Wednesday, August 27, 2014

وصيه اب


متحطش ايدك على خدك يا غالى عليا
انت حبيبى ومين قدك ......انت الدنيا ديا 
خد بالك يا غالى من نفسك انت نور عينا
مين يقدر يزعل قلبك .....وانا شيله بايديا
اهدى يا غالى وهدَى ف طبعك دى العيشه هنيا
انت حبيبى ومين قدك ......انت الدنيا ديا
متفكرش وعيش فى الدنيا وسيبك من همومها
مهما تعيش هتلاقى يا غالى عرضها زى طولها
واوعى ف يوم تزعل بلدك والافراح تنولها
خليك صاحب صاحبك يابنى واختك دى تصونها
خد بالك يا غالى من نفسك واتمسك بدينك
خليه ساكن جوه ف قلبك ....تملك بيه سنينك
واوعى ف يوم تزعل امك واوعى الناس تهينك
ومتخفش يا بنى م الدنيا اللى يصيبك يصيبك
وابقى فكر يوم فى كلامى وادعيلى بالرحمه
وابقى وزع على مقبرتى كده رز ولحمه
دا المساكين فى بلدنا كتيره وبلدنا هتبقى زحمه
خد بالك يا غالى من نفسك انت نور عينا
مين يقدر يزعل قلبك .....وانا شيله بايديا
اهدى يا غالى وهدَى ف طبعك دى العيشه هنيا

2 comments:

الملاك said...

السلام عليكم و رحمة الله و بركاته

كيف حالك أخى ؟
أتمنى من الله أن تكون بأفضل حال
سعدت كثير عند عودتى برسالتك
و سعدت أكثر بقرأتى لما تكتب فكم كنت أفتقده

حفظ الله لك كل من تحب و أعانك على حسن معاملتهم

romansy said...

The Angle
اهلا بيكى يا ملاك منوره الدنيا كلها بطلتك الجميله