دعينا نطوى

دعينا نطوى ما مضى ونبدا من جديد
دعينا نستقبل معا.. عامنا سعيد
دعينا نحقق معا.... ما نريد
دعينا نحلم معا .ونحقق الحلم البعيد
دعينا نبحر معا .ونصل لبر الامان
دعينا نجتهد ..ونبذل ما بالامكان
فتمسكى بى ..ولا تتركينى وحيد
فسوف نطوى ما مضى ونبدا من جديد

مهما يكون

غمض عيونك وافتكرْ
مين اللى ضحى ومين صبرْ
مين اللى شال ف يوم همومك
مين اللى خان ومين غدرْ
غمض عيونك وافتكرْ
ان انت اغلى الناس عليا ليه تخون
هى عشره يوم دا سنين ليه تهون
برضه شارى مهما بينا فى يوم يكون
غمض عيونك وافتكرْ
انى عارفك مهما تبعد
انى عاشقك مهما تعند
ان دا كان غصب عنك
انى هفضل اقول بحبك
وانى شارى مهما بينا فى يوم يكون

انسى وعدى

انسى وعدًى يا قلبى الصعب انسى وقولى حكايتك ايه
مره تقول مش قد الحب ومره تقول انااقوى عليه
ارسى يا قلبى واهدى شويه بكره تلاقى اللى نفسك فيه
انسى وعدى يا قلبى الصعب انسى وقولى حكايتك ايه

اللى انتى بتحبية

دورى ف اللى انتى تحبية
على اللى كنتى بتمنية
فــــتى احلامك
هتلاقى قلبة تسكنى فيه
وتبقى انتى ضى عنية
ويضحى بكل حياتة عشانك
كلمة جميلة بتخلية
لو تعبان ف يوم تشفية
لمسة ايد منك تكفية
يفضل جنبك بين احضانك
لو فهماة تبقى ملكتية
يزعل لو يوم فية سبتية
وتبقى كيانة وهو كيانك

من اقوال سيدنا على بن ابى طالب رضى الله عنة

من أقوال علي بن أبـي طـالـب
رضي الله عنه
إن النعمـة موصولـة بالشكــر
والشكــر متعلـق بالمزيـد
ولن ينقطـع المزيـد من الله حتى ينقطـع الشكـر من العبـد
*******
راحــة الجسـم في قلّـة الطعــام
وراحــة النفـس في قلّـة الآثــام
وراحــة القلـب في قلّـة الاهتمـام
وراحــة اللسـان في قلّـة الكــلام
*******
وقال رضي الله عنه
من ينصب نفسـه للنـاس إمامـاً
فليبـدأ بتعليـم نفسـه قبل تعليم غيــره ..
و ليكـن تأديبـه بسـيرته قبل تأديبـه بلسـانه
*******
وقـــال
العلم خير من المال
لأن المـال يحرسـه و العلـم يحرسـك
والمـال تفنيـه النفقــة و العلـم يزكـو على الإنفـاق
والعلـم حاكــم و المـال محكـوم عليه
مـات خازنـو المـال وهـم أحيــاء
والعلمــاء باقـون مابقـي الــدهر
أعبائهم مفقودة و آثارهم في القلب موجودة
*******
علمت أن رزقي لا يأخذه غيري .. فاطمأن قلبي ،
وعلمت أن عملي لا يقوم به غيري .. فاشتغلت به وحدي

غيرتك زايده

غيرتك زايده وباينه ف عينك
اهدى شويه ياللى عيونى دول عاشقينك
انتى اللى عارفه ان دولا ف يوم زمايلى
وانتى اللى عارفه اد ايه بينى وبينك
اهدى شويه ياللى عيونى دول عاشقينك
فكرى بس بعقل شويه هو انا خبيت عنك حاجه
حبك مالى عليا الدنيا ولسه ورود الكون محتاجه
حنى عليها وحنى عليا فكرى بس بعقل شويه

