Tuesday, September 2, 2008

خواطر رمضانية


فى الوقت دا من كل سنة
بيجينا شهركلة خيرات
فاكرة دا شهر كلة بركات
بحبة بجد دا شهر الصوم
فية الناس بتحب بعض
وتخاف على بعض
فاكرة من وانا طفل صغير
فاكر فانوسى
وفاكر الزينة اللى على بيتنا
وفاكر برضة اول حب
دا كان فعلا اول حب
من وانا طفل صغير
بحلم انة يملى القلب
فاكر كورتى
يا سلام .......
على دى ايام
امتى تعود
ياريتها تعود

9 comments:

شيتوس الاهلاويه اووووي said...

معاك حق والله رمضان ده بجد حاجه جميله اوي وفيه فرص كتير اوووووي يارب كلنا نعرف نستغلها
تقبل مروري
أختك شيتوس

romansy said...

اهلا بيكى فى مدونتى المتواضعة شرفتيها اكيد
كل سنة وانت طيبة
واهلا بيكى

طوبه فضه وطوبه دهب said...

كل سنه وانت طيب ويارب دايما المشاعر دى وبعوده الايام عليك وعلى كل المسلمين فى كل الدنيا بالخير والبركات وانا رمضان اللى فات كان عندى امنيات كتير قوى وزحمه كبيره السنه دى الحمدلله ماعنديش غير امنيتين بدعى ربنا ليل نهاريحققهم اللهم امين على فكره انا كنت اكثر الناس العاشقه لكاظم وكنت بصدقه جدا بس بعد ما اتصدمت بالواقع واكتشفت ان الحب اللى بيقول عليه مش موجود غير فى الاغانى ومدرسه الحب مش فى حته غير فى خياله والحب المستحيل او استحاله الحب هو اللى موجود بس دلوقتى بطلت اسمعه لانى مش بقدر دلوقتى اصدقه ذى ما بقى فى حاجات كتير فى دنيتنا ما تتصدقش طولت عليك اسفه ولك ارق تحياتى

romansy said...

اسفة على اية بس ياريت تطولى اكتر
بس انا ممكن اقولك حاجة
من نعم ربنا علينا انة جعل لنا عقل نفكر بية ونتخيل بية برضة
الخيال اوقات كتير قوى بيخرج الواحد من هم مكبوت فية
وممكن اقولك حاجة تانية
لولا عباس ابن فرناس اتخيل انة بيطير
مكنش اخترعوا الطيارة

طوبه فضه وطوبه دهب said...

اكتر حاجه تضيقك انك كل ما تحاول تتخيل وتحلم تفوق على كبوس الواقع تصدق انى بقيت اخاف احلم عشان ما اتصدمش واقول خلينى كده فى الواقع احسن مرسى بجد على ردك ومرسى اكتر على مشاركتك لمدونتى

Anonymous said...

رمضان كريم ورمضان اللى جاى يارب تكون اسعد ومحقق كل اللى فى بالك

romansy said...

بنوتة مصرية
كل سنة وانتى طيبة
نورتى المدونة

قلب شاعره said...

مممممم ليه كده بس ... طيب ايه الى غاب فى الايام الى احنا فيها خلاها غير ايام زمان ... فقدت حلاوة زمان ..والدفء الغريب الى ملوش تفسير ..والاحلام الجميله النقيه الى بتملى القلب عطور وبتملى الصدر هواء الزهور ..ايه الى اتغير ؟؟؟؟ احنا ولا الزمن ؟؟

romansy said...

قلب شاعره
اللى اتغير هو احساسنا هو الحب اللى جوانا بس هيفضل جوانا امل نقدر نرجع بية ايام زمان
ياريت الايام دى ترجع تانى