انت فين

وليه بشوف الدنيا حلوه بعيونك 
ياللى حبك جوه قلبى من سنين 
ولا عمرى حسيت بالدنيا من دونك
دى كل نظره بتصحى فيا الحنين 
بس صدق عيونى وقلبى فاكرينك 
وعقلى يقولى هى فين وانت فين

خايف

خايف يبعد يوم ويروح
ويسيب القلب حزين مجروح
واما انادى ف مره عليه
يتقل يتكبر........ كده ليه
دا انا قلبى وروحى بيدوبه فيه
بس اوعى يبعد ويروح

وصيه اب

متحطش ايدك على خدك يا غالى عليا
انت حبيبى ومين قدك ......انت الدنيا ديا 
خد بالك يا غالى من نفسك انت نور عينا
مين يقدر يزعل قلبك .....وانا شيله بايديا
اهدى يا غالى وهدَى ف طبعك دى العيشه هنيا
انت حبيبى ومين قدك ......انت الدنيا ديا
متفكرش وعيش فى الدنيا وسيبك من همومها
مهما تعيش هتلاقى يا غالى عرضها زى طولها
واوعى ف يوم تزعل بلدك والافراح تنولها
خليك صاحب صاحبك يابنى واختك دى تصونها
خد بالك يا غالى من نفسك واتمسك بدينك
خليه ساكن جوه ف قلبك ....تملك بيه سنينك
واوعى ف يوم تزعل امك واوعى الناس تهينك
ومتخفش يا بنى م الدنيا اللى يصيبك يصيبك
وابقى فكر يوم فى كلامى وادعيلى بالرحمه
وابقى وزع على مقبرتى كده رز ولحمه
دا المساكين فى بلدنا كتيره وبلدنا هتبقى زحمه
خد بالك يا غالى من نفسك انت نور عينا
مين يقدر يزعل قلبك .....وانا شيله بايديا
اهدى يا غالى وهدَى ف طبعك دى العيشه هنيا

بجد بحبك

بجد بحبك ...............بحبك بجد
يا ضحكه بريئه مرسومه ع الخد
يا فرحه عيونى ......تفرح القلب 
يا ورده جميله وجمالها مالو حد
بجد بحبك ...............بحبك بجد
بحبك وساكن حبك فى قلبى 
ومهما تدارى ومهما تخبى 
قالتها عيونك .....قالتها بحب 
بجد بحبك ...............بحبك بجد

ابعد ولا اقرب

مش عارف ابعد ولا اقرب وانتى فى البعد اقرب

ونسيت الدنيا

ونسبت كل الدنيا يا غاليه حتى نفسى
ولا افتكرت اى حاجه غير بس ياسى
حاولت ابعد بعيد واعيش هناك وحيد
واكتشف الحب فين وادور ع الهنا بنفسى
لقيته ف كلمه حلوه وابتسامه شوق تنسى
كل الهموم فى الدنيا يا غاليه حتى نفسى