Monday, October 19, 2015

حنان وحب


انا كنت بحلم انى .....اكون العمر ليكى
وسمعت عنك كتير حكايات من صغرى
وحلفت انى بكل روحى وحياتى افديكى
مانتى اللى ف القلب سكنتى ودا من صبرى
وكنت عارف ان الوصول ليكى صعب
بس اللى نفسه ف حاجه لازم يخطى بلاد
ماهو طريق الشوق مش مفروش بورد
واللى هيعدى منه هينول كل المراد
والنهارده وبعد ما خضت حرب
هديت كل الحيطان وبايدى جيتلك
شايلك يا قلبى بوكيه مليان بورد
وهو ادرى منى...... يشرحلك
كل اللى نفسى فيه خلاص انا حققته
وكفايه انى اعيش حياتنا حنان وحب

8 comments:

Anonymous said...

أجمل شىء فى الدنيا اما تعيش بجد مع حب عمرك وتحس بسعاده مالهاش اى وصف ولا حدود خصوصا انا يكون فى تفاهم وحب وصداقه وارتباط روحين ارتباط قوى كإنهم روح واحده ساعتهت بجد بجد كل الصعاب بتهون وكل المتاعب بتزول بنظره واحده بس للى بتحبه
تحياتى لارق كلمات ولاروع احساس

Anonymous said...

على فكره الصوره جميله اوى ومعبره
احسنت الاختيار

romansy said...

قمر وليل وغيوم
استاذه قمر هى الصوره اللى وصفت الكلام على فكره
على اد ما قدرت دى قصه اسمها الاميره ديزنى
عارفه بقى الحب دا موجود بس لاسف احيانا بتغير مع الوقت وبيقل وبيزبد على حسب الححاله النفسيه ممكن تستغربى بس دى الحقيقه
نورينى يا قمر

Anonymous said...

مش مستغربه
دى فعلا الحقيقه
مفيش حال بيدوم للاسف
حتى الحب الحقيقى احيانا يتخلله الملل والمشاكل
واحيانا يفقد رونقه

romansy said...

طب الحل من وجهه نظرك يا قمر

Anonymous said...

من وجهه.نظرى يارومنسى اننا نفتقد.فى العلاقات اهم حاجاتين
وهما الصدق والوفاء
كتير اوى والغالب مش بيقدر انه يحقق الصدق بكل اشكاله مع شريك حياته وكذلك الوفاء بقه.عمله.نادره جدا
وايضا عدم القدره على حل المشكلات بطريقه موضوعيه وايجابيه وعدم التجديد والثبات على الروتين اللى بيسبب الملل
الكتير بيعانى حتى من الكسل انه يجدد علاقته بحبيبه ويطورها وينميها ويعملها ريفريش. .
والغريب بقه ان الحب لو انتهى بالزواج بتلاقى ان الحب حقيقى انتهى مع ان كان.حلمهم يبقوا مع بعض طول العمر لكن للاسف الغالبيه حبهم بينتهى بعد.الزواج ويصبحهم اتنين.تانيين.غيرهم خالص عايشين.مع بعض

romansy said...

ايه يا عم قمر الجمال فى الرد دا طب ايه رايك بقى فى اللى بيحاول يجدد العلاقه ويعملها ريفريش والطرف التانى لاسف جاله احباط ومش طايق نفسه

Anonymous said...

مش عارفه والله يارومنسى للاسف فى خلل جوانا كلنا
ياترى العيب فينا ولا فى الزمن
الله اعلم
لكن تعرف احيانا الريفريش ده اللى بيحاول يعمله الطرف التانى احيانا يييجى فى الوقت الغلط
او.جه متأخر شويه عشان كده حصل حاله الاحباط دى