نفسى يتغير حالك

كده عينى عينك تكسر قلب كتير حبينك

كده عينى عينك تقسى قلوب كتير فاكرينك
كده عينى عينك تقتل احلام بينى وبينك
ياللى زمان انا كنت حياتك شيلت زمان ليه من حساباتك
كده عينى عينى تقسى قلوب كتير فاكرينك
بتعمل مش عارفنى وبتعمل مش شايفنى
غير لما تكون محتاجلى مكنش العشم كده بينى وبينك
نفسى فى يوم يتغير حالك وابقى بجد انا اكون علشانك
نفسى اصفالك بس حياتى افضل اعيشها انا من غيرك
كده عينى عينك

هفضل احبك

جاى دلوقتى بتفهمنى انى
مكنتش بالنسبه لك الا صديق
وان طريقى اللى مشيتهولك
خطوه بقلبى وخطوه
بروحى مكنش طريق
لا يا حبيبى انا حبيتك وانت
صديقى وهفضل احبك
وانت حبيبى

العيد والخير

عيد ورا عيد ورا عيد ورا عيد
تبقى الدنيا بحالها ف عيد
نعيش اللحظه الكل سعيد
يبقى الخير جوانا يزيد
عيد ورا عيد ورا عيد ورا عيد
افتح قلبك وابسط ايد
للمساكين والكل ف عيد
املى حياتهم هنا وسرور
بدَل طاقه ظلمه بنور
خلى العيد فيه الكل سعيد
عيد ورا عيد ورا عيد ورا عيد

قلبك دارى

قلبك دارى وروحك روحى
اوعى تدارى قولى وبوحى
قولى بحبك عدى وجيلى
جوه ف قلبك ساكن نيلى
املى الدنيا بحب وبوحى
انتى منايا ودوا لجروحى
عاشقك عشق نهارى وضيه
عاشقك عشق ومفيش زيه
قلبك دارى وروحك روحى

سنه سعيده عليك وجديده

عدت سنه وراها سنه ووصلوا تسعه وعشرين
وعشت وقلبى انا عاشق وجوايا ليكى حنين
ومهما العمر بيعدى انا ليكى انا بيكى
انا اللى الضئ ف عنيكى يعيش لسنين
انا اللى اتغيرت حياتى لما عرفتك
عشت العمر مستنى وهفضل انا جنبك
هبنى معاك انا عمرى واسلم لك قوام
امرى واعيشلك ضئ لعنيكى
عدت سنه وراها سنه ووصلوا تسعه وعشرين

مش راح ازعل

مش راح ازعل لو عاتبتى
او راح اتقل لو تقلتى
اصلك انتى ف يوم حبيتى
وعمرى ما ازعل لو زعلتى
قلبى حبك شاف جمالك حبك انتى
ساكنه قلبى يا اميرتى
ومش راح ازعل لو زعلتى

اتسالى من انا

اتسألى من انا وانا الذى احيى بكِ
اتسالى من انا وحبى نادى على حبكِ
اتسالى وقلبى داخل قلبكِ
فكيف تموتى داخل قلبى
وانتى التى تحتوينى بحنانكِ
فكيف تطلبين منى ان ابتعد
عنكى وانا نجم فى سمائكِ
وانا طير يطير ويتنفس هوائكِ
فلا قلبك يموت
ولا قلبى يموت
لانه يعشق روحكِ

ارسم يا قلم

ارسم ياقلم زهور الأمل
وامسح ياقلب حزن السنين
افرح وخلى يومنا جميل
انا راجع وجوه قلبى حنين
ارسم زهور الامل تضوى وتعلى
دا اجمل يوم اكتمل وحبيبتى جمبى
ارسم خضره وزرع جميل
واميره طله من قصرها بتنادى
على الشاطر حسن
ارسم مركب فى نهر النيل
وحب وعيش خليك انسان عادى
ارسم يا قلم دى قلوبنا صافيه
وبكره الحلم يكتمل

الشاطر حسن

جالك الشاطر حسن اهو بين ايديكى
جالك وكله حنان بيقدمه ليكى
جواه حنين يروى قلوب العطشانين
شايله لقلبك عوضيه عن السنين
اتغرب كتير وعدى الجبال
وشال الهموم وشال احمال
ودا كلو ليه علشان عينكى
بس اؤمرى ودنيته بتحلو بس بيكى

