

SHAPE YOUR LIFE (ABOALI) said...

كله عشانك
وبيكى اعيش
مهما قالوا
حبك فروالة سنترفيش

جمييييييييييل الشعور بمن نحب
والاجمل ان ترتسم الشفاه بكلمة الحب
وتنطق بها الاعين وتقول عشق الحب


صمم انها تقول بحبك
لانها تسعد الكيان
وعندما تحب ان تسمعها دائما انظر بعد ذلك الى العين لتتطفو فوق نهر الحب بالداخل


متاءلق يا رومانسى
مع انى المنافية قلبهم دقولتى بيرف
الراس الكبير فى جيرمنى
خلى بالك من جيرمنىىىىىىى دى

ويجعله عاااااااامر

حياة said...

تاني تعليق

SHAPE YOUR LIFE (ABOALI) said...

احجز الثالث كمان

غلاسة افقية مركبة

حياة said...

حلوة يا رومانسي
كالعادة عمري ما دخلت مدونتك الا وعجبتني مواضيعك

SHAPE YOUR LIFE (ABOALI) said...

يااااااااااااه الثالث اتضرب من مجرد فتاه

اوووووووومال لو منوفى هاااااااانعمل ايه
احمدك يارب

e_emy said...

حلوة جدااااااااااااااا

:)

just waiting said...

الي بيحب بجد بيبان في عنيه
مش بيكون محتاج يقول حاجه
كالعادة متميز يارومنسي
تحياتي ليك

ستيتة said...

يا سلام ع الدنيا وحلاوتها في عين العشاق
سلمت الأيادي

ضحكات الحياة said...

ايوة يا عم انتوا حبوا و احنا خلينا قاعدين كده هههههه

حلوة يا مان بجد عاشت ايديك
دومت مبدع يا رومنسي

و دومت عاشقا لا يتركك حبيبك
ساعتها بتهيألي هتقلبلنا المدونه نكد و هي مش ناقصه ههههههههههه

تحياتي لك

شمس النهار said...

ماشاء الله
جميلة جدا
متلحنة لوحدها

تسلم ايدك ياشاعر

سلامي

هي وظروفها said...

ابو حميد

كله عشانها جميل جدا

وانت نسيت نفسك ولا ايه

مطلبتش منها حاجه يعني

ولا بردو هي من قويسنا ولا ايه

اعترف


انصحك بلاش من جواز المنايفه


وانت حر


صحيح الف سلامه للكبير وربنا يرجعه علي ضهره

يوووووووووووووووووووووه

قصدي علي رجله

sweet angel said...

نفسي اكمل عمري معاكي متخافيش
انتي ليا وأنا بس ليكي أعيش
الحب بيقوي ياحبيبتي متضعفيش

أديني بكملهالك أهو
ضيف بقى الي أنا كتبته ده في ورقه واقرأ الاتنين على بعض
هتلاقي نفسك كرهت البوست بحاله
ومش بعيد تكره حبيبتك نفسها ههههههههههههه

لأ بجد تسلم ايدك
احساس جميل في كلمات بسيطه

لاسع افندى said...

رومانسى اصلى



تحياتى

Prince-Palestine said...

كلمااات هايلة واحساس عالي


دمت بحب


نرجو الابداع والتواصل دووووم

همسات ساكنه said...

أكيد حيبان من عينيها
كل حب وشوق إليها
وقصيده مكتوبه ليها
في بحر العشق تناديها

صدى الصمت - عاشقة الورد - said...

جميلة قوى
تسلم إيدك
دمت رومانسياً متألقاً

حلمى البعيد said...

ازيك رومانسي

بجد كلمات بسيطه ومعانيها جميله

تسلم افكارك وقلمك

ربنا يخليك

أميرة الرومانسية said...

العيون دائما ما تفصح عما بداخل الأنسان من مشاعر فمابالك بالحب أكيد طبعا العيون بتقول وتفصح وتفضح كل الحب
وده اجمل ما في الحب
انه بيخلي كل جوارح الانسان بتتكلم بتعشق
بتقول

إيمان said...

الله عليك
احساسك جميل اوى
اجمل مافى الحب
العيون تفهم بعضها
وتحكى عن القلوب بحبها
تحياتى

حنين said...

ازيك يا رومانسى
كلماتك حلوة وبسيطه
معبره جدا
دمت بكل الود

blue-wave said...

حلوة كالعادة يا رومانسى
بس ليه علشانك اللى بوظت القافيه فى الأخر دى؟؟؟؟؟؟؟؟؟؟

صيدلانيه طالعه نازله said...

اللى يحب ميتكسفش انه يقول و يعترف و يقر كمان


كلامك جميل كالعاده

Kiara said...

سيدى ياسيدى

ايوه ياعم

مش هحسد انا هقر بس

هناء محمود said...

حلوة أوى الكلمات دى بجد

زهور الامل said...

ياعم ياعم على الحلاوة

ياعم ياعم على الجمال

والله انا لو لقيت واحد يحبني كدة مش هتكسف اني اقول للعالم كله اني بحبه ومن غيره مقدرش اعيش

بس الاقيه فين ده

ازيك يا احمد
اخبارك ايه
اسفة على التاخير بس والله كان غصب عني

تحياتي على كلماتك الجميلة

صوت من مصر said...

