Friday, May 22, 2015

احكيلك حكايه

حبيبتى يا غاليه عندى انا حكيلك حكايه 
هقولك مش هخبى..... هقولها من البدايه 
كان يا مكان فى قلبى حبها ف قلبى ساكن 
قلبى دا قلب نونو معرفش الحب لما 
غير لما جت عيونو ضمت قلبى ضمه
فكرها لحد بكره ولحد ما نبقى لمه
وابتدى انا قلبى يحبى ويروح كل الاماكن
كان يا مكان فى قلبى حبها ف قلبى ساكن
وابتدى يكبر ويكبر القلب النونو يكبر
وكل يوم يعدى يحبك اكتر واكتر
لحد ما جت عيون شريره تاخدك منى
حاولت ابعدها عنك بسيفى وغصب عنى
معرفتش انى احوشها عشان لقتيك راضيه
انك تبعدى عنى والحجه انى نونو وقلبى لسه نونو
علشان اتعلم منك الحنيه م البدايه
حبيبتى يا غاليه عندى انا حكيلك حكايه
هقولك مش هخبى..... هقولها من البدايه

4 comments:

Anonymous said...

على قد ما الكلمات جميله على قد ما توجع القلب اوى
تحياتى ليك رومنسى
اتمنى البوست يكون مش شخصى

romansy said...

قمر وليل وغيوم
نعمل ايه بقى يا قمر دا قدرنا

Anonymous said...

معلش
فعلا ده قدر ونصيب
ربنا يصبر قلبك ويعوضك عن كل اللى فات ويفرحك دايما
المهم تفضل دايما منورنا فى عالمنا الافتراضى
تحياتى وخالص تقديرى

romansy said...

قمر وليل وغيوم
انا هروح فين يعنى انا موجود معاكوا اهو فيه كتير من اخواتى واصدقائى تاهوا فى زحمه الايام بس الحمد لله لسه فيه ناس بتسال عليا