عارفه

عارفه لفين الريح وخدانى ؟
لبلاد بعيده لحبك
طريق جوايا وف وجدانى
بس اوصل بر قلبك
يا حبيبتى عارفه واديكى شايفه
ياللى هواكى ف كل كيانى
يا مالى الدنيا بكل حنانك
بقول للحزن خلاص انسانى
من يوم ما عرفت يا حبيبى مكانك
يا حبيبتى عارفه واديكى شايفه
ياللى زرعتك حلم جميل
وانا متعلق بين احضانك
بستان فل ف حضن الليل
عمرى وهبته يا غاليه عشانك
يا حبيتى عارفه واديكى شايفه

بحبك

بـحبــك وحــبـك مـالى شريانى وكيانى
اقول انساكى ارجع ليكى من تانى
وكأن سهم القدر بيكى رمانى
حسيت ان وجودك فى الدنيا علشانى
ولو بايدى ما ابعد عن حضنك ثوانى

محتاج تفكير

فية حاجات محتاجة تفكير
فية غدر صحيح ف الدنيا
بس الحب ياقلبى كتير
فية حب وفية اخلاص
بس دا لبعض الناس
اللى تقدر حبى وعشقى
اللى تقدر سهرى وتعبى
ساعتها يكون لها قلبى اسير

هتسبنى بكره

بتقول هتسبنى بكره ادينى يوم اخير

وانا ادى القلب فكره علشان دا قرار خطير
بتقول هتسبنى بكره
ادينى يوم وفكر ازاى تقدر واقدر
تسهر ف البعد اكتر ارجوك فكر كتير
بتقول هتسبنى بكره
هتشاور ويا قلبى بصراحه ومش هخبى
لو رحت وسبت حبى هتسبلى فراغ كبير
بتقول هتسبنى بكره
قبل ما تاخد قرار وتزيد اشواقى نار
خلينى ف الاعتبار دا قرار قلبى ومصير
هتقدر تسينى بكره

مش قادر انساكى

مش قادر انساكى ساعدينى
ان اقدر انسى اجمل لحظات عمرى معاكى
مش قادر انساكى ولا قادر اعيش
ف الدنيا من غير ما هحب هواكى
ولا بايديا انى احبك ولا با يديا انى اكونلك ولا بايديكى
طب اعمل ايه ما انا قلبى حبك واتعلق بيكى
مش قادر انساكى ساعدينى
ان اقدر انسى اجمل لحظات عمرى معاكى

ويبقى العشق

ربما يكون العشق كاساً كُلنا أذقناه فبالرغم

من مرارته أحيانا نسيطيع ان نذوق منه مره اخرى
فربما نجد ما نتمناه نجد ما نرغب فيه ان يبقى

طوال العمر ولكن يبقى الطعم الاول هو الباقى

فين ضحكتك

ليه كل يا قلبى ما تمشى تلاقى عقبه فى سكتك
راح فين كلامك راح فين شبابك... ضحكتك
ليه كل ما تبعد ترجع تقولى دى اللى ياما عشقتك
خلاص يا قلبى خلاص كفايه بكره هلاقى محبتك

خايفه تبعد

بتقولى خايفه احسن فى يوم......تتخلى عنى وابقى وحيده
مانا عشت طول العمر اتمنـــى قربك .بس طرقك ليه بعيده
كل ما اقرب الاقى توهه جوه توهه نفسى ابقى ف يوم سعيده
نفســى الاقى جوه حضنك حنان الدنيا يعوضنى عن الحرمان
نفسـى اضمك نفسى احسك نفسى ابقى انا وانت ف اى مكان
بس خـايفه تتخلى عنى .........خايفه تنسى ان انت منى
مع انى عــارفه انى بحبك ..ولا اقدر لحظه استغنى عنك
بس نفسـى فى يوم اكون لك..... احلى اميره فى قصرها
وتكون لها احلى امير............ وانت اللى حارس قلبها
ومعاك تحس بانها فى حضن مليان بالامان وساعتها بس تكون سعيده

