Wednesday, October 27, 2010

عارفه


عارفه لفين الريح وخدانى ؟
لبلاد بعيده لحبك
طريق جوايا وف وجدانى
بس اوصل بر قلبك
يا حبيبتى عارفه واديكى شايفه
ياللى هواكى ف كل كيانى
يا مالى الدنيا بكل حنانك
بقول للحزن خلاص انسانى
من يوم ما عرفت يا حبيبى مكانك
يا حبيبتى عارفه واديكى شايفه
ياللى زرعتك حلم جميل
وانا متعلق بين احضانك
بستان فل ف حضن الليل
عمرى وهبته يا غاليه عشانك
يا حبيتى عارفه واديكى شايفه

9 comments:

صيدلانيه طالعه نازله said...

ما اجمل الحب
و ما اجمل وجوده فى حياتنا
نعمه كبيره من ربنا
لا يدركها الا من لا يحب

تحياتى على الكلام الجميل

gogo!sf said...

جميله اوى يا احمد

ربنا يسعدك دايماً ويسعد قلبك

تسلم يا رومانسى

همسات وبحــ الحياه ــر said...

جمييل اوى

بس تعالى هنا
يعنى اخرتى موز على اسا انى نسناسه
ماشى يااحمد هههههه
الحلقه الجديدة نزلت علفكرة

الازهرى said...

ياللى زرعتك حلم جميل
وانا متعلق بين احضانك

جميلة جدا جدا جدا


تحياتى دوما

romansy said...

صيدلانيه طالعه نازله
اهلا بيكى يا دوك
نورتى مدونتى المتواضعه
نحتاج دائما الى الحب لانه يقودنا احيانا الى النجاح

romansy said...

gogo!sf

ما اسكت الله لك حسا فين الرغى الكتير يا جوجو

يلا الحمد لله

romansy said...

همسات وبحــ الحياه ــر
ماشى ايه يا بت يا منديلى الحلو بس بزمتك مش حلو والموز احلى

romansy said...

الازهرى

ايزيك يا صاحبى دا من ذوقك يا باشا

ربنا يخليك يارب

Selfmeaning said...

جميلة جدا جدا

بجد ربنا يسعد قلبك دايما