Friday, January 1, 2016

يا اجمل عشق


عشقتك
وعاشق كلمتك انت
يا اجمل عشق
اغنييلك
هقول غنوه
بتملى الكون
وانا السابح
ف تفاصيلك
واغنيلك
واقولك احلى موالى
وخلخالى اهو يزينك
ولا بعرف وانا جنبك
اقولك غير انا بحبك
ونن عنيا يحكيلك
وبلمحها انا ف عينك
وسيبك م اللى حسدينك
مانا الحلم اللى هيزينك
واضحى بعمرى علشانك
ونجم الكون اهو جمالك
وتترسمى كما جنينه
واشوفك ورده ف البستان
اشوفك نهر كله حنان
واوصف مهما انا اوصف
مبعرفشى
ولا اقدرشى انا امشى
غير وانتى الحب اللى مايروحشى
انا حبيبك

7 comments:

momken said...

ايه الجمال والروعه دى بقى

تسلم ايدك يا احمد
منتهى الجمال

تحياتى

......

romansy said...

momken
يا هلا فيك
ع المدونه الغلبانه دى
منور الدنيا

Anonymous said...

اجمل شىء فى الدنيا الحب الحقيقى
جميله كلماتك يارومنسى
رائع احساسك
تحياتى

romansy said...

قمر وليل وغيوم
بتغيبى ليه وبتظهرى زى القمر يا قمر

P A S H A said...

"وتترسمي كما جنينه" , "وأوصف مهما أنا أوصف ما باعرفشى ولا أقدرشى أنا أمشى ......"
الكلمتين دول بجد في الجون .. أحييك عليهم بشدة وأرفع لك القبعة :)
البيت ده: "غير وانتى الحب اللى ما يروحشى" .. تقيل قوي قوي
- عامة وبأمانة (وأرجو أن تتقبل رأيي بصدر رحب) أنت إحساسك حلو وعالي وأسلوبك فيه صدق وبراءة، أثق أن عندك أكتر من كده بكتير لأنك موهوب فعلاً وتصويرك جيد .. يعيبك التكرار واستسلامك للقافية أحياناً .. ما تتخيلش مدى السعادة اللي باحسها لما باستطعم كلمة حلوة ومعنى جديد عند حد :))
- آخر حاجة معلش .. أنا أكلت حتة من شقة البطيخ اللي فوق لأني ما قدرتش أقاومها بصراحة
كل سنة وأنت طيب وبألف خير وصحة وسعادة أنت وكل أسرتك الكريمة وعام سعيد عليكم جميعاً بإذن الله

romansy said...

P A S H A
اهلا اهلا اهلا
متعرفش اد ايه انا مبسوط بتعليقك
انا ابدا ابدا عمرى ما ازعل من اى راى اكيد انا لسه بتعلم ومعاك فى كل كلمه
وياسيدى على البطيخه اتفضلها كلها انا الصوره دى موجوده من 2007 ومش عاوز اغيرها
نورت الدنيا والمدونه

gogo!sf said...

حلوة اوي يا رومانسي