Thursday, February 12, 2015

اصعب احساس

اصعب احساس بيقابل الواحد
لما يكون فيه ناس بتبيعك
وانت بعيد... مكتوف اليد 
طب ليه الناس كده كرهه الواحد
طب وانت قريب ليه حاضنيك
ويقولك سره ومتقولش لحد
طب ليه الناس دايما تتغير لما بتبعد
وانت قريب تساله مرديش يرد
هو العيب فيك انت يا قلبى ولا دا فيهم
داانت بتحزن لما الشر يجى جنبيهم
فوض امرك انت يا قلبى لربى الواحد

10 comments:

زهــــراء said...

رومانسيى

صباح الخيرات

ايه الكلام اللى مش رومانسى ده على الصبح كده ينفع يعنى انا قولت هاعمل احتلال على حاجه رومانسيه من حاجاتك الرقيقه اجى الاقى كلام بيوجع اوى اوى لانه صادق اوى اوى

بص هو احساس صعب ان حد يبيعك كنت بعيد او قريب هو احساس بشع يارب ماحدش يجربه وياسلام بقى لو اللى باعك انت بعت الدنيا كلها عشانه يبقى صباح الصباح ودخلت فى حاره سد بعيد عنك
خدها نصيحه صريحه مريحه ان المثل الشعبى بتاع فى الوش مرايه وفى القفا سلايه ده منطبق على ناس كتير اوى اوى وعلى فكره فى ناس بتكرهك ومش بتحب لك الخير حتى لو انت بعيد عن مدار حياتهم طبع بقى هنقول ايه وخدها نصيحه تانيه من الغباء انك تعيش زى الملاك بين البشر




اجمل حاجه انك تفوض امرك لربنا واقسم بالله العلى العظيم وعن تجارب فى حياتى الخاصه لما تفوض امرك لربنا حقك بيجى لك بطريقه مذهله

كلمات محسوسه ملموسه فيها رومانسه بشجن بو جع

ربنا يكرمك وفى انتظار رومانسيه بجد

romansy said...

زهــــراء

الموقف دا حصل معايا النهارده
بصى يا زهراء هو فيه لا قلبوب الناس مش صافيه لبعضها حتى ممكن يكون البيع من غير قصد زى المثل اللى بيقول جه يكحلها عماها
وبعدين ايه كل النصايح اللى ع الصبح دى انتى النصيحة في الملأ فضيحة.
وانتى الحمد لله يا بنتى نصايحك كترت
الحمد لله انى فوضت امرى لربنا هو ان شاء الله هيحلها بفضله وبكرمه من عنده

الملاك said...

السلام عليكم ورحمة الله وبركاته

مثلك انا أخى افوض أمرى إلى الله أن الله بصير بالعباد


دمت أخى ودام أمرك بيد الله

romansy said...

الملاك
يا اهلا بالملاك
وعليكم السلام ورحمه الله وبركاته
الحمد لله على كل حال احنا ملناش ملجا الا ربنا سبحانه وتعالى

Anonymous said...

الناس معادن يارومنسى
فيه منهم اللى زى الدهب وفيه زى الفضه وفيه الفالصو والقشره
ومش بيبان معادن الناس الا بالمواقف
ربنا يقرب منك كل خير ويبعد عنك كل شر يارب
تحياتى
بوست جميل

Butterfly said...

فعلا والله احساس صعب أوي

فوضت امري لله

romansy said...

قمر وليل وغيوم
اهلين باقمر
عارفه يا قمر اكيد الواحد فينا بيشوف فى حياته كتير بس مش عاوز يتعامل غير بمعاملته بس مع الناس ودا صعب ف الزمن دا

romansy said...

Marwa Fahmy
اهلا يا بشمهندسه
اكيد كل واحد بيشوف المواقف دى فى شغله وف حياته
وبس مابدينا اننا نفوض امرنا لله

رحاب صالح said...

مساء البنفسج
انا غايبة بقالي فترة عشان مشغولة

انت عارفة م هقول ده اسمه الحب الغير متكافيء وكلام من ده
بس هو ده الحب ...احيانا بنحب الي مبيحسش بينا واحيانا بنلاقي الي يحبنا واحنا مش حاسين بيه

romansy said...

رحاب صالح
اهلا بيكى
مساء الخير ولا يهمك كلنا مشغولين والدنيا بقت مشاغل
طب نعمل ايه بقى فيه هو دايما كده ميحيرنا