رومنسى
من غير سؤال
الاهم هو اللى جوانا

lostlove said...

تحياتي

جميله جدا كلماتك

محمد النعمان said...

كلمات رقيقة جدا
شكرا

MISS\GH said...

بجد بجد جامده
بس انت ليه بتدخل الكسوف فى الحب اللى ما بينكم

اولا لو هيا بتحبك عمرها ما هتفكر ولو لحظه انها تتحرج من حبك ده

بس ليه متكونش فى ظروف اقوى منها ومنك

نصيحتى ليك متبقاش مندفع فى عواطفك وفكر فى كل حاجه انا عارفه ان التفكير فى المسائل دى بيعجز قصاد العاطفه بس يا احمد كل ما بكبر كل ما بنفهم الدنيا وعقلنا يكبر

تحياتى

miroooo said...

والله انا مش هتكسف واقولك ان بجد ما اقدرش استغنى عن مدونتك الجميله دى ولازم كل فتره اشوف بوستاتك وكلامك الرائع المتنوع والله رائع فوق الممتاز بصراحه مش لاقيه كلام اعبرلك بيه عن اعجابى بكلامك الرقيق واسلوبك الرائع ده ابداااااااااااع
دمت مبدعا ورومانسيا

أمل حمدي said...

ميلة كلماتك وخفيفة وحلوة

تسلم يارب

salwa said...

الاخ رومنسي السلام عليكم
ادراج شفاف و صادق
تسلم يدك
سلام

سمكه واحده said...

فكرتني باغنيه الاخت نانسي عجرم
سلمولي عليه

كلمات رقيقه وعتيقه كالعاده يا رومانسي
بس ايه ده مجبتلهاش ورده
لالالا ملكش حق

ولا حته خسايه ولا ربطه فجل طب جرجير طيب

(:
تحياتي

زى الهوا said...

ايه دا تصدق اكتشفت انى ماعلقتش هنا

فقولت اعلق بقى طالما الفيس بوك عندى ما بينطقش

نبدا التعليق بقى

انت مالك بتغششها تقول ايه كده ليه ؟

سيبها هيه تفكر وتقول اللى حساها

زى الهوا said...

فين جديدك؟

حـــــ الــجــنــة ـــــور said...

سلام عليكم

ده العادي بتاعك رقي واحساس وحس مرهف


بوست جميل والفخر بالحب مطلوب


الله يسعد اوقاتكم ابو حميد


تقبل مروري وتحياتي

romansy said...

SHAPE YOUR LIFE (ABOALI)
اهلا اهلا ابو على
الغالى
تستت براحتك يا غالى
كله تحت امرك

romansy said...

SHAPE YOUR LIFE (ABOALI)
منورنا يا عم ابو على
سكر سنترفيش
ماشى يا سيدى ماهو غالى اليومين دووول
وياباشا احنا الحب موجود عندنا كتير قوى قوى بس بقى دلوقتى مش عارف اديه لمين بالظبط اكيد هيتغير الحال لو سمعتها منها اوقالتها
وبعدين يا عمونا
المنايفه فوق الراس وعمر الشقى بقى
متلقش

romansy said...

SHAPE YOUR LIFE (ABOALI)

يا عم غلس براحتك
برضه غلاستك زى العسل على قلبى هواك

romansy said...

مجرد فتاة
اهلا اهلا
زعلتى ابو على كده

romansy said...

SHAPE YOUR LIFE (ABOALI)
يلا بقى يا عمونا مش مكتوب لك احتلال
هنعمل كل خير يا ابو على
ملناش غيره كتر خيره

romansy said...

مجرد فتاة
انتى دايما تنورينى فى اى وقت ويارب دايما كده
يديم التواصل بينا

romansy said...

e_emy
اهلا ايمى

مبروك النجاح

ويارب دايما كده على طووووول

romansy said...

Just waiting
ومدام تحب بتنكر ليه
دا اللى يحب يبان فى عنيه
قالتها سومه من خمسين سنه

منورانى دايما

romansy said...

ستيته حسب الله الحمش
اهلا يا دكتوره

يا سلام يا سلام

مش هنيجى زيك برضه
فى اى حاجه

romansy said...

ضحكات الحياة
ههههههههههه
يا عمونا اعمل ايه بس مش ناقصه قر وحياتك
سيبها ماشيه كده

وبعدين متقلقش الحب اللى بجد بيفضل على طوووول

romansy said...

شمس النهار
اهلا شموسه
اخبارك ايه
معلش مقصر معاكى
بس غصب عنى
ربنا يخليكى يا استاذتنا كلنا

romansy said...

