Sunday, March 7, 2010

زعلانه منــــك


لا هتعملى ولا هعملك
انا زعلانه بجد انا منك
داخل وبتشخط وبتنطر
عايش فى البيت دا ولا يهمك
رامى الحمل دا كله عليا
عيالك من لحمك من دمك
انا عارفه انك نفسك ترتاح
بس ادينى حساب من وقتك
اقدر اشكى اللى مزهقنى
اقدر احكى بحُب واقولك
إنى تعبت خلاص ريحنى
طّيب خاطرى يطيّب خاطرك
عشت سنين والغلب ملكنى
عشت عشان انا جوه فى قلبك
انت حبيبى ويلا سامحينى
ياللى مفيش قبلك ولا بعدك

71 comments:

sweet angel said...

برافو عليا
أنا الأولى

sweet angel said...

ده انا الأولى بجد
لأول مره في التاريخ
هيييييييه
اما اخد التاني بالمره

sweet angel said...

ده انا الأولى بجد
لأول مره في التاريخ
هيييييييه
اما اخد التاني بالمره

sweet angel said...

والتالت والرابع
احتلال بقا

sweet angel said...

أما اروح اقرا واجي

sweet angel said...

هما دايما كده الرجاله
مش بيشيلو مسئولية أي حاجه؟؟؟
هههههههههههه
اسلوبك جميل يارومنسي
ربنا يبارك فيك
تحياتي

صيدلانيه طالعه نازله said...

كل واحد فينا ربنا خلقه و ليه دور
يعمله
ساعات اما بنعمل اللى علينا بنبقى
محتاجين كلمه شكر و تعاطف من الطرف التانى
مجرد كلمه و ابتسامه بتشحن طاقتنا و تخلينا قادرين على العطاء من جديد

عاشقة القمر said...

ايه احتال الحاصل هنا ههههههههههه

عاشقة القمر said...

زعلانه منك.....

تدري ليه؟؟؟؟؟؟؟؟

لاني فقدتك

لاتقول الحياة اشغلتني

من كنت دايم تقول لي

انتِ حياتي

حيرتي لطول غيابك

قمت ألتمس لك الأعذار

قلت يمكن تكون

مهموم....... تعال همي هو همك

مزعوج...... تعال فضفض لي باللي بقلبك

صارحني يالغالي.!!!

نسيتني ؟؟؟

قول ....... انطق........ تكلم

لاتلزم الصمت

لان طول غيابك يعذبني

اخاف انك لقيت قلب غير قلبي تسكنه

يهون عليك..... تترك منهو حبك وصانك حتى بغيابك

يهون عليك ...... تنسى الماضي وكل اللي كان يجمع بيننا



ان كان هين عليك.............


اقولها بصوت شامـــــــــــــــخ


من باعنا بعناه لو كان غالـــــــــــــــــــــي
مع خـــالـــــص تح ــــــياتي..

لاسع افندى said...

دى تنفع سلسله ونسميها

نصائح رومانسيه للحياه الزوجيه


تحياتى

ستيتة said...

انا مع رأي لاسع بيه افندي
ها نسميها ما قل وزنه وقافيته وغلت قيمته :)
تسلم ايدك

SHAPE YOUR LIFE (ABOALI) said...

يااااااااااعينى يا عينى
ههههههههههه
ايه ده بقى
تفاعل جميل فى الكلمات يا رومانسى وفعلا حالة شكوى عامة دايما نون النسون تسوقها
ولكن الحياه تحتاج الى ملامسة العواطف لنا لكى نحيا فى سلام وذلك ما عبرت عنه بشياكة

ماشى يا عم
شكلك كده نااااااوى
بلالالالالالالالالالالالالالالاش

ولالالالالالالالالالاايه

حلمى البعيد said...

إزيك رومنسي

إنت عارف أجمل حاجه في البوست ده إنها بتطلب منه يرضيها ومش بتطلب حق أو يغير من نفسه

روح جميله تسلم علي الكلمات الجميله يارب

وأجمل حاجه إننا نسامح خاصة لو نسامح الانسان اللى بنحبه

ربنا يحفظك

ريمان said...

جميلة يا رومنسى وكمان واقعيه اوى

تسلم اديك

كيكى عوووووو said...

سماااااااااااح بقى

أميرة الرومانسية said...