عيد سعيد

ارجع يا زمان

اخواتى المدونين كل سنه وانتم طيبين رمضان عدى علينا زى البرق
بس نعمل ايه بقى هى دى الدنيا يارب يغفر لينا ذنوبنا ويتقبل صيامنا
مش عارف حصل للمدونين ايه وانا كمان حاسس ان حالنا اتبدل واتغير
مش عارف ولا ممكن اكون علشان مش بتابع المدونات من فتره ولا بقيت
اعلق عند اخواتى مش عارف والله بقالى فتره كده حاسس انى اتغيرت
مش بقيت زى الاول بس حاسس انى مش لوحدى فى الحاله دى معظم
المدونين بيختفوا كتير حاسس ان نشاطنا قل كتير عن الاول من اول
رمضان عرفتكوا فيه من تلت سنين حاسس ان فى التلت سنين دول
المنحنى بتاعنا قل كتير مش عارف بقى دى تغيرات فسولوجيه ولا الزمن
قادر يغير فينا كده حاسس انى مش رومنسى بتاع زمان ممكن الكلام اللى
بكتبه حلاوه روح لانى لو مكتبتش هيحصلى حاجه بس كل اللى اتمناه
اننا نكون كويسين كلنا ونحاول نرجع تانى زى زمان فين تامر الحسينى
وفين مولان وفين الفراشه الصغيره وفين طوبه دهب وفين الدكتور عمرو
وفين كيموو وفين اسماء فى وجدانى وفين ماء تشرين وفين فتاه حالمه
وفين وفين نتمنى اننا نرجع زى الاول واكتر ونحاول نصلح اللى انكسر
جوانا لاننا فى الاول وف الاخر ملناش غير بعض مع اننا معظمنا
مشوفناش بعض بس حب بالقلب والروح اكبر نعمه من ربنا
معلش طولت عليكوا بس قولت افضفض معاكوا بقالى كتير مقولتش
اللى جوايا وان شاء الله كده ندعى كده كلنا ان ربنا يلم شملنا
ونبقى ايد واحده واسره واحده فى حب الله
وياريت اللى زعلان منى علشان مش بزوره يسامحنى وياريت اللى
زعلان منى يسامحنى وياريت اللى زعلته من غير قصد يعاتبنى
كل سنه وانتم طيبين ورمضان كريم

هاتى ايديك

مش قادر اوصف واعبر واقولك اى كلام يتقال
غير انى بحبك وبفكر ازاى خليتى حبى جبال
ازاى وانا عمرى ما حبيبت ازاى من غير اى سؤال
ازاى انا اوصف واقولك عن احلى كلام نفسى اقولو
ازاى وانا قلبى محتاجلك محتاج قلبك بس ينولو
محتاج عينك تملا حياتى تنور نهارى وليلى بطولو
هاتى ايديك يلا ف ايدى اى صعب فى طريقنا نزيلو

حيره وحب

ف لحظه بتقسى وف لحظه بتنسى
وف لحظه بلاقى كده الدنيا وردى
ف لحظه بقولك انا احلى كلام
وف لحظه بضمك يا اجمل غرام
وف لحظه بلاقى كده دموع ع خدى
ف لحظه بتقسى وف لحظه بتنسى
وف لحظه بلاقى كده الدنيا وردى
كلامك يحير وانا احترت فيه
وقلبك يغير ولا اقدر عليه
وحبك كفايه وبالدنيا عندى
ف لحظه بتقسى وف لحظه بتنسى
وف لحظه بلاقى كده الدنيا وردى
حكايتك حكايه وقلبك كبير
قوليلى بحبك قوليها كتير
وعشقك وعايش ف حبك اسير
وحبك دا ساكن دايما فى قلبى
ف لحظه بتقسى وف لحظه بتنسى
وف لحظه بلاقى كده الدنيا وردى