هي وظروفها
اهلا اهلا عمنا وليد
شوفت بقى كرم المنايفه
كل اللى طالبه انها تخليها هاديه كده على طول لما بتقلب بتبقى مشكله
وبعدين يا عمنا الكبير كبير وهيرجعلنا متقلقش
عمر الشقى بقى

دا حبيبنا وملناش غيره
كتر خيره كتر خيره

منورنى يا وليد باشا

romansy said...

sweet angel
لا والله جميله يا شاعره يا كبيره دا احلى من اللى كاتبه
وبعدين تعرفى بقى
انا مقدرش اكرها يا بنتى
لما اشوفها بس الاول ابقى احدد

romansy said...

لاسع افندى
يا استاذنا ياغالى


تحيه لاسعه
ومنورنى دايما

romansy said...

Prince-Palestine
اهلا بيكى
وعلى كل اهل فلسطين

نورتى مدونتى المتواضعه وبشكرك جداجدا على زيارتك الجميله

romansy said...

همسات ساكنه
كل دا شويه عليها

تحياتى

romansy said...

صدى الصمت - عاشقة الورد -
اهلا باستاذتنا

يلا على حسب بقى حبيبه المستقبل

romansy said...

حلمى البعيد
اهلا بيكى
ربنا يخليكى وبشكرك جدا جدا على زيارتك وبعدين بقى
اتمنى اقدملها اكتر من كده بكتير حبيبه قلبى التى لم تاتنى بعد

romansy said...

أميرة الرومانسية
اهلا بيكى يا اميرتنا
كل واحد فينا يتمنى ان حبيبته تفضل دايما جنبه وتقوله بحبك بقلبها وبعيونها وبكل حواسها لانها بتدى الانسان طاقه كبيره قوى قوى

romansy said...

emymony
اهلا بيكى
نورتينى
الحب احساس جميل والاجمل انه يكون بين طرفين بنفس الدرجه

romansy said...

حنين
اهلا اهلا حنين

البساطه مطلوبه فى كل شئ

romansy said...

blue-wave

اهلا بيك يا دكتور

معلش بقى احنا مش شعرا كبار زيك
جت على بالى كده

romansy said...

صيدلانيه طالعه نازله
اللى يحب بجد ليه يتكسف بقى
انه يقزولها كل واحد فينا محتاج يسمعها

romansy said...

كيــــــــــــارا
ماشى يا سيدى
قرى براحتك
ماهو اصلا مفيش حاجه يتخاف عليها

romansy said...

أم .. بوبه
يا هلا
اكيد حلوه بس لانك قريتها

Kiara said...

عليا اانا برده

romansy said...

زهور الامل
يا اهلا يا اهلا
بالامل اللى نور المدونه
انا مش عارف بس اشكرك ازاى على الكلام الحلو دا كله
وبعدين بقى هما الشباب عميو للدرجه دى
الحب مش عيب ليه بنخبيبه وليه بنظهر الكره بقى
ولا يهمك يا قمر
بس الهم تكون ظروف خير ان شاء الله

romansy said...

صوت من مصر
اهلا كيمووووو
ماشى يا عم كيموووو
واللى جوانا يتقال للى يستحقه

romansy said...

lostlove
اهلا بيكى
بشكرك جدا
واتمنى مزيد من التواصل دايما يارب


تحياتى

romansy said...

nomanko
اهلا بيك ضيف جديد على مدونتى المتواضعه
نورتينى ياباشا
تحياتى

romansy said...

MISS\GH
اهلا بيكى يا استاذه
تعرفى بقى انها حتى مكسوفه انها تعترف بحبها دا له
وبعدين بقى كل واحد فبنا بيحتاج انه يسمع كلمه حلوه من الانسانه اللى حبته علشان يقدورا يهونوا الظروف اللى بتقولى عليها
شكرا على النصحيه يا استاذه

romansy said...

miroooo
لا بقى
دا كتير عليا قوى قوى
كده هتغر وانتى السببب

وبعدين بقى انتى عندك البحر والنسمه والجو الجميل اللى يشجع اللى تكتبى احلى من كلامى بكتير بكتير

romansy said...

أمل حمدي
اهلا بيكى يا استاذتنا
بتنورى مدونتى بزيارتك

معلش بقى كان نفسى احضر لقاء بورسعيد
بس الظروف بقى

romansy said...

salwa
اهلا بيكى يا استاذه سلوى

بشكرك جدا جدا واتمنى زيارتك دايما
تحياتى

romansy said...

سمكه واحده
ماشى يا ميكوووووو

بس كفايه عليها قلبى بس
دا كل اللى اقدر اقدمه
هتقدر تحافظ عليه

ولا ايه

romansy said...

زى الهوا
ايزيك يا سمحااااوى
انتى نظرك ضعيف ولا ايه

من عمايلك لازم الفيس بوق يحصله حاجه بطلى لعب شويه
وبعدين اغششها طالما مش عاوزه تقولها
وبعدين بقى هتفكر كتير كده
هى عارفه بحبها اد ايه

romansy said...

زى الهوا
خلاص كاتبنا

مش بقولك نظرك
ضعيف

romansy said...

حـــــ الــجــنــة ـــــور
اهلا بيكى
تقدرى تقولى ان كل اللى اتمناه من الدنيا حب يخللى الدنيا اجمل

romansy said...

كيــــــــــــارا

قرى برضه براحتك