جميلة اوي بجد
صدقني ان المرأة خاصة اللي بتحب بيرضيها اقل كلمة مش بنحتاج غير مجرد كلمة رقيقة
لمسة حنينة
ابتسامة جميلة
صدقني ده بينسينا اي هموم واي مشاكل
وبيديني طاقة كبيرة اننا نتحمل كل حاجة في الحياة

زى الهوا said...

انت عقدتنى ف الجواز

بس عايزة اقولك انها فعلا مشكله مهمه اوى الولاد مش بياخ\وا بالهم منه

مابياخدوش بالهم ان المرأة انسان رقيق , وإن اقل كلمه بتطيرها ف السما , وانها اوقات حاجات هايفه جدا بتفرق معاها , وإن مشاغل الدنيا بتاخده عنها وبتخليها ماتحسش بكيانها , فى حين انه لما بيقولها كلمه حلوه بيرد فيها الروح وبيديها طاقه ليوم او لكذا يوم كمان

انهارده كنت ماشيه مع صاحبتى , وكانت متضايقه جدا , واما سألتها عن السبب لاقيتها بتقولى ان عيد ميلادها جه وزوجها ماقالهاش كل سنه وانتى طيبه

قولتلها يابنتى يمكن مش فاضيلك يحتفل بيه , قالتلى انا عايزاه بس يكون فاكره مش اكتر

miroooo said...

ازيك يا رومانسى؟ ايه البوست الرائع ده ايه الكلام الجامد ده؟
ايوه كده دافع عننا علشان تعرفوا بس انتوا بتعملوا ايه فينا ؟ ههههههههه
انا زحلانه منك اوى علشان مش بتزورنى خالص قولى طيب لو انا مزعلاك
اتمنى تزورنى
دمت بكل الخير

مهرة سالم said...

السلام عليكم...
جميييله بدون مجامله
أعجبتني ...
..
دمت بخير

just waiting said...

يعني بتحبه كل دا
وبرضو مش حاسس
انا قولت الراجل دا محتاج مراته تحطله سم في الاكل هو والعيال وتهرب :)
ولا اقولك هي تحطه في البانيو وتحط عليه صودا كاويه يسيح وينزل مع الميه كدا مايبقاش في دليل جريمه وتاخد براءه :)
لأ بس بجد مبدع يارومنسي قدرت توصف مشاعر زوجه مطحونه كأنك انت مكانها
تحياتي ليك

إيمان said...

خلاص بس النبى تبسم
ههههههههههههههه بجد تحفه

Tshandny said...

طيب اديها بسبوسة من اللي بتعملها لك كل مرة
مش تاكلها كلها

سميرة said...

اول مدونة اعلق فيها منذ زمن

بسيطة تحمل معاني كتيرة اوي بنعيشها

معانيك جميلة كالعادة
ومازلت رومانسي

تقبل مروري

سميرة

Anonymous said...

انت شكلك كدا ناوى ترفع حمله لواء الزوجيه

هههههههههههههههههه

تسلم ايدك

Kiara said...

انت قلبتها مدنة المتجوزين ولا اية

دا التالت

بس فعلا لو في مساحه للار وانك تسمع الاخر

اكيد كتير هيتغير

صمت المشاعر said...

كلمات قليله ولكنها جميله ومعبره جدا


دمت بكل خير

همسات ساكنه said...

اسلوب حلو اوي بجد
مفروض الزواج ده تقاسم بين الاتنين
يمكن يكون فعلا راجع وتعبان من الشغل
بس بعد ما يرتاح يديها فرصه تتكلم عشان ع الأقل يحافظوا على لغة الحوار بينهم

رحلتنا في الحياة said...

يااااااااه والله البوست ده فكرته تحفة
الستات فعلا اغلبها بيشتكوا من اهمال ازواجهم ليهم بس تقول لمين زى ما يكون كل واحد عايش فى دنيا لواحده

صوت من مصر said...

يا ابنى يا غالى يا عزيز
هو مفيش غير حب حب

نهر الحب said...

عاجباني اوي انا طريقة الكتابة دي
سهلة اوي كدة وبسيطة وكلماتها بتوصل بسهولة

بجد والله بتفكرني بفن المونولوج

*** حور- نور*** said...

يا عينى يا ختى
نعمل ايه بقى هما دول الرجالة ومش هيتغيروا
معلش يا حلوة متزعليش
إيييييييييييييييييييةدنيا

عايش... ولكن !!!! said...

جميله يا رومنسى
بالتوفيق دايما

حياة said...

