Tuesday, April 26, 2011

حبك جوايا


مكنتش أتصور إن تبقى دى النهايه
إنى أعيش من غير عيونك
إنى أبدأ م البدايه
إنى احكى واعيش لوحدى الحكايه
إنى احلم واعيش فى الحلم لوحدى بس
إنى احب بس مين بحبى يحس
إنى أبدأ م جديد إنى أبدأ م البدايه
مكنتش أتصور إن تبقى دى النهايه
كل حلم عشته معاك دلوقتى بحققه
بس ليه البعد عنى لسه مش مصدقه
لانك انت حبيبى ولسه جوايا
مكنتش أتصور إن تبقى دى النهايه
إنى أعيش من غير عيونك
إنى أبدأ م البدايه
بس اعمل ايه نصيبى وراضى بيه
كل كلمه حب ليه جوه فى قلبى تحيه
بكره هحاول اعرف طريقى
بس اعرف ان انت حبى الحقيقى
اللى اتولد م البدايه وهيفضل ف قلبى للنهايه

10 comments:

الازهرى said...

من أجمل الحاجات اللى انت كتيتها

وهادية جدا فى كلماته

تحياتى للقلم المبدع

حـــــ الــجــنــة ـــــور said...

بس اعرف ان انت حبى الحقيقى
اللى اتولد م البدايه وهيفضل ف قلبى للنهايه


اجمل شي يفضل الحب زي ما ابتدى


تحياتي لإبداعك يا طيب

kochia said...

الفكرة بتحصل كتير في الواقع دلوقتي
يعني رصد لحالات..
بس مش عارفة ايه الحب اللي بيتقطع كدة وكأنه مفيش
انما الصياغة حلوة ومعبرة

لبنى غانم said...

جميله اوي

تحياتي ليك

:)

romansy said...

الازهرى
اهلا بيك يا صاحبى اخبارك ايه
ربنا يخليك
يارب

romansy said...

حـــــ الــجــنــة ـــــور

اخبارك ايه يا حو ر
يارب دايما تكونى بخير

واجمل شئ اننا نبدا صفحه جديده
بالحب

romansy said...

kochia
اهلا بيكى
الحب اللى بتقطع دا بيكون تفكير خاطى من الطرفين
بس ربنا يقرب لينا الخير دايما يارب


تحياتى

romansy said...

لبنى غانم

اهلا بيكى

شرفتى المدونه


تحياتى

mail said...

احياناً بيكون البعد ارحم من نار اللقاء
http://www.4exvision.com

romansy said...

mail

بس اللقاء يفرق كتير قوى قوى