هليت علينا

هليت علينا يا شهرنا وعدى منك يومين
هو كده انت كده بقى من سنين
بتجى بسرعه وتمشى بسرعه
وتفوت يا غالى فى قلبنا ليك الحنين
بالرغم اننا فى نهارك كتير تعبانين
بنتمناك دايما جنبنا
ولا نفضل منك محرومين
هليت علينا يا شهرنا وعدى منك يومين

الله اكرم

رمضان كريم الله اكرم
رمضان عظيم الله اعظم
رمضان فى بيتنا منور حياتنا
لما يجلينا بكل الحب
يملا علينا الدنيا سعاده
يخلى القلب يخاف ع القلب
نحى لياليه بقرئنا
ونحى نهاره بصيامنا
فيه الخير دا يكبر ويكبر
رمضان كريم الله اكرم

اجمل الاقدار

أود أن اشكر القدر الذى قد قدّر لى أن ألتقى بأجمل ما فى الكون

دايما فاكرها

دايما فاكرها وفاكر كلامها وفاكر جمالها دا عشق القدر
ولا قدرت مره تنساها مره ولا قدرت تنسى يا قلبى القمر
دى ساكنه ف قلبك دى كل حبك و كل حياتك دى اجمل بشر
دى زى الهوا والنسمه دى اجمل صوره ورسمه على قلبى خطر

نروح لايام زمان

يلا بينا تعالو نسيب اليوم فى حالة

وكل واحد مننا يركب حصان خيالة

درجن درجن درجن درجن

هنهرب من النهاردة ونهرب من المكان

ونطير ونطير

نطير مع نسمة شاردة ونروح لايام زمااااااااااان

ما الحب إلا للحبيب الأول

نقل فؤادك حيث شئت من الهوى ..... ما الحب إلا للحبيب الأول


كم منزل في الأرض يألفه الفتى .......... وحنينه أبدا لأول منزل

مش بالكلام

مش بالكلام انا اقول بحبك دا باحساسى
انتى حبيبى وقلبى يحبك واغلى ناسى
بعشق صوتك بعشق رسمك دا انت انفاسى
ريح بالى يا غالى عليا ولا انت على طول كده قاسى
حبك عندى دا كل الدنيا حبك شئ بقى عندى اساسى

هديتك مقبوله

هديتك مقبوله بس والله انتى اجمل هديه
اموره عسوله انتى اجمل ما شوفته بعنيه
لما انتى تكونى جنبى يملا حبك الدنيا
بحس بسعاده وامل وبيغنى الكون حواليه
هديتك مقبوله بس اعمل ايه ف قلبى
لو قدم هدايا الدنيا هيبقى برضه شويه

انتى الغاليه

زعلانه ليه وانتى عارفه اد ايه حبك ف دمى
زعلانه ليه وانتى عارفه لما بفتكرك بنسى همى
زعلانه ليه وانتى الغاليه لاخر يوم ف عمرى

حياه جديده

عندما يفكر الانسان فى بدء حياه جديده يحتاج ان يستفاد من الماضى ويعمر الحاضر ويجنى فى المستقبل

مش فاكر غيرك

مش فاكر غيرك مش فاكر
ولا اقدر انساك انا ثانيه
شغلت فكرى ومش قادر
ابقى لغيرك اعمل ايه انا ف الدنيا
حكمت عليا انى بحبك وافضل جنبك
حكمت عليا انى اعيشلك فاكر حبك
حكمت عليا وحكمها دا اجمل حكم ف الدنيا

