Tuesday, November 10, 2015

النهارده عيد ميلادى


النهارده من 34 سنه اناجيت للدنيا جيت من عالم الارحام الى عالم مايرحم
ومعرفش مخبى ليا ايه بس الحمد لله لولا دعاء امى وابويا ليا ورضا ربنا عليا
النهارده من 34 سنه كنت على ميعاد مع اول قبله فى حياتى من امى حبيبتى 
واحضانها الجميله اللى حولت صراخى وخوفى م الدنيا الى حب وامان وطمانيه
اما بقى والدى الحبيب الله يرحمه عمرى ما هنسى سجوده لله شكر على عطيته
وشكرعلى سلامه امى وقوامها بالسلامه وحضنه الدافى ليا ولما ادن فى ودنى
وسمعت الله اكبر ... الله اكبر حسيت بان جسمى كله قشعر وخوفت جدااا
بس لما قام فى ودنى التانيه حسيت بالامان وحسيت ان بابا بيهنينى لبدايه
حياه جديده اقضيها فى حب الله وسعى ورا مرضات ربنا سبحانه وتعالى
والنهارده وبعد 34 سنه لسه جوانا الامل فى ربنا اننا نحقق اللى نتمناه

10 comments:

Gamal Abu El-ezz said...

كل سنة وحضرتك طيب وبخير وسعادة
وربنا يرزقك طول العمر وحسن العمل
ويحققلك كل ما تتمنى

romansy said...

Gamal Abu El-ezz
ربنا يخليك يا استاذى الفاضل ويسعدك ياررب

P A S H A said...

على كده حضرتك أكبر مني بـ 24 سنة؟؟
D:
ربنا يبارك في عمرك ويطول عمرك في طاعته

قمر وليل وغيوم said...

كل سنه.وانت طيب يارومنسى
عقبال 100سنه
ربنا يرحم والدك يارب ويسكنه فسيح جناته
ويباركلك فى والدتك ست الحبايب

romansy said...

P A S H A
يا هلا يا هلا
يا سيدى الشعر خلاص ابيض والدنيا حلوه
ربنا يخليك وربنا يسعدك يارب دايما دايما

romansy said...

قمر وليل وغيوم
اهلا يا قمر
وانتى طيبه ويارب يسعدك دايما يا قمر وتبقى منوره الدنيا كلها
اللهم ااااامين يارب العالمين

محمد سلامة said...

عمرك ما حتنسى سجود والدك وتكبيره
وحضن والدتك
وفاكر ده كله وانت لسه فى اللفة
ما شاء الله ذاكرتك حديدية :)

romansy said...

محمد سلامة
اومال ايه يا محمد متخفيش اصل الموضوع مش ذاكره بس دا احساس من القلب للقلب


نورينتى

momken said...

كل عام وانت بالف خير يا ابو حميد

خالص التهانى

....

romansy said...

momken
وانت طيب يا حبيب قلبى
ربنا يخليك يارب