حلوة أوي يا رومنسي
وعاجبني انك دايما تجيبهم بيشتكوا وفي آخر كلمة يعترفوا بحبهم رغم كل حاجة
تسلم ايدك
وبعدين عندك حق الحياة متنفعش من غير عواطف عشان كدة الستات بيشتكوا من الحكاية دي

romansy said...

sweet angel
يا اهلا يا اهلا بالتعليق الاول

romansy said...

sweet angel
خلاص صدقى
نفسك انت الاولى عند رومانسى ودخلتى موسوعه جينس كمان

romansy said...

sweet angel

لا احتلال ايه بقى
بس بما انه اول احتلال منذ فتره
مسامحك
خلاص

romansy said...

sweet angel

مستنيكى

romansy said...

sweet angel

بتقولى ايه

ليه بقى
هما اللى بيجيبوا وهما اللى بيتعبوا صحيح الزوجه بتتعب بس برضه الراجل فينا بيحتاج كلمه حلوه
يلاقيها فين بقى

romansy said...

عاشقة القمر

نعمل ايه بقى يا عاشقه

اتعودنا على كده

romansy said...

صيدلانيه طالعه نازله

اهلا بيكى
ودا اللى بنطلبه معشر الرجال
اننا نسمع كلمه حلوه
بعد التعب والمجهود اللى بنعمله وكذلك مطلوب من معشر النساء
انهم برضه يقولوا كلمه حلوه
خللى الحياه تمشى

romansy said...

عاشقة القمر
الله الله الله على التعليق الجميل
ياريت ياريت كل بنت تعرف وتقدر الكلام دا تعرف ان الراجل فينا بيحتاج قلب حنين يفضفض له
قلب يخاف عليه ويسمعله برغم كل المشكلات

romansy said...

لاسع افندى

يا هلا

يا استاذنا
دى بس حكايه شوفتها قولت اكتب عنها
اهو حبه تغيير

romansy said...

ستيته حسب الله الحمش
اهلا بيكى يا دكتوره
طبعا اول بوست كتبته من وحى كتاباتك
وليكى الفضل

romansy said...

SHAPE YOUR LIFE (ABOALI)
اهلا اهلا عمى الغالى
اهو بقى قولت اخمن رد الزوجه هيكون ايه
انا شايف ان الحياه الزوجيه اتنين بيكملوا بعض
كل واحد محتاج يحس بلامان

كل واحد محتاج يشعر بكلمه حلوه
من الاخر
حتى تدوم الحياه

romansy said...

حلمى البعيد
اهلا اهلا بيكى
اجمل حاجه ممكن الانسان يحس بيها لما يلاقى الاهتمام والحب من الطرف الاخر
ودا لو كان فى بيتنا هتبقى بيوتنا جنه

romansy said...

ريمان

اهلا بيكى ياريمان

ربنا يخليكى

من وحى الخناقات الزوجيه

romansy said...

كيكى عوووووو

المشكله انى مش بعرف ازعل
الرجاله قلبهم طيب قوى قوى

romansy said...

أميرة الرومانسية
اهلا يا اميره

طيب واحنا مستعدين على كده كل اللى نقدر نملكه اننا نشعر بكيان بعض ونحس ببعض
الحياه حياه متكامله
بين الطرفين
لو كل طرف حس بالاخر تبقى حياتنا مختلفه اختلاف تام هنششى جيل بيقدر الحياه وجيل ناجح

romansy said...

زى الهوا
اهلا اهلا سمحااااااوى
كل سنه وانتى طيبه
بمناسبه عيد ميلادك
انا عقدتك فى الجواز ليه بس مش دا اللى بيحصل جوه بيوتنا خناقات وحب وخناقات وحب واهى ماشيه على دا الحال
بس اقولك ان فيه كتير بياخدوا بالهم من كل الكلام اللى بتقوليه بس لاسف الزوجه اوقات مش بتسمح لزوجها انه يقول كل اللى جواه هى بتكون مشغوله وهو بيرجع تعبان
وبعدين صدقينى اكيد زوج صاحبتك فاكر عيد ميلادها كويس جدا وبالذات لو متجوزها عن حب بس اكيد برضه هى مشغوله عنه فى الدروس وخلافه ومش متاديله فرصه يقول على كل اللى جواه

romansy said...

miroooo
ايزيك يا مييييررروو
اخبارك ايه

لو قريتى البوست اللى فات كان الزوج مخنوق قوى من زوجته

بس المره دى بتاعتبه علشان بتحبه
وهو برضه بيحبها بس مفيش فرصه يتفاهموا مع بعض
ميهونش عليا زعلك يا ميرووو

الريدر بس كان فيه مشكله

romansy said...