كفايه نورك عليا

كفايه نورك عليا نورلي روحي وقلبي

خلاني شفت بعنيا اللي انكتبلي في حبي

قريت على ضيك كلام جميل زيك

كفايه نورك عليا

ازاي قابلتك وازاي عرفتك وفين وامتى

نسيت زماني ونسيت مكاني وفاكرك انت

نسيتني همي نستني اسمي

عملت ايه انت فيا

كفايه نورك عليا نورلي روحي وقلبي

خلاني شفت بعنيا اللي انكتبلي في حبي

قريت على ضيك كلام جميل زيك

ان كان ده حلم يبقي جميل خليني احلم بيه على طول

بلاش تصحيني وتصحي اوهامي

سبني يانور عيني عايش في احلامي

والعمر ليله حلوه وجميله

لاقيتها في الليل هنيه

كفايه نورك عليا نورلي روحي وقلبي

خلاني شفت بعنيا اللي انكتبلي في حبي

قريت على ضيك كلام جميل زيك

كفايه نورك عليا

ازاى انا اوصل

يا اهل الهوى دلونى ازاى انا اوصل بركم
جوايا شوق وحنين ف قلبى شايله لكم
شايله بقالى سنين ف قلبى لاجلكم
بس النصيب جاى ليه ضدكم
ارضى اهلى ولا قلبى بالرغم انى اخترتكم
دلونى وانا اجاى مشى لحدكم

اجابات اجبارى

جاءتنا تلك الاسئله من مدونه زى الهواااااااااا بالرغم من
هذه الاسئله غير مقرره بالمنهج ولكن لاننا مش رخمين هنجاوب مجبرين

رتب الاتى حسب اهميتها بالنسبه لك
الصداقه _ الحب _ العائله_ المستقبل _ المال

الاجابه هى الترتيب الافضل بالنسبه ليا انا رومنسى
هو
العائله
الحب
الصداقه
المستقبل
المال

اما اجابه السؤال التانى
عرف الحب فى جمله صغيره حب الحبيب و الحبيبه
وهل يمكن ان نعيش بدون حب (الحبيبه او الحبيب برده ) ؟؟؟
2_ ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟
دول اولا مش سؤال واحد دول شويه اسئله فى بعضيها
بس كل اللى نجدر نجوله ان الحب دا زى القدر مفيش حد يقدر يقف قصاده ولو ليا نصيب فى حبيبه ان شاء الله هتكون شريكه حياتى
ممكن ان نعيش بدون حب بس هتلاقى فرق كبير قوى قوى قوى بعد ما تحب
هتحس ان الدنيا مش هيا الدنيا دنيا الوقت فيها بيعدى بسرعه لما بكون معاها
بنحس ان كل شئ جميل اللى بنكره بنحبه
واللى بنحبه بنحبه اكتر حاجات كتير بتتغير
اما بقى عن الرساله هقدر اقولها انى بحبها قوى وهحبها اكتر واكتر فى كل يوم بيعدى علينا
من جوازنا مقدرش اقول ان الحياه هتبقى وردى بس معاها الصعب يعدى
يا اغلى ما عندى فى الدنيا
اظن كده خلصنا الواجب يا ميس

اتمنيت

لوحدك ليه يا حبيبى
ما اتمنينت انا افضل جنبك وانت بعدت
اتمنيت انا اسكن دمك وانت رفضت
اتمنيت بس ياريت اقدر اتمنى
لقيتك فجاه منى هربت
واتمنيتك انت لوحدك
لافيه قبلك ولا فيه بعدك
عاشقك مهما تبعد عاشقك
ترجعلى ولا ما صدقت

هل تبحث عن السعادة

حاليا بالمكتبات
كتاب هل تبحث عن السعادة

كتاب هل تبحث عن السعادة
حاليا بمكتبات
اليا بمكتبات
البلد
عمر بوك استورز
سندباد
سنابل
ليلى
حنين
مدبولى
ادم المعادى
الكتب خان المعادى
مدبولى البحوث
فرشة قصر النيل
بوك اند بينز المنصورة
جارى استكمال التوزيع وقريبا بجميع مكتبات القاهرة وباقى المحافظات
ومكتبات الشروق وديوان

بيعيش عشانك

ايه اللى جابنى فى سكتك وايه اللى جابك
ايه اللى خلى تجرحى قلبى اللى صانك
قلبى اللى اتمنى مره يدوق حنانك
ايه اللى جابنى فى سكتك وايه اللى جابك
معرفشى امتى ولا فين خدنى الحنين لحد بابك
قلبى قالى انه بيعيش بس عشانك
انتى نور الكون بحاله ولعشانو قلبى دا جالك
ايه اللى جابنى ف سكتك وايه اللى جابك
عمرى ما فكرت مره بالخيانه
عمرى ما فكرت حبك اهانه
دايما اشعر بالسعاده معاكى انتى
دايما انتى نور حياتى ليا حبيبتى
مهما فرقت بينا الظروف
تعالى نمحى اى خوف
دا قلبى اللى اتمنى مره يدوق حنانك
وميقدرش يعيش الا عشانك

بتعلم ف حبك

مش بعرف اوصف احساسى وانا جنب قلبك
كل اللى بعرف اقوله انى بتعلم فى حبك
بتعلم اكون انسان رقيق من رقتك
يضحك ويفرح وتبقى عاليه ضحتك
تسمعها كل الدنيا تفرح تتمنى تسكن جنتك
بس اعرفى انى الوحيد اللى بترجم بسمتك
بحبك وكل يوم بتزيد فى قلبى محبتك

لو تعرفى

لو تعرفى ايه الحكايه هتعذورينى
لو تعرفى اد ايه انا قلبى حبك
انا كنت جايلك والهوى والشوق مالينى
دلوقتى خايف انى اتسبب فى جرحك
ادينى فرصه اقولك واسمعينى
بس النهارده من غير كلمه بحبك

محتار

لو تعرف انا مين قولى اصل انا مش عارف
عايش مش عايش هو انا شجاع ولا انا خايف
عايش محتار بين جنه نار هو انا عميت ولا انا شايف

اعمل ايه

ف عنيكى طلاسم حليتها

والدنيا ف قربك حبيتها

احلامى معاكى انا لقيتها

طب اعمل ايه؟

على قيد الحياه

عندما تتغير حياتنا فجاه وبدون اى مقدمات

الى جنه نسكنها. ماسر هذا التغير؟
ومن استطاع ان يقتحم حياه قد فقد فيها الامل ؟

من استطاع ان يقتلع اشجار الياس من جذورها ؟
لابد وان يكون ساحر قد آتى بعصاته السحريه

وغّير كل ما راه سيئا فى تلك الحياه ام هى تلك
الاميره التى اضافت بلمساتها السحريه الرقيقه

رونقا جديدا اضاف للحياه حياه مليئه بالامل والحب
حياه تمناها القلب ولكنه لم يصدق انه بالفعل

يعيش فيها فقد تعود ان الاشياء الجميله نادرا ما تبقى
فى حياته ولكنه قد يستطيع ان يعيش هذه اللحظات

الجميله التى تمر به حتى يصدق انه على قيد الحياه

خلاص مسافر

غبت عنك سنين كتير ورجعتك
زاد فــــ قلــبى ليــكى الحـــنين
بس لما رجـــعت ليه مستغربك
هوانتــى مصـــــر؟ ولا انتى مين؟
ولو انتــــى مصـــــــر ودا نـيـلك
يبـــقى لــيه العطــــــشانين
ليـــه وشوش الناس متـغيره
وجــوه عــــــيونهم ليه حزين
دول اللــــى عــابروا القنال
دول اللــــى هـــدوا الجبال
اومال ليــه كده شــــاردين
ياترى شـــايلين همــومك
ولا لهمـــوهم هما شــايلين
طب ايه يا مصر اللى جرى
بقى همـــا دول المــصريين
اللى اتحــــكى عنهم كتير
واللى انكــــتب فيهم اساطير
يا ترى هــــيفوقوا إمتى
ولا هيفضلوا كده تايهين
فين العلــما وفين الادباء
ولا الفن فيه شـــــاطرين
انا هرجع تانى يا مــصر
لغايه لما اعرف انا ابقى مين

انا عمرى ليكى

حلمى اكون معاكى فى كل وقت وكل ثانيه
حلمى تعيشى ليه ويملا حبك الدنيا
حلمى بسيط احلمه وانا بين ايديكى
تعيشى انتى ليه واعيش انا عمرى ليكى
وافكر وافكر ايه تانى اتمنى

واتمنى ايه وانتى ماليه الكون عليا
حلمى اكون معاكى فى كل وقت وكل ثانيه