نهــــــــــار

اهلا اهلا نهاااااااااااار
اخبارك ايه
واخبار كل اللى فى الامارات
ربنا يخليكى يا نهار
واتمنى دايما انك تزورينى وتنورينى

romansy said...

Just waiting
طب ماهو برضه بيحبها وهى مش حسه
تحطه سم ليه بقى متجوز المراه الحديديه
بانيوووو
لا ياعم دا الو احد يخاف منك

وفى الاخر بيتقولى مبدع

لا يا عم

romansy said...

emymony

احنا نروح القسم بقى
كل واحد هيقعد يتخانث مع التانى وفى الاخر الاتنين بيضحكوا علينا
وبيحبوا بعض
يلا ربنا يهنيهم

romansy said...

Tshandny
بس كده من عنيه
انا مقدرش ازعلها دا حبيبتى مهما كان
وبعدين بقى انا بحب بسبوستها
بس لما تعملها بمزاج

romansy said...

سميرة
اهلا اهلا سميره
اخبارك ايه

وايه الغيبه الطويله دى

دا شرف كبير قوى ليا انك بتعلقى عندى منذ فتره كبيره
طمنتينا عليكى
وترجعلنا بالسلامه

يا سميره

romansy said...

7annen
لا مش ناوى على حملات
كل اللى عاوزه
ان الدنيا تبقى حلوه

كده
وكل واحد يلاقى اللى يتمناه

romansy said...

كيــــــــــــارا

يا هلا يا كيار مش مدونه متجوزين ولا حاجه دا موقف اكيد بيعدى وبيمر فى اى بيبت
كل الحكايه انى نفسى القى الحب فى البيوت بدون اى مشاكل

romansy said...

صمت المشاعر
اهلا بيكى
بشكرك جدا جدا على زيارتك واتمنالك مزيد من التوفيق

romansy said...

همسات ساكنه
اهلا بيكى همسات
ربنا يخليكى يارب
ممكن يكون راجع تعبان بس هى يكون عندها وعى وتختار الوقت المنايب للحوار وهو برده يكون عنده مرونه فى الحوار

romansy said...

احاسيس آيوشه
اهلا ايوشه

لو كنتى بصيتى للبوست اللى قبله كنتى عرفتى معاناه زوج
يعنى كده يا ايوشه
المسئوليه مشتركه بين الاتنين

romansy said...

صوت من مصر
ياعم كيمووووو
قولى اعمل ايه قلبتها مشاكل اجتماعيه اهو
قولى اعمل ايه تانى

romansy said...

نهر الحب
اهلا نهر الحب
انا اتربيت على افلام اسماعيل يس وشكوكو
وحبيت قوى قوةى المنولوجات وحبيبت اغنى زمان
بس لما بكتب بكتب اللى بيدور فى دماغى على طول
من غير تفكير

romansy said...

*** حور- نور***
قوللى يا عينى عليه يعمل ايه بقى تانى معاه هو استحمل كتير وفى الاخر تقوله زعلانه منك
بس المشكله انهم بحبوا بعض
ودا هيسهل كتير بينهم

romansy said...

عايش... ولكن !!!!
اهلا بيك عمونا
اخبارك ايه
بشكرك على زيارتك المتستمره
واتمنى مزيد من التواصل

romansy said...

مجرد فتاة
اهلا بيكى
مش الستات بس
دول الرجاله كمان بيشتكوا من الحكايه دى
الحياه من غير عواطف متبقاش حياه

صدى الصمت - عاشقة الورد - said...

كلمات جميلة وبسيطة ولكن عميقة فى معناها وحقيقى بتحصل فى واقعنا كتير
تحياتى

قيس بن الملووووح said...

نحن في حاجه الي رايكم في مشاكل القراءعلي مدونة"دقات قلب بعد الخمسين

Unknown said...

أنـــت حبيبى ويلا سامحنى
ياللى مفيش قبلك ولا بعدك
جميلة اوى يارومنسى
انما ايه الحكاية
انت أتجوزت ومخبى؟
امممممممممممم
كلامك بقى مش
مطمنى ابداً
الايام دى:)

romansy said...

صدى الصمت - عاشقة الورد -
شكرا ليكى يا استاذه

romansy said...

قيس بن الملووووح

بشكرك على الدعوه

تحياتى

romansy said...

norahaty
لا اتجوزت ولا حاجه اهى حاله والسلام